مقتطفات تايلنديه

[شيبه محتشر]

السلام عليكم ورحمة الله وبركاته


الحلقة قبل الاخيرة
والسموحة منكم اذا طولت فيها
بس هذا لي تم من الصور والباجيه صور خاصة
وفي حلقة وحدة لاهل البطون بنحطها
في المرات اليايه



بتكلم عن وسائل المواصلات هناااااك

طيارة لي ما يعرف شكلها
ترى في ناس للحين ما ركبوها :^^:

دبي بانكوك
بانكوك بوكت
بوكت بانكوك
بانكوك دبي


الباص

من المطارات للفندق والعكس وخاصة مع الشنط
او في الرحلات السياحية لي فيها قروبات



التاكسي الوردي
كلهم لازم يشتغلون بالعدادات
بس عشان نحن عرب واجانب
العدادات مسكره
وعلى كيفهم
تاكسي بيقولك 200 بات
وفي تاكسي ثاني بيقولك 50 بات
مع انه نفس المكان

تك تك زماني
يازماني اتك اتك
احلى وسيلة مواصلات وخاااااصة اذا كان راعي التك متكتك
ودريول
يدخلك سجيج يقول لحين بيخطفونا
دقايق الا وانت بالمكان لي تبيه
مع انك لو ركبت تاكسي كنت بتاخل نص ساعة او ساعة الا ربع من الزحمة

القطار او المترو
لما يمشي تقول راكب عربانه
ولازم واقف ومتعلج بالحبل
والا ما بيكون مترو
سريع وسهل للي يبي يستخدمه
اول مرة نستخدمه
بس اسلوبه سهل هين ولين
من شفنا عيايز الامارات يركبون
استحينا لعمرنا
نقول هالعيايز ما يضيعيون نحن بنضيع
اثاريهم رايحه السوق يتشرون
صدق اذا تبي تعرف الحريم وين رايحين روح اول سوق يلاقفك بتلاقيهم
لانه كان مودنا طوكيو سنتر

ومرات راعي سياكل يطوفون علينا ويأشرون في البداية ما عرفنا شو سالفتهم
وبالاخير عرفنا انهم بعد تكاسي
يردفونك ورا ويوصلونك وين ما تبي
او تروح تأجر لك انت سيكل وتسوقه بس ما جربنا
:
لانه نحن مجموعة يعني ما بتنفع لنا

واخر وسيلة مواصلاتك
مد ريولك
ويا كثر ما مديناها
وبصراحة عرفت ليش بكل سكه وكل شارع في محل لمساج الريل
من كثر المشي لي يمشونه الخلق
لو اقول عشر كيلو باليوم بعد شوية

فمن جي وخصيصا للدكتور فارس


رحنا للمساج بس انا ماعيبني :cry:
منطقتين ما اداني حد يلمسهم بجسمي خاصرتي وقاعة ريلي
من جي ما عيبني :


ملاحظةة لي تلوع جبده لا يطالع هالصورتين



صورة لكم اجنبي حاط ريله

من جي حط ربيعي يده
شوي والا سمج فوق يده يعضضه
جان يشلها قلت بجرب
ومن الزيغه اول سمجه يت جان اكشها
:^^:

بس لما رحنا المجمع شفنا خلق الله منسدحين
الا تجابلنا وحده ويلست تشرح لنا شو يسووون
فسوينا اجتماع مغلق
شو الرأي :^^::^^::^^::^^:
محد قال لا
لازم نشل الحلط والوسخ لي بويوهنا
وبصراحة اكثر كنت اسمع عن البدكير والمنكير
اثاريه قص ظفور الريول والصبوع
وانا على بالي شي جايد
ونسدحنا وياهو وصخ طلع منا :
حتى كل شوي تقول
سي
سي
يعني بقق شووووف من اي بقعة ياي انته
ماتدري انه غبار راس الخيمة كله بويوهنا:1577_1186768770:

منظر للفندق صورته وعيبني وخاصة بالغروب
لاهل الغروب

يسمونه جلب
بس انا ما اتوقع
احس في شي غلط
مادري ليش ما مستوعب انه جلب
حشاااا
شو طاعمينه

هني في سؤال كان محيرني
لما كنت ادخل الفندق
فالهموظفة
عرفتوا شو هو

يا ترى عيونها وين :




اختي مطرشة لي صورة شنطه تبيها من هناااااك
ومن كثر الشنط حولت عيوني
وماخليت محل مادورته لها
ومالقيت لي تبيه
ولما طرشت لها هالصور ماعيبها شي

اخر شي
غرشتين عطر وشوية حلاااوة من السوق الحرة سديت فيه بوزها
:^^:




مادري هالحبيب شو يبيع
لما قربت منه
لقيت معلج نغر ميبس
وعيش داخل ورق موووز
وبيض
والمشكلة الكل ييي ياخذ عنه
تاركين المحلات والمطاعم وياخذون منه
وماعرفت السببب

نظرة بانكوكية ونحن مودعينها
الي غير رجعة ان شاء الله
لانه بصرااااحة ما عيبتنا
بس لمهم خذينا فكرة عامة عنها :

لما كنا نتمشى ايي منظر حلو يعيبني
اكفخه فصورة
واااااي
اي دونت نو

انما للذكرى



ويا محلاااات الجو لي يكسيه غيم
يشرح النفس
ويبرد على الهوى

هذا راعي العربانه يسوي لنا خبز رقاق محلى ويا بيض
صبح وعصر وبليل عنده
حتى قبل لا نوصل له الا هو مسوي لنا
بس عرفنا
وعرف طلبنا

ويسوي لغيرنا خبز مع مووووز:
جربناه بس ما عيبنا
ما راضيه الصورة تركب بمخنا حتى نستوعب اكلها




بالطيارة وبمكان الاستراحة ولما نيلس بالفندق
مرات ما تكون عندي شغله
ايلس اجلب بالكتب مالهم
والمشكلة الكتب كلها تايلندية
ايلس اجلب واطالع الصور

ارد بعمري لورا لما ما كنت اعرف اقرأ عربي بس اطالع الصور
:cry:
فسبحان من علم الانسان




هذا راعي التك تك
ذكري بتكاسي قوووم خاااان
فوق راسهم قبل تقول مخازن
ما يخلون شي ما يخششونه
ولما شفت هالمنظر
تذكرت الايام الخوالي
لما كنا نركب ويا قوم خااان يودونا النخيل بريالين
وبالرده يا نعطيه يا نشرد عنه حسب الميزانية:^^:
الله يغفر لنا ويسامحنا

ما نتوب حتى بالمطار
يا عيال الحلال استهدوا بالله
مافي امل
لازم دور هند
وخاصة بالترانزيت

والي اللقاء في الحلقة الاخيرة


من اكلات تايلند
:122:

 

[زيتونة(><)]

◦
●
◌

1 ].. :^^:

يآسلآم الصراحهـ روووعهـ الرحلهـ ^^

وأنتون لازم تفضحونآ وتروهم الحلط كا سويتون حمام مغربي قبل لا تمشون :bad:

ويوم شفت صوره الموظفهـ عرفت سؤالكـ خخخخخخ

وووو أدريلآ هومآ أقول بأ ..

thx ع الموضوع //

◌
●
◦

 

[نظرة غرآم]

وَعَليكُمْ السَلآمْ وَالرَحْمَهْ
يآ حَيِكْ يآ الشيبَهْ

الصُوَرْ طِمآشَهْ خخخ

شَكِلْكُمْ كِنْتوآ امْسآفْرينْ بِالطَيَرآنْ التآيْلَنْدِيْ :^^:

حِلِوْ لونْ التآكْسِيْ خخخ
يِفْتَحْ النَفْسْ
مِشْ الِلِيْ عِنْدْنآ ~> بيجْ مآدْرِيْ بُنِيْ خخخ

بِالنِسْبَهْ لِلِسِيآكِلْ ~> جآنْ كِلْ إثْنينْ مِنْكُمْ رِكَبْتوآ بِوآحِدْ ~> دآمْ إِنَ مَحَدْ يِعَرْفْكُمْ عيشوآ حَيآتْكُمْ خخخخ

شو دآخِلْ الْحوض ؟! لَيْكونْ سِمَجْ o_o <~ سِمَجْ ايْسَوِيْ مَسآجْ كككككككك واللهْ بَيِسْتآنَسْ الصَيآدْ لَوْ رآحْ خخخ

ككككككك خَسَ اللهْ ابْليسِكْ ~> هآيْ مِنْ وِنآسَتْهآ اعْيونْهآ اخْتَفـتْ خخ

خِبِزْ مَعَ موز o_o <~ عآدْ مِشْ غَريبَهْ عَليهُمْ >.<

وليش امْصَوِرْ شَعْرْ السَوآقْ خخخ

صُوَرْ توحْفَهْ

يَعْطيكْ الْعآفْيَهْ

وَنِتْرَيآ البآرتْ الِلِيْ بَعْدَهْ =]

 

[نسمة غلا]

[align=center]وعليكم السلام ورحمة الله وبركاته .. اخوي
الله ع بانكوك حـلآتها ووهي مغيمة .. ان شالله استانستو ف الرحله
تصويرك عجيب ورحلاتكم احلى ...
:
:
نسمة غـلأ[/align]

 

[تدرون ليش ...؟؟]

غريبة قلت انهاا ما عيبتك واايد ,, كل ألي يسيرونهاا يمدحونهاا و يردواا لهاا مرة ثاانية
بس شكلكم ما سرتوااا جزر وااااااااااايد أحلى شي الجزر

وشكراا عالاطروحـــــــة <<< بأنتظااار الجديد

 

[MiNoOo 87]

وعليكم السلام ورحمة الله وبركاته ..

ههههههههههه ،،

ما شاء الله عليك سوالف و ضحـــك ..

الله يحفظــــك ..

مقتطفــات حلـــوه ،، و تعليقــات تشد الواحد عشان يتابــع الصور و يكمل الموضوع ..

تسلم يمنــاك ع الطرح ..

أترقب يديدك دوم ..

ربي يحفظـــــــك ..

 

[tmnetk]

ۈعڷيڪم اڷسڷآم ۈرحمة اڷڷه ۈبرڪآتـﮧۦ
تصۈۈير ڪششيخ ۈما عڷيـﮧۦ ڪڷآم
بس مب جنهم قآڷۈا ان ها مسساج اڷسمج مب زين ! مآ أإدري ۈاڷڷه مآ أإذڪر
خخخخ استغفر اڷڷه شۈ يآڪڷۈن هذيڷ هع ><"
ۈباڷنسسبــﮧۦ ڷڷۈرقـﮧۦ أإۈ اڷبتـﮧۦ أإۈ اڷشبڪـﮧۦ مآ أإدري شۈ تسمۈۈنها باڷضبط هع مآ أإستغربت ۈجۈدها ڷآن محد يتنآزڷ عنها ڷيش ماآ أإدري سؤاڷ محيرني اڷصرآحه !
أإما هاڷبنت عجيبه ههههههههههـﮧۦ غآًصت عيۈنها يحڷيڷها ۈهي شآقـﮧۦ اڷحڷج
ۈآيد طۈڷت ما بتفڷسسف أإڪثر =)
يعطيڪ اڷعآفيـﮧۦ خيۈۈ

 

[حنين الأيام]

وعليكم السلام

هلا شيبتنا

يا سلام ع الصور والتعليقات

ها مساج الحيين :212:

خخ ما اتخيل

يعني بقق شووووف من اي بقعة ياي انته
ماتدري انه غبار راس الخيمة كله بويوهنا


ههههههههههههه

تسلم

ويعطيك العافيه

 

[جورجي]

وعليكم السلام ورحمة الله وبركاتهـ

تصوير تحفهـ

يا سلام اشحلات ها اللون يفتح نفس الصراحهـ تاكسيهم حلووووه

اممممممم كنت بجرب ها بس خفت يتوحدون فيني :h035: .. خفت

هاي من كثر ونااسهـ اختفت ملامح ويها :sheer:


نتريا صور اكل تايلنديه اللي يعجبني اكلهم

خاصهـ سووووب بحري يم يم​

 

[غزالة الجبال]

مسا الورد

رحله عجيبه الصراحهـ

كككككككككككك تضحكووون مسوين تنظيف بشره
خوزوااا الحلط ككككك وبدكير ككك

عيبني السمك الصغيروني
كشخااااااااه

عيشتناا اجواء عجيبه

عسااك عالقوه شيبتناااااااااااااااااااا ^_^







(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )