بحرين نور العين^^ تصدق من يقول اني نسيتك

[الجريح]

لاتصدق من يقـول انـــي نسيتــك


من يقول انــي هويت انسان ثانــي


لك حبيبـــي نبض قلبي من لقيــتك


لك دموعي..لك خفوقي..لك حنـاني


شف عيوني هي تقول انــي هويتــك


شف خفوقي من بعـادك هو يعــاني


تسكــن بقلبي وفي عينــي مبيتـك


بك صدى صوت بأشواقـه دعـــاني


بك أعيش ومن بحر حـــبي رويـتك


قلبـك العاشـق ومن عشقـه كسـاني


لو تبي هالروح ماتغلــى..عطيــتك


اطلب البسمة وبك جرحــي نسـاني


بس أبيك اتكــون في قربي رجيتك


جيت لك بهديـك عمـري مع زمانـي


حيـل أحبك ياسما عمري فديـــتك


حيل أحبـك ماحــد غيـرك حوانـي


لاتقول اليـوم انــي ماهويتـــك


قـول قلبي مايعيـشه شخص ثانـــي

 

[سعود]

مشاركة: بحرين نور العين^^ تصدق من يقول اني نسيتك

الله حيبه العاشق الظامي ..



أخوي الجريح ... مشاركتك حلوة ..



واللي زاد من حلاوتها .. كلماتك الرهيييييييييييييبة ..



الصراحة ؟ ما عليها كلام .. مرّة مرّة ...



تسلم الطيّب ..



والسموحة منك .. =)



أخوك ..






















سعــــــــــــــــــــــود

 

[الجريح]

مشاركة: بحرين نور العين^^ تصدق من يقول اني نسيتك

السلام عليكم
شكراً اخوي سعود على مرورك الطيب
والله انت اللي رهيب مب كلاماتي وهذا كله من فضلكم
ومسموح الغالي بس على شو ههههههههههه
اختك الجريح

 

[طارق الغيثي]

مابصدق !!

مابصدق لاتخاف الهم فديتك

....................................... كيف بنسى الوحيد اللي هواني​

 

[بو هزاع]

مشاركة: بحرين نور العين^^ تصدق من يقول اني نسيتك

يسلملي الشاااااعر والله يسلملي

كلمات ولا اروع احساس ولا ابدع

نتمنى لك التوفيق الداااااااااااااائم

بو هزاع

 

[alshihhe]

مشاركة: بحرين نور العين^^ تصدق من يقول اني نسيتك

اسلمت يا الشاعر