مشاركة: سؤااااااااال
خلااااص
ببدأ وامري لله
الحادثة الاولى
في يوم من الايام كنت طالع مع ربعي البحر للحداق وكنا تسع اشخاص وطالعين من الصبح
ونحن على بعد 35 ميل بحري من اقرب نقطة بر
المهم لما وصلنا المكان لي بنحدق فيه
كان الجو صافي ولانسمة هوا
والبحر طايح تقولون سيادة
ولا جدامنا او ورانا او حوالينا طرادات او مراكب
ماكنا الا نحن والبحر والسما
بعد ربع ساعة تقريبا مالاحظنا الا الطراد بدأ يغوص في البحر
بدون سابق انذااااار
كل منا يطالع رفيجه
والمشكلة كانوا معانا 4 مايعرفون يسبحون
وحتوا لو الكل كان يعرف يسبح من بيوصلنا للبر
هذي 35 ميل
مب 100 متر
المهم بعد ما غاص الطراد في البحر حاولنا ننقذ ربعنا لي مايعرفون يسبحون
والحمدلله انه كانت فيه علايج ( البوه اللي تطفوا على البحر ) مال القراقير
حطين كل واحده
ويلسنا تقريبا نص ساعة لا حس ولاخبر
ونحن نتبادل الاستراحة على هالعلايج
الي ان مر طرااااد من بعيد
تقولون انه واحد صب علينا ماي بارد من السما
والحقوا على الصراخ والزعييييق
حتى يسمعونا او يشووفونا
وربك السميع العليم لي كان يعلم بالحال
ولي ما كان فيه صيحه كان بيصيح
والحمدلله لي نجانا منها
والحادثة الثانية
ما احب اذكرها لانه فيها وفاة اعز الناس لي بالشغل
يالله شدوااا حيلكم :mf_bobby:
