#خوله وناصر قصه حب حقيقه ((في دبي))#

رد : #خوله وناصر قصه حب حقيقه ((في دبي))#






-----وجاااا ء اليوم الموعود-------

ناصر: صارت الساعة سبع ونص يا بويه تأخرنا ترا المطوع مستعيل
الاب: المطوع ولا المعرس؟؟
ناصر وهو شاق الحلج: الاثنين
وركبو السيارة.. وناصر متلعوز لانه هو اللي يسوق كل ساعة يطالع عمره بالمنظرة عن تخترب الغترة اللي مثبتنه بالنشا
وقبل لا ينزلون من السيارة خلص العطر على كندورته...السودة الاب: اح ححح .خنقتنا حشى ها ملجة وجي عيل لوعرس
ودخلو الميلس.... وتم المطوع يسال ناصر عن راييه وبعدين سال حارب اللي سار عند خولة...دق باب الحجرة: مسموح لنا ندخل ولا بس مسموح حق بعض الناس خولة: حياك تفضل.. حارب: تبارك الرحمن...شو هالزين كله والله وطلعتي احلى عن اسموه ....اوه اسموه انتي هني
اسما: ادري بها خولة ما شاء الله عليها الله معطنها جمال .... مب انت ما ادري على منو طالع؟؟
حارب ضحك على اسما ولعوزها شوي المهم..... حارب: يا بخت بعض الناس بج....هاه خولة حبيت اعرف رايج
خولة نزلت راسه وهي مستحية..... حارب: عيل اعتمد السكوت علامة الرضا
خولة: موافقة
وظهر عنها حارب وسار الميلس وبشرهم......ومر الوقت وهنادي من زود الديدان اللي فيها ما خلت اغنية الا ورقصت عليها....وخولة تضحك عليها وعلى حركاتها ويو ربع خولة بالمدرسة وباركو لها وهلها باركو لها بعد
ناصر يتريا على نار.....ما رام يود لسانه...: حارب اقولك تاخر الوقت تراني تعبان تعرف من الصبح ناش حارب وهو رافع حياته:اها تعبان عيل في امان الله خوي سر ارتاح وتعال باجر
ناصر: لا بس ..اقول لك يعني .... تم حارب يضحك ويقول له انه احين بيتصل بهم وبيخبرهم
واتصل حارب باسما ....وكل وحدة لبست عباتها وهنادي تحرطم : اف حسافة على التسريحة اللي مسويتنها احين بتخترب وحمود ما شافني بها

اسما: عيل انا شقول اللي حارب متحلف لي اني ما اخرب تسريحتي....
المهم....سارت هنادي عند خولة... وحبتها ... وتمت تلعوزها شوي
كلولوووش ... ارتفعت اصوات الحريم باليباب... ودخل ناصر وهو كله ثقة وشاد ظهره شوي بيستوي طك لظهره ان شداه اكثر عن جي....وما تطالع لا يمين ولا يسار.... بس عيونه كانت على خولة اللي انبهر بجمالها... وما عنده صبر يوصل عندها..... واول ما وصل سلم عليها
خولة حست برعشة بجسمها ... وهو ذاب من نعومة يدها... قلبه ما طاوعه انه يهد ها لولا نظرات الحريم
المهم ... تمو يتصورون هو يجرب من عندها وهي تبعد هو يجرب هي تبعد.... لين ما يود يدها.... فما لقت حيلة
ويه دور الشبكة الالماسية اللي تبرق من على بعد50 ميل..... لبسو بعض الدبلة والساعة والاكسسوارات الثانية مع انه تغربل بالكواشي.... وخلو العقد لآخر شي
ناصرشل العقد وهم انه يلبسها... وخولة ودها انه الارض تنشق وتبلعها.... ناصر ما عطى الوقت فرصة لوى عليها ... وهويلبسها همس باذنها: خولوه
احبج..... وحبها على راسها.... وكل اللي بالصالة كلولووش..وهنادي واسما يضحكون على ويه خولة اللي صار اخس عن الطماط لولا كريم الاساس.... خولة عيونها دمعت من زود ما انحرجت
وعقب ما روحو الحريم.... دخل حارب وسلم على اخته وعلى نسيبه ...ووصى ناصر بدلوعتهم خولة
ووداهم الميلس وخلاهم بروحهم
ناصر وهو يطالع خولة: مستانسة؟
خولة وهي منزلة راسها: انت شرايك؟
ناصر: انا رايي اني احبج
خولة: بس عاد
ناصر وهو يلعب بشعرها:لا حياتي...احين انا ريلج... يعني على كيف كيفي اغازلج
تبتسم خولة بخجل وتبعد راسها..........
ناصروهو يجرب راسه من اذن خولة ويهمس بذنها: خوالي ... ودي اغني لج
خولة: غرررررد
ناصر بصوته المبحوح العذب الشجي: اليوم طالع قمر في طلتك يا ســـــــــــــــــــلام
حلاك بين البشر واخذ ت مشي الحمام يا ارض احفظي ما عليكي حبيب قلبي حضر
يا ارض احفظي ما عليكي اليوم طالع قمـــر
ويوقف ويجابلها : شفتك وضاع الكلام ضيعتي حتى الغزل
وهويمسك ايدها ويحطه على خده ويطالعها: اعذرني والله جمــالك ما خله فيني عقل
فجاة يحط ايده على قلبه : وقفت قلبي بسحرك ياروحي والله ستر
وتبتسم خولة من اللي سمعته واول ما يشوف ابتسامتها يقووول:
يا عيني على الابتسامة تمشي وسهامك تصيب اللي يشوفك يقوووووول يا بخت راعي النصيب وهني هو يعدل غترته ويشد ظهره وينفخ صدره
وخولة تضحك ... لكنه يقول لها: تعرفين بقى شي واحد وهو (( يموت بك من يشوفك ..... لوكان قلبه حجر))
صدقيني خولة.... هالاغنية وانا ياي سمعتها .... وعلى طوووول حفظتها حبيت اني اغني لج اياها
خولة وبكل خجل: تسلم
ناصر: الله يسلمج انتي... عسب انا اسلم يا غناتي
خولة:................
ناصر: خولوه.... ظهري على حقيقتج وين الكلام اللي كنتي تقولينه لي بالتلفون؟؟؟
خولة: انزين هذاك كان تلفون ..... واحين غير
ناصر: عيل سيري هاتي موبايلج ..... وبتصل بج
خولة: جد؟!
ناصر: لا خال ههههه هيه جد ارمس ما اباج تستحين مني اباج تكونين مرتاحة وياي
خولة: ناصر .... شوي شوي عليي
ناصر: مو مني من قلبي المتيم بج
خولة اونها تبا تغير السالفة: ناصر عقب كم من يوم مباراة العين والوصل.... قول امين ان شاء الله الوصل يفوز
ناصر وهو يبا يقهر خولة مثل ما قهرته بخجلها:امييين يارب البنفسجي يفوز
خولة وهي مغيظة: طلعت عيناوي حضرتك .....
ناصر: ايه هذا اول يوم لنا وبتضارب؟!!! بعدين انا قايل لج اني عيناوي
خولة: تحريت انك غيرت رايك وصرت وصلاوي .... يعني على الاقل عشاني
ناصر وهو يضحك: عناد .... غصب عن الكل انا عينـــــــــــــاوي
خولة وهي في قممة غيظها: عيل انا بعد وصلاوية غصب عن الكل
ناصر وهو رافع حياته: انزين, وبعدين ؟
خولة: ما شي ماشي ... عندي امتحان باجر
ناصر: افااااا.. انزين قولي لي اذلف مرة وحدة
خولة وهي منحرجة :لا اسمح لي.....مب قصدي وبانفعال شديد: بس انا وصلاوية وبتم وصلاوية ووعد مني ان فاز الوصل ( يارب امين) لك مني اللي تباه
ناصر وبنظرة خبث :اللي اباه ... اوكي ..بس انا عيناوي لكني بشجع الوصل
خولة: لا تصير بو ويهين
وتمو على ها الحالة يتضاربون وكل واحد فيهم متمسك برايه.........لين ما تاخر الوقت..... واتصلت ام ناصر بناصر....وقالت له انه عيب عليه يتاخر لها الوقت..........
ناصر: خولة حياتي .... تمي يا سة لاني بتصل بج
خولة: ان شاء الله انت تامر امر دام انك وصلاوي
ناصر وهو ميودنها من خشمها:اوهو كلهم عيال البلاد....المهم انا عيناوي ولا تحاولين
خولة: آآآآآآآآآي خلاص انزين انت عيناوي بس هد خشمي كح كح كح ك ح........ خنقتني
ناصر : ههههه انزين ديري بالج على عمرج ...وذاكري عدل وبسرعة..... اوكي مع السلامة
وهو يحبها على خدهه0000 خولةاحمررت
---------وتمر الايام والاشهر.....الى شهر امتحانات الثانوية العامة----وفي ها الشهر ناصر بغى يتخبل.....خولة مسويه له طاااااااف...ما ترمسه الا للضرورة القصوى....وما تظهر وياه ... كله مجابلة الكتب كل همها النسبة.... وناصر ما يقصر مخليها على راحتها ويشجعها ,,, ويوصلها المعهد( معهد كله بنات وويدرسونهن ابلوات0000شرط) ..... وهو يمشي بسرعة 60 او 80 ويوم خولة تقول له اسرع يقول لها لا تبيني احصل مخالفة .......
خولة خلصت الامتحانات وفتكت من هم الدراسة لكنها تحاتي النسبة والعرس..... ويوم النتايج ... يست خولة على اعصابها ... وناصر ميود كاميرا فيديو يبا يصور المذيع وهو ينطق باسم خولة.....وتطلع النتيجة.... خولة تسجد لربها شاكرة على نسبتها (95.5) وناصرمن الصوب الثاني متخبل على تفوقها ومتخبل اكثر انه خلاص خولة ما عندها أي حجة احين......وحارب يسو لها حفلة عائلية (عزيمة)على تفوقها






(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

رد : #خوله وناصر قصه حب حقيقه ((في دبي))#

رد : #خوله وناصر قصه حب حقيقه ((في دبي))#

اعتقد بتكون نهايتها سعيده ......


ننتظر البارت الاخير الغاليه ...

يعطيج العافيه ...



رماااايل

رد : #خوله وناصر قصه حب حقيقه ((في دبي))#






ياامرحباااااابج معااني

شااكره لج متابعتج يالغلا وانتظري الجزء الاخير ^_*





(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

رد : #خوله وناصر قصه حب حقيقه ((في دبي))#






رماايل

حياااااج الغاليه

اسعدني هالتواصل ولا عدمنااا هالطله ^_*

الحينه بنزل الجزء الاخير انتظرونـي ،..

اتمنى ان تعجبكمـ ..

^_^




(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

رد : #خوله وناصر قصه حب حقيقه ((في دبي))#






الجزء الاخير .. ^_^



=== وعقبها بثلاث اسابيع=====
هنادي: حرة حرة ... بعرس قبلج
خولة: يحليلج بتعيزين قبلي
هنادي: لا لا لا تحاولين .... حرة حرة
خولة: الحمد لله والشكر تقولون مب مصدقة انها بتعرس! الا تعالي .... انتي اللي اخرتي يوم عرسنا ياللي ما تستحين
هنادي: انزين اهون عليج اني ما آي عرسج ؟! تراني بكون في الهاني منث
خولة: انزين تمو لين عرسنا عقب سافرو
هنادي: نو نو نو وي.... أي ونت تو سبنت ماي هاني منث ونحن فرش على زواجنا ... وبعدين على شو مستعيلة انتي؟
خولة وهي تغير السالفة: اشوفج تلعلعين بالانجلش ؟
هنادي: باجرو... مو عايبنج؟
خولة: اوهو ما عرفنا لج عربي.... انجليزي ... عيمي... وشو بعد؟
هنادي: كمستكا مدام .... هههههههههههه ويضحكووووون
=== يوم العرس===
ناصر: حمود ... والله وصرت ريال
محمد وهو ميودنه من جتفه: شو مب تارس عينك يا الهرم؟
ناصر: ههههههه قصدي انك صرت ريال بتعرس يعني
محمد: يابوي قول معرس وفكنا.
ناصر: معرسنا ان احتجت شي ولا شيات ترا ما يردك الا لسانك.
محمد: والله فيك الخير.... تسلم
ناصر: الله يسلمك ..... الا تعال عزمت الربع ولا بعدك؟
محمد: هيه عزمتهم ... وبغيت اتخبرك عن ظاعن عسب اعزمه.. عاد اللى فات مات
ناصر: صدقت.... بس انا مادري عنه؟ مممممم شرايك بسال خال عيالي عنه؟
محمد: اوكي اسال خال عيالك على قولتك
واتصل ناصر بحارب........
ناصر: اقولك .... ظاعن وين اروم احصله؟
حارب وهو متضايج: بالمستشفى
ناصر : المستشفى!!!!!!
حارب:هاه يزات اللي ياخذ الدنيا لعب
ناصر: مو الله هداه واصطلب احين
حارب: عقب ما فات الفوت
ناصر: ليش شو بلاه؟
حارب: عنده الايدز عافانا الله مما ابتلى به الاخرين
ناصر: افااااااااا ..... لاتقول ....عيل الواجب انه نزوره
حارب: لا تحاول ما نعين عنه الزيارة..... حالته صعبة بس اطلب له الرحمة
ويسكر ناصر عن حارب..... فجاة يتذكر رمسة ظاعن يوم قال له انه يوعده انه ما بيشوفه خير شر
=======وتمر الايام وتمر..........
ويطوف عرس هنادي ومحمد اللي سوته خولة مناحة هي وهنادي

--------- يوم الخميس ...بقاعة الملتقى بالمركز التجاري------------

تطل خولة بفستانها الابيض المنفوووش .... والابتسامة لا تفارق شفتيها .. تطل بشعر كانه ليل كسا الدنيا دجاه000 حالك متحدر كانه نهر...
يحسبه الناس حرير منسدل ... لكن الحقيقة هو حرير من شعر....
على اغنية.....( كلوووولوووووووولوووووووووووي................كلولول ولولولوووووووووووي
الف الصــــــــــــــــــــــلاة والســــــــــــــــــــــــــــــــــلام علــــيك يا حبيب الله محـــمد
حد منكم شاف بالدنيا بدر 0000 مقبل يمشيومن حوله بشر
من حلاه يزف للناظر ضياه0000 ان ظهر للناس ولا ما ظهر

هذا بدر ما هو بدر ليل يختفي 000 مع طلوع الصبح او بزوغ الفجر
اوبدر يصبح بعد مدة هــــــلال000هذا بدر مكتمل طول الشـــــــــــهر

هي عروس النور في هذا الزمان 000 هي ملاك بس في صورة بشر
من غلاها نقول صلوعلىالرسول000 ياللي شفتوها بقلب ونظـــــــــر
الف الصلاة والسلام عليك يا حبيب الله محمد.....
الكل يصفق
الله يانورفي ها الدنيا نراه 00 مستحيل ان نشوفه في بشر
والتقت شمس الظهيرة بالقمر 00 وفي محياها بدا الصبح الضيا
مشرق وخدودها واحة سمر 00 والعيون اللي كما عيون المها
يمتزج فيهاالبراءة بالسحر
الليلة الليلة محلاها الليلة..... الليلة الليلة حلوة وجميلة
الليلة الليلة محلاها الليلة
وتوصل خولة الكوشة.... هنادي: يابخت نصور بخدو يا بخته
خولة: ثمني كلامج ... اسمه ناصر
هنادي: اوه اوه ما ترضى عيل انتي بعد لا تقولين لحمادة حبيبي حمود
خولة: وانا متى نطقت باسمه انه حمود
هنادي: هاه توج قلتي
خولة:ههههههههههههههههههههههه والله ما تيوزين
وييون ربعها وابلواتها وهلها ويباركون لها

وعقب ما مر الوقت......... فجاة يدخل ناصر وابوه وحارب..... على اغنية
يامرحبا يا مرحبا الساع يا بوعيون سود ووســــاع (عيونه عسلية)
اقرب تفضل وسط قلبي لك في سويدا القلب مرباع
تعال يعل الله يخليـــــك للقلب بك هام والـــــــــتاع
القلب يتشرف بجيتــك ويقول لك يا مرحبا السـاع

ويوصل عند خولة .... الابو وحارب يباركون لناصر وخولة اللي صاحت يوم حبها على راسها حارب
محمد: هنادو.. صدقيني عندج خمس دقايق بس ان ما ظهرتي يا ويلج
هنادي وهي تصيح : حرام عليك ... ها عرس ربيعتي الغالية ..اهئ اهئ
محمد: بععععععععد بتسوونها مناحة.... انا اقولج حبيبتي اظهري عسب لا تشوفج وتتاثر
هنادي وهي تمسح دموعها: انزين بعدهم ما قصو الكيكة... ابا اشوف كيف بيوكلها
محمد وهو منقهههر على معصب على انه يحاول يكون هادي: هنادي حبيبتي سمعي كلام ريلج وظهري لاني تعباااااااااااااااااااااااااااااان
هنادي: انزين ما تبا قطعة من كيكتهم ترا شكلها حلووووو ولذيييييييييذ احسه
محمد: هنادي نتي تبين تمين عسب خولة ولا الكيكة حاطة عينج عليها
هنادي: ههههههههههه بس انزين لا تغيظ لاني هني... ويصد محمد يشوفها وصلت السيارة... هنادي: اصلا انا ما بغيت اتم... ما روم تحمل انه افترقنا
محمد: حتى وانتي متضايجة ما تيوووزين .... ها اللي احبه فيج
هنادي: ثانكس.... بس تعال؟ ما بيسوون مسيرة؟
محمد: يا عيني عليك يا ناصر..... مسيرة عرسه ومسيرة فوز العين
هنادي: اش لا تسمعك خولة
محمد: ههههههههه ....

المعاريس عقب ما خلصو التصوير ..... ركبوهم ليموزين اخر موديل .............. وسوو لهم مسيييييييرة لين شقتهم ببرج العرب.
وبذلك ... عاش كلا من خولة وناصر بسعادة وهناء ... بعد صبر طوووويل


.................................



اتمنى ان تنال على اعجااابكمـ،ـ جميعااا..

وبالتوفيق لكل اثنين.. ^_^

بانتظار الردود..





(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

رد : #خوله وناصر قصه حب حقيقه ((في دبي))#

والله وحرقتي أعصابنا يا غزوووله لين ما قريناها كامله

قصه روعه

واسلوب أروع

تسلمي

تحيااااااااتي

رد : #خوله وناصر قصه حب حقيقه ((في دبي))#

رووووووووعه القصهـ ...

وعسى ايام الجميع كلها سعاده وحب وفرح ...

تسلمين غزولهـ عالقصهـ الفنتكـ...

وعقبال ما نفرح فيج..

رد : #خوله وناصر قصه حب حقيقه ((في دبي))#





قصاصه براقع

شااكره لج هالطله الروعه يالغلا والحمدلله
ان القصه عيبتج ^_*

لاعدمنااااااااااااج..

^_^




(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

رد : #خوله وناصر قصه حب حقيقه ((في دبي))#

عجبتني القصه

اهم شي ان نهايتها حلوه

تسلمين الغاليه وننتظر يديدج


اجمل التحايا



رمااايل