صحيح اني صغيره بسني بس انتبه حبي ترى حييل هــالك ..

[عايشة]

صبــااح الخــير ..

<-- لا تخلصون عني الحليب ابى شوي io:

شو اقولكم ما ادري . . لان مخفي مفتر توني قايمه

خل ارمسكم عن سالفة اخوي بالاول . .

اول شي مشكورين على التقاييم والنصاايح ..
بس في نصكم مقترحين علي اني افتش تلفونه كل فتره ..

اخوي عمره 23 او 24 .. مستحيل افتش تلفونه ..

يلست وياه وقلت له انا ادري انك ترمسها . . اخوي مب من النوع اللي يخش علي اذا سالته ..
قالي هيه ارمسها !!

سالته ليش ترمسها ومن وين يبت رقمها ونسيت انها من الشعبيه ويانا .. اخوانها ربعك وبعدين هي ربيعتي ؟؟؟؟؟
وطلعت السالفه كبيره :bo_mher:

ما رمسها الا مرتين على شان شي
وصدق الشباب ما يستحون والله ..

تبون تعرفون السالفه ...

هاي البنت والله يستر عليها معروف انها ترمس ولكن خارج حدود مدينتا .. انا كنت رافضه اخوي يرمسها لاسباب وايده وهذا سبب من الاسباب ..
لانها كانت بروحها تقولي سوالفها ..

شو قالي اخوي ..

قالي هالبنت ترمس ربيعي ومب مصدق يوم اقوله ان هالبنت ترمس غيرك مليون والحين تقدر ترمس غيرك بعد ..
وقاله براويك ..

ورمسها اخوي . . وعلى طول رمسته يقولي كنت مسجل صوتها بس على شان اسمعه لربيعي انها ترمس اي حد

صدق عصبت منه مب زين منه هالحركه ..
كيفها لو ترمس ولا ما ترمس مب توصل لتسجيل وبعدين هاي بنت

قالي انا ما سويت شي هي البنت بروحها مسوي لروحها كل هالبلاوي ..!!
وسمعته الصوت ومسحت التسجيل ..

الحين منو ينلام .. ؟؟

حركة اخوي مب حلوه مووول ما عيبتني .. وهي بعد تنلام

المهم يقولي وبعدها طنشتها وهي بعد ما اتصلت فيني يعني عندها مليون وانا ما اباها بشي واصلا لو ردت دقت بقولها لا تتصلين
بس على شان ربيعي ..

وعادي عندي تقوليلها هالكلام اني مسجيل صوتها بس على شان اسمع ............... بن فلان .. :a050:

شو اقول مب عارفه .. تصرف اخوي صح ولا ؟؟



المهم خل اقولكم سالفه امس انا وربيعاتي يالسين نذكر مواقف صاارت ويانا ايام الطفوله ..

اقولكم مره انا وربيعتي رايحين بيت وحده من ربيعاتي ...
ونيلس وياها قولوا من الظهر لين لعشى وعقب كل وحده تروح بيتها ....

مره يالسين بغرفة اخوها .. وهو محد كان بالحمام يسبح

كنا يهال

شفنا بودره تعرفون هالبودره اللي تيي بعلبه وداخلها قطعن .. هي اصلا شبه " مزيل للعرق " مال اووول لو تذكرونها

المهم انا وربيعاتي نتحرى بودره مال الويه ..

قامت وحده من ربيعاتي حطته بويها ونحن نشم ويهها ونقولها الله ريحة حلوه
وهي تشوف نفسها وتقولي طالعه بيضه اشوفني وحلوه :h015:

وعقب طلعت من غرفة اخوهم ويلسنا بالصاله شي جي
المهم هو كان طالع من الحمام متسبح ما ادري شو استوى بس بلحظه شفناه

يحط هالبودره فـ باطه
ههههههههههههههههههههههههههههههههههههههه

والله بطلنا عيوني انا وربيعتي يلسنا نشووف ربيعتي اللي حطته بويها ..
وهي ساكته متيبســه .. تحاول تستوعب cat

قلت لها لا تغسلين ويهج ... احسن ما بتحسين بالحر الحين <-- اونه لانه شبه :h015:

وبعدها ركضت الحمام تغسل ويهها

هههههههههههههههههههههههههههههههههههههههههههههههههههه

الحمد الله ما حطيت بويهي​

 

[عايشة]

مسااء الخيرات والليرات .. ولا اقولكم الدولارات .. لانه اغلى :^^:

اليوم الظهر يالسه اشوف التلفزيون اتصل علي اخوي العود . .
قالي اطلعي لي عند الباب بعطيج سامان تحطينهم بحجرتي .. قلت له اوكيك

والهرم قص علي طلعني قبلها بـ 10 دقايق وانا اتصبب حرر واسبه سب يقص
علي وشاله كرتون اتهفف فيه . . تقولون عيوز تتذكر الماضي خخخخخخخخخخخخخخ

قلت بعد لين ال 10 ولو ما يى بدش داخل البيت .. وخل يدق هرن ويفضحنا بالشعبيه عقب بطلع له ..
وصلت 8 ولا اشوفه يى .. :d7aim:

معصبه تقص علي طبعا ما اقدر اتلاسن وياه وايد لانه عصبي . . واخاف منه :a050:

عطاني السامان قلت له حوطني من زمان ما طلعنا طلعه اخويه واذكره اني يلست بهالحر اترياه طبعا اتحايل عليه
قالي يا الله اركبي ركبت وياه

صرعني باغانيه اللي وياه بالسياره متى الله بيهديه
يموت بشي اسمه دبكات موته وحياته سوورياا .. وبيتزوج سوريه :m_love:

هذا لو ما كان متزوج سوريه :luv_with_

ركبت وياه ما شي غير حابي دابي حابي دابي دح دح دح دح هيي يا الله ولعيون ما ادري منو ولعيون سوزان والامبراطور والشحي
كل شي ولا اغنيه اسمع بس اسمع يا اللي مجنني ..
شو هالاغاني استغفر الله ..
قلت له شوو هاا !!! ما شي شغله شو !!

ويعاندني يطول على الصوت :m_shoo:

عقب قالي ها ما تبون تروحون سوريا .. قلت له سير بروحك الحين ..

اخوي العود تقريباا 5 مرات بالسنه يروح سووريا .. :weird:

ورحنا وياه مره .. عادي كانه بالامارات يعرف كل الاماكن ..
ويطلع بسيارته يتحوط ويحوطنا ويقولنا هالسوق زين وهالمكان مب زين ..

اذكر اني قلت له مره ابى اقص شعري بس ما اعرف الصالونات اللي اهني
وما قصر وداني والله احسن صالون شفته بحياتي واحسن من اللي عندنا بس كيف عرفه ما ادري خخخخخخخخخخخخخخ

وسفرت سوريا والله ما تنتسى موول لاني تميت فيها شهر

لان وايد سوالف صارت لي اهناك .. نحن رايحين بالصيف .. والمكان اللي سكنا فيه كل الاماراتيين والكوتيين يسكنون فيه ..
والاغلب عوايل .. وكل سنه هم يسكنون فيه ..

المهم مره كنت يالسه على البلوكه .. بلكونتنا كبييره .. وامبنده الليتات على شان فليل محد يشوفني
عن تتحروني خاله :msgplusimg1434pm9:

بس الدنيا وياهم ظلام بدون ليتات :bo_mher:

ما اشوف الا 7 شباب اماراتيين من قوم 17 او 18 جي .. مشغلين معلايه بتلفون واحد منهم ويرقصون بنص الشارع !!!

انا حلجي وصل للارض يوم اشوفهم

واللي فجر الرقص واحد دب يهز :h015:
انا لو بداله ولا بفكر اني اسمع معلايه

وهم كانوا ساييررين شكلهم السووق لان بعيد شوي من المكان اللي ساكنين فيه مسوين مهرجان خيمه وفيه سوالف ..

بس كيف يرقصون عادي جدام الناس صدق وهف ..

ومره طحت جدام الشرطه .. هالموقف صدق محرج ..

بس سمعتهم يقولون سلامات

يالسه اقول للي وياي الشرطه مب بخدمة الشعب محد يى ساعدني ويشلني
لو بالامارات والله لا اييبون لي الاسعاف خخخخخخخخخخخخخخخخخخخخ​

 

[عايشة]

http://www.youtube.com/watch?v=nF-qTiHxeDQ

احب هالنشيده واايد :a050:

ليه سواها حبيبي ،، ليه طاع الشك بيا ،،

صاحبي ما فهمني ،، كيف عاد البقية ،،

كان يلمس نبض قلبي وكان لي وأصبح عليا ،،

 

[عايشة]

السلام عليكم ورحمة الله وبركاته

مب كاني اول مره اسلم يوم اكتب مدونتي !!

:212:

امس صارت سالفه .. يالسه اسمعها فالبيت والنقاش داير فيها
مع ان شو يخصنا ما ادري ؟!!

تدرون الحريم لسانهم فالت بالنميمه cat

الا ااناا .. صح اعد من فئتهم ولكم غير عنهم .. بس خلاص لا تسألوني ليش وكيف :1577_1186768770:


حرمة جيرانه عمرها بـ 40 وريلها نفس الشي .. وعندهم عيال فوق 10 .. ما شاء الله .

المهم

الحرمه اكتشفت ان ريلها يرمس بنات وعنده تلفون خاص فيهم <-- مشكله الشواب متعذبين :^^:

هي كانت حاسه من قبل وطلع يرمس وحده من 4 سنين
والحرمه الحين تخبلت قامت تشتري سوالف بس على شانه يعني ثياب وتتعدل

ومرضت وحالتها لله .. غمضتني

لكن ما شي فايده !!

على قولة حامد زيد لا بارك الله في مره فرقت بين اثنين
<---- والله يا حامد عليك كلمات معبره :mf_eat_ar

الحين ريال يخبل حرمه شو هالدنياا وياريت لو يستاهل .. الكرشه واصله .. :d7aim:

ذكرتوني باخوي مكرش يوم اقوله شو ها .. يقولي هذا عز وحياتج cat

ما اتخيل مجرد التخيل اتخبل على شان ريال

هم المفروض يتخبلون عليناا وهذا الامر الطبيعي :^^:

صدقي والله

يا بنات تخيوا الدنيا بدون شباب

ياا سلام

لا عباه ولا شيله

ولا حوادث اعتقد الشرطه بتبوس ايدنا على شان نسرع :h_kashkha

ولا مكياج :h_kaak:

ما شي خيانات ..

والاهم

عادي نحط صور بنات بالمنتدى :m_love:

اكيد حسستكم ان الانثى احسن مخلوق بالدنيا :yaw:

صدقت انزين ما يبت شي من عندي :h_em:

دخاخين تطلع من خشوم الشباب cat

مع احترامي للجنس الخشن بس على شان ما احصل نفسي اوت من المنتدى cat​

 

[عايشة]

احب ابارك لكل الناجحين بمناسبة الثانويه العامه و أأأأأأأأأأأأأ
ولكل مجتهد نصيب <-- نفس بو راشد بالاذاعه cat
لازم أأأأأأأأأأأ يريوس بالكلام وعقب يكمل

ريوق عشى غدى كله كوله .. اختربت ضروسي .. احس ان اسناني بتتكسر .. :h_eheehe:
بس شو اسوي . . تدرون حرام ينخلون بالثلاجه ومحد يشربهم بس على شان الحلال والحرام
والناس مشتريتنهم بفلوس لازم نشربهم ..

لولا خوفي من ربي لما كنت في هذا الحال والحمد الله على كل حاال
اسمحولي اندمجت بالفلم :dkb:

هالسنه وايد نسبهم فوق .. ماشاء الله عليهم ..

اذكر يوم عرفت نسبتي شو سويت صحت .. هاي ونسبتي بالثمانين عيل لو بتسعين اعتقد بيغمى علي :h015:

وشو حصلت !!
كل حد من اخواني يبارك علي فتح هالبوك وطلع كل اللي عنده وعطاني
يدرون فيني ما احب الهدايا كثر الفلوس :mf_bluesb

وصلت 4000 درهم تقريـبـاا مع طقم ذهب فضي خفيف ووايد بسيط هاي كانت هديه ..
مع اني فكرت ابيعه لان الذهب الحين غالي .. بس ما بييب لي اكثر من 2000 وثاني شي هديه صعبه اني ابيعها

وبنفس الاسبوع اللي طلعت فيه النتايج سافرت سوريا والاردن ..
يعني كانت سنه ولا كل سنوات عمري ..
يعني احلى سنه كل شي حلو صار فيها .. 2009


واليوم سمعت خبر مؤسف من اخوي

قهرني :h_dam3ah:

كنا انا وهو بعد اسبوع بنسافرنا بروحنا سريلانكــا .. خلاص حاطين فبالنا ..
ما اسمعه الا اليوم يقولي ما بنروح .. وخليها السنه اليايه !!!
وبعوضج بطلعات لدبي :weird:

كنت متحمسه واايد للسفر .. وزين ما اشتريت لي شي لين الحين ولا صدق بدوس فبطنه بعد ما يقولي هالخبر ..

اقولكم شي اليوم يالسه اشوف صورنا مال السفره ..
ولا شفت هالصوره وضحكت ..

اول مره اشوف دميه سوده ؟؟؟

cat

نحن اللي عندنا خوال وسمر وكل تدرجات البني والابيض ما حطينا مثلهم

كيف السوريين البيض يحطون cat

ولا الالوان ما تطلع الا على السمر ؟؟

اعلان غير شكل

بس اذكياا لانهم صدق لفتو نظري :je_t_aime​

 

[عايشة]

رقدوووووووووووووو عني وخلوني بروحي

نوم العوافي ..​

 

[عايشة]

شحالكم يــاا الربع ...

داشه عزبتي وكيفي :^^:

ما شي شاي ولا قهوه .. لا تتمسكنون علي ..:d7aim:

هالاسبووع .. ما طلعت مكان الا ملجت ربيعتي وعرس اخو ربيعتي ..

الملجه كانت حلوه ..

لان نص ربيعاتي ساروا و ارتبشنا ويى بعض وما خلينا حد ما حشينا فيه :asts:
اسولف وياكم

انا ويه حش .!! <-- معقووله uiu

والبحر ما شفته

لالالا الجذب حرام شفته شوي ..

شو السالفه وانا رايحه الملجه . . بتييني ربيعتي ساكنه ويى ريلها بالظيت .. وبندش الملجه ويى بعض

قالت لي على الساعه 8 بنكون اهناك .. واكيد ،، ويت الساعه 8 اتصلت فيها وينج يا فلانه ؟؟؟
قالت لي والله بعدني براك ..

قلت لها انزين بسرعه تعالي لاني جاهزه .. ويت الساعه 8 وربع .. قلت بطلع من البيت بتحوط اكيد بتوصل ،،،
تحوطت ورحت صوب البحر ولا الهوى باارد وهوى .. ياا سلام ولا اشوف الساعه 8 ونص .!!!

اتصلت فيها وينج بعدني بالرمس .. شووو بعدج بالرمس :1577_1186768770:
اقولها راكبه ويى ريلج بسيكل ؟؟

تقولي لا بس ريلي ما يسرع يمشي على 80 .. :res:
قلت بقلبي هذا اللي ناقص :d7aim:

قلت لها حرام مطلع لكزس ويمشي على بيض .. وتضحك وادافع عنه

المهم وصلت ونزلنا بس بعد شووووووووو .. :see:

اسمعووني الواحد لازم يحترم الموعد واللي ما يحترم الموعد مره ثانيه سووله مقلب والبسووه .. cat

صح نسيت اقول لـ حبيبتي مزنه ..
من بعد اذنج قارة اسيا قلت لها حبيبتي لا تغارين تدرين انتي بالقلب خخخخخخ

عن الكلام اللي كتبتيه .. صح كلامج ..
واذا بقول عن شخصيتج انتي .. اممم

انتي انسانه حسااسه وحبوبه وطييبه .. احس انج واايد طيبه وبحالج من خلال ردودج وما شاء الله عليج تتحملين مسؤوليات اكبر من عمرج .. وبعد كيوووت كشكل ..

بس

هاليومين واااااااااااااااااايد مرتااحه من شي صار بحيااتي ..

ومستاانسه <-- بلا فضوول زايد :shebah:

تدرون قلبي ما احس فيه الا اذا خفت من شي ..
الحين احس انه يدق بس مب خوف شو اقولكم ما بتفهوم بعدكم يهال خخخخخخخخخخ


يا الله اشووفكم ع خيير .. :ml7:​

 

[عايشة]

جمـعه مبــاركه ..

الساعه 2 ونص ..

خلصنا غدى وطبعا اليوم الجمعه لازم مشوي سمج و قباب :^^:

بعدها يلست افرفر بالقنوات طاحت حواسي الخمس على قناه فيها نشيده وصوت المنشد حلووو ..
ويوم تعمقت بالكلمات واللحن ..

طلعت نشيده شيعيه ..!! :d7aim:

هم الدبره عيبتني ..

ما اريدك يا قلب لو تنسى مولاي .. والله لاطلع يا قلب من صدري وانساك . .

والتكمله عن الحسين ..

خلصت النشيده بعدها اسمع اذان الشيعه ..

اول ما قال الله واكبر .. ذاب قلبي والله عليييييييهم صوووت رووعه ..

بس نهاية الاذان اسمع تحريف من عندهم . لازم بصمة الشيعه بالدينهم :m_afaker:

نحن نقول اشهد ان محمد رسوول الله ........ بس هم اشهد ان علي ولي الله
..!!

واخر الشي الدعاء مالهم ..
اسمع دعائهم بس ما اذكر الا كلمه لعن الله امة قتلت .. حتى يلعنون بالدعاء . :1577_1186768770:

وتميت ساعه على القناه لان كل حين تطلع نشيده حلوه ..

وألفت نشيده بعد وياهم :^^:

مابالك يا حسينو لا تداوي الجراح الا بالجراح ..
اصلح أألف ولا :m_ydakhen

الا بسالكم حرام اني اسمع وانشد من اناشيدهم .. ؟؟
:ili:

وبنفس الوقت اقوولكم يلست العب ب لزقات مال الحنه .. وخربطت الدنياا فوق تحت :bs:

خذتها من بيت جيرانه .. ماشيه على السلفيات :firs1:

اخترت هاي

والنهايه مالت علي اختربت وبطلته بسرعه .. :m_em3a9eb
لان الحنه من سنه وياانا بالثلاجه :h_dam3ah:​

 

[عايشة]

الحاله صعييبه ..

رفيق واحد سنجر والباجي على لحساب ..

 

[عايشة]

الساعه براس الخيمه 2:55 وعندهم 2:55

اليوم مثل امس وامس مثل اليوم يعني لا جديد ولا طلعاات .. ولكن ما حبيت هالويك موول

يمكن لان احس راك مظلمه :^^:

ما عليه اليوم بتنوور :t6t:

ويالسه اسمع اغنيه احبها لراكان ..اسمها اخر اخباري

كلماتها

يبى يعرف وش اخباري ..!!

وكيف احوالي من دونه قولوله دنيتي احلى..
وعنده من يعوضه وهو بنسبى لي لا شي ولا يعني بحياتي شي يواصلني يصد عني ما توقف دنيتي تمشى ..

كلماتها حلوه ولكن ماا اتمنى اعيش حال هالاغنيه ..

ولا بعيشها ان شاء الله :qlb:

اليوم العصر بخاطري اطلع بس ما ادري لو في حد بيطلعني ولا برتز فالبيت :ili:

بقردن ابووي وما بيقصر بيطلعني w0w

عقب التكلمه :d7aim:

..​