بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي
السلام عليكم ورحمة الله وبركاته
شكرا لكم ع المرور الجميل ..:eh_s(6):
ان شاء الله كلكم بخير و صحة و عافية
اخوي اليوم الصبح ويا عياله خطفوا ع البيت
و تغذوا عندنا و كالعادة لعب و سوالف
يوم بغى اخوي يرجع البيت العيال رفضوا .. يبغون يرقدون عندي
عشيتهم و و قعدوا ع النت يلعبون
صعب تهتم فالصغاريه .. كلهم براءة و شطانه
تلقاهم يتضاربون و يصيحون ويضحكون و يتراضون بروحهم ههههه
قبل شوي اقول حقهم سيروا ارقدوا ..اونه حمود يقول فبيتنا انا و سلطان لازم نتضارب قبل ما نرقد
و انتي ما تخلينا نتضارب فما نقدر نرقد ..<< بصراحة اغرب عذر سمعته في حياتي ههه
و شي غير متوقع ان قوم اختي بعد ياوا بيتنا ع ساعة 10و هم بعد بيرقدون عندي اليوم
تعرفون احلى شعور انك اتكون خال او عم .. اتشوف عيال اخوانك يتضاربون عشانك
واحد يقول هاي عموتي و الثاني يقول هاي خالتي انا ..الله يحفظهم يا رب
احساس عجيب صراحة ..فديتهم انا والله