جـــــــــب انا مواطن!!

[هيمـــان]

مرحبا ....

حبيت اعرض لكم موقف يتكرر دووم..

..في الجمعية..كارفور..المول
وصلت صوب الكونتر بتحاسب..لقيت اثنينه فالكونتر حذالها
واحد مواطن والثاني وافد

ماتدري شواستوا بينهم بالضبط...بس لقت الموااطن رافع اعقاله
ويقوله

(( جب ولا كلمه انا مووواطن..انته إلا واافد..احمد ربك انك في دار
زاايد "الله يرحمه".. مادري كيف الحكومه امخلتنكم هني..
لو فيك خير جاان يلست فبلاادك..اشتغلت هناك....الخ))

عقب ادخلو جماعه يزاهم الله خير..



المهم

مابطول عليكم

شو رايكم في هذا المواطن؟؟

هل له الحق ان يتكلم بهذا الأسلوب؟؟
بغض النظر عن السبب..

هل لنا الحق ان اي وافد يغلط ..انسمعه هذا الشي؟؟

هل لنا الحق ان نقول :

(( جب انا مواااطن..محد يرمسني!!))

منقول..

 

[عاشقة التراث]

مشاركة: جـــــــــب انا مواطن!!

السلام عليكم ورحمة الله وبركاته

مرحبتين اكبار اختي هيمان

رأينا الموضووع من زاويه ونظره ومما سمعناه .. من قول الرجل ..

ولكننا .. لم نعرف ما الذي جرى من الطرف الاخر ..

والذي جبر .. هذا المواطن ان يتصرف هذا التصرف

لا بد من وجووود سبب قوي .. أخرجه من صواابه ..

فهل معقووول بدوله عدد العاملين فيها يتجاوز عدد المواطنين ..

قد نكون لا زلنا لم نتعود على وجودهم .. بيننا ...

شو رايكم في هذا المواطن؟؟

اممم تدرين ما اقدر احكم عليه .. يمكن الوافد غلط عليه بعد

هل له الحق ان يتكلم بهذا الأسلوب؟؟
بغض النظر عن السبب..

لا طبعا ... ولو افترضنا ان الوافد غلط عليه ما يحق له يقول هالكلام هو في النهايه

يشوه سمعة شعب بلاده .

هل لنا الحق ان اي وافد يغلط ..انسمعه هذا الشي... أو
هل لنا الحق ان نقول :

(( جب انا مواااطن..محد يرمسني!!)) ؟؟؟

لالا ... ما يحقلنا ... أصلا أخلاقنا تمنعنا من إنا نقول جذه ..

بعدين هذا الإنسان إلي تارك أهله في بلاده و ياي عندنا عسب يشتغل و يكسب لقمة العيش .. مب مقوله إنا نسمعه هذا الكلام ...

ثانيا .. في بعض الأعمال هم يسوونها ... أنا أتحدى أي مواطن يشتغل مكانهم ..

(( إن أكرمكم عند الله أتقاكم )) ...

وجهة نظر

اختج
عاشقة التراث

​

 

[بو هزاع]

مشاركة: جـــــــــب انا مواطن!!

اولا اصابع ايديج مب نفس الشيء

وثانيا الانسان ما يحكم على الناس كلها بخطأ فرد واحد

وثالثا الاجانب مع السياسة المفتوحة في الدولة هي اللي تجبر المواطن على انة يحس بفرق بينة وبين الوافد

واخيرا

سيبقى الوطن للمواطن مهما زينو كلمة مواطن ورسموها بالكريكترات لكن المواطن مواطن وهو الاولى في هذة البلد بغض النظر عن الامور الهامشية هاي

 

[معصبة]

مشاركة: جـــــــــب انا مواطن!!

اغلب المواطنين شايفين عمارهم على الوافدين

وهالشي ملاحظ وعايشينه

ومنو اللي رسخ هالفكرة؟

العنصرية​

 

[هيمـــان]

مشاركة: جـــــــــب انا مواطن!!

راي جميل و رائع

و انا رايي من راييج .. ترا يمكن الوافد غلط عليه

كل شي جايز

 

[هيمـــان]

مشاركة: جـــــــــب انا مواطن!!

اولا اصابع ايديج مب نفس الشيء

مقوله متداوله

وثانيا الانسان ما يحكم على الناس كلها بخطأ فرد واحد

بالنسبه لمنظورك الشخصي

وثالثا الاجانب مع السياسة المفتوحة في الدولة هي اللي تجبر المواطن على انة يحس بفرق بينة وبين الوافد

ابلادهم و هم احرار ..مثل ما اتسير بلادهم يعاملونك بنفس المعامله .. جرب و بتحس فيها
واخيرا

سيبقى الوطن للمواطن مهما زينو كلمة مواطن ورسموها بالكريكترات لكن المواطن مواطن وهو الاولى في هذة البلد بغض النظر عن الامور الهامشية هاي

احلى رد .. بس ما اعتقد هذا الكلام امطلعنه من خاطرك ..

و السموحه و مشكور على تواصلك

 

[هيمـــان]

مشاركة: جـــــــــب انا مواطن!!

كلام طالع من انسانه امبين من نيكها

الله يسلمج و مشكوره على تواصلج

 

[قاريءالكلمة]

مشاركة: جـــــــــب انا مواطن!!

السلام عليكم ورحمة الله وبركاته..

صح أنه مواطن بس لا يحق له أن يتفوه بتلك الكلمات وان كان الحق لصالحه..نحن أناس اعتدنا أن نسمع عن شعبنا تميزه بالاخلاق الحسنه ومكارم الاخلاق..المواطن معزز ومكرم في بلده بس لا يعطيه ذلك التميز بأن نخطيء على الآخرين مهما كانت الاسباب

والسموحه

قاريء

 

[عين الصقر]

مشاركة: جـــــــــب انا مواطن!!

بعدي اضربه ولا اقووول هالشلااااام

لان هب زين الوااااحد يكسر على الثاني



عين الصقر

 

[أم هزاع]

مشاركة: جـــــــــب انا مواطن!!

مرحبا اخوي هيمان



بالنسبة اشووف تصرفه غلط بغلط حتى لو غلط علييه ما له حق ايقووول انا اموطن , هاي الجملة نستخدمها للمزاح
الواحد لازم ايكوون عفوي في تصرفاته مع الوافدين لانه مساكين امودريين اهلهم ويايبن يشتغلوون عشان لقمة العيش , ولا الواحد ما بيهد اهله ومكانه عشان شي ما يسوى




والسموحة ع التقصير




أم هزاع