يوميات الأعضاء

[غادة الرياض]

نعيش اليوم لحظاتنا بكل تفاصيلها

وتمضي بنا الأيام سريعا سريعا . . حتى تكون ذكـــــرى . .

وسـ تختلف نظرتنا للموقف وتتغير مشاعرنا تجاهه

لذا ماأجمل توثيق بعضاً منها في وقتها


فـ حياااااااااااااكم الله في هذه المساحة دوّنوا بها ماتختارون من يومياتكم

 

[هدوء طفله]

السلام عليكم ورحمة الله وبركاته

يالسه مع الاهل ويانا خالي
ومتعطر بعطر جمييييييل جميييل جداا
ذكرني برييحت عطر فلان اقوله شو اسم العطر ما راضي يقول يضحك خخخخ

 

[غادة الرياض]

أتابع برنامح ( نبض الثورة ) على قناة وصال مباشر
ألا لعنة الله على الطاغية بشار وأعوانه . .
فقد ذكرالضيوف حقائق مؤلمة وجرائم بشعة . .
لكن نصر الله قريب

* توني ألاحظ ان كاميرا جوالي مافيها زوم :Looking_anim:

 

[هدوء طفله]

السلام عليكم ورحمة الله وبركاته

موودي شاقه الحلج
يالسه في الصاله
اليوم تجمع عائلي
الكل اجاازات ورخصوا اعيال المدارس خخخ
والكل يرمس شحي الا اخويه يرمس خضري ما يعرف يحليله اليهال يعيبون عليه :gada34:

ويقولون ما شي حواطه :kik: بس بيودونهم حديقه صقر شويه ههههههه تغير جوو للمذاكره خخخخخخخخخخخ :ala:

:ay:

ويالله بخليكم االحيينه بسير اسمع السوالف والحش وبحش بعد :ta'7:

 

[*فارسة الشارقة*]

يوم الخميس يوم رائع بالنسبة لي نتجمع أخواني واخواتي بيت الوالدة الله يخليها ,,,
وكان عشاءنا عيش ولحم وهريس ومعكرونة وسلطة ومحشي ورق عنب وكوسا واللقيمات وخبز خمير ,, اروع شيء تجمعنا ,,,

 

[عالي المقام]

السلام عليكم و رحمة الله و بركاته

قبل شويه رجعنا من مسقط ( 3 ساعات تقريبا الدرب )
و نشاط عجيب رغم إن الدرب مرهق شويه !

سبحان الله

 

[هدوء طفله]

مستشفى تاايم واتريا عمي واعياله ايون يزوروني وابا اترخص مليت >< الله كريم

 

[عالي المقام]

السلام عليكم و رحمة الله و بركاته

ما بين (فلاش) و (سي دي) و قلم أحمر و دفتر

و كتاب و ( نت ) و ورق أصفر هنا و أحمر

تلفون نبضه ضعيف و درس لازم يحضّر

مشروع لازم أشوفه و مسائل تشغلني أكثر

و أشياء أخرى .. يا رب ترحمني و بسمتي تحلى حتى لو الشغل يكثر

و ( ملاحظة : لا تقولو بدا عقلها يتأثر !

 

[هدوء طفله]

السلام عليكم ورحمة الله وبركاته

الله يسلمكم يمييع ان شاء الله
ترخصت امس الظهر ع الساعه 3 الحمدالله
والحين احسسن :Ghada:
ويالسه اتصفح البرزة والنت :see:
وبعد شوي بصلي وبخممد
والله ويااكم :Ghada:

 

[غادة الرياض]

أوصّف لسواقنا الجديد يااااصبر الأرض بس >> مضيّع بيتنا هالمفهي :boredsmiley:
راح مشوار ومو عارف يرجع لبيتنا :Looking_anim:
أمي معصصصصبة علي تقول / لاتوصفين له لارجعوا ابوك واخوانك من العزاء يوصفون له
وانا حايمتن تسبدي منه بس والله راحمته مررره قريب من البيت بس مايفهم . . :shut: