غياب التخطيط..... للنقاش

[عاشقة التراث]

مشاركة: غياب التخطيط..... للنقاش

وعليكم السلام ورحمة الله وبركاته

يا مرحبابك اخوي المتحدث الرسمي

اشكرك على هالمرور الكريم
وطرح رايك بهذا النقاش

ما شاء الله عليك كفيت ووفيت من خلال ردك على هذا الموضوع

وحبيت اضيف عليك اخوي بعد ما ذكرت عن امارة راس الخيمه وماذا يحدث بها الان

سوف اتطرق لى ذكر شي عن امارة الشارقة

مثلا الدوار الكبير الي حطوا عليه الإشارات مؤخرا في الشارجه؟؟ .. متى فكروا بهالشي بعد عدة حوادث كبيره صارت وأرواح أزهقت بسبب هالدوار.. يعني بلدياتنا ما يخططون ولا يحلون هالمشاكل الا بعد ما يمرون بمشاكل كبيره .. ليش من البدايه ما يخططون عشان يتخطون هالمشاكل ويحدون منها..
والتخطيط تراه ايي من قبل مختصين.. ويوم المختصين الي موظفينهم غير مؤهلين لمثل هذي التخطيطات.. وتفكيرهم خل انقول محدود نوعا ما.. وغير واعين ..

اما عن إمارة ابوظبي

في بوظبي مثلا.. اذا نزل مطر.. بعد ثواني من المطر ما يوقف ما تشوف اي ماي متجمع .. ليش لأن في تخطيط مسبق لهالشي.. أما هني ماشي تخطيط.. والمؤسف انه بدال ما يتعلمون من غلطهم في الشوارع اليديده الي يقومون عليها ويصححون الخطأ .. بالعكسي يستمرون عليه..

والمشكلة هذه هي اخوي المتحدث الرسمي

سؤال اخوي
ماذا يعني لك اسم البلدية؟؟

بنظري انا

البلديه هي دائره محليه تعمل على تخطيط وتوزيع البنية التحتيه لأي امارة..


والسموحه على الاطاله

عاشقة التراث
​

 

[المتحدث الرسمي]

مشاركة: غياب التخطيط..... للنقاش

.
.
اهلا بك يا عاشقة التراث..
.
.
العفو يا اختي الكريمة..
.
.
وعن مفهوم البلدية.. فلا خلفية لدي عنه سوى ما ذكرته..
.
.
فمن مهامها ان تقوم بالاسهام بتطوير الاماره وعلاج العيوب والمعوقات..
.
.
ومن مهامها ايضا التعاون مع وزارة الصحة لكافحة الافاة..
.
.
هذا رأيي ..
.
.وسررت بموضوعج..
.
.وان شاء الله النقاش مستمر..
.
.
والسموحه منكم..
.
.
المتحدث الرسمي..
.
.

 

[عاشقة التراث]

مشاركة: غياب التخطيط..... للنقاش

السلام عليكم ورحمة الله وبركاته

يا مرحبابك اخوي المتحدث الرسمي من جديد

اشكرك على الرد البسيط

وصدق المثل خير الكلام ما قل ودل

واشكرك على المرور الكريم مره ثانيه

والتشجيع

اختك
عاشقة التراث​

 

[Scotland]

مشاركة: غياب التخطيط..... للنقاش

السلام عليكم ورحمه الله وبركاته

الموضوع الي تمت مناقشته حاليا اثار الكثير من الجدل في وقت تواجدي في الامارات في اخر اجازه وبعد تساقط الامطار

يعني في بدايه الامر اتكلم اتكلم عن اماراتي راس الخيمه فتجد بعد تساقط المطر وتجمع المياه عالشوارع والناس تسير بسياراتهم وعادي وهالشي غلط كبير وفادح .....وترا ان البلديه جنها تتريا المياه بروحها تخوووووز وتنشفط توماتيك ....بالعكس يجب عالبلديه انها تسارع عالاقل ولا ما كانت عندها هاك التقنيات والتخطيط وتشفط هالمياه تجنباااا اي مشكل مشاكل مروريه من حوادث وزحمه

وبعدين اتطرق بعد الى اماره الشارجه الي كنت اظن ان فيها تخطيط اوكيه بعكس حالها نفس حال اماره راس الخيمه فاخر مره كنت فيها بالشارجه وكانت الشوراع فوول كلها مياه ما تقول امطار فيضانات وماشي اي خدمه من البلديه لشفط هالمياه وكانت زحمه المرور حدث ولا حرج حتى تصل الى عجمان يبالك في الساعتين وشي ...............والبلديه تحركت وتم شفط المياه في وقت المغرب او قبل بشوي والمياه متجمعه من الصبح

اما عني فاني ارى التخطيط الصحيح والاماره رقم واحد هي دبي ....والله يعني انت تطف بالشارع وكانت امطار والشارع كله ماي تعال بعد 5 دقايق وشوف وبتقول ولاجنه امطار كانت اهناا.....يعني المياه عطول للمجاري تحت الشوارع وهالشي سببه التخطيط الصحيح من قبل بلديه الاماره قبل بناء ورصف الشوارع فيها

اما عن اماره بوظبي فلا استطيع التحدث عنها لاني لم ارى شي بم عيني بل سمعت ان خدمات الصرف الصحي فيها اوكي بس لم تصل شرات دبي


يعني تراكم هالمياه لفتره من الزمن تسبب الكثر من الاشياء
فالبدايه والتي حسيت انا غيري وفيها وهي الحوادث المروريه يعني وقت تساقط الامطار تسمع ان نسبه الحوادث تزيد بشكل مريع
وبعد لاننسى قضيه الزحمه المرويه الناتجه عن تجمع المياه في الشوارع

وبعد تراكم مياه يودي الى انتشار الحشرات والامراض كذللك


اما عن الاراااا

انا اشوف ان كل بلديات الدوله يجب انها تجتمع وتحطي خطه عمل وحده من خلالها يتم التخطيط لجعل جميع شوراع الدوله فيها مياه مجاري يعني في حاله تساقط المطر ان المياه ما تتجمع عالشارع بل تصرف تحت في المجاري .....واذا ما قدروووا على هالشي المفروض ان عمليات شفط المياه تتم بسرعه مب عقب يومين


والسموحه منكم وسلامتكم

 

[عاشقة التراث]

مشاركة: غياب التخطيط..... للنقاش

وعليكم السلام ورحمة الله وبركاته

يا مرحبابك اخوي سكوتلند

اشكرك على طرح رايك بهذا الموضوع المهم ببلادنا

ما شاء الله عليك كفيت ووفيت بالرد

هالمشكله تقريبا معظم المناطق الشماليه يعانون منها.. وبالأخص الشارجه وعيمان لأني دوم اشوف هالمناطق والحال الي يكونون فيه لا نزل علينا شويه مطر.. نغرق في هالوقت.. ونكون محتاجين لطرادات عشان ننتقل من مكان لمكان.. وتصير زحمه في السير والسبه شويه ماي متجمع .. فيصير هناك بطئ في السير.. وفي النهايه زحمه مالها داعي..

اذا كان بالنسبه للمياه الراكده.. تجمع هذه المياه بشكل

أولا بشع لمنظر الشارع.. تشوف الحديقه الي على أطراف الشارع شو حلاته.. والماي اي متجمع عليه وفي الشارع .. مشوه جمالية هالمنظر بالكامل..

وثانيا.. مثل ما ذكرت اخوي عرقلة حركه السير بشكل فضيع جدا.. وغير الحوادث الي تصير نتيجه سرعه البعض للوصول للنقطه الي قاصدينها..

وثالثا.. حدوث أعطال في السياره نتيجه هذه المياه.. لأن بهالحاله السياره تمشي على بحر .. وليس على مجرد ماء قليل متجمع.. مما يعطل مكينه السياره .. وهاي فيها خساير ماديه لبعض الناس..

رابعا.. مثل ما قلت تشويه لمنظر الشارع.. وخصوصا اذا كان هالشارع حيوي.. وكثير من الزوار الآتين من خارج الدوله.. وكبار الشخصيات.. يشوفون تطور الإمارات في كل شي.. الا في شوارعها؟؟.. هل هذا معقول؟؟

اختك
عاشقة التراث
​