الطراره .. شطاره ام فقاره؟

[عايشة]

السلام عليكم ورحمة الله وبركاته ..

شحالكم حبـايبي ؟

حبيت اطرح قضيه غريبه :think:

الحين اللي يطرون او المساكين اللي يدقون بيبان لبيوت او تشوفونهم بأماكن عامه ويطلبون فلوس ومساعدات ...
وطبعا الاسباب جاهزه ..

اللي بتسوي حق ريلها عمليه او ابوها او للولد .. !!

واغلبهم جذابين .. :1577_1186768770:

لانك ترد تشوفهم بنفس المكان او ايونك لعند بيتك كل شهر
كل شهر ..

وهم بنفس الموال ..

احس انهم يبالغون .. ليش ما يروحون لاماكن خيريه ؟

ولا صدق محتاجين وهالاماكن ما منها فايده ؟؟

مرات تحس انهم صدق محتاجين لانهم لجؤ لهاي الحركه
بس يمصخونها بهاي الحركه .. :ta'7:

او هي عاده صارت وياهم !؟

خبروني شو رايكم فيهم ؟

صدق هالناس محتاجه ولا ؟​

 

[المدروب]

السلام عليكم ورحمة الله وبركاته
والله ماتعلمين
فيهم ناس صدق محتاجين
وفيهم ناس ماخذين الامر ربح
بس كيف تعرفهم ؟؟؟
وانتي اذا شفتي واحد وكسر خاطرج عالطول عطيه

المدروب

 

[اسيـرة الهم..]

والله ما ندري ان كان محتاجين ولا لا
بس صراحــة صرت ما اصدق حد لو هم صدق يبون فلوس كانوا راحوا اشتغلوا في اي مكان
مب قدام البيوت وكل يوم بعد افف صراحة ازعاج
ذولا ناس ما عندهم كرآآمــة ولا شنوو
ولا انه عايبتهم القعده جي والفلوس تييهم من كل صوب
بس فس ناس جي وتحصلينهم عندهم فلوس قد الدنيا

بس ما نقوول في بعضهم محتاج فلوس ولا هو قادر يشتغل
بس الي عنده القدرة روووح اشتغل

والله يصلح الجميع بس

 

[عيوز مشتطه]

اللي يقدر يساعدهم يتصدق . .


الله يعلم بحالهم

 

[Nervous]

والله ربج أدرى ما ندري اذا هم صدق محتاجين ولا يقصون ع الناس بس
شرات اللي اتييج كاشخة من فوق لتحت و تطلب هاي شي ثاني الصراحة اغنى عني وعنج
و بالاخير كل واحد ونيته والله يستر عليهم ان شاء الله ..

 

[استراتيجية مفكر]

الصدقه لوجه الله

على العموم اذا تاكدو انه الشخص لص ....

 

[عين الصقر]

يعني لو عنده فلوس بيطلب من الناس و بذل نفسه

فكري شوي بطلي هالعقل لمسكر

 

[*فارسة الشارقة*]

هالايام شطارة وربح وكسب مادي كبير ... شركات كبيرة توزعهم ....
مره حريم وقوفوني وانا ظاهرة من البيت وبطلع على الشارع الخارجي ... قلت يمكن تبا مكان ادليها ...
تقول لي نحن يايين من الاردن واهلنا ما استقبلونا فالمطار ونبا الحين أجر الفندق عطينا حق الفندق ؟؟؟؟ وتعالي معانا ؟؟؟؟؟ وعاد انا شو ردي ليش انزين تاخذون فندق دام محد استقبلكم ومعقولة يايين بدون بيزات من بلادكم ؟؟؟ سكتت وماقالت شيء؟؟؟؟ حرامية الله يغربلهم ؟؟؟؟
ومن كم اسبوع والله اطلب فطاير وعقب سكرت الجامة وجان اشوف واحد يباني افتح الجامة حقه ... سيارته من عمان ويقول لي نبا حق بترول وعشاء ؟؟؟ يعني انتوا يايين من عمان لين الامارات وماعندكم فلوس شو هالعبط ؟؟؟؟؟ طبعا من الجنسية الباكستانية ... قلتهم انا بروحي فقيرة وجان يروح ؟؟؟؟؟ وهاي الحاكايات نفس الشيء سالفة بترول السيارة ويا كثرهم من السعودية وعمان نفس السؤال بترول سيارة والسيارة مختربة ؟؟؟

 

[بنت ابوعدي وقصي]

الله المستعان
اللي يطلب عطووه وبس
صدقة لوجه الله
والله ادرى بيه اذا كان محتاج او نصاب ..!!
ويسلموو ع الطرح
..~

 

[العرندس الكعبي]

بالاول نصدقهم يا اختي على نياتنا
والحين خلهم يقربون صوب سيارتى الخيزران موجوده ههههه بال