اولا شي سلاااااااااااااااااااااااااااااااااااااااااام للكل
بسولف وياكم بموضوع اسمه الواااااااااااااااااااسطه
بصراحة ما اافسد علينا حياتنا الا هالواسطة .. صارت شرط اساسي اذا تبي وظيفة
ترقية و ...و .. كل شي لكن اللي يقهر اكثر ان الواسطة افتي فيه العلماء بجوازها بشروط
وهي اذا تساوى المتقدمين في الشهادة !!!!! لكن اللي قاعد يحصل غير كذا !!!! ابو جيد
ومعه واسطة يتوظف!!! وابو ممتاز مامعه واسطة يقضب الباب ..... يعني قعدبها !!!!!!
انا صرت اكره شي اسمه واسطه .......نتخرج من الجامعات ونقعد بالبيوت سنين وبعدها الوظيفه ما ييت واللي يتخرجون بعدنا ع طول يتوظفون ....والله قهر ..لا وبعد صار بالواسطه مصلحه يعني عطني وبعطيك واسطه هذا اللي نسمعه احنا اليوم .......ياليت تختفي هالواسطه من حياتنا ..
لكن شو رايكم هالمجتمع القبلي هو اللي فرض الواسطة وصار هو السبب الاكبر ؟؟؟
ام هي العلاقة الاجتماعية ام قانون اخدمني اخدمك ؟؟؟؟؟
ابي رايكم ابدو..
انا يتني عقده من تكرار المواضيع ...........اتمنى ما يكون هالموضوع متكرر
مشاركة: شهادتك : بلها واشرب ميتها اذا ما عندك واااااسطة << او تصور معها صورة 4×6
وعليكم السلام ورحمة الله وبركاته
مرحباااا بالاخت العزيزة رمايل
مشالله هاي اول مرة اشوفج بالحوار والمناقشات وانشالله اظلين لان الموضوع هااا اول مرة اشوفة وما ادري اداا كان قبل او لا وموضوع جدااا رائع
بالنسبة للواسطات استوت شي عادي بهاااا الايام ويا ليت ابو الجيد بواسطة ايوظفونه صار اللي تقديره مقبول والضعيف هو اللي يتوظف هااا الايام وشو السبب انه عنده واسطة
وكل شي بالواسطة يا ليت الوظايف بس حتى الترقيات وكل شي في الدنيااا سببهاا الواسطة
يعني اذا عندك واسطة ما راح تنتظر خمس سنوات الين ما تتوظف لا بس يوم وليلة مجرد اتصال ... اذاا عندك واسطة مب لازم تتريااا دورك بالمستشفى لا بتتعالج اول الناس وبتروح .... اذا عندك واسطة بتترقااا كل سنه مب لازم تترياا اربع اسنين.... اذااا عندك واسطة بيتعدل وضعك من يومهاااا مب لازم تتريااا كدب المسؤولين ان الميزانية ضعيفة.... اذااا عندك واسطة مب لازم تتريااا دورك بالطابور بالاسكان لان بيظهر لك اول الناس 500 الف .... اذااا عندك واسطة بتحصل ارض سكنية من دائرة الاراضي في ارقى منطقة سكنية مب صوب الصحرااا .... اذااا عندك واسطة وظهرت لك وظيفة ما رااح اداوم بمكان اخر الدنياااا لا رااح تتوظف عدال بيتك
مشاركة: شهادتك : بلها واشرب ميتها اذا ما عندك واااااسطة << او تصور معها صورة 4×6
السلام عليكم ورحمة الله وبركاته ...
رمايل مشكور ع الموضوع ...
الواسطة صارت شي وايد مهم بحياتنا ما نروم نتستغنى عنه ... وشغلج وامورج ما تمشي الا بالواسطة ... لو ما شي واسطة خلاص اتريي الين الله يفرجها !!!
منو منا احينه يروم يمشي شغله بليا واسطة لازم من تتعقد شويه الشغلة ولا بتتأخر على طول فلان هو بيخلصها ... يعني لازم ما ننكر اهمية الواسطة .... لانها تسهل وايد امور وتوفر وقت وجهد ...
وبهالوقت صارت تبادل منفعه يعني اخدمني بخدمك ...
لكن الواسطة بعد لها سلبياتها يعني حليله الفقير اللي ما يعرف حد واصل يخسي يتوظف ولا يخلصون معاملاته ... وبعد يكون فيه وايد ظلم ان انسان تعب ويراكض عسب يوصل لشي وبكل سهولة ايي واحد وبتيلفون وهو راقد ع شبريته يخلص بثواني الشغل اللي بياخذ فيه الثاني سنين !!
