الفرق بين عيال العز وعيال الفقر؟؟!!

[هجران]

الســـــــــــلام عليكم



اقولكم شوفوا الفرق بين عيال العز وعيال الفقر ...(ياخي احس معظمها صح )

ولدالنعمه قليل الحركه



الولد العادي سريع الحركه كثير الربشه لدى قدميه حاسيه عاليه للطم المواد الزجاجيه ( الكاسات و البيالات)



ولد النعمه يقول " ماما"



الثاني يقول "يمه"



ولدالنعمه يقول " نعم"



الثاني يقول " هاه"



ولد النعمه يقول " عمو" للي اكبر منه



الثاني يعاير اللي اكبر منه



ولد النعمه ياكل بالشوكه و السكين



الثاني يبدأ تعلم الشوكه و السكين في سن 26



ولد النعمه يلعب في الحديقه



والثاني يلعب في البراحه



ولدالنعمه يلبس نعاله قبل الخروج الى الشارع



الثاني لا يأخذ نعاله معه الا في حالة استخدامه لها كعوارض مرمى في الشارع



ولد النعمه ينام في بيجاما



وهذاك ينام بثوبه



ولدالنعمه ينام في فراشه



والثاني ينام في الصاله



ولدالنعمه يأكل على طاوله طعام



وهذاك يأكل على درج البقاله



ولدالنعمه يحب يلعب دور الدكتور



والثاني يحب يلعب دور الحرامي في " شرطه و حراميه"



ولدالنعمه يقول سلطه



والثاني يقول زلطه



ولدالنعمه يلبس بدله رياضيه اثناء لعب الكوره



وهذا يمسك ثوبه بفمه ويلعب



ولد النعمه يجلس مع امه في العرس



وهذا هو الورع الوحيد في العالم الذي يٌطلب من امه عدم اصطحابه رسمياً في بطاقات الدعوه



ولد النعمه اسمه طفل



هذا اسمه بزر



ولد النعمه تفتش جيوبه تلقاها نظيفه



والثاني عند تفتيش جيوبه يعثر على " حصى ...تراب.. ولاعه

(منقول)

ها شو رايكم...


والسمــــــــــوحة
هجـــــــــران

 

[مطلع_الشمس]

مشاركة: الفرق بين عيال العز وعيال الفقر؟؟!!

تسلمييين اختي والله .. موضوعج حلو ..

وفعلا هالايام الكثير من الناس تهتم للمظاهر ..

الله يهديهم ويهدينا .. ويعطيج العافيه ..

اختج : مطلع الشمس

 

[المـهــــــا]

مشاركة: الفرق بين عيال العز وعيال الفقر؟؟!!

ولد النعمه عنده كرشه من كثر مب مجابل التلفزيون .. ولد الفقر بطنه سطاحي

ولد النعمه رافع خشمه على الناس.. و ولد الفقر بسيط وحليله

الله يجعلنا من عيال الفقر و لا انه نرفع خشومنا على الناس

مشكوره حبوبتي على الموضوع .. تحياتي لج

 

[قاريءالكلمة]

مشاركة: الفرق بين عيال العز وعيال الفقر؟؟!!

السلام عليكم ورحمة الله وبركاته..

تبقى الحياه مسألة أرزاق..ولا نستطيع أن نعمم ذلك فهناك عيال فقر وما عندهم شي وتجدين همهم أن يكونوا بالمثل سواء مع عيال العز..وبالمثل نجد عيال العز قمه في الأخلاق مع الأخرين..

تسلمين على الموضوع

قاريء

 

[المحجبة]

مشاركة: الفرق بين عيال العز وعيال الفقر؟؟!!

السلام عليكم


من وجهة نظري إن الفرق بين الأطفال مو ولد عز وولد فقر ..... الفرق في التربية

في ناس فقر لكنهم مظاهر جدام الناس ..... من رأيي الواحد يسوي إلي يريحه بمعنى ( ينام على الجنب إلي يريحه ) لكن بحدود وبتصرف لبق جدام الناس

مو لازم يسوي إلي يريح الناس بس .... أول شي راحته ( إن كان نام في الصاله أو على السرير)

ياليت وصلت وجهه نظري

أختكم المحجبه

 

[هجران]

مشاركة: الفرق بين عيال العز وعيال الفقر؟؟!!

الســــــــــــلام عليكم


مشكورين كلكم على ردودكم على موضوعي ... وتسلمولي ..


واحب اقولكم ان القصد من الموضوع مش اني ابين الفرق بس القصد للفكاهة لا غير ..

والسمــــــــوحة
هجـــــــران

 

[الجرح]

مشاركة: الفرق بين عيال العز وعيال الفقر؟؟!!

شو يعني ولد عز او ولد فقر
ليش هالفرق بين الناس
ليش يعني ولد العز الجنة وولد الفقر النار

 

[ابو طنوب]

مشاركة: الفرق بين عيال العز وعيال الفقر؟؟!!

تسلم لي يا عسل بس حبذا تكثرين من هي النكت السخيفة

 

[عين الصقر]

مشاركة: الفرق بين عيال العز وعيال الفقر؟؟!!

لا لامو كل الناس على الهوى سوى

شي عاقل وشي مجنون

اييد راي المحجبة وسلااامتكم

مشكوره ع الموضوع

 

[DaRk_ANgLE]

مشاركة: الفرق بين عيال العز وعيال الفقر؟؟!!

انا راي من راي الاخ قارئ الكلمه والجرح

في اولاد فقر تشوفهم يلبسون زين ومحترمين وهاديين

واولاد العز تحصلهم حالتهم حاله وحشره

مافي فرق بين اولاد العز واولاد الفقر

كل واحد ولد ناس وعنده اب وام

والي يقول مامي بابي ...هذا يقلل من الرجوله

والسمووووووحه