بنات بسرعة ينقص عليهن( والضحية نحن الشباب )

[غزلان]

مشاركة: بنات بسرعة ينقص عليهن( والضحية نحن الشباب )

ههههههههههههههههههههههههااااااااااااااي

سمعووووووووو أنتو بسسسسسسسسس

قال متزوجه قااااااااال


تف تف تف الله لا يسمع منك

فديتني توني داشه ال16


وللعلم أنا هب مسرفه يالطيب

أنا بس شديدة الإسراف.. وكككككككككككككككككك :tongue:

وبعدين منو أنت عسب تحقق وياي

ليكون الأف بي أي وأنا نايمه ع وداني

ههههههههههههههههههههههههاااااااااااااااااااااي

وسلامتك يالأمير :tongue:

 

[أمير الامارات]

مشاركة: بنات بسرعة ينقص عليهن( والضحية نحن الشباب )

غزلان شوا بلاج الرد الي فوق ردا على غزالة الجبل :mf_zippy: :tongue:

واخر سطر عليج الله يعيني منج :tongue:

 

[غزلان]

مشاركة: بنات بسرعة ينقص عليهن( والضحية نحن الشباب )

ههههههههههههههههههههههههههااااااااااااااااااااي

أي نووووووووووووووووووووو ذاااااااااااات

 

[المحجبة]

مشاركة: بنات بسرعة ينقص عليهن( والضحية نحن الشباب )

السلام عليكم ...


مشكور يا أخوي على الموضوع .... بس مو شنك طايح وايد في البنات وحاط دوبك دوبنا .... يا الله ما عليه .... دومك الريايل ما تشوفون عيوبكم .... خلنا بالمهم ..... بخصوص موضوع إنه البنات ينقص عليهم .... يستوي أخوي ... بس للعلم مو البنات بس .... يعني في ريايل ينقص عليهم .... هذا يعتمد على وايد أشياء منها معرفة الشخص بالأسعار ومداولته للسوق .... حكمته ... ويعتمد بعد إذا كان من نوع المبزر ما بساوم على الثمن يدفع وبس ... أونه الفلوس عنده زايدة وهو بروحه مديون ... وبعد يعتمد على الجرأة ... يعني البنت تستحي تساوم مع الهندي ... وأنا عن نفسي أرفض إن البنت تروح بنفسها السوق بدون ريال وتاخذ وتعطي مع الريايل الأجانب يعني لازم يكون عندها ريال .....

أما بالنسبة لموضوع الإسراف .... إيه في ناس مسرفين .... من الجنسين يعني مو البنات بس .... يعني في ريايل مسرفين وأنا شفت وايد وعايشت وايد .... ريايل كل سنة سيارة ... كل شهر موبيل .... من غير الأشياء الثانية مثل العطور واللبس والكماليات ... والبنك ما يقصر .... وتلا قيهم ساعات يتسلفون عن الناس وهذا كله عشان بس الخنجه جدام الناس .... ونفس الحالة مع البنات ... يعني ما نحكم على جنس واحد.... حالة الإسراف صارت مع الجنسين وكله عشان يطلعون بصورة حلوة جدام الناس والحالة ورى يعلم فيها رب العالمين ..... الإنسان المفروض ... ما ينظر بالي بأيد غيره ... هو ركب سيارة آخر موديل وأنا لأ .... والله الحرمة الفلانية شرت طقم ذهب وأنا شو ناقصني عشان ما أشتري مثلها .... ناس صارت تركض ورى المظاهر .... الإنسان يمد ريوله على جد لحافه .... وعمرها ما صارت السعادة بالفلوس واللبس ..... السعادة بالقناعة .... الإنسان لما يكون مقتنع بحياته كلها وراضي بالي عاطنه ربه .... إن كان من الناحية المادية أو من حياته الخاصة مثل عيال وزواج وغيره .... أهم شي يكون قانع بالي معاه راح يعيش مرتاح .... وطبعا القرب من رب العالمين وشكره على نعمه هي أفضل سعادة بالكون .....

أدري إني أحب الهدرة وايد ... السموحة على الإطالة ....


ومشكور أخوي على الموضوع الجميل ...


أختكم المحجبه

 

[غزالة الجبال]

مشاركة: بنات بسرعة ينقص عليهن( والضحية نحن الشباب )

صح اللسااااااااااانج يالغلاااااااااااااااااااااااا،،

اميـــــر الاماااااااااارااات،،

المحجبــــــــــة ما شاء الله عليهااااا،، على ما اعتقــــــــد اتمت المنااقشــــــــــه،،

غزووووووووووووووولة

 

[أمير الامارات]

مشاركة: بنات بسرعة ينقص عليهن( والضحية نحن الشباب )

غزالة الجبل غلبتيني واعترف بالهزيمة

اختي المحجبة طبعا الريال بيسرف لسبب واحد انه يشوف ما عنده امل في الاستقرار يعني المهور كبيرة يعني نقدر انحمل البنت بعد يعني مثلا

اللحين انا شاب اشوف من الصعوبة اني اتزوج بسبب ارتفاع المهمور اللجأ الى الزواج من الاجنبية او اني اشتري سيارة ارخض من الحرمة وانتِ شوا رايج يعني لو البنت كانت ترضى باي مهر ماكان الريال انفق شي

 

[بو هزاع]

مشاركة: بنات بسرعة ينقص عليهن( والضحية نحن الشباب )

امممممممممممممممممم

ايواااا
الموضوع ساخن والحوار قوي
بس انا مو متفيج لهن يا خوووك خل هالسوالف لبعد العيد ترا الحريم لو اتالف كتاب عن اعلومهم وعن خبايلهم والله مجلدات يبالك بس يالله الله كريم

جاااو

بوهزاع

 

[المحجبة]

مشاركة: بنات بسرعة ينقص عليهن( والضحية نحن الشباب )

يا أخوي أنا أشوف إن مو كل الآباء يحطون مهور مرتفعة .... يعني والله في ناس يشترون ريايل مو فلوسهم .... هذا مو دافع للإسراف أخوي بالعكس .... المفروض الريال يحافظ على فلوسه عشان يتزوج .... والله يرحمه بوخليفة ما قصر ... صندوق الزواج ساعد كثير من الشباب على الزواج .....


أختكم المحجبه

 

[أمير الامارات]

مشاركة: بنات بسرعة ينقص عليهن( والضحية نحن الشباب )

بوهزاع بعد العيد يمكن ما ادخل المنتدى يعني بس هذه الفترة تعرف بان ميولي الكتابة في المواضيع الرياضية واشارك في المنتديات الرياضية وكل حرتي اليوم بطلعها ومشكور على المرور


المحجبة طبعا هب كلهم نحن نتكلم بشكل عام يعني الاكثرية طبعا هذا الشي واهم شي عندهم البيزات كم بتدفع وكم وشوا عندك هذا الشي معروف وكم بيجمع يوم بشوف ان طريق الحلال وايد غالي الحرام رخيص واي صندوق اختي اصلا ما يعدون الا بعد ضرابة والواسطة ويعطون الصنف بعدين يعني الريال وراه العرس المهر الحفلة والذهب وين يدفع بيحصل حرمة بالحرام ارخض وبلاش في هذا الزمن اذا كان حلو

 

[المحجبة]

مشاركة: بنات بسرعة ينقص عليهن( والضحية نحن الشباب )

ليش يا أخوي طريق الحرام اعوذ بالله منه .... إحنا الحمد لله ... أنا أتكلم عن المجتمع إلي أنا عايشة فيه .... الحمد لله والشكر أغلبية العائلات محافظة على قانون صندوق الزواج وتحديده للمهر والحمد لله وايد تزوجوا عن طريقه ... الحمد لله .... والشاب إذا بكابر وبيحافظ على فلوسه ... راح يتزوج ويأسس له أسرة وما بيحتاج للحرام أعوذ بالله منه .... أخوي ما شي إي بالساهل والواحد لازم يكبر عشان يرتاح بالآخر .... وإلي إي بالساهل يروح بالساهل ... وبعدين ما تحس بقيمة الشي إلي إذا تعبت لين تحصله ... وأعتقد إن إحنا أحسن من بلدان ثانية ... العمل موجود والمعاشات الحمد لله .... لكن يبى صبر وتصميم من الواحد عشان يوصل للي يباه .... أنا أعرف واحد زوج عياله الأولاد كلهم ... حافظ على فلوسهم بنالهم فيها بيوت وزوجهم والحمد لله ... لو كانوا هم تصرفوا بالفلوس لما كان واحد منهم ألحين متزوج .... إلي بيقتصد بالأول راح يرتاح بالآخر ... وطبعا الزوجة لها دور بعدين في الحفاظ على بيتها ولي بيوفرونه راح يرجع لهم هي وعيالها ....


مشكور أخوي والسموحة منك


أختكم المحجبه