-
مرحبا ٬ في حال تعتذر تسجيل الدخول ، يرجى عمل استرجاع كلمه المرور
هنا
أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
عيوز مشتطه ------> اضغط هنـآ
๑ . . مشرفه برزة المواضيع العامه. . ๑
مشرف
التعديل الأخير:
๑ . . مشرفه برزة المواضيع العامه. . ๑
مشرف
๑ . . مشرفه برزة المواضيع العامه. . ๑
مشرف
التعديل الأخير:
๑ . . مشرفه برزة المواضيع العامه. . ๑
مشرف
رد: عيوز مشتطه ------> اضغط هنـآ
شو سالفتها البرزه اليوم ؟
كل ما افتح الموقع يقطع النت بكبره
وت هبند
ما عليه التهيت عن البرزه والنت بكبره . . اليوم ين ربيعاتي صوبي
شوفوا كيف الاستقبال
اول ما فتحت الباب
العيوز تحط ايدها ع خصرها وتصغر عيونها: توو الناس ليش يايات الحين ؟
علايه: هههههه كنت اسولف ويا حمود اخويه فالسياره
حبيتهن
العيوز: انزين يالله انقلعن داخل
شما: ايييه شو هالاستقبال انا من زمان مب شايفتنج وجي تستقبليني
العيوز: اعذريني من زود الوله استقبلتج بهالطريقه خخخخخخ
شما ادحني ع ظهري يخرب بيتج بعدج عبيطه :msgplusimg1434pm9:
يلسنا وسولفنا وحطيت لهن فواله وعقب العشا وبعدنا نسولف
علايه: العيوز متى ناويه تطورين وتاخذين بلاك بيري؟
العيوز وبنظرة غير مفهومه خخخ: نعم ؟ ~> حسيت انها سبتني ههههه
علايه تتمسكن: دخيلج خذيه والله انه مووومتيع بعدين انتي طول عمرج بتمين دهريه ؟
العيوز: شو الممتع بالضبط تراه نفس النت ؟
علايه: والله انه غير مسوين قروبات كله ضحك وسوالف يالله عنج خذي لج واحد ~~> كل حد يطري هالقروبات :h_afaker:
العيوز وبدت ملامح الاقتناع على وجهها: علايه انا افكر اخذه هالفتره لانج مب اول وحده تحشرني عليه
علايه شاقه الحلج: والله اتصلي لمحل ****** وخليه يجهز لج واحد
العيوز: انزين هيدي عليه عنبوه من قلت لج باخذه قلتي يالله . . صبري مب مستعيله عليه :eh_s(6):
طبعا انا باخذه مب لاني مقعتنه فيه واباه من خاطري . . لا . . لاني جد ما احصل ربيعاتي نفس قبل
قل تواصلنا لانهن كلهن يتواصلن بهالمعثور وانا لحد الآن مب متقبلتنه . .
قبل كنا كلنا نحدر المسن ونسولف ونتبادل الملفات الموضحيكه والموبكيه والموهيمه جدا . .
اما الحين احس اني قاطعه الكل . . ثرهم هم الي قاطعيني وانا مادري :h_9admah:
يالله بنشوف يمكن مع الايام اتقبله :eh_s(1):
قبل ما يروحن . .
علايه: اقول نحن كل يوم نمشي من عقب صلاة المغرب شو رايج تخاوينا ؟
العيوز: غايته . . فخاطري اتخبط وصراحة فريجنا مول ما يساعد . . المراهقين مب مخلينا فحالنا كل واحد يخطف ويصطع بالليت علينا . .
علايه: خلاص عيل من باجر صلي المغرب ووقفي الموتر جدام بيت سالم اخويه وبتاخذين لفه ويانا وبتروحين
يعني ما بناخذ من وقتج وايد اللهم 45 دقيقه
العيوز: تم :122:
علايه: بس حطي في بالج نحن ما نمشي شوي شوي . . مشي سريع
العيوز: ومن متى تحيديني امشي شوي شوي ؟ ان ما شغلت التربو ما ارتاح ~ ~> مستحيل تمشي شوي شوي
سارن وسرت اقطر عويناتي الجميله :ah:
مب حرام اصب كل هالقطور في هالعيون الحلوووووووووووووه ؟
๑ . . مشرفه برزة المواضيع العامه. . ๑
مشرف
๑ . . مشرفه برزة المواضيع العامه. . ๑
مشرف
أصبحنا وأصبح الملك لله وحده لا شريك له
الحين الفجر والساعه خمس وخمس دجايج
طبعا مب راقده من امس اوني يالسه اذاكر خخخخ
ياربي من هالعاده الخايسه مادري متى بصطلب وبذاكر مثل الناس فالنهار ~~> تحس انها تستوي عبقريه نص الليل :msgplusimg1434pm9:
ميته من اليوع واشعر بالغثيان المميت . .
امس مب مخليلي عشا واخر شي سويت لي سندويج جبن من الصغار وشربت عصير برتقال ويالسه اتذمر بعد واقولهم شو ها عشا فقارى :h_em3a9ba
الحين تتراوالي هالسندويجه والله اني اباها :h_eheehe:
واتروع اظهر بروحي ومحد سهران الا انا واحس اني محششه :h_qor9ana
احسن لي اتريا لين الريوق :g_hmm:
๑ . . مشرفه برزة المواضيع العامه. . ๑
مشرف
جو امس كان يجنن ليته صب مطر صبيب . .
اليوم الصبح سرت المستشفى ويا اختي ~~> شو السالفه هالسنه وايد امرض :cry:
شو خليت حق العيايز :hm00mm:
المهم ونحن رادين شفت ناقه تخطي الشارع
لفيت صوبها عسب احوشها واحتشرت عليه اختي
ام بطي: شو بتسوين ؟
العيوز: بلاج بحوشها عن الشارع
ام بطي: لا تستهبلين شو اتحرين عمرج ريال؟
العيوز: هاي مافيها ريال والا حرمه خليني احوشها
ام بطي: هالبنت فاضحتنا في كل مكان
العيوز طاف خخخخخخ
المهم حوشت الناقه لين ما سارت بعيد عن الشارع
عقب قلت لها: اختي العزيزه شو فيج ؟
ام بطي: جان نزلتي ورغتيها بالعصا بعد
العيوز: تطنزين ياخي انا اسوي خير فالناس الي بيخطفون . . سبحان الله خطف شيبه وماشافها والا دريول ثور محمل وياه يهال ودعمها ~~> وايد تتخيل :msgplusimg1434pm9:
ام بطي اطالعني بنظرات استهزاء: مول ما تعرفين البرستيج بديت اشك انج بنت
العيوز: رجاءً لا تخربين افكاري خخخ
احيد اخويه من كم سنه داعم ناقه وخلت السياره حطااام زين يوم الله سلمه . . وهاي يايه تقولي برستيج ما برستيج :mf_tongue
๑ . . مشرفه برزة المواضيع العامه. . ๑
مشرف
والله الهنود حراميه :h_em3a9ba
عيل عباه ساده مافيها شي بـ 250 ؟ على شووووو
امس نزلت المحل ويا حرمة اخويه فقالت لي العيوز استلميه وكاسريه :eh_s(6):
ونبحت عليه نبحه قلت له بسك 150
قال لا ماما قطعه غالي :hm00mm:
قلت له فكنا من خريطك يالله هات خمسين ~~> عندها ميتين
واشوفه يضحك وحرمة اخويه غطت ويها بيديها ويلست تضحك بيصممممت
اشوفها تهتز مكانها :h_9admah:
قلت لها شو بلاج تضحكين ؟ وهي مب قادره ترد عليه
قلت لها اووووووووه شو يضحكج ؟ لاني نازله حافيه ؟
شلت بعمرها وطلعت برع تضحك بروحها ~~> ما كانت تدري اني حافية القدمين :h_9admah:
المهم شليت العباه وركبت السياره
قالت ياااااااالله يعلج البركه جتلتيني من الضحك . . ونازله حافيه بعد؟؟؟
قلت لها ياخي النعال يديد ويعور ماروم البسه :212:
عقب سرنا محل شوكولالا قلت لها انزل ويااااااااااااااااااااااااج ؟
قالت لااااااا دخيلج لا مب تفضحينا :cry:
قلت لها والله بلبس نعالي خخخخ
قالت بجيك عليج 
ffended:
احترمت نفسي وتحملت هالنعال العاثر
انزين شو يعني لو نزلت حافيه ؟
وت هبند :3faree:
๑ . . مشرفه برزة المواضيع العامه. . ๑
مشرف
من فتره سرنا مدرسة عشان نسوي مقابله ويا المدرسات ونشوف مستواهم في استخدام برامج الكمبيوتر
طبعا انا انصدمت من اول وحده يلست وياها !!
قالت لي شوفي انا ما اعرف استخدم الكمبيوتر بس اعرف لبرنامجين
العيوز: شو هن ؟
المعلمه: برنامج الانترنت ~~~> ماعرف انصدم والا اضحك :h_9admah:
والثاني برنامج الطباعه
العيوز وملامح الدهشه واضحه على وجهيهااا: كيف يعني برنامج الطباعه :212:
المعلمه: ها البرنامج الي نطبع فيه مادري شو اسمه يمكن وورد
الحممممممممممدلله اني قدرت ايود عمري والا عادي اندحق في ويها :h015:
قلت لها تقدرين تطبعين من اي برنامج مب شرط الوورد :eh_s(6):
وعقب يلست تسئلني انتي من وين وانتي بنت منو ~~> مادري منو الي بيسووي مقابله للثاني io:
قابلت اكثر من مدرسه وصراحتن يعني انصدمت من مستواهن
استحي اراوي المس نتايج الاستبيان خخخ اخاف تقول مدرساتكم جاهلات :msgplusimg1434pm9:
๑ . . مشرفه برزة المواضيع العامه. . ๑
مشرف
وصلني مسج " فلانه توفت "
اتصلت محد يرد
اتصلت ع تلفون البيت محد يرد
حرقت تلفونها من كثر الاتصالات بعد محد يرد مووووووول
مب عارفه كيف اتاكد هي صدق توفت والا شو ؟
اتصلت لربيعاتها بعد ما يردن
عطيت ربيعتي الرقم وقلت لها اتصلي واتاكدي
اتصلت وسمعتهم مشغلين قرآن . .ردت عليها وحده
وقالت انها توفت
حسيت بضيج وضربتني غبنه
مستحيل اصدق
خليت ربيعتي الثانيه تتصل وتتاكد
قالت لي ان اخوها رد عليها وقال ان البنت توفت
يعني معقول ؟
ماقدر اصدق
مستحيل
انا عشت مع هالبنت 7 سنين فالحلوه والمره
تراوت لي يوم اتمصخر عليها
واخر مره اتصلت فيني تقولي انها وايد متضايقه
وانا يلست اتمصخر عليها كالعاده وسكرت عنها حتى ما عطيتها مجال تشكي لي حالها
والله اني صحت صياح عليها
واخر شي وصلني مسج يقول
والله كنت ابغي اخسس فيج والله ما توقعت جي يصير انا اسفه وادريبج الحين بتدعين عليه بالموت صدق
ياااااااااااااااااالله تغربلت
اذبحها ؟ والا شو اسويبها
يعلها الموووووووووووووووووووووووت
التعديل الأخير:
