حلاوة الدخون .........

[طيووبه]

المقادير

2 كيس شعيرية باكستانية , واذا ما عندج استبدليها بالبلاليط , بس الشعيرية افضل
1 علبة كبيرة حليب نستلة مركز
بسكوت اوريو مطحون , لون اسود ( شلي الزبده اللي فيه ) واطحني البسكوت
2 ملعقة زبده الفول السوداني , واذا ما عندج حطي نوتيلا


الطريقة

كسري الشعيرية اعواد صغيرة جدا , وحمسيها في الزبده شوي
شليها عن النار واتركيها تبرد
حطي عليها الحليب المركز والفول السوداني او النوتيلا حسب الرغبة
وكوريها كور صغيرة , واحشيها بحبات الفول السوداني ( سبال )
هاتي بسكوت اوريو المطحون وغطي الكور في البسكوت تمام
واحفظي الحلاوة في غراش الدخون


وبالعافية عليكم

م/ن​

 

[حنين الأيام]

تسلميين ع الطريقه

بس كيف طعمها؟!
وليش نحفظها ف غراش الدخون؟

اخاف بعدين ابخر فيها البيت خخ

 

[كش ملك]

شوفوا انتوا ..

والله صدق يوم قالوا .. عشنا و شفنا ..



نفس غرشة الدخون الي أتدخّن به يوم الجمعه ..


حتى لون الحلاوة نفس الشي ..


تقص علينا هوتي البنت .. شكلها ليلام ... تبيع بخور عالشوارع


و يوم محد اشترى عنها .. سوته حلاوة و قالت الناس همهم بطونهم أكثر من ريحتهم ....



بسسسسسس لو صدق في حلاوة جذي .. والله ما كلتها ..

 

[طيووبه]

تسلميين ع الطريقه

بس كيف طعمها؟!
وليش نحفظها ف غراش الدخون؟

اخاف بعدين ابخر فيها البيت خخ

كششششششششششخه طعمها
اما تحفظينها في الغرش هاي حركه
ان بغيتي تهدينها لحد
شغلي مخج
تسلميلي على الرد خيتي
وداعت الله​

 

[طيووبه]

شوفوا انتوا ..

والله صدق يوم قالوا .. عشنا و شفنا ..



نفس غرشة الدخون الي أتدخّن به يوم الجمعه ..


حتى لون الحلاوة نفس الشي ..


تقص علينا هوتي البنت .. شكلها ليلام ... تبيع بخور عالشوارع


و يوم محد اشترى عنها .. سوته حلاوة و قالت الناس همهم بطونهم أكثر من ريحتهم ....



بسسسسسس لو صدق في حلاوة جذي .. والله ما كلتها ..

*انسى العنوان والصوره
* اقرا المكونات والطريقه وسوها
وشكلها ع كيفك وكلها وعطني رايك

اشكرك يا اخوي لانك نعتني باني كذابه
وعلى فكره هايله اللي يبيعون بخور
في الشارع ....ناس مثلي مثلك..بس
رزقهم صعب...
تسلم على الرد
وداعت الله​