.:. يا صـــاحبــي

[احمد بن مالك]

.:. يا صـــاحبــي .:.

اهدي هذي القصيدة لكل جاهل في الحب ... وعنوانه الخيانه ... من كلمات الشاعر وميض الشوق (سعيد الجنيبي )



يا صاحبي


يا صاحبي ياللي تقول انك تباني ما ابيك


ما أبيك لو تذرف عيونك دم والله ما اباك


خلّك مع اللي بعتني لجله تظنه يشتريك


ما ينشرى منهو رخيص النفس يا مرخص هواك


فارق يعل العين ما تشوفك ولاتحسب أجيك


ما جيك لو ضامي وريجي ما يبله غير ماك


أعيش سكرات المنية خير لي من اني ارتجيك


أعيش في قبر مع ميّت ولا أحيا معاك


يا من عطيتك راس مالي قلبي ياللي هام فيك


يا من تمنيتك حلالي كنت اشوفك كالملاك


ذاك الملاك الطاهر اللي كنت أظنه يحتويك


يا محتوي كل المعاني الزايفه قربك هلاك


لو شفتني أغرق تحمل لا تمد لي يديك


تأكد اني من المستحيل اني اقبل نجاتي من جداك


يا واحد عزيت شانه خاب ظني خاب فيك


ما بين ابعينك رفعتك وانته داني مستواك


ارخصت ناس ما تساويهم لجل خاطر عينيك


كنت اصبح وامسي على كلمة انا روحي فداااك


يا خاين العشرة تخون اللي بروحه يفتديك


تلعب على الحبلين تلعبها مع منهو غلاك ؟!


قالوا تراه الزين ما يكمل ولا صدقت فيك


هذي حقيقة والمهم ماني بذاك اللي بغاك


دارت بك الدنيا وتحسبني بلهفة أحتريك


روح ترا الاول تحول يالله بس عطني قفاك


​

 

[رهف]

مشاركة: .:. يا صـــاحبــي

يعطيك العافية اخوي

دامي رفضتك أنا ما بيك تذكرني
ما بيه يطري وجودي داخل أمثالك

خلني ارحل وأقول البعد وش يعني
خلني أنسى كثير اللي على بالك

وان مرت العاطفة والشوق ولعني
اسهر مع رغبة كانت لك لحالك

كانت لك أيام تزعل يوم تقطعني
وأحلام تبني وأنا من كان يهنا لك

لا تذرف الحب بيدك لا تجمعني
لا تنتهي رحلة التمثيل وآمالك

فكرت ابلقى طريق ولا تدورني
فكرت أسافر بروحي ما ترجالك

يا مطوف الوقت توك جيت تسعدني
توك تعود لقلبٍ كسر أغلالك

ما بيك ما بي شعور منك يذكرني
يا اللي نسيت الوفا من يوم ما جالك




رهووووووووووفه​

 

[مناير]

مشاركة: .:. يا صـــاحبــي

مشكور اخوي ع القصيده ... تسلم يدك ...




منـــــــــــاير

 

[الرواح]

مشاركة: .:. يا صـــاحبــي

يعطيك العافيه على القصيد
الرواح

 

[ظبية المزيونة]

مشاركة: .:. يا صـــاحبــي

يسلموووووووووووو
ع القصيده وايد حلوه