شبااب كوريا وشبااب الامارات

[✿βạņ๑๑ŧạ✿]

اخس وعقب
شو بنت بلاد تاخذ ولد بلادها
لا وبعد تبوس تراب
مذله شو
يلا مناك


الكورين كاملين والكمال لله

بس شئ وااحد ناقصم انهم يدشون الاسلام وبث..؛

اختي العزيزة ..

والاخوات الفاضلات الأخريات ..

انا عنصر محايد بين البنات المتخبلات على الكفار وعلى ولد بلادي ..

حبيبتي في اسلوب في التعامل .. اتحبينه تكرهينه شيء يخصج بس حاسبي على الكلمات اللي اتقولينها ..

في النهاية ولد بلادج يمثل " ابوج ، اخوج ، زوجك ، ولدج " ..

انتي شرات ما يالسه اتسبين عيال بلادج كانج اتسبين هولاء ايضا ...

وفي شيء ثاني هذيله اللي انتي ميتة عليهم كفار لا يعبدون الله وانتي اتفضلينهم على المسلمين !!!

وين دينكم يا جيل الانمي والمسلسلات الكورية ؟!؟ وين غيرتكم على شباب بلادكم ؟!؟ وين نحن عيال زايد وعيال خليفة وغيرها من الكلمات ولا هاي شعارات ترفع بس في المناسبات الوطنية ..


ولد بلادي مليوووون عيب فيه بس ما اسمح لنفسي اني اغلط عليه واني اكون الكوريين احسن عنه واسوي تصويت وشعارات وغيرها من الامور ..

وانا يوم قلت مصيرج لود بلاج ما كذبت .. يعني لو جاج الكوري اهلج بيوافقون عليه ؟!؟ دينج بيسمحلج تتزوجينه ؟!!؟

انتوا وايد طلعتوا عن الموضوع الريال سال شو سبب تعلقهم بالكوريين وكل احد حاط صورهم وبالفعل ظاهرة غريبة وتستحق المناقشة .،.

يعني ممثل مسلم ،. عربي .،. بنبلعها وبنسكت !!

ممثل كافر وتقعدون تتمصخرون علينا بسبته ترى محد يرضاها واتمنى عدم التجريح واختيار كلمات اهذب عيب علينا نغسل شراع بعض بهذه الطريقة ...


هذا منتدى يحمل في طياته مبادئ وقوانين لابد من احترامها ..




تقبلوا مروري ...

 

[الباسل]

مردكم لينو ابوي مردكم لينو لي متي بتصبرون يأني يا حبيتون هودو ولا هودوك مردكم لينو

وادا ما مردكم لينو سوفرو كوريي خل ينفعوكم هودونيو ولا ماتقولون شبيبة

 

[شيختهم]

لي عوده بإذن الله ..

يايتنكم ترقبوني ..

عدت لكم من جديييد

بسم الله الرحمن الرحيم
السلام عليكم ورحمة الله وبركاته..

بخصوص موضوعك خويه بني لصم = آل بهلوول انته سألت ليش نحن متخبلين ع الكوريين ..
لو قريتوا مدونتيه بتعرفون اني انا ما كنت من اللي يتابعون الكوريين اببببببببدا ولا طششه ... بس يوم عرفتهم حبيتهم مدري ليش جذيه يدخلون القلب !!
wahh يفرفحون القلب .. سوالفهم حلوه تضحك بس حد منهم دمهم ثقيل =__=!! بس نادرين D: ..
also .. حسيت ان شخصياتهم قريبه لشخصياتنا في البيت .. (اتكلم عن عيالي الوسيمون) مـآ يتصنعون ^_^ ..

هم مب احسن عنكم في شي لكن الواحد يعاف الشيف اللي يشوفها كل يوم =__=!! يبا يغير ...
الواحد فيكم الحين كرشته قدامه مترين !! وين الواحد يحب يطالع هالمنظر والعياذ بالله !! .. هذا من علامات الساعه for your information
دليل :
عن عمران بن حصين رضي الله عنه أن النبي صلى الله عليه وسلم

قال(خير أمتي قرني ثم الذين يلونهم ثم الذين يلونهم ؛ثم إن بعدهم

قوما يشهدون ولا يستشهدون ويخونون ولا يؤتمنون وينذرون ولا

يوفون ويظهر فيهم السمن) متفق عليه.

يعني يـآ خفيف خف وزنك و سو رياضه .. مب الا نحن يبالنا رياضه .. واول كانوا يبونها الحرمه المتينه صح !! :ay:
..
و سوالفكم تيب المرض >___<!! .. الحين مال اول يسولفون عن السياير و عن السياسه و سوالف الريايل اللي يقولون انه كاان التيس يروم يمشي على زنودهم .. !! .. الحين يسولفون بسوالف الحريم وانتوا ابصر :bad: .. هيييييه هيييه وينهم هالريايييل !!

واللي يقولون انهم جنس ثالث .. على اي اساس حكمتوا عليهم؟!! .. هذا قذف .. و سب و اتهام !! .. جيه نص اللي في الخليج الحين جنس ثالث و لا تقولون ليه غلطانه اووك !! لانكم انتوا ادرى يا الشباب ^_* .. ايضا مب كل الكوريين كفار ع قولتكم .. في منهم مسلمين !! .. وعلى انهم مب مسلمين لـكن يعملون بـ اخلاق و تعامل الاسلام .. وانتوا وينكم عنها !! .. شوفوا برنامج خواطر انصحكم فيه .. وبتعرفون الفرق بين العرب و الاسيويين ..

وتقولون انه مـآ تعرفون تفرقون بين رياييلهم و حريمهم .. ياخي محد طلب منكم تفرقون !! .. اللي يبا يفرق بيفرق .. و هذي خلقت ربكم .. رب العالمين خلقهم بهذا الشكل .. بتعترضون على خلقة رب العالمين ؟!!

و على اللحى و الشنب .. فيهم =___=!! مثل ما تظهر لكم لحى تظهر لهم بس يتحلقون .. يبون يحسون بالانتعاش ^___^ .. لا تحلقون لحاكم لان هذا شي يميز العرب عن غيرهم ^^ ..

بس صدقني بنت البلاد مالها بد من ولد البلاد .. وفي النهاية هي مردها لكم ..

ف سارت كوريا ردت تركيا .. راحت المريخ بترد بتاخذ من ولد بلادها وبتتزوجه وبتبوس تراب اللي يمشي عليها ..

هالكلام ليش ما قلتنه لـهم يوم قالوا لكن ضعفن و جرّحوكن !!
و يخسي و يعقب هذا اللي بحب التراب اللي يمشي عليها .. يهبي و امه ما يابته بعد ..

لا كوري و لا واحد من بني عميه .. لو انتي بتحبين الارض اللي يمشون عليها كيفج حبيها بروحج .. ارض بلادي بحبها هييه لكن عسب بو وزار و فانيله لآ و مليون لآ ..

آل بهلول .. من سجلت في هالمنتدى وهو يقارن بين الشاميات و الخليجيات .. ويجرّحونـآ

الفرق بين الفتاة الخليجية وفتيات الدول الأخــرى..تحت المجهـــر ‏ ~> هذا اخر موضوع له (ضغطوا عليه اذا تبون تشوفونه) .. ما فيه ادور .. دخلوا صفحته و دوروا .. ما يحتاي تدورون لان هذا يكفي و يوفي .. هن ما تقبلن هالشي وانا وياهن لآنك جرحتهن وايد TT^TT أنا متلومه فيهن الحين .. لاني دافعت عنك .. اسفه بنات البرزه ..:a050:

سؤال .. على الشوه شايفين عماركم احسن منهم ؟!! اخترعتوا شي؟!! غيرتوا في العالم شي ؟!!
كل واحد فيكم يطالع الالكترونيات اللي عنده .. ثلاجه او تيلفون او لاب او دفتر او او ..مب شرط الكترونيات بعد .. وين مصنوعه؟!! China الاغلب .. و الشركه تابعه لاي دوله؟!! Korea او Japan =___=!!

و تفكيركم هذا تفكير مال اول .. بعدكم تعيشون آيـآم الجاهليه .. يا الجهله ..

و على شو بنستفيد .. نستفيد منهم نكسب لغه .. مب قوم الاتراك و المكسيكيين .. ( تبـاً لك يـآ ميسيي لماذا عرقلته .. قلبي الصغير لا يتحمل )~> هذا مكسيكي .. (فطمه شو عم تعملي )~> هذا تركي ..

شو كسبوا هذيلا!! لهجه!! =___=!! .. حتى اللهجه ما بتفيدهم في شي ..
و الاتراك اونهم مسلمين و مسلسلاتهم حدث ولا حرج .. تبونيه ايب لكم صور والا شرايكم بـ مقاطع !! احلى صح !!

في اعضاء اتعذر عن الرد عليهم بصراحه .. و بدون ذكر اسماء ^_* عارفين عماركم صح :gooddw: شاطرين.. لآني ما ابا عضويتيه تتوقف =__=!!

و اذا يا شي في بالي بكتبه بعد .. بفيدكم .. و أكيد اصوت لـ خالي يونو الجميل ^_^ هع :]

و شكراw0w

"Salute"

 

[زيتونة(><)]

مردكم لينو ابوي مردكم لينو لي متي بتصبرون يأني يا حبيتون هودو ولا هودوك مردكم لينو

وادا ما مردكم لينو سوفرو كوريي خل ينفعوكم هودونيو ولا ماتقولون شبيبة

بسير كوريآ وبآخذ لي كوري مسلم :^^:

 

[دلع بنوتة]

عايشة
التصويت ما يباله
لان طبعا الاجابة معروفه مع اغلبية اعضاء

و شيختهم
وانا اشهد انج شيختهم كلهم
خشمج..؛

 

[ReaL DaY]

شيختهم انتي فعلا شيختهم :rose:
ولا يهمونج

:^^:


ياريت الرساله وصلت

اجلبوا

 

[ReaL DaY]

بس ما حددتوا
كوريا الشماليه
ولا

كوريا الجنوبيه

هناك فرق تراا

 

[نظرة غرآم]

تصويت يا جماعه ..

المرشح الاول

المرشح الثاني

oo:​

مَعَ اثْنينآتْهُمْ مآ يِنْبَلْعونْ
بَسْ لَوْ خَيِروونِيْ وانْجِبَرْتْ انِيْ اخْتآآآرْ
بَخْتآآرْ أَوَلْ وآآحِدْ
لِأَنْ الثآنِيْ ابْتِسآمْتَهْ اتْزَحَقْ :msgplusimg1434pm9: ككككك


وَبِالْنِسْبَهْ لِرآيي بِالْمَوْضوعْ
الصَرآحَهْ الكورِيينْ مآفيهُمْ جَمآلْ
لآ شِبآبْهُمْ وَلآ بَنآتْهُمْ
بَسْ هُمْ الِلِيْ يِمَيِزْهُمْ انْهُمْ أَصْحآبْ بَشْرَهْ نآعْمَهْ وَشِعورْ نآعْمَهْ
أَمآ كَمَلآمِحْ عآدِيَيينْ جِدآ
وَتِحِسونْ مآكو فَرْقْ مآ بينْهُمْ
نِسسسسخْ مآشآءَاللهْ :grins:
مِنْ نآحْيَهْ الشَخْصِيَهْ حَدِثْ وَلآ حَرَجْ
مَهْزووووزينْ
الشِآبْ دَقَهْ وَيِصيحْ
مآفيهُمْ قِوَهْ أَبَدْ
مِنْ نآحْيَهْ الْإسْلآمْ
انْتوآ أدْرَى فيهُمْ يِمْكِنْ الْبَعْضْ مِنْهُمْ مِسْلِمييينْ

يَعْنِيْ مَعَ احْتِرآمِيْ الشَديدْ لِلْبَنآتْ الِلِيْ فِ المِنْتَدَى
كيفْ تِيَمْعونْ صُوَرْ لِمُطْرِبينْ أَوْ مِمَثِلينْ وَتِخِقونْ فيهُمْ
عَلَى شوو
أَنآ يومْ كآنْ عِمْرِيْ 17 و16 و18 مآ فَكَرْتْ بِهَالسِوآلِفْ
بِديتْ أَشِكْ انِيْ بِنْتْ :grins:

انْيِيْ للشآبْ الْخَليجِيْ
وَبو مِصْطَلَحْ آخِرْ بو وِزآرْ وَفآنيلآ
مِنْ نآحْيَهْ الجَمآلْ هَمْ مآفيهُمْ جَمآلْ وَمَعْدودينْ الِلِيْ لِهُمْ مَلآمِحْ حِلْوَهْ
وَالِلِيْ يِمَيِزْهُمْ الِلِحْيَهْ
بِالْعَكْسْ أنآ أَحِسْ رَيآلْ مِنْ دونْ لِحْيَهْ فِقَدْ أَهَمْ مَعآلِمْ الرِجولَهْ باسْتِثْنآءْ إِلِلِيْ فيهْ مَرَضْ خآصْ يِمْنَعْ هَالشِيْ

ومِنْ نآحْيَهْ الْإِهْتِمآمْ بِأَعْمآرْهُمْ بِالْعَكْسْ وآآآآآيِدْ يِهْتَموونْ
أَنآ مَرَهْ دِخَلَتْ ذ بودِيْ شووبْ وَشِفْتْ كَمْ مِنْ وآآحِدْ يِتْشَرَى لَهْ كِريمآتْ وَوآقِيْ شَمْسْ وَمِعَطِرْ وَمِنْ هَالسِوآلِفْ

أَحِسْ يِهْتَموونْ بِأَعْمآرْهُمْ أَكْثَرْ عَنْ الْبَنآتْ
بَسْ الشيفَهْ شيفَهْ لوو تِفْرِكْهآ بِليفَهْ :grins:

وَالصَرآحَهْ شِيْ رِدوودْ أوووفَرْ
مآ تِوَقَعْتْ اعْجآبْ بِمِمَثِلْ ولـ مِطْرَبْ يِخَليكُمْ تِغْلِطونْ عَلَى وِلْدْ الْبِلآدْ

قال تعالى {إِذْ تَبَرَّأَ الَّذِينَ اتُّبِعُواْ مِنَ الَّذِينَ اتَّبَعُواْ وَرَأَوُاْ الْعَذَابَ وَتَقَطَّعَتْ بِهِمُ الاٌّسْبَابُ * وَقَالَ الَّذِينَ اتَّبَعُواْ لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُواْ مِنَّا كَذَالِكَ يُرِيهِمُ اللَّهُ أَعْمَـالَهُمْ حَسَرَاتٍ عَلَيْهِمْ وَمَا هُم بِخَـارِجِينَ مِنَ النَّارِ }

 

[✿βạņ๑๑ŧạ✿]

ردي في هذه الاشعار جمعتها لتبين لنا حكمة السابقين :-

أعرض عن الجاهل السفيه ** فكل ما قاله فهــــو فيه
فلا يضر نهر الفرات يوما ** إذا خاض بعض الكلاب فيه

لو كل كلب عوي ألقمته حجرا ** لصار الصخر مثقال بدينار

يخاطبني السفيه بكل قبح ** فأكره أن أكون له مجيبا
يزيد سفاهة وأزيد حلما ** كعود زاده الإحراق طيبا

ولقد أمر علي اللئيم يسبني ** فمضيت ثمت قلت لا يعنيني

والله لئن لم تنتهي ** لدعوت الله أن يبتليك بأربع
فأس ومقطف وقفة ** ثم علي ظهرك بردع


سكتت عن السفيه فظن أني ** عييت عن الكلام وما عييت
ولكني اكتسيت بثوب حلم ** وجنبت السفاهة ما حييت

ما ضر الورود وما عليها ** إذا المزكوم لم يطعم شذاها

ما ضر شمس الضحى في الأفق ساطعة ** ألا يرى نورها من ليس ذا بصر
وما يضر البحر أمسى زاخرا *** أن رمى فيه غلام بحجر

اذا سبني نذل تزايدت رفعة ** وما العيب الا ان اكون مساببه
و لو لم تكن نفسي علي عزيزة ** لمكنتها من كل نذل تحاربه

اذا نطق السفيه فلا تجبه ** فخير من اجابته السكوت
فان كلمته فرجت عنه ** وان خليته كمدا يموت

قالوا سكت و قد خوصمت قلت لهم ان الجواب لباب الشر مفتاح
و الصمت عن جاهل او أحمق شرف و فيه أيضا لصون العرض اصلاح
اما ترى الأسد تخشى و هي صامته و الكلب يخسى لعمري و هو نباح.

أصبرعلى كيد الحسود فأن صبرك قاتله *** فالنار تأكل بعضها إن لم تجد ما تأكله ..



لن ازيد اكثر في هذا الموضوع .،.

انا كنت اود مناقشة عقلانية وتليق بمستواي الفكري ولكن .....


اكتفي بهذا القدر ..

 

[ReaL DaY]

سؤال لصاحب الموضوع

كل واحد وكيفه شو يحطي بالمدونه انته عليك تقرا وتروح

يعني انته شو معورنك !!

شو سالفه الكرامه الي نئحت عليك فجأه

ولا الي راسه بطحه يحسس عليها

مع اني ما جفت ان اي من الي يحط الصور قارن بينهم وبينكم

يعني رده فعل مالها داعي يا غير انها يت من ورا البطحه شكلها ع راس حد :^^:

وتراكم تعلقون وتقارنون وماخذين صلاحيات كامله والحق دايما معاكم (( ع اساس يعني )):msgplusimg1434pm9:


نهايته


الي دق الباب ياه الجواب


:bay: