هل تقبلين التنازل عن حفل زفافك ..!!

[عايشة]

السلام عليكم ورحمة الله وبركاته ..

شحالكم حبايب قلبي ؟؟

هالموضوع مفتوح للـ جنسين ..

بس نبا الاجابات من الاناث ...
ومنها الرجال يتعرفون على تفكير المرأه العصريه " يعني بنت اليوم لاه " .. :grins:

يمكن تكون التعليقات اجابيه .. واللي ما تزوج يتشجع والمتزوج يفكر بالثانيه والثانيه :grins:

طبعا

الكل عارف أن نحن صرنـا بزمن الخسر والرفاهيه والتباهي ..
ما ادري كيف ومتى وصلنا لـ هاي المرحله ؟

ولا الحياه صارت متطلبه ؟

تدرون قمت انسى موضوعي عن شوو:eh_s(6):

كل بنت تحلم يوم تتزوج تسوي عرس لا صار ولا استوى . . او على الاقل تلبس فستان ابيض ..:a050:

وحاليـاا نادر ما نشوف بنت تتزوج بدون عرس و حفله ..

ويمكن هذا اللي كاسر ظهور الشباب .. فوق المهر :msgplusimg1434pm9:

لان مثل ما قلت لكم يمكن لان نحن وصلنا بزمن التباهي .:think:.

لكن

في بعض الاحيان " تجري الرياح بما لا تشتهي السفن " ولظروف معينة تطر انها تنازل عن بعض هذه الأحلام ..

فسؤالي للبنات

هل تقبلي أن تتنازلي عن حفل الزفاف،

أم

أنه خط أحمر ممنوع تجاوزه مهما كانت الظروف؟

​

 

[Detective-X]

صح اسراف وتبذير لو اشتري توربو احسن لي شدخله

المهم ان شاء الله لو عرسنا ليش لا الحرمة تستاهل كل شي افا عليها بس

 

[شيبه محتشر]

السلام عليكم ورحمة الله وبركاته

العنوان بصوب والسؤال بصوب


بس لو رحتوا عرس شيوخ وشفتوا الشيخه العروس لابسه مخور بليله عرسها


هل تتوقعون انه احد بينتقد فعلها

بالعكس كل الحريم والبنات لي مخهم معشششش

بيقولون اكيد موووضه وبيردون يطبقونها باعراسهم

هذا كل الموضوع

ادري بتقولين شو دخل هذا بهذا

بس شغلي مخك بتعرفي المقصود

هذا اذا في

:ta'7:

 

[نظرة غرآم]

يَعْنِيْ الصَرآحَهْ مآحِبْ اَكْسِرْ بِخآطِرْ أَهَلِيْ وأَمْنَعْهُمْ مِنْ فَرْحَتْهُمْ فينِيْ
وَبِمآ انِيْ بِنْتِهْمْ الوَحيدَهْ فِأَكيدْ يِبونْ يِسَوونْلِيْ عِرْسْ لآ صآرْ وَلآ اسْتَوَى
ولـ أنآ عآدِيْ عِنْدِيْ
<~ جَذآبَهْ :grins: خخخخ

بَسْ جَدْ الليلَهْ ليلَهْ وَحْدَهْ
وَهَذِيْ مِثِلْ مآ يِقولونْ لِيلَهْ الْعِمِرْ
وَلَوْ مَرْ 20 سِنَهْ بِتَمْ هَالذِكْرَىْ حلْوَهْ مآ بينْهُمْ

شِيْ سِوآلِفْ بِالْعِرْسْ مآلْهآ دآعِيْ وَخَسآيِرْ وَيِمْكِنْ تِكْسِرْ ظَهْرْ الرَيآلْ
بَسْ الْعِرْسْ بِقآعَهْ ~> هَذآ شِيْ أَكييدْ

وَهَالرَيآلْ الِلِيْ مِسْتَخْسِرْ يِقِطْ بيزآتَهْ عَلَى ليلَهْ وَحْدَهْ تِجْمَعَهْ بِشِريكَهْ حَيآتَهْ
ليشْ مآ يِسْتَخْسِرْهُمْ يِقِطْهآ عَلَى سَيآرَهْ لآ وَبِالْيومْ الثآنِيْ بآعْهآ بِرِخْصْ
ولـ يِسْتَخْسِرْهُمْ عَلَى بَنآتْ الْحَرآمْ اللهْ يِعِزْكُمْ ~> الْبَعْضْ مِنْهُمْ طَبْعآ

الشيبَهْ عِنْدِيْ تَعْليقْ عَلَى كَلآمِكْ
تِرَى الْمِلوكْ وَالْأُمِرآءْ أَكْثَرْ نآسْ اقْتِصآدِيينْ
وَالدَليلْ عِرْسْ الْأَميرْ ويلْيآمْ

فِسْتآنْهآ ~> فِسْتآنْ دِيآنآ
والْخآتِمْ ~> مآ الْعِيوزْ الْزآبيثْ
والْعَرَبَهْ ~> مآ سِنَهْ 1970
وَالْقآعَهْ ~> هي الكِنيسَهْ
وَالْفِرْقَهْ ~> تِطَوِعوآ روحْهُمْ عَسَبْ يِشْتَهْرونْ
وَ شَهْرْ الْعَسَلْ ~> نَقَعْهآ فِ الْبيتْ وَرآحْ شِغْلَهْ

:grins:

وَالرَيآلْ الِلِيْ يِدَوِرْ مِنْ بَرَعْ عَسَبْ مآ يِدْفَعْ شِيْ
تِرَى مِنْ عِقِبْ الزَوآجْ بَيْطَلِعْ فِيَزْ اَهَلْهآ كِلْهمْ :^^:

 

[فتى العرب]

..
تامر أمر وأنا ألبي
ان شا الله لو ع سطح القمر
..

 

[عين الصقر]

انها عاده دخيله على المجتمع


و لي عوده عقب

احين احس لرقاد سيطر علي فجأه

 

[عواشي]

دائما اغصص على أهلي

مابا حفلة مابا أغاني

صداااااااااااع ما اتحمل حشرة الأغاني ازعاج ازعاج

طبعا أهلي يعاندون نبا ونبا ونبا. ماشي فايدة مهما حاولت وياهم


المهم إذا بتنازل، التنازل بيكون بشرط واحد. يشتري لي شقة وتكون باسمي
ولا غير جي طاااااااااااااااااااف خله يدفع يستاهل هههههههههه

 

[A.D]

خل ايونهم خطآب اول شي ..

مسآكين حليلهم ..

 

[كنت هنآ]

وعليكم السلام ورحمة الله وبركاته


كآآن هالمووضوعْ في بآآلي من ايـآآمْ ,,

للـأسف أختي عايشــه في هالزم،،نْ أغلبيه ـآلبنآتْ
يفكررنْ بالرفآآهيه والفشخره وـآلتبآآهي بينْ النــآسْ ,
بعمل الولـآئم ـآلكبيررة ولـآسرـآآفْ الزـآآآئد ,,
اللي ربـنـآآآ مآآيرضـآآهْ ,,

ويندرجْ هوؤلـآآء البنآآتْ تحت حب ـآلمظآآهررْ ,,
مآقصد البنآآت اللي يحبن يلبسن فستآآن ويكشخن بعرسهن
اقصد البنآآت اللي يطلبنْ اشيآآء خياليه في عرسهنْ ,,
الكوشه 100 الف والـآكل 100 الف للـأسف هذـآ اللي حآآصل ,,

امآآ عن سؤـآل هل تتنآزليين عن حفل زفـآفك ,,
بصرـآآحه عادي اذـآآ الريآآلْ زين وأخلـآقــه عاليه ,,
بقبل بهذـآآ الشيء لـآنه لن يفيدني لحفلة زوـآج ول فستآآنْ ابيض ,,
الفـآئدة اذـآ لريآآل ماينشرى بفلووس ,,


في وحدة من الـأهل يوم خبروهـآ انه اللي خآطبنهـآآ بس مابسوي ملجه
احتشرتْ وشلت ـآلدنيآآ سبحآآن الله ,,!!!
روحت عندهـآ وقلت لهـآ ليش حبيتي ترـآ ماشي بآجي عن العرسْ
وعآآدي اذـآ ماسوى ملجه ,, قالت لا الحين كل النااس تسوي ملجه
ولو ماسويتْ شو بيقولون عني هآآ ,,
طبعـآآ مظآآهر في مظآهر نظريتهـآآ ,,
فستآنهـآآ من مصمم الفلـآني بس اجـآره 10 آلـآف هآآ فستآآن
حق الملجه مب العرسْ ,,

والله كمْ يحزني تفكير النآس في هذـآآ الزمنْ ,,
اصبحت المظآهرر شيء اسآآسي في تفكيرر اغلبيه العقوول
متى نرتقي ونصبحء لـآ نهتمْ بالمظآآهرر..!!


واذـآآ وحدة رضت بأخذ الرجل بدونْ حفله زفـآف ,,
سوف تنظر من منظوور النآآسْ ,,
سوف يقولوون فلـآآنْ خذهـآآ فلـآآن بدون حفله زوـآج ,, والخ



وتسلميين الشيخه على الموضوع القييم ولـآآهنتي ,,
واشكر قلمجْ على التمميز ,,

 

[عايشة]

صح اسراف وتبذير لو اشتري توربو احسن لي شدخله

المهم ان شاء الله لو عرسنا ليش لا الحرمة تستاهل كل شي افا عليها بس

التيربو اخر شي بيبيعك وبيخترب

الحرمه ادوم وياك :ta'7:

الله الله عليك

بنشوف

اعتقد اخرتها بتم تفاصل على المهر

قال تستاهل

:rose:​