• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

متى بتعرس يا الشيبة ... للنقاش

  • بادئ الموضوع أم هزاع
  • تاريخ البدء
  • الردود: الردود 14
  • المشاهدات: المشاهدات 2K

أم هزاع

๑ . . زائر . . ๑
التسجيل
31 ديسمبر 2004
رقم العضوية
2800
المشاركات
2,593
مستوى التفاعل
4
الجنس
السلام عليكم

عندي موضوع محيرني شوي يا جماعه ومب لاقيه أسباب مقنعه..

دايما نتكلم عن العنوسه وزيادة نسبة العنوسه وأسبابها .............الخ ويمكن أكثر الأسباب تكون الأهل وطلباتهم..

أنا موضوعي اليوم غير..موضوعي عن الرجال وسبب وجودهم للآن في بيوت أهاليهم
شي شباب ماشاء الله عليهم مب قاصرنهم شي وعمرهم فوق ال25 والي وصلوا الثلاثين وللحين ما عرسوا!

ليش انزين..شو الأسباب؟!

الأغلبيه عارفين ردودهم الي بيقول بعيش حياتي وبستنانس عقب بعرس,والي بيقول مالقيت بنت الحلال الي تناسبني, والي مر في ظروف ولا تجارب خلته يكره كل البنات وما يفكر في الزواج
هاي بعض الأسباب وأكيد شي أسباب ثانيه..

سؤالي
شو الأسباب الي تخلي الشباب ما يعرسون وهم في سن الزواج ومب قاصرنهم شي؟

بصريح العباره متى بتعرس يالشيبه





أم هزاع
 

العوسج

:: شخصية هامة ::
التسجيل
2 نوفمبر 2003
رقم العضوية
678
المشاركات
18,144
مستوى التفاعل
1,175
العمر
40
الجنس
الإقامة
أينما حل الظلم !
مشاركة: متى بتعرس يا الشيبة ... للنقاش

والله ياأختي عيزنا من نكنتب راينا في مثل هذي المواضيع


أنا لو عندي الأمكانيه كنت متزوج وعمري 20 ولا 22

بس الله كريم


وتسلمين لطرحج الموضوع ياأم هزاع
 

العاشقة الصغيرة

๑ . . عضو مجتهد . . ๑
التسجيل
1 مارس 2005
رقم العضوية
3179
المشاركات
866
مستوى التفاعل
0
العمر
42
الجنس
الإقامة
السلع
مشاركة: متى بتعرس يا الشيبة ... للنقاش

يا حليلهم الرياييييييييل يا ام هزاااااااااااع عندهم مبدأ يقول

كل يمــــــــــــــــــــــــــد ريوله ع قد لحـــــــــــــــــــــــافه

أو العكس

وشوفي كم من أعــــــــــــــذار بتطلع لج منهم في هالموضوع
 

أم هزاع

๑ . . زائر . . ๑
التسجيل
31 ديسمبر 2004
رقم العضوية
2800
المشاركات
2,593
مستوى التفاعل
4
الجنس
مشاركة: متى بتعرس يا الشيبة ... للنقاش

تسلم يا العوسج والعاشقة ع ردووودكم








أم هزاع
 

أحبكم دوت كم

๑ . . عضو ملكي . . ๑
التسجيل
23 يناير 2005
رقم العضوية
2980
المشاركات
2,302
مستوى التفاعل
11
العمر
50
الجنس
الإقامة
الامارات
مشاركة: متى بتعرس يا الشيبة ... للنقاش

والله السالفة معقدة يا ام هزاع

بس بقول شئ
اذا الواحد حط براسه انه يبي يتزوج بأمل انه يستر نفسه
فرب العالمين ييسر له هالموضوع
ويشوف انه اموره وخاصة المالية تنحل
بطرق ماكان يتوقعها



اتوقع انه الماده هي السبب الرئيسي
فلحين الزوجة مايرضيها شئ ودايم تطالع لي فوقها ماتطالع لي تحتها
طبعا ماقول الكل البعض
واغلبهم مايبون ييلسون ببيت اهل الزوج



وثالثا
الفكرة لي ياخذها الشاب من ربيعه المتزوج وكيف حالته بعد الزواج
فحدث ولا حرج



ورابعا
يا ام هزاع اذا بتشتغلي خطابة دوري لي زوجة
انا جاهز
:mf_bond:
 

منايه

๑ . . عضو نشيط . . ๑
التسجيل
15 فبراير 2005
رقم العضوية
3136
المشاركات
328
مستوى التفاعل
0
العمر
38
الجنس
الإقامة
RAK
مشاركة: متى بتعرس يا الشيبة ... للنقاش

ممممممممم
شو نسوي لووول اللي ايون ما منهم فايده خخخخخخخخخ
قصدي ما يصلحون ههههههه
مشكوره على الموضوع
 

أدركت القـ م ـر

:: شخصيه هامه ::
التسجيل
15 يناير 2005
رقم العضوية
2926
المشاركات
8,048
مستوى التفاعل
166
الجنس
الإقامة
فِدآڪ المڪـآن لي سڪنته
مشاركة: متى بتعرس يا الشيبة ... للنقاش




السلام عليكم



السبب الاول والاخير انننننهم يبون يلعبووووون على قولتهم ( نستمتع بالحياااه) وها الجمله أصلاً مقتبسه هيييه مقتبسه من الاجانب إلي ما وراهم شغله أبداً...........،



ويلتهون في دنياهم ،،، وعلى آخر شي يدورون البنت ويبغونها محتشمه وما أدري كيف..

أبا افهم كيييف ريّال يلعب ويرمس هاي ويطلع ويا هاي ،، ويبا رب العالمين يرزقه ببنت محححححححححححتشمه .. كييييييييف..؟!


شوه ها الانسانه يعني مالها رب...
اكيد هي الثانيه تبا واحد حشيم ،، ما يودر صلاته ،،و ظهراته عاديه للترفيه ليس أكثر ( مب حق المغازل والبنات يعني)

وإلا شو رايكم يا شباب البرزززه.؟!



سبحان الله .. رب العالمين يعطي كل انسان على قد نيته ... وقال رب العالمين { الطيبون للطيبات ، والخبيثووون للخبيثات}





فوق هذا .. الشباب ما يحافظون على بيزاتهم ،، يفرونها مني ومناك
موترات آخر موديل ،،
موبايل آخر موديـــل ،،
والرصييييد هه حدث ولا حرج....،
لبس كشخه من المكان الفلاني و وو وغيرها من السوالف

يعني بالمختصر المفيد ما ييمع شي ، ولا يفتكر بمستقبله أبداً .. وعقب يقول أبا أخطب بنت .. الحين ما يخصني :mf_jumpon

وبالآخر يقوولون طلبات البنـــــــــــت تكسر الظهر .. :mf_viking






والله يستر على شبابنـــــا .. قولوا آمين :mf_bond:







تحياتيه
اواشيهـ :cool:
 

العوسج

:: شخصية هامة ::
التسجيل
2 نوفمبر 2003
رقم العضوية
678
المشاركات
18,144
مستوى التفاعل
1,175
العمر
40
الجنس
الإقامة
أينما حل الظلم !
مشاركة: متى بتعرس يا الشيبة ... للنقاش

انزين أواشي هل كل الشباب تكون صفاتهم مثل ماقلتي طبعا لأ لأن أصابع اليد مب مثل بعض لأن السبابه اصغر من الأوسط حتى اخنصر والبنصر صغار يحليلهم والابهام هذا صح انه يكون متين بس وايد قصير صح ولا لأ


يعني ازم يكون هناك فرق بين شخص وثاني

يعني

مب كل أنسان يلعب في بيزاته وشغلته شغل خقه ولعبان

لأ


انزين في وايدين شباب يبون يتزوجون ياخي وياما عرفت شباب خطبوا زود عن خمس مرات والمصيبه تكمن في أن كل الاسباب تكون من ورا الناس لي خطبوا عندهم هذا يطلب مهر 100 الف والثاني يبي بنته فبيت بروحها والثالث يتشرط بنتي لازم تشتغل والرابع بنتي لازم تسوق وغير هالكلام

عنبوه ماشي شغل . أعرف واحد قال طز فالمواطنه أبركلي أتزوج سوريه ولامصريه

انزين يعني الغلط هب من الشباب بل الغلط من ابو البنت وامها أحيانا ومب في كل الحالات بس أنا أقول أكثر شي مستوي على ايامنا هذي


وخلاص العوسج امعزم يتزوج خلاص انشالله باجر بطرش الخطاطيب صوب ديار جواهر يخطبولي



انزين اوكيه يله لاتحطون على الشباب قالوا شو قالوا يلعبون ماشي شغل ترا


العوسج
 

Scotland

:: شخصية هامة ::
التسجيل
12 فبراير 2005
رقم العضوية
3109
المشاركات
3,389
مستوى التفاعل
4
الجنس
مشاركة: متى بتعرس يا الشيبة ... للنقاش

السلام عليكم ورحمه الله وبركاته


مشكور اختي ام هزاع الحلو والي يخلي الواحد يعبر عن رايه


اولا الشباب عندنا بالفعل ينقسمون الي قسمين الاول وهو قسم الشباب الفاهم للدنيا والي يعرف مصلحته
والثاني القسم الهايت الصايع والي يشوف الدنيا مستمره ابد الابدييين

وعن موضوع العرس

انا اشوف سالفه الزواج بالنسبه لي ولباقي الشباب الي يدرسون ويكملون دراساتهم اتكون صعبه اشوي ويعني الواحد يضطر انه ياجل موضوع زواجه او عرسه الى ما بعد الدراسه او التوظيف

وفي نقطه كذلك حول موضوع الشباب الي يدرسون ويوم يتخرجون يبالهم فتره حتى يكون الواحد فيهم قادر على الزواج وهاي الفتره تختلف اسبابها
يمكن الريال متخرج توه وما عنده مصاريف زواج لانه كان يدرس بالجامعه
وماكان مبتعث يعني طول الاربع السنين الي درسها كان بدون راتب يعني كيف تبون واحد يعرس وهو ما عنده مصاريف الزواج طبعا انكون متجاهلين لسالفه مساعده الاهل

وان حصل ووجد المال والبيزات الي تخلي الشاب قادر عالزواج في بعد كماليات للعرس والكثير من الناس تهتم فيها وهاي سبب غير

ومع احترامي لراي اواشي الا اني اقول هالكلام ما ينطبق على معظم شبابنا فعندنا ولله الحمد شباب ملتزمين وعارفين كيف الدنيا تمشي ..يعني يعرفوا شو الي لهم وشو الي عليهم ... مب واحد عمره 25 ولا اكبر وما معرس يعني خلاص الريال لوتي وما ويه مسؤؤليه
لا لازم تعرفوا شو الاسباب خلت هالشخص ما يعرس للحين

وسالفه انه الشباب يقولوا والله خلنا نتمتع بحياتنا وش لنا بالحنه والرنه ورد البيت الساعه 8 ومنها هالسوالف والله ها نطق لسان وكل واحد بقوله

بالعكس انا اعرف شباب ولله الحمد يعني يكونوا مستعيلين عالزواج بس اهلهم يقولون لهم اتريوا فتره بعدكم ... وبرد بعض الاعضاء وبقولوا انت ربعكم كلهم مطاوعه ولا جيه ....وانا برد عليكم من الحين انا عرفت الزين والشين والصالح والطالح بس لله الحمد الحين ناس معرسين والي خاطب

يعني بصريح العباره لازم تخلق لاخيك المسلم سبعين عذرااا
حتى في موضوع الزواج

وبعدين تعالوا يا معشر البنات انتوا الحين ليش الريال ما يعرس .. والله اتصدقون بعض الشباب ما يعرسون والسبب انتوا واهلكم ..يعني لو واحد من الشباب سار وخطب واهل العروس طلبوا المهر الفلاني (غالي) والمعرس ما عنده استطاعه يعني بكنس وبتعقد من الزواج

وبعد اوجهها كلمه لشباب البرزه واي واحد بقرا الموضوع من الشباب والي عنده القدره على الزواج الحين يعرس ابرك له
ويكون سبب زواجك قول رسول الله صلى الله عليه وسلم "ما استطاع منكم البائه فليتزوج"

وانا ما ارمس غن الغير انا عني انشاء الله بعد عمر طويل
انشاء الله اول ما بخلص دراسه وبرد البلاد بعرس
والكل معزوم ترا


تحياتي
 

العاشقة الصغيرة

๑ . . عضو مجتهد . . ๑
التسجيل
1 مارس 2005
رقم العضوية
3179
المشاركات
866
مستوى التفاعل
0
العمر
42
الجنس
الإقامة
السلع
مشاركة: متى بتعرس يا الشيبة ... للنقاش

الله يا الشبـــــــــــــــاب يا مكثر اعذاركم

في انتظار الأعــــــــــــــــــــذار

كل واااااحد عذره مقدم في صينية من فضة
 
عودة
أعلى