و الله يا اختي فيها اشياء وايد و منقود و عيب بعد
اولا كيف البنت تطلع من بيتها و تسير صاله بروحها اي عقل يستوعب هالكلام
و بعدين لو الحرمه تبا تخف وزنها موب ضروري الصاله يا طويلة العمر تقدر اتخف و هيه قاعده داخل البيت
و اسمعي المفروض انتي تحترمي وجهات النظر و هذا رااايي و ما اغيره
اليوم صاله
باجر مصارعه حره
و الله يستر من الجاي
اعقلي يا بنت الحلال اعقلي
و شكرا
شو اللي منقود وعيب ومادري شووو
اونه تطلع من بيتها بروووحها ., والله احيد البنت عندها عقل ويوم بتطلع بتدور حد يطلع معاها كل بنت وعقلها
والاهل يوم بيخافون على البنت شي اكيد بيخلون حد وياها وبيكونون متطمنين عليها ,
واحيدني قلت انه نادي مب بااااار عشان تقول عيب ومنقود , يعني تبي تقنعني ان البنات مايسيرووون حتى السووق ؟
حتى النادي اهون من السووق, ع الاقل نادي سيدات وبس , مب مكان مختلط مثل السوق , ولا انتو السوق مب منقود عندكم والنوادي منقود !
افهم موضوع المنقود عدل اخوي قبل كل شي ,
وانته خليت البارات والمراقص والمصخره اللي فرااااك .؟ والقنوات المصخررره وييييت على النادي !!
ياخوي انا انسانه عااقله وفاهمه ودارسه ومتعلمه وقبل كل شي عارفه موضوع المنقود اللي ترمس عنه , ومثل ما انته على رايك ترا انا بعد على رااايي ,
وعلى جملة ( اي عقل يستوعب هالكلام ) , ليش انته ماتعرف ان فييي نواادي سيدات ف راك ,؟؟؟ , عندك الرشاااقه وعندك فتنس زووون ؟؟ اخووي انته وين عن الناس ؟؟ اشووف العقل استوعب عيل ؟ وفيه صالات نسائيه في راس الخيمه , شو رايك احين ؟
وبالاخير ترا محد جبرك اخووي تأيد وترا النادي ( للسيدات ) يعني استريح , واذا معارض شي راجعلك انا كل اللي سويته نزلت لكم الخبر وماااجبرت حد يقرااااااااااه حتى
