~*¤®§(*§ الـرمـق الأخـير §*)§®¤*~ˆ°

[غزالة الجبال]

~*¤®§(*§ §*)§®¤*~

فيني غرام فوق محمول صبري.... وفيني خيال فوق تصوير الاحلام
صباحي اسرح لك وفي ليلي اسري.... واذا هجع فكري خفوق الهوى قام
والله مالي غير الاشواق عذري... واللي عرف شوق المواليف مالام
يا من يبيع الصبر ياناس واشري... محتاج كل الصبر واصخي بالاثيام
يا مالك امري ومن نواياك امري.... ارحم خفوق عن هوى غيركم صام



~*¤®§(*§ §*)§®¤*~

القلب طير ورغبة الطير تحليق... ضاق الفضا به والجناحين له عوق
لا من كفخ صارت عروقه مسابيق... والصدر من مابه مغارات وفتوق
فرخ الحرار موالف للشواهيق... دايم مراقيبه على الوكر من فوق
اشتلت من ضيق الصدر فوق ما اطيق... وغنيت للضيقه على كل طاروق
وعسى غناي يبدد الهم والضيق ... ويسلي اللي هام من فقد معشوق



~*¤®§(*§ §*)§®¤*~


ابتبعك وانا فيك مفتون... لو زرت باسبابك حياض المنيه
الحب ذا شي على الناس مفنون... اللي وطا الاول طريقه عليه
اللي يعرفون الهوى لي يعذرون ... يدرون ما بالحب ذنب وخطيه


~*¤®§(*§ §*)§®¤*~

لا واهني اللي للاحباب يرجون... وانا انقطع حبل الرجا من يديه





~*¤®§(*§ §*)§®¤*~



أصدق من الحب احبك واعذب عذوبه... احسك بروحي وروحي تسكن آهاتك
كم قلت ابنسى الخطايا نوبه ونوبه... وعساني أرضي غرور الحب في ذاتك
ولو المشاعر سؤال الذنب والتوبه.... تقفي وتقبل مداها في مداراتك



~*¤®§(*§ §*)§®¤*~

قلبي يبي وقت لو الوقت ما طاعه.... وعيني تبي شمس لو الشمس تعميها
ونفسي مثل باقي الجواد طماعه.... أبي أجدد على الفرحة لياليها
لا شك الأيام للفرحات مناعه.... لو نورت ليلة عشرين تطفيها
يظهر ثبات الفتى والنفس مرتاعه... خوف على اللي نحبه من بلاويها




~*¤®§(*§ §*)§®¤*~

تعطيني الود والا تاخذه مني... يبلغك قلبي المقفي تحياته
اليوم يا صاحبي رد الخبر عني... ما يرخص الغالي الا كثر غلطاته
جارت علي الليالي واخلفت ظني.... والحب ما عوض المجبور ما فاته


~*¤®§(*§ §*)§®¤*~

يا الله قد ما تاخذك دنيتك غب... والله ما تلقى بصنفي ولوني
ما مرة خالط شعوري لك الكذب... ولا خدعتك يا معذب جفوني.
يا ما رويتك بالهوى حلو وعذب... ولا تحرك غير عينك شجوني
ما اقول عن فعلك وعن غيبتك تب... بالعكس جرب كيف تحيا بدوني




~*¤®§(*§ §*)§®¤*~


حنا بنينا حبنا في زمن طاف... واليوم كلمة حب تعني سخافه
لا تحلمين بها الزمن صدق وانصاف... عيشي وحيده لا يمسك جفافه


~*¤®§(*§ §*)§®¤*~


مكتوب رحلة شقانا فوق مكتوبه... مكتوب نحيا نموت نحب ونعادي
ويبقى عذاب القدر مع كثرة عيوبه... عادي من اجلك بعد واكثر من العادي
ايضا وتبقين في دنياي محسوبه.... زهرة ربيع العمر موتي وميلادي


~*¤®§(*§ §*)§®¤*~


والله وفيك الخير يا جرح الايام... والله لاموت وموقفك ما نسيته
خاويتني والعمر خمسة عشر عام... وش عاد باقي فالوفا ما عطيته
يا كبر معروفك وياكبر الاحلام... وفيت معروفك وانا ما وفيته



~*¤®§(*§ §*)§®¤*~

احسب انك مجمع لي سوالف غرام.... مثل طبعك من جروح السوالف حياوي
لين شفتك تصدد ما ترد السلام..... قلت وشهو جديد مكثرين الحكاوي
طفوا النور باسم الشور ظلم وظلام.... ما نسوا والبسوا وجه الحقيقه غشاوي


~*¤®§(*§ §*)§®¤*~


قلت اعتزل وابعد عن الهم واغيب... لا صار مفروض علي اعتزالي
وتودي الدنيا رجاجيل وتجيب...ولا احد بلا يمني اذا ضاق بالي
ما شوف قدامي حفاوه وترحيب... واسأل ولكن من يجاوب سؤالي
عندي من الايام خبره وتجريب... وانا السبب في كل شيء جرالي


~*¤®§(*§ §*)§®¤*~


كان الوسامه خدعة الشكل والزيف... فانا بري من اتهام الوسامه
وان كان فتح الصدر مثل المظاريف.... صدري ملي بالشرف والشهامه



~*¤®§(*§ §*)§®¤*~

بكره اطالع في الوجيه اتذرى.... واخذ بثار الامس بل واتمرد
بكره انزع اللي في خفوقي تفرى... واخذ ديوني عد واضعاف العد
بكره اكتم اللي من سكوتي تذرا... واقول بدري هكذا صفعة الخد
اما لبست العز والا تعرى... احسن ولا ابقى في مكاني مخلد



~*¤®§(*§ §*)§®¤*~

الحب كذبه وكل الخلق تشقا به... في ها الزمن حبنا مع الأسف كذبه
الحب وهم سرى فينا وعشنا به... والحب ذنب نماري به ونفخر به
نبدي الوفا والمشاعر فيه كذابه... نخفي الحقيقه وزيف القول نظهر به


~*¤®§(*§ §*)§®¤*~

من يوم جيتي عالمي صرت في هم... انتي خريف العمر ولا شبابه
ما عدت لا أجمع ولا اطرح ولا اقسم... لغزك صعيب وكيف نفهم حسابه
ليت القلم اليا عجز ما تكلم.. يقدر على وصفك ولو هي كتابه
ليته خبير يفك ذيك الطلاسم... اللي انقشت رسم الحلا والمهابه


~*¤®§(*§ §*)§®¤*~

كلمة سلام وصباح الخير كثرها...ترى لها وقعها في نفس مجنونك
ودي تروح وتجي حتى تكررها... ما مل منها ومنك وشوفة عيونك



~*¤®§(*§ §*)§®¤*~

نعم بعض الكلام اكثر صعوبه من طلوع الروح... نعم كل الجروح المرمسه ما قللت شاني
تعبت من الخيال اللي يجي مره ومره يروح... تعبت من الحقيقه تعبت احزاني من احزاني


~*¤®§(*§ §*)§®¤*~

ماهوب انا اللي به تروحين وتجين... اللي علوم المرجله من لسانه
انا حفظت الوجه من موقف الشين... صنته من اسباب المذمه صيانه
ماني باخون وجيه خطلان اليدين... المسلمين اهل الشرف والديانه
كيف امنك وانتي لبيتك تخونين... انا اعتبر تصديق حبك خيانه



~*¤®§(*§ §*)§®¤*~

يا بنت انا حالف ولو مرت اعوام... ما خون عهد الحب لو جا غروبه
اما اصدقي بالحب بشوق وهيام... ولا يقول من الهوى الف توبه



~*¤®§(*§ §*)§®¤*~

اشتقت لك موت واشتقت لسواليفك.. شفها الليالي عقب توديعكم ظلما
اللول والورد والروعه تواصيفك... والدهشة اللي على الحلوات بك تسما



~*¤®§(*§ §*)§®¤*~


لا تعيد السالفه فات الاوان... انتهى اللي بيننا خمس السنين
لا الزمان اذكرك فيه ولا المكان... ولا اليسار القاك درب ولا اليمين
انتقلت من الكيان الى اللسان.. من كياني في لسان الشامتين
انت عمرك لا تصون ولا تصان.... انت لعبه في يدين الشامتين




~*¤®§(*§ §*)§®¤*~

عانيت تكذيب وعايشت تصديق... وارضيت تشكيك وسامحت من لام
هذا ولاني دون كل المطاليق.... ايضا ولا مني حصل قطع الارحام
ولا هيب غاياتي خداع وتلفيق.... ولا هيب نياتي مكاسب والارقام
ايضا ولا ني من عداد المطافيق... العابدين انفوسهم مثل الاصنام



~*¤®§(*§ §*)§®¤*~


اشتكي للحظ والحظ اشتكا لي... معك عيا لا يجيب ولا يودي
ليت لو حظي بنسيانك سعا لي... او مشا لي معك في مقدار ودي
يا عذاب الروح قل لي وش خمالي... يوم سنيت الجفا جور وتعدي


~*¤®§(*§ §*)§®¤*~


تضحك لي الدنيا الى صرت جنبك.... وان غبت توقف دمعتي بين الاهداب
مثل الحياه اللي تحبين احبك... ولو غبت عنك صارت ايامي غياب
انتي لي الدنيا وانا صرت حبك.... لك في حياتي قصة مالها اكتاب


~*¤®§(*§ §*)§®¤*~


ترى غلاك اما حفظته يخليك...احفظ غلاك ارجوك قبل انعدامه
ارسم بفكرك مع فكر شخص يرجيك... خط الحياه اللي وراها سلامه
شخصيتك لا تنعدم مع مباديك... غيرك يخطط لك وتتبع نظامه
اعرف ترى العدوان من غير تشكيك ... كلن يبي حبك سريع انهدامه




~*¤®§(*§ §*)§®¤*~


ايوالله اني احبك دون خلق الله...ويحبك القلب واحساسي وما فيني
وانت القمر والقمر وشلون ابوصل له... لا من بغيته قصيره دون ايديني
وسيور الايام تجمع حل وخله.... وتنزل كل العوائق بينك وبيني
وانا احبك وكل الحب لك كله.... يا غالي مسكنه في قلبي وعيني



~*¤®§(*§ §*)§®¤*~


لا صرت ماتقدر تغير طبوعك... مانيب في طرد المقفين مجبور
ما عاد لي نفس تحمل رجوعك... ورع الهوى يا زين منهي ومأمور
اطفيت من عيني مشاعل شموعك... وخليتني مما جرى منك مقهور


~*¤®§(*§ §*)§®¤*~


الليل قلب حزين وجرح محبوبه.... وصمت يحاكي خفايا هم لوعاتك
لا صار ليلك غموض وتاهت دروبه... وشلون ابلقى نهاري في مسافاتك



يا ابيض القلب وش خليت للصبح.... ضحكة شفاك طارت بالزوايا



~*¤®§(*§ §*)§®¤*~


نسيت اقول لأيامي على هامان يا فرعون... نسيت أوقف الغربة وأعدل فيني أوضاعي
هلا بك دامني مثلك كسير وميت ومطعون... تعال اسكن في صمت ولا تنشد عن اوجاعي
تعبت اقول انا اعمى وغيري له ثمان عيون... كفا لاتنبش بجرح يقرب لوية ذراعي



~*¤®§(*§ §*)§®¤*~


كل جرح مسموح وكل ذنب مسموح... الا الغدر ما تجبر كسوره اعذار




~*¤®§(*§ §*)§®¤*~


حالي غدا مثل المساويك مبري... يا باري حالي ترى البعد ظلام
ادري بحالك وانت بالحال تدري... وعساك هذا العام احسن من العام


~*¤®§(*§ §*)§®¤*~


يا سيدي يا اللي من الصد ملتاع.... عل اللي بروحي من الهم يخطيك
يا ليت لي قلب واذا سيم ينباع.... وابيع لك وعد وطا الروح واشريك




~*¤®§(*§ §*)§®¤*~


اختلفنا كننا برد وصيف.. وانا والطفلة مع الشارع حفاه
طفلة قادت خطا العود الكفيف... ودها تاصل بيده للنجاه
تبتسم والقلب يا طهره نضيف... كل ما تمسك يده تسمع دعاه
واكتشف نفسي على جال الرصيف... بعد ما غابت وغابت بي الحياة


~*¤®§(*§ §*)§®¤*~


امشي وهمي جبل يمشي معي وين ما اروح.... ازريت اشيل الجبل وازريت لا افارق
كل الخطاوي تعب كل الليالي جروح... ارضي هجير وسمايه شمسها حراقه
ما غير روح التحدي في عروقي تفوح... قوة صمودي على جور الزمن خارقه




~*¤®§(*§ §*)§®¤*~


ما دام فيني نفس يذري وفيني طموح.... باب وراه اعتزازي طارقه.. طارقه
رغم امتداد التعب عيّا يموت الطموح... والشمس بكره ورغم انف الدجى شارقه


~*¤®§(*§ §*)§®¤*~


صوتك اللي بقا لي من ليالينا... عاد لو غاب صوتك ويش يبقا لي
صوتك الموج والمجداف والمينا... صوتك الاس لوني في خلا خالي
صوتك الذكريات اللي تدفينا... كل ما هل شفت العيد يبرا لي


~*¤®§(*§ §*)§®¤*~

يا مطّول الغيبات يا مطول الليل.... توي دريت انه سواد وجفيته
اثر النجوم اكثر من الجدي وسهيل... نجم كتب همي ونجم محيته
يا صاحبي عطشان.. عطشان لك حيل... مظمي وهمال السهر ما قويته



~*¤®§(*§ §*)§®¤*~


هذا انت ولا حمرة الشمس واليم.... ريح المطر ولا نسايم حنينك
يومك ضحكت وبشّ باوجانك الدم... قبل الغياب وكلهم حاسدينك
كن النهار اللي رسم للشفق فم... ضحكة ثغرك اللي سماها جبينك
هذا انت ولاّ من يضم الحشا ضم.... هذي يدين البرد ولا يدينك



~*¤®§(*§ §*)§®¤*~


ينجرح قلب لكن ترتفع هامه... والله اني لموت ولا انحنى راسي
لو رماني زماني وسط دوامه.... العواصف شديده والجبل راسي
انقل الحزن وامشي منتصب قامه... قاسي الوقت لكني بعد قاسي



~*¤®§(*§ §*)§®¤*~


كلك تعالي غلا ولا ارجعي كلك... بعض الغلا منك ما يستاهل الجيه
طالت وانا في رجا ليتك ويا علك.... اوراق بالذاكره واوراق منسيه



~*¤®§(*§ §*)§®¤*~

مثل الشجر دايم هامتي فوق... وما ارضى لغير الرب تنزيل هامة
انا بدوي لي فكر واحساس منطوق,,, وربعي لهم قيمه وقدر وكرامه



~*¤®§(*§ §*)§®¤*~


بعض العرب لي غاب ما احد درابه... حظه ردي وحبال حظه رديه
وبعض العرب لي غاب اثر غيابه... حظه قوي وحبال حظه قويه


~*¤®§(*§ §*)§®¤*~


الصاحب اللي غيّر اليوم ممشاه... بكره يعرف العود من شم ريحه
ما نيب راجي له ولا تابع ارضاه.... ما نيب قايل غير ربي يبيحه



~*¤®§(*§ §*)§®¤*~

ما همني ظلمك ولا غدر دنياك... لي عزة تفرض علي رفع راسي
ماشي ولا فكرت بمثلك وشرواك... درب الشرف فخري وعزي وناسي
جاهل وتجهلني وانا نار تصلاك... احرقك حرق النار بقدر النحاسي


~*¤®§(*§ §*)§®¤*~


حان الرحيل وبدّل الدار بالدار... مالي بدار نور عيني هجرها
اول وانا عايش بلاهم وافكار.. واليوم على نفسي تجدد كدرها
الارض ضاقت بي وعزمت الاسفار... عن ديرة اللي غاب عنها قمرها



~*¤®§(*§ §*)§®¤*~


ما كل من هو لك تبسم يودك... اسأل مجرب كان تبغى الحقايق
عندي نصيحه واسمعه كان ودك.... لا تنخدع بلسان بعض الخلايق
اللي الى من جار وقتك يهدك.... يمشي ولا كنك من احد الرفايق
تقوم له بإحسان ويقوم ضدك... ناكر جميل خوان منان بايق


~*¤®§(*§ §*)§®¤*~


قال الوداع وقلت هذا مكاني.... والله لو طال الزمن ما اتعداه
اما الى منه رجع له لقاني... والا يكفيني مكانه وذكراه
انا الجريح اللي جرحني زماني ...جرح علاج الطب ما طاع يرفاه


~*¤®§(*§ §*)§®¤*~



ما عرفنا للهوى علم نطيعه... لو لقينا سكته ضاعت خطانا
من شرانا بالمحبه ما نبيعه... من عطانا ما نقول انه عطانا
بي شقا بي ليل ضيق الوسيعه... والنجم لو غافل القمرا ضوانا



~*¤®§(*§ §*)§®¤*~


اقوم من ليل واصبح على ليل... وما ادري النهار اللي يقولون وينه
مشغلني اللي مشغل البال بالحيل.... واخفت شعاع الشمس غرة جبينه


~*¤®§(*§ §*)§®¤*~


انا عليك اغار من كل مخلوق... ليتك تقدر غيرتي والموده
مانيب متسرع ولكن لي حقوق... ويقال شيء تستحي منه الموده
وانا ادري انك مثل قمرا سما فوق.... غيري يبيك وكل شي يرده
كلن يشوفك نظرة الموق للموق... لكن من اللي تاصلك بس يده




~*¤®§(*§ §*)§®¤*~
جيت المكان اللي بدا حبنا فيه... وامطرته عيوني بدمع الحنيني
وشكيت له قسوتك وانكار ماضيه... يوم العهد وايديك تحضن يديني



~*¤®§(*§ §*)§®¤*~


نامت عيون الليل وعيوني سهرت... حتى عيوني عن عيوني مادرت
هيمان ناسي الوقت واحد وحدتي.... لين ان شمس الصبح فرت واظهرت



~*¤®§(*§ §*)§®¤*~


رسمتك ضحوك الفجر يا فرحة الاعياد... ولمعة شعاع ينغمس في ندى وردي
وغنيت بك صوت بقلب الهوى ميلاد... ونغمة غرام ذاب في لحنها وجدي
اشوفك مطر هتان لا برق لا رعاد... من الوسم يبعث بالصحاري زهر ودي
احبك وصل وابعاد احبك رضى واعناد... ولا يختلف وعدي ولا ينتقض عهدي



~*¤®§(*§ §*)§®¤*~



اذكريني كان لك ذكرى قديمه... واحفظي عهد المحبه والحنان
مثل ماني خابرك نفس كريمه... الوفا لاهل الوفا طبع وشان
الليالي لو صفت ما هي مديمه... كم غدر وافي وكم واف وخان


~*¤®§(*§ §*)§®¤*~


يا جعل عين حبتك تفقد الشوف... كرهي لموتي مثل كرهي خيالك
اللي زرعني في طريق العنا ظروف.... زود على غربة سنيني وصالك
يكفي مذله ماطلب سمعي حلوف.. ليتك تحاول تلم اللي بقا لك



~*¤®§(*§ §*)§®¤*~


ما يفضح اللي يحب الا اخر اللحظات.. لا مد كفه بالوداع وصد بعيونه
معاه رايات الأسى وجيش من العبرات.... وبين الحنايا صهيل خيول محزونه
كنه على موعد معك يا هاذم اللذات... من شاف ما صابه يقول الله في عونه



~*¤®§(*§ §*)§®¤*~


سلام يا اللي ناوي الفرقا عدد ما فات... وتعداد ما مر السحاب وهلت مزونه
سلام من قلب سكنته انت والحسرات.... غلاي تكفى يا مودع ناظري صونه
ارحل وانا برحل معي هم وتعب وسكات.. واسرار ما بيني وبين الروح مدفونه
ارحل مدام الله كتب لك يا الحبيب شتات... مالي على حكم القدر راي ولا مونه



~*¤®§(*§ §*)§®¤*~



مالي بعدك الا الصبر ومجاذب الونات... وقصيدي اللي كل خلق الله يغنونه
وان طالت الغيبه ابنعي الحب لو مات... عسى الهوى بك يشتعل وتردك ظنونه
وبحاول انسى لو يصيح الشوق بي هيهات... وبحاول اسلا ولو يصيح القلب ما اخونه



~*¤®§(*§ §*)§®¤*~


ما عذرتيني وانا صرت معذور.. والا ترى ما بعد فرقاي عوده
خليني ارحل كل مستور مستور... وايام عمري بالحياه معدوده
من قال بان الشمس تطلع بلا نور... والا الشجر ينحاش من ظل عوده



~*¤®§(*§ §*)§®¤*~


توك تقول اليوم هذا حصل خير... توك تذكر يوم هانتك الاقدار
وين انت يوم اني اخترتك على الغير... نسيت قولة لا تحاول وتحتار
ما قلت لي تقدر تحدى المقادير... وراك بدلت التحدي بالاعذار
ودك تصلح غلطتك بالمعاذير.. ودك تبيع وتشتري عقب ما صار
لا تعتذر لي صار بالوضع تغيير... هذي النهايه ما مضى صار تذكار


~*¤®§(*§ §*)§®¤*~


احلامنا ماتت على كف الايام.... وجروحنا اصبح لها فم واطفال
وامالنا صارت تخاريف واحلام... ماتت امانينا على مر الاجيال



~*¤®§(*§ §*)§®¤*~

لا كبرت الشكوى الحكي ضاع كله... والصمت من كبر الشكايه شكايه
كن العمر ما فات دقه وجله.... يومه وقف مع عمر ذيك الحكايه
ما يرضي المظلوم تكفير زله.... لا صار ما بين الروايه روايه


~*¤®§(*§ §*)§®¤*~
انتي اجمل من الصوره ومن كل صوره... واجمل من الحياة اللي تزين وتشيني
انتي احساس بس احساس دافي شعوره... فيك عطف ولطف وفيك قسوة ولين


~*¤®§(*§ §*)§®¤*~


باقي من الذكرى تواقيع وحروف... وصفحة عذاب ما طوتها الليالي





(`'•.¸(` '•. ¸ * ¸.•'´)¸.•'´)
«´¨`.¸.* غزووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

 

[حورالامارات]

رد : ~*¤®§(*§ الـرمـق الأخـير §*)§®¤*~ˆ°

حلاوة الموضوع لما تكونين انتي كاتبتنه ..


تسلمين يالغلا على الموضوع

 

[عاشقة التراث]

رد : ~*¤®§(*§ الـرمـق الأخـير §*)§®¤*~ˆ°

السلام عليكم ورحمة الله وبركاته

ايوالله اني احبك دون خلق الله...ويحبك القلب واحساسي وما فيني
وانت القمر والقمر وشلون ابوصل له... لا من بغيته قصيره دون ايديني
وسيور الايام تجمع حل وخله.... وتنزل كل العوائق بينك وبيني
وانا احبك وكل الحب لك كله.... يا غالي مسكنه في قلبي وعيني

اشكرج اختي غزاله
ونتريا يديدج


عاشقة التراث​

 

[غنَاتْيـے]

.
.

.
.
+غزالة الجبال +
.
.
كلهن حلوات ماعرفت شو اختار..!؟!
يعطيج العافيه وتسلمين ع الاختيار الحلو..!
.
.

 

[البطران]

رد : ~*¤®§(*§ الـرمـق الأخـير §*)§®¤*~ˆ°

يا سلاااامي عليج
وايد وايد حلوة الكلمات مع اني ما رمت اقراهن كلهن

شكرا غزالة الجبال





البطـــران

 

[راعية بحر]

رد : ~*¤®§(*§ الـرمـق الأخـير §*)§®¤*~ˆ°

يسلمووووو كلج ذوق

 

[بن ماكس]

رد : ~*¤®§(*§ الـرمـق الأخـير §*)§®¤*~ˆ°

مرحبا

الله يعطيج العافيه يا غزالة اليبال..

ومشكوره على المسجات..
والكلمات الحلوه..

بن ماكس

 

[غزالة الجبال]

رد : ~*¤®§(*§ الـرمـق الأخـير §*)§®¤*~ˆ°

ياامرحبااااااابكمــ جميعااا اخوااني خوااتي

حيااااااااااكمـ ،..

شااااااااااااكره لكمــ مروركمـــ الطيب ولاحرمناااااااااااا
هالطلــــــــــــــه ^_^



(`'•.¸(` '•. ¸ * ¸.•'´)¸.•'´)
«´¨`.¸.* غزووووووووووووووولة*. ¸.´¨`»
(¸. •'´(¸.•'´ * `'•.¸)`'•.¸ )

 

[رماااايل]

رد : ~*¤®§(*§ الـرمـق الأخـير §*)§®¤*~ˆ°

save ع طول

تسلمين غزوله ع المسجات

يعطيج العافيه

سلام









رماايل

 

[غزالة الجبال]

رد : ~*¤®§(*§ الـرمـق الأخـير §*)§®¤*~ˆ°

حيااج الغاليه

رمااايل

شاااكره لج هالطله الحلوه ولا حرمناا توااصلج الداايمــ ^_^




(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )