إعاده حسابات الى جميع الاعضاء عضوات واعضاء

[العوسج]

مشاركة: إعاده حسابات الى جميع الاعضاء عضوات واعضاء

السلام عليكم ورحمة الله تعالى وبركاته

تسلم بوهزاع لطرحك هذا الموضوع واللي بصراحه يا في وقته


فعلا مثل ماقلت شي فئه كبيره فالبرزه نواياهم سقم وماعرف لشو ناويين يوصلون


ونسمع الكثير من القيل والقال بس ياخوي الواثق من عمره مابيسمع للعذال ولابيرد عليهم


بيكمل طريجه مثل ماأبتدى فيه ولاعليه من فلان وعلان .. وخلهم يرمسون الين يشبعون



بالأخير الا هي صفحة نت والواحد مايضمن يتم فيها طول العمر


لابد بيصادف ظروف وبيقطع عن البرزه والواحد صدق بيرتاح ضميره أكثر وأكثر إذا ترك بصمه حلوه في صفحة النت

أساس الكل يطريه بالخير .. مب الحش والتذميم والقذف والكلام اللي لايودي ولاييب


أنا خلاص خذت قرار ومنهاج ساري المفعول .................. بكون ملاك ... لأني واثق الخطى .. شو رايك؟



وأتمنى الكل مايشل بخاطره ... خصوصا مني أناااااااااااا تر لساني متبري مني ... والكل يشهد .. بس سوالف يالربع


انعبر عن الشعور وبالأخير ماتلاقي الإنسان اللي يفهمك .. الكل ياخذ الأمور بحساسيه .. مب الكل إنما البعض


والله يخليكم ويطول فعماركم ويبارك فيكم


أنا أحبكم موت لاه شو أسوي بعد هذا الكلا طلع من ظهر قلب بل من بطن قلب بل من قلب القلب



العوسج

$_$

 

[ذياب]

مشاركة: إعاده حسابات الى جميع الاعضاء عضوات واعضاء

مرحبا الساع والله حيك اخوي بوهزاع وموضوعك طيب الصراحة وردود الاخوان بعد طيبه شوف يا اخوي انته لو اتلاحظ المواضيع الي فيها نقاش ولا سوالف تستوي فيها المشاكل لانه محد ايعرف اسلوب الثاني زين لانه اسلوب المنتدى يختلف مرات عن اسلوب حياتك علشان جي الواحد مرات ايشل فخاطره لشخص لو انه الشخص ما يقصد ايزعله بس غرضه السوالف ومرات الواحد يعارض فكرة افلان بس مجرد رايه والثاني ايعصب ويزعل ويعلن انسحابه من البرزه وانا عن نفسي اعرفها برزة السوالف والصراحه سولفت ويا شباب والنعم فيهم لو انه علاقتنا سطحيه ولكن اعرف اساميهم حتى اذا شفتهم برع المنتدى اسلم عليهم والحمدلله ما عمري ما زعلت حد ولا احب ازعل اعتبر الكل اهنا اخواني وان شاء الله ما انشوف مشاكل ولا زعل في البرزه واتمنى من الجميع انه يحاسب نفسه قبل لا يشارك اي مشاركه والسموحه منكم ...



مع اطيب التمنيات,,,


ذيـــــــــــــــــــــــــاب...