براءة حب..بقلم معاني.

[قلب تيبات]

مشاركة: براءة حب..بقلم معاني.

افاااااااااااا


عبااالي كنت بحصل النهااايه


لا تطولين الغاليه

نبا النهاااااااااايه









أختكم الشحيه الصغيرونه

قلب تيبااات

 

[معاني]

مشاركة: براءة حب..بقلم معاني.

راعي الويلات..

هههههههه هدي اعصابـك..

رهـف..
مشكوره ع المرور..

قلب تيبات..
ما بجـــــى شي ع النهايه..مشكوره ع الحضور..

اتريوا الجزء الاخير ..ما اقدر احطه احين بطلع بسير المنار... :mf_depres

 

[قلب تيبات]

مشاركة: براءة حب..بقلم معاني.

افااااااااااا

وانا الي متشققة يوم جفتج رااده ع الموضوع

عبااالي حطيتي النهااايه

تسلمين حبوووبه

الله ويااج الغاليه









أختكم الشحيه الصغيرونه

قلب تيباات

 

[الفهد الاسمر]

مشاركة: براءة حب..بقلم معاني.

ذليتينا يالله مي قصه هاي عنبوه

 

[الفهد الاسمر]

مشاركة: براءة حب..بقلم معاني.

ذليتينا يالله مب قصه هاي عنبوه

 

[أميرة الحب]

مشاركة: براءة حب..بقلم معاني.

مشكوره الغاليه ع الإجزااااااااااء الحلوووه ..


بس مب حراااااااام علييييج اتخليناا نتراااج كل هالفتره بس عسب تنزلين كمن جزء ..


وما شيء سيره للمنار اليوم .. اول شيء نزل الأجزاااء بعدين الله يحفظج ..

وما اذكرتني المنار الا اللحين ...


ماااااااااااا شي انا ما اقدر اتريااا اللحين نزليه حبوبه .. تكفييين .. طلباااانج لا تردينااا .. تراا شعر راسنا شااااب ..

 

[معاني]

مشاركة: براءة حب..بقلم معاني.

قلب تيبــــــات... :tongue:

الفهد الاسمر مولك محتشر...

اميـرة الحب.. ان شا الله.. :tongue:

السموحه منكم ... و اتفضـلوا الجزء الاخيـر...

 

[معاني]

مشاركة: براءة حب..بقلم معاني.

الجزء الاخير..


يوم الجمعه الكل يالس في الصاله يتغدى..و كانت (منى) و (خالد) موجودين..

حست (شما) مب قادره تاخذ راحتها..لا في الكلام و الحركات..لان عيون (وليد) صوبها..

في البدايه كانت مستحيه من نظرات (وليد) بس بعدين تمت مضايجه..

وليد(واقف) يالله شمـا بنروح دبي ..

مهرا( تركض لابوها) :- بروح معاكم بابا ..
وليد(يشل مهرا) ان شا الله بابا .

كانت (شما) بتطلع من الصاله بس وقفتها (منى)

منى: شمووه ما تبين الكمبيوتر..انا خالد بشتري لي كمبيوتر يديد..

طالعت(شما) (وليد) لانها اتعرف ان (وليد) مستحيل يسمح لها..

وليد: خليه انا باخذه معاي دبي بحتاجه في البيت عشان الدوام.

منى: زين يباله فورمات وايد فيه ملفات..

وليد: ما يهج بسويه من اول يديد.

بعد ما سلموا بالاهـل..ركبوا السياره..
شما: بمر حق امايه بسلم عليها.

وليد: ما اروم امر ..خليها الاسبوع الياي..

شما(معانده) من زمان ما جفتها.

وليد: قلتلج ما اقدر ..و بعدين شو ها الضحك و المياعه في الصاله اونج اتبين خالد يلتفت لج..انتي بعدج عندج امـل.

طالعته (شما) و صدت الصوب الثاني.
شما: انت ناوي ع الشر بس تبا اضاربنـي ادور ع أي سبب..

وليد: تراج ما تستحين ع ويهج..

مسكت (شما) اعصابها لانها لو ردت بتعرف انها بتحصل كف ..من (وليد)

شما: زين مر ع امايـــــه.

طنشها (وليد) و كمل طريجه..رقدت(مهرا) في السياره..

وليد: ترا باجر بسير اخطب.

شما: مبروك.

وليد: تبينها من الله عشان اطلقج بس احلمي.

شما:صدقني كل الي اتمناه اني اطلع من حياتك.

وليد: تراني صكيت عليج مب شرات ابوي ع نياته.

شما :- و الله قهر انا الي عمري ما عرفت الا انت شوف كيف حياتي ..و الصايعه الي ما خلت حد و طلعت معاه جوف كيف مستانسه ..

وقف (وليد) سيارته ع جنب..و طاللع (شما)

وليد(محرج) تقصدين منو الصايعه.؟!

(شما) ساكته ما اترد..مشاعر مختلطه من الخوف و الالم ..و القهر..

وليد: تقصدين منوووووووو؟؟

شما(محرجه) انت الحينه ما خليت كلمه الا و قلتها لي من تزوجتك..و الحين ما رضيت كلمة صايعه ع اختك..

حست (شما) الدنيا ادور فيهاا..من صفعة (وليد) حطت ايدها ع ويها مكان الصفعه..و يلست اتصيح..

بس (وليد) تم يضربها..ع ويهاا..و (شما) اتصيح بصوت عالي..

لو (مهرا) ما قامت من رقادها بسبب صراخ (وليد) و صياح (شما)و يلست اتصيح من لاموقف ال صار ..جدام عيونها..ما كان (وليد) بيوقف من ضربه لـ (شما) ..

(شما) مغطيه ايدها بويهاا اتصيح.. انتبه (وليد) شو الي سواه في (شما) بلحظه غضب ..

حط راسه ع سكان السياره..حاس بالندم ..لان (شما) قدرت تستفزه و اطلعه عن طوره..

وليد: ارتحتي ها الي تبينه..

(شما) مكانها اتصيح..(وليد) محتار يسكت (مهرا) ولا يسكت (شما) ..شل (مهرا) من فوق (شما) و يلس يسكتها..

و بعد ما سكتت حاول ايرر ايد (شما) عشان يجوف ويهاا..بس (شما) ما خلته و صدت الصوب الثاني.

وليد: (بصوت حنون):-خليني اجوف ويهج.

(شما) ساكته و اطالع برع من الدريشه..
وليد: انا اســــف..سامحينـي.

كانت (شماا) اتحس بهم ثجيل في صدرهــا..كانت تتمنى تتخلص من كل ها باسرع وقت..

لما اتحرك وليد بالسياره حطت (شما) راسها..ع السيت و غمضت عيونها..

فتحت عيونها يوم كان (وليد) يتحسس ع ويهاا مكان الطراقات الي علمت ع ويهاا..

وليد: يالله ويهج كيف معلم ..بشرتج وايد حساسه..

فتحت (شما) باب السياره عشان تنزل..

دخلت حجرتهاا..ودشت الحمام اتغسل ويها بماي بارد..

طلعت من الحمام .جافت (وليد) يحط (مهرا) الشبريه ..واجدم منها..

وليد: (يحاول يمسك شما) :- تعالي ..
شما (ترجع لورا):- انا ما ادانييك.

وليد: اتحبين تستفزيني ..و اخرتها شو صار.
شما: يالله متى بتخطب ..عشان اطلقني تراني اشتقت لايام قبل.

وليد: شو قصدج.
شما (تطنز) المواعده ورمست التلفون و الشات .و المسنجر.

وليد:اتقولين جي عشان اتغايضيني.

شما: انت ما تعني لي شي عشان اغايضك.
وليد: حتى بالمسنجر كنتي اترمسين شباب ..

شما:هــــي بكـل مكان..

(شما) بداخلها كانت خايفه..من الكلام الي اتقوله لـ (وليد) بس كانت غصبن عليها ترمس..لانها فكرت هاي الطريقه الوحيده..الي بتريحهاا من (وليد)..

لو كانت اتحبه.. بس يوم تكون جريبه منه اتكون بعـذاب..

(وليد) يوم سمع ها الكلام..طلع برع الحجره ..من غير ما يعلق ع شي.

كانت (شما) بها اليوم مضايجه..اتحس بالضيجه..وحست انه طويل..رغم ان (مهرا) معاها ..(وليد) للحين ما رد البيت..

اخيرا يت الساعه 11..تعشت (شما) و عشت معهاا (مهرا)

حست بخوف لان (وليد) من طلع لا اتصل ولا ياه البيت..يلست اتحاتيه لي ما رقدت..

**
اليوم الثاني..كان (وليد) يجنبها و يعاملها فـ برود..ندمت (شما) لانها البارحه ..بينت له انها صج الانسانه الي في باله..

بس لاحظت عليه انه (متحلق) و كاشخ ..ولا بس ثوب يديده..

يااه فضول ..تبا اتعرف ليش ...ليش كل ها الكشخه..

شما: اجوفك كاشخ..شو السالفه

وليد(يتعطر):- انتي يهمج بشي.
شما: عندي فضول.

وليد:ساير اخطب..

حست (شما) الدنيا ادور فيها..يوم سمعت كلام (وليد)
شما( تهمس) جذاب.

وليد: ليش مستغربه تراني قلتلج بخطب الاسبوع الياي

شما: انا بسير بيت اهلي.

وليد(يتطنز) وين بيت عمج ولا بيت امج.

شما: ما يخصك.

وليد(يصرخ) لا ترمسين بهالاسلوب..
سكتت (شما) خايفه..بمجرد ما طلع (وليد) طلعت الشنطه ..وحط ثيابها ف الشنـطه..

راحت الصاله تتصل بـ (امهاا) بس اتفاجات ان (وليد) شال التلفون..

يلست اتفكر بطريقه تطلع من هني..بس كيف توصل بوظبي..و (مهرا) منو بتم معها..

يلست ع الكنبه اتصيح منهاره..ما عندها حد تلجأ له (وليد) خلاص برتبط اليوم بانسانه غيرهـا..

فكرت مستحيل اتم بها البيت..ما اتحمل اجوف (وليد) و بحياته صارت انسانه غيرها..

بامكانها تصرف و ترجع بوظبي بس (مهرا) وين تاخذهـا..
اخيرا..قررت تتريا (وليد) وتحشره لي ما ياخذهـا بوظبي و تكون هاي اخر ..مره اجوفه..

تالمت بداخلها ..وهي اتفكر انها خلاص ما بجوف (وليد) ولا (مهرا)

خساره ع الاوقات لو كانت مره بس بتم ذكرى بقلبهـا للابـد..و(وليد) اكيد بيي يوم وبيعرف انه غلط بحقهاا و ظلمها..بس ساعتهاا ما بتسامحه موليه..

 

[معاني]

مشاركة: براءة حب..بقلم معاني.

اتذكرت (شما) ان شي تلفون في الميلس..ارتاحت يوم جافت التلفون موجود بالميلس..

اتصلت بيت عمهاا..رد عليها عمها..

شما (اتصيح) :- عمي تعال خذني من هني..تراني بموت.

العم (خايف): بلاج يمه شو صاير.

شما: طرش الدريول أي حد المهم ما ابات اليوم هني الله يخليك ولدك بذبحنــــي..
العم: ان شالله بس انتي هدي..

شما: الحين الساعه 10 ونصـ الساعه 12 ابا اكون في بوظبي ..ولا و الله بطلع بسير أي مكان ..و انت الي مسؤل يا عمي..

العم:يا يبه لا توهقيني معاج..انا بروحي تعبان..
شما: (تصيح) سامحني بس تعال خذني من هني.

العم: خلاص بييج انا و الدريول.

طلعت (شما) من الميلس.. و سارت حجرتها ..اتيير شنطتها تتريا عمهاا..

شويه ودش (وليد) يطالعهاا

وليد: وين سايره بها الحزه..
شما: بسير بوظبي عمي بيي ياخذنـي.

(وليد) يلس حذال (شما)
وليد: تبين الفكه..
شما:خلاص عندك الي احسن عني..(تنزل دموع من عيونها)و الي بتعرف اتربي مهرا..

استغربت (شما) يوم (وليد) مسك ايدهـا وهو يبتسم.

شما:- اكيد راغوك اهل العروس..بس بعد كرامتي ما تسمح لي اني ارجع لك.

وليد: اهون عليج.

شما (اتير ايدها اتخاف تضعف):- خلاص انت صرت صفر ع الشمال.

وليد:بتصدقيني لو قلتلج..انج اطهر انسانه عرفتها بحياتـي.

طالعته (شماا) مستغربه..
وليد: و اللــــه ما اقص عليج.

شما: ما عاد يهمني ..انت اليوم اخترت انسـانه غيري يعني ماله لزمه هالكلام..

وليد: منو قالج..انا عمري ما بختار غير..شما ..
طالعته (شما)

وليد: انا حيوان.

شما: وغبي و جبان و ما تستحي ع ويهك.

اتوقعت (شما) اتحصل طراقات شرات البارحه ..بس بطلت عيونها يوم سمعت (وليد) يضحك بصوت عالي.

وليد: انا وايــــد احبـج.

(شما) مب مصدقه الي تسمعه..
وليد: و احس اني غبي يوم كنت اغار عليج من (خالد) اخاف ياخذج مني..

(شما) ساكته تتريا (وليد) يكمل كلامه..

وليد: يالله بحيــــاتي ما ظلمت حد كثر ما ظلمتج..ابرايج اذا تبين اتهديني ..(مسك ايدها) بس سامحيني .

شما: انت شفيك؟؟
وليد: مستانس لانج للحيـــــن موجوده عندي.
شما: عمي بيي ياخذني.

وليد: ترا دق لي بعد ما صكرتي من عنده انا قلته لا اتيي وطمنته.

شما: ع كيفك.
وليد: هي تراج حرمتي..و انا اباج.

شما: بعد ما خطبت تباني ..انا ما اباك..
قامت من مكانهاا بس (وليد) يرها و يلسهاا..

وليد:منو قالج اني سرت اخطب..انا مب مينون ..

شما: عيل كل ها الكشخه..

وليد: سرت عرس ربيعي.
شما(مب مصدقته) اونك..؟؟

وليد: فديته ربيعي لولاه ما كنت فتحت عيوني ع الصج ..و هاي منووه دواها عندي ع (يطالع شماا)
قولتج الصايعه..

استانست (شما) يوم سمعت كلام (وليد) الحين فهمت ان (وليد) عرف انها مظلومه و انها مب شرات مثل ما يقول..

شما: وليـــــد يعني انت .انت عرفت اني بريئه.

وليد: (يضحك) شو يالس اقول من الصبح.
شما: كيف عرفت..

وليد: شيكت ع الكمبيوتر ..(يضحك) اتخيلي الناس برع تتريا المعرس الي هو ربيعي و انا هو ..يالسين نفتح مجلدات جديمه في الكمبيوتر..

شما: كمبيوتر منى.

وليد: (معصب) الطفسـه اتعرفين قريت كل ايميلاتهاا ايميل ايميل..الغبيه ..اتثق باي حد و تخبره كل شي.

شما: ها ما يوضح كل شي.

وليد: امبلـى شي مجلدات مخزنه ترمس ع مسنجر الياهو مع شباب ..و انتي يا الحماره كنتي ادارين عليها بدل ما اتخبرين عليهـا..

شما: كانت تترجانـي.

وليد(يلعب بشعر شما) اتخيلي منى لو ما عطتني جهازهـا..كنت موليه ما بصدقج..سامحيني حبيبي.

شما: و كنت بتعرس علي.؟

وليد: و الله ما كنت بسويها كنت ابا اغيضج شرات ما كنتي تغايضيني.

شما: اموت و اعرف كيف وصلت الورقه الي فيها تعليق خالد و شو الي خلاك تفتح موبايلي..

وليد: بجاوبج بس الي ابا اعرفه ليش هالارقام موجوده في موبايلج..مع ان هالاسامي المخزنه كلهاا موجوده في المسنجر ..منى اترمسهم ..

شما: ترا منى تلفونها اخترب فاستعملت تلفوني..يالله جاوب ع سؤالي.

وليد: وصلتني علامه شرات المسج ع موبايلي..مكتوب فيهاا افتح تلفون حرمتك و طالع مسجاتها..

شما: (تستهبل) منو مطرشنها لك.

وليد: من غيرها الحقوده منى.

شما: خلاص عرفت اني بريئه..
وليد: هي و عرفت اني موت احبج..سرت افتش الكمبيوتر مجلد مجلد..عشان اعرف منو الي اترمسنهم غير الموبايل..بس انصدمت باشياء ما اعرفهاا..سامحيني..

ششما: (واقفه)لا ما اقدر..

وليد:ليش ليش..

شما: جفت معاك الويل وليد..

وليد:شو تبين مني بسويه..

شما: وصلني بيت عمي.

وليد: (يترجاها) دخليج شما عطيني فرصه...عشان خاطر مهرا..

شما(مغمضه عيونها) :- انت شكيت فيني مره يعني خلاص حياتك بتكون كلها شك

وليد: (يهمس) ما اروم اعيش من دونج و الله..حتى و انا كنت اضارب معاج بس كنت ميت فيج..ميت غيره من الي كنتي اتعرفينهم قبل..

شما:الظاهر اني مب من نصيبك..
وليد (يرفع ايد شما و يبوسها) :- شما فكري زين ترانا نحب بعض.

بها اللحظه سمعوا صياح (مهرا) ركضت (شما) لهاا..حاولت اتهديهـاا و رقدتها..

استغربت ..ان (وليد) ما ياه بعده في الصاله..

طلعت اجوفه..يالسه ع الكنبه و محطي ايده ع راسه..
حست (شما) شي بداخلهـا..صوب هالانسان..

سارت و يلست حذاله..
وليد: خاطري اسوي شي.
شما: شو ووو

وليد: بجتل منى..صدقيني بادبهـا..
شما: منى عندها ريل الحينه..

وليد:يعني انتي منى ادافعين عنها و تساعدينها لكــــن انا مب راضيه اتسامحيني.

شما:-(تبتسم) منى شرات اختي..و الزمن الي بعاقبهـا.

وليد: و انا شو بالنسبه لج.

شما(تحط ايدها ع كتف وليد) انت حبيبي..لو شو صار..

وليد: (يمسك ايدهـا) احلفي انج ما بتهدينـي.يا اطهر من عرفت بالكون..

شما(مستحيه) و اللـه اني ما بهدك لانك انت و مهرا استويتوا..شي عايشه عشانه..

وليد: فديتج..و الله اني متحسف ع الايام الي طافت علينا..

شما: ماعليه عمري ترا الايام يايه..

مسك وليد ايد شما..وطالعها بنظرات حـب مستحيل ينتهى حتى لو الزمن انتهــــــى..

تمت

 

[قلب تيبات]

مشاركة: براءة حب..بقلم معاني.

مشكــــــــــــــورة الغاليـــــــــــه ع القصة الي صدق


رووووووووووووووووووووووووووووعـــــــــــــه

تسلــــــــــــــــــــــــمي يــــــــــــــا خـــــــــــولــــــــــــــي

وتسلم يمينج ويسلم راااسج وتسلمين كلج على بعضج




أختكم الشحيه الصغيرونه

قلب تيباات