- التسجيل
- 2 نوفمبر 2009
- رقم العضوية
- 11164
- المشاركات
- 5,700
- مستوى التفاعل
- 2,392
- الجنس
أهلـــــــــين ومـــــــــرحبتين .. حيااااكم الله جميعا منورين مطبخنـــــــــا ..
كالعادة فاشلة بالمقدمات بس هذا مايعني اني فاشلة بالمطبخ على العكس تمااااما ..
والدليل انه في ليلة من الليالي كانت ماما تعبانة
فماكانت ماكله شيء عيت تتعشــــــــــى وبالكاد شربت شوربه عن خاطري بس حتى وهي تعبانه تداري خاطري
فماكنت مرتاحه طول الليل أهوجس فيها .. فولعت براسي لمبة
تقوم تصلي ..
قلت مابدهاش ياخلود لازم أسوي لها فطور ومو أي فطور .. فلقيت أفضل شيء أعمل بان كيك .. طقطقت بقوقل
وخذيت الطريقة والمقادير وخبصت ابو الشغلة
ووثــــــــقت هذا الإنجاز العظيم والذي لن يتكرر بتاريخ البشرية بالصور ..
وإليكم التخبيص على أصولــــــــــه ..
المقادير /
2 كوب دقيق > انا هنا استخدمت دقيق بر مخلوط بأبيض ومملح جاهز مسوينه سبشل للبابا والماما
ملعقة كبيرة بكنج بودر > انا استخدمت الباكنج المضاعف فحطيت نصف ملعقة بس .
بيالة حليب بودرة .
2 بيضة
3 ملاعق سكر > ماكثرت عشان الماما عندها سكر
كمية من الماء > حدود كوبين استخدمت .
........
الطريقة بالصــــــــور /
خلطت جميع المقادير ماعدا الماء ..
وبعد كذا أضفت المويا وتعمدت أكثره لاني تذكرت أختي سبق قالت لي البان كيك كل ماكانت سايلة كل ماضبطت وصارت أحلى
بس المشكلة توهقت وجلست افكر أعجنه بالملعقة وبالإماراتي خاشوقة ^_^ وإلا بالخفاقة ؟؟؟
وتوصلت انه الأفضل الخفاقة وخفقنا أبو العجينة .. :yola: لكن للأسف مو راضي التكتل يروح منها :1577_1186768770:
وبعدين صادفت مشكلة أخرى وش أزينها فيه لو بستخدم المقلى بطول وانا ابغى اخلص بسرررعه ..
ففكرت استخدم الصاج عشان احط بدل الوحدة أربع ..
اها طيب أي صاج أستخدم عندنا واحد كبير هذا مااعرف له أبد فاستخدمت الصاج القديم لأنه صغير شوي ومريح بالتعامل
وجهزت العجينة الأعجوبة .. وبديت بالعمل الجبار ..
فسخنته وخذيت شوي من العجينة كتجربة بشوف سخونته كويسه او لا ؟؟؟
ولهيت اعمل الحليب .. وطبعا الهواجيس تاخذني يمين ويسار cat
ولما ناظرت تجربتي الصغيرة لقيتها فحمة ...
هذي اهداء منــــي له ..
بس ماتحطمت أبدا وبديت العمل الجاد .. طبعا هالصورة متشقلبه ماعدلتها لأن الفوتوشوب عندي يعلق بالجهاز ..
المهم اني مدري شلون صورتها كنت مختبصة :cry: ولاتغركم الفقاعات كل ماكثرت كل مازان الطعم ..
بس تحطيم ماعجبني لونها حسيتها استوت بزيادة ..
فغيرت رايي وقلت بلاش من الأربع بخليها وحدة كبيرة عشان يكون تركيزي منصب عليها > اسم الله علي ذكية ..
وفعلا طبقت الفوكرة الذوكائية .. وصارت نفس اللون .. :1577_1186768770:
تنرفزت هنا وحامت تسبدي وبغيت أصيح ... بس كملت مضطرة :eh_s(1):
والحمد لله لونها حلو .. يعني ضبطت أخيرا .. :yola::yola::yola:
وصرت اعملها بشكل سريع ولازال لونها حلو :yola::yola::yola:
وأكيد طعمها لذيذ فصورت وصورت وصورت :yola::yola::yola:
المفروض ادهنها بعسل وزبدة بس ماما ماتاكل زبدة ولاتحب العسل :cry:
فحطيت الزبدة على جنب لباقي الشعب ..
بداية العمل كانت على أذان الفجر .. وانتهيت قبل مايطلعون من المسجد cat
* ملاحظة البان كيك هو المصابيب بس مسوين برستيج وكشخا عشان كذا نسميه بان كيك ..
وأخيرا / لانتقبل سوى الثناء ، النقد البناء والمنهد لايقبل بأي حال من الأحوال .. :a050:
.