جلوس البنات في الكوفي شوب

[رماااايل]

جلوس البنات في الكوفي شوب

السلام عليكم ورحمه الله وبركاته

شفت هالموضوع باحدى المنتديات وحبيت اناقشه معاكم

وهو موضوع يخص مجتمعنا...

واتمنى تشاركوني في الرد عليه....

الي انشوفه في هذا الزمن ان اغلب البنات يجلسون في الكوفي شوب ولاسف..

..شو اضرار الجلسه ..وايش الفايدة منها؟؟

يعني تجلس في الكوفي اكثر عن تجلس في البيت؟؟؟


نبى صراحتكم


سلام

رماااايل

 

[أجمل احساس]

مشاركة: جلوس البنات في الكوفي شوب

أنا الصراحه وحده أشوف أن اليلسه فالكوفي شوب مافيها شي .. جيه انا شوبسوي بشربلي شي وللا باكلي شي وبروح .. ترا أنا أوريدي فالسنتر ترا هناك رياييل بعد شو اللي تغير يلست وللا نشيت مافرقت .. وبعدين أنا يوم بسير مابسير أتفيزر روحي أهليه ويايه .. والحشيم تراها حشيم يلست فالكوفيشوب وللا مايلست ... أما إذا ان هناك زحمة رياييل والكوفيشوب مافيه ولا عباه سوده ترا ها موظوع ثاني .. أنا مثلن يوم سرت المنار الأسبوع اللي طاف شفت ستاربكس كله رياييل من جيه مادخلت أما إذا ان محد هناك شو اللي يمنع اني أيلس وبل ريجي ؟!

 

[الأسـيف]

مشاركة: جلوس البنات في الكوفي شوب

شو يعني كوفي شوب

انا اللي فهمته انه محل شرب شاي

وشو يوديهم هناك

ها

اخر زمن بنات ايلسون بالمقاهي

هزلت

مصخره هي ..؟؟

الله يستر عليكم ابوي

يوم هاي رمستكم

فمان الله

 

[أجمل احساس]

مشاركة: جلوس البنات في الكوفي شوب

الأسيف ... احنا ياما يلسنا فالكوفيشوبات عمرنا ماتلفتنا يمين وللا يسار ولافكرنا فها الشي ... الحين ليش انها يلست فالكوفيشوب معناته ان هيه مش أوكيه وللا مب مربايه ...!! شو هالتفكير !!
أنا بنت وسمع عن بنات ياسيين فبيوتهم وللا حد يدري عنهم وشوف البلاوي اللي يسوونها ... انتو الرياييل تطالعون أشياء وتودرون أشياء ثانيه شو هالتفكير ؟!

 

[الأسـيف]

مشاركة: جلوس البنات في الكوفي شوب

اجمل احساس

الشي اللي ذكرتيه يمثل يمكن خمسه بالميه

والكوفي شوب خطوه من خطوات الشيطان

وين يالسين بناتنا يقعدون بالكوفي شوب

شو هالتخلف

عافانا الله

انا اترخص عن هالموضوع ومب فاضي اعور راسي

فمان الله

 

[أجمل احساس]

مشاركة: جلوس البنات في الكوفي شوب

اسمحلي اخويه باخذ من وقتك ثواني كيف يعني خمسه بالميه ؟ وليش تخلف ؟ الحين فكل مكان شي رياييل يعني الوحده إذا اشتغلت فمكان لازم بتتعامل مع رياييل اهنيه وهناك واحد مافرقت !!

 

[راعي الويلات]

مشاركة: جلوس البنات في الكوفي شوب

شوه رايك بجلوس البنات بالكوفي شوب؟؟؟؟؟؟

ما تبغي راي.. اصلا شو يودي البنات حق هالاماكن اللي تيب الرمسه من وراها.. سواء كانت البنت محترمه او غير محترمه.. تقعد ب بيت ابوها ابركه لها.. وسوي قعدات كوفي شوب.. موب احسن عن الحريم الكبار اهيه.. اللي برزاتهم مفتوحه صبح وعصرفي بيوتهم..ولا اظن روحات الكوفي شوب مخلفه عليها..

بنات آخر زمن...

 

[أجمل احساس]

مشاركة: جلوس البنات في الكوفي شوب

وذا البنت اتعودت من يوم هيه صغيره اسير وتي وتيلس فالكوفيشوبات شوتبونها اسوي خلاص صار هالشي عادي عندها ... وبعدين اللي يبا يرمس تراه بيرمس يلست البنت فبيتها وللا فالكوفيشوب وخاصه هل راس الخيمه الحش اببيزه .. وانا أذا بيلس أسمع كلام الناس شعري بيشيب ونا مابخلص

 

[رماااايل]

مشاركة: جلوس البنات في الكوفي شوب

هدوا اعصابكم هذا موضوع نقاش كل واحد يعطي رايه ...

والاسيف تقولي انك بالجامعه وماتعرف الكوفي شوب ..الاسيف الحين حبكت ويه هالموضوع وتعتبره تخلف ومادري شو ياما رمسنا عن مواضيع اخطر من هالموضوع الحين هذا صار فيه عوار راس الله يهديك بس..

اجمل احساس احترم رايج حبيبتي وتسلمين ع مرورج ...ويعطيج الف عافيه ..

راعي الويلات تسلم اخوي ع مرورك ..

وكل واحد يحترم راي اي عضو بالموضوع

وعين الصقر زين يوم فهمت الاسيف .


سلام
رمااااايل

 

[رووح الحــب]

مشاركة: جلوس البنات في الكوفي شوب

انا ما وافق

شو عيل كوفي شوب جدام خلق الله كلهااا
هذا اللي ناااقص



والله حاله
الله يكون في العون


تسلمين الغلا عل الموضوع



سلامي
رووح الحب