تخيل معي....:)))))

[DaRk_ANgLE]

السلام عليكم ورحمة الله بركاته..

شحالكم الربع عساكم الا بخير...

خلال الفترات السابقه كنت خاملا موضوعيا ونشيطا ردوديا (حلوه هذي صح من اختراعي)

وقلت يالله بنكتب لكم موضووع عن الشره بس هههه

تخيل مع الركن المعتم انه(والا ورق خسران مثل ما تبون)......................!!

حدثت لك حادثه ما كانت في الحسبان ....مثلااا..مثلا صديق زعل منك من دون سبب وانت حاولت تتصل فيه اكثر من مره وهو مطنشنك مره!!الحبيب يمكن حد مخبرنه شي عنك...وانت مالك دخل في السالفه..

والربيع متئكد من السالفه ......بس انت ما سويتهااااا!!

تخيل ثانيا مع الركن المعتم...

قلت كلام وانت ما عندك قدره عالتوضيح فجرحت فيها انسان من دون قصد..والحبيب شل في خاطره منك وانت ما تدري ويبين لك عادي بس في داخله الله اعلم!!يعني ما عندك طريق ايخيلك انك تشرح له شو قصدك من هالشي!!
لانه ما يبين لك!!

افترض ثالثا مع الركن المعتم.....كما هو المعروف ان دوام الحال من المحال....كان عندك صديق في الطفوله سواء في الابتدائه او الاعداديه او الثانويه مرحله المراهقه! :mf_boff:
فهالصديق تغير مو مثل اول!!
فما هو السبيل لتوعيته وارجاعه اللا ما كان؟؟

فلو تكرمتو عطوني حلولا لهذه المشاكل الثلاث.؟؟
.............

والسموووووحه منكم يالربع...وهذا موضووع متواضع من كتابت اخوووكم ...


الركن المعتم

 

[سواح]

مشاركة: تخيل معي....))))

تسلم اخوي علي الموضوع ..

أولا طرش له صديقك ليكلمه عن الموضوع ويقنعه ولو طنش بعد انته طنشه المفروض تكون بينكم ثقه ويتأكد من الكلام لنقال عنك ..

ثانيا طبعا منك أنت تقدر تعرف انه شال بخاطره ولالا من كلامه ينعرف الواحد ومنك بعد تقدر تقوله ما كان قصدي ..

ثالثا ما تقدر ترجعه ألا تكون بينكم علاقه حميمه وصداقه قويه وتذكره بها طبعا ايام الدراسه طبعا ..


تحياتي


سواح

 

[المحجبة]

مشاركة: تخيل معي....))))

السلام عليكم

مشكور أخوي على الموضوع ..... أنا بعطيك بعض الحلول على حسب خبرتي وإن شاء الله تكون مفيده

بالنسبه للقضيه الأولى أنت تقول إنك تتصل بربيعك وهو مطنشنك ..... الواحد لما يحس إنه ربيعه مطنشنه راح يفهم إنه شي مزعلنه منه
وبهذا الشكل يكون أفضل شي تصارحه وتواجهه تقول له ليش مطنشني .... سامع شي عني .... حد ناقل لك كلام عني وتحاول تفهم منه كل شي وتشرح له الكلام إلي يمكن أنت قلته بالغلط .....


بالنسبه للقضيه الثانيه إذا كان هذا الإنسان قريب منك وايد ..... فأنت راح تلاحظ تغير أسلوبه معاك .... فلازم تحاول تصلح غلطك وتعتذر والمفروض أي إنسان جرح إنسان بكلمه حتى لو بدون قصد ..... لازم يعتذر من ربيعه بوقته حتى لو حس إنه ربيعه طوفها عادي .... الغلط غلط والواحد لازم يتعود يعتذر لما يغلط .... ولو كل مره يغلط ويعتذر صدقوني ماراح يغلط بعدها لأنه عارف إنه راح يعتذر ....


بالنسبه للقضيه الثالثه ربيعك إلي تغير .... هذي عاد أنت وطريقتك وأسلوبك ...... كمثال تحاول تذكروا أيام الدراسه ..... وبعد يعتمد على التغيير إلي مستويله ....إذا مصاحب شله ماهي زينه تحاول تنصحه بكل الأساليب .... وتحاول بقدر الإمكان تبعده عنهم .... ومثل ما قلت أنت وأسلوبك وحبك له وبعد حبه لك ....


أدري إني طولتها وهي قصيره وسويتها قضايا .... شنه جاعدين بمحكمه ( وحده تحلم بالمحاماه )


السموحه منكم

أختكم المحجبه

 

[ذياب]

مشاركة: تخيل معي....))))

وعليكم السلام ورحمة الله وبركاته,,,


الله حيك اخوي الركن المعتم واشكرك ع الموضوع وان شاء الله اتشوف الحلول عدنا واشكر الاخوان سواح والمتحجبه ما قصرو ما شاء الله عليهم ولكن بعطيك رايي وبكل صراحه...


القضيه الاولى يا طويل العمر شوف اذا الانسان ايعزك ويحترمك مهما سمع عنك اي شي مستحيل يغير شي من صوبك ولكن اذا الانسان ما عنده ثقه بنفسه ولا ما عنده شخصيه قويه ولا يعتبر من ضعيفين القلوب اكيد بيشل بخاطره منك ولكن الانسان الفاهم ما بغير اسلوبه وياك الا اذا شاف الشي بعينه هب سمعه بأذنه وبعدين تقدر اتحل المشكله انك اتسير له وتسأله شو فيك ولا تخبره كل شي بصراحه...


القضيه الثانيه شويه حساسه لانه مرات شي مواقف تطلب منك انك توزن رمستك وتحسب حساب كل كلمه اتقولها وهاي حلها انك تكون فطين وترمس واذا شفت الانسان فهمك غلط حاول انك اتفهمه الموضوع بطريقه واسلوب مب اتفر الرمسه جي والحل انك ترمسه وتفهمه الشي الي تتوقعه انه فهمه غلط...


وعن القضيه الاخيره هاي وايد تستوي وخاصه بعد ما تتفرقو بعد الدراسه اتشوف كل واحد بحاله يمكن ظروف عمل كل واحد منكم ويمكن الانسان بطبيعته يتغير ويكون له ربع غيرك ولكن علشان تحفظ هاي الصداقه اتحاول بقدر ما تستطيع انك ما تقطعهم يعني ايكون بينكم اتصالات وزيارات وعزايم ولا انكم تتلاقون في اي مكان عام...


هذا رايي يا الشيخ بكل صراحه واشكرك مره ثانيه ع الموضوع...


مع اطيب التمنيات,,,


ذيــــــــــــــــــاب...

 

[DaRk_ANgLE]

مشاركة: تخيل معي....))))

مشكوووووووورين عالمروووووور ولي تعقيب


بباي

وين البقيه

 

[DaRk_ANgLE]

مشاركة: تخيل معي....))))

اخوووووووي سواح
رمستك صح ميه في الميه
واسلوبك منطقي
وشكرا
اختي المحجبه عيبني كلامج واسلوبج..بس هالرمسه يبالها انسا فاهم وعقله متفتح ومو كل الناس فاهمه ومثقفه وشكرا عمرورج الكريم..
ذياب مافي شي مستحل كل شي يستوي وداوام الحال من المحال
ومشكوووووووور عمرورك الطيب

وتعالو كل يوم يالربع