سووري عن الرد اللي قبل هذا , كنت نفاااااخة من الخااااااطر :h035:
و يعلج الدحق يا لينوووووهـ :msgplusimg1434pm9:
عضمة سمج في بلعومج آآآمين //
شو الشي اللي ممكن يضيع برستيج الانسان ؟!!؟؟
المررررض طبعا
المهمـ
عن سالفة المستشفى //
البارحة رقدت عالساعة ثلاث تقريبا , رقدت و انا لابس العدسات :bad:
و هاي مب اول مرة
انتبهت عالساعة اربع و ربع جي , و ألا عيوني تحررررررررقني
ما قدرت افتحها مووول , من افتحها شوية تحرقني اكثر و تدمع وااااااايد
عقيت العدسات
رحت غسلتها و حطيت عليها كمادات باردة بس ماشي فايدة
واعيت ربيعي, و رحنا المستشفى
و انا حاط كلينكس على عيوني و مغمض
اول ما وصلنا الطواري دخلوني الغرفة سيدة //
ياني الدكتور قال لي
( مالك يا حبيبي ,, سلامات ما تشوفش شر , فيك إيه ؟)
( عيوووني يا دكتور ..... ) و خبرته السالفة
( طيب يا حبيبي, ده الوقت حتيجي النيرس و حتديكـ مسكن و بعديها حنحط لك فلوروسين عشان نشوف عيونك فيها إيه )
<<< الفلوروسين هذا صيغ عسان يوضح للدكتور العين شو فيها بالضبط ..
و يت النيرس, كانت فلبينية و ارمسها انجليزي
كانت ايدها ثجيلة شوية يوم تفتح عيني , و انا ما جفتها اصلا, بس لمحت ان شعرها برتقالي
حطت المسكن و راحت عند الكمبيوتر
7 مرات سالتني شو فيها عينك , و اانا اقول لها تحرقني , تحرقني , تحرقني ...:h035:
و يوم سكتت قلت حق ربيعي (
والله بديت اشك ان فيها عرج من قوم القذافي هاي ) .. :msgplusimg1434pm9:
قال لي والله انك فايج..
و يت مرة ثانية , قالت افتح عينك و قلت لها مابا انتي ايدج ثجيلة
و العيوز فتحتها بقوة و حطت الفلوروسين // :a050::a050:
كان لونه برتقالي
و يا الدكتور و كلمته بالانجليزي, و قلت له وين هاي النيرس اللي ايدها ثجيلة؟
قال لي هاذي واقفة عندك, مش عارف صوتها
قلت له (
لاااا ما عرفت صوتها , بس اقدر اعرف ايدها الثجيلة و شعرها البرتقالي ):msgplusimg1434pm9:
ضحك خخخخخخ
و قال لي عندك
تقرّح فالقرنية اليسار بسبب العدسات :a050:
المهمـ , و حط لي مسكن مرة ثانية و فوقه مضاد حيوي و سكّر عيني
قلت له دكتور بعد سكّر لي الثانية خلني برقد اول ما ارد السكن
قالت النيرس (
و كيف بتجوف )
قلت لها (
شعرج كان كفااااية اني اجوفه لليومـ , برتقااااالي عااااد )هههههههههههه
ضحكت , و قالت لي انته تتمناه اصلا
io: :h015:
و روحت السكن, و اول ما قمت عقيت القطنة اللي على عيني اليمين
و قلت حق ربيعي بسبح و ببدل و بتكشخ و بنسير العيادة
قال لي سعود فكنا من حشرتك, عندك موعد بلا كشخة بلا بيع طماط و سحبني وياه
لبست الغترة عالسريع و طلعت
و رجعت العيادة الساعة تسع جي لان الدكتور خذ لي موعد مع دكتور عيون //
اول ما دخلت العيادة, دخلت الحمام ابا اجوف شكلي :a050:
برستيجي ضاااااااااع .!!!
عقيت القطنة اللي على العين الثانية
وليييييتني ما عقيتها , كان تحت عيني برتقالي بسبب الفلوروسين :a050:
و ضاااااااع برستيجي اكثر
انا لااااااااااااازم اسير العيادة مرة ثانية و شكلي يكون انيق و كاشخ , عساس يغيرون فكرتهم عني خخخخخخ
و الحمدلله عدى الموعد على خير
الحين الحمدلله انا اووكي و عنوني اوكي
لكني ما احب البس النظارة , ماعرف ليش .!
و هيكــ //
يوم رجعت السكن, ربيعي قال لي (
سعيد انته خبلة عفكرة , عيونك تعورك و محمرة و تهتم بالبرستيج و تسولف ويا النيرس و تتضارب وياها بخبال )
قلت له (
هو انا خبلة هي , محد يختلف على هالشي,, و ثانيا انا ما احب اكبّر الموضوع وايد, يعني انا مريض اتعب عمري و افكر وايد ليش .! الحياة حلوة خيوو )
والحمدلله
و شكرا للي قرا كل شخابيطي اللي كتبتها :sheer::a040:
و شكرا زوووووووود لكل من تمنى لي السلامة فالتقييمات / شكرا شكرا من اعماق قلبي والله