زوجوه يمكن يعقل ويترك خرابيطه

[عايشة]

السلام عليكم ورحمة الله وبركاته ..

شحالكم ؟؟

اول شي احب اوضح نقطه عن موضوعي قبلي وطلبت انه ينحذف ..
لسوء فهم بعض الاعضاء للموضوع ..

يوم قلت عن المواعده والبنت لما تمشي بروحها ..

كانت وجهة نظري ان بعض الشباب لا شافوا البنت تتمشى بروحها يعني تواعد ..
ما قلت أن البنت اللي تمشي بروحها اكيد تواعد
افهموا الموضوع زين قبل وبعدين ردوا علي بردود لائقه :msgplusimg1434pm9:

وكان اساس موضوعي ليش هالنظره والفكره لبعض الشباب ؟

/
/
/


وأنتهينا من هالموضوع ..

موضوعي الحين غير ..

من منا ما مر بفتره المراهقه ..
اصعب فترات اللي يعيشها الانسان من عمره ..

البعض لين الحين يعيشها والبعض الاخر توه يدخلها ..
والمراهقه مثل ما تعرفون .. الانسان يكون فيها طايش ..

يغلط وما يحس بعواقب غلطه .. ومرات يصر على الغلط على اساس انه الصح

نحن البنات مراهقتنا تختلف عن مراهقة الشباب ..
يمكن لان عندنا ضوابط وقيود وعندنا اللي يكسر راسنا خخخ

اما الشباب غير . .

يغلط الولد مره مرتين والاهل ما يقولون شي .. > بعده طايش باجر بيكبر وبيعقل ..

ويخلوها لزمن ,, أنه ينصلح حاله ..

بس في شباب ما منهم أمل

خلاص تعودوا ع الخرابيط ..

الخرابيط مثل : اما يكون راعي بنات أو راعي دخان وملحقاته أو .. أو .. أو ..


فلازم الاهل يدورون على حلول بديله ..

ونحن عندنا بمجتمعنــاا

نلجأ لتزوجين الولد على شان يعقل .. :a050:

وعلى قولتنا : زوجوه يمكن يعقل ويترك خرابيطه


أنتو شو رايكم هذيلا الواحد يقدر يزوجهم ؟

وخصوصا ان الريال قابل لتغير بعد الزواج

يعني اكيد تسمعون قصص من حولكم

ان في رياييل بعد الزواج ادمروا وفي نصهم انصلح حالهم ؟؟


شو رايكم الحين هذيلا الشباب من هالنوعيه كفو زواج ومسؤليه ؟
هل الحل يكون لصلاح هالشباب بالزواج ..؟؟​

 

[A.D]

وانتي على بآلج انه المتزوجين هينين مثثلآ ..!!؟؟

خخخخ

 

[عايشة]

وانتي على بآلج انه المتزوجين هينين مثثلآ ..!!؟؟

خخخخ

انزين هذيلا توهم فبداية مشوار الانحراف .. :grins:
ونصهم شواب خلهم يعيشون حياتهم حريمهم عيايز :msgplusimg1434pm9:

 

[A.D]

عآيشه ..الله كريم

انتي وموآضيعج الغريبه خخخ ..اللي شفته بهآلايآم .. اللي تتكلم كثير عن الزوآج وهالامور ..مآتعرس خخ

فـ ابلللعي العآفيه ههههه

 

[عايشة]

عآيشه ..الله كريم

انتي وموآضيعج الغريبه خخخ ..اللي شفته بهآلايآم .. اللي تتكلم كثير عن الزوآج وهالامور ..مآتعرس خخ

فـ ابلللعي العآفيه ههههه

حلوه مواضيع الزواج

ولا تعور قلبك :msgplusimg1434pm9:

صدقك عيل الله كريم

أنصحك بالصوم

يا الله سير ذاكر :grins:

 

[*فارسة الشارقة*]

هلا والله وغلا بسيدة الشاشة العربية عائشة ..
والله في بعضهم صدق يعقل والنص الثاني مايعقل .. اعرف واحد تقريبا عمره 22 يعني قبل كان راعي بنات يرم وجذه وطبعا تزوج عقب وعنده طفلتين ومن فترة حرمتة زاختنه يرمس ياوحدة ؟؟ طبعا زعلت وروحت بيت اهلها ولكن مصيرها رجعت بيته وانتهى الموضوع... يعني هالشخص ماتغير ..
هذا مثال حي ... وعندي صديقتي حرمة اخوها وخها ريلها ترمس ياواحد وكم مره سامحها كم مره وعقب يوم زاد هالشيء طلقها لغير رجعه ...


الله المستعان

 

[غادة الرياض]

والمراهقه مثل ما تعرفون .. الانسان يكون فيها طايش ..

المراهقة أصبحت شمّاعة للطيش مع انه بزمن الصحابة كانوا يقودون جيوش ويشاركون بمعارك !!
أسامة بن زيد رضي الله عنه قاد جيش وعمره 16 سنة
وعلى ايام أهالينا كانوا متحملين مسؤوليات
أما ألحين فلو بيجيب لأهله مصيبة قالوا مرااااهق !!!
أجل وش خلينا للأطفال .. أنا اشوف ان فترة المراهقة هي قلة خبرة فقط
ومع وجود موجّهين من الأهل وغيرهم بتعدي هالفترة بتجارب وخبرات
وعلى أساسها تتضح معالم الشخصية . .

وطبعا هالفترة مو معناها انا ماأخطأنا فيها بس ايش هو نوع الخطأ ومقداره ؟؟

 

[نظرة غرآم]

أَكْرَرَرَرَهْ مآ عِنْدِيْ هَالْمَقولَهْ

وسيرِيْ طآعِيْ ضَحآيآهآ ~> المِطَلَقآتْ

أَنآ أَقولْ لِلِيْ يِقولْ زَوْجوهْ بَيِعْقَلْ

رَبوآ وِلِدْكُمْ بِالْأَوَلْ عِقِبْ زَوْجوووهْ :msgplusimg1434pm9:

 

[عايشة]

هلا والله وغلا بسيدة الشاشة العربية عائشة ..
والله في بعضهم صدق يعقل والنص الثاني مايعقل .. اعرف واحد تقريبا عمره 22 يعني قبل كان راعي بنات يرم وجذه وطبعا تزوج عقب وعنده طفلتين ومن فترة حرمتة زاختنه يرمس ياوحدة ؟؟ طبعا زعلت وروحت بيت اهلها ولكن مصيرها رجعت بيته وانتهى الموضوع... يعني هالشخص ماتغير ..
هذا مثال حي ... وعندي صديقتي حرمة اخوها وخها ريلها ترمس ياواحد وكم مره سامحها كم مره وعقب يوم زاد هالشيء طلقها لغير رجعه ...


الله المستعان

قمت اقارن بيني وبين حياة الفهد بعد لقبج لي بـ << سيدة الشاشه العربيه w0w

يا اختي الرجل مخلوق غريب ماله صاحب ..
ما تعرفين له .. كل حين بطبع ..

اتمنى من اليابان تصنع جهاز لفهم تفكير الرجل :grins:

وتسلمين على التعليق فديتج :rose:​

 

[عايشة]

المراهقة أصبحت شمّاعة للطيش مع انه بزمن الصحابة كانوا يقودون جيوش ويشاركون بمعارك !!
أسامة بن زيد رضي الله عنه قاد جيش وعمره 16 سنة
وعلى ايام أهالينا كانوا متحملين مسؤوليات
أما ألحين فلو بيجيب لأهله مصيبة قالوا مرااااهق !!!
أجل وش خلينا للأطفال .. أنا اشوف ان فترة المراهقة هي قلة خبرة فقط
ومع وجود موجّهين من الأهل وغيرهم بتعدي هالفترة بتجارب وخبرات
وعلى أساسها تتضح معالم الشخصية . .

وطبعا هالفترة مو معناها انا ماأخطأنا فيها بس ايش هو نوع الخطأ ومقداره ؟؟

لا تقارني زمن الصحابه بهالزمن ...

شياب لياب ..

صح كلامج اهالينا مب محملين شبابنا المسؤوليه على شان جي تلقينهم منحرفين

وتاركين الدنيا تعلمهم ..
وياريت لو يتعلمون من هالدنيا الا يزيدون انحراف :grins:


الله يهديهم بس ..

والاهل يا يدلعون عيالهم او يعاقبونهم عقاب عنيف

التربيه مستويه صفر ..

نادر ما تلاقين اهالي ينصحون عيالهم ويعرفون يتصرفون مع عيالهم بوقت الغلط ..

ما شي تفاهم ..

وتسلمين على التعليق الجمييل :rose:​