عندي اقتراح لتفعيل البرزة في 2021؟؟

[بنت مسندم]

السلام عليكم
شحالكم جميعا ؟؟
طرت على بالي برزة الشحوح والايام الحلوه الي كنا نقضي وقتنا فيها ونستفيد ونفيد غيرنا وقلت ادخل واشوف احوال البرزه بعدها موجوده ولا انقرضت بعد برامج السوشل ميديا ...
وشفتها بعدها مستمره فقلت بخاطري ليش ما نفعل البرزه للجيل الصاعد اغلبنا اكيد عرس وعيل وعياله الحين طوله ...
ومثلكم عارف عيال ها الوقت كله يصيحون ملانيين ولا يالسين على ها الاجهزه اوقات طويله لعب وتسليه و يمر يومهم احيانا من غير ما يتعلمو شي يديد في حياتهم وخصوصا بعد ها الاوضاع يلستهم صارت اطول في البيت وطلعاتهم قليله..
ف شو رايكم ندخل عيالنا الجروب ويختارون لهم مسميات ويفعلون الجروب بنشر مواضيع مفيده وقيمه ويتعرفو بعد على تراث اجدادهم واصولهم ويحطو لنا ابدعاتهم بالطبخ والكتابه وغيره ونحن الكبار نشجعهم ونسوي لهم مسابقات وهدايا ويكونو تحت رقابتنا واشرافنا بس بشرط تلغون خاصيه التعارف ع الخاص ما نبى خرابيط بس الرسايل تكون مفعله للادره ..

شو رايكم بالفكره ولا تحسوها ما تنفع ؟؟ً
واذا عيبتكم وفي أمل اطبقوها سوو اقسام يديده تتناسب مع ها الجيل +سوو دعوه لمعارفكم واصدقائكم عشان الناس تعرف الفكرة بدال تكون البرزه مهجوره يفعلونها عيالنا

 

[الشحي]

وعليكم السلام ورحمة الله وبركاته

حيالله بنت مسندم
عيال هالجيل ما يحبون هالسوالف
يبون شي سهل و لعب

 

[بن علوان]

حيهم الربع فتحت البرزة بالصدفة وشفت هذا الموضوع في منتديات بعدها شغالة وقوية جدا في المتابعة اعتقد نرجع نحيي هذا المنتدى صعب جدا لكن ابقاءه كارشيف فكرة جيدة والله يوفق الجميع

 

[استراتيجية مفكر]

مشكلة لكل جيل فكر وتوجهات وكل جيل يختلف عن الآخر

وبالنسبة لهذا الجيل نزلوا لهم قسم الالعاب

بيدخلون لكم.

 

[الخنبولي77]

ينفع لا
الجيل السابق للبرزة أخير

 

[برووق]

هيه ينفعلا صح