ممكن.سؤال عن الشحوح

[نورالمحبة]

لأن هذا المنتدى يرمس عن الشحوح فبغيت أسأل أذا ما عليكم كلافة ..

رفيجتي شحية ولكن لاحظت عليها ان رمستها غير بعض الشي عن رفيجاتي الثانيات بعد شحيات ..
ولما سألتها عن الاختلاف قالتلي انهن بخيات ...
ومره خطبها واحد من بخا فرفضته لأنه من بخا وفهل الاشحوح الي فهاي المنطقة غير مع العلم انها اتقوووووول انه غالبيتهم عيم اي ماخذين اللقب فأرجووووووو التوضيح ...

وأسمحووووووووووولي
بس لاني مهب شحية ...ولكن أحب الاشحوح لان أغلب رفيجاتي شحيات ..حتى أني أتعلمت بعض المفردات ..فما أبى أصدق كلامها ..لانه يتعرض لرفيجاتي الثانيات

أختكم
نور المحبة

 

[الصيـاد]

مشاركة: ممكن.سؤال عن الشحوح


..
..
..
..
السلام عليكم ورحمة الله وبركاته
.
.
مرحبا فيج اختي
بالنسبة لاختلاف الرمسة
تقريبا كل عشيرة وكل منطقة تتميز برمسه منفردها .. وتكاد تتشابة
والشحوح ايضا ينقسمون الى قسمين : حضر .. وبداه
والاكثرية بداه
اهل بخا(العروبية) رمستهم غير شوي وكذلك المناطق المجاورة تختلف
.
.
وبخا مب الوحيده الي فيها عيم ... العيم في كل مكان ويحملون القاااب كثيره غير الشحي
وتسلمي

.
.
.
تمنياتي لكم بالتوفيق
الصيـاد
..
..
..

 

[العوسج]

مشاركة: ممكن.سؤال عن الشحوح

نعم هذا صحيح مثل ماقال الصياد

 

[نورالمحبة]

مشاركة: ممكن.سؤال عن الشحوح

مشكووووووووووور أخوي على الرد


لكن الي أعرفه انه خصب وحرف هذيلا المنطقتين ما فيهم عيم
وموخي اغلبيتهم السمر ..
وبخا منطقة اغلبيتها عيم ..
أسمحلي لكن كيف راح انميز اذا كانو شحوح ولا لا وخاصة إذا كانوا عايشين اف منطقتهم ..

 

[حلوة شعم]

مشاركة: ممكن.سؤال عن الشحوح

لا ما في فرق بس كل واحد يتعلم رمسة من أمه وأبوه غير عن الثاني
وفي بعض المفردات في لهجتي مثلا ما يقولونها ربيعاتي في المدرسة
واحنا مثلا في راس الخيمة :
في ألف لهجة ولهجة في اللهجة القيرية لو سمعتي عنها واللهجة تخص أهل الجير أو بمسمى آخر القير
وفي اللهجة الشعمية اللي تقريباً مثل لهجة القيريين بس في اختلاف شوي وفي واللهجة الشعمية تخص أهل شعم وفي اللهجة البخية ويانا بعد
وفي وفي واااااااايد لهجات وأنا تعبت من أكتب SORRYيعني ...

تحياتي أختج حلوة شعم
( وأسمحوا لي أهل راس الخيمة ) وأنا منهم طبعاً

 

[الغلا]

مشاركة: ممكن.سؤال عن الشحوح

السلام عليكم ورحمة الله وبركاته ...

اختي شرا ما وضحلج الاخ الصياد كل منطقة ولها رمستها وحتى فالمطقة نفسها ممكن تختلف المفردات ...

ويا اختي حتى خصب فيها عيم مب بخه بس ... واهل المنطقة يعرفون الشحوح اصل من العيم وبالاخير كلنا من تراب ...

 

[الصيـاد]

مشاركة: ممكن.سؤال عن الشحوح


..
..
..
..
السلام عليكم ورحمة الله وبركاته
.
.
تعرفين العيم عن الشحوح
اولا بالشبة
ثانيا ما يتقنون الرمسه عدل
واذا ما عرفتي عدل
اتخبر حد من عيااال البلاد ويكون معروف يعني .. مثلا شيوخ البلاد (بني مالك)
وهم ابخص بأهل البلاد مني ومن غيري

.
.
.
تمنياتي لكم بالتوفيق
الصيـاد
..
..
..

 

[نورالمحبة]

مشاركة: ممكن.سؤال عن الشحوح

مشكووووووووووووورين
على الردووووووووود
الغلا أختي ابونا أدم وأمنا حواء ...........بس حبيت أسأل هذا السؤال عشان أتأكد ليس إلا .
وبعد أتزيد معلوماتي أشوي ..

وأسمحوووووووووولي ..
أختكم
نورالمحبة

 

[نورالمحبة]

مشاركة: ممكن.سؤال عن الشحوح

الصياد ..مشكووووووووووووور
وااااااااايد وايد على الرد ..

لكن أخوي ماشاءالله بشووف العيم يرمسووووووون شحي أحسن من أهل البلاد نفسهم ....وماراح اتعنى ولاشي أروح عند الاشيوخ عشان اقلهم جو الفرق ..بشلوني انا وقشي وبفروني برع ...

لكن ماشاء الله عليك كفيت ووفيت



نورالمحبة

 

[فاهم بن فهم]

مشاركة: ممكن.سؤال عن الشحوح

نور المحبة

السلام عليكم الجميع

((رفيجتي شحية ولكن لاحظت عليها ان رمستها غير بعض الشي عن رفيجاتي الثانيات بعد شحيات ..
ولما سألتها عن الاختلاف قالتلي انهن بخيات ...
ومره خطبها واحد من بخا فرفضته لأنه من بخا))..

الرجاء عدم التطرق للأمور الشخصية للناس وتطرحين السؤال وتحتفظين بسوالف الناس لنفسج
والسموحة