لبسي عادي على حسب المزاج مره البس عدل مره يكون لبسي عادي
وانا اقولكم اياها صراحه انا وحده احب اتعب على لبسي
المهم ... مكياج ما احط حتى حق السوق ..
كنت احط من قبل بس مليت ولاعت جبدي
بس والله العظيم على شكلي العادي .."
عزيزتي حوووور.......هالكلام اللي فوق.....لا يقدم ولا يزيد فالموضوع ....ولو مب كاتبنه كان أخير...حن نتكلم عن قضيه ومافي داعي نعرف انتي كيف وليش ....اوكيه حبيبتي...لا تزعلي من كلامي بس ماعيبني اللي مكتوب
نرجع لموضوع الاختلاط
عزيزتي.....الحين معظم الاشغال باستثناء التدريس اشغال مختلطه ......يعني مافي مفر من الاختلاط اذا تبحثي عن شغل غير مهنة التدريس ....انزين ....أختلاط !!!...وشو فيها يعني....البنت المحشومه بتعرف تحشم نفسها جدام الرياييل او حتى جدام زميلاتها البنات ....والبنت الرزينه المؤدبه تجدر تثبت شخصيتها جدام الكل وصدجيني محد راح يتعرضلها بسوء او يضايجها....بس اذا عطت فلان وعلان ويه ...وضحكه منيه ولا مناك ....يعني فتحت المجال لعمرها للانقضاض ...فالريايل ماراح يقصروا ....وقله هم الشباب المحترم اللي يعامل زميلته فالعمل كمعاملته لاخته او حد من هله ....بس النوعيه الغالبه ....يجب التعامل معاهم بحذر شديد ....ونصيحتي....العمل مكان شغل وبس ....والسوالف والترميس بين الجنسين فالعمل هيه اللي تخلي من الاختلاط مشكله ...اوكيه حبيبتي...........................هذا راي الشيخه
السلام عليكم ورحمة الله وبركاته
.
.
الصراحه وياج يا الشيخة ...
.
قبل ما اشتغل يلس وياي اخوي العود وتم يعطيني لاسته نصائح .. الصراحه فادتني .. واهم نصيحه كانت لا تعطيين لأي شخص بالعمل الصلاحية بالتدخل في امور حياتج الخاصة .. يعني لا تفتحين باب أنتِ في غنى عنه .. وثانياً ترى هالسوالف بين الجنسين ما تجوز شرعاً..
.
مختصر الكلام ما امانع العمل بمكان مختلط بشرط المحافظة على الحدود والضوابط الشرعية الإسلامية...
.
.
ودمتم بحفظ المولي عزوجل،،
احنا في زمن كثرة السفله والانجاس وازدياد هفوات الناس بمسمى المصلحة ....ما ادري شو نتريا من ربنا بعد كل ها ... الزلازل التسونامي يخسف بنا ربنا .. والله منعرف شو نتريا بسبب اللي يصير ...
واللي يقول احترام متبادل .. انا والله دشيت وايد شركات ووزارت واله ان اللي شفته قله ادب باختلاف اجناس الناس وجنسياتهم يعني بكل مكان طغى الفساد حتى انه تم الاستخفاف بعقول الناس ... الغيرة سلم عليها ذابت واندثرت واحترقت حتى من اصحاب التعصب ؟؟؟ ليش مدري لانه في طور التقدم .. والتقدم بالتفسخ لا بارك الله فيه ....
اللي يقول انه في احترام ... دخيلكم دخيلكم دلوني على مكان فيه اختلاط وناس محترمة ... واللي يدلني بعطية هدية .
ولا مكان طبعا فيه المدينه الفاضله ..... ...... فعلا دول الخليج دخلت في طور التقدم المفاجئ ... مبروك على هالدول شعوب ومسؤليين وتهنئة حارة من قلبي لتطوركم ....