الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

[الــمــفــتــون]

السلام عليكم و رحمة الله و بركاته . . .

اليوم بشارك بقصيده من قصايدي و انشاء الله تعجبكم

و على حسب طلب بو هزاع . . نزلناها

و تقول ابياتها . .


إقتلني إن كان قتلي لك دوى
إجرحني إن كان جرحي لك طبيب

يا اللي هنتني و جرحك لي ما برى
أسأل نفسي ليه جرحك لي غصيب

مارحل حبك لكن له نوى
يترك فؤادي وسط نار لهيب

خنت حروفي و أنا حرفي شكى
للزمان اللي عذابه ما يطيب

عشت أنا حلم السعاده و المراره
الحزن خيم و الفرح لي غريب

فديت كلي و كلي شقى
وهمي وصل للعين و يومي أصبح قريب

مادريت ان الحزن أصبح لي غطى
و الفرح ماله بعمري نصيب

عايش لحالي و قلبي ما إرتوى
من عذاب يفتخر بإنه رهيب

خلني أبكي إذا لحبك طرى
فالدموع لك ذكرى أبد مايخيب

و سلامتكم

 

[الزين كله]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

*****
عايش لحالي و قلبي ما إرتوى
من عذاب يفتخر بإنه رهيب

خلني أبكي إذا لحبك طرى
فالدموع لك ذكرى أبد مايخيب
*****

تسلــم اخووي

والقصــيده واايد حلوة ... والله يوفقك وبيعد عنك الجرح والحزن

ونتريا الجديد ...

اختك

الزين كله

^__^

 

[سعود]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

السلام عليكم ورحمة الله وبركاته




أخوي المفتون ..




صح لسانك وبدنك يا خوي .. ما قصّرت ..




وتعال دوووم ... مب يوم تبا تنزل قصيدة تشارك =)




أخوك ..

























سعــــــــــــــــــــود بن عبد العزيز

 

[الــمــفــتــون]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

السلام عليكم ورحمة الله و بركاته . . .

اختي " الزين كله " ردج هو الاجمل و قصيدتي احلوت بقرايتج لها و زادت حلا و جمال بردج الجميل


اخوي " سعود " صح بدنك اخوي . . شرفتني بأطلالتك الجميله . . و فالك الطيب اخوي انشاء الله بنزورك و ما بنقصر معاك

 

[بو هزاع]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

يا حيك والله الصراحة احرجتني

تسلم لي يالغالي ومن طيب اصلك

وكلمات روعة الصراحة وعجيبة


يا حيهم الشاعر يا حيهم الساع


بوهزاع

 

[حورالامارات]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

مادريت ان الحزن أصبح لي غطى
و الفرح ماله بعمري نصيب

صرراحة كلمات ولا اروع
ما شاء الله عليك


:mf_chegue

 

[رووح الحــب]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

تسلم المفتون

الصراحه كل*** واايد حلو

صح لسانك


مع تحياتي

رووح الحــب

 

[(@_@)]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

كلمات القصيدة جدا رائعة..ومعبرة..عرفت تصيغ مشاعرك في أحلى وارق واعذب الكلمات..
أهنيك اخوية::: المفتون::: على ابداعك الراقي..وكل*** العذب..بصراحة واااااايد هزتني كلنات القيصدة..

تقبل تحياتي أخوية

أختك

(@_@)

 

[الــمــفــتــون]

مشاركة: الـــجـــرح . . . قـــصـــيـــدة الـــمـــفـــتـــون . . . على حسب طلب بو هزاع

السلام عليكم ورحمة الله و بركاته . . .

تسلم لي يا خوي " بو هزاع " و هذا من طيبك يا خوي على ردك الجميل و من طيب اصلك المديح و الكلام الثمين

تسلمين لي اختي " حور الامارات " و تسلمين لي اختي على الرد الجميل و اشكرج على تواصلج

تسلمين اختي " روح الحب " على الرد الطيب و صح بدنج اختي و اشكرج من كل قلبي

تسلمين اختي " (@_@) " على تواصلج و كلي شكر لج على تميزج بتواصلج لمواضيعي


و اشكركم كلكم