ابتليت بلوه وابغي شوركم

[عين الصقر]

رد: ابتليت بلوه وابغي شوركم

لا تنسى

ادعيهم للأسلام اوكي

 

[الريم اللعوب]

رد: ابتليت بلوه وابغي شوركم

والله اهنيه السالقه فيها مستقبلك

وبتكتسب خبرات اكثر


لو الراتب يفرق بوايد وتحس انك بتكون مرتوح توكل على الله

والغربه تراها صعبه بس الاهم ان تضمن مستقبلك يعني احسن ليك انهاي روويي اذا شي يسوا

وبس

 

[معاني صافية]

رد: ابتليت بلوه وابغي شوركم

أفففففففففففففف مب هين رفيع الشاان

بس نصيحه لاااا إذا رح تطوول الغيبه

الفلووس ما تسوى الغيبه والبعااد عن الأهل والأحبااب

بس شووف إذا بطوول لا وإذا بتم فترة وفترة وترجع وما يكوون لفتراات كبيرة هيه


بس المعروف أنه هالأجاانب يعلموون يعلموون وبالأخير إذا طلع هالعربي من عندهم ولا حصل أي شيء وبغا يرجع البلاد يجتلوونه بأي وسيله يكوون ما فيها يد


ويا كثر ما سمعنا شو يصير ويستوي عند العرب

لا تقوول ما يقدرون شيء وأنه إحنا غير بدولتنا لا يقدروون يفجروون الطاايرة إلا إنت فيها ولا يجتلونك بأي وسيله
وها بمجرد أنك إنت بس عسب ما تفيد إبلااااادك وهالمعرووف أنهم يطلعوون زي الشعرة من العجين ها يستوي بس وايد مكتمين عليه هاه في مجاال السياسه وأنا داايما أتعمق في أموور السيااسه وها إلي يستوي يجتلوون الجتيل ويمشون في جنازته


وبذكر لك قصة من أبله الإنجليزي الله يذكرها بالخير بأياام المدرسه أنه وااحد من عايلتهم يشتغل طبيب وفااتح عياده للمرضى فعرضت عليه وحدة من الدوول منصب وفلوووس يعني إغرااء بمجرد أنه يشتغل عندهم بالجامعه وهذا طبعا رااح وتعلم ولما قرر يرجع جتلوه لييييييييييييييييش لأنه هالدووله الأجنبيه ما تباه يفيد البلااد يعني هيه معبله على رووحها ومعلمتنه وبالأخير يرجع يفيد العرب فجتلته ...........وذكرت قصة نفس هالقصة بس مفجرين الطاايره فيه وهذا كله عسب أنهم خذو أشخاااص مهمين بالدوله إلي يقدرون يفيدون العرب وخذتم عس بتضمن التخلف للعرب ........وحققت الدووله بسبب مووتهم ما لقت أي دليل ضد هالدووله فسكرت المووضوع وإعتبرت هذا حاادث طبيعي إلي صار ..إنزين عنبو ما إستوى هالشيء بس لهالعالمين إنزين ليش ما إستوت لموااطنين عاديين وما يات إلا عهالإثنينه ...... يعني كل شيء يبوه لهم ويضموون التخلف


يعني إنت ما تهمهم يهمم أنه تبقى الدول العربيه متخلفه عسب جي هم يااخذونك عسب يضمون إنك ما بترفع مستوااهم وإلا ميت أجنبي عنده خبره أحسن منك ....... لا تعتبرني أقلل من قيمتك لا والله بس أقرص أذونك عسب تصحى

لا تقول هالشي تاافه ..........هذيلا جلااااب كل شيء يسوا عندهم كله ولا العرب يااخذوون خبراات من عندهم

أدري بتقوول ليش تدخلين فيالألأموور السياسية بس حبيت تاخذ خلفيه عنهم

ولو ما كنت إنته ثمرة وشيء طيب للدولتنا حرام ما طلوبك

فأحسن لك إيلس في البلاد أرحم لك

لأنه سمعنا بلاااااوي عنهم عاافانا الله

والقرار الأول والأخير لك وبيدك والله يسهل عليك

إنت إستخير وتوكل وما خااب من إستخاار رب العبااد وإلي فيه خير رب العالمين كاتبه وبصير لك إن شااااء الله

بس فكر زين قبل أي خطوة تخطيها لو عطووني مليوون حراام ما سرت أتغرب عن أهلي وأحبابي تولي الفلووس وأيلس عند أمي وأبووي مرتااحه الباال ومحد يكييد لي

والسموحه عالألفااظ القويه في حقك بس هالقسوة لصااالحك يا خوي وتذكر أنه الفلوووووس ما كل شيء المهم السعادة والرااحه النفسية والرااحه ما تكون إلاعند النااس إلي تحبهم

خلك مثل ما إنت رفيييييييييييييييع الشاان يعني يعني قدرك عالي فليش ترووح حق هذيلا

 

[أحلام]

رد: ابتليت بلوه وابغي شوركم

أخوي رفيع الشان


دايماً الواحد يدور للأفضل والأحسن ويسعى له

بس إنت أدرى بنفسك وبواقع حياتك


كل اللي أنصحك فيه هو إنك تشوف حياتك هني .... اسأل نفسك ... إنت مش راضي عن شغلك هني ؟؟؟؟

ناقصك شي ؟؟؟


وبالنسبة للخبرة اللي الكل رمس عنها .... الخبرة بتيي ويا مرحبابها ... بس ما تكون على حساب حياتك وراحتك وأهلك ....

الخلاصة ::: شوف حياتك اهني كيف واحكم بنفسك ...

لو كنت مرتاح اهني ومب ناقصك شي ... وسالفة سفرك بتكون بس كماليات وخبرة وماعرف شو ... فالأفضل إنك تتم على استقرارك في بلادك دام إنك كنت مرتاح من الأساس ومب ناقصك شي ...


وبالتوفيق والله ييسر لك الخير وين ما كان


وخل عنك رمستنا وسير صلي لك صلاة الاستخارة

 

[メ•° Bisho °•メ]

رد: ابتليت بلوه وابغي شوركم

مرحبا الشيخـ


اذا تبا راي انهاااي سآآفر واللهـ ييسر لك .. درسهم وثقفهم ~
وخلك من ها الكلام إلي ما ينفع ...غربه وما ادري هوما ..شيلا رمسه اوو

يعني لو كنتـ مكانك .. بغربـ عندهــم .. بشوفـ مستقبلي هنااك ..


وعلى قولتـ .. عصفور الزينهـ​

لا تنسى

ادعيهم للأسلام اوكي

كآآآآآآآآآآآآآآآآآآآآآآآآآك خربتـ ..:dontwanna​

تراا هو يبا يدرس بالجامعه مبـ بـ غوانتناموو :biggrin:​

 

[الجارح2003]

رد: ابتليت بلوه وابغي شوركم

ماشي احسن من ان الواحد يعيش ببلاده وينفع اخوانه واهل هالبلاد
احسن من انه ينفع الغريب

وإذا كان على سالفة المعاش فهني في الإمارات خير ونعمة

أخوكم الجارح2003

 

[عنابة]

رد: ابتليت بلوه وابغي شوركم

ايلس فبيتكم أحسن لييك ... وش لييييك بالغربه سقم

 

[مهرة بلا فارس]

رد: ابتليت بلوه وابغي شوركم

[align=center]
.
.
•
•
•
.
.
{ رفيع الشان .. ~
::
أنا مديرة هذي الجامعة
::
تعال الوضع وايد اوكي هناك
::
ماعليك من رمسة الاعضاء
::

.
.
•
•
•
.
.

[/align]

 

[سطام بن زيد]

رد: ابتليت بلوه وابغي شوركم

انا وزيير التربيه في امريييكا




واطلب منك انك اتييي


في جاامعه من جامعااتنا

الا وهي جاامعه اكسفوورد القووويه


التي هي اقوى شي في العاالم

خخخ


ويا حيكم بأاا

 

[همسـٍـٍة الشـٍـٍـٍوووووق]

رد: ابتليت بلوه وابغي شوركم

ماشاء الله النااااس كاتبــــــــة شعر وأنا يالله بهالكلمتيــــــــن وحليلــــــــــي ........^ــــــــــــــــــــــــــــــ^