الصداقة بين البنت والولد

[حورالامارات]

السلام عليكم
اعضاااء وعضوات
مشرفين ومشرفات

ساااااااااااااااااااااااااااااااااااااعدوني
انا محتارة في ظاهرة دايما اشوفها على اغلبية المسنجرات والبالتوك والنت


شو رايكم في الصداقة بين البنت والولد انا لاحظت ان الكل يبيها وما يمانع فيها يعني انا سمعت عن ولدة تتفاخران اللي عندها في الدوام ربعها
وهي تكلمهم وتقول كلهم مثل اخوانها مثل اصدقائها تشكيلهم ويشكولها هموما

يعني اذا ما عندها حد يكلمها وفاضية يدقولها تدقلهم عادي اخوان ربع


انا محتارة مرات احس الموضوع عادي ويستوي
مثل كل شيء في ها الزمان ومرات احس عيب شو صداقة شو خرابيط
اقول حق اخوي سلم عليك فلان توا مكامني ترا انا ربيعته
على النت
دلوووووووووووووووووووووووني

:mf_chegue :mf_chegue

 

[السيد البتار]

مشاركة: الصداقة بين البنت والولد

أختي العزيزة ... باختصار في الدين حرام ... وبالعقل والمنطق والابحاث العلمية تقول ان ها الشي يشغل نار الشهوة ... وعادات القبيلة عيب ...

هل يرضى اللي يكلم بنات الناس اني انا اتصل باخته واشكي لها همومي ...


اختي لو تبين تستزيدين بالموضوع .. ممكن تشوفي موضوع النقاش اللي مخلنه ببرزة النقاش ...

وأزيدج اختي
( باسم الحرية والتمدن والحضارة والتقدم أذناب الغرب نجحوا في دفع المرأة المسلمة الى هذه الهاوية .. جعلوها نرقص باسم الوطن وتغني باسم التحرير وتتبرج باسم الحضارة ... كل ذلك مخططات سافلة للقضاء للبقية من شريفات المسلمين)

 

[روؤس الجبال]

مشاركة: الصداقة بين البنت والولد

هلا اختي الحور

مشكوره وايد على ها الموضوع

موضوعج وايد حلو

 

[أحبكم دوت كم]

مشاركة: الصداقة بين البنت والولد

:mf_depres الايام يايه ياحور وبتشوفي الاعجب من هذا
فالله يرحمنا برحمته


قبل عندنا تلفزيون مايشتغل الا بمشخله فوق الاريل
وبالقوة نشووووف قناة والا ثنتين


دخل الدش وصارت ضجه كبييييره عليه
حتى كانوا ناس يغطون الدشات حتى لي برا مايعرف انه عندهم دش من الفضيحة


ولحين المطاوعة مركبين دشات فما بالك بالناس العاديين


وجت موضة التيلفونات
وحرررررررررررررام انه البنت تشيل موبايل
وسووووها ضجة
اعوذ بالله منها


ولحين صار مستحيل تشوف بنت بدون تيلفون
لانه الموضة والاتيكيت تقول هالشئ غير مقبول




ولحين يايه تقولي لي صداقة البنت والولد


الله يستر شنو بيصير بعدين

 

[معصبة]

مشاركة: الصداقة بين البنت والولد

حبيبتي ماشي صداقة مابين البنت والولد في التيلفون

لان البنت بطبيعتها تمشي ورا عاطفتها وهالصداقة باجر بتتحول لحب ويمكن من طرف واحد وهو طرفها هي

يعني المسكينة يمكن تتعلق بالولد والولد ولاعاطنها سالفه لانها مجرد ربيعه,ويمكن يماشيها لكن انه يتزوجها فمابيسويها

ان شاء الله وصلت​

 

[عين الصقر]

مشاركة: الصداقة بين البنت والولد

ماشي صداقة مابين البنت والولد في التيلفون


شو ماشي شغله هي العقل نعمه

 

[أم هزاع]

مشاركة: الصداقة بين البنت والولد

حلوو الموضوع برد عقب انشالله



أم هزاعيتووووو

 

[زمان الوصل]

مشاركة: الصداقة بين البنت والولد

أبداااااااا ولا يمكن تستوي صداقة بين الولد والبنت عبر التلفون أو غيره ..

جيه وين قاعدين نحن !!!!!!

نحن مسلمين لنا دينااااا يحكمنا في أمورنا .....


زمان الوصل

 

[مجموعة انسان]

مشاركة: الصداقة بين البنت والولد

السلااااااااااااام عليكم ورحمة الله وبركاته..

مشكوووووووووووره اختي ع الموضوووووع

بصراحه الصداقه بين البنت والولد حرام وعيب ......الخ

ولاكــن خلال هالزمن والموضه على قيلة الناس الصداقه بينهم عادي وحتــى في بعض الاهل يساعدون عليها يعني مايقولون حق ولادهم او بنتهم ان هالشي حرام او عيب والشباب والبنات في سن المراهقه يحبون هالاشياء يعني اذا حصلو كامل حريتهم بيسوون صداقه واكثر بعد..


والسموووووووووحه منكم :mf_seehea

 

[حورالامارات]

مشاركة: الصداقة بين البنت والولد

شكرااااااااا يا مجموعة انسااااااااااااان على ردك


بس مب كل الشباب شراتك


في حد عادي عنده

ومب كل البنااااااااااات يرفضووووووون في حد يقبل


وكل واااااااااحد يعرف ربه



:mf_chegue :mf_chegue :mf_chegue :mf_chegue