رسالة خليفه لنوره وترتها يعني هذا كيف ايريد الوضع ايكون
راحت المطبخ وجهزت عشا خفيف وقهوه وشاي وبدلت ملابسها بلبس مغربي خفيف وطلعت تنتظرهم
دخل خليفه وهو شال اليازي ويرحب ابها وهيه تضحك مستانسه من معاملة عمها الها
نوره وهيه توقف:يامرحبا مليوووون
رفع خليفه راسه"يا ويل حااالك يا خليفه والله الي يبته لعمريه
خليفه بابتسامه:تعالي يا نوره عندنا ضيفه ما حلمنا في يوم اتكون عندنا
ونزل خليفه اليازي على الكنب وهيه مفتشله من نوره الي انبهرت بجمالها
نوره:يا مرحبا والله ملايين ولا يسدن
سلمت نوره على اليازي
نوره:الحمدلله على السلامه وماتشوفين شر يالغناه
اليازي وبعدها مستحيه:الله يسلمج والشر مايييج
نوره:ارتاحو بروح اييب لقهوه
اول ما راحت نوره لفت اليازي لعمها
اليازي:اوووه دوخت عميه وين يبتها هذي اتجنن والرمسه تذبح
خليفه:قولي ماشالله
اليازي:مشالله ماشالله اهيه هذي الي دوختك ثلاث سنين خاطبنها مسكين يا عميه جانها اهيه
خليفه:لا لا هذيج بنت خالتيه هذي خالة عيال عمج خلف
اليازي:عاااش عميه ثنتين مره وحده وكيف الحال بينهن
خليفه اتوتر من اسالتها:يزوي انتي يايه بالعتلج مسجل اص ترا هن مش متوالفات وتحملي ترمسين عن اي وحده جدام الثانيه
اليازي:ههههههههه قوول والله يا حليلك يا عميه اكيد منتفاتنك
خليفه:يزوي خلاااص فضيها سيره الحين تراها بتي
اليازي:والله انا ضاربنيه فضول اشوف الثانيه
نوره وهيه يايه:يامرحبا يا مرحبا
وحطت نوره الصنيه وهيه تقعد عدال خليفه الي انتفض قلبه من قربها
خليفه:احم احم
اليازي:هههههههه
فتحلها عيونه بمعنى انجبي
اليازي وهيه تحط يدها على ثمها وتمت نوره تتلفت الهم:شو السالفه
خليفه:ماشي ...بس انا اريد اقول يعني ان اليازي بتم عندنا ....اليوم خليها اتبات معاج وباجر بنفتح غرفة الضيوف الثالثه وبنجهزها الها
اليازي:وانته عميه وين بتبات
خليفه:ببات فوق غرفتيه الاوليه ...احنا انبات تحت في قسم الضيوف لان يوووم
ورفع نظره لنوره ايطالعها وهو يتكلم شكله خابص الدنيا
خليفه:يوووم نوره تعبت انـ انتقلنا تحت
نزلت نوره راسها تحت متوتره
اليازي وهيه مستانسه:ووين عيال عميه يرقدون
نوره:لعيال يرقدون في الغرفه الثانيه وانا وفطامي في الغرفه الي عدالها
اليازي:وعميه؟
خليفه بلقافه:وانا معاهم
حطت نوره عيونها في عيونه بمعنى لييييش هالتخبيص كله جان علمها السالفه كلها وخلاااص
خليفه وكانه فاهم لنظراتها"لو اهيه مش داريه عن سالفة حملج جان قلتلها المشكله تدري ما قصرت نور قالتلهم
اليازي:خلاص انا ببات مع لعيال في الغرفه الثانيه
نوره:لا لا اصلا الغرفه صغيره مابتحصلين مكان ترقدين فيها خليج عنديه بنستانس مع بعض
اليازي:لااا انا استحي من عميه انزين ليش انتي ماتروحين ترقدين عنده فوق
ابتسمت نوره:ما مااا اقدر اخلي اليهال بروحهم
خليفه تركهن يتفاهمن بروحهن وقلبه ايدق وتم منشغل بتيلفونه يا تراى على شوووه بيرسن
قامت نوره:انا بروح اييب الكم عشا
التفتت اليازي لعمها:عميه عادي عندك اتبات عنها ينب
خليفه:هاااه ...عااادي علشااانج
اليازي:انزين عميه هن كيف رضن ايكونن مع بعض يعني كيف بنت خالتك رضت
خليفه خبر اليازي بالسالفه كلها وكيف اتوهق بعيال اخوه ورفض اميره اول شي مما خلاه يظطر يتزوج نوره بس ما قال الها عن الشروط الي شرطهن في الاول
اليازي:يا حليلها بنت خالتك وقالت تباك عقب ماتزوجت اكيد انها تحبك المسكينه
سكت خليفه وهو يطالع تحت
اليازي:عميه الله يعينك لازم تعدل والله يهديهن جانهن مايدانن بعض
خليفه واونه يرقع السالفه:انا ونوره متفاهمين بس المشكله اميره تراها ظربها انهيار عصبي و ووو
اليازي:هههه احوال ثرها عندك واحنا ماندري ووو شووه؟
خليفه:يعني انداري الها
اليازي:صدق وحرمتك هذي يا حليلها عادي عندها
خليفه وهو يوقف:يا يزوووي عاده خلاااص عن الاسئله الزايده اي شي تشوفينه ومافهمتيله طنشيه وتحملي تكثرين من الاسئله تراج بتعقينيه في مشاكل
اليازي:ان شاااااااالله من عيونيه بس صدق عميه شل حرمتك معاك فوق الحين بتقول هيه ماهقاها من الله يرقد بروحه عشان يسهر مع هذيج على التيلفون ويمكن يسري الها
خليفه منصدم منها:انتي من وين تيبين الرمسه هذي؟
اليازي:هههههه ترا هن الحريم جذيه
دخلت نوره:حياكم العشا جاهز
اتعشو وبعدها ودا خليفه اليازي لغرفة نوره ورجع عند نوره في المطبخ ولقاها تغسل الصحون الوقت كان متاخر والخدامات ارقدن
خليفه:اوووووووف والله انها بلشه
التفتت له نوره:ليش ماتقول الها السالفه كلها وخلاص
خليفه حط عيونه في عيونها:اقولها السالفه وهيه تدري انج كنتي حامل
احمرت خدود نوره والتفتت عنه منشغله في لمواعين
خليفه:انااااا خبصت الها وقلتلها لا تكثرين الاسئله
نوره:ماعليه
خليفه وبداية دقات قلبه تعلن الحضور:تراااااها اااا غفلت الباب وقالت شل حرمتك معاك
التفتت له نوره بسرعه:شوووه لا معليه منها بدق عليها الباب....فطامي اكيد بتوعا فليل
خليفه ببراءه:ما احيدها توعا
نوره وهيه اطالعه بنظرة شوفي خاطرك:ماعليه منهن بدق عليها
خليفه:كيييفج
نوره :وحتى لو ما فتحت برقد في الغرفه الثانيه ماشي مشكله
خليفه:على راحتج...مع ان الغرف فوق وايد مابتدري انتي في اي غرفه بتي تصبحين على خير
..........................................
غمض اخيرا زايد عيونه ونور راقده على يده وبعدها بنصف ساعه فتح عيونه على صوت الاذان الي كان قريب وايد منهم
اعتدل وتم ايطالعها وراسها على يده
زايد"حشى هب ليله هذي الي بتتها على نار
ابتسم وهو ايطالعها يدريبها انها كاشفتنه وتدريبه من اول ماصرخ عليها في المستشفي عشان تتستر انه انسان يحاول يعصم نفسه لانه اذا غلط
معناااه انه ملزووم بغلطه هذا ويدري انها ماتريد تبتعد عنه وتحاول باي طريقه تربطه ابها....بس يا نووور احنا مانصلح لبعض ما اقدر اتقبل ان امج باكستانيه هذي مشكلتيه
حط يبهته على يبهتها عقبها اعتدل
زايد:نووور نووور ياله قومي جانج بتروحين اتصلين الفجر في المسيد
لاكنها كانت في سابع نومه وماحست به
زايد:نووور نووور حشى ميته ......نووور يا نوووور
حرك ويهها يمين شمال لاكن مافي فايده
زايد:نووور وبعدييين ياله قومي الصلاه بتفوتنا
قرب منها يسمع تنفسها وسمعه..ماتنلام يومين مواصله
زايد:نووور يعني اييب ماي واصبه على ويهج ياله قومي
لاكن شكلها صدق ميته من الرقاد والتعب
طبع قبله على جبينها
ورفع راسه ايطالعها شكلها وهيه راقده غييير قمه في البراءه
رجع بقبله ثانيه على جبينها اغرته عقب ينزل ويقبلها على خدها قبلات خفيفه وينتقل للخد الثاني وهو مطمن انها راقده لاكن هذي القبلات خلته ينسى نفسه وكان على وشك يطبق على شفايفها الا ان رنين التيلفون العالي قفزه وفتحت نور عيونها
تلاقت نظراتهم واعتدل ايرد على التيلفون وانسحبت نور بسرعه للحمام سكرت الباب وحطت ايديها على ويهها وقلبها ايدق
نور"كان يقبلني
الي متصل كان صاحب الباص الي بيوديهم المزارات
حددلهم وقت المغادره وسكر عنه زايد
طلعت نور بعد ماتوضت
نور:هل سنذهب الى المسجد؟
زايد:هااه هيييه خليييج جاهزه بتوضى وبنروح
نزلو بعدها للمسجد وصلو وبعدها رجعو عشان يطلعون للمزارات مع الباص ومثل البارحه كانت نور متاثره بكل مكان ايمرون عنده وتمت اتقص لزايد شو صار اهنيه وشو صار اهناك وهو ايحس انه مستمتع من قصصها الي صدق اثرت فيه واكثر ماتاثر يوم تمت اتقصله عن الغزوات وكيف كانت الاحوال وكيف كانت التضحيهعوره قلبه على الرسول يوم تنكسر رباعيته واعجب وايد بالبطولات وشجاعة سيدنا على وخالد بن الوليد واستانس على دها سيدنا عمر بن العاص
زايد:ماشالله عليج كل هذا اتعرفينه
نور:ااااه يا زيد ان في قصصهم عبره وموعضه ....منذو ان كنت صغيره وذالك الرجل الذي قام على تربيتي وهو قريب من اقربا جدتي ينهل علي بتلك القصص كما انني قرات الكثير الكثير من الكتب
في خاطره يلوي عليها ومايدري ليش
بعدها رجعو للفندق وراحو للصلاه ومن بعدها تجهزو للرجعه مودعين مدينة الرسول المدينه المنوره وماقصرت نور في النحاط وزايد ايهز راسه
طيارتهم وصلت ابهم بعد المغرب بشوي وكان بدر ومروان وخليفه في الاستقبال داخل المطار بعد ما اخذو اذن انهم يدخلون داخل عند وين الشنط توصل
كان بدر على نار في انتظاره وماصدق وشاف زايد حتى صار اللقاء توايهو وقالوله الحمدلله على السلامه وعمره مقبوله لاحظ خليفه وبدر بانوار تطلع من ويه زايد وكيف ان صحته اوكيه
قرب خليفه من نور وسلم عليها وخلاها تمشي معاه بعد مامشى زايد وبدر ومروان سابقينهم
خليفه:اخبارج يا نور عمره مقبوله
نور:تقبل الله من الجميع
وهم يمشون اختفى زايد وبدر ومروان تكفل بنقل الشنط ونور عيونها اتدور زايد
بعد ما طلعو
خليفه:تعالي يا نور السياره منيه
مشت معاه وهيه تحس بغصه وفي السياره بعد ما مشو نصف المسافه
خليفه:نوور بيت زايد فيه احتفال يايبين عياله وناس وايد اهناك ايريدون يستقبلونه عقب السفر شرايج انروح بيت اخويه راشد او بيتيه
نور:هو اين قال لك اذهب بي؟
خليفه:ا ا اهو مـ...ماقال يعني عشان
نور:حسنا عماه انا لا اريد اذهب الى الاحتفال اذهب بي عند جدتي
خليفه وهو يبلع ريقه شكلهم متفاهمين وتدري انه يباها اتروح عند يدته:يدوه في بيت زايد الحين الكل اهناك اوديج عند نوره واليازي
هزت راسها بلا وتوجه ابها لبيت اخوه ابو فهد
نزل معاها
التفتت له وكشفت غطاها:عماااه لا عليك مني اذهب اليهم انا ساخلد الى النوم اشعر بانني تعبه قليلا
خليفه:ماعليج بروحج
نور:لا علي عماه
وابتسمت له
نور:غدا يجب ان تاتي لا خبرك بمدا سعادتي بهذه العمره لا اصدق بانني كنت هناك كم انا مدينه لزيد لذهابه بي الى العمره لقد استمتعت كثيرا وايضا ذهبنا الى المدينه وقد كانت سعادتي هناك كبيره عند زيارة قبر الرسول
ابتسم خليفه :الحمدلله ...ماعليه ان شالله باجر بنييج
نور:الى اللقاء عمي
وراحت نور داخل ورجع خليفه لفلة زايد وينكان الاحتفال والكل موجود لاستقباله بعد ما سلم زايد على الكل برا وتم معاهم شويه استاذن عشان ايروح ايسلم على يدته الي استقبلته عند الباب ومعاها البنات وام فهد وهنيه الي اول ما شافته تمت اتزغرط
لوا زايد على يدته الي تمت اتصيييح في حلجه وهو يلوي عليها ويهديها كان لقاء صيح الكل من حوليهم بعدها سلم زايد على ميييمي الي اندفعت لحضنه وهيه تصييييح ومن بعدها سلم على الكل وهو يسمع همسات وين نووور
زايد:شحالج يا هنيه
هنيه:يامية الف مرحب ومسهل يا ارض احرسي ماعليييكي منوووور يا باااااشه
امااال البنت نووور فيييين
الجده:هيه يا ولديه وينها نووور
زايد:نور متوله عليييج وكيد ماتدريبج انج اهنيه وراحتلج البيت مع خليفه
الجده:فديييييتها
انتهى الاحتفال والكل رجع بيته وانصدم زايد بترتيب غرفته الي كانت مرتبه لعرسان العطر والدخووون والملحف الرهيب كان ترتيب البنات على اساس انهم راجعين عرسان
قلبه وقف من الدق وهو يكتشف كل شي في الغرفه حتى ملابسها وشكلها كلها جديد في جديد فساتين وكنادير وعض على شفايفه وهو يفتح باب واحد من الخزانات ويشوف ملابس النوووم والملابس الداخليه
هذيلا على اي اساس يتصرفن بكيفهن ويسون جذيه ما يدرن انه خلاص كل شي رجع لسابق عهده
البنات كانن في صيحه مع نور وهن ايقولن الها انتي شو تسوين اهنيه ياله على بيت ريلج خربتي علينا المفاجئه
لوت نور على يدتها :لااااا انني في شوق لجدتي سوف ابقا هنا
روضه:وزايد
نور:انتهت مهمتي روضه لم نتزوج من اجل ان نبقا سويا تزوجنا من اجل ان استطيع السفر معه
روضه:بس مايجوز الزواج بنية الطلاق
نور:لم نكن قد نوينا الطلاق ...ولا اريد ان يكون هناك طلاق
روضه:يعني كيييف
نور:روضه لا تكثري على هذه الاسئله
مي:انتي شدراج ان الزواج بنية الطلاق مايجوز
روضه:اليوم قالت اليه وحده من صديقاتيه
تذكرت روضه سالفتها مع صديقتها المقربه الها والي خبرتها عن وضعها مع بدر وردة عليها صديقتها بانه باطل اذا كانو ناوين على الطلاق وهذا الشي وترها وماتعرف كيف تتصرف
ومرت الايام خليفه التهى مع زايد في استقبال الضيوف وماكان ايرد البيت الا متاخر اليازي انتقلت لغرفه بروحها وما انتبهت ان عمها مايبات عند نوره
اميره من بعد ماعرف ابوها بسيراتها بيت خليفه حلف عليها ماتروح اهناك الا وهيه عروس
فهد الي صار بينه وبين اليازي اثر فيه وااايد وحس انه مش راضي عليها وطنشها ولا سال عليها مع انه محترق من الشوق الها
روضه طرشت رساله لبدر اتخبره بموضوع نية الطلاق وتم اهو في حيره من هالسالفه
اما نور عمرتها كان الها اثر ايجابي على نفسيتها وهونت موضوع فراق زايد الي صرفت التفكير فيه وهو من رجعو من ثلاثة ايام ما سال عنها
اما زايد فالله اعلم بحاله
كان مروان منسدح تحت التلفزون
التفتت ام بدر لبدر:ولديه اخوك حاله مش عاجبنيه
نزل بدر كوب الجاهي من يده:شبلااه يا اميه
ام بدر:انته اتشوفه اخوك الاولي مره مايرمس معانا ولا يسولف والعيشه قاطعنها شبلاااه انا عمريه ماشفته بالحال هذا شي مستوي عنده في الشغل
تنهد بدر وهو بروحه مستغرب من حال مروان الي حاول معاه كم مره ايريد يعرف شو سالفته لاكنه ايرد عليه ببرود ويقول مافيه شي سال ربعه في الشغل شي صار قالوله ماشي صار عندهم وانهم هم بعد منكرين عليه انه مش طبيعي لدرجة ان بدر خاف انه يكون مريض بمرض ومايريد ايخبرهم
تم قلبه قارصنه ومنيه بروحه قلبه متعبنه من يوم قالت له روضه سالفة نية الطلاق
ام بدر:بدر
بدر:هلا اميه
ام بدر:انته ماقلت عقب مايرجع زايد بتسوي حفلة ملجه
بدر وهو يفكر"كيف يا اميه حفلة ملجه والزواج باطل
ام بدر:انا ترانيه خلصت كل امور الحفله حجزت كل شي ورتبت كل شي وخبرتهم بعد عن الحفله
فتح بدر عيونه:اميه شو تقوليين ليش سويتي جذيه؟
ام بدر:يا ولديه انا اريد افرح ابكم الخير وايد الحمدلله وانا ماعنديه شغله والله انيه كنت مستانسه وانا ارتب للحفله عقبال مانرتب لعرسك وعرس اخوك
مروان وعيونه على التلفزون وبدون ما يلتفت الهم:اميــــــــــــــه اخطبيليه
التفت بدر وام بدر لمروان منصدمين اخيرا نطق ابو الهول
ام بدر:شوووو قلت؟
لف براسه ناحيتهم:ماسمعتي اونج ولا ماتبين
ضحكة ام بدر:فديييييتك اخطبلك ليش ما اخطبلك بس انته اشر وقوووووول
مروان بغصه:مااادري دوريليه..... المهم انيه اريد اعرس وقريييب
بدر:يخرب بيتك لا تقول ان حالك هذا حال واحد يبا العرس
ابتسم مروان:هيييه يا خويه ابا اعرس
رجع والتفت للتلفزون
مروان:ومن تحصلون العروس على طوووول حددو العرس
بدر:انزييين ماشي مواصفات معينه
مروان وصورة مي في باله:لااااا بس اريدها حرمه عاقله هب ياهل
بدر وهو يضوق عيونه:شووو شوقصدك يعني
ابتسم مروان لانه يدري ان اخوه يتحسبه يقصد حرمته
ام بدر:مررررره ما طلبت ورفجتك مايمرن يومين الا وانا محصله لك العروووس
الغصه عنده زادت وشكله خلااااص ماله مفر
مروان:انتي خيطي وانا بلبس
ومثل العزيمه صابت بدر وبدون تفكير التفت لامه:وانا اميه حددي معاهم الحفله متى ماتريدين
خاربه خاربه ....والي يصير ايصيييير
فرحت الام وتمت تدعولهم ان الله ييسر امورهم ويوفقهم
طلع بدر متوتر من قراره يعني كيف احدد يوم الحفله والزواج على قولتها باطل
اما مروان زادت عنده الضيقه وماحس انه سوا شي يطلعه من الحال الي اهو فيه
................................................
رجع خليفه البيت منوقت وحصل نوره واليازي والعيال في الصاله سلم عليهم كلهم وقعد قريب من نوره
التفتت له:تعشيت حبيبي
صاعقه لفته من راسه لريوله التفت الها وعيونه متخدره
وعضت شفايفها اتنبهه لنفسه
سحب نفس بصعوبه:لا يالغلا ماتعشيت
توها بتوقف مسكها من يدها
خليفه:تعالي ما اشتهي شي
نوره:في شوربه بتعجبك
خليفه:ماعليه بعدين الحين ما اشتهي شي
رجعت نوره وقعدت وهيه متوتره
التفت لليازي:رحتي اليوم اتصورين ريلج
اليازي:هييه صوروها وقالو الكسر التائم بس خلي الجبس بعد فتره
خليفه:اتجهزي باجر اليازي بوديج بيت اخويه راشد عمج محتشر عليج ليش ييتي اهنيه
اليازي:ماريد اروح اهناك
خليفه:لا تخافين بردج اهنيه بس بوديج اتسلمين على يدوه والبنات وعمج وعقب انا بتفاهم معاهم
اليازي:لااا انته تريد اتخلينيه عندهم
خليفه:والله ما اخليج
اليازي:زييين عيل بروح
حط خليفه يده على رقبته:ااااه اظاهر ظاربتنيه عصبه في رقبتيه
اليازي:خل حرمتك تهمزك ماشالله عندها خبره في المساج البارحه سوت لريليه مساج جنااان راح الويع الي فيها كله
ابتسم خليفه:لا ماعليه ماريد اتعبها
وقفت نوره:عادي احطلك زيت الزيتون
التفت الها وعورته رقبته:ااخ..هااه مادري عادي
راحت عنهم نوره وتمت اليازي اطالعه بابتسامه
خليفه:شبلاااج
اليازي:احس انكم تستحون من بعض
خليفه:هااه كيف بعد نستحي من بعضرجعت نوره وقعدت على الكرسي وطلبت امنه ايي يقد جدامها وهو على الارض
خلع سفرته وعقاله وحطهن على طرف وقرب لين ما صار قاعد جدامها
هوست على ايديها قوي عشان توقف الرجفه وتبدا اتسوي له المساج
اما اهو كان يحس ان قلبه بيطلع امنه لمجرد انها بتلمسه
مسحت نوره ايديها بازيتوحطت ايديها على رقبته وتمت تمسدها له
تنهد بصوت عالي وهو يغمض من ملمسها له ولانه حس ان الويع في طريقه للزوال ....شوي وتخدر من مساجها وغمض عيونه مرتخي على الاخر وشي صوته قوي حاشر الدنيا في صدره يرقع
نوره بخباثه يتها فجئه:حبيبي يعورك اهنيه
الكلمه ذبحته
خليفه:لااااا
نوره:اهنيه
خليفه:لااااافديتج
وهوست في مكان صرخ من شدة الويع:لااااااا ارجووووج ايعووور
نوره بابتسامه:مااااعليه استحمل اشوي وبتروح نهائيا
خليفه طلعت روووحه من المسكه
خليفه:خلاااص خلااااص الله يخليج
اليازي واليهال كانو يضحكون بصوت عالي
واخيرا بطلته والتفت الها وعيونه دايره في راسه
خليفه:انتي شو سويتي ابيه
ابتسمت له:مش احسن الحييين
خليفه:ااااه ايوالله راح الويع بس عقب شوووه عقب ما طلعت روحيه
نوره وهيه تقرب راسها امنه:سلامة روحك يا روحي
انتفض قلبه هذي قاعد تلعب ابيه زيين ماعليه
التفت خليفه وزحف لورا وحط راسه على ريولها ورفع رقبته فوق ايطالعها ومد يده ليدها وقربها من ثمه وفرد صبوعها وبدا بقبلاته من راس اصابعها نازل تحت في كف ايدها ونظره عندها في البدايه غمضت غيونها بسبب الرعشه الي صابتها
وخفق قلبه بقو لحركتها وذااااب في يدها وهو يقبلها اكثر
بتوتر وعيونها على اليهال واليازي الي كانت مبتسمه وتحاول اتصد بنظرات اليهال بعيد عنهم
نوره:خليفه يــ يــديه خااا يسه ززييت
خليفه وهو مغمض وشكله رايح فيها:فديت الزييت انا احلا زيييت
نوره وهيه تحاول تسحب يدها:حبييبي خلاااص عاده بطل
اعتدل في قعدته والتفت الها وبعده ماسك يدها وقام وقعد عدالها ومسك يدها الثانيه
خليفه:وهذي بعد ما قصرت لازم بعد تاخذ حقها ورفعها لثمه وبدا قبلاته في باطن كفها وعيونه عليها
عضت شفايفها من رجيفها وتوترهاوهزت له راسها بمعنى خلاااص لاكنه هز راسه اهو بعد بلااا
اول ماشافته بدا ياخذ اكثر من يدها رايح فوق سحبت يدها بسرعه ووقفت
نوره:خلااص عااد
ابتسم وهو يحس بروحه منتعشه من توترها واحمرار خدودها ومن النظرات المعصبه الي اطالعه ابها
مشكلته انه يعيش الحدث ويمتع نفسه فيه بدون ما يفكر في شي ثاني او يذكر وضعهم كيف
التفتت عنه وراحت
نوره:فطامي ياله تعالي ببدل لج
شلتها وراحت لقسم الضيوف
التفتت له اليازي بابتسامه خبيثه
اليازي:عميه اول مره ادري انك جذيه
خليفه تخربط:هااه شووو شو قصدج
رجعت والتفتت لليهال وبعدها مبتسمه:لا ماااشي سلااامتك
اليوم الثاني اخذ خليفه اليازي بيت اخوه ابو فهد وقضت عندهم بقية اليوم وكان فهد في هذا اليوم في دبي
ام بدر اتصلت عليهم وقالتلهم ان الحفله بتكون باجر وانها مجهزه كل شي روضه تمت مستغربه كيف هذا بعده مش فاااهم
على طووول راحت فوق واتصلت عليه كان في المكتب واول ما شاف الرقم قام واستاذن من الي عنده وطلع برا
بدر :هلاا
روضه:السلام عليكم
بدر:وعليكم السلام
روضه:انتو صدق بتسووون حفله
بدر:اظن انتي تدرين من قبل
روضه:بس انته ماقريت الرساله الي طرشتها لك
بدر:ومستانسه انتي على هالمعلومات
روضه:انا ما اعرف شي الموضوع يعتمد على نيتك يوم الملجه
بدر:ونيتج
روضه:المهم الحين شو الحل وبليز الحفله مالها داعي
بدر:انتي من شوووه متروعه الحفله مجرد حفله انا مابدخل عليج عقبها وايصير خييير عقب بنشوف شو بنسوي خلي انتي الحفله بس انتي تخلص
روضه:اكيد انك مابتدخل
بدر:كيف ادخل وانا مش عارف شو وضعيه معاج...اهيه بس بتكون حفله تماام ياله انا بسكر عنديه ناس في المكتب
وسكر عنها وهو مطمن انه بس بيسوي الحفله وعقب بيشوف حل لوضعهم
البنات اصرن على اليازي اتم لين اتخلص الحفله وبرضاها وافقت
خليفه:لا لا انا حلفت اردج
اليازي:باجر عميه برد معاك بس اريد اتم عشا ن الحفله
ابتسم الها:على راحتج
الكل استعد للحفله باجر وروضه مشت حالها طبيعي خذتلها فستان ايناسب ستايلها وتجهزت للحفله
كان خليفه في قسمه فوق وهو يكلم اميره
خليفه:هااه دليتي البيت
اميره:هييه عرفته واذا غلطنا بنتصل بك
خليفه:تبينيه امر اوديكم
اميره:صدق مابنكلف عليك
خليفه:افاااا يعني كيف اتكلفون عليه خليكو جاهزين بس
ونزل وهو يرتب سفرته وعند اخر سلمه طلعلهه نووور عاشا عيونه كانت نوره طالعه من قسم الضيوف وهيه لابسه فستان اصفر حرير صاك على جسمها ومن فوقه مثل البشت تور اصفر على حوافه اغصان متشابكه بالجلد الاسود وكان شكلها رهيييييب وشعرها مرفوع ونصه طايح وورود صفرا اتزين قمة راسها مع المكياج الي كان
ما عليه كلاااام
نوره بالتفاته منها له:ميناااااا تعالي خلصتي العباااه
مينا:ايوا ماماا بس شوي باقي
نوره:بسرعه الله يخليج
ريوله جمدت وما قدر يتحرك وهو متنح ايشوفها
والله انها عذااااب والمووووت
طلعو من القسم احمد وناصر وهم لابسين ومكورين السفر
نوره وهيه تلتفت الهم:خلصتو حبايبي وين خواتك خلصن
احمد وهو رايح لعمه :الحين بيطلعن....اييييه عميه شبلاااك فاتح ثمك
وجه خليفه نظره لاحمد وهو يضوق عيونه:انا ثميه مفتووووح
احمد:هههههه عيل ليش اتسوي جذيه وتصنم احمد مقلد حركة خليفه
خليفه:يا حمااار اصطلب
احمد:انزين شرايك في الكشخه ؟
خليفه توه اتذكر ان نوره واليهال بيروحون الحفله
خليفه وهو متوجه للطاوله الي عليها القهوه والشاي وشكله نسى اميره الي ترقبه:انتم بترووحون
احمد:نعاااااام بنروح وبنرزف وان عجبتنا العروس بنحير عليها يعني الانويصر بيحير اليازي حتى انا بحير بنات عميه
ابتسم خليفه وهو يشرب فنياله:كيف ايحير على اليازي وهيه ماخذه ولد عمها
وجه نظرها الها وهيه قاعده ترتب فستان دانوه المووووت والله انج المووووت بلانيه انا ماطلعت من الصبح
وقفت نوره وقربت منهم
نوره:ناصر شفت الدريول
ناصر:هييه ايقول خمس دقايق وبيي
خليفه وعيونه جدام:مع الدريول بتروحون
التفتت له وتلاقت نظراتها به:حد عندك غيره بيودينا؟
وقف وقرب منها وعيونه بتاكلها اكل:وانتي جذيه؟
نوره بنظرات تحدي:بعدنيه مالبست عباتيه ونقابيه
خليفه:انا الدريول ابااطرشه في حايه
نوره:قصدك يعني اننا مانرووح
خليفه:لااا انا بوديكم
احمد:هيييييه يعيش عميه
التفتت نوره للخدامه وخذت عباتها منها وشيلتها وغطاها وراحت للمنظره الي في الصاله ووقفت عندها تلبس العباه وعيونه تلحقها
ركضت دانوه عنده:عممميه شو رايك في فستانيه
نزل نظره الها:جنااااان
ونزل لمستواها وحبها:مو بس جناان الارهييييب تعرفين شو معنى رهيييييب انتي رهييييييبه رهيييبه رهييييبه وبتظلين دووووم رهيييبه
انتفضت نوره لتكراره هذي الكلمه وهيه تدري انه يقصد ابها شي ثاااني الوقح قاعد يلعب على اعصابيه هين انا برويك وان ما خليتك اتحلف ماتعيد هالوقاحه مره ثانيه ما اكون نوره
التفتت له:يعني انته الحين بتودينا
وقف مجابلنها:هيه لييش تسالين
طلعت نوره العطر من شنطتها :اذا معاك بتعطر من اهنيه
والتفتت تعطر نفسها والعطر ايفوووح في كل مكان وخليفه دوخ من ريحة العطر
وقرب منها لين صار واقف وراها وهمس
خليفه:يعني الدريول ممنوع وانا عااادي
حطت عيونها في عيونه وهيه اطالع المنظره وهزت راسها بنعم
خليفه:يعني رحمتي الدريول وانا مارحمتينيه
التفتت عنه ماتريد تعطيه مجال وايد يتكلم وهيه توجه كلامها للعيال
نوره:ياله اشوووف لبستو نعولكم
خليفه:ماجن عباتج هذي وايد خفيفه
نوره:بعدنيه ماطلعت بلبس فوقها عباه ثانيه غليضه
خطف خليفه من عدالهم رايح برا:انا برقبكم برا
اتصل على اميره واعتذر منها وقالها خلي الدريول ايكلمنيه اول ما يدخل المنطقه بدون مايقول الها سبب اعتذاره والله يستر بيتلاقن في الحفله ويا خوووفيه من حفله ثانيه اتصييير اهناك
ركب ناصر عداله والتفت له خليفه:وين خالتك
ناصر:اتقول بتركب ورا
خليفه:انزل انزل قبل لا احيس ذنك
نزل ناصربسرعهمتروع من عمه واول ما قربت نوره من السياره قالها ناصر انه بيركب ورا
ركبت عداله ورجع العطر ايدوخبه مره ثانيه
خليفه وهو يمشي بالسياره"هذي وين رايحه وهيه كاشخه جذيه ماغير ايصكونها بعين لا ان شالله
التفت الها:حصنتي البنات
نوره:هيييه
التفت جدام وبعد شوي
خليفه:لااازم الواحد ايحصن نفسه ترا العين حق والناس الحين مايعرفون يذكرون الله
نوره"هذا شو سالفته معقوله يقصدنيه انا اتحصن هههههه يا حليله
خليفه:هلا اميره هااه وصلتو زين اعطينيه الدريول
نوره"يا الله هذي بتحضر الحفله ليتنيه دريت جان ما عزمت الله يستر منها اهناك
بعد ما سكر عنهم
نوره:ليش ماقلت انها بتحضر الحفله
خليفه:ليييش؟
نوره:كان من الاحسن وحده بس الي تحضر
خليفه:مااادري مايا في باليه وبعدين انتن عاقلات هب يهال تيبن لعماركن المشاكل
نوره:والله انا ما احيد عمريه ياهل خلها اهيه تصك عنيه والتفتت ناحية الدريشه
مسك ابتسامته....الله يستر
اميره وصلت مع امها واختها موزه الحفله كانت في الحوش في الهواء الطلق
والمكان كان مرتب طاولات العشاء والكراسي موزعه في كل مكان وعليها سلال الخضره والمقبلات وعلى طرف الحوش مدو طاولات البوفيه الي كان عليها كل اصناف الاكل وباقات الورد موزعه في كل مكان وكان الجو عجييييب
ام بدر وام فهد كانن في الاستقبال واستقبلن اميره وامها مع اختهن وتوجهن لوحده من الطاولات وعيونهن اتفرفر في كل مكان ايشوفن شو موجود وشو مش موجووود
اميره بهمس لامها:اااه يا اميه شفتي حضيه كان في خاطريه حفله معتبره جذيه لاكن الله يغربلها بنت الذينا خربت عليه كل شي فارقت ويهها
مي كانت لابسه فستان حلو وخفيف وكانت اتدور بين الحضور اترحب بصديقاتها وقريباتها اما اليازي ماكانت راضيه عن شكلها بالعكازه ورفضت تطلع برا للحفله
نور تمت في المطبخ الداخلي اتساعد في تجهيز القهوه والمشروبات وفضلت ماتطلع برا وهيه لابسه دراعه خفيفه
في المجلس الداخلي كانت روضه وعندها صديقاتها ملتفات حوليها ومبهورات من عدالتها وقاعدات معاها ضحك وسوالف
وصل خليفه ويابهم عند الباب واتصل على ام فهد تستقبل نوره ولعيال ارتاحت نوره وهيه تسمعه يطلب من امفهد هذا بروحها كانت مفتشله وتقول يارب اشوف اليازي ولا نور جداميه اول ما ادخل
ام فهد طلعت برا وهيه ترحب:يامرحبا يامرحبا اسفرت وانورت حيالله بحرمة الغالي وعيال الغالي يا مرحبااابكم
استااانست نوره على الترحيب ودخلت داخل وخليفه واقف ايراقبهم لين اختفو طبعا الشباب كانو معاه والريايل كانو بانيين الهم خيمه قريبه من البيت اتوجه الها خليفه وين حشرة الشباب والرزيف
بعد ما دخلت نوره للحوش وسلمت على ام بدر وقفت على طرف وخلعت العباه الغليضه وطوتها والتفتت لام فهد
ام فهد وام بدر:ماشالله ماشالله تبارك الرحمن
ابتسمت نوره ومشت معاهن باتجاه الحضور
كانت مي واقفه ومبهوره بالبنت الي مع امها وام بدر قربت منهم وهمست لامها
مي:اميه منيه هذي
ام فهد:هذي حرمة عمج خليفه
مي:هاااه عيل منيه هذييج
نحزت ام فهد مي وهيه تقرصها وتسحبها صوبها:انجبي هذيج حرمته الثانيه هذي بنت خالة عيال اووه
مي:اوف اتجنن ماجذبت يزوووي بروح اقول الها
قربت ام بدر نوره لوحده من الطاولات ونادت لمقهويه اتقهويها وكانت اهناك عيوووون اتمنت تنشق الارض ولا اتشوف الي تشوفه
مسكت اميره يد موزه بقو وهوست قو
موزه:اااي فارقتج يديه
اميره:قهر والله انه قهر هذي شو يايبنها زييين زييين يا خليفه سويتها
ام اميره:تعوذي من ابليس ولا تفضحينا
اميره:شووو افضحج انا بموووووت خلاااص ما استحمل والله
موزه:اخخخخخ وهذي اهيه يوييييل حالك يا ولد خالتيه جدامه هالشمس وماتبونه يغلط الا انا متاكده ان علومه ضايعه ضايعه
اميره:يا حيوانه انكتمي انتي قاعده تقهرينيه
موزه:ابا اعرف انتي ليش دازه بويهج في السالفه وانتي ماتحبينه بس اتحاولين تخدعين نفسج انج احسن منها لا والله فرق بين السما والارض
اميره:حقييييره دواج في البيت هب اهنيه
ام اميره:مويز انتي ماتعرفين اتلمين ثمج فضحتينا
موزه بنظرات حقد لاختها الي دائمن امها اتفضلها عليها:والله انا اقول الصدق ماتبنيه ارمس بسكت امري لله المهم ادحب بطنيه من هالعيشه قبل لا تقولن ياله نرجع خسرنا المعركه
اميره:انجبي
موزه:انزين اختيه اخر ملاحضه هدي شويه الدخان طالع منج والعالم بدت اتشم الريحه
اميره:مرض
وقامت:انا بروح اعدل مكياجيه
موزه:خخخخخخخخخخ اتريد تتاكد من نفسها
اميره:ليتج الا ماييتي
موزه:ليتنيه الا مانولدت
الامر عادي عند موزه الي بدت تاكل من المقبلات متجاهله نظرات امها الي خطر عليها تعطيها كف
كل الي كانن حاضرات اعجبن بنوره وبدا السؤال عنها والتفت حوليها بعض الحريم ياخذن ويعطن معاها بالكلام
بعد ما خلص العشا طلعو روضه ومشوها اشوي بين الحضور ورجعوها داخل للميلس
اليازي نزلت تحت وراحت للمطبخ وحصلته خالي قعدت على الكرسي وطلبت من الخدامه تييب الها سلطة فروووت محد في المطبخ غيرها من الباب الخلفي طل فهد ودخل والتفتت له وتلاقت عيونهم الا انه تجاهلها وراح لين الباب اينادي الخدامه فجئه دخلت شلة بنات وصرخن اول ماشافنه منحرجات وطلعن بسرعه
ماحست اليازي بريلها الثانيه وهيه تهزها بتوتر بعد مالتفت فهد راجع وهو مبتسم والله الاستاذ مستانس شكله يوم شاف البنات اصلا اهو ليش يسمح لنفسه يدخل البيت وهو يدري ان في بنات
بعد ما طلع دخلن مره ثانيه وضاربنهن فضول يعرفنه
وحده من البنات:اليااازي شحالج ليش قاعده اهنيه ماطلعتي برا
بضيقة خاطر:مرتاحه اهنيه
البنت:اااه عشان ريلج ان شالله تقومين بالسلامه
اليازي بدون نفس:ان شالله
البنت:الا اقول اليازي منووو هذا الي كان اهنيه
اليازي:وانتن ليش تسالن عنه
البنت باحراج:هااه لا بس يعني فضيحه شافنا واحنا بدون عبايا
التفتت الهن وحطت عيونها في عيونهن:هذا ولد عميه زوووووجيه ارتحتن
وقامت ماسكه عكازتها وطلعت من المطبخ متوجهه لقسم يدتها اما البنات انحرجن بجد بعد ماعرفن انه زوجها
في قسم اليده حصلت اليازي نور ونوره والبنات الصغار بنات عمها واستانست ابهن
اليازي:فديييتكن انتن اهنيه
في الميلس وبعد ماطلعن صديقات روضه دخلت عليها امها
ام فهد:هااه وين رايحه
روضه:بروح قسم يدوه بشوف حرمة عميه خليفه البنات ينن عليها
ام فهد:تعالي اهنيه ام بدر راحت تتصل على ولدها عشان يدخل ايشوفج
روضه منصدمه:هاااه ايشوفنيه لاااا لا لا ليش ايشوفنيه اهو قد شافنيه خلاااص
ام فهد:شبلااااج تراج حرمته والريال ماعليه ان شافج مره ثانيه
روضه:لا اميه فديتج كيييف ايشوفنيه وانا جذيه لا لا انا ما اريده ايشوفنيه
من جهه ثانيه كانت ام بدر تحاول في بدر يدخل وهو واقف معاها عند باب الحوش
بدر:لحووووه يا اميه قلتلج انا مابدخل ليش اتسوين جذيه
ام بدر:يا ولديه شبلاااك اباك اتشوف حلالك والله انها اليوم اتجنن عنبوووه العالم كلها شافتها وانته مالك نصيب اتشوفها
بدر:بس انا يا اميه متفق معاج من البدايه انيه مابدخل يمكن هلها مايوز الهم
ام بدر:لا عادي كلهم قالو عادي
بدر وهو مش عارف شو يسوي كيف يدخل ايشوفها وبعده مش عارف اهيه حرمته ولا لا والله انها بلشه
بدر:اسف يا اميه
عصبت ام بدر:والله ان مادخلت انيه ما اكون راضيه عليك الييوم
في الميلس دخلت ام بدر اتشوف الطريق جدام ولدها
ام بدر:هااه ترا بدر بيدخل
روضه:عمتيه لالا فديتج
والتفتت لامها:اميه اريد عباه فستانيه عريااان الله ايخليج اريد عباه
ابتسمت ام بدر:ماعليييج تراج حلاااله اقرب فديتك محد جدامك الا حرمتك وعمتك
دخل بدر وهو متوتر ونزلت روضه راسها تحت وانتبهت انها نست انها عقت نعولها قبل اشوي يوم كانن البنات عندها ...الله يغربلهن نعول وين راحن
تقدم بدر وقلبه يرقع وسلم على عمته الي باركت له وعيونه رافضه تلتفت الها قربت امه منهم
ام بدر:هاه يابدر شرايك في عروسك
غصبا عنه التفت الها وياليته ما التفت اسرته وماقدر ايرد نظره عنها
دقت ام بدر ام فهد وانسحبن من الميلس
كانت واقفه على يمينه واول ماحس بامه وعمته طلعن التفت على يساره لاكنه دار دوره كامله ودار من وراها وهو يشوفها شعرها قصير واصل تحت اكتافها وملولو من تحت فستانها عسلي ومطرز بذهبي عريان من فوق بدون ايدين وكانت حاطه شال من التور الي والله انه ماستر شي
قرب منها وهو يتفحصها تمت اهيه منزله راسها تحت ياترا انا شو وضعيه معاك يابدر
وحست بشي خفيف ينسحب منها الشال شكله واقف وراها وقاعد يسحبه روحها طلعت مع سحبة الشال وسحبت نفس بصعوبه وهيه تحس انها بدون الشال...الوقح شو قاعد ايسوي
حط ايديه على اكتافها وانتفضت
قرب منها وهمس الها:هاااه اهدي ماصار شي
تم ايحرك ايديه على اكتافها العريانه
بدر:هذا واحنا ماندري بوضعنا لابسه جذيه
روضه:ارجوووك لا تقول جذيه انته قلت مابتدخل
بدر:وتلبسين جذيه
روضه:انا هذا ستايليه
لفها ناحيته وذاب على الغمازيه الي كانت واضحه
بدر:وكيف بيكون ستايلج يوم بنكون مع بعض
تمت ترتجف:شوو شووو قصدك
بدر وهو يلمها لحضنه ويرفعها:قصدي واااضح
تفاجئت روضه بقبلته الي خلتها ترتفع عن الارض وتلامس اطراف اصابعها الارض
بعد ماتركها حطت ايديها على ويههها وركضت ناحية الباب ولحقها مانعنها
بدر:تعالي اهنيه وين رايحه
روضه:انته شووو سويييت
بدر:انا اسف ماكان قصدي انا انا
احتااار ومسكها من اكتافها بقو:اسمعينيه انا الي قلتيه ما اعرف شو الحكم فيه بس اريدج تعرفين انيه مابطلق لو تنطبق الارض على السما مابطلق والاخ الي تفكرين فيه احذرج حتى من التفكير فيه انتي صرتي ملكيه وقريب بيصير العرس رضيتي او مارضيتي
تركها وطلع بسرعه وهو مستقرب من قراره الي اتخذه بدون تفكير على اقرب كرسي قعدت وهيه تنتفض
اما اهو دخل عند الشباب الي باقييين وشاف مروان فاتح له عيونه وانتبه لثوبه جدام لطعة رووج مسك طرف سفرته على اللطعه وقام متوجه للمغاسل لحقه مروان اهناك
مروان:يخرب بيتك هذي النتفه سوتبك جذيه
ابتسم بدر وهو يتراجع عن غسل الروج
بدر:بروح ابدل احسن
طلع عنه وتم مروان واقف وراح عقله عند مي
خليفه العمر 28سنه
زايد وبدر العمر27سنه
مروان العمر26سنه
فهد العمر23
نور22سنه
نوره20سنه
روضه19سنه
اليازي 18سنه
مي 15سنه
الجزء الواحد والثلاثون
في بيت اميره كانت اتحس بنااااار مولعه فيها تمت رايحه راده وموزه اختها قاعده اطالعها
موزه:انتي شبلاااج ما خليتينا انكمل السهره ونشوف العرب
اميره:انتي جب انا اليوم بذبحج
مدت موزه رقبتها:حيااااااج رقبتي
اميره:قهر قهر والله انه قهر
تفرك ايديها بقوي
اميره:مويز ابويه وين؟
موزه:اتقول اميه بيبات في عزبته
اميره وفكره شيطانيه اتسيطر عليها:زين زين ....امسكي
موزه:شووو هذا؟
اميره:اتصلي على خليفه وقوليله تعال بسرعه اميره تعبانه بتمووووت
موزه:انتي متفيقه شو تبين بالريال خليه في حاله الي يشوفج ايقول ميته عليه
اميره:اموووت عليه بيبطي انا الي قاهرنيه كيف من بعد ماكان ايلاحقنيه وميت عليه اتي هذي وتجلب حاله ...ماهمنيه اهو وعلى الاقل اهو مضمون الخير عنده وايد وين بحصل انا واحد عنده خير مثله ولد اخته ورافع خشمه ابو الباكستانيات
موزه:بنت عمه
اميره:ياله عااااده قال بنت عمه امها باكستانيه ماله مفر من هالحقيقه
موزه:والي امها باكستانيه مالها رب ترا ريلج عمها
اميره:تعمعمت في خصف تهبي ايكون عمها.....اووووف انتي الكلام معاج ضايع اسمعينيه زين يامويز احسلج اتصلي على خليفه وقوليله كل الي بقوله لج
وقفت موزه:ااااااااسفه طالعيلج غيريه يتنيذل معااااج
اميره بابتسامه خبيثه:كييييفج ماتبيييين بقول لاميه عن سيراتج بيت جيراننا وعن باكيتاات الباتشي الي كل يوم تيبينهن
موزه:وشوفيهن باكيتات الباتشي
اميره:لااااا شو فيهن منو الي بيخسر عمره كل يوم سلة باتشي الا واحد مغرم ومتيم
موزه انصعقت منها:انتي شو تقولييين الباتشي هدى الي تطلبه كل يوووم
اميره:واللـــــــــــــه هدى قال من حبها فيييج يعني ياماما السالفه واضحه
موزه:انتي وحده منحطه وتفكيرها مثل ويهها انا اروح اهناك عشان الدراسه
اميره بكيفج وانا حره اقول الي اقوله وعاده اميه عشان تقطع الشك باليقين بتمنعج من السيرات اهناك ويا حراااام العاشق بينتحر ان ماشافج مره ثانيه
موزه عصبت وكانت ناويه اتخليها لاكن اميره تمت تستفزها لين مارضخت ومسكت التيلفون مكرهه واتصلت على خليفه
خليفه:هلا اميره
موزه:انا مش اميره انا موزه
خليفه:هلا موزه في شي
موزه:خليفه مادري شو اقولك اميره تعباااانه وايد ومن رجعنا من الحفله وهيه كله اتصيييح واحسبها بتموت من بين ايديه واميه راحت بيت خالها وابويه في العزبه واناما اعرف شو اسويبها وكله قاعده اتناديك
خليفه:لييييش شو صاااار
موزه وهيه كارهه نفسها:والله حرمتك الثانيه ماقصرت فيها بنظرات التحدي كل اشوي التفتت الها وعطتها نظرة تحدي وانها احسن منها ميت مره
ضاق صدر خليفه من الي يسمعه
خليفه:وين اميره اعطينيه اياها
موزه:اقولك تعبانه وماتتكلم وكله اتصيييح
خليفه:زين زين انا ياي الحين
ركب خليفه سيارته وهو متضايق شووو صار وشو هالحاله معقوله نوره الي قاعده اتسويه
في بيت خالته حصل اميره شبه منهاره عقت نفسها فيي حضنه وتمت اتصيييح
اميره:خلييييييييييفه انا بموووووووووووت حرام عليك الي تسويييييييه فييييييه
خليفه وقلبه عوره عليها:اميره حياتي شو صاااار
اميره:انا خلااااااص ما اقدر اتحمل اكثر من جذييييييه قهرتنيه ياخليفه قهرتنيه ليش ماقلتليه انها بتروح الحفله جان انا ماحضرت ولا تعرضت لنظراتها الي فضحتنيه ابهن جدام الكل
خليفه:اميره انتي ليش مكبره الموضوع على اي اساس بتقهرج
اميره:مادري مادري بس اهيه تعرف وضعنا وقاعده تقهرنيه...انا يا خليفه خلاااص ماعدت اتحمل وييين حبنا الاولي وييين خليفه الي كان دوووم عندنا في البيت وين خليفه الي دوووم الاقيه واقف اليه جدام الجامعه هذاك يوم كنا مخطوبين والحين يوم صرت حلالك ماتعطينيه ويه ولا تفتكر فيه خليفه انا احبك احبك نسييييت يا خليفه نسيييت انا شو ذنبيه اتسوي فيه كل هذا بس لانيه رفضت اضم عيال اخوك لاتلومنيه انا كنت متروعه ياخذونك عنيه وهم صدق خذوك عنيه وخالتهم سحرتك
خليفه حس بتانيب الضمير:يا اميره انا شو فيه قصرت هذا احنا ملجنا وقريب بنتزوج والحال الي كنا فيه بسبب انشغاليه بزايد انا يا اميره صدق غلطت معاها لاكن خلاص الغلطه مابتتكرر اوعدج مابتتكرر وانا وهيه مابينا الا مصلحة العيال
اميره:ليش عيل مخلنها تحضر الحفله وليش كانو مهتمين ابها اكثر منيه مش انا حرمتك واهيه حرمه بس على الورق
خليفه:عاده انا ماليه خص بمعاملتهم الها
اميره:انا تعباااانه تعبااانه يا خليفه قاعده اتعذب كل يووووم متى بتحس ابيه
خليفه:شو تبينيه اسوي يعني
اميره:طلقها طلقها وريحنيه
خليفه:انا وعدتج انتي ليش خايفه انسي انها على ذمتيه
اميره وهيه اتصيييح اكثر:ماااااقدر والله ما اقدر..لييييتك تحس بالنااار الي في قلبيه
خليفه:سلامة قلبج
ضمها لصدره ايهديها من كثر ماكانت اتصيييح وتشاااهق
خليفه:خلاااص ياماما قلبج بيطلع اهدي اشويه وانا اوعدج ان كل الي تخافين امنه مابيصير امنه شي وقريب بيخلص القسم الخارجي وبطلقها
خليفه ماكان ايحس بالي يقوله المهم عنده انها تسكت وكان تانيييبه لضميره ايزيد وايزييد...صعب على اميره تتقبل وضعه عقب ماكانت اهيه كل شي في حياته فجئه ايوقف ويطالع وحده ثانيه
اميره:انا ماسويت الها شي ليييش كانت تقهرنيه بنظراتها ...ليش اتريد اتحسسنيه انك صرت ملكها...لو اهيه تعرف معنى الحب ماسوت جذيه ابيه..ماتدري اننا احنا مش من تو نعرف بعض احنا من زمان ياخليفه وحياتنا مرتبطه ببعض
عمريه ماتخيلت انيه اكون لانسان غيرك او في انسان يتجرا ايفكر فيه وانا لك انا هذا الشي زارعتنه في راسيه من زمان اننا احنا لبعض وبس ما كنت احس انيه كنت اتغلا عليك ماخطر في باليه ان في وحده في يوم بتاخذك عنيه لو كنت ادري جان عمريه ماقلتلك في يوم لاا
وتمت اتصييييح وخليفه قلبه معورنه عليها
موزه كانت في الممر وكارهه صوت اميره وهيه تدريبها انها ممثله محد يقدر الها عشان جذيه اظطرت ترضخ لطلباتها دام ان السالفه فيها عرض مايندرابها باجر اتلفق الها مصيبه مع ولد الجيران
خليفه:خلاااص يا اميره ارجووووج خليج واثقه فيه
اميره:انا واثقه فيك بس خايفه منها خايفه تجرك مثل ماجرتك المره الي فاتت
خليفه:وانا وعدتج والوعد مش هيين
عند باب قسم الجده والمعازيم كلهم راحو ومابقى الانوره وعيال اختها قاعدين مع نور واليازي وروضه والجده ومي الي استانست على عيال عمها وتمت طول الوقت منشغله معاهم وتييب الهم كل شي يبونه
زايد وهو واقف عند الباب من برا:هووووود حد اهنيييه
ركضت مي ليين الباب وطلعتله وبعد ماسلمت عليه
مي:ا ا ا البنات اهنيه مجتمعات وحرمة عميه خليفه
التفت الها زايد:اي حرمه فيهن؟
مي:خالة عيال عميه
زايد:هييه يدتيه وين؟
مي:بناديها لك
زايد:قوليلها ارقبها في الصاله
وراح للصاله وتم يرقب يدته
اول ماسمعن البنات صوت زايد التفتن لنور الي ابتسمت والتفتت لفطامي تلاعبها
طلعت الجده عنده وقام وسلم عليها وقربها تقعد عداله
الجده:حياله الي مانشوووفه هاااه وييين قاطع
زايد:والله يا يدتيه طلعت عنديه اشغال كثر راسيه وماعنديه فرصه حتى ارتاح
الجده:هيييييه الله يعينك الله يعيينك واخبارك بعد
زايد:الحمدلله مانشكي باس
الجده:وعلومك من العمليه وريلك ربك ماتشتكي منهن
زايد:لا الحمدلله مررره مافيه شي
الجده:الحمدلله الحمدلله الي شفنا فيهها عينك ولا انته قد رحت فيها الحمدلله هذا بفضل الله ودعا الي يحبونك
زايد:الحمدلله
الجده:عاده يا ولديه لا تجهد عمرك وايد في الشغل ترا الانسان ماتدومله الاصحته وانته الحين عدك مرييض
زايد:انا بخيير يا يدوه واحسن من قبل لاتحاتينيه
الجده:الله يعطيك الصحه يا ولديه
زايد:انتي علومج يا يدوه وعلوم العرب الي عندج
الجده:الحمدلله الحمدلله احنا بخييير ومانشكي باااس
زايد وهو سرحان"شو سالفتج يا يدووه مايبتي طاريتها عنبوووه الكل صاخ ماياب اليه سيره عنها ولا موضوعنا ولا شووو وضعها حتى خليفه وخاليه وحتى هنيه ابد ما طرتها شو السالفه توقعت يعني بنرقع على راسيه اول ما احضر عندج يا يدوه وبتقولين اليه وين مهمل حرمتك لاكن كلش حتى طاريها مايبتيه
وقف زايد:انزيين يدووه اتوصين بشي
الجده وهيه توقف:سلااامتك يا ولديه ما وصيك على نفسك وصحتك
زايد:ياله تصبحين على خييير
حبها على راسهاوالتفت عنها ومشى
الجده:زاااايد
التفت الها بسرعه اكيد بتقول شي
زايد:لبيييه
الجده:ان شفت خليفه خالك خله ايينيه
اتقرب منها خطوه:ليييش شي صاير؟
الجده:لااا ماشي صاير حرمته وعيال اخوه اهنيه والبنات ملتمات خله ايي ويكمل السهره عندنا
زايد:اااه يعني الي داخل كلهن حلااال عليهن من قده الخال ان شالله
رجع وحبها مره ثانيه على راسها وطلع ايحس انه منحرق من داخل
بعد نصف ساعه دخل خليفه عليهن وبعده متضايق من موضوع اميره
روضه من بعد مابدلت:هلا هلا هلا بالعم هلا بالي داسييين عنا الزين كله
خليفه بابتسامه:هاااه العروس مبرووووك
استحت روضه:الله يبارك لك
سلم خليفه على الباقي كلهم وعلى حرمة ابوووه
الي رقعته على راسه
خليفه:اااي عمتيه شبلاااج
الجده:تعااال اهنيه اقعد عدال حرمتك
قعد خليفه عدال نوره بدون مايلتفت الها
الجده:يالخماااام وين داس حرمتك عنا متروع عليها ناكلها
ابتسم خليفه شكلها حتى هم اثرت فيهم يا حليييلج يا اميره اظنيه مادرو بج
الجده ورقعته مره ثانيه
خليفه:ااااي
ضحكت نوره بصوت عالي مش متخيله وضع خليفه مع حرمة ابوه جذيه الضحكه هذي الي دوووم تذبحه
الجده:مسيود الويه اتقول مالج عليها بس عشان لعيال وماسويتلها حفله ولاشي ومن ورانا تدخل عليها
عض خليفه على طرف لسانه وتفاجئت نوره الي انحرجت التفت لنوره وحوطها بيده ضامنها له
خليفه:عمتيه انا هذاك اليوووم معرس ومابغيت حد يزعجنيه ضحكت عليج وقلتلكم الي قلته
ويته رقعه ثالثه:مسييييود ويه جنك الا ابوووك اتمووتون على لحريم
حاولت نوره تسحب نفسها امنه وتعتدل
خليفه وهو يتركها:هههههه في هذي ماجذبتي ولا حد قديه حرمتين باسم الله حارسهن
الجده:سود الله ويهك انجب
روضه من الجنب الثاني:ياعيني ياعيني عليييك يا عميه ولا متهني واحنا ماندريبك
ابتسم ابتسامه جانبيه لاحضتها نوره ومافهمتها
انشغلن عقب البنات بعيال عمهن الصغار وانتهز خليفه الفرصه انه يكلم نوره وهو يدري ان محد بيسمعه
خليفه:مشكوووره على الي سويتيه ماقصرتي
التفتت له مستغربه:شووو
خليفه:ابدا ماشي سلااامتج مره ماسويتي شي
كانت مستغربه ومرت مي واظطرو يسكتون اشويه ومن بعد ماراحت التفتت له:انته شو صاير عندك؟
خليفه بعصبيه واضحه في صوته ونظراته:ماجنيه موصنج في السياره بانج تتجنبين اميره
نوره:امييييره!!!ّ
خليفه:هيييه تصنعي البراءه ولا كانج سويتي شي
فااار دمها:انته شو تقصد وضح كلااامك؟
خليفه:اونج ماتدرين شو مسويه يعني لييييش تقهرينها بنظراتج وتتحدينها على شوووه شايفه نفسج ومصدقتنها اهيه مش اقل عنج بعد
تمت نوره اطالعه وتحاول تستوعب شو يقول
نوره:خليفه انته شووو قاعد اتخبص وتقوووول ...شووو من الحشي بعد الي حشتبه راسك
خليفه:احترمي نفسج وتكلمي عنها بادب
نوره خلاااص وصلت عنده وكانت تتكلم معاه بهمس وهيه محروقه خاطرها اتصارخ
نوره:ماتستااااهل ماتستااااهل ابا اعرف شو قالت لك انا متى شفتها ولاطالعتها بعييين
خليفه:لاتنكرين انج طول العزيمه قاعده تقهرينها بنظراتج وتتحدينها
نوره:انا!!!!انا اتحداها كلااام فارق وانته بتم دووووم اتصدق اي شي ينقاااال عنيه...خلاااص عاده ياخليفه انا مليييت من هاذي الاتهامااات..اتهمتنيه انيه اجرجرك ورايه وانا كنت حاشمه نفسيه وانته الي فرضت عليه الي تباااه
خليفه:ما مانعتي
نوره:اسكت اسكت ارجوووك لاتتكلم في الموضوووع وخله على ماهو عليه هيه انا انا الي اغريتك وانا لابسه نقابيه
خلااااص خل الموضوووع على ماهو عليه الكلااام فيه مايفيييد انته الكلااام معاااك مايفييييد وانته مفرق راسك حق حشو الكلام الي تسمعه
خليفه بهمس وهو يشوف روضه تقرب منهم:احترمي نفسج
نوره:ماشالله عليك عرفت تختار الزمان والمكان حق الكلام
اندفعت دانوه وهيه ماسكه كوووب عصير صوب نوره وطاحت قبل لا توصلها وانجب العصير على ثيابها
نوره وهيه توقف:لااا يادااانه
قربت منها روضه:هاتي هاتي عباتج والتووور زين الفستان ماخاااس هاتيهن بنغسلهن بسرعه
خلعت نوره العباه والتور الي فوق الفستان وهيه تحس بنفسها تنتفض من الغيض والقهر وماحست انها
بفستان ماله ايدين وكاشف الاكتاف بس حمالات خيوط ماسكاتنه حطت الشيله على اكتافها
وقعدت عداله وبعدها على حالها
خليفه بهمس:هيييه بدينا الحركات ولعب دووور الاغراء
جمدت مكانها وكانه كفها على ويهها مليووون كف هذا ابدا مستحييييل يفهم
الي بيدقق في ويهها ساعتها بيلاحظ الغضب الي تحاول تكبته وويههها يحمر من الغيظ
قعدت وتمت اتحاول اتصد بنظرها عنه بعيد
الكل التم عليهم مره ثانيه وتمو سوالف وضحك على احمد الي قال لروضه انه بيحيرها وماعليه من الزرافه الي شافه برا
احمد:والله هذا زرااافه انتي بس ارقبينيه السنه اليايه بغادي طولج
روضه:افاااا هذي مسبه علنيه يعني مش عاجبنك طوليه يمكن انا اطول بعد
اليازي:لا لا ماعليك منها هذي مابتطول كلش
روضه:حرام عليكم على الاقل سنتيمتر
احمد:خلي زرافه يعطيج شويه من طوله
الكل كان يضحك نوره رغم الغضب الي كابتتنه اتحاول اتجامل وتبتسم معاهم اما خليفه فتم منشغل مع تيلفونه وانسدح على الكنب وهو يحس انه تعباااان وشعور كريييه مسيطر عليه
فتحت روضه رساله وصلتها
بدر"شو تسوييين
روضه...والله بعد حضرته يرسل رسايل خل عاده حد ايرد عليك
بعد اشوي اتصل عليها ارتبكت وحطته صامت والتفتت الهم اتكمل معاهم سالفه احمد
اليازي وهيه تمثل دور الاب:جب انتي مالج حد غير زرافه وولد عمج هذا انسييه اصلا اهو وييين توه منتبه على عمره خليييه ايولي
روضه بصوت باكي:لا لا بس انا اريد احمد ارجوكم انا وهو من زمان انحب بعض لا تحرمونيه امنه ولا تظلمونيه بالزواج هذا
انا ماريد اتزوج مارييييد اهئ اهئ
اليازي:انكتمي مالج غير ريلج ياله اجلبي ويهج ههههههههه
قبل لا تتكلم اليازي اغلق التيلفون وهو يفوووور من الغيض دانه شافت الشاشه تولع وتبند وهوست على فص الارسال وروضه تتكلم
قام بعصبيه ولبس ثوبه وطلع راقع الباب وراه
لحقه مروان ومسكه عند السياره:بدر على وييين وشبلاااك جذيه انجلب حالك
بدر:ماااشي قم عن طريقيه
مروان:وييين بتروووح؟
دز بدر مروان بقو:يا اخي تركنيه
ركب سيارته وطلع مفول من الحوش ومروان يتبعه بنظراته ومستغرب شو الي جلب حاله فجئه
تم ايسوق السياره بعصبيه ومايعرف وين ايروح كان على وشك انه يدعم ريال مار مسك بريك قوي ووقف السياره
بدر:استغفر الله العظيم لا حول ولا قوة الا بالله....بلانيه انا اليوم
تم ايفكر"شبلاااااك يا بدر اهيه تحبه من قبل لا تعرفك وشكله اهو ايحبها بعد يعني حرام الواحد ايحب انا الي دخلت السالفه عرض وفرضت نفسيه والمشاعر مش بكيف الانسان...بس انا...بعد.....اوووووف احسن شي ما اتسرع وبمهلها
وقت ومابخطو الخطوه الثانيه الا وانا متاكد منها
اكثر الاوقات كانت نوره سرحانه وتحاول تكبت الغصه من بعد ما راح الغيض عنها زييين يا خليفه بتم طول عمرك تتهمنيه تهم باطله شرايك عاده الحين تتهمنيه على حق امبونيه بترككم في حالكم لاكن شكلكم يبالكم تادييب
على الكنب رقد وقربت الجده وتمت اطالعه وتذكرت ابووه نفس الرقده صح انه ولد ضرتها لاكن قلبها كبير
التفتت على البنات:قومن يابنات رتبن حجرة الضيوف الي عدال قسميه لعمكن وحرمته عمكن رقد واليهال بعد رقدو
نوره وتوها تنتبه للوضع:لا يا يدوه بنسري
الجده:وين تسروون وريلج شكله تعبااان واليهال ارقدو باتو اليوم عندنا وباجر اجازه ماعليكم شر
نوره:بس اليهال يبالهم تبديل
الجده:ماعليهم ماعليهم خليهم ايباتون بثيابهم شو مستوي عليهم والصبح خلي الخدامه اطرش ثيابهم
سكتت نوره وماقالت شي اكيد خليفه يوم بيقوم بيسريهم
نور وروضه توجهن لغرفة الضيوف الي عدال قسم الجده ورتبنها وعطرنها ورتبن الحمام وحطن كل مستحضراته مع الفود والاروبه
روضه:نوور عنديه قميص نوووم ايجنن كنت ماخذتنه لج بنحطه مع السمان الي حطينه الج في بيت زايد لاكننا نسيناه
اول ماشافت نور القميص صرخت
نور:ماهذا اوضعتن لي ملابس تشبه هذه
روضه:ييييه والعن
نور:سود الله ويوهكن
نقعت روضه على طريقه لفظ نوور للكلمات بالضحك
نور:استغفر الله استغفر الله لما تجعليني ادعو عليكي
روضه:اتجننين يانووور عيديها مره ثانيه
نور :حسنا ضعي به عطرا
روضه:زييين
عطرن القميص الي كان لونه ازرق مايل على البحري وعلى اطرافه دانتيل اسود وهو حرير طويل بحملات خيوط وله فتحه للركبه على جنب
قربت نوره من خليفه وركعت عدال الكرسي اتوعيه
نوره:خليييفه خليييفه حبييبي
فتح عيونه وتم ايطالعها
نوره:ياله
اعتدل خليفه:وين اليهال؟
مي:فرشنا الهم داخل عند يدوووه وانا بعد ببات عندهم مره لاتحاتونهم
التفت لنوره:يدوه اتقول باتو اهنيه
خليفه:وبتباتووون؟
نوره:مادريبك
التفت لعمته الي طلعت من الغرفه:هاااه خليف الحجره الي عدال قسميه خاليه شل حرمتك وروحو باتو فيها
طالع نوره:لا عمتيه بنسري
الجده وهيه تدور عصاها:مااااشي سريه اليهاااال ارقدو وانته ميييت راااقد
التفتت لنوره:شلي ريلج وروحو لحجرتكم
التفتت له:خلاااص خلنا انبات دام اليهال ارقدو
تم ايطالعها ايريد ايصدق الي تقوله:انبااااات!!!؟
نوره بتوتر:هيييه
اعتدل خليفه ونفض ثوبه وشل سفرته وعقاله ومشى جدامها رايح للغرفه
وياسلااام على الغرفه صغيره وبااارده ومدخنه ومعطره جو جو ليت بس اميره ماعكرت مزاجه
تم يتلفت في الغرفه وهو يخلع ثوبه ويعلقه والتفت الها اول مادخلت طالعته بنظره ومشت رايحه لغرفة الملابس بعدها معصبه عليه تمت واقفه اتشوف القميص الي علقنه في غرفة الملابس هزت راسها لااا مستحيييل البسه
لاكنها رجعت وفكرت ...وشو المشكله مش انا حرمته ليش ما البسه واشوووف جان فيه خير ايمد يده عليه خله ايمدها عشان اطلع كل الي في خاطريه عيل انا قاعده اقهرها وقاعده اغريه برويك الحين ياخليفه كيف اهو الاغرا ومد يدك جانك ريال
طلعت من غرفة الملابس وبعدها بفستانها الاصفر الحرير وقعدت على التسريحه اتبطل تسريحتها
اما اهو ماينكر جو الغرفه وتره ووجوده معاها بروووحهم بعد وتره لاكنه مايريد هذا الشي ياثر عليه واحسن شي يرقد ومايلتفت عليها
انسدح على السرير من جهة الباب وتم ساند ظهره على السرير ونظره عندها هذا الي قال بيرقد ومابيلتفت عليها وشكل كلام اميره صح قاعده تغرينيه لا لا لا ما اعتقد بس ليش صاخه ماقالت شي
تلعوزت نوره بالدبابيس الي في شعرها
نوره:اووووف
التفتت له
نوره:ممكن اتساعدنيه شويه
تنح :هاااه
وعلى طوووول وقف وقرب منها وبصوت حاد ماله نفس بتصنع:شتبييين؟
تمت اطالعه:اسفه جانيه ازعجتك خلااص رد ارقد
والتفتت ناحية المرايه وايديها اتحاول اطلع الدبابيس
نظراته مسحت جسمها كله وهيه قاعده ورافعه ايديها تحاول اتطلع الدبابيس وهيه متنرفزه
قرب اكثر منها
خليفه:شلي ايديج
نزلت ايديها وتم محتاس اهو ايطلع الدبابيس
خليفه:مليون مشباااص
كتمت ابتسامتها
بعد ما خلص دخل ايديه في شعرها ونشله وقلبه يرقع
نوره:ايييه انته شو تسوي
حط عيونه في عيونها:اتاكد اذا شي بقا
نزل راسه لين مستوا اكتافها وهمس:تبين مساعده ثانيه...مثلا افتح السحاااب
التفتتله بسرعه وهيه ترتجف:لا طبعا
قام:على كيفج
التف عنها وراح للسرير ولحف نفسه بالكاامل والله انك يا خليفه في وهقه
لبست القميص وتمت اطالع نفسها في مراية غرفة الملابس
نوره"لااااا مستحيييييل اطلع جذيه وارقد عداله ما اقدر ما اقدر...ياربيييي انا جذيه الحين ويهيه محمر كيف اذا شافنيه
طلت براسها وشافته راقد ومتلحف
نوره"والله لوما انيه ناويه على وقعه معاك اليوم جان مارقدت عدالك جذيه
تمت تسحب خطواتها سحب ناحية السرير ويت من الطرف الي عند الباب ودقته
نوره:خليفه خليفه
رفع اللحاف وذاااااب يخرب بيتج انتي شو لابسه
حست بنظراته بتحرقها
وبعصبيه:نــــــــعم
نوره:لزليه
خليفه وهو مش مستوعب:هااااه
نوره:قصدي روح للجنب الثاني اريد ارقد قريب الباب عشان اسمع صوت اليهال اذا حد صاح
بصعوبه سحب نفسه ولز للجنب الثاني وهو مش متخيل انها بترقد عداله وهيه جذيه الحين اهيه ماتدري بوعديه لاميره وماعندها مشكله ترقد عداليه والحل يعني
اندست في لفراش عداله وكانت قريبه امنه وايد
نوره:بعد اذنك بعطيك ظهريه
والتفتت عنه لجهة الباب وغمضت عيونها وهيه ميته من المستحى
بعدها قامت وبندت الليت وخلت الابجوره الي عدالها مولعه ورجعت لنفس رقدتها
خليفه الرقاد قاله باي بااااي تم قاعد ومسند ظهره على السرير وكل شويه صدرت امنه تنهيده ظهرها العرياان خبلبه وعينه كل شوي علقت عليها
خليفه"والله انيه هب في حاله بمووووت بمووووت يانااااس وهذي ابدا ولا عليها انا شو الي خلانيه ابات
التفتت ناحيته ولمت اللحاف الها وتمت اطالعه وهو قاعد ومسند ظهره ويفكر.... بطرف عينه طالعها وشافها اطالعه
خليفه:شعندج؟
نوره:ازعجتنيه ماخليتنيه ارقد
خليفه:والله انا الحين الي ماخليتج ترقدييين
نوره:هييه وايد تتحرك وقاعد تزفر جن راقد عدالك ابليس
خليفه:انا ازفر!!؟
ابتسمت له:عيل شو فيييك؟
خليفه:ابدا سلااامتج ترا الي عدالج لوووح مش بشر ايحس بالي حوليييه
نوره:هممممم حتى انا بديت اشك
التفت الها معصب:انتي شو سالفتج شوتبين بالضبط؟
نوره:هاه هاه لاتفهمنيه غلط انا اقصد شي ثاااني
خليفه:وشووو الي تقصدينه
التفتت عنه:انا ما اقصد شي خلاااص اريد ارقد
مايقدر ايسوي شي ايحس انه ايفوووور من داخل لف خصرها بيده وسحبها ناحيته التفتت له متفاجئه
نوره وهيه على وشك اتولع فيه:اييييييه انته شوووو تسوي؟
لاكنه سكتها بطريقته الخاصه وحست انها ماتقدر تقاومه
وهو مسيطر على ايديها وايديه محاوطتنها رفع راسه وتم ايطالعها بعد ما انتهى من قبلته
بدت ترتجف:يا حقييير اتركنيه يا ويلك ان لمستنيه انا مش لعبه عندك
خليفه:يعني انتي ماتغرينيه من الصبح
نوره ودموعها تنزل:هيييه اغريك وارويك كيف الناس يوم تبا تغري تغري مش تتهمنيه انيه قاعده اضحك عليك وانا في حاااليه
خليفه:اااااااااه يا نوره وقسما بالله لو ماكنت واعد اميره جان ماخليت هذي الليله اتعدي
وتركها وهو يسحب نفسه من لفراش عشان ايقوووم خلاص استخف منها
نوره بعصبيه وهيه ميته من كلامه :كريييييه حقييييير بتبطي اصلا اخليك تلمسنيه
نزل من السرير وتعثر بطاوله زجاجيه كانت في طريقه وماكان يدري بوجودها صرخ من شده الويع لان ساق ريله ظرب في حدادها
خليفه وهو يتلوى من الويع:اااااااااااي
نقزت اهيه ماتدري شو صابه وركضت لليت وفتحته وقربت امنه اتريد تعرف شو صار عليه
نوره بتوتر وبعدها دموعها في عيونها:شوووو شوووصار لك
كان ماسك ريله ويتلوى من الويع:اااااااااخ لييييييش ماقلتيليه ان في طاوله في طريقيه
نوره:مــ مـــــادريبها
تمت اطالعه شكل ظربته بالطاوله وايد ايعور وعورها قلبها عليه
نوره وهيه تقرب امنه:خليفه اتعورك وااايد
فتح عيونه بصعوبه:شو ظنج
نزلت نظرها على ساقه وشافت كيف ان حفة الطاوله معلمه بالعرض
رفعت نظرها له وماعرفت شو تسوي لاكن شكله بدا يسحب نفسه من الويع
نوره:احسن تستااااهل
رفع نظره الها وابتسم وبعده يتالم:تتشمتين فيه
نوره:هيييه ماظن ان الويع هذا ايعور كثر الاوياع الي حصلتها منك خلك تستااااهل...ومنو تكون انته عشان انا اتم اغريك ولا احاول اوصل لك انته جرحتنيه مره وخلااااص النفس عافتك حتى لو تريد قربيه انا مستحيل اسلمك نفسيه
ورغم الويع والكلام الي تفاجئ به الاان عينه زاغت على ريلها الي طلعت
نوره وهيه توقف:صدق انك وقح
وقامت رايحه لغرفة الملابس لبست عباتها وطلعت
خليفه:وين بتروحين؟
نوره:بروح ايبلك ثلج
وطلعت بدون ماتنتظره يتكلم
زحف لين السرير وسند ظهره عليه:ااااااه وش هالحااااال يا خليفه
بعد شوي دخلت وهيه شاله طاسه صغيره فيها ثلج
غفلت الباب وقربت امنه
نوره:بعدها اتعورك
خليفه:احس راسيه من ويعها بدا ايعورنيه
بدت اتحط الثلجه على ريله
خليفه:ااه بااارده
نوره:اكيد بتكون بارده مش ثلجه
تمت اتحرك الثلجه رايحه راده لين ذابت كلها رفعت نظرها له وتلاقت عيونهم والله انه مغرم وحاله عذاب
نوره:احسن الحين
هز راسه بنعم
وقفت:والحين بترجع ترقد
حط ايديه على السراميك تحته:لااا بتم اهنيه على الاقل السراميك والثلج بيطفي شويه من النار الي شابه فيه
طالعته بطرف عينها :كيييفك وماتهمنيه انا برقد
بندت الليت وانكتت في اللحاف وقلبها وعقلها عنده حماااار بعدنيه احبه
كان ايحس ان حيله منهد والويع في ريله يندح بعده موجووود الا انه كان مرتاااح على برودة الارض والثلج الي في الطاسه كله ذاااب بين ايديه سمع شهقتها الي تحاول تكتمها وعرف انها قاعده اتصييح تحامل على نفسه وقام تساند على السرير ومشى لين وصل مكانه وانسدح مره ثانيه رفع اللحاف شويه وشافها كان ويههها باتجاهه حاطه يدها على ثمها ودموعها تنزل وهيه تصيييح بصوت خافت حس انها انسانه حساسه لابعد حد وانها تحاول تكتم ياترا كم ليله صحتي فيها بسببيه...ليتج تدرين يانوره انيه مقهور من وضعيه
ومش عاااارف شو اسوي....مد يده ناحيتها في محاوله انه ايرها لحضنه عشان ايهديها لاكنه تفاجئ بيدها الي لطمت يده بعيد عنها طالعته بنظرة غيض والتفتت عنه للجهه الثانيه..اوووف مولعه..تمت عيونه على ظهرها وشعرها المتناثر شي تحتها وشي جدامها قرب منها اكثر وصدره قريب من ظهرها كانت اتحس به مايدري ليش حس ان لسانه انربط ويده انشلت انها تحاوط ابها وهو يسمع صياحها ايزيد
خليفه وبعد الموووت:نووووره
نوره:رووووح عنيه بعييييييد ما ادانيييك انا اكرهك اكرهك ووالله لولا العيال ما اتم عندك دقيقه
وطلعت يدها من تحتها وهيه تدفع صدره بعيد عنها
نوره:خلك بعييييد عنيه ولا ترانيه بطلع برا
خليفه وهو يسحب نفسه بعيد عنها:خلاص انزين خلاااص اهدي انتي بس
رجع لمكانه وتم طايح على ظهره وعيونه في السقف وهو ايفكر بوضعه
بعد ساعتين فتحت نوره عيونها على وناااات التفتت له بسرعه وشافته ايون من ويع ريله وهو راقد
اعتدلت قاعده ورفعت اللحاف عن ريله وانصدمت من منظرها محمره وااايد والزراق بدا يلفها تذكرت ان بعض الكدمات اتسبب امراض سرطانيه
بدا قلبها ايدق من الخوف وقربت من ريله وهيه تسند جسمها على اللحاف بعد ماكومته تحتها وبدت تمسح على الكدمه وهيه تقرا سورة الحمد واية البقره وتكرررهن فتح عينه وهو يحس بهوا باااارد ينفث على ريله ولمسه ناااعمه تمسح عليها
اتسعت نظرة عيونه عليها مش مستوعب وحس ان روووحه رفرفت وشكلها من الصبح على هالحاااال برودة نفسها ايحسبه يتغلغل في عضامه والويع الي كان متعبنه بدا ايزووول بالتدريج وهيه مقربه من ريله تنفخ عليها حطت راسها عليها وغطت في النووووم
غمض عيونه واتسعت ابتسااامته...تكرهينيه يانوووره
.................................................
مي طول الليل كانت تحاول ترقد مرااات اتفكر توعا من الصبح وتروح الجمعيه الي قريبه في منطقتهم وتشتري العاب حق عيال عمها ومرااات اتفكر في سالفه ثانيه وتحس انها متضايقه منها
ومن صباح الله خير كانت واعيه هذا اذا كانت رقدت جهزت مع الخدامات الريوق لعمها خليفه وحرمته وحطته في صالة الجده
فتح خليفه عيونه وحس بثقل على كتفه ويوم عرف انه راسها ابتسم
خليفه"ياااااااالله رحمتك بس
سمع دق على الباب
نقزت نوره وتفاجئت بوضعها وراحت للباب وخليفه يتبعها بنظراته
نوره:منووو؟
مي:سامحونيه على الازعاج بس ابويه ايريد سويج سيارة عميه خليفه عشان سيارته جدامها وايريد ايطلعها
التفتت نوره لخليفه الي كان مسحور من شكلها وتوها واعيه من الرقاد
خليفه:السويج في مخبى كندورتيه
نوره:ماعليه مي اصبري شوي
راحت نوره لين ثوبه وطلعت السويج وفتحت شوي من الباب وعطتها السويج
مي:ترا الريوق في صالة يدوووه
نوره:ماعليه ...اقوووول مي
مي وهيه ترجع تلتفت للباب:لبيييه
نوره:فديتج هاتيليه جلابيه من جلاليب اليازي اظن انها نفس كياسيه
مي:ان شالله
نوره:ويلااال
مي بابتسامه:ان شالله
رجعت والتفتت له وكان قاعد
خليفه:ماتبينا نسرح البيت
نوره:مادريبك على راحتك بعدين اظن اليهال بعدهم رقوووود
خليفه:يعني ماعندج مشكله انتم لين الضحى؟
نوره:لااا عااادي
وراحت عنه للحمام عشان تتوضىللصلاه
اتصلت ام بدر الي كانت تعبانه وماعندها حد على ام فهدوحاولت اتكون طبيعيه
ام فهد:مرحبا الساااع شصبحتي يا اخويتيه
ام بدر ايسرج الحال اقووول يا ام فهد حد عندج من الخدامات فاضيه تروح معايه شويه المستشفي
ام فهد:وووه شبلااااج
ام بدر:مافيه شي فديتج بس بروح اشوف الضغط احس انه نااازل وخدامتيه حليلها البارحه بايته عند اختها مريضه
ام فهد:تبينيه اييج اروح معاااج
ام بدر:لا فديتج ماتقصرين بس طرشيليه الخدامه
ام فهد:ماعليه
طلبت ام فهد من مي تقول للخدامه اتروح لام بدر واستفسرت منها مي ليييش وقالتلها
وقفت مي الي كانت مستعده اتروح الجمعيه:انا بروح الها
في بيت ام بدر حصلت مي الحرمه تعباااانه واااايد
مي:خالتيه انتي تعبااانه وايد
ام بدر وهيه تتنفس بصعوبه:اااه يابنتيه الحقيليه ودينيه الدختر بسرعه بموووووت
عدلت مي حجابها بسرعه ومسكت ام بدر اتساعدها تقوم معاها للسياره عند طلوعهن كام مروان راجع من دوامه الليلي وركض ناحيتهن
مروان:اميه شبلاااج
ام بدر:تعبااانه يا ولديه تعبااانه
التفت لمي:شبلاااها؟
مي وهيه متوتره من حال ام بدر:مااادري اتصلت على اميه وقالت الها اطرشلها حد ايروح معاها المستشفي واحنا طالعين الحييين للمستشفي
مروان وهو يتعداهن رايح داخل:طيب طيب ارقبنيه ببدل اثيابيه بسرعه وانا بوديكم
ام بدر بنفس منقطع:لا تبطي يا ولديه بسرعه
وركض مروان داخل بدل بسرعه ولبس ثوب وطلع على طووول بدون سفره وهو يعقم ازرار الثوب ركض جدامهن للسياره وفتحها وساعد امه تركب جدام ومي ركبت ورا
وعلى طوووول للمستشفي وهناك اكتشفو ان ضغطها نااازل وقامو بالازم وقررو اينومونها
طول الوقت وهم في ركضه مع ام بدر واخيرا استقرت حالتها وبدت ترقد من الابره الي خذتها
مشت مي لين الليت وبندته التفت الها مروان الي كان صدق خايف على امه
مروان:شكلها احسن الحين صح؟
هزت مي راسها بنعم وهيه اتشوفها
مروان:مشكوره تعبناج معانا
مي:لا عاادي
دخلت الممرضه وقالتلهم ان المريضه نامت وخلوها ترتاح شويه
مروان حس انه ارتاح يوم شاف امه ارتااحت وبدا قلبه يلعوزه لوجود مي معاه يااااذي السالفه التفت الها
مروان:تريقتي
هزت راسها بلا
مروان:عيل تعالي ننزل للكفتريا
مي:لا انا بتم عندها
مروان:اهيه بخير الحين ماخذه ابره ومابنبطي
تمت ساكته وهيه اطالع تحت
مروان:هااه انسير؟
وافقت ومشت معاه وحس ان الجو حوله اختلف وصار شي
طول مسيرهم للكفتريا وهم ساكتين ومي عيونها تتبع اللوح الموجوده في الممرات وتبتسم كل ماشافت لوحه غريبه لين ماوصلو الكفتريا وكان شبه خالي راح معاها لمكان معزول شوي بحاجز زراعي وطلب منها تقعد اهناك وراح يطلب كبتشينو وسندويجات
رجع وقعد مجابلنها وخبرها بالي طلبه التوتر وصل حده عنده وهيه منزله نظرها تحت وساكته
غمض عيونه وهو يردد لا حول ولا قوة الابالله ياربييي شو اسوي احس بدقات قلبيه مصدعتنيه شو هالحااال
قام وياب الطلبيه وقعد مجابلنها
مروان وهو متخربط:اتريقي
هزت راسها باوكيه وحطت ايديها على الكوب محوطتنه ابهن اما اهو عشان يطرد توتره بدا ياكل سندويجاته ويصرف نظره في اي مكان وكان بيغص يوم سالته
مي:صح تبا تتزوج؟
حط عينه بعيونها وبصعوبه بلع اللقمه وهز راسه بنعم
مروان وهو مستغرب كيف عرفت:منو قالج؟
مي :سمعت خالتيه ام بدر تقول حق اميه انها اتدور لك عروس
مروان في خطره"لا والله وعاجبتنج السالفه فاتحتنها اليه لييش لا يكون عندها عروس الحبيبه وبتشير ابها عليه
مروان:وعندج حد اترشحينها؟
سرحت مي بعيونها كانها تحاول تتذكر وحده تناسبه وحس انه بينفجر من القهر عليها قاعده تتذكر حضرتها
مروان وهو يحاول مايقوم يعطيها كف على ويهها:هاااه تذكرتي حد؟
هزت راسها بلا
مي:لاا ما اعرف حد
هز راسه باوكيه منقهر ووجه نظره للشرشف الي على الطاوله الثانيه حينها كانت نظراتها له نظرات غريبه يمكن لو لمحهن بيعرف انهن يعنن شي واول ما التفت ناحيتها صرفت نظرها بسرعه وهيه تتغمص نظرات طفوليه
مروان :خلصتي
وقفت:هييه
واول ما وقف انتبه لكوبها والسندويجات مادقتهن:ماشربتي كوبج وماكلتي شي
مي:لا شربت ومااشتهي اكل شي
تم نظره على الكوب مستحيييل انها شربت امنه كيف حسسته من الصبح وهيه ماسكه الكوب انها تشرب
مروان:تبينا انتم لين تشربينه
مي:لا لا بس عليه خلنا نرجع لخالتيه يمكن قامت
مشى ولحقته المره هذي وهم راجعين مسكها من يدها وهو رايح للاصانصير عشان تلحقه وفي الاصانصير كان الي معاهم عدد كبير ومازالت يدها في يده تخللت اصابعه اصابعها وضغط قوي
مي كانت اتحاول قد ماتقدر تمنعه من انه ايحس بارتعاشتها من مسكته ومن تحريكه لاصابعه بين اصابعها كل طاقتها كانت اتحاول اتخليها في يدها وانها اتحسسه انها ميته ماتحس بشي في حين انها كانت بتموووووت من حركة يده في يدها واخيرا سحب يده وهو يحس ان هاليد ابدا ابدا ماتحس
نفثت هوا طالع من ثمها كانت كاتمتنه علامه على ارتياحها بعد ماسحب يده اما اهو كره نفسه وكره تصرفه معاها مادري متى بيقتنع انها بيبي وهالاشيا ماتفهمها ويمكن اتحس انه مثل زايد وبدر
اتوجهو لغرفة امه واتصل على بدر وخبره عن حال امه وقاله انه ياينهم في الطريق
مروان:خلك في شغلك اهيه راقده الحين
بدر:انا ماسرحت تونيه واعي
لبست نوره الجلابيه ووقفت جدام التسريحه سرحت شعرها ولبست اليلال والتفتت لخليفه وهو طالع من الحمام
نوره:اخبار ريلك؟
خليفه:اتهمج
نوره:بصراحه لا بس من الادب اسالك....انا بروح اشوف اليهال
وطلعت بدون ماتنتظر امنه جواب
بعدها اجتمع الكل في الصاله الكبيره نوره ونور كانن في صالة الجده ايريقن اليهال
اما ابو فهد وفهد وخليفه وام فهد والجده وروضه قاعدين في الصاله الخارجيه
ابو فهد موجه كلامه لخليفه:اتصل على زايد خله ايي دامنا متجمعين بنشوف شو سالفته مع بنت عمه وشو عليه معزم
كلم خليفه زايد وطلب امنه ايييهم
زايد:خير شو عندكم؟
خليفه:تعال بس انته ملتمين ونباك معانا
زايد:ماعليه عطونيه ربع ساعه وبييكم
بعد ماحضر زايد الي كان ايحس بتوتر وشكلهم عندهم سالفه
زايد:علووومكم
الجده:انته علومك شصبحت اليوم
زايد:بخييير مافيه شي
ابو فهد:صبي قهوه لزايد ياروضه
تقهوا زايد وتمو شويه
زايد:علومكم شكلكم عندكم سالفه
والله محد عنده سالفه الا انته منحرق يازويدان
التفت خليفه لاخوه ابو فهد
ابو فهد:ماعندنا شي يا ولديه بس احنا نبا نعرف شو وضع بنت عمك الحيين
وقف وهو يحس بغيظ يعني شوووه ملتمين حضراتهم ومحد اتكلم من زمان والحين ناوين عليه بنيه
زايد:شبلااها اشتكت الكم من شي
خليفه وهو فاهم لزايد:زااايد بلاااك يا ابويه اهدا واقعد الحين ماصار شي ايغثك
زايد:بتقولون انتو شو يدور في روسكم؟
خليفه:مايدور في روسنا شي خالك يسالك الحين ماقال شي اقعد واستهدا بالله
وجه زايد نظراته ليدته ليييش يدته ساكته وماقالت شي اكيد عندهم شي
ابو فهد:براحتك يا ولديه ماتبا ترمس محد بيجبرك
زايد وهو يقعد:انا ماقلت الحين انكم بتجبرونيه على الرمسه
ابو فهد:فيها شي يا ولديه اذا سالتك عن وضع بنت عمك اهيه بتم عندنا دوووم ولا انته بتشلها عندك ولا شوووه وضعكم بالضبط
كل هالاساله زايد اصلا ماعنده جواب الها تم ساكت وماتكلم
ابو فهد وجه نظره لخليفه الي هز راسه بشوي شوي بمعنى انه مافي فااايده
الجده:شبلاااك صاخ ماعندك شي اتقوله؟
زايد:انتو شو تبووون...انا العرس هذا ماكان برضايه انا مستحيل كنت اصلا افكر اخذ بنت ال.................ّ
خليفه:بنت شوووه يا زايد؟
وقف زايد:انتو شو تبووون اخلصو عليه؟
خليفه وهو بدت تنحرق اعصابه:انته شووو حااارق اعصابك الحيين نووور تباها اتم على ذمتك ولا بطلقها
التفت عليه زايد واخر شي كان يتوقعه انهم ايشاورونه في امر طلاقها
زايد وعيونه جدام:بكيفها تبا الطلاق ماعنديه مانع
خليفه:بكيفها اهيه!!!!؟
زايد:هيييه انا ريال بخطب قريب وهيه على راحتها
خليفه:يعني ماعندك مانع اتم على ذمتك
تم ساكت وماقال شي
ابو فهد:روووضه سيري ازقري نوور اهيه الي لازم اتقرر
وقفت روضه وراحت وعيون زايد تتبعها اخيرا بشوفها
دخلت نور وكانت متغطيه لان فهد موجووود
نور:السلام عليكم ورحمة الله وبركاته
ردو عليها السلام وتتبعتها نظراته لين قعدت
ابو فهد:تعالي يابنتيه
زايد وميييت من الغيظ والقهر شوو اهيه محاكمه مسوينها الهم
ابو فهد:اسمعي يا بنتيه
رن تيلفون زايد وشله على طووول
زايد:الوووو .....زين انا ياي الحين
التفت الهم:انا بروح عنديه شغل ضروووري
خلاهم وطلع بدون مايعطي حد مجال يتكلم وكان حاااز في خاطر نور تصرفه هذا
نور:هل هناك شيا تريده يا عمي
ابو فهد وعيونه على الكل:لااا يابنتيه انا كنت اباج تيين تقعدين معانا
سكتت نور اما خليفه فكان مبتسم لتصرفات زايد حس انه مش طبيعي وسالفة شردته هذي اخر شي كان يتوقعه
دخل مروان الي طلع من المستشفي قبل لا يوصل بدر بشوي ورجع مره ثانيه واول مادخل شاف بدر شال مي
مروان وعيونه طالعه جدام:شبلاها
بدر بابتسامه:ماشي حصلتها راقده على الكرسي...فديتها قاعده اتعابل عيوزنا
تم مروان ايطالع بدر ونظراته الي كان ايطالع ابها مي
بدر:بحطها على السرير الثاني شكلها مارقدت البارحه تعال اعدل اليه المخدات
توجه مروان للسرير وعدل المحدات واول ما حط بدر مي على السرير رفع مروان الحواجز
مروان بطنازه:برفعهن يمكن تنجلب واطيح
بدر:ههههه...اخبار الدكتور شو قال عن اميه
مروان :الحين كلمته وايقول انه ياي اهنيه
وبالفعل اندق الباب والتفت بدر للباب لان الدكتور بيدخل
بدر:مروان اسحب الستاره على مي
سحب مروان الستاره الي تفصل بين السريرين وراح بدر لين الباب عشان ايشوف الدكتور ويتكلم معاه قبل لا يدخل
التفت مروان لمي الراقده وبعض شعرها متناثر على ويهها قرب منها وتم يبعد الخصلات عنها ملامح ويهها وهيه راقده ادل على الطفوله وبراءة الاطفال
مروان:صدق انيه مينوووون ولا حد يعشقله ياهل
قبلها على جبينها ودخل خصلات شعرها تحت شيلتها وراح برا عند بدر
...................................
في صالة الجده دخل خليفه وتوجه للبساط المحطوط ومحطوط عليه الريوق بعد شوي دخلت نوره وهيه شاله فطامي
رفع نظره الها:ياب الدريول ثيابهم؟
نوره:هييه
التفتت نوره لفطامي:اريقج حبيبتي؟
هزت راسها بنعم وقعدت نوره وفطامي في مكان بعيد عن خليفه
خليفه:مش احسن تون وتقعدون عداليه
طنشته نوره وماجاوبته
خليفه:احم احم نحن هنا
تمت اتريق فطامي وما اهتمت له
خليفه:المفروض يعني الحرمه تي وتقعد عدال ريلها شو تبينهم ايقولون
وجهت له نظره:خلهم ايقولون الي ايقولونه ولا انك اتقول اليه باجر والله انتي قاصده اتسوين هالحركات
ورجعت اتريق فطامي
ابتسم خليفه يانااااس اتجنن حتى وهيه حمقانه جناااان ااااه يا نوره لين الحين وانا مش مصدق انج كنتي ملكيه في ليله من الليالي
.....................................
دخلت اليازي المطبخ متوجهه للثلاجه وهيه تعكز على عكازها وشكل البرقي في العكاز ارتخى وبدا يطلع واول ما عكزت عليه بحيلها انفصلت اجزاء العكاز وكانت على وشك انها اطيح لاكن فهد كان اسرع ومسكها بسرعه وهو لاف بيده من وراها ومانع طيحتها على الارض
كان ويهه مقابل ويهها وايديه لافتنها التفتت اليازي حوليها وحست انها على وشك انها اتكون طايحه
اعتدل فهد وهو يرفعها معاه لين صارت واقفه قريب من حضنه اتصلبت على ريلها الثانيه وهيه تبتعد عند وهو يتركها
فهد وهو يمسك العكاز ويشوفه:البرقي فج بروح اشوفلج عكاز ثاني واريح من هذا
وقبل لا يطلع التفت الها:تبينيه اوديج مكان قبل لا اروح
اليازي حست ان دمعتها بتخونها هزت راسها بلا والتفتت متسانده على الطاوله وسحبت الها كرسي وقعدت عليه تم ايطالعها شوي وعقب طلع
خليفه وهو طالع من قسم الجده مر بالمطبخ وشاف اليازي
خليفه:هااه يزوي اخبارج؟
اليازي:عميه متى بنروح البيت؟
ابتسم الها:تبينا انروح
هزت راسها بنعم
خليفه:ياله شوي وبنطلع
دخلت روضه الي سمعتهم:وانا انا بعد اريد اروح معاكم
خليفه:يامرحبا مليوووون عيل وين ميمي بعد اهيه بناخذها
روضه:اللــــــــــــــــه حلو والله انغير جو ومكان ووجوووه حسنه
خليفه:ترا محد بياكل حرمتيه غيرج قولي تف حرام
روضه:اخخخخخخ
اليازي:الله يلوع جبدج يالخااايسه
خليفه وروضه:هههههههههه
وبالفعل انتقلت الشله مع خليفه ونوره لبيتهم
ام بدر بعد ما اعطوها الادويه والابار ارتاحت ورجعت حالتها نفس اول وصارت بخير
طلعو من المستشفي مع بدر وراحت مي للبيت وهناك درت بخيانتهم وطلبت من فهد ايوديها لبيت عمها وكان اهو ناوي ايروح اهناك عشان ايودي العكاز الجديدنزلها وعطاها العكاز وراح
البنات استانسن وااايد في بيت عمهن وكانت نوره مضيفه رقم واحد خليفه راح عنهن ورجع في المسا وتم معاهن سهره عيونه كل شوي كانت تتبعها وقلبه ايرفرف وهو يسمعها اتسولف وتضحك والمشكله الكشخه الي كانت كاشخه ابها
دقت روضه اليازي:طالعي عيون عميه مبرمجه بس تلحقها
اليازي:هههه يا حماره وانتي رادار ماشالله عليج
روضه:ماتقولين انها اتبات في حلجه كل يووم مره رايح في عينها
اليازي:ويييين ماشفتي شي ترا عميه هب هين
روضه:والله اموووت انا عاده على الحركااات
اليازي:انتي ماتستحيين
روضه:يزوي قد قبلج فهود
اليازي:يا حماااره شو هالكلاام الي يسمعج ايقول مجربه
روضه:اااااه اتجنن
التفتت اليازي على روضه وهيه فاتحه عيونها وشهقت
روضه:ايييه لا تفضحينا مره وحده بس
اليازي:كرييييهه متى صار هذا ووين الي ماتريده
روضه:اممممم تراها كانت غصبا عنيه
اليازي:هيييه وتجنن
ابتسمت روضه وهيه منحرجه
اليازي:رويض انتي صاحيه؟ وين الي كانت اتصيييح الليل والنهار ماريده
روضه:دخيلج لا تذكرينيه صدق انيه كنت خبلا وتندمت بمافيه الكفايه لين صرت اصييح انيه اخسره ااااه يا اليازي لين الحين وضعنا ماعرف كيف بيكون وماعرف اهو بس عند فيه ايسوي جذيه ولا شوووه بالضبط
ابتسمت اليازي:انزييين متى صاااارت
هزت راسها بلا:مابقووووولج ههههههه
خليفه:هاااه ضحكونا معاكم
ضحكت اليازي وروضه وقامن رايحات يقعدن عدال خليفه ومي ونوره الي كانت اترقد فطامي
قامت مي:عطينيه اياها بوديها داخل
شلت مي فطامي وراحت داخل رقدتها ورقدت عدالها وبعد ما خلصت السهره دقت روضه نوره
روضه:عميه شكله بيرقد قومو روحو ارقدو احنا بعدنا بنشوف فلم ثاني
ماعرفت نوره شو تسوي وقامت وقربت من خليفه
نوره:خليفه ياله انروح داخل نرقد
روضه:انتو وين ترقدون
نوره:اهنيه تحت
اليازي:ترا مي وفطامي رقدو على شبريتكم وميوه رقادها ثقيل ليش ماتروحون غرفتكم فوق
مسك خليفه يد نوره ومشى يارنها وراه:احلى اقتراح الله الله في اليهال
ضحكت روضه واليازي
روضه:اقوووول ماتبونا نسهر معاكم فوق
خليفه:ترانا عطيناااج ويه زياده طالعي عيال عمج بس انتي
وكمل طريقه مع نوره الي ماعرفت شو تسوي وهم رايحين فوق وواول ماوصلو قريب الغرفه سحبت يدها من يده
نوره:ايه انته وين مودنيه انا برقد في الغرفه الثانيه
خليفه:الغرف مقفله
التفتت له:قفلتهم ست الحسن والدلااال
خليفه مسكها من يدهاودخلها للغرفه:تعالي خلينا نتفاهم داخل
نوره:انا ماببات معاك اهنيه
خليفه وهو يقفل الباب ويفتح ازرار ثوبه وبنظره خبيثه:لييييش
نوره :بس ما اريد
خليفه:والله انها حلوه غرفتيه طالعيها اكيد انج ماشفتيها من قبل
نوره بتوتر:ما اريد اشوفها وماتهمنيه افتح الباب اريد اطلع
قرب منها لين مالصقت في الجدار:انتي من شوووه متروعه؟
نوره:انا مش متروعه
خليفه وعيونه قاعده تتفحصها عن قرب:عيل ليش تبين تطلعين
بدت ترتجف:احسلك ياااا ويلك لو تحاول تلمسنيه
خليفه وقلبه خلاااص غربله وشكله بينسى وعده:نوووره انتي مش حاااسه ابيه انتي تتحسبين الحال الي انا فيه هين اااااه بس شو بقول
التفت عنها وراح للكبت وطلع له لحاف وتوجه للكنب الكبير الي في غرفته انسدح وتلحف بالكامل
تمت نوره واقفه ومتوتره ضمت ايديها الها والتفتت للسرير وتذكرت اميره
نوره:انا ما اريد ارقد على الشبريه هذي
رفع خليفه اللحاف واعتدل قاعد:نـــــــعم
نوره:ما اريد ارقد على سرير رقدت عليه وحده غيريه
وقف خليفه وتقدم منها وهو ايطالعها:انا ما احيد حد رقد عليها غيرج
نوره بنظره استنكاريه:لا والله تتحسبنيه ما ادري
كان مستغرب من كلامها:انتي شو تقصدين؟
نوره:انا قلتلك ما اريد ارقد على شبريه رقدت عليها غيريه
خليفه مسكها ولفها ناحيته:ممكن اتوضحين اكثر
نوره:ليش انته تتحسبنيه ما ادري بمقيالكم مع بعض
خليفه:منو تقصدين؟
نوره:حد غيرها ست الحسن والدلال
خليفه تم ايطالعها:كنت دوم اقول انج اتفكرين بتفكير اكبر من سنج بس الحين تاكدت انج بعدج ياهل
نوره:لا تغير الموضوع
خليفه بلعانه:انزين شو المشكله مش حرمتيه
تنرفزت نوره زياده
نوره:رح انته ارقد عليها انا برقد على الكنب
خليفه التفت للكنب:وليش مانكون كنا .......
نوره:خلاااص انزين انا اريد اطلع برقد في الصاله
خليفه:شبلاااج ليش متضايقه جذيه
نوره:انته متى بتعتقنيه وبتتركنيه في حااليه
خليفه:تعالي ارقدي على الشبريه اقسملج بالله محد رقد عليها غيرج اقصد يعني محد قد رقد في حضنيه غيرج
وابتسم:انا والسرير والله بريئين من ضنووونج
التفتت عنه للجهه الثانيه واهيه تحبس انفاسها الي تسارعت من الفاظه
نوره:انته ماتهمنيه اصطفل معاها
خليفه:ليش هالاتهامات اميره انا ملجت عليها بس مادخلت بعده العرس ماصار
نوره وهيه ترتجف:انته اصلا ماعندك مشكله المهم اتحقق رغبات نفسك
خليفه:نوووره انا جذيه يعني في عينج
نوره:هيييه رغباتك اهم شي عندك
خليفه:لو كانت رغباتيه اهم شي عنديه جان ماضيعت وقتيه معاج من الصبح وارضيت رغباتيه
نوره:ليييش نسيت وعدك الها تتحسبنيه مافهمت لك البارحه
زفر خليفه وهو مايعرف شو يقول هذي شكلها الغيره لاعبه ابها والحل يعني
خليفه:صح وعدتها وغلطاان يوم وعدتها تراها بعد اهيه اتغار
التفتت له:شقصدك انيه انا اغار بعد بتبطي انته اصلا ماتعني اليه شي
خليفه:زييين الخلاصه شو تبين الحين
نوره:اريد اطلع برا
خليفه:ووين بترقدين
نوره:اهنيه في الصاله
خليفه:وتتحسبين رويض واليازي مابياخذن لفه في البيت هذا اا ماكانن قاعدات يسمعن احنا شو نقول
صدقت نوره ومشت لين الباب وحطت اذنها عليه وابتسم خليفه وهو يحاول يمنع نفسه عن الضحك ساعات ايشوفها اكبر من سنها ومرات بتصرفاتها هذي يقتنع انها بعدها صغيره
وقف وراها:هاااه حد موجود
التفتت له وهزت راسها بلا
مسكها بيدها وقادها لين الشبريه
خليفه:شرايج اتحطين راسج وترقدين
نوره بخبث ياها فجئه:وانته ان كنت صدق ماتمشي ورا رغباتك ارقد عداليه بدون ماتلمسنيه
رجع والتفت الها:ليش يعني العذاب هذا انا وانتي معايه في الغرفه الله يعلم بحاليه تبينيه ارقد عدالج وما المسج
نوره:علشان اتعرف انك راعي رغبااات
خليفه:حاااضر برقد عدالج وبثبتلج انيه مش راعي رغبات
ابتسمت نوره :زين بنشوف
مشى خليفه رايح لغرفة الملابس وهو يحس يتيارات كهربائيه تسري بجسمه شكله بيغامر الليله من جهه وعده لاميره وجهه ثانيه اثباته الها انه مش راعي رغبات والله يعين
بند ليتات الغرفه وترك ليتات غرفة الملابس وتوجه ناحيتها وكانت واقفه عدال السرير وقف مقابلنها وخلع فانيلته
نوره:انته شو قاعد اتسوي
خليفه:ترا مش الا انا الي بيبات ينحرق حتى انتي لازم تانسين شويه من النار الي قاعد احترق فيها
مسكها وسحبها معاه على السرير
اعتدل زايد الي كان ايحاول يرقد ورد على الي متصل له :الوووو الوووو
لاكن مافي رد
زايد:جانك ريال رد اشوووف
بعد مافي رد:وبعدين يعني مع هالحركات الواحد مايعرف يرقد
ابتسمت اميره وهيه تسمعه يسب ويشتم
وبصوت حاولت اتغيره:وانا بعد النوووم مجافي عينيه وانته السبب
عدل زايد المخده وهو عااااارف الصوت حتى لو تحاااول اتغيره
زايد:حيالله حرمة الخاااال وييين من زماااان ماسمعنا هالصووووت
سكتت اميره وماردت
زايد:تدرين حتى انا اشتقت لهالصوت
بدا قلبها ايدق
زايد:اقول يا حرمة الخال شكلج ماتبين تتركين هالطريق وبعدج عندج امل اتحققين الي تبينه
اميره:ااااااه منك بس متى بتحس
زايد:عادي يعني عندج الخال يدري بالي تسوينه
اميره:الله يخليك وين اهو عنده نااس نسوووه ايانا صرنا مانعني له شي
ابتسم زايد:لا لا صدق عاده غلطان جانه فكر في غيرج وانا حاسدنه من زمان
اميره:زااايد انا طول عمريه مافكر في خالك اميه الله يهديها اهيه الي جابرتنيه عليه
زايد وبدت جبده اتلوع من سالفتها:والحل يعني تبينيه اقوله انج مقصوبه عليه عشان ينسحب اهوه
اميره:لااا طبعا اكيييد انه بيقول حق اميه
زايد:اقوووول لا يكثر الكلااام عندج فرصه يومييييين وتطلبين الطلاق من خاليه بنفسج وسالفة اميه غاصبتنيه وغير هالكلام ترا مايمشي عليه وانا لو ماكنت مريض ومادري بالخال وخباله ماملج عليج
اميره فارت اعصابها:انته شووووقصدك
زايد:قصديه واااضح انا حشمة لخاليه وحبه الج طول السنين الي فاتت ماكشفت امرج عنده ولا من زمن كان لازم اتكلم بس انا مابرضاها الخاليه ومابرضى له بعد انه يطلع مخدوع طول الوقت الي فااات عشان جذيه انا بعطيج فرصه تطلبين الطلاق بروحج
ويصير الطلاق بدون مشاكل بدال لا افضحج
اميره:انته شو قاااعد اتقووول انا ما اسمح لك
زايد:بكيييفج انتي الي سعيتي لخراب عشج
اميره بتحدي:خليفه مستحيل ايصدق اي شي بتقوله له
زايد:انا يوم بقول بقول وانا ضامن نفسيه بس انا لاخر مره اقولج هذي فرصتج تنسحبين بدون فضايح
اميره:وشووو بستفيد جذيه جذيه بيكون طلاق
زايد:يعني تبينيه اقرقشلج
اميره:انته وقح
زايد:تمااام المبلغ الي تبينه حدديه وانا مستعد بس اول شي يوصلنيه قراره بالطلاق تمااام ياله جااو
سكر عنها وحذف التيلفون لمكان بعيد:الحقيييره مادري شو عامي عينه عنها هالخال
والله يعين الخال يا زايد ونوره راقده في حضنه وكل واحد منهم مش في حاله
كل ما حاولت تسحب نفسها بعيد عنه احكم مسكته الها وهو يعاند انها لازم اتحس شويه
...................................
وعى خليفه وماحصل نوره عنده مايدري متى رقد ومتى انسحبت من عنده
نزل تحت وحصل البنات واعيات
روضه:شوووه عميه ماجنكم رقدتو وايد الظهر بياذن وانتو توكم وعوووي شكلكم سهرانيين البارحه هااه طالع حرمتك من نزلت وهيه راقده على الكرسي
التفت خليفه لنوره الي كانت مسويه نفسها قاعده وهيه في سابع نومه
ابتسم
خليفه:رويض اول مره ادري ان لسانج متبري منج
اليازي:لااا من زمااان متبري منها
روضه:عميه بما ان الايام هذي اجازه شرايك اتودينا دبي كشته
خليفه:لا والله مسؤل عنكن انا
روضه:فديييتك عميه والله احنا استانسنا بالقعده معاكم وانريد بعد انكمل الاجازه معاكم فديييتك
ضحك خليفه:ههههه ولا يهمج يارواضي مره ماطلبتي
روضه:هيييييه يعيش عميه
رجع والتفت لنوره
خليفه:من الصبح راقده
روضه:هههههه والله شكلها ايضحك متلومه فينا وتحطط الريوق وهيه كل شوي تتثاوب ماصدقت خلصت وقعدت وعلى طووول راحت في سابع نومه
تنهد خليفه
روضه:ياعيييني وليش هالتنهيده
اليازي:هههههه رويض خفي على عميه بلاااااج
خليفه وهو يوقف:صدق ان ماعندكن سالفه انا بروح عنديه كم شغله بخلصها وراد جهزن حالكن اذا تبنا انحرك وانروح وهااه خبرن نور اذا بتروح معانا
اتصلت اميره الي ماباتت الليله على خليفه وطلبت امنه ايمر عليهم
في الميلس دخلت اميره الي كان شكلها شي فيه وقف خليفه
خليفه:اميره شبلاااج؟
اميره:انا خلاااص تعبت تعبت هذي مش حاله الي انا فيها
هز راسه بلاحول ولا قوة الا بالله:يا اميره شبلاااج بعد؟
التفتت له:شبلايه بعد وبلاااك اتقولها وانته مالك نفس
خليفه:اميره وبعدين يعني
اميره وهيه توقف وتلتفت عنه للجهه الثانيه:انا ما اقدر استحمل الوضع هذا...........انته لازم اطلق نوره
خليفه رفع نظره الها:اظن الكلام في هالموضوع انتهينا امنه وهب كل مره بنتم نفتحه وانعيد وانزيد فيه
اميره:خليفه يا اما اطلق نوره ولا اطلقنيه
اميره من خباثتها قالت لنفسها داميه بجبره على طلاقيه خلونيه اضمن اول شي طلاق نوره
خليفه:انتي ينيتي
اميره:انا تعبت
خليفه:وانا يا اميره تتحسبينيه مش تعبااان انتي تتحسبين مسؤلية اليهال هينه انا قلتلج اعطينيه فرصه وعقب كل شي بنحله
اميره:شو لييينه انا ما اشوفك اتسوي شي
خليفه:تونا يا اميره انتي شو عايلنج وانا واعدنج انه مابيكون بينيه وبينها شي اتخافين امنه
اميره:ما اقدر ما اقدر اتحمل فكرة انها جدام عينك اربع وعشرين ساعه
خليفه:انتي يا اميره سبب كل هذا لاتحاولين تنكرين انج انتي من البدايه الي حديتينيه على كل هذا وانا اسف طلاق مش مطلق لا نوره ولا انتي
اميره:انته شو قاعد اتقوووول اشوفك غيرت رايك انا هذا الي كنت خايفه امنه
خليفه:قلتلج اعطينيه فرصه لاكنج ماتبين
اميره:وانا اسفه يا خليفه قلتلك يا انا يا اهيه
خليفه:انتي اظاهر انج ينيتي
اميره:لا انا عقلت ومابتم لعبه عندكم
خليفه:انتي منووو الي جالب راسج
اميره:محد انا بروحيه خذت قراراتيه يا انا يا اهيه
خليفه:انا بطلع وفكري زين اظاهر انج تعبانه ولا حد ضاحك عليج
اعترضت اميره طريقه:مابتطلع اليوم منيه قبل لا اطلق وحده مننا
خليفه:اميره انا اسلوب الضغط هذا ما ادانيه وقومي عن طريقيه قبل لا تندمين عقب
اميره:مابندم اكثر من الي فات انا وايد تساهلت معاك وانته مطنشنيه وسافهنيه
خليفه:هذي اوهام وتعوذي من ابليس
اميره:ان كنت اتحبنيه طلق نوره الحين وانا مستعده اروح معاك البيت الحين واتعبل باليهال
خليفه:عن لينااان شو السالفه سهله اتشوفينها شو تبين الناس اتقول انيه ما اقدر اسوي عرس انتي بس اعطينيه فرصه اسبوعين ثلاثه هااانت يابنت الناس
اميره :عيل طلق نوره الحين وهات اليهال عنديه اهنيه
خليفه:اميره شكل اعصابج تعبانه ارتاحي وعقب بنتكلم
اميره:انا اعصابيه مرتاحه ومابتركك تطلع منيه قبل لا اطلق
خليفه:وبعدين يعني
اميره:طلق نوره
خليفه:مابطلق تسمعين مابطلق ....كفايه عاده معطنج اكثر من حقج وراضخ لكل شي تبينه انتي ماتدرين انا شو كثره تنازلت الج يا اميره
رغم ان كل الي احنا فيه بسبتج دائما اتعاندين وتسوين بس الي تبينه انا خلاص تعبت ومتحمل فوق طاقتيه
اميره:شقصدك يعني
خليفه:عمريه كله عطيتج اياه فرصه ترضين فيه ابيه
اميره:لاتعيد الي فااات
خليفه:ما اقدر الي انا فيه الحين نتيجة الي فات وانا خلاص ارتبطت بنوره الي ضحت عشان عيال اختها
اميره:لانها طمعانه فيك
خليفه:بس يا اميره بس من هالافكار التافهه طمعانه في شوووه انها ترضى تتزوجنيه وانا محدد الها شروط
اميره:تراها اغرتك لين ما اخليتو بشروطكم
خليفه:انا يا اميره انا الي اخليت بالشروط رغم انها ماقصرت واهيه بعيد في حالها انا يا اميره انشديت الها والاخلاقها ..لطريقة كلامها وتصرفاتها وطبيعتها
ماكانت انسانه طبيعيه جداميه حبيتها اهيه لشخصها
اميره وهيه مصدومه:شوووووه حبيتها انته اتحبها
تفاجئ خليفه باعترافه الي طلع بدون احساس وجدام منو
اميره:اتحبها يا خليفه!!!!؟؟
تم خليفه ساكت ومش عارف شو يقول
اميره:واتقول اليه اصبري بتنحل قريب وانته حضرتك مغرم تضحك عليه يا خليفه
خليفه:امييييره اسمعينيه زين انا قصدي يعني
اميره:خلاااص انتهى كل شي سر الها خلها تنفعك انته اصلا خاااين
خليفه:يا اميره ...انا علشانج ابعدتها عنيه انا علشانج قاعد احرق نفسيه كل يوم بنار جهنم انتي ماتفهمين
اميره:عيل ليش ماطلقها
خليفه:مابطلقها خلااااص ...الحين يا اميره تبينيه اطلقها نوره خلاص صارت حرمتيه وبتم طول عمريه حرمتيه وانا احل نفسيه الحين جدامج من اي وعوووود
تفهمين انا عايش على وعود معاج لاكن انتي ماتقدرين وماتفهمين تبين ترضين بالوضع هذا اهلا وسهلا وبحطج فوق راسيه وبتاخذين حقج وزياده اما فكرة الطلاق هذا القرار يرجع لج
تركها وطلع بدون مايسمع منها اي كلمه بعد ماطلع تمت اميره اتصارخ ويتها موزه تركض
اميره:الحقييييير ايحبها ايحبها ويقول مابطلقها انا ادري ان هذي كلها لعبه امنه ومن ولد اخته هييييه هذي مامره
يبون ايحطون اللؤم عليه ويطلعون من السالفه بدون مشاكل لاكن هين انا ارويهم وبعلمهم ان الله حق
موزه:انتبي شو تقولين قاعده؟
اميره:انجبي انتي اكيد انتي معاهم متامره..انا برويكم بس صبرو عليه
وراحت فوق وهيه مقهووووره
خليفه اول ماركب سيارته تم ايحس بتوتر ورجفه معقوله الي صار والي قاله
ريوس بسيارته
خليفه"ماعليه انا مابطلق نوره لاكن اميره ماكان لازم اقول الها الي قلته ياربييييي شو الي سويته...بس بعد اهيه السبب اهيه الي جبرتنيه اقول كل الي عنديه بدون ما احس
حس انه مايقدر ايروح البيت وغير طريقه لمكان ثاني لين ماتهدا اعصابه
.................................
اتصلت روضه على البيت وشله فهد
فهد:الوووو
سكتت روضه شوي بعدها زعلانه عليه
فهد:الوووو
روضه:اميه وين
فهد:الناس اتسلم
روضه:اوووف اميه وين
فهد:اصطلبي ولا ترا والله اييج اهناك واسحبج من كشتج
روضه:والله تعال اشوف
ابتسم فهد يباها ترمس واطلع الي في خاطرها
فهد:يوم ابا الشي مايغلبنيه
روضه:هييه يدك تاكلك ماتقدر اتعيش بدون ماتضرب حد
فهد:اتصدقين خص عاده الناس الغاليين عنديه
روضه:لا والله اتسمي هذا غلا انته اتنفرهم منك
فهد:عاد شو اسوي طبع خايس فيه وان شالله بودره
روضه:انزييين اريد اميه
فهد:لحوووووه هذا انتي جذيه زعلانه عيل بنت عمج شنقول عنها
روضه:والله تستاهل الي اييك منها
فهد:عاده انا اتولهت
ابتسمت روضه:عليها؟
فهد:على منوه يعني على ويهج
روضه:ووووووقح وماتنعطا ويه اميه وين
فهد:شو تبينها
روضه:بنروح مع عميه دبي
فهد:اوووب مره وحده دبي
روضه:هييييه
فهد:وانا رايح بعد
روضه:عاده احنا مالنا خص فيك
فهد:هذيه اميه يت وقولي حق الي عندج الحرمه ماتروح مكان الا مشاوره ريلها
كلمت روضه امها عن السيره ووافقت وطلبت منها اطرش الدريول عشان ترجع اهيه ومي يستعدن للسيره
كلام فهد رن في راسها وطرشت مسج لبدر
روضه"ممكن اروح دبي مع عميه خليفه وهله
تفاجئ بدر بالمسج
بدر"خذي راحتج
ياها الرد
روضه"مشكووور
انتظرت روضه بعدها رد من عنده لاكن ماياها
بعد المغرب اتصل خليفه على بيت خالته وكلمته موزه
خليفه:شحالج موزه
موزه:بخير
خليفه:اخبار اميره
موزه:ايسرك حالها ماتشكي من باس
خليفه:انتي دريتي بالي صار اليوم
موزه:هذي مينووونه والله يعينك عليها
خليفه:اهيه وين الحين
موزه:في المارينا مول
خليفه متفاجئ:في المارينا ليييش
موزه:عادي تراها كل يوم رايحه اهناك
خليفه:عشان لجهاز يعني
موزه:اي جهاز الله يخليك..تدري انا ما اريد اتكلم مافيه مشاكل معاها بس اشكرك على اتخاذك الخطوه اليوم وهيه حره ان كان تباك بترضى بك ولا بالطقاق الي يطقها
خليفه:موزه شبلاج انتي واميره شكلكن متواقعات
موزه:لاتخاف فديتك علينا هذي احوالنا من زمان وعادي صارت ...المهم انته لا تتراجع عن قراراتك
خليفه مافهم الها وايد:المهم انا كنت متصل اطمن عليها
موزه:خايف يعني انها طايحه في العنايه ماعليك هذي ضبعه ماينخاف عليها
خليفه:انتي اليوم ترمسين بالالغاز وانا مش فاهم شي
موزه:لانك طيب يا خليفه ولا الكلام مفهوم انا بخليك مادري منو يانا
توجه خليفه للبيت وهو مطمن ان اميره ماصار الها شي بس الي محيرنه شو تسوي في المارينا بعد الي صار بينهم اتوقع انها بتكون منهاره ولاتعبانه
في البيت حصلهم جاهزين وتمت البنات اتعاتبه على تاخيره وانهم اتاخرو وايد
خليفه:خلاص انزين خلاص بنحرك الحين
روضه:حتى نوره استهمت عليك وكل شوي
نوره:روووضه دخلتي السله السياره؟
روضه:هاااه لا الحين بروح ايبها
تقرب خليفه من نوره الي شكلها مطنشتنه من دخل وابتسم وهو يهمس الها
خليفه:كل شوي شوووه
نوره:هااه شو قصدك
خليفه:ليش ماخليتيها اتكمل
نوره:عادي لازم اسوي نفسيه مستهمه عليك ولا انا ادري انته كنت وين
خليفه:ووين كنت
حركت نوره حواجبها بمعنى انك عند الثانيه
زادت ابتسامة خليفه يا حليلج يا نوره ماتدرين بالي صار ااااه احس بشي كااااان كاتم على نفسيه وانا اشوفج اول بس الحييين والله احس انيه اشوفج وانا مرتاااااح ونفسي بس اضمج لاكن شكل الطريق جداميه بعده طويل لين احصل رضاج
في نفس اليوم استقبلو بيت الجده ضيوف ريال اسمه سعيد وحرمته وعياله صغار ومعاهم امه حرمه كبيره وهم من الاهل الي ساكنين في منطقه بعيده
تفاجئت نور بالخدامه الي دخلت عليها لابس بنجامي لبس البكستان وهيه حرمه كبيره في السن
الخدامه تفاجئت بنور اتكلمها بالاردو وتجاوبت معاها
خبرت الخدامه والي كان اسمها شهنا نور انها بنغاليه الام وابوها باكستاني والكل ايقول الها شهنا البنغاليه....وشهنا كانت بشرتها بيضا تجاوز سنها الخمس والاربعين
اخبرت نور بانها تعمل من زماان في الامارات وان الريال الي معاه حرمته الحين برا اهيه الي ربته من يوم كان صغير ومربيه وايد من عيال الاسره
طاااال الحديث بين نور وشهنا وشهنا تخبر نور بكل الاحوال الي تمر ابها اخبرتها بنظرة الناس الها كيف وانها لو قدمت الهم وربت عيالهم الا ان نظرتهم اتظل الها انها خدامه يغيب الاحترام مرات معاها اذا غضب واحد منهم
شهنا:نحن يا نوور خدم عماااله حتى لو فعلنا كل مايريدون نظل خدم ويستطيعون ان يمسحو بنا الارض اذا ارادو..هذه حقيقه ...حتى ان احدهم تزوج ابنة عمه ووالدتها هنديه هو يحبها وانجب منها الاولاد ولاكن عندما يغضب عليها ينعتها بابنة الهنديه يصغر من شانها لماذا يا نووور اليس نحن بشر
تمت نور ساكته وتسمع كلام شهنا الي وضحت الها اشيا كثيره كانت غايبه عنها وفهمت سبب رفض زايد الها
شهنا:سعيد انا ربيته وكنت لا انام الليل اذا كان مريض والدته دائما تدعه عندي انا من انشاته وعلمته كل شي وكنت احرص على ان يتعلم القران كنت اذهب به دائما الى الشيخ كي يقريه
وكذالك اهتميت بدراسته كنت اجتهد في تعليمه وانا لا اعرف الكثير ولاكنه كان طالب مجتهد هو يعلم فضلي عليه يحترمني ولاكن عندما تزوج اصبحت زوجته كل شي في حياته لا يقول لها شيا اذا اهانتني تنعتني دائما بالبنغاليه الخايسه هي تكره رائحتي رغم انني كل يوم استحم واتطيب لا تحب ان احمل ابناءها وهو ينظر الى كل هذا ولا يقول شيا
تالمت نور وااايد بالي تسمعه من شهنا الي ماقصرت معاها بذم افعال الناس الي عايشه عندهم
شهنا:نووور هل تعتقدين بانهم يحبونك حقا لااا هم يجاملونك فقط لانك ابنة عم زيد هذا الا تقولين بان له مكانه عاليه عندهم لو لم تكوني ابنة عمه لقالو لك اذهبي ايتها الباكستانيه لا تجلسي بجانبنا انتي
رائحتك كريهه ملابسك مضحكه هم هاكذا لا يحبوننا نحن من الطبقه العامله لا يستطيعون ان يتقبلوننا
ضاق صدر نور اكثر معقوله الكل بس يجاملها
اتصل زايد على خليفه وساله اهو وين وقاله انه شال البنات ورايحين دبي وانقطع الارسال بينهم حاول زايد يتصل بخليفه لاكن مافي فايده
والي عصببه ان نور كيف اتروح بدون ماتشاوره كان قريب من بيت خاله نزل وهو يصارخ وينادي على حرمة خاله
ام فهد:بلاااك يا ولديه
زايد:هذي كيف تسمح لنفسها اتروح بدون ماتشاور شو انا طرطور عندها
ام فهد:يا ولديه استهدا بالله منو تقصد انته
زايد:يعني منو اقصد غير المصيبه الي انعقت على راسيه
نور من وراه:ان كنت تعنيني فانا هنا ...لم اخطو خطوة خارج البيت منذو ان قدمت
التفت بسرعه وراه متفاجئ ابها ووراها حرمه لابسه بنجابي وبعض الخدامات
مسكها وسحبها للميلس الي كان قريب دخل ودخلها وسكر الباب
التفت الها مايعرف شو يقول بس ان الغيض بعده مسيطر عليه
زايد:اسمعينيه زييين طووول ما انتي على ذمتيه تحملي تشبرين شبر واحد برا بدون ماتستاذنين منيه
هزت راسها باسى بان شاءالله وهيه لاول مره تحس بتحقير نفسها جدامه كل الي قالته شهنا صح
زايد:شبلااااج
رفعت راسها وهزت راسها بماشي
نور:حسنا
تم واقف مايعرف شو يقول وهو يطالعها منزله راسها تحت واطالع الارض
بدت الحراره تطلع امنه ايحس انه مقهور من الوضع هذاتم يتلفت شويه بعدها طلع وصفق الباب
سحبت نفس ودخلت بسرعه حمام الميلس وهيه تنفس عن نفسها بدموعها الي قرقت ويهها
اول ما وصل خليفه الفندق الي حجز فيه فهد الهم التفت للي في السياره كلهم وشاف انهم رقود ابتسم بخباثه
بيييييييييييييييييييـــــــــــــــــــــــب بيب بيب بيـــــــــــــــــــــــــــب بيـــــــــــــــــــــــــــــــــــــــب
الكل قام مفزوع ويصارخ وحتى اليهال الي مافكر فيهم خليفه قامو ايصارخون ويصيحوون
روضه:عميه الله ايسااامحك
خليفه:هههههههههههه
اليازي:ياربييي والله انيه مت من الخوف
خليفه:هههههههه هههههههههههههه
كانت اتحاول تسحب نفس وخليفه عينه عليها ايريد ايشوف ردة فعلها وهو يضحك لاكنها ماقدرت تسحب النفس وبدت اتحس بنقزه قويه مؤلمه
نوره:اااه
خليفه بعده قاعد يضحك والبنات رجعن يضحكن
التفت لنوره الي حاطه يدها على صدرها
نوره:اااااه ما اقدر اتحمل خلاااص عااده
خليفه قرب راسه منها وهو يضحك:شبلاااج؟
نوره:ما اقدر اتنفس ما اقدر اخذ نفس اااااي يعورنيه اهنيه
هدت ضحكته وهو ايطالعها وشكلها ماتمزح
دخلت روضه بين الكراسي:نوره شبلاااج
نوره:ما اقدر يا روضه مااقدر اسحب نفس اهنيه ايعورنيه اااه
نزل خليفه ودار لجهة بابها وفتحه
خليفه:نوووره طالعينيه ارفعي الغشوه
نوره رفعت غطاها ودموعها في عينها :ما اقدر اخذ نفس ااااي ايعور المووووت
خليفه:شو صاااار ليش الويع
نوره:ما ما مــــــــــــــــا ادري ااااه
خليفه:اتشاهدي وحاولي تسحبين نفسج
هزت راسها انها ماتقدر
ضمها لصدره وهو يقول لا حول ولا قوة الا بالله
مدت روضه يدها لظهر نوره وتمت تمسح عليه
بدت تشهق في صدره والويع ايزيد وهيه وبعدها ماتقدر تسحب نفسها
خليفه:يا اللــــــــــــــــــــه والله ماكان قصديه الي صااار
بعدها اشوي عن صدره
خليفه:اوديج المستشفي
هزت راسها بلاا واهيه اخيرا تاخذ نفسها بصعووووبه
نوره:اااااااه اعوذ بالله من الشيطان الرجيم ....اشهد ان لا اله الا الله
رفع ويهها ناحيته
خليفه:شوووه
كانت دموعها تارسه ويهها
نوره:خلاااص احسن
لاكنها انفجرت اتصيح وضمها اكثر لصدره
خليفه:خلااص يا ماما خلاااص شي ايعورج بعد
هزت راسها بلااا
خليفه:روضه انزلن ونزلو اليهال فهد جدامكن في الرسبشن
بعد مانزلن البنات الي حزنن على حال نوره راحن لداخل الفندق ومعاهن اليهال
تم خليفه ايهديها في حضنه لين استكانت
خليفه:نوووره
بعدت ويهها عن صدره وتمت تعدل حجابها وتمسح دموعها
خليفه:انا اسف ماكان قصديه
بعصبيه ردت عليه:يعني انته ماتشوووف ان السياره فيها يهال ما افتكرت فيهم يعني المساكين
خلاص انزين انا مش قاااصد
نزلت من السياره وهيه تحط غطاها على ويهها وحركاتها اتدل على غيضها
خليفه:انا...........
ما انتظرته ايكمل كلامه ومشت رايحه ورا الجماعه
خليفه:لحووووووه
في الفندق طلعو لفوق وين كان محجوز الهم سويت بغرفتين وصاله وغرفه منفصله
فهد:عميه انا حجزت الك ولحرمتك الغرفه هذي الي مجابله السويت
خليفه:وانته
فهد:لا انا برجع لربعيه
خليفه :ماعليه مشكووور تعبناك
الكل دخل السويت تلاقت نظرات فهد باليازي الي التفتت عنه للجهه الثانيه
فهد:ياله انا بروح شي تبا يا عم قبل لا اروح
خليفه:سلااامتك فديتك
راح فهد والتفت خليفه ايدور نوره
خليفه:وين نوره
روضه:دخلت داخل شكلها تعبانه
تخطاها خليفه قبل لا تكمل كلامها ودخل على نوره الي كانت مندسه في لفراش وهيه تنتفض وتصيييح قرب منها وجثى عدال السرير
خليفه وهو يكشف طرف اللحاف:نوووره
كانت اتصيييح وحالتها حاله
خليفه:نوووره مايسوا عليج شو صاير عندج شي ايعورج
هزت راسها بلااا
خليفه:اذا شي ايعورج قووولي بوديج المستشفي
نوره:مافيه شي ممكن تتركنيه لحاليه
خليفه:وانتي جذيه اريد اعرف شو فيييج
نوره:مافيه شي اتركنيه يا اخي
خليفه:ترا هذي الحركات ماتعجبنيه انتي مش غير عن الي برا ما اشوف شي استوالهم ولا هذي بس حجه عشان اتمين بعيد عنيه
نوره:انته شوووه ما تحس اتركنيه يا اخي
قام وهو معصب وطلع
روضه:اخبارها عميه
خليفه:مافيها شي هذا بس دلع
روضه:حرام عميه مش هين انها تتذكر الحادث الي ماتت فيه اختها
خليفه:حااادث!!!؟ اي حااادث؟
روضه:الحادث الي مات فيه عميه خلف واختها
خليفه:واهيه شو خصها
روضه:عميه انته ماتدري انها كانت معاهم
خليفه:معااااهم!!!!؟
روضه:مادري اهيه قالت نفس الحال يوم الحادث وعيت على صوت هرين السياره قبل الحادث بشوي
خليفه:لا لا ما ادري ماكنت ادري انها معاهم بس كيف نجت اهيه
روضه:والله من شكلها ماقدرت استفسر اكثر
رجع خليفه ودخل عليها وبعدها قاعده اتشاهق تحت اللحاف قرب منها وتم واقف ايطالعها مايعرف شو يقول حس بندم من تفكيره مساعه يعني شو هالتفكير الغبي الي يانيه فجئه
قعد على طرف السرير
خليفه:نوووره وبعدين يعني
سكتت وكتمت شهقاتها
خليفه:اتعوذي من ابليس وانا اعتذر مره ثانيه ماكنت فاهم السالفه...قومي ياله اليهال متروعين عليج
كشفت اللحاف وعلى طووول راحت للحمام
..........................................
نور وساوس الشيطان لعبة ابها لعب وقامت تتخيل ان الكل مايحبها صدق خصوصا بعد ماكانت قاعده عدال يدتها وهيه اتكلم ام سعيد وحرمته عن البنغاليه
الجده:عنبوووه يا ام سعيد مسويتلج سوا هالخدامه من يبتيها وانتي لاصقه فيها
ام سعيد:حلييييلها هذي عشرة عمر
زوجة سعيد:اي عشرة عمر يا عمتيه قاعده في البيت لاتهش ولاتنش اكل ومرعى وقلة صنعه بس تاخذ هالمعاش اخر الشهروحاطه ريل على ريل
ام سعيد:هذي مربيه عيالنا
الجده:واااايه فقدتيها مربيتنهم على كيفها الالفلوس اهيه الي مربيتنهم ولا بتربيهم الج بدون فلوس تلاقينها ماكله الي وراج ودونج سفريها سفريها لا بركة حلت فيها
زوجة سعيد:والله انتي يا خالتيه اتجننين قوليلها يوم ان مافيها فايده اتسفرها يوم انيي بنعبلها بشغله قالو النا حرااام كبيره شمقعدنها وهيه ماتقدر على الشغل
ضاق صدر نور من كلامهن وقامت رايحه داخل حتى فراشها عزلته عن الجده
الجده وهيه رايحه ترقد:وووه بنتيه بلاج فارشه تحت
نور:اريد النوم هنا جده مللت من السرير
الجده:وانا منو بتنشق ريحته فليل فديييتج افا يابنتيه بترقدين عنيه ينب
ابتسمت نور...ربما تكونين يا جده قدمللتي من رائحتي كما تقول شهنا..ولكن مابها رائحتي
..............................
طلب خليفه عشى للكل وطلعت نوره الهم في الصاله وويهها رغم انها حاولت تخفي احمراره الا انه بعدها اثار الاحمرار من الصياح
مي:احطلج عشى؟
هزت راسها بلا وهيه تقعد وتضم فطامي لصدرها وعيونها على التلفزون تنهد خليفه بالم مايعرف شو يسوي
الكل تم ساكت الا من بعض الجمل...رقدو اليهال ودخلتهم نوره ومي للغرفه
مي:انا برقد عندهم
نوره:خليهم انا برقد عندهم احس انيه متولهه عليهم ومن زمان مارقدت معاهم
طلعت مي التفتت الها الاوجه
مي:تقوول برقد عندهم
خليفه:برايها
اليازي:انته عميه وين بترقد
خليفه:اممم يمكن ارقد اهنيه على الكراسي واذا ما ارتحت بروح لغرفتنا الي مجابله القسم
...................
في اليوم الثاني كانت نفسية نوره احسن وهيه تدخل على البنات وتوعيهن وتسحب الفرش عنهن
نوره:يالله قووومن بس رقاااااااد
روضه:لااا حرام عليج انا تونيه راقده
نوره:قومي قومي تيلفونج من اصبح مسجات قومي طالعي من عند منوووه
نقزت روضه وركضت للتيلفون وكلها امل ان بدر اهو الي مطرش المسجات لاكن خاب ظنها يوم لقتها مسجات من الاتصالات
اليازي كشفت طرف اللحاف عنها:هاااه من منووووه
حاست روضه شفايفها:من حبيبة القلب الاتصالات
اليازي:ههههههه تعيشي وتاخذي غيرها
نوره طلعت برا
روضه:يعني بيخسر شي لو يطرش مسج على الاقل صباح الخير
اليازي:هههههه شيييييبه شعرفه مسكييين
روضه:شابت ركبج بسم الله عليه ايقول حق الزين قم وانا بقعد مكانك
اليازي:ياعيني ياعيني والله واطورت العزبه
كشفت مي لحافها وهيه مبتسمه:رواضي ههههه اول مره اسمعج تتغزلين فيه...فديته
روضه وهيه فاتحه عيونها:يعل تتفداج العنز يالخمااام
مي:ههههههه
روضه:يعنيه افارق ويوهكن هذي الي مصبحه ابها
وياها مسج وشهقت وهيه تفتحه مشفوووحه لاكنها انصدمت وصرخت
روضه:فااااااارقت الاتصالاااااااااااات
اليازي ومي:ههههههههههههه
اعتدلت مي وهي تلم شعرها الي كان اطول شعر فيهن
اليازي وهيه تلم اللحاف لحضنها:روضووه امس امه يوم الحفله سمعت انها اتدور عروس حق اخوووه شرايج في اسما صديقتج ليش ماترشحينها
روضه:الـــــــــــــــــله انا واسامي في بيت واااحد والله الفكره فنااانه
سحبت مي نفسها من لفراش وتوجهت للحمام وملامح ويهها متغيره
نوره اول ماطلعت لفت بنظرها لخليفه الي كان راقد وشكله مش مرتاح بالرقده على الكنب راحت لعيال اختها وبدت اتسبحهم وتلبسهمبعد ساعه كانو كلهم نازلين تحت يتريقون
عيون خليفه طول الوقت اتراقبها واهيه ابدا ماالتفتت له
قعدو على طاولتين روضه ومي واليازي في طاوله ونوره واليهال في طاوله وبدت نوره اتريقهم اما خليفه قالهم بيروح شوي وبيي
روضه:بنات ماتلاحضون ان عميه طول الوقت ايطالع حرمته احس انه ماشبع منها وان اليهال حارمينهم من القعده مع بعض
مي كانت سرحانه ومش منتبهه لكلامهن
اليازي:يعني كيف بعد يشبع منها؟
روضه:يعني مش محصلين وقت ايروحون مع بعض ايسولفون مع بعض اليهال مالين كل وقتهم
اليازي:بس هم راضين بالوضع هذا
روضه:ماعليه شرايكن احنا نساعدهم يعني انسد اليهال ونقول لعميه ياخذها ويروحون ايغيرون جو مع بعض
مي:اسما بنت خالة علايه الي في صف وضحى؟
التفتن روضه واليازي لمي
روضه:هاااه؟
مي:انا سمعت علايه مره قالت ان اخوها ايريد يخطبها
رفعت مي نظرها للي قاعدات ايطالعنها وهيه داخله بالسالفه عرض
روضه:انتي شو تقولين منيه علايه واخوها
مي بارتباك:علايه بنت خالة اسومه صديقتج
روضه باستغراب:شبلاها
مي:علايه اتقول ان اخوها ايريد يخطبها
روضه تمت اطالع مي مستغربه منها:انزييين؟
مي بارتباك اكثر وهيه تمد يدها للعصير:ماادري انتي تقولين بتخلينهم يخطبونها حق ........
روضه:الي يسمعج ايقول احنا رايحين انخطب الحين ولا الراي عنديه
مي وجهت نظرها للطاوله الثانيه وقامت :بروح صوب نوره
اليازي:شعندها
روضه:شدرانيه ابها
رجع خليفه وانضم الهن
روضه:عميه شرايك باقتراح
خليفه:خييير اللهم اجعله خير
روضه:اسمع عاده انته
خليفه:نسمع
روضه:شرايك انته وحرمتك اليوم تقضونه مع بعض اتروحون تتكشتون تغيرون جو مع بعض واحنا بنسد اليهال
خليفه:ماشالله عليج عيل جان قلتي جذيه يوم احنا في بوظبي جان خليتهم عندج في البيت وييت انا واهيه بروحنا
روضه:انا قلت يوم يعني يووووم ماتريده كيفك
خليفه وهو يلتفت لنوره:اااه ياليت بس ماظن بطيع
الياازي:عااااااااشو والله انك رايح في عينها هههههه
خليفه وهو يفتح عيونه لليازي:وبعدييين يعني اشوف انكن ضيعتن المذهب
روضه:هههههه والله يا عميه حالتك حاله عيونك طول الوقت وراها هههههه
تخربط خليفه :صدق صدق مالوم فهيدان يوم تبزكن تستاهلن
روضه:والله شقالولك
قامت اليازي معصبه وهيه تمسك عكازها:احنا الغلطانين الي قلنا بنسويلك جو
خليفه:تعالي انزين وين رايحه
اليازي:انته طقعت جويه خلاص انا شبعت بروح فوق
خليفه:افا يابنت عبدالله السموحه ....انزين يرضيج ان اليوم احنا تحت امرج وين تبينا انروح
ابتسمت اليازي ورجعت تقعد
روضه:ياسلااااااام انا بعد زعلت
خليفه:انتي لج باجر
روضه :اوكيه عيل
طلعو بعدها وتمو ايلفون واليازي تضحك وهيه كل شوي قالت الهم ودونا المكان الفلاني وهيه ماتعرف شو فيه
خليفه عصب:يزوووي شو تبين بسوق السمج
اليازي:شوووه هههههههههه مادري انه سوق السمج انا بس اقرا الافتااات ههههههههه
خليفه:انا الغلطان الي اخذ شوركن
روضه:عميه احنا ماندل مكان في دبي بس انعرف المولااات
خليفه:انزين وين تبن الحين؟
روضه تهمس لليازي:قوليله صحاري موول
اليازي:صحاري مول
خليفه:ياعستيلك يا خليفه انروح صحاري مول والي اعرفه انه في الشارجه
روضه:خخخخخخ
نوره :فيه العاب حق اليهال؟
روضه:هيه فيه
نوره:زين عيل
خليفه:يا حي الي يفكر في غيره
روضه:احم والله انا الصبح عطيتك اقتراح بس انته ماتريد
خليفه:هيييه ما اريد....ماعليه انتي بس
في صحاري مول اول شي اتوجهو للالعاب
نوره:روحو اتشرو انا بتم مع اليهال اهنيه
مي:وانا بعد بتم معاها
خليفه:وانا الحق هلمينن بعدين اليازي وين عكازج
اليازي:في السياره يازينيه عاده وانا امشي به في المول
خليفه:لااااا والله صدق هالكلاام
هزت راسها بنعم:عاادي اقدر امشي عليها
خليفه:بس هذا ايضر الكسر وعقب بتتعبين منها
اليازي:لااا انا ما احس بويع وعاادي ادوس عليها
هز راسه بلا حول ولا قوة الابالله عقب التفت الها:شوفي ماشي لف في المول كله بس عليج هذا الاين وكل ماتدخلين محل اقعدي
اليازي:ان شالله
خليفه:نوره روحي معاهن انا بتم عند اليهال
نوره:لا ماعليه انا ماعنديه شي ضروري
خليفه:ماعليه روحي شوفي شو موجود وطالعي شي بعد لليهال
روضه:ولعم اليهااال ترا اهنيه في محل قريب شي شي والله
رفعت نوره نظرها لروضه وهيه مبتسمه ابتسامه ذوبت خليفه وكانو في مكان خالي من حركة الناس ورافعات غشاويهن
خليفه:شووو محله؟
التفتت له نوره وهيه تحط يدها على خصرها:وانته شو لك؟
خليفه:هاااه مافهمت
روضه:خطير عميه اونك مافهمت
خليفه:جد والله شوووه
البنات :هههههههههه
نوره:انزين بروح معاهن بس الله الله في اليهال
راحن عنه وهو تم متنح شو يقصدن التفت لمي:اخافهن بس يقصدن محل مال مقالب
ضحكت مي:هههه لا عميه رويض تقصد محل قمصان النوم
عض على شفايفه وهو يغمض متذكر ابتسامتها ااااه شو ناويه عليه
خليفه الموضوع وتره وتم على اعصابه وماقدر ايتم مكانه ايريد يتاكد من السالفه امن مي على اليهال ولحقهن ايدورهن في المحلات القريبه
كانن واقفات يترجن نوره تاخذ القميص الاحمر
نوره:لا لا لا مااحب الموديل هذا
رويض :يوووه والله انه ايجنن فديييييتج عشان خاطر عميه
نوره:ترانيه عطيتكن ويه زياده بس عليه الي خذتهن
خليفه:احم احم شو عندكن
شهقت نوره وسحبت القميص منهن وراحت للجهه الثانيه
روضه واليازي:عــــــــــــــــــــميه هههههههههه انته شو ياااابك هااااه مافهمت
خليفه:شبلاها ليش راحت اهناااك
اليازي:هههههه
نوره رجعت مره ثانيه:ليش خليت اليهال
خليفه:ماعليهم عندهم مي والمكان خالي
نوره:انا برجع الهم
التفتت الهم:شرايك تختار اليه على ذوقك
روضه:يااااااخطييييييرهههههه
خليفه:اختار شوووه؟
نوره بنظرات خجله مصطنعه:رواضي بتخبرك انا بروح
والتفتت عنهم وراحت وهيه منقهره امنه على ليلة امس وهوبايت حاضننها ومسوي فيها واعد اميره عن لا يغلط انا ارويك اما خليتك تخلف وعدك نفس ماخلفت شروطك معايه ما اكون نوره
خليفه"يووووووه شو هالنغمه والنظره لالالالاهذي ناويه عليه اليوم انا بروحيه اريد دقه
روضه:عمــــــــــــــــــيه ايييييه انا اكلم منوووه
خليفه:شعندج؟
اليازي:هههههههههه
خليفه:انا مادري انتن اتشوفنيه شوه اليوم كل شوي اتضاحكتن عليه
اليازي :ههههههههه ااااه بطنيه عورنيه انا شكليه برد بعد تعبت من المشي بروح اقعد عندهم
روضه:وانا اتم بروحيه
خليفه:انتي خلصينيه شو الي اختاره على ذوقيه
حركت له حواجبها وهيه تشير له على الي عدالها
طالعها بطرف عينه
روضه:انا ماليه خص بروح المحل الثاني وانته بكيفك ههههه
رجع خليفه عند البنات وقال لمي تلحق روضه عند المحل الي كان قريب منهم عشان اتكمل معاها
في يد خليفه كيس عيون نوره توجهت له تبادل معاها النظرات وحست بتوترولفت نظرها للجهه الثانيه
خليفه:هنوده تعالي طالعي البجامه هذي تي على قياسج
وطلع البجامه الي كانت طفوليه ورواها هند
دانه:وانا؟
خليفه:مالقيت قياسج
تمت نوره اطالعه "زييين زين متروع الاستاذ على وعده
خليفه طول اليوم وهو متحفز للرده حس بنظراتها انها متحلفه له وكان شعور حلو انه يلعب باعصابها ويشوف شو نهايتها
على المسا راحو لمنطقة الشندقه للبيوت التراثيه الي على البحر واستانسو اهناك
روضه:الله ماكنت ادري ان في اماكن حلوه جذيه
اليازي وهم رادين وكانو يمشون على الشارع الموازي للبحر:عميه اكيد هذي دبي
خليفه:ليييش عندج شك
اليازي:مش الهند يعني...كله هنووود هنود هنود في كل مكان
ابتسم خليفه:والله تعرفين اتنكتين ياليازي
اليازي:شف انته الكندوره البيضا ماتشوفها
خليفه:دبي تجاريه في الجهه هذي ولازم انج بتشوفين العماله اهنيه
روضه:عيل وين اهلها اشك ان فيها مواطنين
خليفه:لا لا دبي كلها عرب ومن قبايل لاكن نادر اتحصلينهم متواجدين في المعمعه هذي باجر ان شالله بلف ابكن على المناطق الي العرب ساكنينها عرب فيهم خير
دانوه:انريد انروح عند ام خماس
الكل ضحك
خليفه:هههه ان شالله اوديج عند ام خماس
تعشو في احد المطاعم ورجعو للفندق في الممر وعلى مسمع خليفه
روضه:عاده اليوم باتو في حجرتكم احنا بنسد اليهال
نوره:اكيييد حبيبتي عيل احنا يايبينكم لله
روضه ونوره:هههههههه
خليفه بعده مش مستوعب
عند باب الغرف التفتت نوره لخليفه:بييب شنطتيه وباييك
خليفه:هاااه
بنظره تذبح:شوووه شبلاااك
خليفه:انزييين ارقبج
طلعتله بعد شوي وبعد ما وصت مي على اليهال اتسبحهم وتبدل الهم
فتح خليفه الغرفه وكانت روعه اعجبت نوره وايد
خليفه :اححم احم
نوره:اتريد الحمام اول
خليفه:لا لا ادخلي وخذي راحتج
التفتت عنه وراحت وهيه متردده في الي بتسويه"يا رب شو اسوي بس انا مقهوره امنه هيه الليله اليوم وعقبها بيبطي يلمسنيه
بدلت نوره بعد ما اتسبحت وتعدلت وتعطرت وطلعت وشافته منسدح سحبت نفسها بصعوبه
كان منسدح وهو خالع فانيلته ومنشغل في تيلفونه مسوي عمره متجاهلنها حتى انه مارفع نظره الها وهو منحرق ايريد ايشوفها
نوره:تبا الليت اخليه لك شغال
وهو بعده مندمج في تيلفونه:لا لا عادي بنديه الابجوره عنديه مفتوحه
زاد قهرها امنه وهو مطنش مايطالعها
انسدحت عداله والتفت للجهه الثانيه وشكله يكتب مسجات
غمضت عيونها قو لاااا شكله واعدنها وحريص على وعده ومايندرابه الحين قاعد يكتب الها مسجات
خليفه كان حاط صدق على كتابة الرسائل ويكتب الي ايحس به"عذاب عذااااااب والله الي انا فيه عذااااب خلاااص ماعاااااااد فيه صبر بس ما اريد اخرب كل شي ابا اشوف شو اخرتها
تمت نوره تتحرك كل شوي منقهره امنه عقب قامت ويابت علبه كريم وقعدت
نوره:ممكن مساعده
وبعده ملتفت عنها:شوووه
نوره بعصبيه حس ابها في صوتها:اكلم منوه انا؟
اعتدل والتفت صوبها بس عيونه على شاشة تيلفونه ايكمل كتابة رسالته
خليفه:شو تبين؟
نوره:ابااك اتحطليه على البثر الي في اكتافيه من لكريم هذا
طالعها وشكله مش معاها:هااه هاتي اشوف
خذ لكريم وتم يقرا شو مكتوب فيه وتمت اطالعه منتظره امنه نظره لاكنه اندمج في قرايته
خليفه وقلبه ايدق بقو:وين تبين احطلج
التفتت معطيتنه ظهرها ولمت شعرها جدام:على البثر الي في اكتافيه
ياليييييل مطولك تقرب منها وهو رايح في عينها
خليفه:احممم احط على البثر بس
هزت راسها بنعم
جالت عيونه على اكتافها اتدور بثر وماشاف شي
خليفه:انتي متاكده ان الكريم هذا ينفع
هزت راسها بنعم وهيه مبتسمه
فتح العلبه وبطرف اصبعه
حط على اكتافها وهو يعد البثر في ظهرها واصلا ماكان في شي
خليفه:وحده ثنتين ثلاااث اربع خمس ست لا لا انتي لازم اتروحين دكتورة جلديه
وقرب راسه من اذنها وهمس:اخاف الكريم المعطر هذا ايضرج
احمر ويهها وهيه اطالع تحت مبتسمه
نوره:لا زيين يمدحونه
خليفه:يعني بيفيد البثر الي في صدريه احط امنه
التفتت له ونظراتها تذبح
نوره:تبا مساعده
خليفه:ياليييت
نوره:اوكيه
ومدت يدها للعلبه وخذتها وانسدح اهو منتظر منها تقرب امنه
اتكت على يد عداله وهيه اتدور البثر منحرجه
نوره:ماشي
خليفه:دوريهن زين انا بققت عيونيه لين ما طلعتهن
ابتسمت وتمت اتدور وهيه متاكده انه يجذب
حرك يده وفلتت يدها الي كانت متكيه عليها وطاحت في حضنه
نوره:اووه سوري
لف يده حوليها :يمكن من هالقرب اتشوفينهن
من التوتر نقطت على صدره كم نقطه عشان اتقوم اونها حصلتهن
خليفه وعجبته اللعبه:خلصتي ممكن اتقومين ياله عشان ارقد لازم نوعى باجر من وقت
تبادلت معاه النظرات وكانت مفوره عليه انسحبت عنه وهو ايحاول يكبت ضحكته والتفت عنها للجهه الثانيه نوره تمت شوي عقب قامت وراحت الحمام اعتدل ايشوف شو فيها
خليفه"خييييبه جان ماعصبت ما انعطى ويه والله ما انعطى
طلعت بعد شوي وكانت لابسه قميص قطني وايديه طويله حز في خاطرها الي يسويه معاها وتاكدت انه مايريد يخلف وعده لاميره بالطقاق الي يطقهم اهو واهيه تلحفت واعطته ظهرها
قرب منها وهمس قريب من اذنها:ليش بدلتي؟
نوره:بس بردت جذيه ادفى بعدين انا كنت لابسه هذاك عن خاطر البنات حلفن عليه البسه اليوم
خليفه:نوره انتي قاعده تلعبين باعصابيه
التفتت له معصبه:انته شو تريد؟
خليفه:انا شو اريد؟؟؟
نوره:ارقد ماتقول باجر لازم نوعى من وقت
خليفه:ليش غيرتي رايج وبدلتي
نوره:كيفيه
خليفه:لا مش على كيفج لانيه انا مش لعبه عندج
نوره:انته شو ترييييد؟
خليفه بعصبيه:ليييش لبستيه تتحسبينيه لوووح عدالج
نوره:قلتلك عشان البنات حالفات عليه...وانا ماكنت بلبسه لو ماكنت ادري انك واااعد ما تلمسنيه وانته مثل ماقلت مش راعي رغبااات
تم ايطالعها بنظرات معصبه:وانتي شو مغزاج من هذا كله؟
نوره:ما ماااشي
خليفه وهو يحاوط خصرها بيده:اسمعينيه زيين اولا انا محلل نفسيه من اي وعووود
نوره:كذااااب
خليفه:تبين اتجربين
اعتدلت نوره وهيه تبعد يده عنها:خلاص يا خليفه خلاااص افهم يا اخي انا كنت اريدك اتخل بوعدك الها هذي نيتيه كانت انا مقهوووره منك
من ليلة امس شمعنا انا اتخل بشروطك معايه وهيه توفي بوعدك الها بس انا خبلا ما افهم انته اصلا مايهمك لا شرووط ولا وعووود المهم الي تباه وعقب بتقول والله كانت غلطه انا لين اليوم مانسيت حتى انا كنت بقولك كانت غلطه اباااك تحس بالي حسيت به الي سويته فيه شي مش هين شي مستحييييل انساااه
انا تعبت تعبت من كل الي يصير اليه
تمت اتصيييح
نوره:مش هين انك اتقول اليه عقيه كانيه كنت مسويه جريمه وكله عشان اداري على شعور حبيبت القلب
انته يا خليفه اتحب خطيبتك وانا دخلت حياتكم غلط لاكن ما كان بيديه والله انا كنت اريد اخلي نفسيه بعيد عن حياتك لاكن الي صار غصبا عنيه
اقسم لك انيه عمريه ما حاولت الفتره هذيج اجرجرك للي صار ما اعرف كيف صار ولا اريد الي صار ينعااد ارجوووك انته لازم اتحط حد لحياتنا هذي لازم اتخلص القسم الخارجي بسرعه وطلقنيه وريح نفسك من هالحياه الي مشتتنك
خليفه:خلااااص خلاااص يا نوووره الكلام هذا ما اريدج اتعيدينه مره ثانيه
نوره:انته خايف اخلي اليهال واروح مستحييييل اليهال اصلا روحيه مربوطه معاهم ومابخليهم بتم معاهم طول عمريه بس اعتقنيه وخلنيه في حاليه وعش حياتك والله انا احلك منيه ومسامحتنك على كل الي فااات بس اتركنيه في حاليه
خليفه:خلاص يانوره خلاااص
قام وهو كاره نفسه ولبس فانيلته وثوبه وطلع
تم ايفرفر في الشوارع وهو يفكر انها عايفتنه ومستحيل تسامحه وهو من الصبح مصدق نفسه وعايش جو الحبيب طلع كل الي تسويه بس عشان اتعاقبه اااااخ اخ منج ياذي الحياااه
..........................
بعد مادخلو نوره وخليفه غرفتهم دق فهد على البنات بعد ما اتاكد ان عمه وحرمته راحو لغرفتهم
سلمت مي على فهد وقربته للصاله
فهد:وين الباقي
مي:اليازي وروضه في الغرفه هذي وانا ببات عند اليهال في الغرفه هذي
فهد:شكلكم ماعندكم سهره
مي:انا برقد بس اليازي وروضه سهرتهن داخل الغرفه
فهد:زين روحي عيل
هزت راسه مبتسمه ودخلت
فتح الباب فهد على روضه واليازي
كانت اليازي واقفه جدام التسريحه وهيه لابسه قميص اشترته اليوم كان روعه ايديه قصار تك وقصة صدره جناان وهو طويل تم واقف فاتح الباب ايطالعها ونصف ابتسامه على شفايفه وهيه فاتحه عيونها مش مصدقه اطالعه من لمرايه وماسكه اطراف لفيونكه الي على طرف القميص
دخل راسه اكثر وتم ايدور روضه وسمع صوت الماي في الحمام دخل وسكر الباب ونزلت نظرها تحت وتقرب منها لين ما صار واقف وراها
فهد:بدلتي خساره كنت ياي عشان تطلعين معايه نسهر
رفعت نظرها له وتعدته وهيه تعرج على ريلها رايحه للسرير رفعت اللحاف وانكتت فيه
التفت الها
فهد:متى بتتادبين يعني
كشفت اللحاف ومدت يدها للابجوره وبندتها تاركه الابجوره الثانيه
تم واقف مفور عليها طلعت روضه وهيه تنشف شعرها وصرخت وهيه تحس بيد تمسكها وتوديها للباب
روضه:ايييه فهد انته شو تسوي اهنيه
فهد:انتي حسابج معايه بعدين اول شي خلينيه اادب بنت عمج هذي
طلعها برا
فهد:قسما بالله ان قلتي لحد انيه بايت اليوم اهنيه انيه اخليج تبطييين في المستشفي سيري انثبري عند اختج الغرفه الثانيه
سكر الباب في ويهها وتمت فاتحه عيونها مصدومه وشكله مفور على الاخر
رجع لليازي الي كشفت طرف اللحاف وهيه تسمعه وتمت ترتجف
ما اعطاها فرصه وكان راقد عدالها وهو لافنها بايديه ولامنها لحضنه
اليازي بصعوبه:فهد انته شو تسوي
فهد:انجبي ولا تخلينيه اعصب اكثر من جذيه عن لا اسوي شي تندمين عليه
تم تنفسها يتصاعد وهيه تراقب شو ناوي عليه لاكن فهد اكتفى انه حاضننها
اليازي:لا لااا
فهد:لاتخافين بس بتم جذيه من اليوم ورايح ان عصبت عليج بيكون عقابج هذا
وحضنها اكثر
دزته اليازي وحاولت اتقوم لاكنه كان يمنعها بعدها عصبت وتمت تضربه على صدره
اليازي:قووووم اطلع برا انا ما ادانيييك
فهد:اهدي اهدي لا تعصبيبيه
اليازي:انته ماتستحي على ويهك بعد الي سويته فيه ياي ولا كانك مسوي شي
فهد وهو يقاوم عنادهاوايديها الي حس انها توحشت ابهن:اسمعينيه بس يزووووووي وبعدييين لا تخلينيه اضربج
اليازي:عادي ماعندك مشكله انا شوووه عشان تحاسب نفسك عن ماتضربنيه
فهد:انتي قلب فهد وروحه اهدي عاده
اليازي استغربت من كلماته وهدت اشويه:ماريييد ماريييد قم اطلع برا
فهد:خلينا نتفاهم شويه بس
اليازي :مايفيد مايفيد التفاهم بيننا
فهد:عطينيه فرصه بس
اليازي ودموعها تنزل:ما اريد انته ماتحس كيف الضرب يعور مايعور بالالم ايعور اهنيه في القلب
فهد:ااااااااااسف وربي اسف ولا بعايدنها مره ثانيه
اليازي:كلاام وعقب بتنسى انا ما اقدر اعيش معاك على هالوضع
فهد:فرصه اعطينيه فرصه وعقب قرري
اليازي :ان وعدتنيه انك تتركنيه في حاليه عقب ...ان مديت يدك عليه... بعطيك فرصه
فهد:ليش انتي جذيه قاسيه ولا خلاااص ماتبينيه
اليازي:وانته بعد تراك ماكنت تبانيه
ابتعد عنها فهد اشويه وطلع تيلفونه:اسمعي انا يمكن ما اعرف اعبر بس ارجوج اسمعي هالمقطع ووالله انيه اعني فيه كلمه
لو فرضنا كنت أنا البادي بخطاي
وإعترفت بذنبي كله وغلطتي
إعذريني وإسمعي صوتي ونداي
بأتعذرلج وأعاند عزتي
من بعدتي وأنا في همي وشقاي
ضيعت درب السعادة خطوتي
إن رضيتي اشرقت شمس بسماي
وإن زعلتي فيني ضاقت دنيتي
فوقج الله لا تزيدين بعناي
لا ترديني وقدري عنوتي
من بعدتي وأنا في همي وشقاي
ضيعت درب السعادة خطوتي
ما يضرك يا شقى قلبي وهناي
لو سمحتيلي أوضح كلمتي
إعتذاري كان إثبات لهواي
ولا تخليني أعيش بحسرتي
من بعدتي وأنا في همي وشقاي
ضيعت درب السعادة خطوتي
شهقت اليازي في حضنه وهيه تدفن نفسها اكثر وتمت اتصيييح خلاها فتره اتظهر الي في خاطرها
فهد:يزوووي ما اقدر اوعدج اخاف افقدج دخيلج ارحمينيه والله والله والله انيه احبج ومش من تو لاا من زماااان ومقهور انج تميتي عند خالتج كله اوسوس واقول
اكيد بيطبعونج بطبعهم ومن حبيه لج صرت ما افرق بينج وبين الممثله الي بسبتها ظربتج
سامحينيه يالغلا واوعدج انيه احاول اغير من طبعيه...بعدين انتي سويتيها فيه مره نسيتي يوم اييكم في لندن كيف كان لقاءج معايه نسيتي كيف كنتي تضربينيه على صدريه واتقولين انتو تضحكون عليه ماكان هذاك معناه خوف عليه انا بعد ياليازي
يوم الحادث حسيت انيه خسرتج وانيه بشوفج ميته لا محال انتابنيه غيض عليج لانج كنتي بتكونين السبب في فقدانيه لج بتهورج وركيضج في الشارع
حوطت خصره بيدها وهيه تدفن نفسها اكثر في حضنه
ابتسم:يزوووي مابتقولين شي
هزت راسها بلااا
روضه وهيه ادق الباب بقو:ماعليييه ماعليه تتحسبنيه متروعه منك ان ما خبرت ابويه علييك ما اكون انا روضه
والحين بروح وبخبر عميه خليفه عليك
فهد بصوت عالي:بذبــــــــــــــــــــحج والله انيه اذبحج
طالعته اليازي وعيونها محمره :شفت ماتقدر
فهد:شو اسويبها تبينها عيل تربع صوب عميه اتخبره
اليازي:ارجوك فهد روح الحين
فهد:سامحتينيه
اليازي :ما اقدر اقولك هيه لين احس انيه راضيه عنك صدق مايندرابك باجر تجلب عليه على اسباب تافهه
روضه:يزوووي يزووي شو سوااابج ضربج
اليازي:ههههه
فهد:ياله لا خليت من هالضحكه.............رويييييييض لا تخلينيه اطلع واعقج من الدريشه
اليازي:ليييش كله تستخدم طريقة العنف ماتعرف يعني تتفاهم مع الواحد
فهد:انا جذيه ربيه خلقنيه جذيه
اليازي:اوكيه والي ربيه خلقه جذيه...ما اصلح اكون معاه دوووم
فهد:قلتلج بحاااول
اليازي:ياله روووح
اعتدل فهد وتم ايطالعها:انزين بتم شويه وعقب بروح خلينا شويه انسولف
هزت راسها بلا :ما اعرف
فهد:نسيتي ايام لندن وكيف كان الوضع بينا
اليازي:انته خربت كل شي
فهد:ياللــــــــــــــــــــه والله عنديهكلاام وايد اريد اقوله لج ....ماعليه ماليه الا الصبر والله يعين بس المهم تعطينيه فرصه
هزت راسها باوكيه واعتدل بيقوم
فهد:انزين ممكن
وقرب منها وطبع قبله قريبه من شفايفها
القبله وترتها وغمضت عيونها والتفتت عنه للجهه الثانيه
وقف وتم ايطالعها:مره ثانيه يالغلا لاتمشين بدون العكازه
رجعت والتفتت له
ابتسم :تصبحين على خير
التفت وطلع
ضحك وهو يشوف روضه حاضنه المخده وهيه راقده قاعده
فتح الباب وتفاجئ بعمه خليفه برا راجع من برا وجدام الغرفه الثانيه
خليفه:فهد انته شو تسوي اهنيه
فهد:هاااه كنت سهران مع رويض
وفتح الباب عشان يشوف خليفه روضه الي كانت راقده على الكرسي
فهد:تمينا انسولف والوقت ايمر ورقدت حليلها وهيه قاعده
هز راسه خليفه
فهد:عميه شبلاك شكلك تعبان
خليفه:لا ماشي راسيه ايعورنيه ورحت اييب اليه بندول ياله تصبح على خير
دخل خليفه على نوره الي حصلها راقده ويهها لجهته انسدح عدالها وهو يتاملها وتم فتره بس يتاملها مد يده لخصايل شعرها وابعدهن عن ويهها
وبدت عيونه اتغمض مد ريوله لجهة ريولها وحضن باقدامه اقدامها ورقد بعد ماحست نوره انه رقد فتحت عيونها وتمت اطالعه وقلبها متالم من حالهم حاولت تسحب ريولها لاكنها ماقدرت واستسلمت اخيرا للرقاد
افي اليوم الثاني وبينما كان زايد ياخذ غيلولته كالعاده في الحديقه قام وركض داخل
زايد:هنيه ياهنيه
يت تركض:ايوا يا باااشه
زايد:انتي ماسمعتي الاذان ليش ماوعيتينيه زين جذيه الصلاه بتفوت عليه
وركض طالع برا
هنيه باستغراب:يا سبحان الله الي بيغير ولا بيتغير...وهو انا وش عرفني انه عايز يلحق على الصلاه..اااايوا انا عرفه البنت نووور هيه السبب
بعد ما صلى زايد توجه لبيت خاله عشان يسلم على يدته
قعد معاها فتره طويله ايسولف معاها وماشاف نور قام ودار من ورا الكراسي وهو يسمع اصوات برا وفتح الستاره وطل للخارج في نفس الوقت طلعت نور الي ارضتها يدتها اليوم بثوب بحريني تراثي وقالت الها البسيه بشوفه عليج
سمع صوتها وهيه مانتبهت لوجوده
نور:يدووووه ويييينج
التفتت الها الجده:حلاااه حلاااه على بنت حمد اسميه في حله
ابتسمت نور الي كانت تحاول ترضي يدتها لان اليده وايد استهمت على حالها الي تغير فجئه
نور:جدتي انظري
ومسكت نور بطرفي الثوب الي كان لونه احمر ومطرز بذهبي على حوافه وكان روعه عليها
نور وهيه تحرك الثوب يمين شمال:يالومي يالووومي حامض حلووو هههههه
عيونه شوي وبتفترسها انتبهت له وهو يتحرك من مكانه وارتبكت ونزلت ايديها بسرعه
الجده:ههههه يا حليلج يابنيتيه علمنج لبنيات غنية يالومي يالومي
نزلت نور نظرها تحت وملامح ويهها تغيرت اول ماشافته وكان منصدم من ردة فعلها قرب اكثر بعد مادار جدامها
نور :انا سوف اذهب لابدل هذه الملابس
وانسحبت بسرعه وعيون زايد تلحقها كانت شي رهييييب في عينه واتمنى انه منعها من انها اتروح عنه حس بالضيقه تكبت على صدره وانه مش قادر يتنفس
زايد:اسمحيليه يدتيه انا بروح بييج مره ثانيه
طلع من عندهم والضيقه اكثر اتزيييد اتوجه لبيت بدر وتم قاعد في الميلس ربع ساعه بدون مايتصل لبدر اييه
دخل عليه مروان وشافه وحس ان فيه شي
مروان:السلام عليكم حيالله بزايد
قام زايد وسلم عليه بدون مايقول اي كلمه
مروان :برووح ازقر لك بدر
رجع زايد وقعد بدون مايرد عليه
خبر مروان بدر الي طلع رايح للميالس
بعد ماسلم عليه وقعدو اشوي
بدر:شبلاااك يا زايد
رفع زايد نظره لبدر:هااه ماشي
بدر:شكلك مش عاجبنيه
زايد:بدر حد درا بالسالفه
بدر:الي بينيه وبينك لا فديتك محد درابها وانته شو لينه بتم مكتم على الموضوع
وقف زايد:لا لا انا ما اريد حد يدري الحين
بدر:عاده شو لينه يا زايد مايجوووز
زايد بعصبيه:شووو الي مايجوووز ...انا يوم بشوف الوقت مناسب بقول
بدر:على راحتك يا زايد
زايد:بدر شرايك نطلع كشته كلنا انروح مكان انغير فيه جو احس انيه بموووت ما ارف شو فيه
بدر:والله انا واعد اميه اوديها عوافي وحتى ومناك بتيها بنت خالتها بنخيم
زايد:زييين عيل انا بقول ليدتيه وخاليه انروح بعد وترا التخييم كله على حسابيه
على طووول طلع زايد قبل لا يقول بدر كلمه والفكره عاجبتنه وخبر ابها خاله وحرمة خاله الي عجبتهم الفكره واتفقو على العصر ايحركون
لين الظهر وخليفه راقد البنات قعدن ونوره طلعت راحت عندهن وقام على اتصال زايد الي خبره بوجهتهم وطلب امنه ينضمون الهم دامهم على طريقهم
خليفه:ماعليه صار
قبل العصر بساعه العصر كان زايد واقف جدام بيت خاله واصر انهم كلهم يركبون معاه
ركب خاله عداله وام فهد والجده ونور على السيت الوراني اما الخدامه وعبدالله طرشهم مع بدر يركبون
بعدها الكل حرك واتوجهو للامارات الشماليه
زايد كان ايسوق مرسيدس مخفي ونور كانت قاعده وراه وكل شوي رفع نظره للمرايه على امل انه ايشوفها ولا يسمع صوتها لاكنها كانت كانها مش موجوده وهذا خلا الضيقه اتزيد عند زايد متغطيه ولازمه الصمت بينما الخال والجده في سوالف وتجديد لذكريات قديمه وكل شوي واحد يطلب من الثاني ايقول القصيده الفلانيه
زايد وعيونه على نور:يدووه اذا كنتي متغربله من شيلتج وبرقعج عقيهن ترا السياره مخفي
الجده:ياااااالله بسترك انته استخفيت يا ولديه
زايد والخال:ههههههه
زايد:اباج تاخذين راحتج فديتج حرمة الخال ترا السياره محد ايشوفج منها منبرا عقي الغشوه
الجده:والله احنا ماخذين راحتنا الابنيتيه الي متقبعه ولا الها حس
زايد وعيونه على الشارع جدام"وانا منو قاهرنيه غيرها
همست نور لان وقت صلاة العصر دخل للجده:جدتي الن نصلي
الجده:زياااد المااال نبا انصلي يا ولديه
زايد:ماعليه شوي وبنلف عدال الشارع انصلي
وعلى طرف الشارع وفي بقعه رمليه لف زايد وطلب منهم ينزلون ايصلون
وقف عداله بدر من الطرف الثاني ونزل امه
زايد وخاله وبدر راحو على الطرف الي صوب الشارع وصلو اهناك اما الجده وام فهد وام بدر صلن بين السيارتين نور بس بروحها صلت على الطرف الثالث قريب بابها
بعد ماخلص زايد راح على طووول للجهه الثالثه وشافها قاعده حست انه واقف جدامها ورفعت على طول غشوتها الي كانت مفروشه على الارض ولبستها ووقفت ودخلت للسياره بدون ماتقول له كلمه
زاد قهره منها ودخل السياره وتم قاعد انتظر منها كلمه لاكن بدون فايده تمت لازمه السكوت كان على وشك يصرخ عليها ويقولها شو فييج لاكن الباب فتح ودخل خاله
ابو فهد:وين رحت يا ولديه
زايد:اهنيه يا خال
نزل زايد ودار رايح لبدر والتوتر بياكله اكل
ابتعد مع بدر بمسافه
زايد:مطنشتنيه يابدر مطنشتنيه وكانها تدري انا اريد اعرف انته متاكد انك ماتكلمت بالسالفه عند حد
بدر تم ايطالع زايد مستغرب من حاله:يا زايد انته مش من تو اتعرفنيه
زايد:عيل ليييش كله صاااده
بدر:يمكن يتوهم لك انته شو قلتلها قبل لا ترجعون
زايد:انا انا اتفقت معاها اننا يعني انكون عاادي
بدر:زايد لازم اتقول الها
صرخ زايد:لااااا قلتلك لااااااا
والتفت عنه وراح للسياره
ترا زايد اول مارجع من العمره مسوي مصيبه وهالمصيبه اهيه الي مخليه حاله جذيه ياتراى شو اهيه هاذي المصيبه
في سيارة بدر المتجهه لمنطقة عوافي التفت لامه
بدر:هااه اميه كلمتي بنت خالتج
ام بدر:هيه فديتك اتقول بنتلاقى معاكم في الدرب
بدر:ماجن من زمان ماتواصلتن
ام بدر:عاد شو نسوي يا ولديه اهيه في الشرق وانا في الغرب نتلاقى في السنه يمكن مره اذا يت تحضر عرس من اعراس هلها غربلوها هلها ويوزوها في بقعه بعيده
بدر:نصيبها يا اميه
بدر كان لابس كندوره لونها بني فاتح وعاق السفره ولابس نظرات شمسيه ابتسم اول ماتلاقو مع خليفه وهم بيقطعون الشارع لافين على جانب الطريق عشان يتشاورون
روضه اول ماشافته قرصت اليازي بقوومسكت يدها وحطتها على قلبها اتعلمها ان دقات قلبها زادت اليازي ضحكت بصوت عالي
خليفه:هااه اليويزي شو يضحكج
اليازي:ماشي عميه رويض تبا الحمام
روضه:اااه جذابه
اليازي:هههههههه
خليفه:مممكن تعقلن اشويه لين اشوف الربع شو معزمين عليه
ونزل خليفه وتلاقى مع بدر الي نزل اهو بعد من السياره وتمو يتكلموون
روضه بصوت عالي علني عند الكل:ااااااه قلبيه قلبيه وقف
التفتت عليها نوره بسرعه:شوووه رويض
اليازي بضحكه:ههه الله يفضحج يالخايسه انطمي
نوره:شوووه
روضه:يا ويييييليه وقسما بالله انه عذاااب
مي كانت تتلفت وما افتكرت في حالة روضه الي فهمتلها نوره وتمت تضحك عليها رجعت وتمت اطالع جدام بخيبة امل
اليازي:استحي يا الخبلا عندج يهال يفهمون
روضه:هو يدري انيه معاكم طالعي مايعطي ويه
اليازي :ارزني يا ماما
اول ما ركب خليفه
روضه:هااه وين بنروح؟
التفت الها خليفه:انتي شبلاج؟
احمد:اتقول قلبها ايعورها
جمدت روضه مكانها وهيه فاتحه عيونها يا خوفها بس يفضحها هالمفعوص بينما اليازي ونوره كل وحده اتحاول تكتم ضحكتهاالامي الي كلش مش معاهن
عند شيشة البترول نزل زايد وتوجه للسبرماركت واشترا بارد ورجع وفتح السياره من باب نور ودخل جسمه داخل مقرب صدره من نور وهو يعطي حرمة خاله البارد ويفتح ليدته العلبه الثانيه
نور حست بقربه انه دخل في خلاياها كانت اتحاول تمسك نفسها عن لا تزيد سرعت دقات قلبها وتفضحها.. سامحك الله يا زيد اوتريد الابتعاد عني وانا اشعر بروحي ستصعد من قربك هذا سحب نفسه بيطلع ووقف وويهه مجابل ويهها نزلت نظرها تحت رغم انه مايشوفها لاكنها ما استحملت الوضع هذا
زايد:تبين افتحلج قوطي بعد
هزت راسها بلا بسرعه على امل انه يطلع بسرعه وحس اهو انها منكمشه امنه رجع وطلع وهو يزفر بملل
الجده بعد ماركب زايد جدام:ولديه متى بنوصل ريوليه اتعورنيه من السياره
زايد:فديتج مدي ريولج جدام
الجده:وااايه ماناقص الا امد كراعينيه عندكم جدام
ضحك زايد:لا تخافين يدوه بنهمزج
الجده:يا ولديه شو هالدرب الطويل الي لعوزتونا فيه
ابو فهد:يا اميه قريب بنوصل ان شالله
واستمرت السيارات في طريقها وفي الطريق اتلاقو ببنت خالة ام بدر وسلكو طريق صحراوي قبل مغيب الشمس
روضه تهمس لليازي:شو مستوي عليه مايقول نزلو حرمتيه عندنا بدال هالخدامات الي شالنهن يعنيه ما احلمهن فارقت اويوهن باطاات جبديه من الصبح
اليازي:اششش خلاص عاده
روضه:بطرش له رساله
اليازي:اتحداج
روضه:زين
ارسلت روضه لبدر مسج فاضي
استغرب بدر المسج وارسل الها
روضه:واااوه قلبيه طااالعي طرش اليه
وفتحت الرساله بسرعه"انتي طرشتي اليه مسج فاضي ....في شي؟
زمت روضه شفايفها بخيبه وطرشت له"ما ادري التيلفون كان عند اليهال
بدر"زين انتبهي لتيلفونج مره ثانيه
انقهرت روضه من اسلوبه الجاف وقرصت اليازي بقو
اليازي:فاااارقتج قطعتينيه من القرص
روضه:وهاذي السياره الي تتبعهم منو سيارته بعد ماجن فيها بنات
ضحكت فجئه مي
والتفتو عليها
خليفه الي سمع ضحكت مي وعرف ليش:هااه مي مستانسه يوم شفتي الدراجاات
برقت عيونها مش للدراجات لا للي ايسوق السياره الي فيها الدراجات
وقف قريب من سيارته خليفه وفتح الدريشه
خليفه:هااه مروان يبت دراجات حق عياليه
مروان:على الطلبيه الي طلبتوها
استانسو اليهال
دانوه وهيه اطلع راسها:وانا يبتوليه
مروان ابتسم الها:اكيد فديتج الدراجات كلها تحت امرج
دانوه:هيه هيه
ناصر:عميه خلنا انحول انسوقهن الحين
خليفه:لا فديتك بعده الدرب طويل جدامنا لين نوصل ونشوفهن زين
سكر الدريشه وتبع الجماعه
روضه:عميه واحنا بعد طلبتو النا
خليفه:انا احيد ان زايد طلب لمي
روضه:هذي لبقره شعرفها بالدراجااات
طالعتها مي بنظره جانبيه مش عاجبنها كلامها ورجعت اطالع سيارة الدراجات
روضه:عميه بلاك مخر هالكثر اسبق السيارات سبقنا
خليفه:انا ما ادري زايد كيف بيمشي المرسدس في الرمله
تم خليفه ملتفت للشارع الي مشو عنه بمسافه في انتظار سيارة زايد
روضه:عميه الشارع كدش اكيد بتمشي فيه
وبالفعل قدر زايد يمشي سيارته على الشارع المكدش بالرمل الابيض والاحجار
المكان كان روعه وهو عباره عن تلال صغيره لونها يميل للبرتقالي واعشاب كثيره تزين المكان
وبعد مسافه وصلو للمخيم الي كانو طالبينه من شركه خاصه للتخييم تبني الخيام حسب الطلب
وكان مجهز من كل شي ....المخيم كان في موقع حايطه به التلال الرمليه واشجار معروفه في هالمكان متفرقه
وقف زايد سيارته في اول المخيم بعد ما حصل صعوبه انه ايوصلها للمكان المطلوب
كانت في اول المخيم خيمه كبيره مجلس للحريم مجهز بجلسه عربيه
نزل ووقف متساند على باب نور وهو يتكلم في التيلفون مانع نور من النزول وفي الجانب الثاني نزلت ام فهد وساعدت الجده بالنزول وكان نظره عند الباب الثاني حس انها بتنزل من الجهه الثانيه وفتح الباب عليها بسرعه لاكنها كانت اسرع امنه ونزلت من الباب الثاني
وعلى طووول حس بالدم ايفور فيه طالعها بسرعه قبل لا تبتعد
زايد:نووور رجعي السياره اباااج
تمت نور واقفه مش عارفه شو تسوي ورجعت وركبت السياره وركب اهو من الباب الي كانت قاعده عداله
التفت الها ومازالت بغطاها
اظن السياره محد فيها ومخفي بتكلم معاج وانتي متقبعه
مدت نور ايديها لغطاها ورفعته وارتعشت كل خليه في جسمه اول ما طل ويهها عليه عقب طول الطريق وهو يترقب ايشوف ويهها
بادلته النظرات ونزلت نظرها تحت
زايد:شبلااج؟
رفعت نظرها له:لا شي
زايد:ليش ساكته طول الطريق؟
شتت نظرها في السياره وهزت راسها:بماذا كنت تريدني ان اتحدث
ما عرف شو يقولها
زايد:انزين تيلفونج يبتيه؟
هزت راسها بلا:لا لاتوجد لدي شريحه
زايد:ماعليه انا عنديه تيلفون زياده
ومال بجسمه بين الكراسي عشان ياخذ التيلفون الي في السده جدام ورجع واعطاها اياه ورجع مره ثانيه ايدور الشريحه
اول ما رجع لمكانه مد يده ليدها عشان ياخذ التيلفون وتلامست ايديهم مما خلا نور تفلت التيلفون طالعها مستغرب حركتها
نور: اا اعتذر ونزلت خذت التيلفون واعطته اياه
تم ايطالعها بريبه شكلها متوتره وتحاول اتخلي بينها وبينه مسافه شووو فيها ليش تتصرف جذيه
زايد:نووور شبلاااج؟
نور:هل استطيع النزول ..لا اعتقد بانني في حاجه للهاتف
بعده قاعد ايطالعها بريبه:انتي شبلاااج؟
هزت راسها بلاا ونزلت نظرها تحت ماتدري ليش اتحس انها مستحقره نفسها وهيه تفكر بكل الي كان بينها وبينه وكيف انها كانت عاقه نفسها عليه وهو يفكر فيها بالطريقه الي رسمتها الها شهنا
زايد وهو يفكر"لاااا ما اكون زايد الا وعندها علم بس كيييف اتحس ولا شايفه رؤياء
سحب نفس
وقرب ناحيتها وهو يطلب منها اتقرب عشان يشرح الها كيف طريقة التيلفون هذا وبرغم انها قربت الا انها تاركه مسافه بسيطه بينهم وهيه تحس انه يمكن ايكون نافر منها وساوس وساوس كبيره طقت عليها ماتدري كيف تركت للشيطان
فرصه يسيطر عليها في تفكيرها وعشان يقطع شكه مد يده محوطنها من وراها عشان ايقربها اكثر حينها انتفضت بقو وسحبت نفسها ونزلت بسرعه من السياره
اهنيه خلاااص حس زايد ان الشياطين كلها اتجمعت جدام عيونه ونزل وهو يطالعها بنظرات معصبه ودار من ورا السياره ووقف جدامها وصرخ عليها
زايد:بتقولين اليه انتي شو فيييج اليوووم ؟
نور وهيه ترتجف:لا شي زيد لاشي انا متعبه قليلا اسالك بالله ان تتركني
وابتعدت عنه بسرعه رايحه للشله الي تجمعت داخل كانت عيونه تلحقها ونفسه يصرخ مايعرف شو يسوي لاكن الي يحس فيه شي مؤلم لدرجة انه حس ان راسه بينفجر من الضغط
ركب السياره وشخطها بس مسافه صغيره ودمت السياره في الرمل مانعه اي حركه وعاده هذا خلاه صدق ايطلع الي في خاطره وهو ينزل ويلعن سابع سابع يدها من سياره وهوعليها معصب لحقه مروان وشاف حاله مش طبيعي
مروان:خلها يا زايد انا بطلعها
وقرب بدر بعد اهو بسيارته
ونزل وعيونه على زايد
بدر:تعال تعال اركب معايه مروان بيشوفها
توجه زايد لسيارة بدر وركب معاه وابتعدو عن المخيم عاده الله يعينك يا بدر على حال زايد المتقلب
خليفه انشغل مع نوره في ترتيب الخيمه الي بيكونون فيها وهو اينزل الاغراض
قربت منهم مي:انا واليهال خلونا في خيمه
طالعتها نوره الي منشغله بالترتيب:لا فديتج اباهم عنديه ما اعرف كيف بيكون الوضع فالليل يمكن برد او يمكن ايخافون من المكان لانهم ماقد باتو في البر
مي:انزين تبين مساعده
نوره:اباج اتسويلهم سندويجات ماكلو شي من الصبح
خليفه:نوره ترا اهنيه في مطبخ وزايد طالب طباخ اكيد انه طابخ شي
نوره:ماعليه بياكلون السندويجات الحين وعقب بنشوف الهم العشى
خليفه:وين تبينيه افرش؟
نوره بابتسامه: لا احنا شكلنا بنفرش الخيمه كلها يادوووب اتكفينا صغيره وايد
ابتسم خليفه والتفت ايدخل لفراش الي بيفرشه
طلعت مي وتوجهت للمجلس الي اجتمعت فيه الحريم وهيه ماره نادتها اليازي وهيه تطلع من وحده من الخيم
اليازي:ميوووه ترا هذي خيمتنا وشنطتج عندنا
طلعت وراها روضه:ميوه شفتي العرب الي يايين مع ام بدر
هزت راسها بلا:الحين بروح صوبهم
روضه:زين روحي وهاتيلنا لعلوم انا قلبيه مش مرتاااح لبنيات كاشفات اويوههن وعميه خليفه امساعه مر ولا اتغطن
تمت مي اطالعها اشوي وعقب كملت طريقه
بنت خالة ام بدر اسمها عايشه وعندها ولدين واحد اهو الي كان ايسوق والثاني بسن عبدالله اما البنات كانن ثلاث خديجه ثاني جامعه واروئ ثنويه عامه
وبنت صغيره ثمان سنوات
اول ما دخلت مي سلمت عليهن وطلبت منها امها اتقوم اتساعدها في ترتيب القهو والضيافه وحتى بنات عايشه كانن راعيات فزعه قامن بعد ايساعدن ويرتبن مع ام فهد البنات حبوبات على طوول اتداخلن مع مي مستانسات بمعرفتها ومتشوقات لمعرفة اليازي وروضه
في المطبخ الصغير الي كان تابع لمجلس الحريم كانن الخدامات يسون القهوه والشاي ونور قاعده في زاوية المطبخ سرحانه ومتالمه من حالها اتحس انها مش طبيعيه وماتدري ليش اتحس انها ماتريد تتواجد عند الحريم وفضلت الجلوس بعيد عن الكل
الليل اسدل استاره لاكن المخيم كان منور من الانارات الموزعه في كل مكان
في مجلس الريايل ومن بعد ماهدت نفسية زايد رجعو للجمع المتواجد اهناك وكان من بين الموجودين اصحاب شركة التخييم الي حلف عليهم زايد انهم يتعشون عندهم
على العشا الكل اجتمع التفت ابو فهد لمروان الي كان قاعد ماقارب العشا وسرحان
ابو فهد:ولديه تراك من قعدنا ماذقت شي
ابتسم مروان:ما اشتهي يا عميه
ابو فهد:مايصيير يا ولديه حالك مره مش عاجبنيه
تنهد زايد الي كان ماسك لقمته وهو يدلقمها "ومنو الي حاله مرتاح الحين اكل وناكله جابرين انفسنا
بدر:زايد ...كمل لقمتك
زايد:ماعليه
التفت ابو فهد لبدر بعد ماقام مروان وطلع:اخوك شبلاااه انته ماتنكر عليه شي
بدر:شو بقولك يا عميه مادريبه كل ماكلمته قال مافيه شي
ابو فهد:شغله ماشي؟
بدر:ماشي وكل شي زييين
ابو فهد:الريال شي صايبنه ولا حاله هذا هب حااال
سحب بدر نفسه وهم مروان بدا ايزيد في صدره
طبعا البنات اجتمعن وتعرفن على بعض الا ان روضه كانت رسميه اشويه معاهن وهيه اتحس انها مش بالعتنهن رغم انهن حبوبات بس اظن ان الغيره لعبة ابها
ام بدر:ما شالله يا عايشه بناتج كبرن وصارن عرايس وانا حليليه ماشفتهن من زمان
روضه تهمس لليازي:وشو في خاطرج متحسره انج ماخطبتي لولدج منهن
نحزتها اليازي:جب
عايشه:عاده شو نسوي يا اختيه ابوهن مايخلينيه اوديهن معايه متحرص وايد على بناته
روضه بهمس لليازي:ماشالله متحرص وويوهن كشف عند الريايل
اليازي بهمس:الله ايغربلج فضحتينا
الجده:هااااه شو في خاطرج يا ام بدر قالونا اتدورين عروس لولدج اشوف يازلج بنات اختج
ام بدر:ماشالله البنات ماعليهن كلام زين وسنع والله انيه احب ايديه مجلبه ان خطبت من عندهم
نقزااات قويه عورتها في قلبها وهيه تراقب ابتسامت البنات وقامت اتريد تطلع الا ان امها نادتها
ام فهد:بنتيه مي قربي الغسول ليدتج
عايشه اتكمل كلامها:لااا ما اقدر ايوز بناتيه بعيد عنيه كفايه انا عشت بعيد عن هليه وانتو هل الغرب عاداتكم غيير عن هل الشرق
الجده:وااايه ترا قالوه بنات المغرب للمشرق وبنات المشرق للمغرب وهيه والله ان حظها زييين ان يت عند ام بدر
اليازي:يا عستييييليه من هالتقريص
روضه:معديه بعد يدوه تقردنها
اليازي:حق الثاني هالتقردين الاول خلص وملج
روضه:يا خوفيه ايشوفهن ويغير رايه
طلعت مي ودخلت للمطبخ
مي:نووور شو تسوييين اهنيه
ابتسمت نور:لا شي عزيزتي
مي:ليش ماييتي تتعشين؟
نور:لا اريد
مي:ليش قاعده اهنيه
نور:وماذا في ذالك هاهيه الخادمات تجلس هنا
مي مافهمت شو تعني نور ولزمت السكوت وتفكيرها في الكلام الي يدور داخل
مي بعد اشوي:بتباتين عندنا نور
نور:لا اعلم ربما مع جدتي
بعدها الكل راح لخيمته ام بدر وبنت خالتها ومعاهن بناتها في خيمه ام فهد وابو فهد في خيمه وروضه واليازي ومي في خيمه الجده ونورومعاهن خادمة ام بدر وام فهد في خيمه بروحهن خليفه وعائلته الكريمه في خيمه
اما بقية الشباب قررو يباتون في مجلس الريايل رغم ان في خيمه بعد فاضيه للي يحتاجها
على الليل وبوقت متاخر وصل فهد ومعاه اثنينه من ربعه وانضمو للبقيه
دخل خليفه للخيمه المخصصه الهم وشاف الكل متسدح وراقد شكل المكان رافض زياده
التفتت له نوره وكانت لابسه بجامه وقامت رايحه اتسوي حليب لفطامي على طرف الخيمه
التفت خليفه لمكانها الي قامت امنه وشاف دانوه فاتحه ايديها تطالبه يقرب يلوي عليها وكانت هذي احلا لحضات خليفه يوم ايشوف حد منهم يطلب امنه ايقرب انسدح في مكان نوره الي كانت متوسطه دانوه وفطامي
وضم دانوه لصدره
خليفه:ليييش مارقدتي لين الحييين؟
دانوه:عموه مابيينا الذيب
خليفه:ايخسي الذيب ايقرب منا
دانوه:بتذبحونه
خليفه:حبيبتي منو قال الج ان في ذيابه ؟
دانوه:احمد
خليفه:ماعليج امنه اهنيه ماشي ذيابه كلهم ذبحوهن
حس حينها بجسم يرقد وراه ويلامس ظهرها ظهره سرت قشعريره قويه في جسمه
نوره ضمت فطامي لحضنها وهيه ترقد بينها وبين خليفه وهيه معطيتنه ظهرها
خليفه غمض عيونه وهو حاضن دانوه كان ناوي يحضنها اشوي ويروح دام مالقا له مكان لاكنه الحين خون وقرر ايكمل رقاده وهو يحس بدفا الي رقدت وراه وكانت ليله هاديه استمتع فيها البعض بتغيير المكان والبعض بات ليله ايهوجس وقلبه ايعوره
الصبح الفجر قامت ام فهد وحصلت بنات عايشه قاعدات وطلبن منها ايساعدنها في اي شي تباه ورتبن معاها الفطور للريايل وطرشوها وبعده رتبن الفطور للحريم وسط المجلس استانست عليهن ام فهد ويوم دخلت عليها الجده تمت تمدحهن عندها
وبعد اشوي انضمت ام بدر وعايشه الهن
اتصل بدر الي كان يمشي مع زايد متوجهين لمجلس الحريم عشان ايسلم زايد على يدته وبدر على بنت خالة امه
ام بدر:حياااكم يا ولديه
تحنحن بدر اول ماقربو ودخل اهو وزايد زايد نظراته كانت متوجهه لجدته متجاهل البنات الي وقفن على طرف بدون مايرفعن غطاهن على ويوههن..سلمو عليهن وسلم بدر على بنات عايشه
ام بدر:قربو يا عياليه اتقهوو
همس زايد لجدته:نوور وين
الجده:احيدها اتصلي في الخيمه الي بايتين فيها
زايد:حد معاكن
الجده:الخدامات
زايد:والخدامات ليش ماباتن في الخيمه الفاضيه
الجده:مادري ابهن يا ولديه نور قالت الهن ايين ايباتن اهناك
مايدري ليش حس انها بحركتها هذي بتقدر تمنعه يدخل عليهن الخيمه
زايد:اليوم اخر مره ايباتن عندكن خليهن ايباتن في الخيمه الفاضيه
وقف وقام :انا بروح يا بدر
وطلع زايد ولقى مي في طريقه ومعاها روضه سلم على مي وكمل طريقه
روضه:هاااه هب تشوفين الحين بدر وتربعين اتسلمين عليه والله ترانيه اذبحج تتحسبين عمرج ياهل انتي وانتي بقره هاك كبرج
كان في نفس الوقت مروان مار من ورا السياره الي كانن واقفات عدالها وابتسم لكلام روضه يا حيها بردت اشويه من الحره الي في صدره يوم شافها اتسلم على زايد
دخلت مي وروضه الميلس وارتبكت مي الحين شو تسوي وقف بدر
بدر وعيونه على مي والي تتبعها وشكله اتخربط:هلا والله
ماتقدر لين الحين ماتقر تتخذ خطوه انها تمنع نفسها من السلام عليهم وهم كل ماشافوها فزولها ايسلمون عليها
قربت امنه وسلمت عليه بسرعه وراحت عند يدتها بعيد عن روضه الي فااارت من سلام مي ومن الي قاعدات وظاربات بالويه حتى انها ما انتبهت وبدر يسلم عليها
ام فهد:اميه روضه بدر يتحفاااج
التفتت له:هااه
ورفعت نظرها له
بدر:شحالج
روضه بارتباك:بخير
التفت عنها وطلع بدون ماياخذ ويعطي معاها وتمت تتبعه بنظراتها وهيه نفسها تصرخ على حد وجهت نظراتها لمي الي خافت منها واندست ورا يدتها
خليفه وهو راقد كان مستغرب كيف دانوه كبرت فجئه بين ايديه فتح عيونه وشاف ان الي في حضنه راقده نوره انتبه ان الخيمه مافيها حد غيره اهو واهيه وشكل اليهال قامو من الصبح وطلعو اكيييد لانهم شبعو رقاد الا اهو وخالتهم الي باتو طول الليل في توتر
من قربهم من بعض
مد يده ورفع عن ويهها خصلات الشعر ولمها اكثر لحضنه ورفع اللحاف وتغطا به مكمل رقاده
فتحت نوره عيونها الضحى على صوت الدراجات وتفاجئت انها في حضن خليفه تفشلت من نفسها وحاولت تسحب نفسها بشويش اشويش عن لا يصحا لاكنه مع حركتها فتح اعيونه واعتدلت بسرعه
نوره منصدمه ان محد من اليهال في الخيمه:ويين راحو
اعتدل خليفه وتم يمسد رقبته ورفع يده وشاف الساعه
خليفه:الساعه عشر ونصف
قامت نوره بسرعه:اوووف معقوله انا رقدت هالكثر
وراحت لين باب الخيمه اتشوف من فتحته الحركه الي برا
عيون خليفه كانت عليها وبشكلها وهيه واقفه مستهمه على اليهال وشكل البجامه ام نص كم روووعه عليها
نوره شافت مروان وهو ايشغل الدراجات الهم وكانو بلبس البجامات وهذي دانوه واقفه عداله وهو يشغل الها دراجتها ويوجهها لطريق تمشي فيه ومن وراه فهد ايساعد احمد ويعلمه كيف ايسوق
التفتت لخليفه:خليفه عادي ايسوقونهن هم ماقد ساقوهن
انسدح خليفه وهو يشوفها وشبك ايديه ورا راسه:عاادي سواقتها سهله وماعليهم شر دام الشباب معاهم
نوره:طالع طلعو ببجاماتهم ومادريبهم اذا تريقو او لا
خليفه:ماعليهم شر يابنت الحلال دامنهم مستانسين
تمت واقفه
نوره:انزيين انته مابتروح عندهم؟
خليفه بابتسامه:برووح عقب احس انيه ماشبعت رقااد
ورفع اللحاف وتلحف وهو يقول في خاطره ليتج تين اتكملين الرقاد معايه
نوره:اسمع لاترفع اللحاف اريد ابدل
غمض عيونه يعني لازم اتقولين اليه جان خليتينيه وانا غافل لاكنه خبيث مامنع عيونه اتبصبص عليها وهيه تبدل بالسريع ومتوتره عن لا يكشف اللحاف
بعد ماخلصت خذت معجونها وفرشاتها وشنطه صغيره فيها مستلزماتها
نوره:اليوم الصلاه في ذمتك اخرناها بسبتك
كشف اللحاف:نعـــــــــم بسبتيه انا؟؟
نوره وهيه اطالعه وهيه تلف ايلالها على راسها:هييه بسبتك
وطلعت بعد ماغطت ويهها
خليفه بعد ماتنهد:والله انا الي ماقدرت اقوم بسبتج
من ورا الخيام ركضت روضه لفهد الي راكب الدراجه ومار ابها من ورا
روضه:فهووود ارييد دووور
التفت الها وابتسم يا حيها راضيه:تعالي
وركضت ناحيته نزل من الدراجه:وين يزوي؟
روضه:عدها راقده
فهد:ويين
التفتت روضه للخيمه الي بايتات فيها:في هذيج الخيمه
فهد:حد عندها
روضه وهيه مستانسه انها على الدراجه:لا لا محد عندها
وانطلقت بالدراجه وعلى طول اختفى فهد في الخيمه الي قالت عليها روضه
كانت واعيه منزعجه من اصوات الدراجات تفاجئت به داخل عليها اعتدلت اكثر
اليازي:انته مينوون ياي اهنيه
فهد:شو هالرقاد لين الحين قومي طالعي بنات هل الشرق من متى واعيات ويعابلن الريوق
اليازي:واللـــــــــــــه ويايزات لك
فهد وهو يقرب منها ويكشف طرف اللحاف عنها:حريم ماعليهن كلام
اليازي:جان في خاطرك وحده منهن سر بتفكنا منك
فهد:دودو دو وبعديييين لازم اتعصبيبيه
اليازي التفتت عنه للجهه الثانيه
لف ويهها ناحيته:قد شفتي الغزال يوم يوعى الصبح كيف شكله
هزت راسها بلاا
فهد:انا اليوم اول مره اشوفه
بعصبيه:منووو تقصد
فهد:اقصد الغزال الي جداميه
في اللحضه هذي سمع فهد صوت ارتطام قوي وصرخ:روضوووه
وقام بسرعه وطلع
شافها داعمه واحد من الحمامات الي بين لخيام وركض ناحيتها
فهد:يا مينووونه ماتشوفيين
روضه وهيه تنزل:انا ولا الدراجه الخايسه هذي
فهد:انتي ليش لفيتي ياي
روضه:لان اهناك ريايل
فهد بطنازه:وشافوج بيدرون انج حرمه يعني
فتحت عيونها:فهيدااان شو قصدك؟
فهد:هههههه قومي قومي عن دربيه لا ادعمج وانا ما اشوفج
روضه:والله العظيم انك ماصخ
رجع ريوس وهو يشوف البنات واقفات مع مي
فهد:اقول رويض طالعي لبنيات جانهن يبن دوره بعد
روضه:اليااااااازي
فهد:انجبي
وحرك بسرعه قبل لا تفضحه روضه
بعد نصف ساعه الشباب كلهم كل واحد على دراجه ولعب على التلال الرمليه بحركات اطير العقل والجو كان غيم
روضه وعيونها اتراقب بدر وهو لابس برموده وفانيله كت مع نظاراته
روضه:ايخبل والله انه ايخبل ليته بس ياخذنيه معاه دوره تصدقين يزوي شكله مش غريب عليه احس انيه شايفتنه من قبل في مكان ااااه لاااا عرفت اهوووه لا لا لا مستحييييييل
اليازي التفتت الها:شبلاااج
روضه:اهو ياليازي اهو
اليازي:منو اهوا
روضه:روميو
اليازي:يا ويييليه على العقل الي غاااب
ما صدقت روضه ان الشاب الي تراقبه من زمان يلعب ورا بيتهم اهو نفسه بدر الي معلنه عليه الحرب في يوم من الايام
روضه"والله لا امووووت حسره لو ما صارت الملجه وشفته اليوم وعرفته يخرب بييييت الشيطاااان
قرب زايد للجموع المتجمعه وهو على الدراجه ايدور بعيونه زووول حتى لو زولها لاكن محد الكل عرفه وشافه الا اهيه وين مختفيه عشان يعني تستحي من الريايل طيب هذن خواتها متغطيات ليش ماتوقف معاهن
زايد:ميمي تعالي
ركضت مي لزايد
زايد:علومج ماتبين دراجتج
مي وهيه منزله راسها:لا استحي
زايد:ماعليج من حد
مي:يمكن فهد ايعصب
زايد:ايخسي خلي حد بس ايقولج كلمه ...تعالي اركبي ورايه بوديج لدراجتج
ونفس الشي ماااااقدرت تمنع نفسها ركبت وهيه كارهه ضعفها وتهاونها للموضوع بينما كانت اعيون اتراقب الوضع وهو مش راضي
وصل زايد مي للدراجه الي طالبنها الها
زايد:هااه زينه
مي بابتسمه:هييه بس بسوقها في الجهه الثانيه
زايد:خذي راحتج
ركبت مي وقبل لا تحرك
زايد:مي شفتي نوور
التفتت له:هيه داخل الخيمه تستحي تطلع برا عند الريايل
زايد:زين ياله اتوكلي
مي توجهت بالدراجه لجهه مافيها حد ومن ورا التلال وخذت راحتها في اللعب
بعد ساعه ونصف ومن بعد ماصلو الظهر ركض زايد ناحية مروان الي راكب الدراجه وركب وراه
زايد:مروان لف الناحيه الثانيه ميمي من الصبح رايحه مناك ولا بينت اخاف شي صار الها
وتوجه مروان للناحيه الي قال له زايد عليها وشافهم بدر ولحقهم
بعد ماعدو التلال ما شافو الها اثر وحس زايد بنغزه
زايد:اتبع اثاريتها
زاد مروان في سرعته ومر من عدالهم بدر
بدر:شوو صااار
زايد:ميمي من الصبح بروحها اهنيه ومابينت
وزادت سرعة مروان اكثر متتبع الاثار
لين ماعدو كذا تل وشافوها اخيرا الدراجه في وادي واهيه في وااادي
زايد:اكيه اكيه روحلها بسرعه
وصلولها وقفزو كلهم رايحين الها
كانت تنتفض من اثر الجلبه ولامه ريلها لصدرها وشيلتها طايحه وشعرها متناثر حس زايد ان روحه بتطلع وانتفض بدر لشكلها بينما مروان حس بقلبه ووقف
زايد وهو يتفحصها وعداله بدر:ميمي شو صااار لج
هزت راسها بماشي ورفعت ايديها الي كانت متشبخه تعدل حجابها بعد ما سحبت شيلتها
بدر:انجلبتي؟
مي بارتجافه:دعمت الشيره وانجلبت
زايد:شي صارلج؟
هزت راسها بلا
زايد:قومي ياله اشووف
مي:ريييليه
زايد:اشوووف
هزت راسها بلا رافضه تتكشف عندهم تم زايد وبدر يحثونها انها ترفع طرف ثوبها عشان ايشوفون شو صاير لريلها لاكنها رفضت
رغم انه كان متروع عليها الا انه كان رافض انها تتكشف جدامهم وتم لازم الصمت
زايد:ميمي روينيه ريلج بشوف شو صار فيها ياله حبيبتي
هزت راسها بلا ودموعها متعلقه برموشها وهيه اتشد ثوبها مانعه ان ريلها تنكشف عندهم
مروان خلاص وصلت عنده
مروان:خلاص خلاص انا بوديها المخيم واهناك بخلي البنات ايشوفنها
ولان بنيته اقوء منهم شلها بدون مايشاورها وتوجه للمخيم مشي بخطوات سريعه كل شوي نزل نظره الها وهيه حاطه يدها قريب ثمها مفتشله من وضعها والدموع مازالن متعلقات برموشها
زايد وبدر التفتو للدراجه وتمو يحللون كيف كانت طيحتها وبعدها راحو للدراجه وعدلوها وتمو يتشاورون عليها
الخيمه الفاضيه كانت اقرب خيمه لمروان في طريقه دخلها فيها وحطها وسحب ريلهخا بقو
غصبا عنها عشان يشوفها وهيه تحاول تمنعه لاكنه متمرس في حركاته الي يغصب فيها الواحد
مي:اي
مروان بطنازه:اي ...لا ماعليج شر
لاكنه تدارك نفسه ومنع نفسه من الكلام وهو يشق طرف البنطلون الي عليها كاشف ساقها الي كان فيها مجرد خدش كبير ينزف
تمت تنتفض وهو يزيد من شق البنطلون
مروان بصرامه:اتحسين بويع في عضمج
هزت راسها بلا
كانت متضايقه انه يتعامل معاها على انها ياهل والدليل انه مامنع نفسه يتكشف عليها
مروان:خليج اهنيه بروح اييب شنطة الاسعافات من السياره
طلع وبعد شوي رجع على طووول طهر الها الجرح وحطلها كريم وشاش ولفها الها
حست مي بويع في راسها ودوخه
مي:مرواان
اول مره تناديه حس بقلبه هوء فيه
مروان:عيوونه
ماسمعته لان الدوخه باغتتها
مي :احس بدوخه وويع راس
قام واقف وخذ اللحاف الي على طرف الخيمه وقربه منها
مروان :طيحي اكيد الدوخه من الجلبه استرخي اشويه
انسدحت مي
مروان:خلي الشاش هذا عندج والكريم على الليل بدلي اللفه
هزت راسها بانزين
يابلها حبة بندول وطلب منها تاكلها
مروان:انا بروح شويه وبرجع
طلع وهو متوتر كل مايقول انه بيتحكم في شعوره ناحيتها وبيقنع نفسه انها صغيره وماتصلح له يتبدل كل شي بمجرد مايشوفها والحل يبتعد عن المكان الي اهيه فيه بس المشكله مايقدروبعد اشوي رجع وحصلها واقفه
مروان: تقدرين تمشين؟
خطت كم خطوه
مروان:زين شي ايعورج ثاني؟
هزت راسها بلا
مروان: تقدرين اتروحين الحين
والتفت عنها وطلع لاكنها ماطلعت ورجعت تقعد وهيه بعدها اتحس برجفه وويع في راسها
بعد اشوي قامت وراحت
في طريقها ما شافت حد وعلى طول راحت لخيمتهن وبدلت ولا كان شي صار وتوجهت عقب للمجلس
اول ماقعدت وصلت روضه رساله من بدر الي دق قلبها وهيه تشوف اسمه لاكنها انصدمت من سؤاله"اخبار ميمي ان شالله بخير
التفتت لمي:انتي شو فييج
مي:هااه ماشي
روضه:بدر يسال عنج ويقول اخبارها
مي:انجلبت امساعه بس الحمدلله مافيه شي
روضه:والله انيه هب حزين عليج وحضرته مستهم عليج
اليازي:انتي شعندج على لبنيه اونج تغارين منها
روضه:ما احب اهتمامه الزايد فيها
اليازي:ياسلام عليج اهو يعرفها اهيه من قبلج من زمان يوم كانت اصغيره
روضه:بس اهيه الحين كبرت
اليازي:بس بعدها ياهل في عينه
طرشت روضه له مسج"ايسرك حالها مافيها شي وغاديه مثل لحصان
.................................................. ..
قبل العصر بشوي اتصلت نوره على خليفه
نوره:خليفه تعال طالع حل مع اليهال من ركبو الدرجات ماطاعو ينزلون منها
خليفه وارتعاشات قلبه رجعتله بسماع صوتها:برايهم ماعليهم شر خليهم يستانسون
نوره:اي يستانسون لاعيشه ولا معاش
خليفه:يو بيوعون بيونج وبيطلبون هم الاكل
نوره:ودانوه دانوه كل شوي دعمت شي
ابتسم خليفه:فديييت دندن وفديت رقدتها في حضنيه والله انها اتخلي الواحد ينسى الي حوله
فتحت عيونها منقهره من كلامه
وانتبه زايد لابتسامته الخبيثه وابتسم وهو ياشر لبدر الي قاعد يلعب معاه ورقه
نوره:والحل يعني مابتي اتشوفهم
خليفه:ايي اشوفهم ليش لا وفي حد يرفض فرصه مثل هذي يايتنه ببلاش
هزت راسها مستصيبه امنه مافي فايده ماكانها امس هازبتنه وموقفتنه عند حده
سكر خليفه والتفت لزايد وبدر وهو مبتسم
زايد:هاااه الخال اشوف الوناسه لاعبه دووور يعني ماقلتلنا شو وضعك مع خالة لعيال
خليفه:والله الي مايعطينا علومه مع بنت عمه وشو هو حالهم بالضبط مب لازم انقوله شي
تغيرت ملامح زايد:شقصدك يا خاال
خليفه:قصديه انته تعرفه
زايد بشك:انته تعرف شي
خليفه:اعرف شي!!!؟ يعني شو بعرف اظاهر ان عندك علوووم داسنها عننا
زايد بغيض مكبوت:علوووميه وااايد ولو اعطيك علم واحد منها ماشفت حالك هذا....كان يقصد اميره وبلاويها
خليفه بنظره حاده:خييير شعلومه عندك؟
بدر:يا جماعه شعندكم اذكرو الله وعلوووم شووه هذي الي قاعدين ترمسون عنها منو الي اليوم ماعنده علم ومايريد ايقوله خلو عنكم الرمسه هذي
وقف خليفه:ماعلينا
التفت عنهم وطلع
بدر:شووو يا زاايد اشوف انك انته الي بتفضح عمرك
زايد:ماسمعته شو قاال؟
بدر:عادي انته بس الي تتخيل
في المسا اتصل سعود ولد عايشه على امه وقالها وين ايحط الدباب الي يابهن من السياره وهن دباب تمر مدبس ومخلوط فيه سمسم وجرفه مطحونه
عايشه:حطهن يا ولديه في المطبخ الصغير الي عدال ميلس الحريم
دخل سعود للمطبخ وعلى طووول طاحت عينه على نووور الي وقفت بسرعه تعدل حجابها التفت سعود للجهه الثانيه مفتشل
سعود:اسمحيليه يا اختيه ماكنت ادري ان في حد اهنيه
رفع سعود نظره وتلاقت بنظرات زايد الي كان داخل وراه
زايد:ماعليك ...ممكن اتشرف اريد اكلم حرمتيه اشويه
تخربط سعود وسحب نفسه من المطبخ وامله خايب يوم درا انها زوجته
تم زايد ايطالع نور الملتفته للجهه الثانيه:وانتي معششه في المطبخ اهنيه
التفتت له بعد ماعرفت صوته ونزلت غطاها وتمت اطالعه
زايد:شمقعدنج اهنيه ومخليه الحريم ماتقعدين معاهن
نور:ربما لا يرغبن بجلوسي معهن
زايد باستغراب:شووو لييييش ان شالله شي مسويه الهن
هزت راسها بلا
زايد:عيل شو هالرمسه حد اشتكى منج
نور:لا ولاكن قلت ربما
زايد:وليش ان شالله؟
نور:الستو ابنة اعجميه
زايد:نعم نعم شو قلتي ...توج منتبهه لعمرج انج بنت اعجميه
نورتمت ساكته وزايد ايطالعها باستغراب اكثر
زايد:انتي شو سالفتج
هزت راسها بلا شي
زايد:القعده اهنيه ما اريدها وسيري داخل عند الحريم وعن الكلام الفارغ الي قاعده اتقولينه
التفت بيطلع وهو متضايق
نور:رحم الله امرء عرف قدر نفسه
وقف وهو يحس ان سجين حاده انقرزت بين ظلوعه التفت الها معصب واندفع ناحيتها بسرعه وسحب شيلتها وحذفها وراه وتخللت ايديه شعرها وهو يشده بقو لاكنه ارخا مسكته وعيونه مركزه بنظره في عيونها
نور بدت ترتجف وعيونها مثبته في عيونه
نور:لما تفعل بي هاكذا انا لم اقل شيا غير صحيح
زايد:شو قصدج من الي قلتيه؟
نور:هيا زيد انا اعرف الان كيف تنظرون اليه
زايد:الحين عرفتي وانا من زمان اعيد وازيد في النقطه هذي ماعرفتي والحين يايه اتقولين عرفتي
نور:ربما لم تكن الرؤيا قد وضحت لدي ولاكن الان انا افهم وادرك نظرتك لي انا ابنة الاعجميه ابنة الباكستانيه انتم الاسياد ونحن من ترونا ادنا منكم ولن تتغير نظرتك هذه حتى لو كنت ابنة عمك
سحب شعرها قو مقهور من كلامها وغمضت عيونها متالمه...هو شي واحد اتاكد امنه وارتاح لاكنه انصعق بالحقيقه وتفكيرها
قربها اكثر امنه وايديه بعدها متشبثه في شعرها:يا ويلج يا نووور يا ويلج ان سمعتج اتعيدين هالكلام والا ان شفتج منعزله عن الباقي والخدامات اليوم اتروغينهن ايباتن في الخيمه الفاضيه تسمعييين
هزت راسها مستسلمه له وارخى مسكته وتمت ايديه تتحرك في شعرها مش عااارف شو يسوي ولا شو يقول
قربها اكثر امنه لاكنه ابتعد وهو يسمع اصوات تقترب من المطبخ الي هم فيه وطلع بسرعه وراسه متشتت وضيقه فضيعه تكتم على صدره
قرب مروان من خيمة مجلس الحريم وهو شال فطامي الي رقدت عليهم في الميلس وقال لخليفه انه بيوديها
تحنحن مروان
ام مروان:اقرب فديت اعيونك
مروان:انا يايب بنت خليفه الصغيره رقدت في الميلس
نوره:ميوه روحي هاتيها فديتها ارقدت
قامت مي وطلعت له برا
مي:هاتها
ناولها اياها وعيونه عليها
مروان:اخبار ريلج
مي:الحمدلله
ام مروان:مرواان اقرب تعال سلم على بنت خالتيه تبا اتسلم عليك
كانت مي ناويه اتروح على طول اتودي لبنيه خيمتهم لاكنها يوم شافته بيدخل غيرت رايها ودخلت وناولت نوره لبنيه وطلعت نوره على طول
سلم مروان على الكل وعلى بنات عايشه
ام مروان:تعال تعال يا مروان خالتك تبا اتشوفك وتسمع علومك
عايشه:حياك يا ولديه ماشالله ماشالله واله وكبرت يا مروان احيدك يوم كنت ياهل
روضه تهمس لليازي ومي تسمعهن:عاااشو بتقنص الحرمه ناويه شافت هذاك مالج قالت عيل هذا مابنفرط فيه
رفعت مي نظرها له وهيه مصدقه كلام روضه اتراقب شو بيصير بينهم
ام بدر:هذي خديجه بنت خالتك وتدرس ثاني جامعه
ابتسم الها مروان وبادلته اهيه الابتسامه
روضه بهمس:لا لا ماريد خديجه جان الثانيه ماعليه
اليازي تنحزها:على كيفج اهو
روضه:هييه مش انا الي بنعل ابها وبتم معاها في نفس البيت خديجه مش عاجبتنيه خله ياخذ الصغيره على الاقل بقدر الصغيره بقدر اولاها
اليازي:خخخخخ بعد ناويه تولينها
روضه:طبعا انا حرمة العود ياله فديت العود انا
هزت اليازي راسها مصدعه من روضه بينما تمت مي الي كانت مصدقه كلامهن اتراقبهم
الجده:مروان سمعنا امك اتدور لك حرمه طالع طالع زين في هالغراشيب يمكن اتيوز لك وحده منهن
اليازي:يدوووه بعد معديه شولج خص انتي فيهم
قامت مي الي حست ان دموعها بتخونها وطلعت رايحه على طرف الخيمه من ورا ومستسلمه للدموع الي ترست عيونها
طلع مروان الي ماهقا يتفجج من حشرتهن ماناقص عاده الا اضويها من الشرق وياله عاده يا مروان كل يوم والثاني ودنيه عند هليه
ياه اتصال اول ماطلع
مروان وهو يمشي من ورا الخيمه بدون ماينتبه لمي الي كانت تسمعه
مروان:هلا مرحبا الساع لا والله عادي انا كنت بتصل عليج امساعه
سمعته يكلم حرمه وظربها فضول تسمع شو بيقول الها وتمت تتبعه بين السيارات وهو رايح عنها يمشي ويتكلم كمه تلقطها وكلمه ماتسمعها عند اخر سياره وكانت سيارته ركب فوقها وقعد على الطيبلون وكمل كلامه اما اهيه قربت اكثر وقعدت عدال التاير الخلفي تسمعه شو بيقول
مروان:خلاص مايصير خاطرج الاطيب انا باجر بكلم الشباب وبقول الهم ايطرشون الي تريدونه طيب ماعليه ولا يهمج
سكر عنها وانسدح على السياره وعيونه فوق اتشوف النجوم وراح خياله للي قاعد يرسم صورتها في النجوووم ااااه تنهد وطرت على باله اغنيه ونسى نفسه وهو يغنيها بصوت عذب كله هيام وعشق اهيه كانت تسمع كلمات الاغنيه وقلبها ايعورها لانه اكيد قاعد ايغنيهن للي سكر عنها بينما ابوها كان راجع من
مكان خارج المخيم وسمع مروان وتم واقف يسمعه وضنونه تاكدت من الي كان يضنه بحال مروان
مروان بصوته العذب..........تعال اسكن وسط صدري وبرد وحشة الوجدان
واذا حسيت بالغربه تسلى رتب اضلوعي
تعال اسكن وسط صدري وبرد وحشة الوجدان
واذا حسيت بالغربه تسلى رتب ضلوعي
تمون ولا تهووون وغير طيفك ماسكنه انسان
لك الغالي رخيص ومن غلاك اجيك مدفوعي
تمووون ولا تهون وغير طيفك ماسكنه انسان
لك الغالي رخيص ومن غلاك اجيك مدفوعي
انا العـــــــــاشق
وانا المــــــــــغرم
وانا الهــــاااااايم
وانا الولهــــاااان
تسابق فرحتي بك يا حياتي هلت دموعي
انا العــــــــاشق
وانا المـــــــــغرم
وانا الهـــــــــاااايم
وانا الولهــــــاان
تسابق فرحتي بك يا حياتي هلت دموووعي
اكف بكفي ادموعي واقاسي لهفة الحرمااان
وافكر بعد شوفك فرقتك تلوووعني لوووعي
اكف بكفي ادموعي واقاسي لهفة الحرمااان
وافكر بعد شوفك فرقتك تلوووعني لوووعي
ومادريت يا مروان بالي قاعده تكفكف دموعها بسبتك وانته ماتدري
غمض مروان عيونه موجووع من حاله وهز ابو فهد راسه وهو خلااص عرف علة الريال هذا وكمل طريقه للميلس
انسحبت مي بسرعه قبل لا يحس ابها ورجعت لخيمتهن هاربه لفراشها ومنسده نفسها عن العشى
نور سمعت كلام زايد ورجعت تقعد عند الحريم لاكنها كانت لازمه الصمت
على اخر الليل رجع خليفه لخيمته مع نوره والعيال وهو ماسك ناصر من يده ويقوده
الترتيبات اليوم غير وفي مكان واسع بين لفراش الي على اليمين ولفراش الي على اليسار
رقد ناصر عدال احمد
خليفه:يعنييي في اليه مكان
طالعته نوره الي كانت تلم شعرها بعد ماسرحته
نوره:العمي ايشوف اظنيه
انسدح خليفه عدال ناصر على اليسار والتفت ناحينها وهيه ترقد فطامي بينها وبينه وبينهم مسافه بعد
خليفه:دندن وين مابترقد اليوم في حضنيه
نوره:لا ارقدت خلاص
اعتدل وسحب فطامي من جدامها ناحيته
خليفه وعيونه في عيونها:عيل فطامي بترقد عداليه اليوم
نوره:لا توعيها
كانت انارة الخيمه خافته لان الليت الي محطوط يقصر ويطول على نوره
لاكنه ماعطاها فرصه وسحبها حطها في حضنه بعد اشوي اعتدل ولزها مكانه وهو مكانها وصار مابينه وبين نوره حد
التفتت نوره عنه للجهه الثانيه بعد ماعرفت شو فيه يفكر مد خليفه عقب يده في المسافه الي تفصل بينهم ولامس ظهرها امرر اصابعه على عمودها الفقري يحسب الفقرات
بارتعاشه غمضت ولفت ويهها ناحيته معصبه:انته شو تسوي
بابتسامه خبيثه:اعد فقراتج
نوره:وحد قالك ان عنديه فقرات ناقصه ولا زايده
خليفه:سبحان الله يمكن تطلع معجزه
لزت عنه اكثر مبتعده وهيه تتحرطم
قرب اشوي على كثر ما ابتعدت ورجعت يده تحسب من اول ويديد
نوره:اوووف وبعديين
ولزت اكثر لاصقه في دانوه
وقرب وكله خبث
وبدا يعد مره ثانيه
التفتت له معصبه:وبعدين معاك انته ماتفهم ولانسيت كلاميه الك امس
خليفه بنظرات ذايبه وهو مييت على تنرفيزها:شوفي كل ماتقطعين ليه برجع اعييد من اول
نوره:ما اريدك تلمسنيه انته ماتفهم
كتف ايديه لصدره وغمض عيونه
نوره:اوووف
رجعت وحطت راسها وهيه ملتفته عنه للجهه الثانيه شوي وحست انه لاصق فيها
نوره بانفعااال:لااا انته اظاهر
خليفه:اششش نويصر واحمد وعوي وقاعدين ايسولفون عن الدراجااات لا تيبين النا الشبهه تراهم يفهموون
همست له:لا والله انا الي بييب الشبهه وخر ياله عنيه
خليفه:وطي صوتج
نوره سمعت احمد صدق يتكلم
نوره:هذولا شو موعنهم
خليفه:حشرتج من الصبح خليهم بيتكلمون اشويه وبيرقدون
نوره:طيب وخر عنيه
خليفه:ااااسف بردان فطامي ماتدفي
نوره:وقح
ابتسم خليفه وتم الها لوووعه وهيه شوي وبتقوم تصرخ بصوت عالي
