بـ المطبخ..
و
ملوكـ متوجه لطابق الثاني خارجهـ من المطبخ وبيدهـا كأس عصير..
فلك تهم بدخول لمطبخ\وينـ والغدى..
أبتسمت بخفه\مالي نفس..عليكمـ با العافيهـ..فيني نومـ ماهو بطبيعي..
آبتسمت فلك وقلبها مشتعل دقاته كـ الطبول ..
شكرت ربها بداخلها..الف مرهـ..
ولآتدخل بمواجه مع ياسر..من جديد..\طيب ياقلبي بخلي لك غدى لما تصحين..
ملوك تصعد الدرجات\مو مشكله..
.
.
عطيتك × وطــن × "
" وعطيتني × منفــى ×"
.
.
آبتسم عناد وهو مستمر في تقليب آدراج الجده\يمه وش آدورين الله يرضى عليك..تراني ادور على عماها...
الجدهـ\مالك شغل..أنت بس اذا حصلت كيس صغير قديم مخمل عطني الكيس..دور بس لآتهذر على راسي..
آبتسم على مشاكسته المحببه للجده\يمه..وش مخبيه فيه ها الكيس..؟مر ه و عنزروت مثلاً>>لغير الناطقين بـ النجديه هي آدويه شعبيه..=)
الجده من غير اهتمام\مخبيه الي مخبيته انت دور بس..
عناد بضحكه\هذا هو..لغيت آعشابك يمه...الله من الريح الخايس..؟
الجدهـ تأخذ الكيس\آعشابي..!يازينك مقلل هذرتك الي على غير سنع..
عناد بضحكه\آفا ..كنها سبه..؟
تجاهلته الجده وفتحت القماش ليسقط منه خاتم فخمـ قاعدتهـ فص فيروزي اللون ..
غريب جداً..
وجميل جداً..
وشرقي التصميم جداً..
عناد متفاجئ من الخاتمـ\ايه والله ياهويا تعرفين والله تخبين الغالي..وش ها الخاتم يمه..؟
آبتسمت\عناد جدك مهديني آياهـ ..ياعسى عضيماته في الجنه ويشرب من حوضها وينال شفاعة رسوله مصلي مسمي ياعساهـ بنعيمها اليومـ..
غرق بضحكه صافيه على الدعاء المحبب للجدهـ لزوجها الراحل منذو سنوات بعيدهـ..
الجدهـ تمد كفهاا المجعد ليعانق كف عناد وتودع الخاتمـ يدهـ\هذا لمرتك..آهدها آنت ها الخاتم ..
عناد برتباك\لآيمه واا..
الجدهـ بعصبيه\ترد هديتي لك..؟لآبو ها الشنب =)
عناد \يمه هذي ريحة جدي ..خليها ..وبكرا بدخلك السوق آختاري آنتي هديتها على كيفك..
الجدهـ\آبداً..خاتمي لبنت مناف الله يرحمه مايلوق الا عليها..آقصر الهرج..
آحتضن بعدها عناد الخاتم..
غريب شكله..
وجميل جداً..
آدخله بصبعه الصغير بقوهـ..
من ثم آرتفع ليقبل راس الجدهـ\الله يطول بعمرك يمه..
الجدهـ ببحه..\الله لايخلاني منك ياعنيد..
آبتسم وهو يطبع على كفها قبله \ولآمنك يا كل عناد..
.
.
عطيتك × وطــن × "
" وعطيتني × منفــى ×"
.
.
بعد الغد..
فلك تنزل طبق الفاكهه امام ياسر المبتسمـ من دون سبب..!
جلست با القرب منه وقطعة التفاح وآمتدت يدها
بخجل الى بتال المستغرق في مشاهدة التلفاز..
آبتسم بتال بحب لها وهو يتلقف قطعة التفاح...
ياسر بـستفهـآمـ\من كم سنه و عبد الرحمن اليعقوب مع آبوي مقرن ..؟
بتال من دون آهتمام يذكر\عبد الرحمن عشرة عمر..حتى آتفاقياتهمـ آغلبتيها شفهيه..ثقتهم في بعض متبادله ..
ياسر بستغراب\آتفاقيات شفهيه.......!آبوي مقرن ماهو بأي واحد يعتمد عليه وشلون صار كذا..؟
بتال التفت له وبستغراب\يعرفه معرفه قديمه..آتوقع من طلعتهم على سوق الحديد..بس ليه تسئل..؟
ياسر يأكل قطعه من البرتقال\جالي اليومـ ..
بتال بستغراب\عبد الرحمن..؟
ياسر\آبو ابراهيم..
بتال بهتمام\وش صار..؟ماهو من عادته يسوي زايرهـ لشركه اذا آبوي ماهو موجود فيها..؟وآساساً زيارته تنعد على الاصبع بعد ماكبر في العمر...
آبتسم ياسر من جديد ونظراته كانت متوجه لصحن الفاكهه..
نظراته لم تكن خفيه على بتال الذي توقف فجئه عن آكل التفاح وآنزل طبقه \فيه شي جديد آنا مادري عنه..
ياسر\لآ..
فلك بهمس\ياسر ياقلبي ماتسمع..
آبتسم ياسر على همس فلك وتعلقها بذراعه منذو مايقارب العشر دقائق\لبى روح ياسر..
غرقت فلك بضحكه هامسه\آزعجتونا با الشغل..آنا آبيك بشغله مهمه..
التفت لها ..
اردفت\مناف متى بيطلع...
همس\قريب ها الاسبوعين..
آردف بعد صمت\خالتي..؟
فلك بحب\سم ..
ياسر بهمس\منهو خطيب ملوك..؟
فلك برتباك\واحد..من..عيال الحمايل..؟
آبتسم بخبث..\وعيال الحمايل مالهم اسم..؟
فلك\آظن مايهمك كثير..
تجاهلها وآنتقلت آنظاره الى الشاشه..
.
.
آرتباكهآ...
ولفها ودورانها ..
حول نقطه معينه..
لآ..
يعجبني أبداً..
من يكون ..
ذاك الرجل..
الذي ترفض..خالتي آخباري..؟
آيكون..
آعرفه..؟
آو
معرفتي لأسمه..
تغضبني..؟
لما هـذا الغموض..؟
.
.
عطيتك × وطــن × "
" وعطيتني × منفــى ×"
.
.
العاجي..
بتال يدلف الباب بهدوء ويتوسط المكان..ليتلقى ترحيب خفيف من مناهل..
مناهل \ماقلت لنا آنك اليومـ بتجي..؟
بتال ينزل شماغه من ثم يناوله مناهل\ماصار شي..هذاني جيت بريح شوي وراجع لشركه..
آستقبلت الظبي الصغيرهـ بعربتها وهي تنطق اسمـه بطفوله غامرهـ..
بتال بحب\روح بابا..آشتقتي لي مثل ماآآآ انا مشتاق..؟
الظبي تحرك ايديها الصغيره برقه ليحملها بتال ويتوجه للاريكه...
مناهل \آجيب لك شي..؟عصير ..؟قهوهـ..
بتال\لآ...بريح وبطلع مابي شي...
جلست مناهل بقرب منه..
بتال يبتسم على ملامسة الظبي لشعيرات الصغيره بذقنه...
بتال\هــا آمس قلتي لي بيطلع تحليلك ..؟وش صار..؟
مناهل بضيقه..\نفس النتيجه قبل سنه..
صمت لدقائق..من ثمـ اردف\لآتضيقين خلقك..آهم شي صحتك وانتي بخير..
آبتسمت بـ مجامله..لتلتقط ضيقها عيون بتال..فـ يحتضن خدهـا بكفه بلطف\كل شي من الله زين..
آبتسمت بـ حب..
مناير بـتهكمـ\وش بيضرك ياحظي..مااا بنت الاصول هي الي بتجيب لك مقرن والا ها الضعيفه في الي مايحفظها عساها ماتحمل..آكبر همومك يعني...!
بتال آنصدم من تواجد مناير..فـ آكتفى بملاعبة الظبي متجاهلها..
مناير بـغيره ناريه\غريبه فاك الاستلام اليومـ .معطتك آجازهـ..؟
بتال بـخبث\وآنتي وش يهمك..آنتي طلبتي الطلاق عايفتني..والا يمكن هذي تبعات غيرهـ..!
مناير بهجومـ ووجها اصتبغ با الاحمر\غيرهـ..لآ...وش آغار شايب ماخذ له عجوز..!جمال يوسف كاسيك...!شابعه منك ها السنين وماخذتك هي ياحظي الا في تالي شبابك..خلها تشبع فيك دام شبابك كان معي...
بتال بمقاطعه ومرادهـ يلعب مع مناير بملعبه\وش عجوز..آنتي ورى كلامك كله دش..آنتي شفتيها..؟
مناير بحقد\وش آشوف..؟من زينها اعني عمري في شوفتها ابد عجوزاً شعرها كاسيه الشيب بعد..
بتال بضحكه خبيثه\لآآآآ..لو شفتيها ..آشهد انك بتقولين للخلق شفت القمر بينا يمشي..
مناير بقهر\ياعساني اسمع ونينها من ورى سلك المغذي ماهمتني ولاهمني شوفها..
تجاهلها بتال تماماً ليصعد لطابق الثاني وصوته من هناك\مناهل ..لآتنسين تصحيني بعد ساعه والظبي بتنام معي..وعلى فكره يامنير تراها اصغر منك..
مناير بحنق وصوت منخفض\آيه..بنت آبليس كاذبه عليه حتى بعمرها والا هي تشوفينها الحين مجدله الشيب..الله يوريني فيها ماتكرهـ..
مناهل بـخجل\الله يهديك عليك الفاظ تشق القاع..!
.
.
عطيتك × وطــن × "
" وعطيتني × منفــى ×"
.
.
في المساء..
العاجي..
ياسر آوقف سيارته خارج سور القصر لأستعجالهـ الشديد..لكن لفت آنتباهـ خروج سيارة طارق ويبدو ان التي بجانبه كانت عمته الظبي
لم يعجبه حال عمته هذا اليومين..
يبدو واضحاً خلاف حاد يستطون عش الزوجيه ذاك..
والظبي..من النوع الكتومـ جداً..؟
ولآ
تحب ان يطلع آحد على مشاكلها الخاصه..
تكرهـ الثرثرهـ...
بـ عكس زوجات عمي..
فـ برغمـ حبه لهمـ
لكن
ان جلست معهم دقائق فقط..
لم آنم تلك الليله من الصداع..؟
آنتبه الى وقوف الجد آمام البوابهـ...
آبتسم ياسر وهو يسارع الخطى لجدهـ ويقبل رأسه\مساك الله با الخير يا الغالي..
آبتسم بـ حب \مساك طاعة لربك ولنبيك..
ياسربستغراب\وين الظبي رايحه مع طارق..؟
مقرن\عزيمة كبيره لواحد من معارف طارق..
آبتسمـ\يالله ندخل ...
مقرن\لآيآبوك..بتمشى في ها الشارع تمشي معي..؟
ياسر آبتسم\مع اني مشغول لكن مافيه خلآف معك يا بوي آمشي لي ربع ساعه او آقل...
آبتسم ياسر وهو يسير مع الجد..وعكاز الجد يعلن رناته على الارصفه..
مقرن\وش علوم عبد الرحمن يوم جاك...؟
ياسر\مافيه علوم تذكر..قال لي ان التجار والاعلانات الي كانت بـجريدة جسار سحبها وانه الان جالس تقريباً يمول الجريده من جيبه الخاص..
مقرن\زين زين..!
ياسر وجه نظراته للجد وبـبرود\وش زينه يابوي..بقعد آنتظر لما يطيح الي في راسه..وذا ماطاح وذا حصل معه من يوقف ويبنون قدامنا جدار طوبه من العناد..؟
مقرن\هذا الي قدامنا وش نسوي..؟
ياسر\لآ يابوي..شبلك آسد...قدرت الف لك ذراعه لكن آنتظر الفرصه الي آكسر لك ها الذارع..
مقرن بستغراب\ليه وش فيه..
ياسر ببرود\زوجته...عطتنيها باردهـ مبردهـ وعلى طبق من ذهب...مرته يابوي تدير لها مشغل ... ـ..وفوق هذا تصور بنات الناس بلآه الله بحيه من تحت تبن..والا هو بس واجه اعلاميه ومن داخل منتهيه صلآحيته..
نطق تلك الكلمات ياسر ووجه مظهر التقزز والقرف..
مقرن بـصدمه\لآحول ولآقوة الا بالله ..الله يستر علينا ولآيبلانا..آنت وش مأكدك..
ياسر\وشهد شاهد من آهلها..موظفتها تحت ايدي الحين ومستعده تشهد بكل شي..وهو عاد وذمته وضميرهـ...سكت كان بها ..يوقف ها الطوفان الي شايله ضدنا..ويقلب ها الطوفان لماء صافي...آو يفضح نفسه ويطيح من عيون الناس وكل الي كرهم فينا بيشككون في كلآمه...وبكذا..او..كذا..جسار الراسي آنتهى ..
آبتسم ياسر ورافقته آبتسامه من الجد مقرن...
آردف الجد...\شفت ها القصر...
رفع رأسه ياسر لجهه المشار لها من عكاز الجد\وش فيه يابوي....؟
الجد بحبور\هذا بيت الدايس...جواهرجي معروف ولد حموله وآصولاً عروقه طيبه...ماعندهـ الا بنت وحده..وعمرها في بحر العشرينات او على شواطئها... ساكنين هنا من اربع سنين او اقل..والله مدري...وش رايك يابوي...
آبتسم بذبول\راي في آيش..
الجد \في كلآمي..!
.
.
.
نقف هنا..
.
.
همسة محبه..السنن الرواتب..لفائدهـ..
الذي ثبت في الصحيح عن النبي صلى الله عليه وسلم أنه كان يصلي مع المكتوبات عشر ركعات أو اثنتي عشرة ركعة؛ ركعتين قبل الظهر أو أربعاً وبعدها ركعتين، وبعد المغرب ركعتين، وبعد العشاء ركعتين، وقبل الفجر ركعتين.
وكذلك ثبت في الصحيح أن / النبي صلى الله عليه وسلم قال: (من صلى في يوم وليلة ثنتي عشرة ركعة تطوعا غير فريضة بني الله له بيتا في الجنة)، ورويت في السنن: (أربعاً قبل الظهر وركعتين بعدها، وركعتين بعد المغرب وركعتين بعد العشاء، وركعتين قبل الفجر).
وليس في الصحيح سوي هذه الأحاديث الثلاثة: حديث ابن عمر وعائشة وأم حبيبة.
.
ويجبر خاطِرِ قامت هواجيسه تجى وتروح
يشوف الحال ويكف السؤال اللى محيرنا
صحيح انا صبرنا واعتبرنا صبرنا مصلوح
ولـــــــــــكن ما بقى شى عقب هذا يصبرنا
تعالى نسكت احسن من كلام تاليته جروح
نحب بصمت دام الصمت ما يجرح مشاعرنا
نحب بصمت دام الصمت ما يجرح مشاعرنا
نحب بصمت دام الصمت ما يجرح مشاعرنا
.
.
.لآتلهيكم الروايه عن دخول وقت الصلاهـ..
.
.
.
الجد بحبور\هذا بيت الدايس...جواهرجي معروف ولد حموله وآصولاً عروقه طيبه...ماعندهـ الا بنت وحده..وعمرها في بحر العشرينات او على شواطئها... ساكنين هنا من اربع سنين او اقل..والله مدري...وش رايك يابوي...
آبتسم بذبول\راي في آيش..
الجد \في كلآمي..!
عض طرف شفته بـهمس\بدري على زواجي ها السنه..؟
الجد توقف من ثم التفت لـياسر\بدري..؟لآيكون عاد هذا يدق فيها..!
القى كلامه الجد وهو يشير بصبعه على صدر ياسر..
آبتسمـ\آكذب عليك...ولآ..تبي الصدق..؟
مقرن\لآتصدق معي في شي يكدرني..ولآتكذب معي في ـ شي بيزعلني..؟
تراجعـ خطوتين ونظراته ترتفع للفله الفخمهـ وتجاهل كلمات الجد\كنت آظن هـ الفله مهجورهـ والا اهلها برى ومايجون الا في العطل..ماكنت آظن يسكنها آحد..
مقرن\يآبوك..هذولا من الدايس..معربين الاجداد..رضاي عليك ياولدي تناسبهم وترفع راسي...
ياسر\وان خذيت لي وحدهـ شينه وجلست على كبدي..وش لي بمعربين الاجداد..يابوي تعرفني ماحب الا الزين...وآنا ماحب التعداد زي عمي...ولآ ني بمطلق مرهـ ثانيه ..وش السواة وقتها..!
رفع حواجبه و بخبث وهو يردف \ولو آنك شايف بنت البراق..عفت البنات بعدها..!
كتم غيضه الجد وبهمس\بسيطه..يشوفونها حريم عمك..؟
بـصدمه \حريم عمي..بايع عمري انا يابوي..والله ان يزوجوني القرد ويقولون هذا غزال خذه وانت مغمض عيونك..مانسوى الي سويته فيهمـ..بعده في قلبهمـ جمره علي!
القى بعدها ياسر ضحكه ساخرهـ...
الجد\ آجل عمتك الظبي..
ياسر\لآ...
مقرن بـستفهام\ليه..لآ...معاند هو..
ياسر بآبتسامه \هو .. لآ.. وبس...
مقرن\يعني ماتبي بنت الدايس..الجواهرجي الي كل يبي رضاه..عساه بعد ياولد عبدالعزيز يوافق عليك...حد يحصل بنتهم ويقول لا..
ياسر\ولد العاجي..ويرفضه..هذا بيوافق ولآبعد قمنا من المجلس..ولآهو بعد بـ مشاور آحد..يحصله هو وبنته ياسر..!
مقرن\آجل تعوذ من آبليس ونروح نخطب عندهـ..دامك ماتبي احد يشوفها..
ياسر\ لآ لآ لآ ماهو بمشكله..حريم عمي والظبي عمتي خلهم يشوفون المرهـ..والخيره الله يكتبها..ويكفيني شر منير ..!
ابتسامة مقرن آزاداة وهو يلتقط كلمات ياسر المحببه الان على قلبه..
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
يومـ جديد..
الكادر الصحفي..متواجدون حول الطاوله الطويلهـ..المترئسها جسار..,,
والنقاش محتدمـ..
حول آوضاع الجريدهـ
جسار بستفهام\عبدالله..ممكن توضح آكثر..؟
عبدالله بـآريحيه\آستاذي...مقرن العاجي وشركائها ماهم بأهم قضاينا الي تهمنا...مقالتك..وآغلبية تغطيتانا صارة عنهمـ..
فيه ..مشكال آخرى تدعونا لمناقشتها..و..فلسطين..
يكفيها المطبلين والمزمرين
و المتسلقين بأسمها...
جسار مستمع لكلامـ..وتعليق الصحفي..
وملامحه الهادئه..لم تعكس الا شدة الهدوء..
والاريحيه..
عبدالله بـ آستفهام\آرجو مايكون تعليقي عنك وآنتقادي لشخصك..ماتجاوز لحدود الادب..فـ آنت استاذنا ومن له الفضل في جر خطى اقلامنا...!
جسار بـهدوء\كلامك له جزئين..وجزئين مختلفين تماماً...كما آختلاف الليل والنهار..
جزئية مقرن العاجي وشركائه..عدواتي لشخص مقرن العاجي لآيتعدى لكرهـ ومقت لأسلوبه التجاري
الاستغلالي هو وشركائه و تحويله لساحةبيع الحديد لساحة سوق سوداء ..البقاء فيها للاقوى..وآستغلالهم
لمواطنين ...
جزئيتك الاخرى..آستغرب من كلامك..!
فلسطين تحتاج لأي قلم من أقلامنا لأن قضيتها متجددهـ..والجرح
فيها مازال يبعث رائحة الدم ..ولونه.....
آنت طبقت كلام الآسرائلين..في كلامهم..عنا
الكبير يموت..والصغير يكبر وينسى....وتضيع فلسطين..!
مادامت جريدة صوت المواطن ..واقفه..
وكل صباح لها عدد..فـ بين طيات هذا العدد..هناك وقفه لفلسطين ..
آردف..صحفي آخر...\آستاذ جسار..سياسة التحدي المتخذينها ضد مقرن عبدالعزيز العاجي..آخضعت
الجريدهـ لأتوقف اكثر من50% من الاعلانات فيها..وهذا فيه خساره كبيرهـ بحقها..
قاطعه جسار بصرامه\لو خفضت بنسبة 90%..انا بوقف بوجه مقرن الى ان يعتدل اسلوبه..او تنتهي جريدة صوت المواطن...الحرب بينا وبين مقرن...حرب نفسيه آكثر من آنه تزتنف آشياء آخرى..
انا ماحتاج رأس مال من ها الشركات ..
جريدة صوت المواطن آمولها لو من جيبي الخاص ماعندي اي مانع..
لكن تركع او تسقط في وجه أي شخص يريدها ترضخ..آبداً
الكادر الصحفي الاغلبيه فيها ماعجبهمـ كلآم جسار..فـ فضلو الصمت..
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
مقهى ..
يوسف بـستغراب بريئ\مآآآصدق انك تركة وظيفتك........من جدك آنت..؟
عناد يحرك كوب القهوهـ\خيرهـ..الشغل هناك فوق طاقتي..
يوسف يرتشف بقايا قهوته\والسواة...كيف تركوك الرتب العاليهـ..تترك وظيفتك كذا وانت عندك خلفيه عن فرقة الموت..!
صمت بعدها يوسف بقلق من زلة قدمه تلك..!
.
.
لمـ ترتفع آعين عناد آبداً..
بل
ترك الامر طبيعي جداً..
.
.
بـ هدوء\مآظن فيه آشكاليه في ها النقطه..شكلهمـ كان آختبار من آختبارتهم لردات فعلي...او.. شي آجهله..
يوسف \وكيف بتوظف..؟
عناد\بفتح لي مشروع ..
يوسف\والي عندهـ لك مشروع..يكسبك ذهب..
رفع آعينه عناد بهتمامـ\وش مشروعه..؟
يوسف بهمس\تدرب لك ناس..يحبون الصيد والقنص وكذا يعني..وانت تدربهمـ تدريب عسكري بحت في تدقيق الاهداف..و...كل شي عندك من خبرهـ..لآنهم يبون بعدين يشتركون الظاهر في مسابقات..برى المملكهـ..
آبتسم بخفه\مو مشكله...!
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
مكتب ياسر العاجي..
مرتخي على الكرسي الجلدي ..
ويستمع لـمناقشة بتال لـآوراق تخص الشركات..
بتال غارق بين أوراقه\الحين المستورد من الحديد صار ينفاس المحلي عندنا...والمواطنين
مقبلين آكثر عليه خاصة آرتفاع الحديد مانخفض من آربع شهور...الحين نحنى خفضنا الاسبوع
الي راح 200 ريال لطن الواحد...
آقتراحي الحين نستمر في تنزيل الاسعار الى المعدل الطبيعي عشان ماتطلع من المنافسه..؟شرايك ابو عبد العزيز..؟
ياسر\بس المستورد خارج المنافسه اذا شفنا انه مايدخل في المنافسه في المنشئات الحكوميه.. وهذا لنا فيها نصيب الاسد خاصة ان المملكه ماتقبل الا معاير ومقايس خاصه؟
بتال\شو ف ياسر الحين أسعار الحديد في طريقها للتراجع.. ترى أعلنت وزارة التجارة والصناعة ان الأسعار الجديدة للحديد المستورد على موقعها ، ان بلغ سعر الحديد القطري 2850 ريالا، الصيني 2800 ريال، والتركي 2850 ريالا. و الشركة السعودية للمواد الإنشائية طبقت في حزيران (يونيو) الأسعار المخفضة للحديد المستورد في السوق المحلية... الي تراجع بحدود 385 ريالا عن أسعارها القديمه، سمعت انها أرسلت تعميما على جميع موزعيها يأكد عليهم التزامهم بالتسعيرة الجديدة الي جات طبقا للتغيرات العالمية في سلعة الحديد. .!
فـ قطر سعر الحديد عندهم تراجع بنسبة 370 ريال..الصيني 50 ريال..التركي 70 ريال..نحنى في السعوديه ثابت بسعر2900 ريال..!
آظن هي مسئلة وقت ويطولنا ها التراجع..
ياسر يرفع ورقه مدون فيها آرقامـ تجاريه \مو مشكله..بنشوف لهمـ حل على رواق..!
بتال آنزل جميع الاوراق والدوسيهات ورجع على الاريكه ليطلق زفرة آرهاق..\قلق ها الشغل..؟
ياسر\با العكس تعطيك سيادهـ في السوق..
بتال \السيادهـ يفرضها الشخص بحترامه..ماهو بظلمه...ياالله..الله يكون با العون...
ياسر وكئنه تذكر شي\عمي...؟
بتال ينتبه لنبرته \سمـ..
ياسر بتهكمـ\بخطب بنت الدايس..!
بتال بمفاجئه\الدايس الي ساكنين قبالنا...؟
يآسر\آآآوه عندك خلفيه تعرف آسم بنتهم..؟
بتال بـستغراب\لآ..
آردف\..لآتغلط غلطاتي..؟
ياسر بتهكمـ\آه الحب ياعمي..الحب ذبحتني بنت الدايس بهواهـا ..غير الله يقلع آبليسها ماعرف اسمها..!
بتال آبتسم بـ ستغراب وعاد لآوراقه\انت....والا آقول الله يشفيك..!
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
جسار وقف بآبتسامه وهو يستقبل شخص عزيز عليه..
بـ ترحيب صادق\ياحي الله طارق...ياهلا..ومرحبا..نورت الجريدهـ...
طارق \الله يسلمك..
سلآم حار كان من جانب الشخصين من ثمـ آبتسامة جسار لم تفارقه وهو يشير على طارق
بـ الاريكه الجانبيه..
جلس طارق بهدوء\كيفك وكيف امورك ..؟
جسار يمد علبة من الشكولا الفاخرهـ\يسر حالك..
طارق بآبتسامه\عساهـ دومـ...
جلس جسار با الاريكه المقابله..\آخر اخبارك...مارزقك الله الى الان...
طارق\لآ...في آلآنتظار...
جسار آبتسم وهو يتناول فجال من القهوه..\غريبه ماتزوجت مثل كل الرجال الي آعرفهمـ..مايصدقون خبر الا ويطقون الثانيه..؟
طارق بضحكه\لآ..صاحي انت..مآلقيت اتزوج الا على بنت العاجي..؟يعلقني ابوها على بوابة مصانعه..!
.
.
آنصدمـ
جسار..
وطارق يهذي آمامه بكلامـ..
لآيكاد يصدقه..
ذاك العاجي..
قريب منه
الى
ذاك الحد...
.
.
.
جسار بستغراب\مافهمت..؟العاجي ماغيرهـ..والد زوجتك..؟
طارق بآبتسامه\مقرن ماغيرهـ..عدوك اللدود..!
جسار بمفاجئه\يعني هي زوجتك بنته..ليه ماكان لي خبر من قبل..؟
طارق من دون اهتمام\واذا صار عندك خبر..؟
جسار يتراجع على الاريكه آبتسم\وكيف ممشي أمورك..معهمـ..؟
طارق\عادي..مع انهمـ ماعندهم خلفيه عن صداقتنا..وهم آساساً قرايبي من ناحية النساء...
وقف جسار من جديد وآتجه لشباكـ..\فاصل صداقتنا عن الي آكتبه يا طارق
طارق بـصدق\آفا عليك يابودرر الكلام هذا مايجي منك..
جسار بـسؤال\تعرف ان مقرن جالس يسوي لي حرب نفسيه وماديه لكن مايعرف جسار زين ..؟
طارق\وش الموضوع بضبط..
جسار\منسحبين اكثر التجار الي يسون اعلانات هنا معارضه لكلامي الدائم عن مقرن وامثاله..
قلب طارق مقالة جسار..اللي كانت بين ايديه بـ الجريدهـ...
آبتسامته تعانق وهو يقراء المقال...
والله وآرتفع سعرك يا الطماطـ..!
جنون الأسعار..شملتك يا الطماط..؟
من قدك...؟
نافسة الحديد فـ زيادة الأسعار وجنونها..!
عادي..؟
مافي آحد آحسن من آحد...؟
وش الحديد يزيد عنك في شي..؟
همـ نفسهمـ التجار الشجعين الي يمسكون المواطن وهااات يـ ريااااال...
آساساً الريال اليومـ ماتحصل فيه شي..!
مسكين يا الريال..؟
مالك نسب ولآ قرابه ترفعك..؟
مالك الا تدعي ربك..في آخر الليل ..
وترسل سهامك لباب الي ماعترف بكبير وصغير...
وترجيه يرجع يرفع أسمك من جديد..؟
تصدق ماعاد لك قيمه ..؟
ضاعت هيبتك يـا ريـــــال....!
ياخسارهـ..!
علبة بيبسي ماتجيب..؟
حتى البيبسي ترفع عليك..؟
ماعلينا...
نرجع لطماط..!
ياطماط هي غيره والا غيرهـ..من آرتفاع سعر الحديد..؟
نصيحه مني راجع قرارك..؟
مالقيت الا تنافس الحديد..؟
ياطماط أنت طالع من التراب وهو منزل..؟
كيف يرتفع التراب للي منزل ..؟
شي عجيب..؟
ياحديد..!
ترفق فينا..؟
ترى حتى الطماط غااااار...!
بقلم، جـــــسار الراسي
آبتسمـ من جديد\لآتهتز ولآ تميل...ترى المشوار قدامك طويل..و..ياسر في الطريق والله يستر منه..!
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
العاجي..
مقرن\منير ..آعقلي وش ها الحكي..!
مناير \مابردة حرتي الى الان من ياسر..آجل يذبح القتيل ويمشى مع آهله في جنازته ..يبيني أخطب له وهو مزوجن رجلي..؟
لآ..
ومعصي..
من ..
ثمـ معصي...
وان رحت والله لحط الي ماينحط فيه..ولآعلي منه ولآمن عمه من وراهـ..
آجل يبيني أخطب له...
والله ان حتى شغالتي تكرمـ منه..!
مقرن بحده\تخسين..ماعاد الا ها الحكي ينقال في ولد عبد العزيز وانا عايش...
مناير بعصبيه\ايه بنت الناس على العين و الراس ..وبنت العم خلها مداس.. وش يهمك ياعمي ..وش يهمك مانحرق جوفه الا انا ..وماسهر ليله الا عيني.. والا انت أولي وتالي.. بتروح مع ولدك علي.. والا انا ياخلاف علي وعلى شبابي الي ضاع مع بتال..
زيني و جمالي كان مطلب القاصي والداني..
وماتركتني اتوفق مع غير ولدكـ كان الحين مدلل هـ ومحشومه ..ماهو متزوج علي ثنتين ..ومحذوفه الحين مايدري عن هوى داري..ماغير يداري شمعته بنت منهوبين الجد لآتطفي عساني اسمع ونينها من ورى سلك المغذي قريب..و..ونينه فوق راسها يبكي عليها..
مقرن يمسك رأسه والصداع اجتاحه\الحين من فتح موضوعك الله لآيربح عدوك..الحين اقول لك بخطب لولدي ياسر وانتي تقولين انا وبتال..ماعلي منكمـ عساكم ماتقومون..أهم شي عندي ها الي ماهقيت مرجاعه..الظبي يابوك ماتكلمي..وراك ساكته..
الظبي بابتسامه\خلآص يا عزي و نبراسي اليوم بنسوي لهم زياره ونخطب ..لآيهمك...
مناير\روحي بلحالك..آنا مـاراح اروح..خطابه اخر عمري عند ولد عبد العزيز..آبد.أبد..
الظبي با بتسامه\بيهديك ربي ان شاء الله..هدي هدي..وراك شاده اعصابك..!
مناير\ياعميري بس..لو آنه آنتي معرس عليتس كان مفزعه الي في القبور..من قشرك ..روحي بس لحالك..لو يقوم طلال العاجي من قبرهـ ماني برايحه..الله من زين العوينات اخطب له..آبشرك بعد ياعمي ماالله موفقه..نيته ماهي بصافيه والي نيته ماهي بصافي ماالله بموفقه...؟
مقرن بعصبيه\وجع يوجعك لاتفاولين على ولدي ..قومي..قومي فارقيني قومي...لآبارك الله فيك...
وكز مقرن..كتف مناير بعصاهـ..لتقومـ بحدهـ\قايمه قايمه..غير ماربك بموفقه الي يسعى في عرس الرياجيل المتزوجين....!
مقرن\آلخلا..آلخلا ..!
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
دخل الجناح الهادئ..
ورائحة الورد تعبق بزوايه برقه...
وأنارات هادئه تزينه...
آبتسم..
وقلبه يسابق خطواته..
يبحث عنها ليودعها ذاك القلب...
نظراته توقفت برقه...
على القابعه بجهة اليسار..من السرير...
آقترب بهدوء...
وعينيه تلتهم التفاصيل الصغيرهـ..
جلس على ركبه ...ليشد برقه..يدها الرقيقه
فتحت عينيها بخوف..
من ثم هدئت..\معليش غطني النومـ..تبي آجيب لك شي..
وضع يدها الناعمه على صدره وبهمس..\ غمّض عيونـك .. ثـم قـرّب يدينـك .. !!
ابيك تشعـر .. كيـف يشعـر .. ضنينـك !!
لا دورك .. بيـن المحانـي .. والاهـداب !!
.
.
آمتلئ وجها دم أحمر قاني خجول تعطر به طهرها..
دسة خصلات المشعثه قليلاً من آثر النومـ.. وراء أذنيه وهي تأخذ وضعية الجلوس...
ببحه\ياسر معكـ...؟
آبتسمـ وهو يجلس بطرف الأخر\لآ...
فلك تهمـ با الوقوف \آحضر لك شي خفيف ..؟
آمسك معصمها برقه\بروح بيت أبوي الحين..وبآكل هناك..بس جيت آتطمن عليك..وآشوف اذا تبين شي..لآني بنام عند مناهل..وياسر بجيكم الليل..
.
.
آه..
آي قلباً ينشطر الان..
وهو يعلم علم اليقين..
ان لغيري فيك نصيب..
يـآآآ
صبراً
اليس فيك لرجولة باباً..
آناديه..
فتنتخي فيك الرجولهـ..
فيأتي ملبي لي..
آرجوك..
آفرغ ..
معانيك كلها..
على ذاك الذي لآيتوقف بحبه..
آجبرهـ يركن للهدوء قليلاً...
آغار عليهـ..
من نسمات الصباح الباردهـ..
و
من همسات الليل الدافئه..
آغاااار..!
كلمه آخرى آبحث فيها عن سراديب المعاني..
لـ تقارب ما يخالجني الان..
شي آخر..
والم آخر..
ومراً آخر...
آمرتان..!
وانا
الثالثهــ
يارصيف الصبر..
كيف تسوقني تلك الأضلع العاشقه ..له ..و.. لرصيفك تجهل..
لآ..
آحتمل مشاركتي فيه..
ولآ
آحتمل..البعد عنه..
كمن..
آبتلع الجمرات بجوفه..
فـ آحترق..
.
.
بتال\عن آذنك..
آرتفعت آعين فلك بـضيق لبتال الواقف بجانب الباب ويودعها بـابتسامه..آكتفت هي بمبادلته
بآخرى لكنها باردهـ..فقط ليخرج سريعاً..
فـتفرغ مافي جعبتها من الدموع ..على وسادة لملمة المـ..!
فهي ماعادة تحتمل مشاركة آحداً فيه..
لها..
ولها وحدها..
هي آولى الحاضنين لذاك القلب..
ولآ
يمكن ان يفتح آبوابه
لغيرها آبداً..
لها ولآتسمح بمعانقة حبه لأي كان..!
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
العاجي..
طارق بعصبيه\آنتي الحين ماتقولين لي..؟من آسبوع ماده البوز وماتكلميني مثل العالم والناس..؟
آنزلة عطرها على الطاوله\ليه ماتدري..؟
طارق\لآ والله نوريني ..لآيكون تبعات الاستراحه..والبزر ..
آرتفعت لتقف مقابله له تماماً\بزر..! لآ..ماهي ببزر ..هذي الله يسلمك مخططه على ثقيل..والي مخططه نفس تخطيطها ماهي والله بزر..
آجل تقول لبنت خالتي فريدهـ ..
والله لآآخذ طارق..؟
وان مايليق فيه الا انا..!
آنا الي استاهله.. وانا الي بهنيه ..وانا الي بجيب له العيال..!
من هي أساساً عشان تقول ها الكلامـ..؟
وش ها الثقه الي تركتها تطاول الظبي..
انا الظبي..
تجي هاا المراهقه وتقول هـا الكلامـ..
لآ
لآ
ماحكت ها الشي الا شايفه منك القبول والاشارهـ..
والا هي داريه واثقه انها ماتقدر توقف قبالي..
لآفي الجمال.ز ولآفي شي ثاني ..تقدر تنافسني فيه..
وش له ها الثقه الزايدهـ...
الا هي شايفه الاوكيه منك ولو بنظرهـ..
انا الي العب الناس في ميداني..
تجيني هي تبي تطردني من مكاني..!
لآ
والله لآخليها فوق راسها هي وآمها...
واذا ماوقفهمـ خالي ..
ودبر آمر حرمته وبنته ها الي مافقشت لسا من بيضتها..
آنا..ألي بوقف قلة الادب هذي ..ويا انا ..ياهم ..في المجالس ..
خلني آشوف..بتميلح هي وامها وين عندكـ..
طارق بعصبيه\والله ياظبي ..والله..لو ادري انك داقه على خالي وقايله له شي..آن يصير شي ..مايسرك ولآهو ببالك...
الظبي بحدهـ\دقيت عليه..ودق لي الصدر..وش بتسوي..؟حق من حقوقي ادافع عنه..
ومايلحقني كلمه فيه من آحد...
طارق يمسك ذراعها..\أتأكد من السالفه يا الظبي اتأكد وساعته لآتلوميني فيك..
دفعها بقسوهـ لتسقط على الاريكه بجانبها...
شرع الباب بحدهـ...
ونزل الدرج بخطوه درجتين...
وهي تبتلع علقمـ الغيرهـ..وتتجرعه..
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
آنتظار...!
آنتظآر..!
آنتظآر...!
آغلق جواله بعصبيه والقاهـ بكرسي السياره الجانبي..\من تكلمـ هذي..؟
_عنـــآآآد..عنآآآآد..بابا..عثير بارد ..
التفت عناد بـحنان\رعودي..طيب آتركه يدفى شوي..
رعد بشبه بكاء\آبي آكل..
عناد بقلة صبر\عندك البطاط كل ..؟
آنتقلت آعينه لشاشة الجوال وهو يعلن عن رقمـهآ..
التقط السماعه.. بثقل\مرحبآآ
من ثم آردف بعد ان سمع صوتها في الرد..بعجاله\
من كنتي تكلمين ..وتاركتني آنتظار..؟
ملوكـ برقه\عمي بتال..هو الي كان معي في المكالمه...
عناد بحدهـ\عمك بتال..!تكلمينه آنتي دايم بـجوال عادي..؟ليه وينها عمتك عنه..؟
ملوكـ بستغراب\عناد..هد آعصابك..بتال مثل عمي..و..عمتي كانت نايمه وقلق عليها لما ما ردت..؟
.
.
.
.
شعر عناد بـحرج يبتلعه..
ولمـ
ينقذهـ من ذاك الشعور...
الا صوت رعد الباكي..؟
.
.
ملوكـ بهدوء\عناد لو سمحت..آنا ماعرفك آبد..راع ظروفي الحاليه..ولآ..يكون آول مكالمه بينا تحقيق..؟
عناد بـحده\مافهمت عليك..يعني لآتسئل ياعناد عن شي..!
ملوكـ قطعت طرف الحديث وبرقه وبخجل\آنت شكلك اليومـ مو رايق..من صوته الي جنبك..؟
عناد كتمـ غيضه\ولدي رعد..؟وآنا قريب منكمـ آحتمال آمرك في موضوع ضروري..؟
ملوكـ صمتت بآحراج..
وآقفله هو الخط بتوديع سريع..
.
.
قلة حياء..
تكلم زوج عمتها وتقول راع ظروفي...
ياكثر الاشياء..
الي لو آعدها في ملوكـ ماحبيتها...؟
لآزمـ
لها آعادة تأهيل
ومن جديد..!
.
.
رمت الجوال
وآعصابها آنفلتت بوابل من الهذيان..!
هذا الي أساساً ناقصني...
رجال يشك..!
وغيره ..!
ناقصني انا ..
.
.
فتح الباب فلك وبتثواب\وش فيك تكلمين روحك..منهبله ..ولا..داخلك شي..؟
ملوك بعصبيه\هـا المجنون الي خذيته..يحاسبني على مكالمه من عمي بتال يطمن عليك يوم مارديتي على جوالك..والله مافي شي ناقصني الا مريض با الشك..شي ماينطاق..
.
.
رمت نفسها على السرير لتتمدد وتكتمـ غيضها منه..
رغمـ آشتياقها لسماع صوته..!
فـ ..هو لمـ تصبه خفة الشخصيه..كاعادة الخاطبين الجدد..
بـل ثقل شديد جداً..
من آسبوع..لمـ يتصل ...
وعندما آتصل..سكب عليها وابل من الاسئله التي قتلة شوقها لصوته..
فلك بضحكه\ياهو مزيون يذكرني بحقين الابيض والاسود الجمال الرجولي..!
حركت ملوك رأسها بآسترجاع من آلآحلام الورديه التي تلف فلك..وآردف\وين كاميرات الاستشعار لقطته..
بخبث\من شباكي الجميل..!!!
.
.
.
بيت الدايس..
آم عساف بآبتسامه تشير لظبي ومناير ومناهل بـ الجلوس مرحبه بهمـ..\يآهلا وغلآ..حياكمـ الله ومرحبا فيكمـ..آعذروني الي مايعرفك يجهلك لكن آنتمـ آي جيران بضبط..
الظبي بـ ابتسامه صافيه\الي قبالكمـ..مقرن بن عبدالعزيز العاجي..وآنا بنته وهذولا حريم ولدهـ بتال..
آبتسمت بحب صافي\يامرحبا والله ..والنعمـ وسبعة آنعامـ بـ العاجي..آشهر من نار على علمـ..
الظبي \ماعليك زود يا الغاليه..آعذرونا قل الوصل بين الناس وماصار الواحد يعرف جاره الي قباله..
آبتسمت ام عساف وهي تناولها الضيافه\والله الخطى يشمل الجميع..لكن الله يعين ظروف ها الحياه ماتخلي الواحد حتى يوصل أرحامه..ياهلا والله ياهلا فيكمـ...
مناير بضيق تكلم الظبي بعدما رجعت ام عساف تأمر الخادمات بـا العصير يقدمونه..
مناير بهمس\ياكثر بربستها وهذرتها..آنتي بعد لآتبربسين مثلها..عطيها الزبدهـ وقولي لها نبي نشوف البنت..عساها تجي مايقبلها آنس ويعافها الجن من شينها وتطيح بكبد ولد آخوك..
الظبي بهمس صارمـ\مناير جملينا بسكوتك..زيارتنا ماهي خطبه نبي نشوف البنت يمكن ماتعجبنا..!
مناير\آيه هين هو مرقمها مرقمها ..بيخطبها او لا..خلآص درى ان في ها البيت بنت والله ماتسلم منه لين ياخذ رقمها..خبز آيديني وآعرفه..ما والله عرفت له الا بنت منهوبين الجد عطته على قفاه بعد ماشبعت منه ومن الي في جيبه..
الظبي\مناير آسكتي وآحشمي ياسر من حشمة ابوه دامك كرهتيه..خلآص استحي اسكتي المره جايه...
مناير بتمثيل ابتسامه \يا الغاليه وش آسمـ آكبر عيالك عشان آناديك فيه..؟
ام عساف ببحه\عساف..نادوني بآم عساف..
مناير بمداخله سريعه قبل الظبي\وماعليك الاعساف وين الباقين ماشوف آحد..ماشاء الله البيت هادي ولآآسمع فيه حس..الله لآيضركمـ..؟
ام عساف تجلس وبهدوء وابتسامه صافيه\علي غير عساف..رهف الله يخليها لي..وآحمد الله يرحمه..
مناير بحزن\ياسبدي سبداه..صغير يوم مات والا رجال..؟
الظبي مقاطعه لـ مناير قبل ان تفتح آحاديثها من ثمـ لآياتي مجال لآغلاقها\الله يرحمه..وينها رهف..؟بنشوفها ونتعرف عليها..؟
آم عساف بآبتسامه\شوي ونازله يا الغاليه..تو..آناديها
مناير\ياسبدي بس عليكمـ الله يجبر قليبك فرق الضناء غالي..ايه والله غالي ماقول الا الله مسبب الاسباب موته فيه رحمه له ..وآن شاء الله تلقينه يسبقك للجنه ..آيه يافرقا الضني ايه..!
آم عساف\الله يرحم آحمد..ويرد لي كل غايب..
الظبي تحد النظر في مناير كـ تلتزم الصمت ..
ومناير تبتسم لظبي متجاهل تحذير النظرات وآوامرها..
مناير\متزوجه والا خاطبه..؟بنتس رهف..؟
ام عساف\لآوالله مالله كتب لها الى الحين..؟
مناير بمكر\ابرك لها ياختي..؟وش ها الشباب ..؟ماوراهم الا الصياعه ومغازل الحريم والاسواق..الواحد ماعاد يستحي على وجه..خليها بس تستمتع بشبابها ولاحقه على العرس وغثاه..
آبتسمت آم عساف وظلت صامته..
والظبي احترقت بمكانها من آسلوب مناير وحديثها..
ماهي الا دقائق لتطل رهف بترحيب لهمـ...
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
بيت الراسي..
سيوف تلبس درر تأخذ الريموت وبحده\درر وبعدين معك ليه ماتسوين مثل حبيبتي وسن..؟
وسن بـتهكمـ\عادي ماما هي نفس عمي عناد..عنيدهـ..
درر تدخل في نوبة بكاء محمل بموجه كبيره من الدلع..
ليدخل في هذه الاثناء جسار وبستفهام\وش فيك..؟
لآ جواب من درر بل مستغرقه بـ البكاء..
جسار بصرامه\قلت لك وش فيك..آسكتي وكلميني..؟
درر بصوت طفولي خائف\ماما تبي انام..وانا مابي...آبي اشوف سالي..!>>اه ياسالي=(
جسار آنزل شنطة الابتوب..وطبع قبله هادئه على خد سيوف وجلس على الاريكه با القرب منها..\طفي التي في وتعالي لي انا ابي اسولف معك..وان لحقك نوم زين..!
درر تمشي لوالدها بدلع لتسابقها وسن بطفوله وتتشبث بآذرع جسار المبتسم لكليهما..
تراجعت درر بـحنق\هو قال درر..ماقال آنتي ..!
وسن بطفوله متجاهله لدرر الحانق لحد لاحتراق..
سيوف بعصبيه\درر دلعك هذا الى وين با الظبط..تعال يالله سلمي على بابا وسولفي شوي وبعدين خليني آنومك يالله..
جسار يراقب تصرفات درر الغريبه\درر بابا وسن آختك..كل واحد احبه نفس الثاني ليه تسوين كذا تعالي..
رمت نفسها درر بعصبيه على الارض واطلقت صوتها بصراخ حاد وموجه من البكاء الغير مبرر ظاهرياً..
جسار بصراخ\وش تسوي هذي..؟
سيوف بحقد\من دلع اخوك فيها ماتبي اي احد يشاركها فيك ولا في عناد ولاحتى فيني..ذابحها الدلع..الحال هذا مايعجبني ابد لازم آربيها ها الي ماتسمع الكلامـ..
وقفت سيوف وبحدهـ سحبيت يد درر لغرفة درر و وسن وهي تتوعدها با العقاب..
وسن بطفوله\بابا هي ليه كذا..؟
جسار بستغراب\مادري يابابا بس الي أعارفه ان اختك هذي آخوي عناد بضبط..
.
.
خاطرك هذا مسوي بي سوايا
كلما قالوا عشانه..!
قلت قدام..!
.
فلك ببحه\تراه تحت..!
هزت رأسها ملوك بصمت من ثم نزلت من السرير..
وهمت بخروج..أستوقفتها يد..فلك..\وين..؟بتروحين له كذا...
آرتفعت عيون ملوك لجهة المراءه...لتلقط عينيها الذابله..
ملامح الحزن على وجها..
وقميصها الأبيض..
و شعث شعرها..
آستدارت لفلك..
وهي ترتب شعرها بملامسة آطراف أصابعها للخصل متمردهـ.. \كذا آحسن..ولآتبني البس فستان واطق التسريحه..واحط له فل ميك اب..!
آردفت بهمس\لآتقولين لي شي..ترى قلبي أحسه مية قطعه وقطعه...
آبتسمت بحزن فلك\مايبي منك الا الرحمه الحين..أنزلي لرجلك تحت...يالله ياقلبي لآتنتطرينه اكثر..
حركت جسمها بثقل لخارج الغرفه...
.
.
.
بصاله الفخمه..والذوق الرفيع المنتقى با الاثاث..
وعنصر الرفاهيه بأركانه...
الاريكه التي تتسم بطولها الجميل المخملي..بلون الاسود...
والخداديات المرمية بعشوائيه مرتبه بلون..
الاورانج..والرمادي...
من ثم الطاوله الجلديه البيضاء المتناثر عليها الاكسوارات الجميله..
عبث الالوان..بحرفنة فنان..خبير بتناسق المتضاد..!
عيون عناد المتقلبه بين الاثاث..الفخمـ...
وعنصر الثراء الواضح ببذخ بين أركانه..
تطرح مئات علامات الاستفهام في مخيلته..؟
كيف لتلك الاسرهـ الفقيرهـ...
ان ترتبط ببذخ باهم العوائل المعروفه برياض..على الرغم من التواضع
الشديد في مستواهمـ المادي..؟
آنتبه في غمرة حديثه بـ رعد يحرك الاكسسوارت الفخمه..
ويفتح علبة الشوكلاهـ المذهبه ..فايكتشف الكنز الثمين المخبئ...
من ثم يعتزم سرقته وأحتضانه بكلتى يديه الطفوليهـ...
عناد \رعد..لآلآ..تعال هنا بسرعه..يالله اشوف..اتركها وتعال..
العلبه بيد رعد..
وخطواته تتسارع لخارج الصاله..
وصوت عناد الغاضب\رعد..تعال..
توقف رعد فجئه...
وعيونه تعلقت بـ شخص واقف امامه..
نزلت ملوكـ لمستوى رعد وبأبتسامه خفيفه\الكاكو حق رعد..مو حق غيرهـ..صح رعودي...
آلابتسامه ارتسمت فجئه على فم رعد..\ثح..ثح..كاكو ..
طبعت بخفه ملوك وجنتين رعد بقبلتين..سريعتين..\رعد ريحته تدنن..تدنن..!
رعد أستدار لعناد وبهمس طفولي\تدنن..تدنن..
آبتسامه عابره عانقة شفايف ملوك وهي تقف وتمسح شعر رعد وخطواتها المرتبكه تقترب منه..\آسفه خليتك تنطر كثير..؟
آمتدت يد ملوك لتصافح يد عناد..
لكن عناد شد يدها برقه فـشد عودها الرقيق معه..
وطبع قبلهـ على خدهـا..
الحرج تملك ملوك..
والارتباك بلغ فيها حد الآرتجاف
.
.
.
مسحت الحزن على وجها..ومعانقتها لخدي رعد..
آشعرني بغيرة لم..أجد..لها مبرر..
حيائي الدائم وخجلي..
لم يقيدني معها..
ولم يستيقض من سباته الآ عندما عانقة شفتي خدهـا الدافئ...
فجن جنون حيائي..
وساق لي العتب على آحمرار وجنتيها...
لآ ..آدري..
أي غيمة بيضاء هي..
وأي حب دافئ لها أستوطن روحي فجئه وسكنها..
كعذوبة الماء في يومـٍ حاراً وصيفياً هي لي..
كـ لذة دفئ..
في صقيع بارد..
وزخات ثلجاً جليدي..
كطفولة بريئه..
كـ ورداً ربيعي..
وكـ هالة نوراً سكنت تفاصيلي بخجل ملآمحها امامي ..
آي تناقض يسكني ولآآستطيع ترتيبه..!
.
.
.
آرتباك ملوك وهي تأخذ كوب العصير من الصينيه الممدودهـ لها من الخادمه من ثمـ تمده له بحترامـ
غلفه خجلاً قاتل...
عناد ببحه\كيفك الحين ..ان شاء الله أرتحتي من ألاول..
آبتسامه باهته تعانقها وهي تهز رأسها وكئنه لم يقرعها بتحقيق قبل قليل ...بنعمـ...
يد رعد الممدودهـ لها بقطعه من الشكولاه...
ملتهم رعد نصفها..وببراءة اطفال يطالبها بأكل نصفها الاخر...
أبتسمت ملوك..وأرتخت بهدوء لمستوء رعد..
وفتحت شفتيها..ليدخل رعد برقه قطعة الشكولاه الصغيره..بفم ملوكـ..
عناد بأبتسامه\قلت أجيبه يتعرف عليك..وتعرفين عليه وتطلعين شوي من الجو...لكن باين انه راعي طويله..
آبتسمت ملوك \لآزين جبته..يهبل عناد..الله يخليه لك..حيل حيل نسختك..
.
.
.
لآ..
طريقتها في الكلام وفي موسيقى الحروف..!
شي آخر يجهله..!
دلع آنثوي رباني..آكتساها..من الله..وأبدع الخالق في خلقه..
حتى في نبرات الصوت ونطق الحروف..يظهر الرباني منها من غيرهـ...
بين ليلة وضحاها..
أصبح مفتون ..حتى بموسيقى الحرف من شفتيها..
لآيدري..كيف ساق المبرارات الغبيه في رفضه لها...
وهو من بعد روئيته لها وهي نائمه..
آقسم حينها..عشقه لتلك الرموش الغازيه لذاك الاسيل الابيض..وآلانف المتناسق مع جمرة الشفتين..
وأرتماء الحرائر السوداء..
ومعانقتها لذاك العنق الابيض..
.
.
.
نظراته المتفحصه لها وسرحانه فيها..جعلت ملوك ترتبك أكثر من تلك العيون..
فآتشاغلت بملاعبة خصلات شعر رعد الجالس بقرب من قدميها...
ببحه\ملوك..مرتاحه هنا..ولآ متضايقه..سألتك بالله تقولين لي الصدق..
أرتبكت ملوك وهي ترفع عينيها بعيني عناد\لآ مو متضايقه..
.
.
.
تلك الاهداب..!
حقيقه.!
طيلة الايام الماضيه..أكاد اقسمـ..بأنها غير حقيقه..؟
لكن اليومـ..أقسمـ..ببرائتها من اتهامي...
.
.
.
آنفاسي تكاد تهرب مني ويستوطن الاختناق روحي..من الارتباك..
ماتلك الوسامه المتفجرهـ..فيه..
لأأول مرهـ..أراه هكذا..بذاك القرب الشديد...
ملامحه..!
يالله...
عينيه الواسعه..
من ثمـ شي يشبه الذوبل بنهايتها والنعسان يستوطنها برجوله قاتله..
ملامحه قاتله وتمتلك اي شخص يشاركه اطراف الحديث لدقائق معدودهـ..
فما مصير من سـ تشارك الليل والنهار..!
آكاد آجن من فكرة آقترابي الشديد هكذا منه..
آنصهار...واحتراق..من تلك الملامح لابد..
.
.
.
ملوك بأرتباك\عناد..من بعد أذنك بفتح معك موضوع..؟
آبتسم عناد وأستمع بشوق..لموسيقى الحرف الأسره\تفضلي..
ملوك\زواجنا..آبيه عائلي من بعد أذنك..
أبتسم بهمس\انا جايك اليومـ بخبرك فيه..وسبقتيني..من يومين وانا مشاور الاهل وموافقين ..
دست الخصله خلف اذنها بتوتر...
عناد\هآ الاسبوعين مناسب لك..
صمتت لدقائق..من ثم\مابي آي مظاهر حفل الله يخليك..
وقف عناد وبأبتسامه..\ أنا اساساً ماحب الحفلات والعروس..العروس بذات اكرها..يالله ان عندي موعد مهم يالله يمديني ...يالله رعودي نمشي..
وقف بسرعه رعد وعلبة الشكولاه محتضنه\يلاااا عناد..
عناد بأبتسامه\وش يلااااا..نزل العلبه بسرعه...
ملوك بضحكه\لآ..وربي ماينزله..بيروح فيه..
عناد وعينه على رعد المتعاند\طيب روعدي..طيب..!
.
.
.
عند الباب ..
وألاضائات السور الجميل المتناسق تعانق الورد الصغير المزورع ..
عناد يفتح محفظته ويخرج 3الالاف ريال..\خلي هذي مصروف بيدك ها اليومين..لما آقدر أشوفك مره ثانيه..
ملوك برتباك\لآلآلآ عناد..انا والله عندي ..
عناد بصيغة الأمر\آخذي ها الفلوس..آنتي مرتي الحين..لآتقولين لي لآ..وخاصة في مصروفك...هذا حقك..
.
.
بعد آكثر من عشر دقائق..
توقفت سيارة ياسر آمام بوابة فلة خالته الفخمه وعينيه تراقب بستفهام رحيل سيارهـ من النوع الثمين ..و..الثمين جداً..آستغرابه وصل آقصاه وهو يبحث عن تفاصيل تلك السياره بذاكرته واين مرة عليه..؟
لكن الان مالذي كانت تفعله هنا..؟
.
.
نقف هنا..
السبت موعدنا اذا كتب الله لنا عمر ..في بارت أنكسارات الشموخ...
همسة محبه..\حكم النمص..؟
قال العلامة محمد بن عثيمين ـ رحمه الله: ( حكم هذا - أي النمص - أنه من كبائر الذنوب، لأن ذلك نمص، وقد ثبت عن النبي أنه لعن النامصة والمتنمصة، ويدل هذا الفعل على قلة الدين، وعلى ضعف العقل أيضاً وإلا فما الفائدة أن تقلع الشعر ثم تضع بدله خطاً أسوداً تلوث به جلدةَ وجهها مع كونه مشوهاً للوجه أيضاً ). روى البخاري عن عبدالله بن مسعود قال: { لعن رسول الله الواشمات والمستوشمات والمتنمصات والمتفلجات للحسن المغيرات خلق الله تعالى }. وعن عائشة رضي الله عنها قالت: { كان النبي ينهى عن الواشمة والواصلة والمتواصلة والنامصة والمتنمصة } [رواه أحمد].
ارسم لي سما .. بكذب على نفسي و أطير
و ازرع لي بصدري سحاب .. وغمامه
لولا الفضا / ما تم حلم
العصافير
ليه أنحبس ! ما دام صدري ( حمامه ) ؟!
ليت السما تحضن هموم
المساهير
زي ما حضنت هم الليال و
ظلامه .. !
لو كان في صدر المسا دم
و ضمير /
ما عذب عيون صحت .. ما
تنامه !!
ظنيت بك يا ليل ظن المخاشير
الي يزيحون النكد ب ( إبتسامه )
!
وجيتك تواسيني / لقيت أكثري ( طير )
و كنك ( قفص ) يصعب علي
اقتحامه !!
خذني على قد العنا والمشاوير
و كاني وصلت ل شي : وين
السلامه ؟!
خذني بشر / لكن بشر دمعته :
غير !
لو طاح دمعه / مايطيح مقامه
..
يا خير ! هو وعدك متى ؟! كان به
خير !
مت انتظر ما شفت غير الندامه !
و الوقت لانفاس الوله شخص
ضرير
مادل شرهاتي و كبر الملامه !
الي تركني ( لي ) . . وخلاني
كسير
قولوا له إني ما تحمل خصامه
..
راح و تركني بعين حزني / كبير
و مابه سوى دمع عجزت
احترامه !
لو كان لذنوب المحبين تكفير ؛
كفرت ذنبي ب ( ارتكابك ) ..
مدامه :
ثقل الخطايا تدمحه سجدة /
حقير ؛
من نفس مليانه ( ورع )
واستقامه !
يرسم على وجهي الخطا ( طفل
صغير )
تخفي براءة دمعتيه : اتهامه ...
ويطيح من عيني ( أمل ) شوفته
: مير
ترفعه في قلبي معزة غرامه ..
و يوم إن جنحي تكسرت / قلت
لي ( طير ) ؟!
ما طار غير الفرح وقت
انسجامه !
و يوم الأمل فيني طفى ! .. قلت
لي : خير ؟!
كل الخير / و الحظ الردي في
تمامه !
يا ( موووت ) تكفى ( ضمني ) /
ماني صغيير !
شف للشقا في وسط وجهي (
علامه ) !
خل السما ( تابوت ) .. ماعدت
ابآطير
مابي أعيش العمر كله ندامه
.
لآتلهيكم الروايه عن دخول وقت الصلاه..
.
.
.
بعد آكثر من عشر دقائق..
توقفت سيارة ياسر آمام بوابة فلة خالته الفخمه وعينيه تراقب بستفهام رحيل سيارهـ من النوع الثمين ..و..الثمين جداً..آستغرابه وصل آقصاه وهو يبحث عن تفاصيل تلك السياره بذاكرته واين مرة عليه..؟
لكن الان مالذي كانت تفعله هنا..؟
متأكد ان تلك السيارهـ صاحبها كان ببيت..؟
لآ مفر..
فـ الفلل من هنا متباعدهـ...؟
آآآآ....يعقل.؟
نزل على عجاله..
حتى سيارته..
نسى آقفال آمانها..
لآيصدق..!
لآيصدق..؟
لآيصدق...!
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
بـ الجانب الاخر...
ملوكـ تسارع الخطوات بـ الصاله لتستقبلها فلكـ...وآرتباك ملوكـ بدى وآضح على تقاسيمها..
فلك بــحس فكاهي لآيخلو من الضرب تحت الحزام\يالبى الرومنصيات الي سمعتها مع الدرج ماعاد تستحين هذا انتي تبين العرس بسرعه وسكاتي ..يمه منك يمه..!
ملوك بـرتباك\عمتي..لمحة سيارة ياسر من البوابه لآنها شبه مفتوحه..ياسر هنا..
صوت ياسر حسمـ الامر بآدلآلفه للباب وآعلاء صوته بـ\يآآآولد..!
شدة فلك ملوكـ لصاله من ثمـ آقفلت الباب وقبل آقفالها..بصرامه\لآتطلعين مهما سمعتي..؟
.
.
.
دخول ياسر السريع لمـ يعطي فلك حتى فرصة الاستداره الكامل لهـ...
ياسر\السلام عليكمـ...مساك الله بخير ياخالتي ..
قبل رأس فلك وهمس بحب\مشتاق لك ياريحة آمي ..
آبتسمت وهي توكز صدره بخفيف\دق قبل..او..وقف شوي على الباب لآ عاد تدخل كذا..؟
همس بستفهام\ليه كان عندكم احد قبلي..؟
فلك برتباك\ نآس وراحو في حال سبيلهمـ..
تقدمته بخطوات ليشد معصمها برفق ويعيدها له..\من ها الناس..؟
فلك تحاول آفلات معصمها برقه\ناس مايهمونك تعال بس في الجناح الثاني..مجهزه لنا قهوه وحلى...
شد معصمها من جديد وبصرامه\آنا الي آحدد يهموني ..او ..لآ...؟من الي كان عندك قبل شوي...؟
فلك بستغراب\ناس مسوين زيارهـ..وشفيك..هدني شوي..؟
ياسر بحدهـ\آهااا..الي هم ..؟ها الناس مالهمـ آسم..؟السيارهـ هذي شفتها قبل ببيت خالي فهد الله يرحمه..؟من هي له..؟
فلكـ بتوتر وتحاول آضاعة الموضوع\مرسلك بتال لي تحقيق انا عارفه هـ الشي..! هو مايوثق فيني مادري وش يحس فيه..؟ يحسسني دومـ بشعور ناقص..يالتني تميت عندك انت وآخوي الله يرحمه ومارجعت آحس انه دوم مراقبني..!!يآآآآسر أأأ
قطع حديثها ياسر الكاذب\لآتلفين علي وتدورين كل الكلام الي قلتيه تو تبين تطلعيني من الموضوع..كلمتين ورد غطاهمـ...الي قبل شوي كان خطيب ملوك..صحيح كلآمي او لا..؟
فلكـ بآستسلام\آيه...مسوي زيارهـ لـ خطيبته....!!!
.
.
.
شوكاً من الحب..
آجبر نفسه على المشي حافياً على بساطه..
غصة غيرهـ..!
تستوطن روحه ..
وتعبث ..وتعبث..وتعبث...!
ناراً وعروق..؟
آي جسداً يصبر..؟
واي ..عروقاً عاريه...
مازالت تنبض ..؟
حب لتلك الملوكـ..
الهاربه لغيرهـ..
والعاشقه لفراقه...
بل عشقاً حُرم علي..
لآ آطاله..
و
لآيتركني..
كـ
المعلق بين السماء والارض...
يراها اليومـ شخصاً اخر سواي...
وانا..
محرمـة هي علي..
وحلالاً مصفى هي له..!
آعانق نارها الان..!
امـ
تعانقني مشاعلاً من ناراً هي أضلع صدري..!
.
.
.
ببحهـ\خطيبها...؟
آردف على عجاله\وعمي داري انه هنا..؟
فلك برقه\آيه..لآهو عيب ولآحرامـ...بيحددون الزواج و...
قاطعها بهجومـ شرس\آيييييش..؟زواج...؟ماتستحي هي على وجها ابوها توه مانشف ترابه
وتبي تزوج..؟وطقطه وعرس..؟
ماتو الي يستحون.. و...الا مات الحزن في الناس..؟
قليلة الادب والحياء..؟
زوااااااج..؟
هذا الناقص والله هذا الناقص..!!
فلك بمقاطعه حادهـ\بس ولاكلمه...الحياء كاسي ملوك وانت آعلم الناس فيها..لآتجي الحين تخانق وتزاعق على شي مالك دخل فيه..؟
أيه بتزوج..
وتروح تنستر ببيت زوجها مثل باقي الخلق...
وأبوها مات وهو يبي ها الشخص لها...
لآتجي تفتي في الحياء والمساخه..؟
ماسوت شي حرام..ولآعيب...؟
تتباعد الانفاس عن ياسر وتتلاحق وبفورة عصبيته وحدته\ههههه..قال حياء...قال؟اكيد الي ماخذها قليل حياء وآصل مثلها...ولآ ليه ماقدر حرمة الامواااات..؟
فلك بحدهـ..و..وجع يعتصر روحها الان\آآآآآسكت...ولآ....كلمه...آآآآسكت..انت بعد مرتبط في قليلاً الاصل على قولك..؟
والله وبانت مواري العاجي فيك يا ولدهمـ...
ملوك ماخذت قليل اصل مثلك انت وفعولك...؟
ملوك خذت لها مكمل والكامل وجه الي مايضيمـ...
ملوك خذت ولد الراسي...عناااااد..!!
.
.
تبلد تماماً..
وهو يستمع لأسم الشخص..
من..؟
من أي عائله..؟
الراسي..!
حاله آخرى تملكته...
حزن..
يأس..
حقد..
فراق..
وجع..
مرارهـ...
آحسايس كثيره آختلطة الان لتذيقه من عذابها ..
كؤؤس وليس كأس..
.
.
.
.
.
هل ذقت وجعاً من قبل ياياسر..؟!!
لآ..
الوجع الان..
والمرار الان..
وعلقم اليآس .ـ الان...
تذوقه رويداً رويداً..فـ..الخيانه ..كـ لهيب الغيره الان...موجعه..
.
.
.
ياليته كان مجهولآ بنسبه لي..
ليت خطيبها لمـ آعرفه..
ودامـ جهلي به..
ليتني كنت متعلق بسراب آمل..
وان كان يستحيل تحقيقه..
مجهول..!
بينه وبين الكذب شعرهـ..!
آمني نفسي بنقطاع تلك الشعرهـ..
فيصبح كذب..
وهي لآتنتظر لهذا مجهول...
لكن..
تعلقة الان بـ شخصٍ ...
لآآعرفه ..
لكني لآ آجهله..
.
.
تراجع لخطوات قليله.. و..وجه يتخبط بملامح وتقاسيمـ آخرى.. وكئنه التقط الاسم الان بغضب\الراسي..!
قلتي الراسي..؟
فلك بخوف من شكل ياسر الظاهر لها بثورهـ لمـ تعهدها قبل ..صمتت بخوف لثواني..
ليشدهـا آكثر\قلتي ولد ..الراسي..؟
فلك بـآرتباكـ\آيه..ولد سطامـ الراسي..ليه وش فيكـ..؟
آبعدها \ولد الراسي..!من بين خلق الله ماخذت الا هو ..؟
تراجعت الخطوات للورى..
وشرع الباب معلن خروجه الكاسح..
ليترك فلك تبتلع غصة خوفاً..
استوطنتها من ملآمحه..
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
بعد ساعه ونصف..
.
.
الراسي..
جناح عناد..
عناد غارق بضحكه صافيه وهو يشد رعد لحضنه\نآآآمـ هنا يا دب..الله يقطع ابليسك امك وش تأكلك ماشاء الله..!
رعد متعاند تماماً وهو يحتضن جوال عناد ليعبث بنغماته ...
عناد بتهكمـ\وش البسك يادب..ماحسبت حساب نومتك الليله هنا..
حمل رعد بذراعه وتوجه لكبت وفتحه ليشد تي شرت لعناد..
آبتسم وهو ينزله ويبدئ في نزع بدلته\مالك الا تيشرتي ..مستحيل اخليك تنام بهـ اللبس الي كله كاكو يابو كاكو..
رعد بابتسامه\كاكو..كاكو..عناد..آبي..!
البسه التي شيرت على الحاحه با المزيد من الشكولا ..
ليرفعه عناد متجاهل توسلاته با المزيد..ويتوجه لـ السرير...
صوت فتح الباب وطرقات خفيفه خلفه وصوت ناعم \عناد انت نايمـ...؟
بثقل آمتلئ بـ الاستغراب\آدخلي شهد مانمت لسا..؟
شهد تدخل بـخجل وارتباك\نفسي اكلمك في موضوع..؟
طل رأس رعد من خلف مفرش عناد ليظهر ترحيب خاص بشهد ..وصرخات ترحيبه لآيفهمها سواهـ...
شهد بفرحه وهي تسارع الخطى \رعودي هنا الليله...أيا الدب..
حملته شهد ليعانقها رعد بحب ويطبع على خدها مئات القبل ..
شهد بصدمه\وش ذا..؟وش ها اللبس..!!عناد وش ملبس ولدك...؟
عناد بتهكمـ\تي شيرت عندي..لبسه وسخه..
شهد \عندي ملابس له كان قلت لي..
عناد بدون اهتمام\مو مشكله روحي لبسيه..وش بغيتي الحين..؟
شهد بحراج آنزلت رعد بحضنها وجلست على طرف السرير..
عناد بطرف عينيه متجاهل ارتباكها الواضح\فيه شي ضروري..؟
شهد\آيه...كنت ابي اكلمك عن ..!
صمتت شهد لثواني ..من ثمـ آبتلعت ريقها الجاف\ابي آكلمك بزواجي انا و رواف..عناد ااا..
قاطعها عناد بشدهـ\مابي هـ الانسان ينذكر اسمه عندي..خلآص تبينه خذيه انتمـ مافيكم رجاء الظاهر...خلآص خذيه راي مايشكل عندكـ انتي وامي اي آهميه؟
شهد ببحه\عناد لآتسوي كذا..؟لآتصير جاف كذا معي وعنيف..وبعدين يعني معك لوين بنوصل وهـ العلاقه الي بينا شد في شد في شد...عناد ذبحني وهدني التفكير..أنا ابي رواف
وانت معارض ..مابي اتزوج لي واحد..يكون احد من اخواني رافض ها الشي وبينهم خلآف ومتطاقين قدامي..عناد ارحمني لو مره الله يخليك..!
آفهمنــــــي..؟
.
.
آريدهمـ حولي..!
وذاك العناد بتحديد..
آريده بجانبي ...
رواف من آحب..
وعناد وجسار وريان همـ آخوتي..
لآيمكن ان آرجح كفة آحدهمـ
فآنا الخاسره الوحيدهـ...
ان خسرة احدهمـ...
.
.
.
ماتلك الرقه التي تخفينها ياشهد عني..!
آوا يهمك عدمـ موافقتي لتلك الدرجه..!
آو قد يكون ..يهمك امر رواف الى درجة ان قد تدوسين على كرامتك لكسبي ..
فـيصبح الزواج من دون مشاكل لذاك التافه الأمعه..؟
آقسم انه آمعه ياشهد..
وآنتي سـ تتجرعين الحزن معه آضعافاً ..مضاعفه..
فراستي لآتخطئ ابداً..
وذاك الرواف..
لآيرتقي حتى ..
الى ظل رجل..
.
.
.
عناد بصرامه\راي ماهو لآزمـ اذا تبينه خذيه..طفي النور واطلعي..وخذي رعد معك نوميه..
دخل عناد با المفرش وقطع الحوار با الكامل بوضعه للمفرش على رأسه...
هزأت شهد رأسها بيأس من ذاك العناد وآحتضنت رعد وخرجت..
لتخفي شيٍ ماء خلف تلك الاهداب؟
قد تكون دمعه منكسره..!
وكاسرها..
تجاهلك ياعناد..؟
.
.
.
مـا يجرح [ الصادق ] الا غدر من يامنه
لا جت من احباب قلبك ! لا تلوم السنين
.
.
.
العاجي..
الظبي&طارق
طارق بـحدهـ وصوته زلزل شموخ الانوثه هناك\آنا قلت لك قبل كذا يا الظبي لآ تنسين ان طارق الفهد رجلك..وآنتي تجاهلتي هـ الشي..؟وماكئني الا خروف تسحبينه وراك وين مايروح..!
الظبي بـتهكمـ..\ليه..؟البزر دقت عليك آمها تشكي..؟لآتطمن ماجاها الا الربع..؟
طارق بشدهـ يشد ذراعها..فـ يرفعها لمستواه\مالي دخل بـ هنادي او آمها...آنا كلآمي يمشي على المراه الي متهاونه بـ آبسط حقوقي..وهي ان كلآمي يمشي عليهااااا...
الظبي تحاول التملص لكن تفشل\آبسط حقوقي انا ماسمح لآي آنثى تطمع بزوجي وآظل اتفرج على مسرحيه نهايتها انا الزوجه الاولى...
صرخ \آناااااا بزر عندكـ...تروحين بعد وتكلمينها وتهزئينها بعد ماكلمتي خاااااالك..؟
الظبي بصدمه\آاآآآناااااا.؟ماااااصار...؟
طارق بعصبيه\توكـ تقولين ماجاها الا ربع..؟تلعبين على بزر..انتي..؟
افلتت يدها بـصعوبه\آنا قلت لك ماااااصار..؟آنت اساساً تدور الزله علي عشان ماجبت لك عياااال ...وتبيها اساساً من الله ومآآآآردك الا ماتخسر كل هـ السلطه والفخفخه الي ترافق اسم العاجي..
ضغط على فكها بصابعها ومن بين اسنانه\لآانتي ولآآهلك تهموني وماتسون عندي قررررش ....
آفلتها...لتمسك هي ذراعه بشدهـ..\هاااااا ...آلي يهمك هنادي وآمها ورضاهم وأنهم مايزعلون...لآياولد الفهد..لآ..تغلط في العاجي...مايبونك هـ الهنادي وامها الا تكسير روس وحلم مراهقه كبر...؟
وانت..انت..آسمك الكبير ماجاك الا من التجارهـ..والتجاره كيف جتكـ ..
لو ماالتجار عارفين انك نسيب مقرن...وزوج بنته الوحيدهـ...
والا كان تناهبوك نهب الكلاب للعظااااااامـ...
.
.
.
تلك الكلمه الاخيرهـ...قطعت الشعرهـ المشدودهـ بين طارق والظبي...!
.
.
.
شدها بقسوه وهي تعلن آنسحابها المذيل بجبروت العاجي..
ليلقي على ذاك الخد المصقول
صفعه..!
جعلتها تترنح للجه الاخرى وتسقط على الأرض بقسوهـ...
طارق بنفعال\ يا بنت العاجي..دامني بحسابك مجرد عظمـ ..فـ آنتي طالق وانتي محرمه علي ليومـ الدين...
.
.
.
طعمـ الشموخ عندما يغمس في وحل الحب المبطن بـكرامه...
طعمـ الم صفعة الشموخ..
لمـ..يكن..
بآقسى ..
من كلمته تلك..
.
.
.
لم تنطق بكلمه..
تركته يرحل..!
فتلك الصفعه...
عندما تلقتها...
هي ورقة طلاق دونة وسلمت...!
لآتقبل طعمـ الذل والانكسار...
ولآتركن الان للخسارهـ..
خسرتك..
طارق..!
فـليكن..!
مهما كان حبي لكـ نبعاً من الماء صافياً..
الا ..
مد يدك..
لآ..
تقبلها بنت كريماً ابداً...!
وأن كنت آخطئة..فـ خطئك لآيغتفر الان..
.
.
.
بخروج طارق كآن بتال يقف بممر ليتلقف وجه طارق المسود ويشد ذراعه بشدهـ\عسى ماشر ياولد الفهد..؟وجهك مايبشر بخير....؟
كآن آخر جملته...
القائه لنظرهـ للجناح المشرع ليتفاجي بـ آفتراش الظبي للارض ودموعاً تنسكب بصمت..!
بحدهـ\وش صار....؟
طارق بحدهـ\آسئلو بنتكمـ....!
نفض يدهـ..
ليترك يد بتال تسبح بـ الهواء ..
ويخرج..!
بتال سارع الخطى لظبي المفترشه للارض..
ويدها تعانق خدها..
وبكاء مرير ..
يعانق الصمت بروحها..
تلك الروح المعانقه دائماً للكبرياء..
تلك الروح الساقطه الان من علو العاج..
تلك الروح الان المتشبثه..بصدر بتال ..والغارقه الان بـ دموع
بتال بـحده وهي تعانق صدرهـ.. وهو مستند بجلسته على ركبيه بقربها..وبكاء مرير يعانقها..\وش صار...؟وش صار... علميني..؟
.
.
.
بـ الجه الاخرى....
مناير المراقبه دائماً لتحركات بتال...
كانت تسارع الخطى بحثاً عن مقرن لتخبرهـ بحالة الظبي..
فهي تنبئة منذو رؤية طارق خارج وبتال يستفسر منه وذاك متجاهل تماماً له..
من ثم دخول بتال على الظبي المفترشه الارض والبكاء الذي يعانقها...
ان شيً ما حدث...وكبيراً جداً
طلاق..
آو
ضرب...
او..
الاثنان معاً...
لتنصدمـ بتواجد ياسر بمنثصف الدرج...
آحكمت وضع الشرشف عليها..
وبسرعة في تسابق الحروف\ياسر ياعميري الحق على عمتك الظبي مدري وش مسوي فيها ولد الفهد..؟
ياسر..التقط فقط كلمات( الحق على عمتك) ليصرخ بـمناير \وينها فيه..؟
مناير بخوف ورجفه من آسوداد وجه ياسر\بحناحهااااا مع عمك...؟
قطع ياسر الدرج بخطوات لم يحسبها.. ليصبح فجئه امام باب جناح الظبي..
ويرى منظراً ابداً لم يعهد من الظبي...
.
.
كل الشموخ المرافق لها دائماً
الان..
لآوجود له..
وبكاء مريراً..
وشكوى كبيره على صدر بتال...
ودموع سنين من التحمل لكلام الناس عن عدمـ آنجابها له..
وكلآم آخر كثيراً..
تبثه اي انثى في حرقتها لآخيها...
وبتال كلماته كانت فقط..
تهدئه..!
تهدئه..!
تهدئه..!
.
.
طارق..!
يتجرئ..!
على ماذا..؟
لآ
آفهمـ..
الكلمات لآتصل لي واضحه...
وآنهيار الظبي الان يقتلني..
ويشطر روحي...؟
ويقلبها على صفيحاً ساخن..!
حتى تحترق تماماً
شموخها..
شموخي..
عنفواني..
مستمد من عاجيتها الدائمه...
عجرفتها في كلماتها..
تصرفاتها آعتزازها..
حبها لكبرياء الشموخ..
كيف تتهاوئ..؟
كيف تسقط..؟
الظــــــــــبي تبكي آنكساراً...!
