قرارات جامعة الإمارات

[سعود]

السلام عليكم ورحمة الله وبركاته



مثل ما يعرفون الشباب والبنات ..



قامت جامعة الإمارات العربية المتحدة بتغيير سياستها اللتي حددها الشيخ زايد بن سلطان آل نهيان (حفظه الله وعافاه بإذنه) ..



أولا .. قامت بتغيير المناهج من العربية إلى الإنجليزية .. وتبيّن صحة هذا القرار نظرا إلى توجهات العالم العلمية واللغة المستخدمة ..



أما الآن .. وهذه هي الموضة الجديدة ..



تقوم بابتلاع المال من أي مصدر كان ..



مثلا ... فإنها قد اعتمدت قرار إعارة الكتب .. أي إنه يتوجب على كل طالب أن يعيد الكتب التي يحصل عليها في كل فصل بعد انتهاء الدراسة .. ودفع مبلغ 25 درهم عن كل كتاب .. وإن لم يفعل .. فإن تسجيله يعلق في الفصل الذي يليه ..



لكنني سمعت في الآونة الأخيرة .. أنها على صدد اعتماد قرار يقول :



يتوجّب على أي طالب يرسب في مساق .. أن يدفع مبلغا وقدره 2500 درهم ليعيده ...



كان الخبر كوقع القنبلة ..



تفاجأت !!!!!!!



وأي مفاجأة كانت !!



أتمنى من طلاب جامعة الإمارات المشاركة والإدلاء بآرائهم ..



لأن الوضع خطير حقيقة ..



وشكرا ..

























سعــــــــــــــــــــــود

 

[وصايف]

مشاركة: قرارات جامعة الإمارات

اللـــــــــــــــــــــــــــــــــــــــــــــــــــــــــــــــــــــــــــه يعيناااااااااااااااااااااااااا بس

كل اللي سمعتة وقريتة يا أخ سعـــــــــــــــــــــــــــــــــــــــود صح بس شو نسوي الصراحة تضايجت واااااااااااااااااااااايد بسبب ها الأصدارات اللي صدرتها جامعة الإمارات

ليش ؟؟؟؟؟؟؟؟؟وكيف؟؟؟؟ وشو سبب كل هذاااااااااااااااااااااااا؟؟؟




أريد بس أجوبة اللأسئلة اللي طرحتهاااااااااااااااااااااااااااااااااا


في ناااااااس يالله يالله يحصلون لقمت عيشهم .....ويدورونها من ورا الدولة .....بس أنا أشوف العكس الدولة دور مصاريفها من ورا الفقرا المواطنين بس والله حاله



الصراحة أنا ما أدري أضحك ولا أبكي على ها الحال





الله كريم

 

[جيفارا]

مشاركة: قرارات جامعة الإمارات

لا حول ولا قوه الا بالله


اقول انا بفتح جامعه وببلاش بس المواد الي تتدرس ماده كيفيه حفظ القران مع التجويد وماده السنه النبويه وماده اخر الزمان



التسجيل نصف السنه


المواصلات متوفره والسكن متوفر وكل ما تحتاجونه



جيفارا في خدمتكم

 

[سعود]

مشاركة: قرارات جامعة الإمارات

لو منهم ..



كنت قررت هذا المبلغ للي يبون يسجلون صيفي أو شتوي ..



مثل ما منعوه بسبب التكاليف ... يرجعونه بس على شرط أن كل طالب يريد يسجل يدفع مبلغ معيّن ... ما فيها شي .. وبالعكس .. عشان هذا .. الشباب بيسوّون اللي يقدرون عليها عشان يسجلون في الصيفي ..



حرام الصراحة ..



أمس كلمت عمي .. استقال من الجامعة .. كان نائب المدير العام لشؤون التخطيط ... وسألته عن هذا الموضوع ..



جاوبني وقال: أنا تكلمت مع الشيخ نهيان قبل وفترة والدكتور هادف ... وقالوا أنهم محتاجين لفلوس ...



والله حاله .. ميزانيتهم 800 مليون كل سنة .. ويقولون محتاجين .. الله المستعان ..






















سعــــــــــــــــــــــــــود

 

[عاشقة جميرا]

مشاركة: قرارات جامعة الإمارات

موفقين يا شباب وشابات جامعه الامارات

زين بعد في تطور .......

سلامي و تحياتي
عاشقة جميرا

 

[سعود]

مشاركة: قرارات جامعة الإمارات

اختي عاشقة جميرا ..



الله يعين .. شكلنا رايحين وطي ...



والسموحة ..




















سعــــــــــــــــــــــــود

 

[العوسج]

مشاركة: قرارات جامعة الإمارات

الله يعينكم شباب وصبايا


بس شدوا حيلكم ... ولاترسبون..


أنا اشوفها سياسه ما من بعدها سياسه.

كل ها عسب ماترسبون ياحلوين.

ها

شدوا حيلكم بوي.

 

[أميرة الحب]

مشاركة: قرارات جامعة الإمارات

الله يعينـــا الصراحه ... لا والمشكله انهم قالوا بيحولون مجتمع الإمـــارات انجليـــزي .. عااد ليش انجليزي ما ادري بعد مساق عن الإمارات اشله بالإنجليزي يعني اشوف بيكون ما منه فـــايده .. وعن الرسوب بالمساق فاعتقد انها اشـــاعه والله أعلـــــم .. يحلينا كنا ما نخلي شيء إلا ونكتبه بالكتب .. الحين فشله الكتب بترد لهم ..الله يعينااا وما ندري بالدفعات اليايه شو بيكون ..

 

[ظمـــــــاي إنت]

مشاركة: قرارات جامعة الإمارات

هــــلا اخووووي سعـــــووود


شكرا لطرحك هالموضوووووع


الصـــراحه حبيت اقوووول شىء

اللي اعرفه ان كل كتــــــــاب وقيمتـــــــه يعني هب كل كتاب ب25

الله يعيـــن بنــــــات الهندســـه واللغه الانجليزيـــه كتبهم واااااااااااايد كبيــــره وبتوووووصل للالااااااااف


واللـــه المستــــعـــــان اذا حد عنده خلفيه عن هالموضوووع يخبرني لان البنات وايد يرمسووون الصـــــراحه

وبعديـــن سالفه الباصـــات بيسوونهـــا بفلوووس بعد


هاللي سمعتـــه كل اربعاء وجمعـــه يدفعووون يوم سايرين للبلاد 30 ويوم راديــــن 30

يقوولووون في لستــــه طويلـــه بعد للاشيـــاء اللي بفلووووس بس بعدهـــا ما انطرحــــــت

والله يعيـــــــن الصـــــــراحه









... ~][^][®][King of Love][®][^][~ ...

 

[ذياب]

مشاركة: قرارات جامعة الإمارات

مرحبا سعود الله حيك خوي ويا هلا ويا مرحبااااااااابك الطيب وعن المشكله يا اخوي ما عندي علم امره بالموضوع والله ايعين الطلاب الي يدرسون على حسابهم شكلهم كلهم بيحولون الجامعه الامريكيه في دبي ولا الشارجه وان شاء الله يا اخوي لو عرفت شي فالموضوع برد اكتب لكم >>> الله ايوفج الجميع ان شاء الله...



مع اطيب التمنيات,,,


ذيـــــــــــــــــــاب...