هل من حق الزوج أن يشارك الزوجة في راتبها

[عاشقة التراث]

السلام عليكم ورحمة الله وبركاته


كلنا يعلم منزلة المرأة في هدا الزمن بالنسبة للمجتمع وانها تمثل الان نسبة اكبر من نسبة الرجال و هي
اليوم اصبحت تتقاسم أعمال المجتمع حالها كحال الرجل في اغلب القطاعات فهي عضو لا يستغنى عنه
في مجتمعنا اليوم ولكن في ذهني مجموعة من الأسئلة أتمنى ان تجيبوني عليها:
1. هل يجب على المرأة ان تشارك زوجها في راتبها؟
2. هل يجب على الزوج ان يفرض على زوجته ان تشاركه راتبها؟
3. وان كانت تشاركه فيه فما هي النسبة المئؤية مثلا من المال الذي يجب ان تعطيه اياه؟
4. وهل يجب عليها أن تعطيه من راتبها كل شهر حتى ولو لم يكن محتاجا اليه ولم يطلب منها
شيئا بغرض مساعدته في أعباء المنزل؟

اتريا ارائكم
اختكم
عاشقة التراث​

 

[رفيع الشان]

مشاركة: هل من حق الزوج أن يشارك الزوجة في راتبها

السلام عليكم

بالبدايه اشكر كاتبة الموضوع الاختب عاشقة التراث على الموضوع المهم والطيب
وهذا ردي على موضوعج


1. هل يجب على المرأة ان تشارك زوجها في راتبها؟
الريال لازم يصرف على حرمته بس تشاركه راتبه ما اظن من حقها انها تشاركه الراتب لان الرجل وراه مهام ووايد شغلات من بيت لموتر لشغل


2. هل يجب على الزوج ان يفرض على زوجته ان تشاركه راتبها؟
هي ها اهم شي

الزوجة لو كانت تشتغل لازم اساعد ريلها
لعدة اسباب
1) الزوجه ما تحتاي لراتبها يعني ما وراها شي وما تصرف على حد
2) زوجه عنده وايد مهام فهو الي يصرف على بيته وعلى عياله بالمستقبل ولازم يوفر البيت والسياره ومصاريف البيت ووايد بعد مصارف للزوج طبعا
وشي اسباب عديده بس الي قلتها اهم الاسباب طبعا


3. وان كانت تشاركه فيه فما هي النسبة المئؤية مثلا من المال الذي يجب ان تعطيه اياه؟
لا تشاركه الراتب ولا هم يحزنون يكفي اني اصرف للبيت واصرف عليها ليش ما شي شغله
يكفي اني انا ريلها احم احم

4. وهل يجب عليها أن تعطيه من راتبها كل شهر حتى ولو لم يكن محتاجا اليه ولم يطلب منها
شيئا بغرض مساعدته في أعباء المنزل؟
لازم تعطيه 70% من راتبها حتى لو كان محتاينه لان الزوجه ما محتايه للراتب ولا شي


واصلا بالاخير يعتمد على الشباب بس هذي وجهة نظري

وانا طبعا ما اؤيد اني اخذ راتب من زوجة المستقبل ولا شي لاني بالاصل ما ناقص بعد اني اشغلها الحمدلله يكفي انا اصرف عليها وما باخذ وحده تشتغل بس لو كانت مدرسه ها الشي اظن انه عادي لاني ما ارضى اخذ وحده تشتغل بمكان فيه اختلاط بس لو كانت مدرسه ما عندي اخلاف وها الشي يعود للزوج


وتسلمي اختي عشووقه التراث على الموضوع الطيب

واقولج
لا تبخلي على ريلج يلا سيري عطيه راتبج
وخلج كريمه


ويلا الحين
turn your face

 

[عاشقة التراث]

مشاركة: هل من حق الزوج أن يشارك الزوجة في راتبها

السلام عليكم

بالبدايه اشكر كاتبة الموضوع الاختب عاشقة التراث على الموضوع المهم والطيب
وهذا ردي على موضوعج


1. هل يجب على المرأة ان تشارك زوجها في راتبها؟
الريال لازم يصرف على حرمته بس تشاركه راتبه ما اظن من حقها انها تشاركه الراتب لان الرجل وراه مهام ووايد شغلات من بيت لموتر لشغل


2. هل يجب على الزوج ان يفرض على زوجته ان تشاركه راتبها؟
هي ها اهم شي

الزوجة لو كانت تشتغل لازم اساعد ريلها
لعدة اسباب
1) الزوجه ما تحتاي لراتبها يعني ما وراها شي وما تصرف على حد
2) زوجه عنده وايد مهام فهو الي يصرف على بيته وعلى عياله بالمستقبل ولازم يوفر البيت والسياره ومصاريف البيت ووايد بعد مصارف للزوج طبعا
وشي اسباب عديده بس الي قلتها اهم الاسباب طبعا


3. وان كانت تشاركه فيه فما هي النسبة المئؤية مثلا من المال الذي يجب ان تعطيه اياه؟
لا تشاركه الراتب ولا هم يحزنون يكفي اني اصرف للبيت واصرف عليها ليش ما شي شغله
يكفي اني انا ريلها احم احم

4. وهل يجب عليها أن تعطيه من راتبها كل شهر حتى ولو لم يكن محتاجا اليه ولم يطلب منها
شيئا بغرض مساعدته في أعباء المنزل؟
لازم تعطيه 70% من راتبها حتى لو كان محتاينه لان الزوجه ما محتايه للراتب ولا شي


واصلا بالاخير يعتمد على الشباب بس هذي وجهة نظري

وانا طبعا ما اؤيد اني اخذ راتب من زوجة المستقبل ولا شي لاني بالاصل ما ناقص بعد اني اشغلها الحمدلله يكفي انا اصرف عليها وما باخذ وحده تشتغل بس لو كانت مدرسه ها الشي اظن انه عادي لاني ما ارضى اخذ وحده تشتغل بمكان فيه اختلاط بس لو كانت مدرسه ما عندي اخلاف وها الشي يعود للزوج


وتسلمي اختي عشووقه التراث على الموضوع الطيب

واقولج
لا تبخلي على ريلج يلا سيري عطيه راتبج
وخلج كريمه


ويلا الحين
turn your face

وعليكم السلام ورحمة الله وبركاته

العفو اخوي رفيع الشان

عندي تعليق بسيط بردك اخوي الكريم

بالاصل ما ناقص بعد اني اشغلها الحمدلله يكفي انا اصرف عليها وما باخذ وحده تشتغل بس لو كانت مدرسه ها الشي اظن انه عادي لاني ما ارضى اخذ وحده تشتغل بمكان فيه اختلاط بس لو كانت مدرسه ما عندي اخلاف وها الشي يعود للزوج



اتقول تبغي حرمتك بس تشتغل مدرسه اما شي ثاني لا
اخوي رفيع الشان الشغل ما فيه عيب هذا اولا
لاني ما ارضى اخذ وحده تشتغل بمكان فيه اختلاط
هههههههه
ضحكتني اخوي رفيع الشان
1_ الموجه موب ريال
2_الهنود اللي موجودين بالمدارس موب ريايل
3_اللي يسوقون الباصات موب ريايل
4_مدير المنطقه موب ريال
5_اللي يب الاكل حق المدرسه موب ريال
والكثير الكثير.........الخ
اخوي

مجرد رد واعطائك راي

اختك
عاشقة التراث



​

 

[رفيع الشان]

مشاركة: هل من حق الزوج أن يشارك الزوجة في راتبها

انزين اختي عشوقه عيل ضحكتج صح
زين ما عليه :tongue:

عيل فتيتي وقولي الشغل مب حرام

ما تدري ان ويه الحرمه عوره ولازم يكون عندها محرم
تبي فتوه حاضرين ترا عندي مطاوعه وما بقصروا لو تبين طبعا

وانا قلت لو كانت مدرسه لان المدرسه تدرس بنات وعن الهنود اعتقد اغلبية مدراس البنات فيها هنديات حريم مب ريايل وعن راعي الباص المدرسه متى سارت تدرس بباص ما شي شغل شو
وبعدين صحيح ان المشرف بكون ريال او مدير المنطقه ريال بس ما تختلط وياهم مثل باقي الموضفات الي يجابلوا ريايل 24 ساعه بشغلهم اختي

وانا اصلا ما اايد ها الشي اطلاقا بس لان باعتقادي ان شغلة الزوجه بالبيت يكون احسن وتكون ربة بيت وتربي عيالها لاني شفت بالاونه الاخير كثير من الزوجات ما يربوا عيالهم وييبوا فلبينيه او اندونيسيه او هنديه تربي عيالها وها الشي يأثر بعيالها طبعا بدال ما يقولوا كيف حالك بقولوا كي ساهي وبدال ما يقولوا بخير بقولوا اجاهي

صدق ما شي شغل

بس يلا قلنا لوووووووو مدرسه يعني بنفكر بالامر خخخ

يلا خلج عاديه ولا تضحي تراني اعلم الرمسه وما اتعلمها
اوكي اختي
يلا حيا الله

now
turn your face
تحياتي
الشيخ ​

 

[أدركت القـ م ـر]

مشاركة: هل من حق الزوج أن يشارك الزوجة في راتبها

السلام عليكم ورحمــة الله وبركـــــــــاته،،



هلا وغلا والله باختي عاشقة التراث .. شو ها الموضوع الزين خيتوو




هممم ،،

الحرمــــه الي تعرف تتصرف بافلوسها ،، بتعرف وين تحط بيزتها ،،

أصلاً الحرمه لازم تصرف على البيت وتساعــــــد ريلهـا ،،، عيل شو خانتها تشتغل ع الفاضي...؟!


المعيشه الحينه غلـــت .. وكل شي صار نار لولز ... فحلو لو تساعد ريلها بمصاريف البيت والعيال و طبعاً ما تبخل على نفسها ^^ ......،



برايي مافيها شي ،، ولكن يعتمــد ع الريّال بعد .. اذا كان قدها أو لاء :wink:

يعني اذا كان الريال يعتمــــــد عليه ،،، فماشي أي مشكله ،، واذا كان ريّـال غير مهتم ،، فيستحسن إنها ما تعبره .. لانها هي الي بتطيح عقب في المشكله ....



شي ريايل ما ينعطون ويه الصراحــــــــــه ،، عشان جيه أقولج يعتمـد .. :mf_roseti



والحرمه الذكيه هي الي تعرف وين تودي بيزتها :wink:






فوق هذا شي قصص واقعيه اعرفها .. من السان اصحابها




شي حرمه وثقة في ريلها 100% سلمت بيزاتها وكل شي حقه ،، كل شي باسمه .. لعب عليه ولد خاله أو واحد من اهله .. عقب الريل صرق حرمته وخسرها !!!


وشي ريال وحرمته ايمعون بيزاتهم ويا بعض .. والحمدلله مرتاحين ومتفاهميـن ...... ترى كل شي يعود لعقلية المرأه



رفيع الشان ترى المدرسات يختلطن بعد بالريايل
صح مب 24 ساعه لوولز .. بس بين الفتره والثانيه ايي الموجه

آندرستاند برو..؟


يالله ناو فور يو .. فليب يور فيس ^_*











تسلمين خيتو عاشقة ع الموضوع الحساسي.. بس ما قلتي لنا عن رايج الشخصي..؟ ^^





تحياتيه
اوااااااشي

 

[Mr.king]

مشاركة: هل من حق الزوج أن يشارك الزوجة في راتبها

لا تعليــــــــق

:::::::::::::::::::::::::::::::::

بس من رأيي ليس من حق الزوج غصب المرأه بأن تعطية المال
لان من حق المرأه ان تفعل به ماتشاء ولا بما يرضي الله وسنة رسوله

:::::::::::::::::::::::::::::::::

شكرا اختي عشوقة على طرحك المواضيع المهمة للمجتمع

 

[Scotland]

مشاركة: هل من حق الزوج أن يشارك الزوجة في راتبها

السلام عليكم ورحمه الله وبركاته

مشكور اختي عاشقه عالمواضيع الحلوه والمفيده والي تخلي الواحد منا يعبر عن رايه وبصراحه وبالنسبه لموضوعج اليديد


1. هل يجب على المرأة ان تشارك زوجها في راتبها؟

دام الحرمه تشتغل وعندها راتب فلازم تساعد ريلها في المصاريف لان الريال اكيد بتكون عنده اعباه وايد ومصاريف واكيد ديون (مصير كل مواطن) يعني ما فيها شي ودامهم متشاركين في الحياه الزوجيه والحياه الماليه جزء من هذه الحياه فهذا معناه لابد من هذه المشاركه




2. هل يجب على الزوج ان يفرض على زوجته ان تشاركه راتبها؟

ما اقدر اقول يجب لانه المبادره اهنا اتكون من الحرمه الصالحه التي تعرف االواجب ويجب انها تشارك ريلها في راتبها




3. وان كانت تشاركه فيه فما هي النسبة المئؤية مثلا من المال الذي يجب ان تعطيه اياه؟

من وجهه نظري انه ماشي شي اسمه نسبه مئويه في هذه الحالات يعني ان المشاركه انه تعطي ريلها مقدار الي يبيه عشان تكون العايله سعيده وموفره لهم سبل العيش الكريم ....يمكن تعطيه الثلث ولا النص وساعات تعطيه الراتب كله

واصلا الحرمه حق شو تحتاج راتبها ترا ريلها بيصرف عليها وعلى عيالها واذا عن اهلها لها حق انها تحتفظ بقدر او نسبه معينه لاهلها وها حقها ما نقدر نرمس عنه

4. وهل يجب عليها أن تعطيه من راتبها كل شهر حتى ولو لم يكن محتاجا اليه ولم يطلب منها شيئا بغرض مساعدته في أعباء المنزل؟

انه يفضل انها تتعطيه وتحسسه انهما مشتركين في الحياه وحتى يحس الريال انه حرمته تحس بالجهد الذي يبذله عشانها وعشان عايلتهم


واما من وجهه نظر اخوي رفيع الشان عن زوجه المستقبل فانا اؤيده في الراي يعني ما تصلح للبنت شغله غير مدرسه ولا طبيبه

اما باقي الوظايف انسى لان الوظايف بهالوقت كله فيها واختلاط وماحد يرضى حد على اهله جيه صح ولا .... بتقولوا معقدين ولا غيره بقولهم خبروني وين العقده وانا مستعد ارد عليك

واخوي رفيع الشان مهنه الطبيبه ولا الدكتوره اوكيه بعد صح فيها اشوي اختلاط بس يعني انت فاهم شو قصدي

 

[عاشقة التراث]

مشاركة: هل من حق الزوج أن يشارك الزوجة في راتبها

اخوي رفيع الشان سامع بالمثل اللي يقول
واشلك بالبحر واهواله
انا كنت في يوم من الايام طالبه بالمدرسه
اوكيك كنت اشوف كل هالشي
ومن بعد ما اتخرجت كنت اتدربفي المدارس على حسب تخصصي
اجباري على كل مدرسه توقف ويه البنات خلال موافق الباصات هذا شي
شي ثاني مدير المنطقه كيف ما يختلط وياهم
الدنيا اخوي موب فالتوه وياك تحكم على كيفك
شي اسمها قوانين اذا ما كنت عارف لها

ما تدري ان ويه الحرمه عوره ولازم يكون عندها محرم

" إن وجه المرأة وكفيها ليستا بعورة"..

وان شاء الله تباني ادرس وريلي وياي ولا كيف
والله حاله

now
turn your face


اختك
عاشقة التراث

عاشقة التراث​

 

[رفيع الشان]

مشاركة: هل من حق الزوج أن يشارك الزوجة في راتبها

ما قلنا شي اختي اواااشي

في اختلاط بس مب مثل ذاك الاختلاط الي بالشركات او المؤسسات الحكوميه او اي مكان ثاني

المدرسه اهون شوي يعني

بس باقي الوضايف كله شباب وها الشي ما اقدر اقول انه ما يجوز لان الحين كل شي تغير بس المفروض يحاسبوا على ها الشي لان الحين يبوا ينظموا الاختلاط بكل مكان وها الشي ما يسبب الا الخراب والفسق

نحن مسلمين ولازم نمشي على يرضي الله ورسوله

ويلا حيهم

 

[عاشقة التراث]

مشاركة: هل من حق الزوج أن يشارك الزوجة في راتبها

اشكرج اختي اواشي على الرد الطيب
وان شاء الله برد على هذا الموضوع
بس خليني اشوف اراء الاعضاء كيف

اختج
عاشقة التراث​