عـــــــآدي ولد خــآلي او لد عمي / مب عيب .! ~ " أبدأ أنا بالطرح

[*فارسة الشارقة*]

:qlb::qlb::qlb:

السلاآآم عليكم ورحمة الله وبركاته*
مساءكم كادي أبيض كقلوبكم البيضاء يا أعضاء برزة الشحوح الكرام ...


حبيت آناقشكم في موضوع وابغى اعرف ارآئكم فيه
كل شخص عنده بنت عمه او خاله او بنت عم


وكل عائله تختلف عن الأخرى .!


فيه عائلات عادي البنت تتكلم مع ولد خالها وتقعد معه وتسولف*


ويمكن تتهاوش هي وياه على موضوع وهي متغطيه وملتزمه بالحجاب*





وفيه ناس لا حتى لاسلام ولا كلام حتى في العيد او عند الأصــآبه آو المرض عيب تسلم آو تبارك .!


لأن يعتبر هذا قلت آ دب ويمكن البنت لو سلمت*
آو باركت قالوا إنهــآ جريئه وماتستحي .!


وفيه عوآئل وسط بس سلام والسؤال عن آخبارك فقط .!


طبعاً آنــآ آعرف وحده تقول انا مستحيل اتكلم*
مع عيال آقاربي وجهــاً لوجه .!
بس في المسن عادي .!


تقول نص إللي في المسن عيــــــآل خوآلي*
وعيال عماني .!


بس إني آتكلم معهم وإحنـــــآ مع بعض في مجلس مستحيل .!


... ... ...


إنت آو إنتي من آي نوع .؟


يعني هل تمانع من الكلام مع بنات آقارب آو لا .؟

 

[*فارسة الشارقة*]

السلام عليكم ورحمة الله وبركاته

الحمدلله رب العالمين لا توجد في عائلتنا الكريمة أن البنت تيلس يا ولد عمها او ولد خالتها ابدا ابدا ممنوع ,,,
يمكن والله اعيال عمي واعيال خالتي مب شايفني من يوم انا صغيرة وماشفتهم الا هم عرسان فقط ,,,

نتري البقية

 

[هدوء طفله]

تسلمين فارسة ع الاختياار الموفق والحلوة
لي عوودة

 

[soooooooooomh]

كرسي ملكي لـ حضرة جنآبي . . / prin3

 

[عايشة]

انا مع ولد جيرانه

متربيين ويا بعض حتى يوم كبرنا انقطعنا عن بعض مشاغل وظروف الدنياا
دوامات وكبرنا ما نطلع مثل قبل هياته بالشعبيه وهو بعد كله برع البيت ..

لكن يوم نتشاوف انتم انسولف ساعات
احسه مثل اخوي وهو بعد ,,

اهله يدرون واهلي يدون لان خلاص متعودين من نحن صغار نسولف ونتمصخر

و سوالفنا اخويه يعني شو الاخبار شو السفره والدوام ,, وانتم نسولف
ما يخش عني شي المسكين :lol:

بس

المشكله الوحيده ان لين الحين عادي نسلم ايد بايد:lol:
ومرات ما اسلم عليه لان الهس ريحته سجاير :h035:

وطبعا ما نتشاوف واايد مرتين بالشهر او ثلاث
حسب لا طلعت ونتصادف بالكراج ,,

واكون محتشمه عباه وشيله ومتحجبه ,,

فـ ما ادري لو هي مشكله او لا ؟

 

[ربي ثبت قلبي...]

وعليكم السلام ورحمة الله وبركاته

عيال العم والخال اجانب

والسالفه عندنا نحن حرام وحلال مو عيب sos3

نحن ما نسولف معهم ولا نجلس

ع العكس بعض الاوقات ما نطلع اذا هم عند الباب الا لما يروحون خخخ

ولو دقينا وحد رد من العيال ع التلفون نرمي السماعه على بعض ككككك

اتقبل اتكلم مع اللى اصغر عني بحدود الحاجة

وعندنا الحريم الكبار يسلمون على العيال سلام كيف الحال من بعيد لبعيد. بس لا يصافحونهم ولا يكشفون


موفقة واشكرك على الطرحsos3

 

[شيبه محتشر]

السلام عليكم ورحمة الله وبركاته


عند البدو عاااادي هالشي

ويمكن عااداتهم تربوا عليها

بس هني ما توقع الا القله القليله

لو عني انا حتى بنات خالتي او خالي او عمتي او عمي ما اعرف اساميهم

من شهرين كنت مقرر اسوي شجرة العايلة للكل

فيلست مع عمتي اسالها عن العيال وعيال العيال

طلعوا بالعايلة ناااس اول مرة اعرفهم
:see:

 

[اسيـرة الهم..]

عندنا البنات من دوني تربوا مع العيال فعندهم عادي كنهم

اخوانهم اما انا ما اكلمهم الا للحاجه وما اعتقد انه من الذووق ان ما اسلم عليهم

لانهم ييوني ويسلمون علي بس

تحيااااااتي

اسيـرة الهم..

 

[Berjwaze]

فآرسهْ الشآرجهْ , . .

أبدعتي موضوعآ وطرحآ
sos3

بخصوصْ الموضوعْ السلآمْ والسّوآلفْ معْ بَنآت العمْ والخآلْ , . .
صـــرآحه نحن فـ عآيلتنآ مآعندنآ مشآكل لأن متربين ربآعهْ وشرآت الأخوآنْ
أنآ بنآت عمي وخآلي يسلمون علي ونتخآشم ولأن مآعندهم أخوآن كبآر سآعآت يوم أظهر
مع هلي يتشلبقون فيني عسبت أحوطهم عآدي أحسهم شرآت خوآتي نفضفض لبعضْ ونحل مشآكل بعضْ
ونعيبْ على بعضْ ونتضآرب ونحشر البقعه عادي

شكرآ مرهْ أخرى
ودمتيْ بصحه وعآفيهْ
sos3

 

[أحلام أنثى]

هلا خيتو .. موضوعج فنتك :qlb:

أي دين قال بأن ولد العم او ولد الخال كالأخ ؟

بالنسبة لنا عيــب .. حتى فالسلام من بعيد لبعيد

هذا اللي تربينه عليه وكبرنه عليه ..

يوم كنا صغار عادي عندنا بس احيين غيــر ..

و ثانكــس ع طرحج للموضوع



sos3sos3