مشكلتي مع الحسد ,, / فارسة الشارقة ,,

[كش ملك]

السلام عليكم ورحمة الله وبركاته
الاخت فارسة الشارقة الله يحفظ بنتش ويعافيها

أولا / مب لازم مطوع يقري عليها هذا من الامور المحدثه من السنه الواحد يقري على نفسه أو أطفاله أو أهله إلا إذا كان الواحد يجهل أمور القرأه والشخص إلي يقري على نفسه ويرقي نفسه يكون أخلص ويكون أشد رغبه من غيره والله يحب التذلل والالحاح بالدعاء ولان يكون أحد أخلاص ولا أشد رغبه من صاحب الحاجه
ثانيا / كان الواجب منش تلبسيها وقايه حتى ولو كانت صغيره عشان تتعود واخاصه مادام هي مميزه بالشعر الطويل
رابعا / كان الواجب عليش تحافظين عليها من العيون بدل إظهار شعرها بالمولات وغيرها والوقايه خير من العلاج
خامسا / عليش بالادعيه إلي ذكرها الاستاذ فارس والادعيه النبويه الاخرى
سادسا / عليكي بالبحث عن علاجات أخرى ربما يكون المرض عضوي ويقول الرسول صلى الله عليه وسلم تداو عباد الله فما أنزل الله دائا إلا أنزل له دواء علمه من علمه وجهله من جهله والثقه بالله بان الله هوالشافي المعافي

الله يعافيها ويحفظها من كل سوء

.. نسيت نقطه ..

وين ثالثا ...؟


ما طمنتينا على النونو يا فارسة ...

 

[هدوء طفله]

لي عودة للرد

وعليكم السلام ورحمة الله وبركاته

حسبي الله ونعم الوكيل لاحول ولا قوة الا بالله

ما شاء الله ربي يحفظها و يخليها لكم ان شاء الله

و يشفيها و يبعد عنهـا العيون

آول شي لازم تقرين عليها الاذكاار دوم وانا اعرف وحده تدرس وياناا كانت ماشاء الله شعرها طويل لين تحت الركبة ما شاء الله
يوم تمشط شعرها قبل ما اتي المدرسة تقرا عليه ويلست تبطلهجدام البنات وبالحفلاات وهاي السوالف والابلوات يطلعونها تشارك وتبيطله
وهي كانت تبا تقصه بس يهمهاا واهلها هب راضين وشوي شوي تقص شوي شوي والحين لين جتفها تقول خلااص يلس يطييح وقصته ملت من الطويل بس يطيح بشكل =(والحين كبرت تقول بطوله :wnash:
وتسال لج الوالدة تقول ما تعرف بس غسليها بماي زمزم مقراي عليه ومثل ما قال أ.فارس يكون بعيد عن الدورات المائية بمكان نظيف يعني
وحاولي ما تخليه مفتوحه لفيه الهاا والاعضاء ما قصرواا وياج
ولاتنسين اهم شي الاذكاااااار والله يشفيهاا ويبعد عناا عيون الحسااد
ومثل ما قالت نظرة غرآم الحسد خذ عنا ناس الله يرحمهم يارب
والسموحه ع الاطالة ^^"

 

[*فارسة الشارقة*]

اسعد الله ايامكم بذكر الله ,,,
الشكر كل الشكر والتقدير للجميع لكل من ترك كلمة طيبة ونصيحة ,,,
وأنا كل قلتوا اسوية من زمان اقرأ المعوذات بشكل دائم والحمدلله ,,, وقصيت شعرها عبشان اقدر اتحكم فيه ,, لكان هذا الشيئ يتجدد دائم وهذه المشكلة وحتى والله اتعقدت اتصيح وايد لدرج ما اقدر امشط شعرها الا البسيط من كثر القروح ,, يعني تعبت من كثر ما استخدم الكريمات والمضادات ,,
الله يكون في عون الجميع ’’
جزاكم الله خيرا جميعا ,,, وبارك الله فيكم والله يبعد عنا وعنكم جميع الامراض والاسقام ,,,
دمتم يصحة وعافية

 

[الخَيزُران]

✿
✿
✿

السلام عليكم ورحمة الله وبركاته
هلا بـ فارسة الشارقه

لا حول ولا قو ة إلا بالله

لا يا فارسه لا تروحين عند مطاوعه ولا هم يحزنون
احنا جربنا المطاوعه لين قلنا بس
اغلب المطاوعه لما تييبينهم يقرون بطريقة ما صحت عن الرسول
يحطي ايده على البنت او الولد ويقرا من بعيد ولا حتى يشوف اللي يقرا عليه وهذا غلط
ثبت عن الرسول انه يجمع كفيه ويقرأ فيهما ما شاء من الادعية والاذكار والقرآن
ولما يخلص ينفث فيهما ويمسح بيديه جميع جسمه او ما يستطيع

وايضا قالوا ان الوالدين افضل الناس تحصينا لعيالهم
وانا اشوف فارس كفى ووفى بالموضوع
سوي اللي قاله لج

والله يعافيها يا رب
وانا ويا البنات بعد ان انتي المفروض ما اطولين شعرها
لان العين حق ، العرب صايرين اللهم يا كافي

الله يحفظج ويحفظ بنتج من الحساد وجميع المسلمين

✿
✿
✿

 

[فتى العرب]

حسبي الله على اللي ما يقول ما شاء الله
والله زعلت وايد على اللي صار
الله يشفيها من اللي فيها ويحفظها من كل عين يا رب
والله ما عندي حل حق هالسوالف
ترى من كلامج على طول فهمت انه عين
العين مشكلة وهالشي يعور القلب وايد والبنت صغيرة بعدها
شو هالعالم ما تقول ما شاء الله

حصنيها واقري لها والله يحفظها من كل شر
وعلميها الأذكار
ونحن بندعي لها والله يستجيب للدعاء

 

[*فارسة الشارقة*]

خالص الشكر والتقدير لكم جميع على المرور الرائع الذي اثلج صدري ’’’

 

[Berjwaze]

،
أختي فآرسه الشآرقه , . .
العينْ حق / قآل الرسولْ " ثلث ما في القبور من العين "
فما بالج بقروح . . !
,
نحن عندنآ هالمشكلهْ وآيدْ
والحـل / نحن نرقي نفسنآ بالقرآن والذكر خآصه فليل قبل مآنرقد بسْ عيآلنآ . . !
لأنهم مآيعرفون لآزم ترقينهم انتي ، قبل لايرقدون وأوقأت الفراغ واليمعه ويوم العيد وقبل المدرسه بالمعوذات والذكر وماياخذ منج وقت
وعلمينهم يقولون " بسم الله الذي لايضر مع اسمه شيء بالارض ولا بالسماء وهو السميع العليم " هاي بروحها كافيه تصد عنهم الحسد و العين
حآولي انج مآتفتحين شعرها بالاماكن العامه عسبت مايبين طوله / خذيلها شبصات حلوه ورفعي لها
او قصيه اذا لزم الامر لان ممكن يطيح اذا استمرت العين
ربي يحفظها لج ويخليها

,

 

[هدوء طفله]

السلام عليكم ورحمة الله وبركاته

صح كلاام شيوخي
انا اعرف وحده شعرها ما شاء الله غلييظ وموب من طوله بس اسود وجي حلو ما شاء الله
والحين عمرها 15 وما عندها شعر طااح كله شعرهاا ويوم المناسبات تلبس باروكه الله يعيينها
وما مخلت مكان ما رااحت له -____-"
والله يبعد عن الجمييع العين والحقد والشر

 

[ولد الخنزوري]

الله يبعد عن الجمييع العين والحسد
بس اللي فية عين لااازم ااانصب بعينة ملح

 

[غادة الرياض]

مرحبا يالفارسة

ياااااارب تكون بنتك بصحة أفضل
بس حبيت اقولك انه اختي آخر علاج استخدمته لجسمها ( وليس لشعرها ) افادها بفضل ربي كثييير
يعني بما انها استخدمته بس مرتين إلا ان 50 % تحسّنت بشرتها .. خفّت الجروح والحكة ولله الحمد

فصوّرته لك عسى ياااارب ينفعك وينفع غيرك

وعسى الله يشفي مرضانا ومرضى المسلمين ياااااااارب

وأي استفسار غادة بالخدمة :20: