حلويات دلع..؛

[دلع بنوتة]

السلام عليكم ورحمة الله وبركاته

شحاالكم؟

المهم

هذا ان شاء الله بيكون اخر موضوع حقي بالبرزة
وان شاء الله افيدكم فيه

اولا التيراميسو



المقادير:
بسكويت التيراميسو
نسكافية مخلوطة ويا ماي حار
مقادير الكريمة:
كريمة خفق
11 ملعقة حليب بودرة
فنجان سكر
للتزيين:
كاكاو بودرة
الطريقة تغمسين البسكوت ع الجانب الي ما فيه سكر بس لا تغمسين وايد شوي بس
وبعدين تخلطين مقادير الكريمة وحاولي انج ما تخليها كثيفة ولا خفيفة يعني متوسطة وتصبينه فوق البسكوت
وتزينيه بالكاكاو بودر وبلعافية

ثانيا جلي ويا خوخ



تسوين جلي فراولة كالعادة بس تحطين فيها قطع من الخوخ وبس

ثالثا سندويش التوست



المقادير
كيس توست
جبن كاسات
زبدة
جبن شيدر او مارتزيلا
شرائح الجبن
لبنة
للتزيين:
زعتر مع زيت زيتون

الطريقة:
تصفين التوست على الصينية وتدهنين فيها جبن كاسات مع شوية زبدة وبعدها حطي شريحة جبن وفوقه جبن مارتزيلا
وبعدها تجيبي التوست الثاني وتدهنين فيه لبنة وتحطينه ع التوست الاول وبعدها تدهنيه في زعتر وزيت زيتون
وبعدها دخليها الفرن لين ما تحمر من فوق وهني وعافية

رابعا: كريم كراميل



المقادير:
ماي على حسب الصينية الي بتسوي فيها
8 ملاعق حليب بودرة
قوطي حليب ابوقوس او لونا
فنجانين سكر
3 ظرف كريم كراميل
الطريقة:
تجيبين قدر وتحطين فيه الماي والحليب والسكر بس بدون كريم الكراميل
ولين ما يغلي اضيفين كريم كراميل وخليه 20 دقيقة ع نار هادئة وتصب ع صواني الي محطي فيها دبس
وبالعافية

خامسا: كيكة السينابون



المقادير
كيك جاهز او انتي تسوينه ع طريقتج وانا سويتع طريقتي بس عيزانة اكتب فانتوا سووا جاهز احسن
الحشو:
ملعقتين كبار سكر بني
ملعقتين كبار قرفة
ملعقتين كبار جوز

التزيين:
خلط 6 جبن كيري مع نص علبة نستلة
كاكاو هيرشي
جوز مبشور

الطريقة: تصبين نص الخليط الكيك في صينية وبعدين تحطين الحشوة وبعدها تصبي باقي الخليط وعاى الفرن لين ما تستوي
وبعدها تزينيها بالكريمة والهيرشي وجوز مبشور

سادسا:تارات منوعة



الطريقة:
تارات مالحة جاهزة
وتحشينه اي شئ تبينه مثل تونه او حمص او دياي او جبن وبس

سابعا:قرص عقيلي



المقادير:


المقادير:

2ملعقة كبيرة حليب سائل
1ونص ملعقة صغيرة زعفران مفتت
2ونص كوب طحين
4 ملعقة صغيرة بيكنج باودر
ربع ملعقة صغير ملح
1 ملعقة كبير هيل ناعم
1 كوب سكر
3 حبة كبيرة بيض
1 كوب زيت ذرة
ملعقة صغيرة فانيليا سائلة
3أرباع كوب روب

الطريقة:
1 سخني الفرن لدرجة 180، وجهزي قالب قرص العقيلي المجوف من الوسط اللي راح تخبزين فيه بمسحه بالزيت ورشه بالسمسم.

2 اخلطي ملعقتين الحليب مع الزعفران المفتت في كوب صغير وخليه جم دقيقة.

3 انخلي الطحين والبيكنج باودر والملح ثم ضيفي الهيل وخليه على جنب.

4 في وعاء الخلاط حطي السكر والبيض واخفقيه بالمضرب الشبكي لحد مايصير هش.

5 ضيفي الزيت بهدوء وقلبيه لحط مايختلط ثم ضيفي الحليب والروب وبعدها الطحين وقلبي بالملعقة البلاستيك بهدوء لحد مايختفي الطحين.

6 صبي خليط الكيك في القالب اللي جهزتيه من قبل و واسي السطح وحطي فوقه سمسم

7 اخبزيه على الرف الوسط في الفرن لمدة تتراوح مابين (30-40) دقيقة او لحد مايتماسك ويستوي عدل من داخل واختبريه بعد 25 دقيقه بسيخ خشب.

8 بعد ما يستوي طلعيه من الفرن وخليه يبرد شوي بعدين اقلبيه في طبق التقديم .

ثامنا: حلى مينهو :eh_s(6):



الطبقة الاولي:تدهني قوالب السيلكون بالجلكسي وتجمديه في الفريزر
الطبقة الثانية:نصف علبه نسته + 6 جبن كيري
الطبقة الثالثة:فستق مجروش
الطبقة الرابعة: بسكوت مفتت
الطبقة الرابعة: وتغطينه بالجلكسي ودخلينه فريزر
وجيه من داخل




تاسعا: حلى زبادي



وهذا الحلا من ايد بصولة
وتقولكم الي يبا طريقة عنده جوجل :gada34:



ويالله GOODBYE:ax:..؛

 

[بنــــي لصــــم]

اخر موضووع =( وااي
يا سلاام كلهم حلوين ^^ ليت حد معنا بالبيت يعرف يسو مثلج
تسلمين ع الموضوع الغااوي حلو حلو

 

[ليه الجفا]

ما شاء الله
الموضوع متعوب عليه
التصوير جنان
طرح مليان شكر هههههه
يعطيج كل العافية

 

[نظرة غرآم]

آآآآآخْ قَلبيْ

ليشْ مآ تسوييينْ شرآتْ خوآتنآ التآجرآتْ
يسوون سويتآت ويبيعووونْ
صدقينيْ تجآرةْ مضمونةْ آحسسسنلجْ من الجآمعةْ وآخرتهآ مآشيْ وظآيفْ ولـ شو الرآيْ :eh_s(6):

وأنآ اولْ الزبآيينْ بس لآ تستغلينيْ :gada34:خخخ

تسلمْ إيدجْ
وبالعآفيةْ =]

 

[زود الغلا]

ما شاء الله علييج
ابدااااع
و بالعافيهه
تسلم ايدج
ويعطيج العافيه

 

[عسولة الشحوح]

,
,
مرحبا بدلع بنوته

أخر موضوع ليش ‏
حلويات مشهيه يا دلع
تسلم ايدج
ابداع ما شاء الله عليج
استمري ولا تحرمينا من يديدج

,
,

 

[جرحي جديم..!]

يعوتيني .. و انا صايمه ><
ابدعتي ^^" .. بس ليش اخر موضوع !!