دفتر محــرز للتدوين..

[محرز بن حريز]

رد: دفتر محــرز للتدوين..

اليوم أنصدمت من ناااااااااااااااااس..!!!!!!!!!!!!!!!!!!!!!!!!!!!!!


ماتوقعتهم؟؟؟؟؟!!!!!!!!!!


ليش؟؟

ليش؟؟؟ يسووون جيه...

غرييييييييييييبة

 

[محرز بن حريز]

رد: دفتر محــرز للتدوين..

ابا استوي مشرف لبرزة المدونات...

شوفوا لي صرفة


وبس

محرز

 

[محرز بن حريز]

رد: دفتر محــرز للتدوين..

صباحكم فول وعدس

ملل الدوام

احين كملث ثلاث سنوات في الدوام وافكر في التقاعد
مافي احلى منه راقد في بيتك وينزل لك راتب..
بس شو نسوي الله كريم..

مب ها السالفة

السالفة الله يسلمكم
البارحة لما كنت راقد حلمت حلم غريب

حلمت اني راقد في حوش المدرسة وفارش لي فراش في حوش المدرسة ومنسدح.!!!
وفجأة يا واحد ماعرفه قالي بلاك شو تسوي هني ماعندك بيت خخخ اسميه فشله
قلت امبلى ابوي عندي بيت والدليل اني كل يوم ما ارقد هني..!!
وعقب ما اتذكر شو صار بالضبط

حد يفسر لي الحلم

ويااااحيكم

محرز

 

[محرز بن حريز]

رد: دفتر محــرز للتدوين..

السلام عليكم

اليوم ارتحت من ردود الاعضاء في موضوعي(( انطباعكم عني ))

الحمدلله كلهم راضين عني خخخ

المفروض يالادارة تعطوني شهادة تقدير

وعلى طاري شهادة التقدير في حياتي ما حصلت شهادة
شو هالحالة

امس دخلت غرفة اخوي وحصلت عنده فوق 20 شهادة تقدير

ورحت غرفتي دورت في الكبت وتحت الكرفايه ومني ومناك يمكن محصل شهادة تقدير بالغلط

ما حصلت غير ثلاث شهادات

1- شهادة ميلاد

2- شهادة حسن سيرة وسلوك

4- شهادة تحويل راتب من بنك الى اخر

يعني 12 سنه في المدرسة
وأربع سنوات في الجامعة

واحين ثلاث سنوات ف الشغل
وثلاث سنوات في البرزة

ولا حصلت شهادة تقدير في حياتي


شو هالنحااااسة

بس واحيد حصلت شهادة تقدير لما كنت في المدرسة شاركنا في برنامج (( معا لأجل بيئة نظيفة))
ودونا ع البحر وكل واحد عطونا كيس ونشل خمام من السيفة خخخ شرات هنود البلدية
ولما وزعوا علينا شهايد تقدير غلطو في أسمي يعني اسمي ما مكتوب صح
اسمي غير واسم يدي قبل اسم ابوي والقبيلة ماعرف شو
ذاك اليوم صحت من خاطري كنت صف الثالث
كنت متأمل اني احصل شهادة واحطها في برواز وأعلقها في الميلس
بس حلم وما تحقق

خخخخ


وياااحيكم

محرز

 

[محرز بن حريز]

رد: دفتر محــرز للتدوين..

السلام عليكم

هذا اخر مشاركة لي في المدونة وفي برزة الشحوح بشكل عام

ومابقول خلاص مابدش البرزة

بدش بس بشكل نادر ومشاركاتي تكون محصورة فقط في برزة القبيلة..


والسموحة إذا غلطنا على أحد بقصد أو بدون قصد...

وأتمنى حد من الأدارة يغلق مدونتي

وفي حفظ الرحمن.....
محرز بن حريز

 

[محرز بن حريز]

رد: دفتر محــرز للتدوين..

خخخخخخخخخ

أمسحو الي فوووق


............


السلام عليكم

رجعنا من جديدكنت ماخذ إجازة شوي

وكنت متضايق ومالي نفس للنت.
والحمدلله يعني اتم متضايق لي متى؟؟

ومن يومين فرحان خصوصا يوم نزل السيوووول صح كنت راقد ومانشيت الا الظهر ب يوم قمت اففففف صراحة احساس غريب

ورحت لحبوتي يلست معها شوي ونتكلم عن الامطار
وجان ترفع إيدها لسما وتقول (( ألهم إسقنا الغيث ولاتجعلنا من المسلمين )) خخخخخ
وجان أنبط من الضحك

قلت لها ياحبوتي العزيزة ما جيه الاوادم يدعون ,, وفهمتها
حليلها ع نياتها
وياااحيكم

محرز

 

[محرز بن حريز]

رد: دفتر محــرز للتدوين..

السلام عليكم

ملل ماشي شغل
ومليت من الدوام وقدمت إجازتي السنوية 50 يوم بطلع إن شاء الله..
عندنا اعراس وعننا سفريات إن شاء الله..
اليوم الشباب كلهم راحوا العرس إلا أنا أنحبست في لهدوام..

الله كريم


أحس إني مشتاق لنااااس وطول الوقت في بالي, العصر ماقدرت أرقد كله في بالي..


الله كريم والله يصبرني... يمكن هالشي أحسن له ولي..


بغيت أكتب خاطرة بس ماعرفت أعبر..
بحاول باجر إن شاء الله..

ولا أقول بحاول أحين..

اليوم ذهب الشباب كلهم للعرس وأنا تميت بروحي.. ذهبت للبحر وسمعت أصوات الأمواج تتراقص فوق حبات الرمالي
ياااااااا إلهي كم هي جميلة صوت الأمواجي...!!
ومشيت على السيفة ومشيت ومشيت حتى وصلت تحت الجبلي ورجعت مرة أخرى خخخخ
كم هي الوحده قاسية لما تكون بروحك وما حد يسوي لك سالفتي خخ

بس وايد علي
وياااحيكم

محرز

 

[محرز بن حريز]

رد: دفتر محــرز للتدوين..

السلام عليكم

شحالكم زوار مدونتي

يا حيك

بس حبيت اسلم واقولم مبروكين عليكم الامطار

واليوم يلست مع احد اصدقاء الطفوووولة
من زمان ماشيفنه اياام والله
ويسلنا نتذكر ايام اول خخخخ

اقولكم سالفته
كان يامكان في قديم الزمان
هالريال يوم كان صغير مر علي البيت وتقريبا كنا صف الاول او الثاني
وهالولد كان حرامي يوم صغير خخخخخخخ الله واكبر عليه
المهم ياني البيت وقالي محرز تعال اقولك شئ
رحت له وقلته ها بلاك
قال تعال نحفر حفرة ورى بيتنا يمكن نصل 13 ربيه..!!!
قلت له يلا نروح
رحنا ورى بيتهم واشر لي على مكان وقال يلا محرز انت احفر
حفرت وحفرت وجان احصل 7 ربيات!!! وانا مستغرب وفرحنان نفس الوقت
وقالي احفر هني بعد يمكن نخصل غيره وجان احفر واحفر وطلعت 6 ربيات

وانا مستغرب اقوله والله انت ساحر كيف عرفت انه نحصل 13 ربية؟؟؟!!! وانا علامات الدهشة على ويهي
يا حليلي كنت حمار

انزين رحنا الدكان وخلصناه هناك
واليوم الثاني شفته في المدرسة وخدوده حمرة من الكفخ طلع سارق من امه الفلوس خخخخخ
ومسوي هالحركة عشان اشهد معاه ان نحن حصلنا هالفلوس مب سارقينه

خخخخخ
وياااحيكم

محرز

 

[محرز بن حريز]

السلام عليكم

نسيت هالمدونة ....

شحالكم

هالاسبوع الي طاف كان اسبوع شئم بالنسبة لي

وايد حوادث استوت علي

من ضمن الحوادث كسرت لابتوبي
حاطنه عالارض ورحت ع الكبت ادور شئ وانا ارجع ريوس (على ورى)..
وجان اسمع صوت شئ انكسر تخت ريولي
وكنت متأكد انه الابتوب
وقلت يارب يارب انه مب الاب توب
لما صديت عليه وشفته ياليتني ماصديت عليه
بخليكم مع الصور

حتى زر ESC طار

ومن ضمن الحوادث انخلع ركبتي ورجع مرة ثانية والحمدلله

بس ماشي صور عيب اصور ركبتي

وايضا من ضمن الحوادث
جرحت اصبعي بسكين الحمدلله الله سلمني واتحمدوا لي بالسلامة
ها صورة صبعي

يمكن ماتصدقوني وتقولون ها محرز خراط ورابطنه بس
ها الدليل

شفتو جزء من الجلد مقطوع من صبعي
جانب اخر من الأصبع

ها كله من هالحلم الي حلمته الاسبوع الي طاف

ونستقبل التحاميد ع التقاييم إن شاء الله


وياااحيكم
:ax:
محرز

 

[محرز بن حريز]

السلام عليكم

الاسبوع الي طاف كان علي امتحان
والحمدلله شربته مثل مايشربون الماي
ونجحت :sheer: :a040:
باركو لي

وامس خطفت ع الحلال اطمن عليهم

ولا اشوف واحد من الصخول طايح ع الارض ويترافس وعنقه ملتوي ماعرف شو بلاه هميني

وصورته

حد عندنا هني دكتور بيطري؟؟؟يشوف لنا حالته

هذي وحده من اعضاء البرزة خخخ :h015:
الي يعرفها يكتبهالي في التقييم

ويااااحيكم


محرز