رحله الى جدي

[الفهر]

يالس على سيفة المكان الي يغرقون فيه الناس ... وما ادري الوقت ليل ول نهار ... المهم اني يلست مع نفسي ... وكلمتها عشان نروح لجدنا (رؤوس الجبال)..
وركبنا (انا وانا) بسرعه بالسياره ...
وبفرحتنا لوصولنا للجد ... الي بيخبرنا القصص القديمه .. ويحضنا بصدره الدافئ .. وريحة عطوره القديمه .. ويفرحنا ..
وصلنا .. وصلنا للسيف الي يقسم ظهر جدنا .. خذوا جوازاتنا وفتشوا السياره .. (تخيل ممنوع ندخل معانا كاميرات .. يحرمونا من صور جدنا .. ههه.. نذاله ) ..
كملنا طريجنا والكراهيه والغيض والذل الي بلعناهم ملوعين بجبدنا ...
زال ..زال كل شي لما شفت جدي .. الجبال الشامخه .. جدي ..البيوت القديمه .. جدي ..الاشجار القديمه .. جدي .. الوعوب المتناثره ..جدي .. جدي متضايج .. جدي زعلان .. جدي محد عنده .. المكان خاوي .. الطرق فاضيه ..البيوت مغبره .. وين .. وين اهلك ... وين ناسك .. وين عيالك .. تركوك جدي ؟؟
لا تزعل .. ( انا وانا ) موجودين ... وبنرسم البسمه على شفاتك .. وبنرد الفرحه بقلبك..
وفعلا .. بمسحة ريشه .. تحولت الصخور لناس يروحون ويردون .. وبمسحه غيرها تلونت المناطق الشاسعه من اللون البني للون الاخضر .. وبمسحه ثالثه ترممت البيوت .. وبالرابعه انرسمت الابتسامه والفرحه على وجه جدنا ... لا .. دموعك يا جدي تمسح البسمه ... لا تزعل جدي .. عيالك بيردولك .. عيش على هذا الامل بالي بقى من عمرك ..
حزني عليك جدي ... من بيشيل السيف من ظهرك .. ومن بيردلك ابتسامتك ومتى ؟؟



الفهر

 

[الدلوعه]

مشكورعلى هذا الكلام الحلو

السلام عليكم ورحمة الله وبركاته نشكر اخويه الفهر على هذا الكلام الحلو
واتمنى لك التوفيق ان شاء الله

اختك
الدلوعه

 

[المـهــــــا]

خيالك حلو و بسيط اخوي الفهر .. مشكوور على المشاركه

تحياتي ..
المهـــــــــا

 

[سواح]

الله كلماتك حلوه ومعبره

تشكر أخوي الفهر علي هاي الكلمات


تحياتي

سواح

 

[مخاوي الطيبيين]

شكرا لك اخوي الحبيب الفهر علي هاذي المحه التاريخيه عن مكان الاجداد والعوده الي القدم والتاريخ والحضاره الحقيقيه التي عاشوهااباءنا في القدم

 

[صقر الشحوح]

السلام عليكم ...

مشكور اخوي الفهر على القصة الحلوه

والسموحة...

 

[الهناوي]

السلام عليكم

قصه خياليه حلوه وانت الأحلى يافهر

 

[الجني]

السلام عليكم.........
مشكور على هذا الأطراء الجميل .....
تمنيت لو كنت معاك .....
أقول : ثاني مرة تخيل إنك تزورني ...

 

[الفهر]

مشكورين على الردود

مشكورين يا جماعه على الاطراء000

اختي الدلوعه 000 ولج التوفيج كذالك
اختي المها 000 على المداخله الحلوه
اخوي سواح 000 كلماتك هي الاحلا
اخوي بوساره 000 صدقت كيف قدروا يعيشون ابائنا في القدم ؟؟
اخوي الصقر000 اتمنا انها عجبتك القصه القصيره
اخوي الهناوي 000 انت الاحلى
اخوي الجني 000 لو احصلك اخذك على طووول وبدون تردد 00 بس انت توافق



الفهر

 

[مرايم]

ولا أروع منها!!

الســـــــــلام عليكم..

مــــــــــدام الفهـــــــــــــــــر اللي كاتب هاي الكلمات00

ما أقدر أقول غير ( روعــــــــــــــــــــــــــــــــــــــــه )

وأتمنى أقرا أكثر وأكثرمنك00

|3|

أختك
مرايــــــــــــــــــــــــم