ويبكي القلب

[العوسج]

مشاركة: ويبكي القلب

شو نوع القصه ؟

 

[المهاجرة]

مشاركة: ويبكي القلب

بصراحة القصة واااااااايد حلوة

بس لا اطولين بين الاجزاء عشان ما نضيع الأحداث

نتريا البارت اليديد

ويعطيج ألف عافية

تحياتي
المهاجرة​

 

[ساكن الرووح99]

مشاركة: ويبكي القلب

الصرا حه

ا سلو بج في كتابه القصه اسلوب عجيب ومؤث
في النفس
الله يوفقج

 

[رهف]

مشاركة: ويبكي القلب

زهرع الشحوح
===========
ان شاء الله بنهايه هالاسبوع
ومشكوره ع المتابعه



خيماويه والنعم
==========
مشكوره يالغلا ع ردج
والله يعطيج العافيه


رهووفه

 

[رهف]

مشاركة: ويبكي القلب

رفيع الشان
========
مشكور ع المصراحه
ولو اني اشك انك قريتها


وله النعيمي
=======
تسلمين حبوبه



العوسج
=====
رومانسيه




رهووفه

 

[رهف]

مشاركة: ويبكي القلب

المهاجره
======
مشكوره يالغلا
والله يعطيج العافيه


نسر الشحوح
=========
تسلم ع الردالحلو
والله يوفق الجميع



رهووفه

 

[الزين كله]

مشاركة: ويبكي القلب

تسلميـن يارهوووفه...

الجزء واااايد حلووو... بس عاد قصير ماصار فيه وايد احداااااث

يالله نبا الجزء اللي عقبه بسررررعه



تحيااتي

الزين كله

^_^

 

[رهف]

مشاركة: ويبكي القلب

الزين كله
======
مشكوره يالغلا ع المتابعه
وان شاء الله احاول اكثر من الاحداث في الاجزاء اليايه



رهووفه

 

[رهف]

مشاركة: ويبكي القلب

الجزء السادس



نعيد بعض احداث الجزء الخامس
وقفنا عند
لما كانت موزه تنصح ريم
وتبغي تعرف اهي تحب خالد – اللي هو سيف - او سلطان – اللي هو شبيه الريح -
او ما تحب حد


ريم: موزوه قولي بسرعه شو تقصدين ؟؟
موزه – واقفه تبغي تظهر - : قومي عني انتي وخالد مالج

مع اخر جمله لموزه فتحت اسما باب الحجره
اسما – باستغراب - : منو خالد ؟؟؟!!

انصدمت موزه وانصدمت اكثر عنها ريم وما عرفن يجاوبنها ،، عطتها موزه ظهرها وطالعت ريم وهي تعض ع شفاتها ،، وريم تلعب بشعرها واطالع موزه
اسما – حاطه ايدها ع خصرها - : منو هااا خالد ؟!!
؟؟؟!!!
موزه- وأونها كل علامات الاستفهام ع ويها اطالع ريم - : منو خالد ؟؟
اسماء – ترفع حواجبها - : غبيه شايفتني ،، اقول ياللا قولن منو خالد هاا!!
ريم – تبلع ريجها واطالع اسما - : اسموه انتي شدخلج ،، هااا واحد موزوه تكلمه ع المسن
موزه – ما توقعت رد ريم اطالعتها بنظرات - : الله يغربلج يا ريموه انا ارمسه ولا انتي ؟؟
ريم : انزين عاادي هاي الا اسموه اختج
موزه : ريموووه

اسما – اطالع موزه شوي وريم شوي وحاسه انهن يجذبن عليها - : لا والله اونه موزوه مضيفته ع المسن ،، شو شايفيني يدوتكم ولا سنتيا ؟؟!!
ريم – تضحك بصوت عالي تبغي تنسي اسما السالفه - : خخخخخخخخ ،، الله يغربل سوالفج يا اسموه ،، وانا اقول انتي تشبهين منو ،، طلعتي تشبهين سنيتيا خخخخخخخخ
موزه : ههههههههههههههههههههه
اسما – معصبه - : انتي سنيتيا يالباايخه - اطالع الموز - صدق موزوه انتي بعد اضيفيني شباب ع المسن ؟؟
موزه – كانها تذكرت شيء ،، تمشي بسرعه تبغي تظهر من الغرفه : اووه نسيت يدووه تبغيني ،، ياللا اشوفكن تحت

تظهر موزه وتحدر تحت

ريم : موزوه اصبري بيي وياج ،، اسموه سكري الباب ورااج
تطلع وتعطي اسما ظهرها
اسما – تهز ريلها اليمنى وايدها ع خصرها - : الله يغربلكن ،، ماتبغون تقولون لي منو خالد هاا ،، زين بتحتاين لي

تنزل وراهن اسما اللي مغتاضه منهن

وجيه مر يوم الجمعة


وفي الاسبوع الثاني
حميد ومشاعل ردوا من العمره
والكل استانس بردتهم


========


مر هالشهر ع خير

موزه وريم كانوا شادات حيلهن ويا الامتحانات
وقدموا امتحاناتهن وما شاء الله نجحن موزوه يابت c وريم يابت +c
وجيه اتخرجن من الكليه والكل احتفل بتخرجهن وبارك لهن ع النجاح


اما اسما فيالله ياالله شدت حيلها ع قد ما تقدر ويابت نسبه بالستين – يالله الحمد لله المهم نجحت والاهم السنه اليايه ثانويه عامه


سعود وخالد طبعا في نفس الصف ونفس اللجنه كل امتحاناتهم كانت براشيم كشفوهم في اخر يوم بالامتحانات واللي كان يصادف امتحان الكيمياء فرسبوا في هالمادة

حمد وسيف طلعت لهم دوره لمده اسبوعين وعقب خذولهم اجازة لمدة شهر في هالفتره ريم بدت تمل من سيف وبدت علاقتها تقوى ويا شبيه الريح – سلطان – لدرجه انها عطته رقم موبايلها وقامت تكلمه ،، وسيف- اللي قايل لريم ان اسمه خالد - فقير في خبر كان


===========



في يوم من ايام الاجازة كان الكل متواعد في عزبة بو حميد

في صاله بو حميد الصبح كان حمد مستعيل واليده منقفضه – يعني لابسه وجاهزة - وتتريا الكل يجهز

حمد – بصوت عالي - : ياللا اخرتونا تراا والله اروح واخليكن
اليدة – تعدل برقعها - : شو وراك مستعيل خل خواتك يجهزن عمارهن
حمد : شو يجهزن عمارهن شو رايحات عرس ؟!

ام حميد – طالعه من المطبخ - : شو بلاك انت محتشر ؟
حمد – معصب - : وين بناتج ؟!!،، اخرتونا
ام حميد: وليش اللعيله بعدها الساعه 8 شو يطلعك من غبشة الله!!
حمد – يسوي حركات بايده - : ياللا ورانا درب ،، ولا تبغون عيال خالي يوصلون قبلنا وما يشوفون حد هناك
موزه – تنزل من فوق واونها مستعيله وخايفه من لسان حمد - : انا خلصت
حمد – يهزبها - : تو الناس ،، جان تاخرتي شوي
موزه تيلس عند يدتها – بصوت خفيف - : شو بلاه ها محتشر
اليدة : ما عليج منه
حمد – يطالع موزه - : عيل ست الحسن وينها
اسما – ونازله وفاجه الحلج ويا ابتسامتها وكاشخه الحبيبه ع الاخر- : ست الحسن وصلت
حمد – يطالعها وهو معصب - : ايه انتي السباله وين راايحه ؟؟
اسما – مستغربه سؤاله - : رايحه وياكم وين بعد؟!!
حمد - يجدم حذالها وايير شعرها ومن بين اسنانه - : عيل هالاحمر والاخضر ليش مسويته ؟
اسما – تبطل ايده من شعرها وتروح تركض عند امها واونها بتصيح - : اميه شوفي ابنج توني امشطه شعري
ام حميد : حمد خل اختك
اليده : صادق فيها شو هالخرابيط من الصبح
اسما - تكلم امها شوي شوي - : هاي شيخوه الحين بدل ما تهديه تشره زياده
ام حميد : احترمي يدتج
حمد : وين هاي تعرف الاحترام ،، بس ما بتركبين سيارتي ويا هالخرابيط الي بويهج ، روحي اركبي ويا حميد

يدخل عليهم حميد شال هند ،، وحرمته مشاعل شاله علي
حميد : منو بيركب ويا حميد ،،السلام عليكم
الكل : وعليكم السلام
حمد : اسموه ركبها عندك
حميد : وليش ما تركبها بسيارتك
حمد : خل تغسل ويهها عقب بتركب وياي
حميد – يطالع اسما – : انتي من وين لج نفس تتعدلين الصبح
اسما – تتدلع - : حميد انا ما حاطيت الا شوية شدو وجحال و قلوس

حميد : شو قلوسه بعد ،، انا اشوفج مصبغه ويهج كله - يطالع امه - ها جاهزات
ام حميد : هيه اميه
حميد ييلس ع الغنفه - : عيل ابوي وسعود وينهم ؟
ام حميد : طلعوا من الساعة سبع
حمد – يشل هند من حضن اخوه - : فديت القمر انا ،، بتركبين ويا عميه بسيارته
هند : لاا انا الوح – اروح - ويا بابا
حمد – يضحك عليها - : ههه عيل باخذ علي وياي
هند : لاا علي يلوح ويانا
حمد : لا باخذ علي وياي
هند – شوي بتصيح : لا – اطالع ابوها – بابا علي يلوح ويانا
حميد – يبتسم عليها - : هييه بابا علي بيروح ويانا

اليده : يلاا عيل حميد وحمد قوموا لا تاخرونا
حميد وحمد : ان شاء الله

ساروا ،، اليده وام حميد وموزه وسنيتيا ويا حمد
وبسيارة حميد ركبت حرمته وعياله واسما


نص ساعة ووصلوا العزبه ووصلوا بعدهم خليفه وامه واخته ريم وشغالتهم ايكا
وعقب ساعه وصلوا عايلة بو يوسف كلهم عداا حريم عيالهم

===========

 

[رهف]

مشاركة: ويبكي القلب


===========

طبعا الحريم ومشاعل انشغلن في المطبخ يجهزن الغداا ،، والشياب والشباب يلسوا يسولفون ،، والبنات تمن يتمشن بالعزبة وعقب يلسن تحت السدره

ريم – تاخذ نفس عميق - : هالجو ولا بلاش
اسما : هييه والله ،، الحمد لله خلصنا من الامتحانات وهم الدراسه
ريم - اطالع السماا - : صدقج والله ،، اخيرا افتكيت منها ياللا عقبال ما اتزوج

يضحكن عليها البنات

ميثه – بنت خال موزه - : ريمووه تبغين تتزوجين
ريم : عيل شو ،، خلاص شبعت دراسه
ميثه : وليش درستي عيل ،، ما تبغين تتوظفين ؟
ريم : أي وظيفه قومي عني ،، خليني ارتااح
ميثه – اطالع موزه اللي كانت تضحك ع سوالف ريم - : وانتي موزوه ما تبغين تشتغلين ؟
موزه : والله ما ادري ،، - تبتسم - هب الحين خليني آخذ لي سنه راحه قبل
ريم : وليش سنه راحه جدمي اوراقج الحين ،، يا الله يا الله تتوظفين عقب سنه او اكثر
موزه : طاعن من يرمس
اسما : اقول بسكن سوالف عن الشغل ،، اقول قومن نمشي صوب الزرع قبل لا يروحون هناك الشباب
ريم : هييه والله زين ذكرتينا – تقوم توقف - : ياللا صبايا
وينشن البنات وراها


نروح للشباب والشياب

بو حميد وبو يوسف يسولفون عن الشغل
وحميد ويوسف وعبدالله مسوين لهم شله ويسولفون بروحهم
اما الشباب حمد وسيف وخليفه وسعود وخالد فكانوا يسولفون بصوت عالي وشوي يدخلون ويا الشياب بسوالفهم وشوي ويا الشباب المتزوجين

بو يوسف ويوجه كلامه لسعود وخالد - : هاا متى امتحانكم
خالد – ويتافف بصوت خفيف - : الله يخليك ابويه لا اذكرنا فيه ،، خلنا مستانسين
بو يوسف : متى بذاكرون عيل
سعود : لاحقين ع المذاكره ،، قبل الامتحان بيوم شو بعد
يوسف : وان شاء الله بتبرشمون بعد
سعود – يعدل كندورته - : افااا ،، شو براشيمه ،، نحن هب راعيين هالسوالف
حمد - يمد ايده - : اونكم انتو ،، اقول قوموا خلونا نطلع نتمشى
عبد الله : خله عقب الغداا
حمد : الحين احسن
سيف : لا بعد الغدا احسن
حمد : اوكيك براحتكم


=========


نرجع للبنات

البنات طبعا كانن صوب الحوض اللي منزله ريلها في الماي ،، واللي تتمشى ،، واللي يالسه تحت الشير وحالتهن حاله ولا حاسين بعمارهن وطبعا الشيل عاقينها ع الجتف

ريم - تلعب بالماي وتغني - :
لايق عليك الحسن والزين ،، متميز بالوصف فتان
تذبحني النظرة من العين ،، واموت انا في بحر العيان

اسما – تتمشى ع طرف الحوض – : مشكوره ريموه ،، ادري هالاغنيه لي
ريم : شو اباج ،، مصدقه عمرها الحبيبه

اما موزه وميثه يالسات تحت الشيره يسولفن بروحهن

اسما : اقول هب ناوين تروحون المطبخ تساعدونهن
ميثه : هييه والله ياللا قومن – توقف –
ريم – تاشر لهن - : اقول اسموه وميثوه انتن روحن وعقب انا وموزوه بنيكن
اسما : لا والله شعندكن
ريم : شو عندنا بعد ياللا روحن ساعدوهن في المطبخ
اسما : انزين بنروح يا ام الاسرار

وتروح اسما وميثه عنهن

موزه : شو عندج بعد ،، ياللا قومي نروح نحن بعد
ريم : اقول عطيني موبايلج
موزه : ليش ،، وين موبايلج
ريم : ما عندي رصيد ،، وابغي اطرش لخالد مسج ،، من اسبوعين ما كلمته
موزه : لا والله ،، وما ذكرتيه الا الحين
ريم : شو بلاج ما بتصل بس برسل مسج
موزه : انزين خذيه بس عقب قوليله يحذف رقمي
ريم : انزين

وتعطيها موبايلها واطرش ريم مسج لخالد – سيف اللي كان يالس في الميلس - ،، واول ما قرا المسج قال في باله اكيد هاي ريم مخبره ربيعتها خلود ادزه له ،، بس ليش هي ما تتصل او اطرش من موبايلها ؟؟! ،،
واستغرب ليش قاطعتنه كل هالفترة ،، فقال بيتصل فيها وبيسألها عن ريم

قام - نسى انه يالس ويا الكل - وطلع من الميلس
وهالشيء خلى البعض يشك من منو المسج ؟


طلع يتمشى واتصل ع رقم موزه
طبعا ريم دزت المسج وردت عطت الموبايل لموزة

موزة شافت رقم المتصل ،، خافت : ريموه الله يغربلج اتصل :mf_grenad
ريم : منو خالد ؟؟
موزه : هييه ،، خذي ردي
ريم – تاخذ الموبايل عنها - : الوو
خالد – سيف - : هلا والله ،، السلام عليكم
ريم : وعليكم السلام
خالد – عرف صوت ريم - : منو ريم ؟؟
ريم : هييه اناا
خالد : شحالج ،، ووين الغيبات ؟
ريم – -هب عارفه شو تجاوبه : ها لا ابد ،، بس انشغلت هالايام
خالد – ما مصدقنها - : لا والله ومن متى انتي تنشغلين عني
ريم – بدلع - : خلودي ،، تعرف بعد ،، اول فترة امتحانات ،، والحين اجازة وجيه ما افضى والله
خالد : حتى لحبيبج ما تقدرين تفضين ولو خمس دقايق
ريم – ادور لها جذبه - : خلودي ،، الصراحه اهلي شافوني اسولف واايد في الموبايل ،، وخفتهم يشكون بي فقلت اخفف المكالمات
خالد – بانفعال- : لا والله ،، انزين عطيني خبر

تم يسولف وياها يبغي يعرف سبب الغيبه ،، وهي كل شوي اطلع له عذر ،، وتم يمشي وهو يرمس لين ما صار قريب شوي من الحوض
وموزه اللي كانت تتمشى تتريا ريموه تخلص جان اطالع حد من الشباب ياي صوبهن ع طول عدلت شيلتها وراحت لريم وخبرتها واستعيلتها اتسكر التلفون ويروحن داخل

ريم – عقب مالمحت حد ياي صوبهن - : اقول حبيبي ،، بخليك الحين ،، اسمع صوت اخوي جنه يزقرني
خالد – ما انتبه ان في حد صوب الحوض - : شو حبيبي يعني ما اقدر اكلمج ،، اقول شوفي اخوج شو يبغي منج و خمس دقايق وبتصل بج
ريم – مستعيله - : لا ،،، انا بدق لك عقب ،، لا تتصل هاا ، ياللا باي
وسكرت التلفون بسرعه حتى قبل لا يقول أي كلمه

سيف قرب منهن
ريم – توقف وتنفض الرمل من ثيابها : منو هاا حمد ؟؟
موزه بلعت ريجها وتكلمت بصوت خفيف : لا هب حمد ها سيف
ريم - تعدل شيلتها واطالعه - : ها سيف الحين؟!!

سيف بعد ما انتبه لهن مشى صوبهن: السلام عليكم
موزه اطالع تحت ،، وريم اطالع سيف : وعليكم السلام
سيف : شحالكن
البنات : بخير
سيف – يطالع موزه - : شحالج موزه ،، ها تخرجتي ولا؟
موزه – للحين عينها في الارض - : الحمد لله اتخرجت
سيف : ياللا مبروك عيل
موزه : الله يبارك في حياتك


في هاللحظه ريم كانت تتأمل سيف من غير أي حيا وسيف ما منتبه لها
وتقول في بالها جني شايفته ،وهالصوت هب غريب علي ، وين شايفتنه يا ريموه ووين وووين !! ؟؟

انتبه سيف لريم

سيف : شحالج اختي
ريم - ارتبكت - : الحمد لله

سيف بعد حس انه يعرفها

في هاللحظه موزه رفعت راسها عن الارض وطالعت ريم وعقب طالعت سيف

موزه : هاي بنت عمي
سيف: هلا والله اختي
ريم : اهلين
سيف – يطالعها شوي ولا اراديا - : انتي ريم ؟؟ !!


ريم وموزه كل وحده فاجه حلجها
وهب عارفين كيف عرف اسمها



أ . هــ
الجزء السادس


رهوووف