الشــــــوق من الخيال الشارد

[الخيال الشارد]

السلام عليكم

حبيت انشر لكم قصيدتيه المتواضعه واتمنى انها تنال اعجاب الجميع

واقول فيها :


حي الذي بالفعـل مرمـوق
لي صب شعره صوبنا سـاق
يامرحبا باللي لـه الشـوق
والقلب مـن فرقـاه مـالاق
البعد فينـي شـب لحـروق
والشوق تم مع مـر لـذواق
والقلب فيهم هـام مسـروق
منهد حيله صـار منضـاق
فيه الحلا والزيـن مطلـوق
حسن و صفا معْ زين لخلاق
يازين شعرن لمـه الطـوق
والعين عيـن الحـر تـوّاق
ماشفت في ذالزين مخلـوق
ولاظن حسن الحور له فـاق
طب و شفا من ازمة العـوق
من عقب عوق البعد ماعاق
حبه بجسمي سـار بعـروق
عرج المحبه فـوق لعنـاق
لو ساقني كالعبـد بالسـوق
برضاه بيعي بيـع لسـواق
لحقوا علي لو فادت ألحـوق
والحال دون الخـل مخنـاق
الشوق لجلك ساقني سـوق
مثل الـذي للحـب مشتـاق
سيل ورعد مع لمع لبـروق
من ناظـر العشـاق دفّـاق
طبعك حلو ذوقٍ علـى ذوق
ما ينشرى ويباع ف اسواق
ما ريت من شرواك مخلـوق
في دنية العاشـق وعشـاق
بسـم الـذي معتلـي فـوق
ابادلك في الحـب لاشـواق
وتصير وسط الروح موثوق
متملّـكٍ فـي الـود ميثـاق
مخفاي وسط العين كالمـوق
وانته وسـط لفـواد طبـاق
مثل الشمس في وقت لشروق
نارت ونار الوقت باشـراق

الشّاعر : الخيال الشارد

 

[بنت الأكابر]

مشاركة: الشــــــوق من الخيال الشارد

سوالم أخوي الخيال الشارد


تسلم يمينك اللي خطت هالكلمات الرووووووعه



بصراحه شعر في قمة الأبداع



كلمات قويه ومعبرة




وزن وقافية ولا أروع



اختيار بقمة الجمال للكلمات وانتقائها بدقة



تشعر بأن من كتبها انسان وشاعر مرهف الحس



طبعا كل هذا يدل على ان من كتبها شاعر متألق​

تحيـــــــــــــــــاتي












أختكم في الله























بنــــــــــــت الأكابــــــــــــر ​

 

[الخيال الشارد]

مشاركة: الشــــــوق من الخيال الشارد

waaaaaaaw

صح بدنج وتسلم يمناج اللي خطت هالرد الغاوي اختي بنت الاكابر

ما اعرف شو اقولج

شهادتج اعتز فيها وااايد اختي الكريمه

لا تحرمينا من ردودج وتشجيعج

والرب حافظ ^_^

 

[هجران]

مشاركة: الشــــــوق من الخيال الشارد

صح لســـــانك يالشاعر



وتسلم على الابيات العجيبة صراحة





السمــــوحة
هجــــــران

 

[الخيال الشارد]

مشاركة: الشــــــوق من الخيال الشارد

صح بدنج اختي

وتسلمين على ردج ومتابعتج

لا تحرمينا من ردودج

تحياتي

الخيــ الشارد ــال

 

[الحشيمه]

مشاركة: الشــــــوق من الخيال الشارد

البعد فينـي شـب لحـروق
والشوق تم مع مـر لـذواق
والقلب فيهم هـام مسـروق
منهد حيله صـار منضـاق
فيه الحلا والزيـن مطلـوق
حسن و صفا معْ زين لخلاق

صح السانك اخوي ولا هنت ..

كلمااااات رووعه ..

ماشالله مبدع في الشعر ..

تسلم .. ولا تحرمنا من يديدك ..

 

[الخيال الشارد]

مشاركة: الشــــــوق من الخيال الشارد

صح بدنج اختي ملاك

وتسلمين اختي على هالرد المشجع

لا تحرمينا من هالطله

والله يحفظج

 

[رماااايل]

مشاركة: الشــــــوق من الخيال الشارد

والقلب مـن فرقـاه مـالاق
البعد فينـي شـب لحـروق
والشوق تم مع مـر لـذواق
والقلب فيهم هـام مسـروق
منهد حيله صـار منضـاق

عجبني هالمقطع وايد صح لسانك يالشاعر صدق قصيده كامله متكامله .....

استخدمت كلمات جدا رائعه....ما ايبها الا شاعرها

تحياتي لك

رمااااااااااااااااااااااااايل

 

[سعود]

مشاركة: الشــــــوق من الخيال الشارد

السلام عليكم ورحمة الله وبركاته




الله حيّك يا الشاعر .. سلمت وسلم قلمك وكيبوردك .. ما شاء الله عليك ..




القصيدة ما عليها زود .. أبَد .. اللهم شي واحد ..




شلـــّة .. أو انها تتغنــّى .. بس




والسموحة منك يا الغالي كان بدر مني اقصور ..




أخوكم































سعـــــــــــــــــــــــــود بن عبد العزيز

 

[جريح الليالي]

مشاركة: الشــــــوق من الخيال الشارد

يعطيك العافيه أخي

أنت فعلاً شردت بقصيدتك في سماء خيالك ونحن نتطلع لتلك السماء إعجاباً بها

ماأجملك وكلماتك التي أتمنى ألا تحرمنا منها

سلمت أخي الاغلي وسلم شعرك العذب