شيخة البنات تتحدى رفيع الشان!!

[شيخة البنات]

شخباركم شباب وصباياااااا


بصراحه رفيع الشان حاول جاهدا ومشكور انه يراويكم بعض من صور بريطانيا ....وصح ان التصوير ماساعد ولا شجع .....بس نشكره كل الشكر الشكير على الصور والجهد الجهيد اللي بذله


وحبيت اراويكم صور اكثر من اللي راواكم اياهم رفيع .....واحكموا من الاحلى : كاميرتي ولا كاميرة رفيع!


بصراحه يعني انا عندي صور بالهبل ...بس المشكله كل معظم الصور رازين ويوهنا فيها ...ومايصير انزلها ...نخاف من الحسد بعيد عنكم



يالله الحين بنخليكم مع الصور واحكموا ...



الصوره الاولى

الله يسلمكم هذا كان واحد من قصور اجدادي الزمانيين...بس بعدين ملوا وتعبوا من البرد والثلج ...وتنازلوا له لحبوتنا الملكه ...وردوا واستوطنوا الخليج ....ولين اليوم وهم عايبتنهم الحر والشمس...صح متندمين على اللي سوهوا لكن معترفين ان يا ريت ماتعمر بيت!!

الصوره الثانيه

هذي هي عين لندن " London Eye" ...هذي بعد كانت من املاكنا ...بس بعد ماستوت الحرب وردينا تنازلنا عنها للجمهور...وغيروا اسمها من خشم لندن الى عين لندن .....والله حاله ...شغل ماشي!

الصوره الثالثه

مممممممممم ...هذي كنيسه فحارتنا ....تستخدمها الجامعه احيانا كقاعة محاضرات!....شفتوا عاد!...مكانهم المقدس تستوي فيه محاضرات وامتحانات وحفلات ....الله يعين بس...ونرد لبلادنا ومساجدنا ...ملينا من هالحياه

الصوره الرابعه

هذي الصوره بعد فحارتنا .. تصورت فوجت الشتا...عاد الحين هالمنطقه خضرا في خضرا ...والاشجار كيف واصله للشارع!...المباني اللي تشوفوها على اليمين ....ترى هذي مباني تابعه للجامعه!..خخخخخ...مباني الجامعه متوزعه فكل مكان ....بين المحلات والبيوت ...فكل مكان ...وهذا مبنى الهندسه ....بعد تنازلنا عنه وخليناه للعلم والعلماء..والعرب مسويلهم دسكاونت !......( همسه : الله يعين بس !)

يتبع ...................شيخة البنات​

 

[رفيع الشان]

مشاركة: شيخة البنات تتحدى رفيع الشان!!

والله حاله



تتحدى قالت



لو نزلت صوري السريه عيل شو بتقولي








والله حاله

 

[شيخة البنات]

مشاركة: شيخة البنات تتحدى رفيع الشان!!

خخخخخخخخخخخخخخخخخخخخخخ ضحكتني...صورك السريه!!

شفنا نموذج ...وهوننا مانريد شي...............بروح اصلي وبرد اكمل سلسلة الصور الجهنميه


خخخخخخخخخخخخخخخخ



تحياتي

شيخة البنات

( همسه : ضيعت على التسلسل ,,,,,ماتشوف يتبع !....اصبر شوي وبعدين علق !...والله حاله )

 

[مارية الشحي]

مشاركة: شيخة البنات تتحدى رفيع الشان!!

السلام عليكم ورحمةالله وبركاته
هلا شواااخ شو أخبارك
هاا غزيتوا كل البرزات والا باقي بعد؟؟؟
...الصور الصراحة فنانة ورهيبة من صدق ...

 

[رفيع الشان]

مشاركة: شيخة البنات تتحدى رفيع الشان!!

وين فنانه الله يهداج انتي بعد


والله حاله


هذي صور الحين بتقول جنه حد يلحقها وهي تصور



صدق ما شي شغل

خخخخخخخخخ

 

[شيخة البنات]

مشاركة: شيخة البنات تتحدى رفيع الشان!!

تقبل الله منا ومنكم




الجزء الثاني







الصوره الخامسه

نرد الله يسلمكم لقصرنا اللي تنازلنا عنه .....يقولكم جدي الاكبر لما باع القصر ...شرط على الحمر...انهم يفتحوه للزوار...اماكن معينه بس...عشان يشوفوا تاريخ اصحابه الاوليين ...وهذا كان شرط من الشروط عشان اتم البيعه !....وبعد مرور عدة قرورن يات الشيخه شيخه للدراسه فبريطانيا ومريت على قصر اجدادي...والعيون تدمع ....وعاد دوروني من بين هالحشد واللي يطلع شيخة البنات ...هالصيف بيصيف معاي فلندن مجاني....هالعرض للبنات بس!...خخخخخخخخخخخ

الصوره السادسه

هذا الله يسلمكم من كل شر ...يسموه ....مممممممممممممم...يسموه....مادري نسيت!...بس خلنا نسميه تمثال النسر الذهبي !...ذكرتوني بالرسوم!...بصيح ...بس بكمل قبل ...انزين هذا التمثال وايد يذكرني باسبانيا!...صراحه اسبابنا تعق بريطانيا عق ...واحسن من بريطانيا بمية الف مره ...واللي بيروح ماراح يندم ابدا ...وبصراحه اتمنى اعيش هناك ....صور اسبانبا من صدق هم اللي يننوا ....بس المشكله مب معاي...ماعلينا ....بس حبيت اراويكم تمثال النسر الذهبي

الصوره السابعه

مممممممم..هالساعه الله يسلمكم ...كنا حاطينها فالحوش مال قصرنا ...عشان اللي يريد يعرف الوقت بس يطالع من البلكونه!...وفيوم من الايام اقترحت حبوتي الكبيره ان الساعه ننقلها ونخليها فالبرلمان مالهم ...عشان يستفيد الناس منها بعد ...ومن طلعوها برع القصر ...اصبحت من اشهر الساعات فالعالم ....فاهمين حضراتكم ازاي يعني كده احنا كنا كرمه ....وبنحب الناس ازاي!

الصوره الثامنه

هذي صوره للجسر ...صح الصوره مب لين هناك ...بس قلنا يالله تستاهلوا وبنراويكم لندن شوي

الصوره التاسعه

هالمحلات طبعا غنيه عن التعريف !.....ماوصيكم مسوين سييييييلز للعرب...وخاصه بالصيف ...انا خبرت الوالد يعطي هديه لكل زائر ومتفرج عربي...وان شاء الله راح تحصلوا شيخة البنات مبركنه فمحلات هارودز بالصيف ...بس انتو خبروني باسمكم وانا راح اسوي فيكم خير ..خخخخخ
( همسه : ممكن تجمعولي فلوس التذكره عشان ارد بلادي !!! )

الصوره الاخيره

هذي حديقة طبيعيه قريب من بيتنا ...بعد خطوات ...فوقت الخريف ...كنا طالعين ونشوف هالسنجاب الجرئ!...بصراحه انا كنت احسبه كلب صغير!...طلع سنجاب!!!...وين حن والسناجيب....حدنا كلب ولا سنوره !...بس يالله ياما فالدنيه حتشوف !!.....

اتمنى تكون عجبتكم الصور...وفالايام القليله براويكم صور احلى لان الجو الحين رهييييب ...والخضره فكل مكان ....



انتظروا جديد



شيخة البنات


في الاسواق قريبا ​

 

[شيخة البنات]

مشاركة: شيخة البنات تتحدى رفيع الشان!!

ماريه الشحي
تسلمين الغاليه ...عيونج حلوه وتشوف كل شي حلو ...الله يخليج لاهلج ...كلج ذوق الغاليه



رفيع الشان ...الله يخليك يالطيب....ادري الحين هذي الغيره اللي تتكلم بدالك ...خخخخ..تفشلت من صورك وودك تحذف الموضوع ....خخخخخخ...ماعليه ...بس...المهم تتعلم كيفيه التصوير واخذ الزوايا المناسبه ...ولللعلم فقط...هذي الصور اي كلام....انا معروفه بهواية التصوير ....بس يوم يكون المووود رايق ....تطلع صور فن ....بس خلني اخلص امتحاناتي هالاسبوع ...وبنقلكم بريطانيا بصوره تبهر الجميع


خخخخخخخخخخخخخخ



تحياتي للجميع



عاد انا قلت ليش هالبرزة ماحط لمسه من لمساتي فيها!!...فاخترت الكم هالموضوع واتمنى نلاقي الردود المشجعه



شيخة البنات

 

[غزالة الجبال]

مشاركة: شيخة البنات تتحدى رفيع الشان!!

هلا والله اختي شيخة البنااااااات،..

تسلمين الغااليه عالصور الرووووووووعه ،..

المنااظر رهيبه خااصه اول صوره وااااااايد عيبتني واخر وحده sweeeeeeeeeet

^_*

(`'•.¸(` '•. ¸ * ¸.•'´)¸.•'´)
«´¨`.¸.* غـزوووولـة*. ¸.´¨`»
(¸. •'´(¸.•'´ * `'•.¸)`'•.¸ )

 

[دكتور البرزة]

مشاركة: شيخة البنات تتحدى رفيع الشان!!

كل شيء على ما يرام



لا تعليق

 

[شيخة البنات]

مشاركة: شيخة البنات تتحدى رفيع الشان!!

غزوله حبيبتي....خلاص انتظرج فالصيف ....وبنوديج للمكان اللي فاول صوره ...



دكتور البرزة ...ممممممممممممممم....يا تمدح يا تطلع!...مافي نقد ...كله اريده مدح فمدح .....خخخخخخ.....انا اريد المدح البناء بعد ...مب اي مدح!.....خخخخخخخخخخخخخخخ....زعلني ردك ....اهئ اهئ اهئ


بس رد غزوله شجعني .....البنات عندهن ذوق ولبقات في الرد ...بليز يا شباب تعلموا شوي


شيخة البنات
صباحكم ورد