الوصلاوية
๑ . . عضو قيادي . . ๑
- التسجيل
- 8 نوفمبر 2004
- رقم العضوية
- 2415
- المشاركات
- 5,353
- مستوى التفاعل
- 67
- العمر
- 35
- الجنس
- الإقامة
- أرض الله الواسعة
رد: خل العذول موطـي الراس منكوس..* معاني..*
راشد مبتسم : اعلومج بنت الخاله ...
بلعت ريجي و صديت عنه اطالع خالوه حليمه: انا بروح البيت مع السلامه ...
موزي: تعالي جوفي الاغراض الي شريتها ..
قلتها و اانا ابا اهرب من كل شي .: مره ثانيه لازم اروح البيت ...
فتحت باب الصاله الطامه الكبرى يوم سمعت خالوه حليمه اتقول حق راشد: وصلها صوب بيتهم الدنيا ظلام ..
رجعت ع طول: ما يحتاي ..
وصكيت باب الصاله ابسرعه علشان ما اخليه يلحقني صوره ذياب ما فارقت بالي ..تذكرت عيونه نظراته لو كان جريب يراقب الموقف حسيت برجفه ..خفت و ندمت اني ييت بيت خالوه حليمه ما استفدت شي غير اني عذبت بدور... و جابلت هالنذل ...كنت بطيح يوم سمعت صوت راشد وراي: ليش تهربين مني..
سكت ............."سرعت بخطواتي..."
كنت بفتح باب الحوي بس سده بدربي ..كنت ارتجف لاني يوم اتذكر الي سواه راشد فيني ..يروع ..و ابد ما يطمن ..رجعت خطوه لورا لاني حسيت وايد جريب مني...
قعد يتاملني تضايجت من نظراته ..سالني: مرتاحه مع هالتعبان ..
حرجت عليه: ما يخصك ..وخر عن دربي..
ابتسم ابرود: شو عايبنج بها السكير ..
من سمعت ها الكلمه تجدمت ناويه اظهر بس خطى وياا و تجرب مني فرجعت ورفعت راسي اطالعه كمل كلامه يقولي: حليو انا بعد حليو ..
طالعته و قلته : انته ما تسوى ظفر ريوله ..
حسيت حرجت ببس قلته: وخر عن دربي ولا بزقر عليك ..........
قاطعني: منوه ابوي بييج ركض..
صدمني: انته حيوان تطنز ع ابوك ..
راشد : خلج من ابويه ..انتي لازم تطلقين من ها السكير..
عصبت عليه: انته السكير الحقير خريج السجون ..
من ملامح ويهه ما توقع كلامي و من ردت فعله عرفت ان سيفاني ما كان يجذب..
راشد: تذكرين يوم كنتي اتبوسين الارض اللي امشي عليها ..
حسيت ان وقفتنا مالها حايه .. و خاصه انه قام يخور بالرمسه ...فصرخت: خالوووووووووووه ..
راشد: هههههههههههههههههه طيحتي قلبي ...
كنت بصيح: خلني امشي ..
زخني من ذراعي و قال بعصبيه: مثل ما قدرت اخليج تعشقيني ..بخليج تطلقين منه و اتيين اتحبين لي ..
حاولت ابتعد عنه : انته نذل كل الي سويته و بعدني عايشه مع ريلي لاني احبه و يحبني..
راشد : ههههههههههههههههههههههههه ضحكتيني.."طالعني بنظرات خبث" شرايج اشيلج الحينه و احبسج بمكان مظلم و مخييييييييييييييف و محد يعرف عنج شي الين ما ياكلج الدود و اترم عظامج..
ارتجفت و حسيت بالخوف لانه قاعد يوصف لي المكان الي حبسنيي فيه سيفاني بيوم ..
ضحك راشد يوم جاف نظرات الخوف بعيوني وضحك : ههههههههههههههههههههههههه "سكت و طالعني" بعدج جبانه ..؟؟
قلته بصوت خايف: خلني امشي البيت ...
راشد يهز راسه بمعنى لا : ما اقدر قلبي يعورني ع فراقج "ويضحك يتمصخر علي" ههههههههههههه "ويقلد صوتي" انا احبك راشد
صرخت بويهه: اكرهك اكرهك ...
و رجعت داخل ناويه ازقر موزي اتوصلني او خالوه حليمه بس لحقني و زخني من ذراعي صرخت عليه بكل غيض : هدنـي يا الحقيييييييييييير ..هدنـي ...
رص ع ذراعي و قال : خبري ريلج التعبان ...مثل ما قدرت و خليتج تركضين وراي بخليه يركض وراي علشان يزوجني .ندى..
ييريت ذراعي منه بقوه حاولت اصفعه بس رجع راسه لورا و قال : مب كل مره يا حلوه ...
كنت بصيح: انته شو تبا منا خلنا بحالنا ..
راشد يهز جتفه و يبتسم: اتسلـى ...
ما تحملت صحت: الله ياخذك انته موليه ما تحشم حد ...احسن شي سوته ندى انها رفضتك لانك مب آدمي ..
كمل كلامي: و ما اتعاشر ..مب ها كلام ريلج..
صرخت عليه : ما يخصك..
تجدم مني بس انا رفعت راسي اواجهه حط صبعه ع يبهتي و جنه يفكر بكلام : امممممممممممممم
رجعت ورا متجززه منه و من نظراته ..
ابتسم بإستهزا ع حركتي و قال ببطيء شديد و كأنه يبا يقهرني : اتقولين اممممم عني اممممممم نذل ..."طلعني بنظرات خبث" اتبين اقولج شو يطلع ريلج عيل ..
طالعت باب الصاله ادعي ربي ان حد يظهر رجعت و طالعته: ما يهمني كلامك يا التعـ...
بس شهقت و كتمت صرخه ..يوم زخني من رقبتي و دزني لورا لي ما وصلني ورا بيتهم ..كنت بصرخ بس حسيت ان نصخي باي لحظه بنقطع ...ارتجفت تحت قبضت ايده و جني عصفوره ...حسبته بجتلني ..صحت بصوت عالي من الخوف و من امنيه خطرت في بالي و عرفت ان من سابع المستحيل تتحقق ان ذياب ايي ينقذني من ها الادمـي ..
بطلت اعيوني اطالعه بخوف...
راشد و شكله بدا يحرج: شو فيييييج اتصيحين و متروعه ترا هالمكان كان شاهد لنا ...ان نلتقى دوم هني ..
تكلمت بخوف و بصعوبه : انت شو تبا مني ...
ابتسم و جرب حلجه من اذوني و كأنه يبا يسمعني عدل بس انا احاول ابعد راسي رغم ايده الي كانت تضغط ع رقبتي ...
راشد يعلي صوته بأذوني حسيت ان طبلتي انطرت خلاص : اباااااااااااااج تسمعينـي ...
غمضت اعيوني جني بحـلم ها الخريج السجون شرير ..ممكن يسوي فيني اي شي ...صحت بصمت ..ذياب الي كرهني و ما كان طايقني باول زواجنا بس عمره ما مد ايه عليه ولا يهون عليه يجوف دمعه تنزل من اعيوني قلته بخوف كبير: لو جافك ريلي بجتلك..
صرخ علي فجأه: لا اتقولين ريلي ...
صخ يوم جافني اصيح و انتفض بعد ايده عن رقبتي و ابتعد طالعت الصوب الثاني كنت بركض بشرد منه رجعت طالعته انصدمت به
يبتسم: لا اتخاافين ما باكلج ولا بسوي فيج .. و بخليج اتروحين بيتكم ...بس قبلهاا
حسيت بالامان يوم ابتعد عني فقلته : ما بصددقك كل الي اعرفه انك سويت روحك اتحبني لانك اتعرف ان ذياب يباني حتى ايام قبل ما تتوفى طليقته..
فج اعيونه انصدم عقب قال : قالج انه طلق عمتيه ..ما شاء الله فاتح قلبه لج.."سالني" بس ما قالج ليش طلقها ..
قلتها بحقد: ما يخصك ..
تجدم مني ابسرعه فغطيت ايدي بويهي بسرعه احمي نفسي يوم جاف هاي الحركه مني وقف ابمكاانه
قال : لا اتخافين انا ما امد ايدي ع حريم .."وضحك بستهزاااء" هههههههههههههههه بس اقص عليهم ههههههه
ما تحملت كلامه صحيح انا ودي اعرف شو بين ذياب و راشد لكن مب عن طريق راشد لانه لوتي جذاب..علشان جي ما كان يهمني يوم يبا يسمعني كل الي يهمني اني اربع من هالمكان و بالفعل ركضت و ركضت و ركضت بس لحق بي و زخني بوسط الحوي صرخت : خالووووووووووووووووووووه ...
التفتنا لـ باب الصاله يوم انفج و ظهرت موزي كانت بتزقر الشغاله بس استغربت يوم طالعتنا ...
موزي: شوق انتي بعدج هني ..
قلتها : تعالي موزي ابسرعه ...
تجربت موزي اطالعني و اطالع راشد : شو بلاكم ...
قلتها و انا امش دموعي: قولي اخوج يبعد عن حياتي و حياااة ريلي .."طالعته و صرخت عليه بشكل هستيري من الغيض" خلينـي بحـالي
راشد حرج: لا ادخلين اهلي بالسالفه...
موزي مستغربه: شسالفه..
بلعت ريجي و قلتها: هذي اخر مره ايي بيتكم "طالعت راشد" طول ما اخوج عايش فيه ...
موزي: شوق...
بس انا طنشتها و طنشت نظرات اخوها ..خطفتهم و روحت سيده و قلبي يرقع بقوه موزي خليها اتفكر و اتقول الي اتقوله ..هالانسان لي متى بتم شرات الظل بحياتنا الحينه ذياب شو بقول وشو بيظن ..لا اله الا الله ...
وصلت بيتنا .. و دشيت ع طول الصاله ...سلمت ع الموجودين ما انتبهت منوه داخل صعدت ع طول رحت حجرتي... دشيت حجرتي .. و اتغسلت ..و انسدحت عالشبريه احاول اجمع افكاري ..حقير منوه يطلع علشان يسب ريلي و يقول عنه سكير ارتجفت و انا اتذكر كيف ييرني من رقبتي و يا الله رحمتك ساعدني خلصني من ها الوحش..الي صار لي معاه شي فضيع ...غطيت ويهي و تنفست بعصبيه و جني ابا اطرد لي صار من شويه من بالي يا رب ندى اتوافق ع عبدالله علشان تفتك من ها الشري ...رن موبايلي انتفضت متروعه طالعت المتصل تنهدت براحه هذي موزي ..حولته صامت مالي بارض ارد عليها اصلا شو بقولهااا ...
رفعت راسي يوم دشت علي امايه مدري ليش تذكرت حصه .
..امايه: شوق شو فيج..؟
همست: ماشي ...
يلست ع طرف الشبريه: شي يعورج...
هزيت راسي بمعنى لا .
طالعتني و سالتني : ما حملتي ...
ابتسمت: لا الله ما كتب ..
امايه: ان شاء الله خير ..يلا يمه تعالي تعشي مع بنات عمج باجر بيرحون ..
قلتها : ان شاء الله .
نزلنا تحت اانا و امايه
ليلى: بلاج ييتي تركضين من برع وين رحتي ..
طنشتها و سالت شيخاني: ذياب شو قالج..
شيخاني تاكل: ماشي ...اتصل ع تلفون البيت يسال عنج ... ودورتج و سيتي قالت لي انج في بيت خالوه خبرته..
عصبت عليه: و ليش اتخبرينه ...
الكل انتبه اني عصبت ع شيخاني: شو ريلج و يسال عنج وين رايحه يعني انتي ..
امايه: شوق شو بلاج..
سكت ..رن موبايلي ..رقع قلبي ع بالي ذياب بس ارتحت يوم جفت المتصله موزي ...حولته لـ صامت .. و يلست ع الصفره اوني اشاركهم بالاكل بس ابد ما ذقت طعمه للاني ما كنت اشتهي ...
تيمعنا كلنا في الملاحق عقب العشى ...خذتنا الضحك و السوالف بس انا كان بالي مشغول فـ شي ثاني فـ ذياب ..ما اتصل فيني ولا اتصلت فيه خايفه من انه يضاربني ..تنهدت ...
عمي: الحلوه مب ويانا ..
التفت له ابتسم و قال : سرحانه ..
رديت له الابتسامه : ما فيني شي
شيخاني: عمي هاي فيها حالات ...ساعه بتضحك و ساعه بتصيح و ساعه بتتحرطم..
قلتها: اسكتي انتي ما لج خص..
امايه: شووووووووق
شيخاني: جفت عمي ..
عمي : هذي شوق طالعه ع عمها ..
قلته ابسرعه: يعني انته ..
عمي: ههههههههههههه جي ما تبين تشبهين عمج..
حضنت باباتيه : انا بس اشبه باباتيه انته سيفاني طالع عليك ..
سيفاني: عادي ما رحتي بعيد عمي ..
عمي: و النعم ..
امايه: سعيد طالع ع ابوه ..
ليلى: خساره ..
طالعنا بعض انا و شيخاني الي قالت: شوه خساره طالع ع ابوه شو تبين يطلع ع راعي الدكان مثلا ..
الكل: هههههههههههههههههههههه
ليلى منحرجه: لا اقصد ما شابه ابوي لان احس سعيد منا و فينا...
فهد: لغز ليلى !
رن موبايلي طالعت المتصل كان "شوق ذياب" وقفت و طلعت برع ...رديت بصوت واطي: الو ..
ذياب يرمس بشكل جدي: شحالج ...؟؟
قلته: ابخير ..اخبارك..
رد : بخير ...وينج..
قلته: فـ بيت ابوي .خلصتوا ..؟؟
ذياب: هيه ..بنزلهم و بمر عليج يعني عقب عشر دقايق تزهبي ..
قلته: ان شاء الله عمري ..
صكر الموبايل من كلامه شكله كان زعلان ..فديتك و الله ..يا ليت اتحس فيني و ما اتزيديني ..رحت حجرتي لبست عبايتي و غيرت شيلتي .. و نزلت ...لاقاني سيفاني بدربي رايح حجرته .
زقرته: سيف .
طالعني ..مدري ليش تذكرت ايام ما كان وايد جاسي علينا ارتجفت ..
سالني: شو
قلته: نظراتك اتخوفني ..
ابتسم: لا اتخاافين بس فاجأتيني ..
قلته بصدق: بدور وايد متضايجه..
شكله عصب: شو تبيني اسوي لهاا ...
بلعت ريجي : حرام تغمض ..انته قلتها ..
رد علي ابسرعه: هيه قلتها بخطب علشان تتقبل فكره ان بتاخذ غيري ...
قلته.: انته صج بتخطب غيرها ..
سيفاني : مممدري افكر ..
قلته بخوف: انا خبرتها ان امايه تبا اتخطبها حق سعيد..
سيفاني يكمل طريجه: احسن ..
تميت واقفه ابروحي اراقبه لي ما دش حجرته و صكر عليه الباب ..الدنيا عذاب ..ليش جي يا ربي ...اتنهدت .. و نزلت رايحه صوب الملاحق ...بلعت ريجي ..شو اقول لـ ذياب ...الحينه ...كنت بصيح اكيد بتضايج مني ... عمره ما ضايج بي من رجعنا من العمره ..كل مني يا ليتني ما سرت بيت خالوه حليمه يا ربي انا اشلي بمشاكل غيري ...
رفعت راسي جفت سعيد طالع من الملاحق : شوق شفيج واقفه هني بروحج..
ابتسمت مب عارفه شو اقوله : ذياب اتصل بي بييني عقب شويه ..
التفتنا انا و سعيد لـ صوت ليلى : سعيد..." و يوم جافتني" اووه سوري ع بالي ابروحك..
عقدت سعيد حياته و طالعني يوم انا طالعته بخوف شو لا يكون بين سعيد و ليلى شي ..؟؟؟؟
سعيد بعده يطالعني : امريني ليلى ...؟؟
ليلى مرتبكه و جنها مصدومه من وجودي: ههههه لا ماشي كنت بسالك ..عن ولدك محمد..
طالعها سعيد: محمد !!!
ليلى جنها اتفكر: امممممممم هيه ..بس خلاص ما يحتاي ..
و ردت دشت داخل و فقت شيخاني الي بتراقبها .جايفه فهد داخل وين بتودر مكانها يا الدبه شيخاني....الله يعلم شو كانت تبا اتقوله ...
سعيد يطالعني: شو بلاها بنت عمج..
قلته ابصراحه: تبا اترمسك بس جافتني موجوده معاك..
ابتسم سعيد: لالا ما اظن .."وفكر" بس غريبه يعني ..تسال عن حمودي...مدري شو سالفتها ..
سالته بجد: ليش هي دوم جي تزقر و ترمسك..
سعيد مب مهتم و هاشيء ريحني: لا ..اممممممم انتي بلاج ضايج صدرج شو مكدرنج حياتي..
هذا سعيد الحنون فديته هو الانسان الوحيد لو غلطان و لو شو سوينا عمره ما حرج علينااا بالعكس كل يعاملنا بحنان ابتسمت له: ماشي ...
سمعنا هرن برع و رنة موبايلي ..فطالعت سعيد : ها ذياب برع ..
سعيد : بروح اسلم عليه ...
قلته: و انا بروح اسلم ع قوم عمي الا متى بسافر ون ..
سعيد: باجر الصبح من وقت ..
قلت بخخاطري احسن ..وايد ..رحت صوب الملاحق ...دشيت عليهم طاحت اعيوني ع شيخاني طالعتها بنظرات ابتسمت جنها تقهرني و عرفت ليش اطالعها بهاي النظرات ...
امايه: بتروحين ..؟
قلتها: هي بروح ذياب برع ...
سلمت عليهم كلهم ... و اخرتها بست باباتيه فوق راسه و قبل ما اظهر زقرت شيخاني: تعالي اباج شويه..
شيخاني نشت من مكانها .. و يتني برع ..
قلتها: باجر الصبح قوم عمي بسافرون .
شيخاني: يا قلبي ع فهد..
قلتها : عن السخافه ...جوفي ليلى من ساعه كانت تبا اترمس سعيد ...اتفاجات يوم جافتني ...انتبهي لها حتى يكونون بالمطار ..
شيخاني: انتي مكبره السالفه ...
قلتها: ابرايه ..بس جوفيها زين ...
نقزنا يوم جفنا سعيد ياي من برع: شوق يلا ريلج برع ..
قلته: انزين ..." و طالعت شيخاني بنظرات احذرها " شيخاني ردت داخل: زين حشرتينا ..
قلتها احذرها: مب اجوفين فهد مالج و اتمين لاصقه ابمكاانج يا ويلج..
شيخاني: زييييييين زولي ...ريلج برع.
طنشتها و رحت عنها سععيد واقف بوسط الحوي: شو بلاكن ..
ابتسمت: ماشي ..
سعيد: انتي كل ماشي ..
ضحكني رده: ههههههههه وين بتروح الحينه ..
سعيد: بنخمد ناش من وقت
قلته: نوم العوافي بس لا تظهر من حجرتك موليه..
سعيد مستغرب: ليش !!
ضحكت: ههههههههههه نست بنات عمك داخل عيب تظهر من حجرتك..
سعيد: ههههههههه ان شاء الله ..يلا روحي ذيااب برع ..
اصلا كنت اسولف مع سعيد علشااان كنت خايفه اواجهه ذياب ..بس وكلت امري لله ..
قلته: مع السلاامه ..
و طلعت و كنت امشي بثجل خايفه ...شو بسوي فيني الحينه ..تنهدت و ركبت السياره صاخه مالي ويه اطالعه ..
فاجأني يوم قال : الناس اتسلم..
طالعته كانت اعيونه تلمع بالظلام ما جفت ملامح ويهه تميت ساكته انا خايفه منك ذياب وايد ..خايفه لا تضارب معاي و تقاطعني مثل الايام الي طافت ...
طنشني يوم جافني منزله راسي صاخه حرك بسيارته ...ارتحت و الله كنت شاكه انه ما بمر عليه ..بيت ابويه بطنشني..بس الحمدلله ... زخ ايدي فجاه يوم وقفنا عند باب البيت ...
طالعته قعد يلعب باصابعي ..ذياب مب من النوع الي يفضح شو بداخله ابسرعه علشان جي كنت بعدني خايفه منه ...
سالني بهدوء: شفيج ...
رصيت ع ايده: ماشي ..
ذياب: متاكده ..
بلعت ريجي ..حسيت فرصه مناسبه ارمسه و من غير ما اجوف ملامح ويهه بوضوح علشان ما اخاف زياده
قلته : انا كنت ابا اخبرك ابروحي بس هذي شيخه الغبيه قالت لك...
سالني بنفس نبرته الهاديه : شو انج رحتي بيت خالتج ...
ارتجفت من نبرة صوته يا ويلي اخاف لهدوء يسبق العاصفه ..هزيت راسي بمعنى هيه ...
تم ساكت فقلته : انا و الله ..
ذياب مقاطعني: شوق ارمسي بس ما في داعي اتحلفين .."تجرب مني فحسيت بالقشعريره" لاني اعرفج زين ما زين متى اتكونين صادقه و متى اتكون اتقصين علي...
بلعت ريجي ابخوف يا ليتني ما رحت بيت خالوه حليمه شو يفكني من صدعت ذياب ...
ذياب: ع الاقل لو كنتي ممخبره اهلج او مخبرتني انج بتروحين بيت خالتج كان اهون ..لكن اتصل بج يعطيني مغلق و غير اهلج ما يدرون انتي وينج شو تبين افكر..
قلته بصوت واطي و انا كلي اسف و ندم: انا غلطانه ..بس غصبن عني..
ذياب: جفتي منوه هناك ...
طالعته و بلعت ريجي بصعوبه : بدور و خالوه و ريل خالوه ..
سالني: بس ؟؟؟
خفت اخبره بالي صار فقلته ابسرعه: بس ..
سالني و نظراته كلها شك: متاكده شوقاني..
نبرته خوفتني بس انا ما ابى اييب المشاكل حق عمري فقلته: بس ...
ذيااب بند السياره: ما علينا ..يلا نزلي ...
طالعته كنت بخبره الصج بس شي منعني يمكن خوفي صدقت يوم قلتلي جبانه ...نزلت ابسرعه من السياره حتى اني ما ترييت ذياب ..دشيت و رحت الصالهه .. جفتها فاضيه ...ركبت الدري...يا ليتني خبرته عن راشد لانه الحمار اكيد بخبره ...لازم بخبره علشان ذياب يذبحـني.تنهدت يا عذابي ...التفت صوب حجرة ندى ياني فضول اعرف و اجوف شو اشترت يمكن لاني ابعد عن الافكار الي اتخوفني و ابعد عن ذياب الي سمعت كحته في الصاله .. و قبل ما افتح باب حجرة ندى ..
سمعت ذياب : ندى و مهره برقدون بيت اختيه هناك نزلوا ...
طالعت ذياب هالمره كانت ملامحه واضحه ..بس صدمتني كانت هاديه و عاديه جدا ..توقعته يكون محرج ..وباي لحظه ممكن يجرحني بالرمسه ...شووو انا و ذياب روحنا في البيت الحينه بلعت ريجي بخوف ..
رفع حياته: شوه بتمين واقفه هناك طول الليل ..
انتبهت ..فتحركت تجدمني و لحقته دشينا حجرتنا ....فسخت عبايتي و شيلتي اا ذياب دش يتغسل ..عقبها ظهر يلست فـ الصاله يطالع التلفزيون دشيت الحمام و يلست ساعه كامله اوني اسبح بس اصلا انا خايفه ابا اقوله الي صار لي انا و راشد بس ما اتجرأ و الله ..يا ليته يفهمني يا ليته يحس فيني ....
طلعت من الحمام جفته منسدح عالشبريه ارتبكت بالاول ظنيته راقد بس تفاجات يوم بطل عيونه و قال لي: ع بالي رقدتي داخل الحمام ..
عطيته ظهري و رحت صوب التسريحه انشف شعري ما عرفت شو ارد عليه فسكت ...غبيه انا المفترض ابين روحي طبيعيه بس مب رايمه ..وذياب بشك بتصرفاتي ..
ذياب: تعالي ارقددي..
قلته ابسرعه: لا بروح اجوف التلفزيون ...
و كنت بطلع من الحجره بس قال لي: غريبه !! بتسهرين ..
طالعته ابتسمت له بس كنت خايفه : بعرضون فلم و ابا اجوفه ..
انجلب الصوب الثاني و غطى وييه باللحاف ..مطنشني ..طلعت من حجرتي و خليته يرقد ..يلست ع الكنبه ..حطيت ايدي ع يبهتي افكر ..شسوي ...اخاف ما اقوله و عقب بعرف من برع و بسوي لي سالفه و اخاف اقوله بعد يبهدلني و خاصه محد في البيت غيري و غيره بس .. شسوي ياربي ..اخرتهاا قررت اخبره و الي يصير يصير ..بس غرييه انه ما حرج عليه للحين يلعب باعصابي هالذيب ...كنا متولهين لـ بعض و الحينه يوم نلاقينا كان لقاانا بارد ..جدا
نقزت ابمكاني يوم سمعت حس ذياب: ع بالي مندمجه بالفلم ..
رفعت راسي اطالعه و اطالع التلفزيون الي ما كان مشتغل اصلا ...ارتبكت ما عرفت شو اقول كرهت نفسي الجبانه .. كرهتها ..وايد...تجدم مني و يلس حذالي طالعني رفعت نظري فطاحت عيني بعينه ما تحملت بس انا اخااف يخترب كل شي حلو من بينا ...
ذياب بعده يطالعني: شو شاغل بالج...
عضيت ع شفايفي ...
ذياب: بنت عمج و سعيد..
ذياب يستهبل علي ..بس هذي فرصتي اخبره ...هزيت راسي بمعنى لا ...فركت يبهتي بعصبيه ...
تجدم مني كنت ببعد عنه بس ماشي مجال ابتعد اكثر ...
سالني : شو فيج انزين ..
قلته ابصوت واطي : انته اتعرف .
ذياب : اعرف شوه ..
سكت ..................
ذياب: انج رحتي بيت خالتج حليمه ..انزين عادي ...
قلته : انا ادري انه مب عادي عندك ..
ذياب يرفع حياته: احلف لج ..
ترجيته بعذااب : ذييييييييييييياب ..
حط ايده ع شعري : شو فيج حبيبي ...اجوفج سرحانه و خايفه و مرتبكه .. ما ياني الرقاد ..احاتيج ...
بلعت ريجي مدري عقلي يقولي ذياب يعرف الي صار بيني و بين راشد و قلبي يقولي لا ما يعرف شي و الدليل انه يعاملني بـوود ..
زخيت ايده الي كانت تلعب بشعري : ذياب ...
طالعني بنظرات هزتني ...فسكت ...جفت بريق يلمع بعيونه هالشي خلني انطم ...سكت بس انا لازم اخبره يعرف الصج مني ولا يسمع شي جذب من برع ..رصيت ع ايده و نزلت ع فخده يلست اصيح ..
لمس شعري: شوق...
رفعت راسي و انا ميته من الصياح: اخااف اخااف تودرني .."تجدمت منه ترجاه" لا اتهدني انا محتاجه لك وايد..
ذياب قاعد يتأملـني حتى انه ما مسح عبراتي الي كانت اتهل ولا قال شي تم يطالعني..
قال بنبره جاده: شو مستوي..
عضيت ع شفايفي التحتية ..نزلتت نظراتي بالارض ...مشيت دموعي بظهر ايدي ...كنت اشاهق من الصياااح..
بس صدق ارتحت يوم حط ايده ع خدي ..فنزلت راسي ع ايده و جني احضنها بويهي خايفه اتكون خاي اخر لمسات لـ ذياب مني..غمضت اعيوني
وهمست: انا جفت راشد في بيت خالوه ..
نزلت نظري بالارض ما تجرأ اجوفه ..توقعت بتييني صفعه كلام جارح بس تم هادي بمكانه ...
كملت: و رمسني .."كنت بصيح" غصبني .انا ما كنت ابا اجوف شيفته احلف لك ..
هدوء ذياب خوفني وايد فرفعت راسي اطالعه صخت بي الدنيا يوم
قال لي ابرود: أدري ..
رفعت راسي اطالعه مب مصدقه كلامه ...بلعت ريجي احساسي ما جذب علي..صج ذياب يعرف بس يستهبل علي...كنت ادور بعيونه كلام ..او اي شي يدلني ع شعوره بس ما كنت اجوف الا نظرات مبهمه ...
وقف وراح صووب موبايله و قال عقب ما تنهد: وصلني مسج "طالعني " منه طبعا ..
حسيت بالاحراج مدري ليش ...تميت ساكته ..
كمل كلامه:ع بالي يجذب بس حركاتج لي و مقابلتج لي بيت صدق كلامه..
وقفت ابسرعه ورحت صوبه زخيته من جتوفه : انا و الله ما كنت ابا ارمسه .."صحت" ما كلمته بس كان يستفزني بالكلام ...كنت اصرخ ازقر خالوه بس هو ما يهمه شي ..
طالعني و قال لي بنبره حاده: انتيي شو مودنج هناك ..
صحت يوم سمعت هاي النبره: بدور اتصلت بي اتصييح خوفتني ع بالي شي مستوي ابهم ..ربعت بيتهم ابسرعه ....و بدال ما اخفف عنها زدتها صياح و الله لو وقفت دقيقه افكر قبل ما اربع بيت خالوه حليمه ما كنت رحت احلف لك...
ذياب فر موبايله ع الطاوله طالعني كملت كلامه و لصقت فيه اكثر : شسوي رحت غصبن عني ..احلف لك و رب الكعبه و هو يذلني و يسبني كنت احس بنظرات و بعيونك تراقبني و الله ...
طالعني ذياب عاد هني ما تحملت اكيد بسبني فيلست اصيح ..و جني اتهيأ فقلته و ادموعي اتهل بعذاب : ما ابا كل شي حلو من بينا ينهد علشان هـ النذل ..
حضن ويهي و تجرب مني حتى حسيت بصخه و قال بهدوء: حبيبي لا اتصيحين ..
طالعته و قلته و انا ازيد صياح: اخاف اتهدني ابسببه ..انا وايد احاتي هالشيء ..
استغربت من موقف ذياب وردت فعله ..لصق فيني
و قال : هيه كان صار كلام ثاني لو قبل ما اسامح في العمره ..."رص ع ويهي " بس انا اعرفج زين شوقاني ...
زخيت ايده و جني خايفه يبتعد عني كمل كلامه: كنت اتريااج اتخبريني انتي السالفه .. و كنت بتخذ موقف ثاني لو ما صارحتيني ..و كنت عارف انج بدوامه .. و مب عارفه كيف تبدين معاي و نظرات التردد بعيونج ...علشان جي انا ييتج ..
صحت: كنت خايفه اتهدني لو خبرتك...
ابتسم و مسح دمعي بطرف صبعه: ما بهدج انا احبج.. و مشكوره لانج صارحتيني ..
ما تحملت كلام ذياب توقعته بيكون غير جي ..حطيت راسي بحضنه و ترجيته: خلنا نبتعد من ها المكان .."رفعت راسي اترجاه" دخيلك ذياب انروح بعيد عنه ..خلنا انعيش براحه ..
ذياب::ما يسوى علينا انهد البلاد علشان ها المينون .
تعلقت فيه: ما بخليينا بحالنا ..هددني خريج السجون..
ذياب كتم ضحكته: منو خبرج انه خريج سجون ..
قلت ابسرعه: سيفاني قالي..
ذياب/: اممممممممم مب زين عليه يفضح اسرار شغله ..
عقدت حياتي : يفضح اسرار شغله ..؟؟
ذياب: هي سيفاني يعرف سوالفه لانه شرطي..
ضحكت : هههههههههه ما خطر ع بالي...
طالعني ذياب مبتسم وعدته: اوعدك ما بطب بيت خالوه حليمه .. و الله يا ذياب لو كان موقفك غير الليله رغتني ولا طلقتني ..بعد ما بدش بيت خالوه حليمه موليه ..لان بدت المشاكل من ها البيت ..
ذياب يتنهد: ما عليج ..انتي ارتاحي..ولا تضايجين من هـ التعبان انا بأدبه ...كنت اتريا منه ذله ..
خفت و لويت عليه: خلك ابعيد عنه ..."صحت" اخاف يسوي فيك شي ذياب ..
ضحك: ههههههههههه عيل انتي بعدج ما عرفتي ريلج جان اتخافين علي من ها ع قولتج خريج سجون ..
ابتسمت انا بحلم ولا علم...يير خشممي: بلاج..
ضحكت: ههههه زين جنك حاس ابا اعرف انا بحلم ولا علم ..
ذياب: بـ علم حياتي ..يلا تعالي ارقدي ريحي بالج الظاهر وايد تعبتي ..
طالعته بحب: ما اتخيل اشكثر..
ابتسم : هههههه فديتج و الله تحاتيني..
قلته باتفعال: واييد..و خفت اكثر يوم عرفت محد في البيت غيري و غيرك ذياب ..
ذياب: هههههههههههه
حمدت ربي الف مره صج اني ما اعرفك زين يا ذياب و بحياتي و ما بعرفك ...تنهدت مرتاحه و رقدت مرتاحه ناسيه هم ذياب و هم ليلى و سعيد
فتحت اعيوني ع صوت مسج فتحت اعيوني وحده من الكسل لاني كنت احس جسمي كله متكسر ..كان من ذياب "حبي بنتغدى بيت اختيه اليوم " نافخت متتفيج ذياب و رجعت احاول ارقد بس ما رمت ..لان موقفي مع راشد للحين في بالي وايد فضيع هالانسان ..عفانا الله ...صدق اي غشاوه كانت ع عينـي ..نقت ع رنة الموبايل...رفعت راسي اطالع المتصل و كانت موزي يلا موزي شو يفكني من لسانها ...
رديت بكـسل : آلووو ..
موزي: راقده..
قلته: يعني اتجلب ...شحالج..
موزي: ابخير انتي شخبارج ...
ابتسمت : ابخير ..
موزي متشككه: متاكده ..
يلست : هيه ...
موزي: تدرين ليش انا متصله ...
قلتها بعد ما تنهدت : اكيد علشان سالفه البارحه خبرتي حد..؟؟
وقفت و رحت صوب التسريحه امشط شعري سمعتها اتقول: لا بس امايه سمعت حسج اتصارخين ع بالها طحتي او شي من ها القبيل ...
قلتها: اخوج حيوان فضيع..
موزي............................"مب متوقعه كلامي .."
قلتها : سوري ..
موزي: شو بينكم شوق..شو السالفه انتي من صوب وريلج من صوب ...شو بلاكم ع اخوي ..
قلتها بانفعال: رييييييييييييييلي بصوب !! جي شو سوا ريلي ...
موزي: اتي نسيتي شو سوا بالمستشفى هذاك اليوم كيف عفد عليه و ضربه..
قلتها بغيض: يستاهل ..
موزي: شوقااااااااااااااني ..شو السالفه ..
تنهدت: انا ما اعرف شو بين ريلي و اخوج لكن الي بيني و بين اممممممممممم"فكرت شويه عقبها قلت" مدري ..
موزي: لا و الله ...
تنهدت و قلتها: موزي اخوج راشد مأذني ...يلاحقني مب مخلني بحالي ..
موزي مصدومه: نعععععععععععععععععم ..
قلتها : و الله العظيم خليه ايوز عني تراني معرسه بهدم حياتي
موزي: لحظه لحظه ...انتي صاحيه ولا بعدج مصطله .
قلتها: سمعي ..الكلام الي قاعده اقوله لج بيني و بينج فـ بليز اخوج معيشني بعذااااااااااااب ..
موزي تدافع عن راشد: و اصلا اخوي متى جافج علشان بأذييج حتى رقمج ما اظن يعرفه..
قلتها و انا طفرانه: خلاص خلاص انسي الموضوع انا ادري انج ما بتصدقين مع ان البارحه جفتي موقفنا ..انا من جي قطعت بيتكم و ما قمت اطبه ..
موزي .................................."ماشي رد"
قلتها: موزي ..
موزي: انا ادري راشد راعي سوالف بنات ..بس انتي بنت خالته ..
ابتسمت: موزي لا اتضحكيني ..اخوج ما يحشم حد..
موزي: علشان جي ندى ما بغته صح..معظم الشباب قبل ما يعرسون يسون علاقات مع بنات ..
قلتها: سمعي ريلي بيي عقب شويه ... سالفه ندى ما بغت اخوج مالها علاقه بي ..انا مدري ليش رفضته بالاسااس ..بس قولي اخوج يحل عني بليز موزي..
موزي: من عيوني ..ما عليج..
قلتها: سامحيني ..
موزي: انتي الي اسمحيلنا بخليج الحينه ...
قلتها: اوكىىى
موزي: تعالي تعالي ..
قلتها: هاه ..
موزي: شريتي فستان حق عرسي
قصيت عليها علشان افتك من حشرتها: بشتري جريب ..
موزي: هي اختج السباله بتعرس و ما بتحضر و انتي يا ويلج..
ضحكتني: ههههههههههه ما يهمج اصلا ريلي يباني احضر عرسج..
موزي: مب عشاني علشان بنت اخته فتون .
قلتها: موزي كل واحد.. و انتي نفعتيي بعرسي ...و الله ما انسى جميلج..
موزي: زين بعد مشكوره انج تذكرين..
قلتها: فديتج و الله ..يلا السموحه منج..
موزي: مع السلامه ..
قلتها: في امان الله ..
..
مدري صح ولا غلطت اني خبرت موزي عن سالفة اخوها الحقير بس ....اخاف اتخبره عقب يقولها كل شي كان من بينا زمان ..كرهته يوم تذكرته يقولي "تذكرين كيف خليتج اتموت ع الارض الي امشي عليها" مالت عليك يا رشود النحس ..
فريت الموبايل ع الشبريه ورحت الحمام تسبحت و تغسلت و لبست ثيابي و كشخه دش علي ذياب و انا كنت اتجحل ..
من طاحت اعيوني عليه بالجامه التفت له مبتسمه : مرحباا اوااالله
تجدم مني: مرحب ملايين ولا يسدن .شحالها حبيبة قلبي ..
ابتسمت له: ابخير بجوفتك..."تأملت ويهه" بلاك حبيبي ..
تنهد و فر الغتره من ع راسه : ماشي زهبي ملابسي بدش اسبح ..عقبها بنروح بيت اختيه..
كنت بتغلى عليه و اقوله ما ابى اروح بس ما عيبني حاله و لا اسلوبه ..
فكتفيت و قلته:من عيوني ..
راقبته لي ما دش الحمام ظهرت ملابسه و حطيتها عالشبريه و قعدت بالصاله اتريااه يخلص عقب ثلث ساعه ظهر من الحجره ...وقفت كان متعصم و لابس كندورته الكركميه .الي ظهرتها ..
ابتسمت له: غريبه مب لابس نظارتك الشمسيه..
طالعني و رد الابتسامه: فديتج ليش مستعيله بلبسها بالسياره ..
عقدت حياتي فسمعت ضحكتته : ههههههههه
ابتسمت حسيت ان عقب ما سبح ..صارت نفسيه احس .بس خاطري اعرف شو فيه..
سالته: حبيبي احس بك شي متضاييج..
شل سويج سيارته و موبايله: ما فيني شي عمري يلا انرووح اختيه تتريانا .
سكت و ظهرت معاه و في السياره رن موبايله و قعد يسولف مع ريال .الظاهر اتخص شغله ..لان وايد طرا كلمة محاكم قبل الحينه لازم اكون هاديه و اتحمل دفاشة خالوه العوده و فتون ..
عقب ما صكر قلته: اتصدق علشان اني وايد متولهه عمهره قررت ايي معاك ولا انا مالي خاطر ..
ذياب ابتسم: حتى لو انا معاج ما تبين اااتيين
قلته اوني افكر:امممممممممممممم لالا انا ما استغنى عنك..
سكت و ركز بالشارع طالعته احيده دوم ممرح يضحك يسولف ..
فاجاني : ندى ما ردت لج خبر..
قلته: حبيبي توني مخبرتنها قالت بتجوف ..بعدها بتفكر .
سكت وصلنا بيت خالوه العوده ..
حطيت ايدي ع ذراعه : ذياب احس شي مضايجنك..
نقزت ابمكاني بعدت ايدي عنه بسرعه يوم حرج عليه: يعني واحد ياي من الدوام تعبان ش يكون حاله برايج.
بطلت اعيوني مستغربه لانه حرج عليه و هذي اول مره من ردينا من العمره ..حتى لو مر موقف و عصب مني يمسك اعصابه يقعد يراضيني و لو كنت انا الغلطانه ...
طالعني: مليون مره قلتلج ما بلاني شي و الحينه بعد اقولج ما فيني شي ...زيييييييين ارتحتي
صديت عنه لاني ما بغيته يجوف دموعي ..ابصراحه ما توقعت ردت فعله هاي يزاتي لاني قاعده احاتيه ...و اسأله كل شويه ..
سمعته ياخذ نفس و نزل من السياره ..و الله حسبت براضيني بس انا ما جذبت ذياب متضايج من شي بس اتمنى مب مني ...يسولف معاي بس جنه مغصوب ...جفته يترياني برع يطالعني بنظراات غريبه ..فنزلت ابسرعه ..سبقني .. و لحقته ..دشينا بيت اخته ما بغيت ارمسه لان المكان مب مناسب بس قلبي ياكلني اخاف يهدني .من سالفه البارحه يا ربي ساعدني ...دشينا الصاله ..سمعت صرااخ مهره : بابااااا حبيبي
شلها ذياب: فديت مهرتي "باسها"
خطفتهم و سلمت ع خالوه العوده و عبيد و سهيل ..بس ندى و فتون محد جافتني ادور عليهن بنظرات بس طنشتني ..
مهره اتيير عبايتي : عموه بابا امس خذاني الالعاب مكان بعيد..
شلتها و بستها : ما ولهتي ع عموه ..
مهره بوادي: عموه وايد العاب هناك ..
ضحكتني: هههههههههه
سمعت ذياب يسلم ع اخته ..اقصد خالوه العوده ... يلست مجابلتنهم .و يلست مهره فوقي ..كانت اتسولف عن امس
قلتها: شريتي لج فستان ..؟؟
مهره جنها تذكر: هيييييييي فتون اشترت لي هديه فستان ..
زقرها عبيد : مهرو سهيل خذ دورج..
ربعت مهره صوبهم تجاتل معاهم ..ذياب : بس ايه ..
خالوه العوده: و انتي ما رحتي معاهم تشترين فستان شوه مب ناويه تحضرين العرس ..
قلتها و انا اتجنب نظرات ذياب: امبلى بحضر ان شاء الله ..
خالوه العوده: عيل ما تبين يوفون فستانج شوه ...يعني طالعين مره وحده جان رحتي لازم اتعبين ريلج..
طالعت ذياب علشان يرمس عني بس اونه قاعد يعابل بموبايله ...
سكت ما رديت عليها لان اصلا ما عندي رد ولان بالي مشغول بـ ذياب ..
قلتها: وين ندى و فتون ...
خالوه العوده بدارهم ....الحينه بنزلون..
سمعت ذياب يرمس بالموبايل: تعالي تحت انتي و فتون ..."وصكر"
بلعت ريجي من اولها الجو متوتر ...طالعت ذياب بنظرات حـزن بس تجاهلنـي ..حز بخاطري ها الشيء ...
خالوه العوده: شحالهم اهلج ..
قلتها: بخير ..
خالوه العوده: عيل ما اتيينا ..اكيد كل يوم فـ بيت اهلج ..
قلتها بنبره ضعيفه : اهلي محتاجيين..
خالوه العوده: في شوه يا حسره ..جي انتي ريال ..
طالعت ذياب متضايجه من اسلوب اخته معايه ...بس فاجاني يوم نش من مكانه خلني بروحي وراح صوب اليهال اونه يلعب معاهم ...عضيت ع شفايفي ..بس رحمتي ندى يوم ييت من وراي اونها
اتروعني: بوووو
ابتسمت له بس كانت ابتسامتي بلا حياه : هلا ندوي .افتقدتج.."وقفت و سلمت عليها"
عقبها فتون سلمت علي و قالت: اكيد غيراانه لان ندى معايه من البارحه صح
متفيجه ثجل دمج انتي بعد ..
فتون: هااااااااااااااا سكوتج اكبر دليل ..
ندوي: فديت الي اتغار عليه ..
طالعت ندى و ابتسمت ..انتي الي فيهم فديتج و الله ...
خالوه العوده: يمه فتون خبري الشغاله اتحطي غدا ..
فتون : من عيوني ..
وراحت برع تزقر الشغاله ..التفتنا لـ مهره الي كانت اتصرخ و تضحك بصوت عالي و ذياب قاعد يتصارع معاها ..يلست اراقبهم و انا مبتسمه ع ضحكات مهره و ذياب الي شكله مستصغر روحه
ندى: شوقاني فاتتج الفساتين خبال ..
قلتها: و الله و شو اسعارها..
ندى: معقوله ..
خالوه العوده: ويه من جي ما رحتي معاهم ..اتحاتين الاسعار صح كل شي غالي بس انتي عندج ذياب يرووم يشتري المركز بكبره "سالتني باستفزااااااااز"..ولا مب متعوده تشترين من الغالي ..
ندى: لا خالوه شوقاني دوم تشتري من الغالي ..
خالوه العوده: و الله ما اصدق
طنشت خالوه العوده لانها حسيت انها سخيفه و بكون اسخف لو رديت عليها
فسالت ندى: و فتون شو اشترت ولا فصلت ..
ندى: لا اجرت ..قالت ما يحتاي افصل ..
قلتها و انا متعمده اغايض بخالوه لعوده: ويه عيل انا فصلت لي فستان عرس ..ما ادري ان فتون بتأجر جان عطيتها فستاني تلبسه..
ابتسمت ندى جنها فهمت اني عق رمسه حق خالوه العوده الي وقفت من سمعت كلامي : بروح اجوف فتون شو اتسوي برع ..
من ظهرت خالوه من الصاله نشت ندى من مكانها و يلست عدالي ..
طالعتها مبتسمه: بلاج..
طالعت خالها جافته مب مهتم فصاصرتني: لازم اقولج ششي انا متروعه ..
طالعتها و مدري ليش خطر ع بالي راشد لانه يمكن البارحه هددني انه بياخذ ندى غصبن عنا ...
ندى تبلع ريجها : شوقاني بس ما اتخبرين خالي امانه ..
نقزنا انا و ندى يوم سمعنا صوت فتون: لحقتوا اتقولون لـ بعض اسرار ..
رفع راسه ذياب لافتنه كلام فتون ..
ندى مرتبكه: مب اسرار سوالف عاديه ..
فتون: عن شوه..
قهرني اسلوب فتون فرديت عليها: توصف لي فستانها الي شرته..
فتون مب مصدقه : و الله !!
طالعتني ندى .ابتسمت لها اطمنهاا ...دشت علينا خالوه ..شويه و انحط الغدا .تغدينا عقبا يلست أعد الدقايق و الساعات علشان نظهر من هالبيت ..راقبت ذياب ..جفته امطنشني موليه حز بخاطري وايد..بديت اندم اني خبرته البارحه عن سالفه راشد بس هو بالاخير بيعرف بيعرف ...
اتنفست الصعداء يوم ظهرنا من بيت خالوه و معانا ندى و مهره ...و جفت فساتينهن عيبتني وايد بس فتون اونها تبا فستان عرسها يكون مفاجاه و انا اصلا ما اصريت اني اجوفه لاني مب مهتمه لهاك الزود...شي ثاني كان شاغل بالي ..ندى و من شوه متروعه يمكن انا ابالغ يوم قلت عن راشد يمكن تقصد عبدالله الي خاطبنها و يتريا ردها ...
ذياب و نحن رادين : بتروحين بيت ابوج..
هزيت راسي بمعنى لا ..
مهره: بابا انا بروح وديني بلعب مع حمودي ...
ذياب مطنشنها : ليش خلاص ارتحتي بنت عممج سافرت ..
طالعته بنظرات عتب و صديت عنه ...للحين مدري الاسلوب الي اتبعه معاه زين ولا ينرفزه لاني اصلا مب عارفه شو سالفته و ليش متضايج ..
حط ايده ع لحيتي دزيته و صديت عنه ...
وطي صوته: تتغلين ..
هيه اتغلى بس سكت و الله ما يدري لو صد عني اني ببوس ريوله علشان ارضيه بس دام انه يحاول يراضيني خليني اتغلى عليه شويه ..
وصلنا بيت ذياب ..كنت بنزل بس زخني ذياب من ذراعي بداخلي و الله بطير من الوناسه بس اوني زعلانه ..
ذياب: ندى شيلي مهره وياج...
مهره اتصرخ محتجه ع بالها بنروح عنها : ما ابى ما ابى ابا اتم معاكم ..
شلتها ندى بالغصب وودتها داخل ....راقبتها :فديتها ..
ذياب: خليها دلوعه هاي..
قلته: انته دلعتها و الحينه تحمل ..
تجرب مني و قال بصوت هادي: و الله "وطالعني بنظره جنه يذكرني بالي نحن فيه"
لصقت باب السياره
ذياب مستغرب: بلاج..؟؟
قلته: مب جنك فـ بيت اختك كنت زعلان مني و انا ما دري شو السبب ..
ذياب يكتم ضحكته: زين و بعد..
عصبت عليه:اعتقد.. انا مب قاعده انكت ..
ذياب: هههه حلوين يوم يستون رسميين ..
عاتبته: ذياااااااااااااااااااب ..
ذياب: زين و الله اني مب زعلان منج بس انتي استفزيتيني ..
صديت عنه: ما عليه يزاتي يوم اني احاتيك..
ذياب: بس مب لدرجة الالحاح ...
طالعته: يعني انا لحوحه ..
ابتسم و هز راسه بمعنى هيه ..
اوني بفتح الباب :شكرا ..
ذياب اييرني: وين رايحه..
قلته: بروح داخل اكيد مهره ميته صيااح ..
ذياب يتمسكن : و انا ..
طالعته: زعلانه منك ...
ذياب : قولي و الله ..
ما رديت عليه ..تميت صاده و مبتسمه بس ما خليته يجوفوني ..فتحت باب السياره و نزلت ...عضيت ع شفايفي ع بالي بنزل يلحقني بس لبسني و الله حسييت بالندم ..كنت بلحقه بس حرك سيارته ..كنت بصيح حتى ما اتريا لي ما ادش البيت ...دخلت و قلبي يتقطع من الندم.
سمعت صياح مهروو واصل عندي فربعت داخل ..
ندى: بس اسكتي راسي عورني منج ..يا ربي ها عبيد التيس ما رضى يرجع ويانا
مهره: عببيييييييييييد ابا عبييييييييد"وترافس ع الارض"
ندى: مهروووووو بصفعج..
دشيت عليهم: حرام ندوي .."ونزلت عالارض شلتها و لويت عليهااا"
مهره تدلع: ندى ضربتني ..
ندى تشهق: بعد تجذبين ..
قلتها: ندوي لا اترمسينها جذا ...ياهل هاي ..
ندى: هي دلعيها انتي و خالي عقب انا الي ابتلش ..
طنشت ندى و يلست ارضى مهرو لاعبتها و انشغلت وياها .. ندى كل ما اطالعها اجوفها تاكل اضافيرها و سرحانه ...
خليت مهره مندمجه بالالعابها و رحت صوبها: ايييي ..
رفعت راسي اطالعني : شوه..
يلست حذالها: بلاج..
تنهدت :ماشي ..
حلفت عليها: و الله اتقولين ...شو رفضتي عبدالله ..
ندى اتهز راسها بمعنى لا : بعدني ما قررت ..
ضربتها بجتوفها: عيل شو الي شاغل بالج..
صدمتني: راشد يبا يجوفني فـ بيتهم ..
شهقت و جنه حد صفعني ع ويهي .حتى ندى استغربت من ردت فعلي ..
ندى: بلاج انا ما بسير ..
هددتها: يا ويلج ان سويتيها ..
ندى: و الله ما بسير بعدين موزي الي قالت لي مب راشد نفسه..
عصبت من موزي فقلت: ندووي
ندى: و غلاة امايه و باباتيه الي بقبرهم ما بسير ..
حسيت ان ماي بارد انصب علي و ارتحت ..عفدت عليها و لويت فيها : دخيلج ندوي لا اتسوينها ..دخيلج..علشان خالج..
ندى مستانسه: شوقاني انا بزعل منج ..جي مب متربيه اسوي هاي الحركات ..حتى لو كان فـ يوم خطيبي .
مدري ليش كلامها احرجني ..فابتعدت عنهاا و ابتسمت لها ابتسامه هي ع بالها ابتسامه رضى بس بدااخلي كانت ابتسامه احراج و خجل ..من كلامها .. ان دل ع شي دل ع تربيتها و اخلاقها ..
قلتها: بروح حجرتي ...بغير ملابسي ..
رحت ع طول حجرتي ..صحت متلومه من تصرفاتي قبل زواجي و ارتباطي بـ ذياب تنهدت و حمدت ربي انه ستر عليه..بس راشد يخطط لشيء ..يا ربي اخاف اخبر ذياب و يروح يتجاتل معاه ما فيني ع المشاكل ...انسدحت ع الشبريه تنهدت افكر متى هالراشد ببعد عن حياتنا متى بس..أذن المغرب ...كنت بنش من مكاني بس سمعت حس ظنيت انه ذياب فغمضت اعيوني اسوي روحي راقده ..
دق قلبي يوم سمعت خطوات ريوله تجرب مني ..فحطيت ذراعي ع اعيوني اوني علشان ما انكشف ..اني مب راقده ..حسيت به يوم قعد جريب مني ع الشبريه ..سحب ايدي بس انا تميت امغمضه اعيوني و بداخلي جني عصفوره ارتجف من قربه ...
حسيت به يلبسني خاتم ..ما قدرت اقاوم فتحت اعيوني ..تفاجات كان وايد جريب مني ...
رفعت ايدي اطالع الخاتم بس و الله الخاتم ما شغلني عنه ..و ما طالعت الخاتم الا لاني احاول اتجاهل مشاعر ي صوبه ...
قلته بصوت واطي: مشكور ..
زخ ايدي و همس بنبره عذبتني : انا اسـف شوق ..
حطيت ايدي ع شعره العب فيه بس نش و راح ابعيد عني
كمل كلامه : عندي واحد حمار بالدوام ..موكلني .. و نتفق ع كل شي ..و يوم انروح المحكه الغبي يغير اقواله . و اليوم كنت وايد محرج منه لانه سوا هالحركه اكثر من مره ..رغم انه المدعي عليه ..
كنت اسمع كلامه كمل و عينه بعيوني: و المفترض يثبت ع كلام ..بس نرفزني انا اقول كلام و هو ينكره جفتي حمار شراته ..
نشيت من ع الشبريه و ابتسمت له و قلت : لا ..
طالعني يوم جافني ابتسم: انتي اصلا فهمتي شي
ضحكت: ههههه لا وش لي بسوالف المحاكم انا ..
ذياب ابتسم لي ابتسامه طيرت عقلي مني و قال: مب مهم تفهمين بس بغيت اوضح لج ليش انا اليوم راد من الدوام محرج."قال بنبرة عذاب".تراني وايد احبج شوقاني
رحت صوبه علشان ادفن ويهي بصدره بس وقفت ابمكاني يوم تبطل باب الحجره
مهره: عموه ندى شلت عني اللعبه .
ذياب محرج: مهري ظهري برع بسرعه ..
مهره شويه بتصيح: ما ابى ..
شوق: هههههههههه
ذياب: مب ع كيفج ما اتعرفين متى اتيين يا الدبه..
ربعت مهره صوبي نزلت و لويت عليها و ضحكت بصوت عالي ..
مهره: ما احبك..
رن موبايلي ..فوقفت و ياه ذياب يشل مهره يتصاارع معاها ..جفت المتصل شيخاني
رديت عليها و انا اضحك ع ذياب و بنته: هلا ..
شيخاني: شحالج..
قلتها : زين شخباركم ..اخبار باباتيه..
شيخاني : ابخير .. ابشرج عيال عمج روحوا..
قلتها : ادرى من الصبح ..شخبار باابااتيه ..
شيخاني: ابخير جي ماييتي ...
قلتها: مدري يمكن باجر...
شيخاني: زين انا و سعيد بنطلع صوب دبي ابا اتزهب طبعا بتيين معايه ..
فديتها حصه لو كانت موجوده ما بتقصر معانا دمعت اعيوني ع ذكراها الله يرحمج يا حصيص ...و الله جنج عايشه معانا ...
قلتها: بجوف ذياب و بخبرج ..بعد ظهري مع موزي..
شيخاني: هي خلاص اتفجت معاها باجر انروح..و ندوي يمكن بعد ..
عقدت حياتي : ندى ما قالت لي..؟؟
شيخاني: شو كل شي بتخبرج ..
طفرت بي شيخاني:: يلا انا بصكر باي..
شيخاني: بااااااااااااااي
طلعت من حجرتي جفت ذياب و بنته قاعدين يجوفون رسوم ....في الصاله ..
ذياب: شو اخبرهم اهلج...
يلست جريبه منه: ابخير ..
مديت ايدي العب بشعره و سرحت بندى خايفه عليها من راشد..
طالعني ذياب: بلاج حبيبي ..
قلته : ماشي..
ذياب: شي شاغل بالج...
طالعته: اتمنى ندى اتوافق ع عبدالله
رفع حياته : ليش...يعني
صرخت مهره منفعله: بابا جوف بياكلها التمسااح باااااااااااااااابااااااااااااا
ذياب: زين اجوفها ..بابا.
ابتسمت لـ مهره و دزيتها براسها بحنان ..
مهره: اوووه عموووه خليني اشوف الرسوم..
ضحكنا عليها انا و ذيااب ..وقف: حبيبي انا بطلع برع شويه ...
قلتها: ما بتتعشى هني..
ابتسم: لا معزوم برع ...
مهره: بابا تعال اقعد جوف الفلم..
ذياب: يوم برجع حبيبي..."طالعني" تبين شي حبيبي.
ابتسمت له: اتحمل ابعمرك ..
ذياب: من عيوني ..
و طالعني بنظرة حب اخجلتني..صديت عنه ..سمعت ضحكته و ظهر من الصاله عقب ما لبس كندورته ..و شل معاه موبايله ..تعيشنا انا و ندى و مهروو ...سولفنا بمواضيع وايده ..مدري ليش ما طريت لـ ندى عن رايها بخطبتها لـ عبدالله خفت تطفر مني..
.بس طرت لي انها بتروح باجر السوق و ذياب سمح لها ...حسيت طفرانه من دون ذياب..فكرت اتصل به علشان يرجع البيت ..بس غيرت رايي لانه اكيد شي ريايييل معاه ..تنهدت ...رقدت مهره و رقدت معاها ما حسيت بـ ذياب متى رد من برع لاني يوم وعيت باخر الليل جفته راقد...و رجعت اكمل رقادي...
في اليوم الثاني رحت بيت اهلي من العصر ...لاني البارحه موليه ما خطفت صوبهم ..حتى بدور ما سالت عن حالها فكرت اتصل بهاا ..بس غيرت رايي يمكن ارجع و اغثها فديتها و الله ..خليت مهره تلعب مع حمودي...
و يلست بالصاله مع باباتيه حتى فتر ة المغرب يوم تيمعنا انا و امايه وسيفاني و سعيد...
خذتنا السوووالف و الضحك و كلها كانت مرتبطه بمهروو و حمودي الي مسوين فـ بيتنا جو ..
اماايه: فديتها مهروو ..شوق كل مره يبيها بيتنا خليها تستانس مع حمودي...
شوق: زين بس مرات ابوها ياخذذها بيت اخته ..
اامايه: يبيـهاا خليه يتسلى و حليله متبهدل غامضني..
طالعت سعيد الي ع طول من سمع كلام ماماتيه طالع التلفزيون و جنه يدري امايه شو بتقول..
امايه: اجوفك صديت جنك عارف شو بقول...
سعيد: امايه سبق و تكلمنا بها الموضوع وايد و انا فكرة الزواح موليه مب فـ بالي ..
اماييه محرجه: ليش ان شاء الله مستانس ولدك جي حاله..
زخيت ايد باباتيه من غير قصد و رصت عليها ...
جفت سيفاني منزل راسه ...
سعيد: الحينه محمد عايش و مب قاصرنه شي..
امايه معصبه: امبلى قاصره شي ...يعني تظن اني بتم بهتم فيه طول حياتي انا ما ربيتكم و تعبت وياكم..علشان اربي عيالكم ...تعبت ابا ارتاح مب كافي ابوكم عليه...
ع طول قلت: امايه ...شو بلاه باباتيه ..
امايه بانفعال: شوه شوه بلاه انتي داشه ترقدين بحضنه و تططلعين تبوسينه ...بس ها الي تسوينه ..اخوج ماخذنه من مستشفى لـ مستشفى متبهدل وياه و انا من تزوجته مستويه له جنه ممرضه مب زوجته..
يتني الصيحه لان كلام ماماتيه كان وايد جاسي: حرام عليج لا ترمسين عن باباتيه جي...
سيفاني: فديتج امايه انا ما تشكيت وواجب علينا انراعي ابويه ..
اماايه شويه و بتصيح: و انا منووه يهتم و يفكر براحتي...
صخينا كلنا فعلا كان الجو متوتر.. و سعيد حسيته وايد متضايج لان كلام ماماتيه ابد ما كان سهل...
سعيد: زين خلاص لا اتسوين بروحج جذا..
اماايه بدت اتصيح: ربيتكم و تعبت وياكم و يا ابوكم .. و الحينه محد منكم ياخذ بشوري..يعني تظن يا سعيد انا بضرك يوم اقولك عرس.. و انا ما اخترت لك وحده غريبه ..عنك و عن ولدك ..بنت خالتك و خالة ولدك ..
نزل سيفاني راسه بالارض و الله تقطع قلبي عليه ....و هم سعيد منزل راسه بالارض..
امايه مب راضيه ترحمنا: يعني قلنالك بنت عمك "طااح قلبي" جمال و ادب و اخلاق و بعد بنت عمك..خواتك قالوا ما تنفع ..قلنا لك بدور بعد ما عيبكم ...شو انسوي شو انسوي...
صخت امايه يوم باباتيه قام يطلع اصوات يبا يرمسها لانه قاعد يجوفه بعيونه كيف مشتطه ...
حضنت باباتيه لانه اكره حياتي يوم اجوفه جي ضعيف يبا يرمس بس ما يقدر لويت عليها
و قلته:خلاص خلاص باباتيه .. فديتك ما صار الا الخير ...
امايه: اندوكم طاعوو اختكم من متى انا اصارخ و مشتطه ما فكرت اتواسيني بكلمه و ابوك بس طلع هالصوت تخبلت عليه ..
صحت لاني حسيت ان ماماتيه جاسيه كل ها علشان سعيد مب راضي يعرس ..
سيفاني: امايه الله يهدااج مب زين جي اتسوين جدام ابوي ..
صخت امايه ..نش سعيد من مكانه و باس راس امايه: خلاص الي تبينه بنسويه المهم راحتج و راحة ابوي
امايه : من اول قول جي يعني لازم يصير كل هاه علشان تاخذ بشور امك..
تحرك سعيد ورااح صوب الدري رايح حجرته.. و سيفاني اول مر بحياتي اجوفه منكسر ضعيف ما بيده حيله نش من مكاننه وطلع برع ..يواسي نفسه و يلم جروحه ...
تنهدت ان كل شي عد ابخير .. و ابوي لو امايه درت ان سيف يبا بددور شو كانت اتسوي..
ما وقفت للعشى ولا ترييت شيخاني اترد من السوق...لاني كنت مضايجه من الخاطر..من الموقف الي صار و من مصير بدور و سيف و سعيد...
نزلني ذياب .حاولت قد ما اقدر اني ابين له اني هاديه و طبيعية ..حتى ما يسألني و افتح الجرح مره ثانيه ..وقت مما اكون رايقه بخبره ...نزلني و قبل ما يرووح سالني: اختج ما قالت متى بتيي من السوق تاخرووا
هزيت جتفي : مدري حبيبي ..
ذياب: الساعه ثمان كل ها بالسوق..
ابتسمت: يمكن الحينه بيييون .....
تجدم مني ذياب: بروح المكتب بييب ملف و برد ما ودي اخليج بروحج بها البيت ...
ابتسمت له: زين عمري ..الشغاله موجوده تطمن..
تنهد: ما توقعت ندى جي بتتاخر ..كنت خليتج بيت ابوج ...
طمنته: عمري عادي و االله .
طالعني بنظرات ذوبتني: زين ما بتاخر عليج و ندى الظاهر بتحصل لها هزبه محترمه...
حطيت ايدي ع خده: و الله ما اتقولها شي...
تجد مني و صاصرني: تراني اعرف انج متضايجه و اونج مسويه روحج عادية ولا كأن فييج شي.. ..
دزيته برقه: زين طوووف ...
ذياب: ههههههههه باي عمري..
قلته : بحفظ الله ...
رحت عشيت مهره و رقدتها ..طالعت الساعه صج الحينه عشر و ندى تاخرت ..ياويلها شيخاني من سيفاني جان هو فـ البيت فديت روحك يالسيف بس لازم يضحي و هذا حمودي ما اظن رخيص عنده
..يلست بالصاله تحت اجلب قنوات التلفزيون تهيأ لي صوت صراخ ..بلعت ريجي ..ابيه يمكن حد يخوفني..و البيت شكبره و انا بروحي ..بس طارت افكاري كلها يوم انفج باب الصاله بدفاشه وقفت ابسرعه متروعه ...بالفعل كان صراخ ندى اتصييح .. و ذياب كان زاخنه من شعرها ...
حطيت ايدي ع حلجيي خايفه ..
ندى اتصيح و اتقول: و الله ما سويت شي و الله ..
ذياب كان ينافخ من العصبيه ..دزز ندى صوبي فطاحت تحت اريولي ..
ذياب بصوت عالي محرج يطالع ندى : هااي الي اسمها موزي اذا جفتها عند بابا بيتي بقص ريولها .. و اذا جفتج اترمسينها بقص لسانج ...تسمعييييييييييييين ...
كانت ندى طايحه تحت ريولي اتصيح مدري حسيت انها مظلومه ..و بعدين هذي رفيجتي ما ارضى عليهااا
بس نقزت ابمكاني يوم ذياب طالعني: حتى انتي ...
بلعت ريجي ..نزلت ووقفت ندى و قلته: زين لا اتحرج جي..
تجدم مني ويير ندى من ايدي ناوي يذبحها من الضرب ..ذياب وايد محرج ...كنت خايفه يردها علي....مدري شو السالفه و شو مستوي ...
تجدمت منه ازخ جتفه: ذياب دخيلك خلها ..بتموتهاا
دزني ذياب فطحت ع الكنبه صرخت من الالم بس ماات كل شي فيني يوم طالعني
بنظرات الاتهام: كل منج انتي من يبتتج هني.. قمنا انجوف البلاوي و لمصايب فـ هالبيت
>>
"""""أسـمع حياتـي لا تسـئ الظـن فـيـا..حكم ضميـرك قبـل مـا تحكـم علـيا ....المحبـة هي هي كل مالها تزيد شـوية أغلا من عينيا أبتـدى مني إليا إلـيا ...في بحور الحب نسبح نسعد النفس الشقية
والي وقعني في حبك لمست إيديك في إيديا""
راشد مبتسم : اعلومج بنت الخاله ...
بلعت ريجي و صديت عنه اطالع خالوه حليمه: انا بروح البيت مع السلامه ...
موزي: تعالي جوفي الاغراض الي شريتها ..
قلتها و اانا ابا اهرب من كل شي .: مره ثانيه لازم اروح البيت ...
فتحت باب الصاله الطامه الكبرى يوم سمعت خالوه حليمه اتقول حق راشد: وصلها صوب بيتهم الدنيا ظلام ..
رجعت ع طول: ما يحتاي ..
وصكيت باب الصاله ابسرعه علشان ما اخليه يلحقني صوره ذياب ما فارقت بالي ..تذكرت عيونه نظراته لو كان جريب يراقب الموقف حسيت برجفه ..خفت و ندمت اني ييت بيت خالوه حليمه ما استفدت شي غير اني عذبت بدور... و جابلت هالنذل ...كنت بطيح يوم سمعت صوت راشد وراي: ليش تهربين مني..
سكت ............."سرعت بخطواتي..."
كنت بفتح باب الحوي بس سده بدربي ..كنت ارتجف لاني يوم اتذكر الي سواه راشد فيني ..يروع ..و ابد ما يطمن ..رجعت خطوه لورا لاني حسيت وايد جريب مني...
قعد يتاملني تضايجت من نظراته ..سالني: مرتاحه مع هالتعبان ..
حرجت عليه: ما يخصك ..وخر عن دربي..
ابتسم ابرود: شو عايبنج بها السكير ..
من سمعت ها الكلمه تجدمت ناويه اظهر بس خطى وياا و تجرب مني فرجعت ورفعت راسي اطالعه كمل كلامه يقولي: حليو انا بعد حليو ..
طالعته و قلته : انته ما تسوى ظفر ريوله ..
حسيت حرجت ببس قلته: وخر عن دربي ولا بزقر عليك ..........
قاطعني: منوه ابوي بييج ركض..
صدمني: انته حيوان تطنز ع ابوك ..
راشد : خلج من ابويه ..انتي لازم تطلقين من ها السكير..
عصبت عليه: انته السكير الحقير خريج السجون ..
من ملامح ويهه ما توقع كلامي و من ردت فعله عرفت ان سيفاني ما كان يجذب..
راشد: تذكرين يوم كنتي اتبوسين الارض اللي امشي عليها ..
حسيت ان وقفتنا مالها حايه .. و خاصه انه قام يخور بالرمسه ...فصرخت: خالوووووووووووه ..
راشد: هههههههههههههههههه طيحتي قلبي ...
كنت بصيح: خلني امشي ..
زخني من ذراعي و قال بعصبيه: مثل ما قدرت اخليج تعشقيني ..بخليج تطلقين منه و اتيين اتحبين لي ..
حاولت ابتعد عنه : انته نذل كل الي سويته و بعدني عايشه مع ريلي لاني احبه و يحبني..
راشد : ههههههههههههههههههههههههه ضحكتيني.."طالعني بنظرات خبث" شرايج اشيلج الحينه و احبسج بمكان مظلم و مخييييييييييييييف و محد يعرف عنج شي الين ما ياكلج الدود و اترم عظامج..
ارتجفت و حسيت بالخوف لانه قاعد يوصف لي المكان الي حبسنيي فيه سيفاني بيوم ..
ضحك راشد يوم جاف نظرات الخوف بعيوني وضحك : ههههههههههههههههههههههههه "سكت و طالعني" بعدج جبانه ..؟؟
قلته بصوت خايف: خلني امشي البيت ...
راشد يهز راسه بمعنى لا : ما اقدر قلبي يعورني ع فراقج "ويضحك يتمصخر علي" ههههههههههههه "ويقلد صوتي" انا احبك راشد
صرخت بويهه: اكرهك اكرهك ...
و رجعت داخل ناويه ازقر موزي اتوصلني او خالوه حليمه بس لحقني و زخني من ذراعي صرخت عليه بكل غيض : هدنـي يا الحقيييييييييييير ..هدنـي ...
رص ع ذراعي و قال : خبري ريلج التعبان ...مثل ما قدرت و خليتج تركضين وراي بخليه يركض وراي علشان يزوجني .ندى..
ييريت ذراعي منه بقوه حاولت اصفعه بس رجع راسه لورا و قال : مب كل مره يا حلوه ...
كنت بصيح: انته شو تبا منا خلنا بحالنا ..
راشد يهز جتفه و يبتسم: اتسلـى ...
ما تحملت صحت: الله ياخذك انته موليه ما تحشم حد ...احسن شي سوته ندى انها رفضتك لانك مب آدمي ..
كمل كلامي: و ما اتعاشر ..مب ها كلام ريلج..
صرخت عليه : ما يخصك..
تجدم مني بس انا رفعت راسي اواجهه حط صبعه ع يبهتي و جنه يفكر بكلام : امممممممممممممم
رجعت ورا متجززه منه و من نظراته ..
ابتسم بإستهزا ع حركتي و قال ببطيء شديد و كأنه يبا يقهرني : اتقولين اممممم عني اممممممم نذل ..."طلعني بنظرات خبث" اتبين اقولج شو يطلع ريلج عيل ..
طالعت باب الصاله ادعي ربي ان حد يظهر رجعت و طالعته: ما يهمني كلامك يا التعـ...
بس شهقت و كتمت صرخه ..يوم زخني من رقبتي و دزني لورا لي ما وصلني ورا بيتهم ..كنت بصرخ بس حسيت ان نصخي باي لحظه بنقطع ...ارتجفت تحت قبضت ايده و جني عصفوره ...حسبته بجتلني ..صحت بصوت عالي من الخوف و من امنيه خطرت في بالي و عرفت ان من سابع المستحيل تتحقق ان ذياب ايي ينقذني من ها الادمـي ..
بطلت اعيوني اطالعه بخوف...
راشد و شكله بدا يحرج: شو فيييييج اتصيحين و متروعه ترا هالمكان كان شاهد لنا ...ان نلتقى دوم هني ..
تكلمت بخوف و بصعوبه : انت شو تبا مني ...
ابتسم و جرب حلجه من اذوني و كأنه يبا يسمعني عدل بس انا احاول ابعد راسي رغم ايده الي كانت تضغط ع رقبتي ...
راشد يعلي صوته بأذوني حسيت ان طبلتي انطرت خلاص : اباااااااااااااج تسمعينـي ...
غمضت اعيوني جني بحـلم ها الخريج السجون شرير ..ممكن يسوي فيني اي شي ...صحت بصمت ..ذياب الي كرهني و ما كان طايقني باول زواجنا بس عمره ما مد ايه عليه ولا يهون عليه يجوف دمعه تنزل من اعيوني قلته بخوف كبير: لو جافك ريلي بجتلك..
صرخ علي فجأه: لا اتقولين ريلي ...
صخ يوم جافني اصيح و انتفض بعد ايده عن رقبتي و ابتعد طالعت الصوب الثاني كنت بركض بشرد منه رجعت طالعته انصدمت به
يبتسم: لا اتخاافين ما باكلج ولا بسوي فيج .. و بخليج اتروحين بيتكم ...بس قبلهاا
حسيت بالامان يوم ابتعد عني فقلته : ما بصددقك كل الي اعرفه انك سويت روحك اتحبني لانك اتعرف ان ذياب يباني حتى ايام قبل ما تتوفى طليقته..
فج اعيونه انصدم عقب قال : قالج انه طلق عمتيه ..ما شاء الله فاتح قلبه لج.."سالني" بس ما قالج ليش طلقها ..
قلتها بحقد: ما يخصك ..
تجدم مني ابسرعه فغطيت ايدي بويهي بسرعه احمي نفسي يوم جاف هاي الحركه مني وقف ابمكاانه
قال : لا اتخافين انا ما امد ايدي ع حريم .."وضحك بستهزاااء" هههههههههههههههه بس اقص عليهم ههههههه
ما تحملت كلامه صحيح انا ودي اعرف شو بين ذياب و راشد لكن مب عن طريق راشد لانه لوتي جذاب..علشان جي ما كان يهمني يوم يبا يسمعني كل الي يهمني اني اربع من هالمكان و بالفعل ركضت و ركضت و ركضت بس لحق بي و زخني بوسط الحوي صرخت : خالووووووووووووووووووووه ...
التفتنا لـ باب الصاله يوم انفج و ظهرت موزي كانت بتزقر الشغاله بس استغربت يوم طالعتنا ...
موزي: شوق انتي بعدج هني ..
قلتها : تعالي موزي ابسرعه ...
تجربت موزي اطالعني و اطالع راشد : شو بلاكم ...
قلتها و انا امش دموعي: قولي اخوج يبعد عن حياتي و حياااة ريلي .."طالعته و صرخت عليه بشكل هستيري من الغيض" خلينـي بحـالي
راشد حرج: لا ادخلين اهلي بالسالفه...
موزي مستغربه: شسالفه..
بلعت ريجي و قلتها: هذي اخر مره ايي بيتكم "طالعت راشد" طول ما اخوج عايش فيه ...
موزي: شوق...
بس انا طنشتها و طنشت نظرات اخوها ..خطفتهم و روحت سيده و قلبي يرقع بقوه موزي خليها اتفكر و اتقول الي اتقوله ..هالانسان لي متى بتم شرات الظل بحياتنا الحينه ذياب شو بقول وشو بيظن ..لا اله الا الله ...
وصلت بيتنا .. و دشيت ع طول الصاله ...سلمت ع الموجودين ما انتبهت منوه داخل صعدت ع طول رحت حجرتي... دشيت حجرتي .. و اتغسلت ..و انسدحت عالشبريه احاول اجمع افكاري ..حقير منوه يطلع علشان يسب ريلي و يقول عنه سكير ارتجفت و انا اتذكر كيف ييرني من رقبتي و يا الله رحمتك ساعدني خلصني من ها الوحش..الي صار لي معاه شي فضيع ...غطيت ويهي و تنفست بعصبيه و جني ابا اطرد لي صار من شويه من بالي يا رب ندى اتوافق ع عبدالله علشان تفتك من ها الشري ...رن موبايلي انتفضت متروعه طالعت المتصل تنهدت براحه هذي موزي ..حولته صامت مالي بارض ارد عليها اصلا شو بقولهااا ...
رفعت راسي يوم دشت علي امايه مدري ليش تذكرت حصه .
..امايه: شوق شو فيج..؟
همست: ماشي ...
يلست ع طرف الشبريه: شي يعورج...
هزيت راسي بمعنى لا .
طالعتني و سالتني : ما حملتي ...
ابتسمت: لا الله ما كتب ..
امايه: ان شاء الله خير ..يلا يمه تعالي تعشي مع بنات عمج باجر بيرحون ..
قلتها : ان شاء الله .
نزلنا تحت اانا و امايه
ليلى: بلاج ييتي تركضين من برع وين رحتي ..
طنشتها و سالت شيخاني: ذياب شو قالج..
شيخاني تاكل: ماشي ...اتصل ع تلفون البيت يسال عنج ... ودورتج و سيتي قالت لي انج في بيت خالوه خبرته..
عصبت عليه: و ليش اتخبرينه ...
الكل انتبه اني عصبت ع شيخاني: شو ريلج و يسال عنج وين رايحه يعني انتي ..
امايه: شوق شو بلاج..
سكت ..رن موبايلي ..رقع قلبي ع بالي ذياب بس ارتحت يوم جفت المتصله موزي ...حولته لـ صامت .. و يلست ع الصفره اوني اشاركهم بالاكل بس ابد ما ذقت طعمه للاني ما كنت اشتهي ...
تيمعنا كلنا في الملاحق عقب العشى ...خذتنا الضحك و السوالف بس انا كان بالي مشغول فـ شي ثاني فـ ذياب ..ما اتصل فيني ولا اتصلت فيه خايفه من انه يضاربني ..تنهدت ...
عمي: الحلوه مب ويانا ..
التفت له ابتسم و قال : سرحانه ..
رديت له الابتسامه : ما فيني شي
شيخاني: عمي هاي فيها حالات ...ساعه بتضحك و ساعه بتصيح و ساعه بتتحرطم..
قلتها: اسكتي انتي ما لج خص..
امايه: شووووووووق
شيخاني: جفت عمي ..
عمي : هذي شوق طالعه ع عمها ..
قلته ابسرعه: يعني انته ..
عمي: ههههههههههههه جي ما تبين تشبهين عمج..
حضنت باباتيه : انا بس اشبه باباتيه انته سيفاني طالع عليك ..
سيفاني: عادي ما رحتي بعيد عمي ..
عمي: و النعم ..
امايه: سعيد طالع ع ابوه ..
ليلى: خساره ..
طالعنا بعض انا و شيخاني الي قالت: شوه خساره طالع ع ابوه شو تبين يطلع ع راعي الدكان مثلا ..
الكل: هههههههههههههههههههههه
ليلى منحرجه: لا اقصد ما شابه ابوي لان احس سعيد منا و فينا...
فهد: لغز ليلى !
رن موبايلي طالعت المتصل كان "شوق ذياب" وقفت و طلعت برع ...رديت بصوت واطي: الو ..
ذياب يرمس بشكل جدي: شحالج ...؟؟
قلته: ابخير ..اخبارك..
رد : بخير ...وينج..
قلته: فـ بيت ابوي .خلصتوا ..؟؟
ذياب: هيه ..بنزلهم و بمر عليج يعني عقب عشر دقايق تزهبي ..
قلته: ان شاء الله عمري ..
صكر الموبايل من كلامه شكله كان زعلان ..فديتك و الله ..يا ليت اتحس فيني و ما اتزيديني ..رحت حجرتي لبست عبايتي و غيرت شيلتي .. و نزلت ...لاقاني سيفاني بدربي رايح حجرته .
زقرته: سيف .
طالعني ..مدري ليش تذكرت ايام ما كان وايد جاسي علينا ارتجفت ..
سالني: شو
قلته: نظراتك اتخوفني ..
ابتسم: لا اتخاافين بس فاجأتيني ..
قلته بصدق: بدور وايد متضايجه..
شكله عصب: شو تبيني اسوي لهاا ...
بلعت ريجي : حرام تغمض ..انته قلتها ..
رد علي ابسرعه: هيه قلتها بخطب علشان تتقبل فكره ان بتاخذ غيري ...
قلته.: انته صج بتخطب غيرها ..
سيفاني : مممدري افكر ..
قلته بخوف: انا خبرتها ان امايه تبا اتخطبها حق سعيد..
سيفاني يكمل طريجه: احسن ..
تميت واقفه ابروحي اراقبه لي ما دش حجرته و صكر عليه الباب ..الدنيا عذاب ..ليش جي يا ربي ...اتنهدت .. و نزلت رايحه صوب الملاحق ...بلعت ريجي ..شو اقول لـ ذياب ...الحينه ...كنت بصيح اكيد بتضايج مني ... عمره ما ضايج بي من رجعنا من العمره ..كل مني يا ليتني ما سرت بيت خالوه حليمه يا ربي انا اشلي بمشاكل غيري ...
رفعت راسي جفت سعيد طالع من الملاحق : شوق شفيج واقفه هني بروحج..
ابتسمت مب عارفه شو اقوله : ذياب اتصل بي بييني عقب شويه ..
التفتنا انا و سعيد لـ صوت ليلى : سعيد..." و يوم جافتني" اووه سوري ع بالي ابروحك..
عقدت سعيد حياته و طالعني يوم انا طالعته بخوف شو لا يكون بين سعيد و ليلى شي ..؟؟؟؟
سعيد بعده يطالعني : امريني ليلى ...؟؟
ليلى مرتبكه و جنها مصدومه من وجودي: ههههه لا ماشي كنت بسالك ..عن ولدك محمد..
طالعها سعيد: محمد !!!
ليلى جنها اتفكر: امممممممم هيه ..بس خلاص ما يحتاي ..
و ردت دشت داخل و فقت شيخاني الي بتراقبها .جايفه فهد داخل وين بتودر مكانها يا الدبه شيخاني....الله يعلم شو كانت تبا اتقوله ...
سعيد يطالعني: شو بلاها بنت عمج..
قلته ابصراحه: تبا اترمسك بس جافتني موجوده معاك..
ابتسم سعيد: لالا ما اظن .."وفكر" بس غريبه يعني ..تسال عن حمودي...مدري شو سالفتها ..
سالته بجد: ليش هي دوم جي تزقر و ترمسك..
سعيد مب مهتم و هاشيء ريحني: لا ..اممممممم انتي بلاج ضايج صدرج شو مكدرنج حياتي..
هذا سعيد الحنون فديته هو الانسان الوحيد لو غلطان و لو شو سوينا عمره ما حرج علينااا بالعكس كل يعاملنا بحنان ابتسمت له: ماشي ...
سمعنا هرن برع و رنة موبايلي ..فطالعت سعيد : ها ذياب برع ..
سعيد : بروح اسلم عليه ...
قلته: و انا بروح اسلم ع قوم عمي الا متى بسافر ون ..
سعيد: باجر الصبح من وقت ..
قلت بخخاطري احسن ..وايد ..رحت صوب الملاحق ...دشيت عليهم طاحت اعيوني ع شيخاني طالعتها بنظرات ابتسمت جنها تقهرني و عرفت ليش اطالعها بهاي النظرات ...
امايه: بتروحين ..؟
قلتها: هي بروح ذياب برع ...
سلمت عليهم كلهم ... و اخرتها بست باباتيه فوق راسه و قبل ما اظهر زقرت شيخاني: تعالي اباج شويه..
شيخاني نشت من مكانها .. و يتني برع ..
قلتها: باجر الصبح قوم عمي بسافرون .
شيخاني: يا قلبي ع فهد..
قلتها : عن السخافه ...جوفي ليلى من ساعه كانت تبا اترمس سعيد ...اتفاجات يوم جافتني ...انتبهي لها حتى يكونون بالمطار ..
شيخاني: انتي مكبره السالفه ...
قلتها: ابرايه ..بس جوفيها زين ...
نقزنا يوم جفنا سعيد ياي من برع: شوق يلا ريلج برع ..
قلته: انزين ..." و طالعت شيخاني بنظرات احذرها " شيخاني ردت داخل: زين حشرتينا ..
قلتها احذرها: مب اجوفين فهد مالج و اتمين لاصقه ابمكاانج يا ويلج..
شيخاني: زييييييين زولي ...ريلج برع.
طنشتها و رحت عنها سععيد واقف بوسط الحوي: شو بلاكن ..
ابتسمت: ماشي ..
سعيد: انتي كل ماشي ..
ضحكني رده: ههههههههه وين بتروح الحينه ..
سعيد: بنخمد ناش من وقت
قلته: نوم العوافي بس لا تظهر من حجرتك موليه..
سعيد مستغرب: ليش !!
ضحكت: ههههههههههه نست بنات عمك داخل عيب تظهر من حجرتك..
سعيد: ههههههههه ان شاء الله ..يلا روحي ذيااب برع ..
اصلا كنت اسولف مع سعيد علشااان كنت خايفه اواجهه ذياب ..بس وكلت امري لله ..
قلته: مع السلاامه ..
و طلعت و كنت امشي بثجل خايفه ...شو بسوي فيني الحينه ..تنهدت و ركبت السياره صاخه مالي ويه اطالعه ..
فاجأني يوم قال : الناس اتسلم..
طالعته كانت اعيونه تلمع بالظلام ما جفت ملامح ويهه تميت ساكته انا خايفه منك ذياب وايد ..خايفه لا تضارب معاي و تقاطعني مثل الايام الي طافت ...
طنشني يوم جافني منزله راسي صاخه حرك بسيارته ...ارتحت و الله كنت شاكه انه ما بمر عليه ..بيت ابويه بطنشني..بس الحمدلله ... زخ ايدي فجاه يوم وقفنا عند باب البيت ...
طالعته قعد يلعب باصابعي ..ذياب مب من النوع الي يفضح شو بداخله ابسرعه علشان جي كنت بعدني خايفه منه ...
سالني بهدوء: شفيج ...
رصيت ع ايده: ماشي ..
ذياب: متاكده ..
بلعت ريجي ..حسيت فرصه مناسبه ارمسه و من غير ما اجوف ملامح ويهه بوضوح علشان ما اخاف زياده
قلته : انا كنت ابا اخبرك ابروحي بس هذي شيخه الغبيه قالت لك...
سالني بنفس نبرته الهاديه : شو انج رحتي بيت خالتج ...
ارتجفت من نبرة صوته يا ويلي اخاف لهدوء يسبق العاصفه ..هزيت راسي بمعنى هيه ...
تم ساكت فقلته : انا و الله ..
ذياب مقاطعني: شوق ارمسي بس ما في داعي اتحلفين .."تجرب مني فحسيت بالقشعريره" لاني اعرفج زين ما زين متى اتكونين صادقه و متى اتكون اتقصين علي...
بلعت ريجي ابخوف يا ليتني ما رحت بيت خالوه حليمه شو يفكني من صدعت ذياب ...
ذياب: ع الاقل لو كنتي ممخبره اهلج او مخبرتني انج بتروحين بيت خالتج كان اهون ..لكن اتصل بج يعطيني مغلق و غير اهلج ما يدرون انتي وينج شو تبين افكر..
قلته بصوت واطي و انا كلي اسف و ندم: انا غلطانه ..بس غصبن عني..
ذياب: جفتي منوه هناك ...
طالعته و بلعت ريجي بصعوبه : بدور و خالوه و ريل خالوه ..
سالني: بس ؟؟؟
خفت اخبره بالي صار فقلته ابسرعه: بس ..
سالني و نظراته كلها شك: متاكده شوقاني..
نبرته خوفتني بس انا ما ابى اييب المشاكل حق عمري فقلته: بس ...
ذيااب بند السياره: ما علينا ..يلا نزلي ...
طالعته كنت بخبره الصج بس شي منعني يمكن خوفي صدقت يوم قلتلي جبانه ...نزلت ابسرعه من السياره حتى اني ما ترييت ذياب ..دشيت و رحت الصالهه .. جفتها فاضيه ...ركبت الدري...يا ليتني خبرته عن راشد لانه الحمار اكيد بخبره ...لازم بخبره علشان ذياب يذبحـني.تنهدت يا عذابي ...التفت صوب حجرة ندى ياني فضول اعرف و اجوف شو اشترت يمكن لاني ابعد عن الافكار الي اتخوفني و ابعد عن ذياب الي سمعت كحته في الصاله .. و قبل ما افتح باب حجرة ندى ..
سمعت ذياب : ندى و مهره برقدون بيت اختيه هناك نزلوا ...
طالعت ذياب هالمره كانت ملامحه واضحه ..بس صدمتني كانت هاديه و عاديه جدا ..توقعته يكون محرج ..وباي لحظه ممكن يجرحني بالرمسه ...شووو انا و ذياب روحنا في البيت الحينه بلعت ريجي بخوف ..
رفع حياته: شوه بتمين واقفه هناك طول الليل ..
انتبهت ..فتحركت تجدمني و لحقته دشينا حجرتنا ....فسخت عبايتي و شيلتي اا ذياب دش يتغسل ..عقبها ظهر يلست فـ الصاله يطالع التلفزيون دشيت الحمام و يلست ساعه كامله اوني اسبح بس اصلا انا خايفه ابا اقوله الي صار لي انا و راشد بس ما اتجرأ و الله ..يا ليته يفهمني يا ليته يحس فيني ....
طلعت من الحمام جفته منسدح عالشبريه ارتبكت بالاول ظنيته راقد بس تفاجات يوم بطل عيونه و قال لي: ع بالي رقدتي داخل الحمام ..
عطيته ظهري و رحت صوب التسريحه انشف شعري ما عرفت شو ارد عليه فسكت ...غبيه انا المفترض ابين روحي طبيعيه بس مب رايمه ..وذياب بشك بتصرفاتي ..
ذياب: تعالي ارقددي..
قلته ابسرعه: لا بروح اجوف التلفزيون ...
و كنت بطلع من الحجره بس قال لي: غريبه !! بتسهرين ..
طالعته ابتسمت له بس كنت خايفه : بعرضون فلم و ابا اجوفه ..
انجلب الصوب الثاني و غطى وييه باللحاف ..مطنشني ..طلعت من حجرتي و خليته يرقد ..يلست ع الكنبه ..حطيت ايدي ع يبهتي افكر ..شسوي ...اخاف ما اقوله و عقب بعرف من برع و بسوي لي سالفه و اخاف اقوله بعد يبهدلني و خاصه محد في البيت غيري و غيره بس .. شسوي ياربي ..اخرتهاا قررت اخبره و الي يصير يصير ..بس غرييه انه ما حرج عليه للحين يلعب باعصابي هالذيب ...كنا متولهين لـ بعض و الحينه يوم نلاقينا كان لقاانا بارد ..جدا
نقزت ابمكاني يوم سمعت حس ذياب: ع بالي مندمجه بالفلم ..
رفعت راسي اطالعه و اطالع التلفزيون الي ما كان مشتغل اصلا ...ارتبكت ما عرفت شو اقول كرهت نفسي الجبانه .. كرهتها ..وايد...تجدم مني و يلس حذالي طالعني رفعت نظري فطاحت عيني بعينه ما تحملت بس انا اخااف يخترب كل شي حلو من بينا ...
ذياب بعده يطالعني: شو شاغل بالج...
عضيت ع شفايفي ...
ذياب: بنت عمج و سعيد..
ذياب يستهبل علي ..بس هذي فرصتي اخبره ...هزيت راسي بمعنى لا ...فركت يبهتي بعصبيه ...
تجدم مني كنت ببعد عنه بس ماشي مجال ابتعد اكثر ...
سالني : شو فيج انزين ..
قلته ابصوت واطي : انته اتعرف .
ذياب : اعرف شوه ..
سكت ..................
ذياب: انج رحتي بيت خالتج حليمه ..انزين عادي ...
قلته : انا ادري انه مب عادي عندك ..
ذياب يرفع حياته: احلف لج ..
ترجيته بعذااب : ذييييييييييييياب ..
حط ايده ع شعري : شو فيج حبيبي ...اجوفج سرحانه و خايفه و مرتبكه .. ما ياني الرقاد ..احاتيج ...
بلعت ريجي مدري عقلي يقولي ذياب يعرف الي صار بيني و بين راشد و قلبي يقولي لا ما يعرف شي و الدليل انه يعاملني بـوود ..
زخيت ايده الي كانت تلعب بشعري : ذياب ...
طالعني بنظرات هزتني ...فسكت ...جفت بريق يلمع بعيونه هالشي خلني انطم ...سكت بس انا لازم اخبره يعرف الصج مني ولا يسمع شي جذب من برع ..رصيت ع ايده و نزلت ع فخده يلست اصيح ..
لمس شعري: شوق...
رفعت راسي و انا ميته من الصياح: اخااف اخااف تودرني .."تجدمت منه ترجاه" لا اتهدني انا محتاجه لك وايد..
ذياب قاعد يتأملـني حتى انه ما مسح عبراتي الي كانت اتهل ولا قال شي تم يطالعني..
قال بنبره جاده: شو مستوي..
عضيت ع شفايفي التحتية ..نزلتت نظراتي بالارض ...مشيت دموعي بظهر ايدي ...كنت اشاهق من الصياااح..
بس صدق ارتحت يوم حط ايده ع خدي ..فنزلت راسي ع ايده و جني احضنها بويهي خايفه اتكون خاي اخر لمسات لـ ذياب مني..غمضت اعيوني
وهمست: انا جفت راشد في بيت خالوه ..
نزلت نظري بالارض ما تجرأ اجوفه ..توقعت بتييني صفعه كلام جارح بس تم هادي بمكانه ...
كملت: و رمسني .."كنت بصيح" غصبني .انا ما كنت ابا اجوف شيفته احلف لك ..
هدوء ذياب خوفني وايد فرفعت راسي اطالعه صخت بي الدنيا يوم
قال لي ابرود: أدري ..
رفعت راسي اطالعه مب مصدقه كلامه ...بلعت ريجي احساسي ما جذب علي..صج ذياب يعرف بس يستهبل علي...كنت ادور بعيونه كلام ..او اي شي يدلني ع شعوره بس ما كنت اجوف الا نظرات مبهمه ...
وقف وراح صووب موبايله و قال عقب ما تنهد: وصلني مسج "طالعني " منه طبعا ..
حسيت بالاحراج مدري ليش ...تميت ساكته ..
كمل كلامه:ع بالي يجذب بس حركاتج لي و مقابلتج لي بيت صدق كلامه..
وقفت ابسرعه ورحت صوبه زخيته من جتوفه : انا و الله ما كنت ابا ارمسه .."صحت" ما كلمته بس كان يستفزني بالكلام ...كنت اصرخ ازقر خالوه بس هو ما يهمه شي ..
طالعني و قال لي بنبره حاده: انتيي شو مودنج هناك ..
صحت يوم سمعت هاي النبره: بدور اتصلت بي اتصييح خوفتني ع بالي شي مستوي ابهم ..ربعت بيتهم ابسرعه ....و بدال ما اخفف عنها زدتها صياح و الله لو وقفت دقيقه افكر قبل ما اربع بيت خالوه حليمه ما كنت رحت احلف لك...
ذياب فر موبايله ع الطاوله طالعني كملت كلامه و لصقت فيه اكثر : شسوي رحت غصبن عني ..احلف لك و رب الكعبه و هو يذلني و يسبني كنت احس بنظرات و بعيونك تراقبني و الله ...
طالعني ذياب عاد هني ما تحملت اكيد بسبني فيلست اصيح ..و جني اتهيأ فقلته و ادموعي اتهل بعذاب : ما ابا كل شي حلو من بينا ينهد علشان هـ النذل ..
حضن ويهي و تجرب مني حتى حسيت بصخه و قال بهدوء: حبيبي لا اتصيحين ..
طالعته و قلته و انا ازيد صياح: اخاف اتهدني ابسببه ..انا وايد احاتي هالشيء ..
استغربت من موقف ذياب وردت فعله ..لصق فيني
و قال : هيه كان صار كلام ثاني لو قبل ما اسامح في العمره ..."رص ع ويهي " بس انا اعرفج زين شوقاني ...
زخيت ايده و جني خايفه يبتعد عني كمل كلامه: كنت اتريااج اتخبريني انتي السالفه .. و كنت بتخذ موقف ثاني لو ما صارحتيني ..و كنت عارف انج بدوامه .. و مب عارفه كيف تبدين معاي و نظرات التردد بعيونج ...علشان جي انا ييتج ..
صحت: كنت خايفه اتهدني لو خبرتك...
ابتسم و مسح دمعي بطرف صبعه: ما بهدج انا احبج.. و مشكوره لانج صارحتيني ..
ما تحملت كلام ذياب توقعته بيكون غير جي ..حطيت راسي بحضنه و ترجيته: خلنا نبتعد من ها المكان .."رفعت راسي اترجاه" دخيلك ذياب انروح بعيد عنه ..خلنا انعيش براحه ..
ذياب::ما يسوى علينا انهد البلاد علشان ها المينون .
تعلقت فيه: ما بخليينا بحالنا ..هددني خريج السجون..
ذياب كتم ضحكته: منو خبرج انه خريج سجون ..
قلت ابسرعه: سيفاني قالي..
ذياب/: اممممممممم مب زين عليه يفضح اسرار شغله ..
عقدت حياتي : يفضح اسرار شغله ..؟؟
ذياب: هي سيفاني يعرف سوالفه لانه شرطي..
ضحكت : هههههههههه ما خطر ع بالي...
طالعني ذياب مبتسم وعدته: اوعدك ما بطب بيت خالوه حليمه .. و الله يا ذياب لو كان موقفك غير الليله رغتني ولا طلقتني ..بعد ما بدش بيت خالوه حليمه موليه ..لان بدت المشاكل من ها البيت ..
ذياب يتنهد: ما عليج ..انتي ارتاحي..ولا تضايجين من هـ التعبان انا بأدبه ...كنت اتريا منه ذله ..
خفت و لويت عليه: خلك ابعيد عنه ..."صحت" اخاف يسوي فيك شي ذياب ..
ضحك: ههههههههههه عيل انتي بعدج ما عرفتي ريلج جان اتخافين علي من ها ع قولتج خريج سجون ..
ابتسمت انا بحلم ولا علم...يير خشممي: بلاج..
ضحكت: ههههه زين جنك حاس ابا اعرف انا بحلم ولا علم ..
ذياب: بـ علم حياتي ..يلا تعالي ارقدي ريحي بالج الظاهر وايد تعبتي ..
طالعته بحب: ما اتخيل اشكثر..
ابتسم : هههههه فديتج و الله تحاتيني..
قلته باتفعال: واييد..و خفت اكثر يوم عرفت محد في البيت غيري و غيرك ذياب ..
ذياب: هههههههههههه
حمدت ربي الف مره صج اني ما اعرفك زين يا ذياب و بحياتي و ما بعرفك ...تنهدت مرتاحه و رقدت مرتاحه ناسيه هم ذياب و هم ليلى و سعيد
فتحت اعيوني ع صوت مسج فتحت اعيوني وحده من الكسل لاني كنت احس جسمي كله متكسر ..كان من ذياب "حبي بنتغدى بيت اختيه اليوم " نافخت متتفيج ذياب و رجعت احاول ارقد بس ما رمت ..لان موقفي مع راشد للحين في بالي وايد فضيع هالانسان ..عفانا الله ...صدق اي غشاوه كانت ع عينـي ..نقت ع رنة الموبايل...رفعت راسي اطالع المتصل و كانت موزي يلا موزي شو يفكني من لسانها ...
رديت بكـسل : آلووو ..
موزي: راقده..
قلته: يعني اتجلب ...شحالج..
موزي: ابخير انتي شخبارج ...
ابتسمت : ابخير ..
موزي متشككه: متاكده ..
يلست : هيه ...
موزي: تدرين ليش انا متصله ...
قلتها بعد ما تنهدت : اكيد علشان سالفه البارحه خبرتي حد..؟؟
وقفت و رحت صوب التسريحه امشط شعري سمعتها اتقول: لا بس امايه سمعت حسج اتصارخين ع بالها طحتي او شي من ها القبيل ...
قلتها: اخوج حيوان فضيع..
موزي............................"مب متوقعه كلامي .."
قلتها : سوري ..
موزي: شو بينكم شوق..شو السالفه انتي من صوب وريلج من صوب ...شو بلاكم ع اخوي ..
قلتها بانفعال: رييييييييييييييلي بصوب !! جي شو سوا ريلي ...
موزي: اتي نسيتي شو سوا بالمستشفى هذاك اليوم كيف عفد عليه و ضربه..
قلتها بغيض: يستاهل ..
موزي: شوقااااااااااااااني ..شو السالفه ..
تنهدت: انا ما اعرف شو بين ريلي و اخوج لكن الي بيني و بين اممممممممممم"فكرت شويه عقبها قلت" مدري ..
موزي: لا و الله ...
تنهدت و قلتها: موزي اخوج راشد مأذني ...يلاحقني مب مخلني بحالي ..
موزي مصدومه: نعععععععععععععععععم ..
قلتها : و الله العظيم خليه ايوز عني تراني معرسه بهدم حياتي
موزي: لحظه لحظه ...انتي صاحيه ولا بعدج مصطله .
قلتها: سمعي ..الكلام الي قاعده اقوله لج بيني و بينج فـ بليز اخوج معيشني بعذااااااااااااب ..
موزي تدافع عن راشد: و اصلا اخوي متى جافج علشان بأذييج حتى رقمج ما اظن يعرفه..
قلتها و انا طفرانه: خلاص خلاص انسي الموضوع انا ادري انج ما بتصدقين مع ان البارحه جفتي موقفنا ..انا من جي قطعت بيتكم و ما قمت اطبه ..
موزي .................................."ماشي رد"
قلتها: موزي ..
موزي: انا ادري راشد راعي سوالف بنات ..بس انتي بنت خالته ..
ابتسمت: موزي لا اتضحكيني ..اخوج ما يحشم حد..
موزي: علشان جي ندى ما بغته صح..معظم الشباب قبل ما يعرسون يسون علاقات مع بنات ..
قلتها: سمعي ريلي بيي عقب شويه ... سالفه ندى ما بغت اخوج مالها علاقه بي ..انا مدري ليش رفضته بالاسااس ..بس قولي اخوج يحل عني بليز موزي..
موزي: من عيوني ..ما عليج..
قلتها: سامحيني ..
موزي: انتي الي اسمحيلنا بخليج الحينه ...
قلتها: اوكىىى
موزي: تعالي تعالي ..
قلتها: هاه ..
موزي: شريتي فستان حق عرسي
قصيت عليها علشان افتك من حشرتها: بشتري جريب ..
موزي: هي اختج السباله بتعرس و ما بتحضر و انتي يا ويلج..
ضحكتني: ههههههههههه ما يهمج اصلا ريلي يباني احضر عرسج..
موزي: مب عشاني علشان بنت اخته فتون .
قلتها: موزي كل واحد.. و انتي نفعتيي بعرسي ...و الله ما انسى جميلج..
موزي: زين بعد مشكوره انج تذكرين..
قلتها: فديتج و الله ..يلا السموحه منج..
موزي: مع السلامه ..
قلتها: في امان الله ..
..
مدري صح ولا غلطت اني خبرت موزي عن سالفة اخوها الحقير بس ....اخاف اتخبره عقب يقولها كل شي كان من بينا زمان ..كرهته يوم تذكرته يقولي "تذكرين كيف خليتج اتموت ع الارض الي امشي عليها" مالت عليك يا رشود النحس ..
فريت الموبايل ع الشبريه ورحت الحمام تسبحت و تغسلت و لبست ثيابي و كشخه دش علي ذياب و انا كنت اتجحل ..
من طاحت اعيوني عليه بالجامه التفت له مبتسمه : مرحباا اوااالله
تجدم مني: مرحب ملايين ولا يسدن .شحالها حبيبة قلبي ..
ابتسمت له: ابخير بجوفتك..."تأملت ويهه" بلاك حبيبي ..
تنهد و فر الغتره من ع راسه : ماشي زهبي ملابسي بدش اسبح ..عقبها بنروح بيت اختيه..
كنت بتغلى عليه و اقوله ما ابى اروح بس ما عيبني حاله و لا اسلوبه ..
فكتفيت و قلته:من عيوني ..
راقبته لي ما دش الحمام ظهرت ملابسه و حطيتها عالشبريه و قعدت بالصاله اتريااه يخلص عقب ثلث ساعه ظهر من الحجره ...وقفت كان متعصم و لابس كندورته الكركميه .الي ظهرتها ..
ابتسمت له: غريبه مب لابس نظارتك الشمسيه..
طالعني و رد الابتسامه: فديتج ليش مستعيله بلبسها بالسياره ..
عقدت حياتي فسمعت ضحكتته : ههههههههه
ابتسمت حسيت ان عقب ما سبح ..صارت نفسيه احس .بس خاطري اعرف شو فيه..
سالته: حبيبي احس بك شي متضاييج..
شل سويج سيارته و موبايله: ما فيني شي عمري يلا انرووح اختيه تتريانا .
سكت و ظهرت معاه و في السياره رن موبايله و قعد يسولف مع ريال .الظاهر اتخص شغله ..لان وايد طرا كلمة محاكم قبل الحينه لازم اكون هاديه و اتحمل دفاشة خالوه العوده و فتون ..
عقب ما صكر قلته: اتصدق علشان اني وايد متولهه عمهره قررت ايي معاك ولا انا مالي خاطر ..
ذياب ابتسم: حتى لو انا معاج ما تبين اااتيين
قلته اوني افكر:امممممممممممممم لالا انا ما استغنى عنك..
سكت و ركز بالشارع طالعته احيده دوم ممرح يضحك يسولف ..
فاجاني : ندى ما ردت لج خبر..
قلته: حبيبي توني مخبرتنها قالت بتجوف ..بعدها بتفكر .
سكت وصلنا بيت خالوه العوده ..
حطيت ايدي ع ذراعه : ذياب احس شي مضايجنك..
نقزت ابمكاني بعدت ايدي عنه بسرعه يوم حرج عليه: يعني واحد ياي من الدوام تعبان ش يكون حاله برايج.
بطلت اعيوني مستغربه لانه حرج عليه و هذي اول مره من ردينا من العمره ..حتى لو مر موقف و عصب مني يمسك اعصابه يقعد يراضيني و لو كنت انا الغلطانه ...
طالعني: مليون مره قلتلج ما بلاني شي و الحينه بعد اقولج ما فيني شي ...زيييييييين ارتحتي
صديت عنه لاني ما بغيته يجوف دموعي ..ابصراحه ما توقعت ردت فعله هاي يزاتي لاني قاعده احاتيه ...و اسأله كل شويه ..
سمعته ياخذ نفس و نزل من السياره ..و الله حسبت براضيني بس انا ما جذبت ذياب متضايج من شي بس اتمنى مب مني ...يسولف معاي بس جنه مغصوب ...جفته يترياني برع يطالعني بنظراات غريبه ..فنزلت ابسرعه ..سبقني .. و لحقته ..دشينا بيت اخته ما بغيت ارمسه لان المكان مب مناسب بس قلبي ياكلني اخاف يهدني .من سالفه البارحه يا ربي ساعدني ...دشينا الصاله ..سمعت صرااخ مهره : بابااااا حبيبي
شلها ذياب: فديت مهرتي "باسها"
خطفتهم و سلمت ع خالوه العوده و عبيد و سهيل ..بس ندى و فتون محد جافتني ادور عليهن بنظرات بس طنشتني ..
مهره اتيير عبايتي : عموه بابا امس خذاني الالعاب مكان بعيد..
شلتها و بستها : ما ولهتي ع عموه ..
مهره بوادي: عموه وايد العاب هناك ..
ضحكتني: هههههههههه
سمعت ذياب يسلم ع اخته ..اقصد خالوه العوده ... يلست مجابلتنهم .و يلست مهره فوقي ..كانت اتسولف عن امس
قلتها: شريتي لج فستان ..؟؟
مهره جنها تذكر: هيييييييي فتون اشترت لي هديه فستان ..
زقرها عبيد : مهرو سهيل خذ دورج..
ربعت مهره صوبهم تجاتل معاهم ..ذياب : بس ايه ..
خالوه العوده: و انتي ما رحتي معاهم تشترين فستان شوه مب ناويه تحضرين العرس ..
قلتها و انا اتجنب نظرات ذياب: امبلى بحضر ان شاء الله ..
خالوه العوده: عيل ما تبين يوفون فستانج شوه ...يعني طالعين مره وحده جان رحتي لازم اتعبين ريلج..
طالعت ذياب علشان يرمس عني بس اونه قاعد يعابل بموبايله ...
سكت ما رديت عليها لان اصلا ما عندي رد ولان بالي مشغول بـ ذياب ..
قلتها: وين ندى و فتون ...
خالوه العوده بدارهم ....الحينه بنزلون..
سمعت ذياب يرمس بالموبايل: تعالي تحت انتي و فتون ..."وصكر"
بلعت ريجي من اولها الجو متوتر ...طالعت ذياب بنظرات حـزن بس تجاهلنـي ..حز بخاطري ها الشيء ...
خالوه العوده: شحالهم اهلج ..
قلتها: بخير ..
خالوه العوده: عيل ما اتيينا ..اكيد كل يوم فـ بيت اهلج ..
قلتها بنبره ضعيفه : اهلي محتاجيين..
خالوه العوده: في شوه يا حسره ..جي انتي ريال ..
طالعت ذياب متضايجه من اسلوب اخته معايه ...بس فاجاني يوم نش من مكانه خلني بروحي وراح صوب اليهال اونه يلعب معاهم ...عضيت ع شفايفي ..بس رحمتي ندى يوم ييت من وراي اونها
اتروعني: بوووو
ابتسمت له بس كانت ابتسامتي بلا حياه : هلا ندوي .افتقدتج.."وقفت و سلمت عليها"
عقبها فتون سلمت علي و قالت: اكيد غيراانه لان ندى معايه من البارحه صح
متفيجه ثجل دمج انتي بعد ..
فتون: هااااااااااااااا سكوتج اكبر دليل ..
ندوي: فديت الي اتغار عليه ..
طالعت ندى و ابتسمت ..انتي الي فيهم فديتج و الله ...
خالوه العوده: يمه فتون خبري الشغاله اتحطي غدا ..
فتون : من عيوني ..
وراحت برع تزقر الشغاله ..التفتنا لـ مهره الي كانت اتصرخ و تضحك بصوت عالي و ذياب قاعد يتصارع معاها ..يلست اراقبهم و انا مبتسمه ع ضحكات مهره و ذياب الي شكله مستصغر روحه
ندى: شوقاني فاتتج الفساتين خبال ..
قلتها: و الله و شو اسعارها..
ندى: معقوله ..
خالوه العوده: ويه من جي ما رحتي معاهم ..اتحاتين الاسعار صح كل شي غالي بس انتي عندج ذياب يرووم يشتري المركز بكبره "سالتني باستفزااااااااز"..ولا مب متعوده تشترين من الغالي ..
ندى: لا خالوه شوقاني دوم تشتري من الغالي ..
خالوه العوده: و الله ما اصدق
طنشت خالوه العوده لانها حسيت انها سخيفه و بكون اسخف لو رديت عليها
فسالت ندى: و فتون شو اشترت ولا فصلت ..
ندى: لا اجرت ..قالت ما يحتاي افصل ..
قلتها و انا متعمده اغايض بخالوه لعوده: ويه عيل انا فصلت لي فستان عرس ..ما ادري ان فتون بتأجر جان عطيتها فستاني تلبسه..
ابتسمت ندى جنها فهمت اني عق رمسه حق خالوه العوده الي وقفت من سمعت كلامي : بروح اجوف فتون شو اتسوي برع ..
من ظهرت خالوه من الصاله نشت ندى من مكانها و يلست عدالي ..
طالعتها مبتسمه: بلاج..
طالعت خالها جافته مب مهتم فصاصرتني: لازم اقولج ششي انا متروعه ..
طالعتها و مدري ليش خطر ع بالي راشد لانه يمكن البارحه هددني انه بياخذ ندى غصبن عنا ...
ندى تبلع ريجها : شوقاني بس ما اتخبرين خالي امانه ..
نقزنا انا و ندى يوم سمعنا صوت فتون: لحقتوا اتقولون لـ بعض اسرار ..
رفع راسه ذياب لافتنه كلام فتون ..
ندى مرتبكه: مب اسرار سوالف عاديه ..
فتون: عن شوه..
قهرني اسلوب فتون فرديت عليها: توصف لي فستانها الي شرته..
فتون مب مصدقه : و الله !!
طالعتني ندى .ابتسمت لها اطمنهاا ...دشت علينا خالوه ..شويه و انحط الغدا .تغدينا عقبا يلست أعد الدقايق و الساعات علشان نظهر من هالبيت ..راقبت ذياب ..جفته امطنشني موليه حز بخاطري وايد..بديت اندم اني خبرته البارحه عن سالفه راشد بس هو بالاخير بيعرف بيعرف ...
اتنفست الصعداء يوم ظهرنا من بيت خالوه و معانا ندى و مهره ...و جفت فساتينهن عيبتني وايد بس فتون اونها تبا فستان عرسها يكون مفاجاه و انا اصلا ما اصريت اني اجوفه لاني مب مهتمه لهاك الزود...شي ثاني كان شاغل بالي ..ندى و من شوه متروعه يمكن انا ابالغ يوم قلت عن راشد يمكن تقصد عبدالله الي خاطبنها و يتريا ردها ...
ذياب و نحن رادين : بتروحين بيت ابوج..
هزيت راسي بمعنى لا ..
مهره: بابا انا بروح وديني بلعب مع حمودي ...
ذياب مطنشنها : ليش خلاص ارتحتي بنت عممج سافرت ..
طالعته بنظرات عتب و صديت عنه ...للحين مدري الاسلوب الي اتبعه معاه زين ولا ينرفزه لاني اصلا مب عارفه شو سالفته و ليش متضايج ..
حط ايده ع لحيتي دزيته و صديت عنه ...
وطي صوته: تتغلين ..
هيه اتغلى بس سكت و الله ما يدري لو صد عني اني ببوس ريوله علشان ارضيه بس دام انه يحاول يراضيني خليني اتغلى عليه شويه ..
وصلنا بيت ذياب ..كنت بنزل بس زخني ذياب من ذراعي بداخلي و الله بطير من الوناسه بس اوني زعلانه ..
ذياب: ندى شيلي مهره وياج...
مهره اتصرخ محتجه ع بالها بنروح عنها : ما ابى ما ابى ابا اتم معاكم ..
شلتها ندى بالغصب وودتها داخل ....راقبتها :فديتها ..
ذياب: خليها دلوعه هاي..
قلته: انته دلعتها و الحينه تحمل ..
تجرب مني و قال بصوت هادي: و الله "وطالعني بنظره جنه يذكرني بالي نحن فيه"
لصقت باب السياره
ذياب مستغرب: بلاج..؟؟
قلته: مب جنك فـ بيت اختك كنت زعلان مني و انا ما دري شو السبب ..
ذياب يكتم ضحكته: زين و بعد..
عصبت عليه:اعتقد.. انا مب قاعده انكت ..
ذياب: هههه حلوين يوم يستون رسميين ..
عاتبته: ذياااااااااااااااااااب ..
ذياب: زين و الله اني مب زعلان منج بس انتي استفزيتيني ..
صديت عنه: ما عليه يزاتي يوم اني احاتيك..
ذياب: بس مب لدرجة الالحاح ...
طالعته: يعني انا لحوحه ..
ابتسم و هز راسه بمعنى هيه ..
اوني بفتح الباب :شكرا ..
ذياب اييرني: وين رايحه..
قلته: بروح داخل اكيد مهره ميته صيااح ..
ذياب يتمسكن : و انا ..
طالعته: زعلانه منك ...
ذياب : قولي و الله ..
ما رديت عليه ..تميت صاده و مبتسمه بس ما خليته يجوفوني ..فتحت باب السياره و نزلت ...عضيت ع شفايفي ع بالي بنزل يلحقني بس لبسني و الله حسييت بالندم ..كنت بلحقه بس حرك سيارته ..كنت بصيح حتى ما اتريا لي ما ادش البيت ...دخلت و قلبي يتقطع من الندم.
سمعت صياح مهروو واصل عندي فربعت داخل ..
ندى: بس اسكتي راسي عورني منج ..يا ربي ها عبيد التيس ما رضى يرجع ويانا
مهره: عببيييييييييييد ابا عبييييييييد"وترافس ع الارض"
ندى: مهروووووو بصفعج..
دشيت عليهم: حرام ندوي .."ونزلت عالارض شلتها و لويت عليهااا"
مهره تدلع: ندى ضربتني ..
ندى تشهق: بعد تجذبين ..
قلتها: ندوي لا اترمسينها جذا ...ياهل هاي ..
ندى: هي دلعيها انتي و خالي عقب انا الي ابتلش ..
طنشت ندى و يلست ارضى مهرو لاعبتها و انشغلت وياها .. ندى كل ما اطالعها اجوفها تاكل اضافيرها و سرحانه ...
خليت مهره مندمجه بالالعابها و رحت صوبها: ايييي ..
رفعت راسي اطالعني : شوه..
يلست حذالها: بلاج..
تنهدت :ماشي ..
حلفت عليها: و الله اتقولين ...شو رفضتي عبدالله ..
ندى اتهز راسها بمعنى لا : بعدني ما قررت ..
ضربتها بجتوفها: عيل شو الي شاغل بالج..
صدمتني: راشد يبا يجوفني فـ بيتهم ..
شهقت و جنه حد صفعني ع ويهي .حتى ندى استغربت من ردت فعلي ..
ندى: بلاج انا ما بسير ..
هددتها: يا ويلج ان سويتيها ..
ندى: و الله ما بسير بعدين موزي الي قالت لي مب راشد نفسه..
عصبت من موزي فقلت: ندووي
ندى: و غلاة امايه و باباتيه الي بقبرهم ما بسير ..
حسيت ان ماي بارد انصب علي و ارتحت ..عفدت عليها و لويت فيها : دخيلج ندوي لا اتسوينها ..دخيلج..علشان خالج..
ندى مستانسه: شوقاني انا بزعل منج ..جي مب متربيه اسوي هاي الحركات ..حتى لو كان فـ يوم خطيبي .
مدري ليش كلامها احرجني ..فابتعدت عنهاا و ابتسمت لها ابتسامه هي ع بالها ابتسامه رضى بس بدااخلي كانت ابتسامه احراج و خجل ..من كلامها .. ان دل ع شي دل ع تربيتها و اخلاقها ..
قلتها: بروح حجرتي ...بغير ملابسي ..
رحت ع طول حجرتي ..صحت متلومه من تصرفاتي قبل زواجي و ارتباطي بـ ذياب تنهدت و حمدت ربي انه ستر عليه..بس راشد يخطط لشيء ..يا ربي اخاف اخبر ذياب و يروح يتجاتل معاه ما فيني ع المشاكل ...انسدحت ع الشبريه تنهدت افكر متى هالراشد ببعد عن حياتنا متى بس..أذن المغرب ...كنت بنش من مكاني بس سمعت حس ظنيت انه ذياب فغمضت اعيوني اسوي روحي راقده ..
دق قلبي يوم سمعت خطوات ريوله تجرب مني ..فحطيت ذراعي ع اعيوني اوني علشان ما انكشف ..اني مب راقده ..حسيت به يوم قعد جريب مني ع الشبريه ..سحب ايدي بس انا تميت امغمضه اعيوني و بداخلي جني عصفوره ارتجف من قربه ...
حسيت به يلبسني خاتم ..ما قدرت اقاوم فتحت اعيوني ..تفاجات كان وايد جريب مني ...
رفعت ايدي اطالع الخاتم بس و الله الخاتم ما شغلني عنه ..و ما طالعت الخاتم الا لاني احاول اتجاهل مشاعر ي صوبه ...
قلته بصوت واطي: مشكور ..
زخ ايدي و همس بنبره عذبتني : انا اسـف شوق ..
حطيت ايدي ع شعره العب فيه بس نش و راح ابعيد عني
كمل كلامه : عندي واحد حمار بالدوام ..موكلني .. و نتفق ع كل شي ..و يوم انروح المحكه الغبي يغير اقواله . و اليوم كنت وايد محرج منه لانه سوا هالحركه اكثر من مره ..رغم انه المدعي عليه ..
كنت اسمع كلامه كمل و عينه بعيوني: و المفترض يثبت ع كلام ..بس نرفزني انا اقول كلام و هو ينكره جفتي حمار شراته ..
نشيت من ع الشبريه و ابتسمت له و قلت : لا ..
طالعني يوم جافني ابتسم: انتي اصلا فهمتي شي
ضحكت: ههههه لا وش لي بسوالف المحاكم انا ..
ذياب ابتسم لي ابتسامه طيرت عقلي مني و قال: مب مهم تفهمين بس بغيت اوضح لج ليش انا اليوم راد من الدوام محرج."قال بنبرة عذاب".تراني وايد احبج شوقاني
رحت صوبه علشان ادفن ويهي بصدره بس وقفت ابمكاني يوم تبطل باب الحجره
مهره: عموه ندى شلت عني اللعبه .
ذياب محرج: مهري ظهري برع بسرعه ..
مهره شويه بتصيح: ما ابى ..
شوق: هههههههههه
ذياب: مب ع كيفج ما اتعرفين متى اتيين يا الدبه..
ربعت مهره صوبي نزلت و لويت عليها و ضحكت بصوت عالي ..
مهره: ما احبك..
رن موبايلي ..فوقفت و ياه ذياب يشل مهره يتصاارع معاها ..جفت المتصل شيخاني
رديت عليها و انا اضحك ع ذياب و بنته: هلا ..
شيخاني: شحالج..
قلتها : زين شخباركم ..اخبار باباتيه..
شيخاني : ابخير .. ابشرج عيال عمج روحوا..
قلتها : ادرى من الصبح ..شخبار باابااتيه ..
شيخاني: ابخير جي ماييتي ...
قلتها: مدري يمكن باجر...
شيخاني: زين انا و سعيد بنطلع صوب دبي ابا اتزهب طبعا بتيين معايه ..
فديتها حصه لو كانت موجوده ما بتقصر معانا دمعت اعيوني ع ذكراها الله يرحمج يا حصيص ...و الله جنج عايشه معانا ...
قلتها: بجوف ذياب و بخبرج ..بعد ظهري مع موزي..
شيخاني: هي خلاص اتفجت معاها باجر انروح..و ندوي يمكن بعد ..
عقدت حياتي : ندى ما قالت لي..؟؟
شيخاني: شو كل شي بتخبرج ..
طفرت بي شيخاني:: يلا انا بصكر باي..
شيخاني: بااااااااااااااي
طلعت من حجرتي جفت ذياب و بنته قاعدين يجوفون رسوم ....في الصاله ..
ذياب: شو اخبرهم اهلج...
يلست جريبه منه: ابخير ..
مديت ايدي العب بشعره و سرحت بندى خايفه عليها من راشد..
طالعني ذياب: بلاج حبيبي ..
قلته : ماشي..
ذياب: شي شاغل بالج...
طالعته: اتمنى ندى اتوافق ع عبدالله
رفع حياته : ليش...يعني
صرخت مهره منفعله: بابا جوف بياكلها التمسااح باااااااااااااااابااااااااااااا
ذياب: زين اجوفها ..بابا.
ابتسمت لـ مهره و دزيتها براسها بحنان ..
مهره: اوووه عموووه خليني اشوف الرسوم..
ضحكنا عليها انا و ذيااب ..وقف: حبيبي انا بطلع برع شويه ...
قلتها: ما بتتعشى هني..
ابتسم: لا معزوم برع ...
مهره: بابا تعال اقعد جوف الفلم..
ذياب: يوم برجع حبيبي..."طالعني" تبين شي حبيبي.
ابتسمت له: اتحمل ابعمرك ..
ذياب: من عيوني ..
و طالعني بنظرة حب اخجلتني..صديت عنه ..سمعت ضحكته و ظهر من الصاله عقب ما لبس كندورته ..و شل معاه موبايله ..تعيشنا انا و ندى و مهروو ...سولفنا بمواضيع وايده ..مدري ليش ما طريت لـ ندى عن رايها بخطبتها لـ عبدالله خفت تطفر مني..
.بس طرت لي انها بتروح باجر السوق و ذياب سمح لها ...حسيت طفرانه من دون ذياب..فكرت اتصل به علشان يرجع البيت ..بس غيرت رايي لانه اكيد شي ريايييل معاه ..تنهدت ...رقدت مهره و رقدت معاها ما حسيت بـ ذياب متى رد من برع لاني يوم وعيت باخر الليل جفته راقد...و رجعت اكمل رقادي...
في اليوم الثاني رحت بيت اهلي من العصر ...لاني البارحه موليه ما خطفت صوبهم ..حتى بدور ما سالت عن حالها فكرت اتصل بهاا ..بس غيرت رايي يمكن ارجع و اغثها فديتها و الله ..خليت مهره تلعب مع حمودي...
و يلست بالصاله مع باباتيه حتى فتر ة المغرب يوم تيمعنا انا و امايه وسيفاني و سعيد...
خذتنا السوووالف و الضحك و كلها كانت مرتبطه بمهروو و حمودي الي مسوين فـ بيتنا جو ..
اماايه: فديتها مهروو ..شوق كل مره يبيها بيتنا خليها تستانس مع حمودي...
شوق: زين بس مرات ابوها ياخذذها بيت اخته ..
اامايه: يبيـهاا خليه يتسلى و حليله متبهدل غامضني..
طالعت سعيد الي ع طول من سمع كلام ماماتيه طالع التلفزيون و جنه يدري امايه شو بتقول..
امايه: اجوفك صديت جنك عارف شو بقول...
سعيد: امايه سبق و تكلمنا بها الموضوع وايد و انا فكرة الزواح موليه مب فـ بالي ..
اماييه محرجه: ليش ان شاء الله مستانس ولدك جي حاله..
زخيت ايد باباتيه من غير قصد و رصت عليها ...
جفت سيفاني منزل راسه ...
سعيد: الحينه محمد عايش و مب قاصرنه شي..
امايه معصبه: امبلى قاصره شي ...يعني تظن اني بتم بهتم فيه طول حياتي انا ما ربيتكم و تعبت وياكم..علشان اربي عيالكم ...تعبت ابا ارتاح مب كافي ابوكم عليه...
ع طول قلت: امايه ...شو بلاه باباتيه ..
امايه بانفعال: شوه شوه بلاه انتي داشه ترقدين بحضنه و تططلعين تبوسينه ...بس ها الي تسوينه ..اخوج ماخذنه من مستشفى لـ مستشفى متبهدل وياه و انا من تزوجته مستويه له جنه ممرضه مب زوجته..
يتني الصيحه لان كلام ماماتيه كان وايد جاسي: حرام عليج لا ترمسين عن باباتيه جي...
سيفاني: فديتج امايه انا ما تشكيت وواجب علينا انراعي ابويه ..
اماايه شويه و بتصيح: و انا منووه يهتم و يفكر براحتي...
صخينا كلنا فعلا كان الجو متوتر.. و سعيد حسيته وايد متضايج لان كلام ماماتيه ابد ما كان سهل...
سعيد: زين خلاص لا اتسوين بروحج جذا..
اماايه بدت اتصيح: ربيتكم و تعبت وياكم و يا ابوكم .. و الحينه محد منكم ياخذ بشوري..يعني تظن يا سعيد انا بضرك يوم اقولك عرس.. و انا ما اخترت لك وحده غريبه ..عنك و عن ولدك ..بنت خالتك و خالة ولدك ..
نزل سيفاني راسه بالارض و الله تقطع قلبي عليه ....و هم سعيد منزل راسه بالارض..
امايه مب راضيه ترحمنا: يعني قلنالك بنت عمك "طااح قلبي" جمال و ادب و اخلاق و بعد بنت عمك..خواتك قالوا ما تنفع ..قلنا لك بدور بعد ما عيبكم ...شو انسوي شو انسوي...
صخت امايه يوم باباتيه قام يطلع اصوات يبا يرمسها لانه قاعد يجوفه بعيونه كيف مشتطه ...
حضنت باباتيه لانه اكره حياتي يوم اجوفه جي ضعيف يبا يرمس بس ما يقدر لويت عليها
و قلته:خلاص خلاص باباتيه .. فديتك ما صار الا الخير ...
امايه: اندوكم طاعوو اختكم من متى انا اصارخ و مشتطه ما فكرت اتواسيني بكلمه و ابوك بس طلع هالصوت تخبلت عليه ..
صحت لاني حسيت ان ماماتيه جاسيه كل ها علشان سعيد مب راضي يعرس ..
سيفاني: امايه الله يهدااج مب زين جي اتسوين جدام ابوي ..
صخت امايه ..نش سعيد من مكانه و باس راس امايه: خلاص الي تبينه بنسويه المهم راحتج و راحة ابوي
امايه : من اول قول جي يعني لازم يصير كل هاه علشان تاخذ بشور امك..
تحرك سعيد ورااح صوب الدري رايح حجرته.. و سيفاني اول مر بحياتي اجوفه منكسر ضعيف ما بيده حيله نش من مكاننه وطلع برع ..يواسي نفسه و يلم جروحه ...
تنهدت ان كل شي عد ابخير .. و ابوي لو امايه درت ان سيف يبا بددور شو كانت اتسوي..
ما وقفت للعشى ولا ترييت شيخاني اترد من السوق...لاني كنت مضايجه من الخاطر..من الموقف الي صار و من مصير بدور و سيف و سعيد...
نزلني ذياب .حاولت قد ما اقدر اني ابين له اني هاديه و طبيعية ..حتى ما يسألني و افتح الجرح مره ثانيه ..وقت مما اكون رايقه بخبره ...نزلني و قبل ما يرووح سالني: اختج ما قالت متى بتيي من السوق تاخرووا
هزيت جتفي : مدري حبيبي ..
ذياب: الساعه ثمان كل ها بالسوق..
ابتسمت: يمكن الحينه بيييون .....
تجدم مني ذياب: بروح المكتب بييب ملف و برد ما ودي اخليج بروحج بها البيت ...
ابتسمت له: زين عمري ..الشغاله موجوده تطمن..
تنهد: ما توقعت ندى جي بتتاخر ..كنت خليتج بيت ابوج ...
طمنته: عمري عادي و االله .
طالعني بنظرات ذوبتني: زين ما بتاخر عليج و ندى الظاهر بتحصل لها هزبه محترمه...
حطيت ايدي ع خده: و الله ما اتقولها شي...
تجد مني و صاصرني: تراني اعرف انج متضايجه و اونج مسويه روحج عادية ولا كأن فييج شي.. ..
دزيته برقه: زين طوووف ...
ذياب: ههههههههه باي عمري..
قلته : بحفظ الله ...
رحت عشيت مهره و رقدتها ..طالعت الساعه صج الحينه عشر و ندى تاخرت ..ياويلها شيخاني من سيفاني جان هو فـ البيت فديت روحك يالسيف بس لازم يضحي و هذا حمودي ما اظن رخيص عنده
..يلست بالصاله تحت اجلب قنوات التلفزيون تهيأ لي صوت صراخ ..بلعت ريجي ..ابيه يمكن حد يخوفني..و البيت شكبره و انا بروحي ..بس طارت افكاري كلها يوم انفج باب الصاله بدفاشه وقفت ابسرعه متروعه ...بالفعل كان صراخ ندى اتصييح .. و ذياب كان زاخنه من شعرها ...
حطيت ايدي ع حلجيي خايفه ..
ندى اتصيح و اتقول: و الله ما سويت شي و الله ..
ذياب كان ينافخ من العصبيه ..دزز ندى صوبي فطاحت تحت اريولي ..
ذياب بصوت عالي محرج يطالع ندى : هااي الي اسمها موزي اذا جفتها عند بابا بيتي بقص ريولها .. و اذا جفتج اترمسينها بقص لسانج ...تسمعييييييييييييين ...
كانت ندى طايحه تحت ريولي اتصيح مدري حسيت انها مظلومه ..و بعدين هذي رفيجتي ما ارضى عليهااا
بس نقزت ابمكاني يوم ذياب طالعني: حتى انتي ...
بلعت ريجي ..نزلت ووقفت ندى و قلته: زين لا اتحرج جي..
تجدم مني ويير ندى من ايدي ناوي يذبحها من الضرب ..ذياب وايد محرج ...كنت خايفه يردها علي....مدري شو السالفه و شو مستوي ...
تجدمت منه ازخ جتفه: ذياب دخيلك خلها ..بتموتهاا
دزني ذياب فطحت ع الكنبه صرخت من الالم بس ماات كل شي فيني يوم طالعني
بنظرات الاتهام: كل منج انتي من يبتتج هني.. قمنا انجوف البلاوي و لمصايب فـ هالبيت
>>
"""""أسـمع حياتـي لا تسـئ الظـن فـيـا..حكم ضميـرك قبـل مـا تحكـم علـيا ....المحبـة هي هي كل مالها تزيد شـوية أغلا من عينيا أبتـدى مني إليا إلـيا ...في بحور الحب نسبح نسعد النفس الشقية
والي وقعني في حبك لمست إيديك في إيديا""