[mark=#FFFF00]هااي my blog
الصراحه في قمة الفرح
اليوم إنتهت مشكلتي
الله يسلم الجميع
كنت مسجل صيفي بالجامعة
وإنتظرت القبول
بس للأسف مساعدة عميد الكلية أرسلت لي إيميل إني ما مقبول لعدم وجود مادة من اللي سجلتهن
ولسبب ثاني
المهم مرت الأيام وقبل أسبوعين
بدا التسجيل المبدئي ودشيت السيستم علشان أسجل
لقيت عندي المعدل نازل..؟؟؟
إستغربت وسرت وشفت التايم تيبل لقيت عندي جدول صيفي....
إتصلت بالجامعه لعمادة القبول والتسجيل وخبرتهم بالسالفه
وقعدت بالموضوع لين اليوم سرت لهم مرتين الجامعه
النحاسه إني ماسح الدليل اللي هو الإيميل
ومساعده العميد بإجازة
شسوي؟؟؟؟
لفيت الجامعه لف وكلمت يمكن أكثر من25 موظف من العمادات والكليات والدكاترة والنواب
وآخرتها عصبت
سرت لعميد عمادة القبول والتسجيل
وخبرته بالسالفه من اسبوعين متمشكل بموضوع مالي أي ذنب فيه
وحل المشكله
بكل بساطة
بغيت أعرف ليش الناس يعقدون الأمور؟
ليش نحن دايم ناكلها؟
ليش هم ما يبون يعترفون بغلطاتهم وينسبوها للطلاب؟؟
الصراحه أمر محزن
بس الحمد لله المشكلة إنحلت.,.,.,,[/mark]