.
.
..
..
..
..
السلام عليكم و رحمة الله و بركاته
.
.
.
oo:
مبرووك عليكم قدوم الشهر الفضيل والله يعيده لنا ونحن بصحه وسلامه .
سلمكم الله هوايتي وكما يعرفها الجميع ( الصيد ) صيد السمك يعني ، لكن لظروف العمل و ضيق الوقت
ابتعدت وايد عن البحر والصيد خصوصا يوم اكون فاضي ما احصل صديق يروح معي للصيد .
والايااام تركض .
المهم ما علينا .. قدر الله ما شاء فعل .
في بعض الاشخاااص سولت لهم انفسهم وتحدوني طبعا هذا شي مستحيل :awxc: ما يرمون لي البررررر خخ
وقامو يتحدون وطبعا هم يعرفون الحال اني مأسور بين العمل والظروف الاخرى .
لكن البارحه رتبت مع مديرنا الفني الشحي .. واخوي سعيد .. و صديقنا مروان ان نروح للبحر ساعتين زمن تسليه
ونصيد سمك حق رمضاان بيكون السمك غااالي .. ومحد فايق يدش كل يوم بها الحر
وبالمره كلفت الشحي بالتصوير والتغطيه .. عنااد في بعض الناس خخخ
.
.
:boat:
ونبدأ بالصور .. واسمحوا يعني ما اقدر اعلق وايد ما عندي وقت كاافي ولا بنوصل لكم الفكره عن الصيد بشكل اوضح
نترس التانكي بترول .
وهذا نحن منطلقين من الميناء الى مكان الصيد وطبعا دليلنا للمكان جهاز اسمه ( جارمن ) يحدد احداثيات الموقع عبر الاقمار الصناعيه.
الجهاز طبعا يدلنا عن طريق ارقام عباره عن اتجاهاات البوصله ، وضروري توفر البوصله بالطراد ، الاغلبيه متبرمج فبالهم اتجاهات البوصله
فما يحتاي يشوف البوصله كل مره لكن للدقه توفرها افضل . وفي الصوره نوضح لكم
هناا ما نقول لكم حبتين oo: نقول باقي 2 كيلومتر عن مكان الصيد :^^: قربنا يعني
انزين صار لنا موقف ونحن سايرين نصيد .. اخينا مروان حب يستعبط < < يا ويلك مب ويااي انا وفالبحر انسى انك تمزح معي
رفع غطاء البوكس الخاص بعدة الصيد وقال بفره بحر قلت له بفرك ورااه انزين
وفعلا تجرأ وفرره بحر .!!! وقفت الطرااد وقلت لاخوي سعيد يالله عندك اياااه فره بحر وخله يسبح ويشل غطاء البوكس :^^: طبعا الحبيب يسبح عشان يركب الطراد لكن انا ابعد عنه ، وبالاخير كسر خاطري وخليته يركب .
وهذه الصوره
.
.
.
خلونا من الي فووق وتعاال نصيد مع بعض :wnash:
اول شي لازم انزل المرساه في البحر حتى يثبت الطراد في مكان ونقدر نصيد ونحن ثابتين في موقعنا
بختصااار .. لازم تكون عدة الصيد جاهزه من اول عشان الوقت والعده هي ( الخيط ، الميدار ، البلد ، طعم )
كيف اتم عملية الصيد
نركب الطعم في الميدار والميدار عباره عن سنارة تعلق بفم السمكه والبلد هو الوزن الي ينزل الخيط للقاع مع الطعم
نمسك الخيط كما في الصوره ، و طبعا عندما السمكه تااكل الطعم الصياد يشعر فيها ، فيسحبها بشكل قوي ودقيق بتوقيت جيد حتى يعلق الميدار
بفم السمكه ، وهذه الشغله يحتاج لها تمرين وممارسه حتى نتقن الشغله .
هنا انتظر السمكه تمسك الطعم وبالجزء الثاني من الصور اسحبها حتى اعلقها :^^: طبعا ما تاكل عني الطعم الا وهي عالقه :h035:
للعلم السمكه لها قوه رهيييييييييييييبه في سحب الخيط والصياد لدرجة ان احتكاك الخيط بالكفر على على الصبع يحترق وتحترق الاصبع
خصوصا ان الخيط نايلون .. والشد يكون رهيب .. و ممتع بنفس الوقت .
ويحتاااج لخبره حتى ما يكون شد بين السمكه والصياد فلو صار شد قووي الخيط بينقطع ، فلازم يكون ( متاتاه ) خخ شفره هاي ما عليكم
في حين ما السمكه تسحب يجب للصياد يعطيها ليونه وعندما هي تلين ويخف السحب معها يستغل الصياد الفرصه ويسحبها .. يصعب الشرح):
وأخيرا حصلت على ( شعري )
لكن الحظ عاااثر الميدار عاالق بالخياشيم خخ
نزلت الخيط مره ثانيه للحصول على سمكه اخرى ولكن تفاجأت
قلت محد غيره ( القد ) وهذه السمكه اهدااء مخصوص للي بدأ بالتحدي cat لكن صدقوني مذاقها طيييب جدا .
هذه السمكه اسمها قد وهي تعتبر سمكه غنيه بالكالسيوم وما تتغذي الا على الاسماك على عكس بعض الاسماك وتسمى بالانجليزي بركودا
ولها اسنااان مثل الشفره وفي انواع من القد تكون كبيره وخطيره تسمى ( قندواح )
فأنا شو سويت عشان اضرب عصفوريين بحجر ، استخدمت لحمه طعم للاسماك بهذه الطريقه بتهرب عنا هذه الاسماك وبحصل على اسماك اكبر .. وشوف يا صااحب السمكه شو سويت خخ
و شوي من الاسماك الي صدتها بالبدايه ، والي لونه برتقالي اسمه ( سلطان ابراهيم ) هههه ما ادري ليش مختارين له ها الاسم
وبدأ الصيد يحلى اكثر والاسمااك كثرت ولله الحمد
هذه حق خلود الرياض في مره قالت احب السمج :^^: شوفي العيون الذبوحيه خخ
طبعاا المكان بعيد عن البر بعض الشي و الشمس بدأت بالمغيب ولا طراد قريبنا يعني ولا سنيار نحن نقول
وهذا الشي يعتبر خطير ان نتأخر ونحن بعيد بدون سنيار ، وقلنا بنستغل الفرصه وقبل ما يحل الظلام .
وجاان يشمر الشحي عن ساعده وقال بصيد وياكمcat خخخ حدث ولا حرج خلوني سااكت
وللاسف الشحي بند الكاميرا وقعد يصيد معنا وتخيسنا فما حد شل الكاميرا وصور النتيجه
المهم شفتو المقبلات .. وان شاء الله نتوفق برحله غيرها وتكون التغطيه احلى .
ملاحظة/ التصوير كان بواسطه Nikon D3000 & canon G10
مبروك عليكم الشهر :wrd:
ومساكم وصباحكم
سمك
:bt:
.
.
.
.
.
بحفظ الله
الصيـاد
..
..
..
..
.
.