دش دكتور فهد غرفه علياا... كانت امها اطالع التلفزيون.. و عليا راقده ع الشبريه اتفكر بموقفها مع ناصر..يلست ع الشبريه يوم جافت الدكتور ياي صوبها و مبتسم..
د فهد: السلام عليكم..
ام عليا"واقفه" عليك السلام دكتور..حيك ..
د فهد"يطالع عليا": اشحالها مريضتنا..
عليا امنزله راسها مستحيه..
ام عليا: الحمدلله اكيد خبروك الممرضات انها انطقت..
د فهد: هي خبروني بس ابا عليا اتقولي السالفه كلها..شو رايج عليا..
عليا منزله راسها تلعب بالشرشف..
ام عليا"تضحك" ويه البنيه متلومه مدري شو بلاها..
دفهد: امـايه الغاليـــــــه طال عمرج لو سمحتي..
ام عليا"اتقاطعه" ادري و الله بتريـا برع..
د فهد: السموحه هـا..
تم ساكت لي ما طلعت ام عليا..
د فهد: شخبـــــــارج عليـــــاا احسن احينه..؟؟
عليا"بتموت من المستحه" بخير دكتـور..
د فهد: افا كل ها الصوت العذب و ما تبين اتسمعينا ..ليش بخيله.؟؟
عليا"تبتسم" لا بس ..ما ادري..
د فهد:"جدم الكرسي و يلس جريب من الشبريه.."
عادي لو اسالج اترومين..اتردين علي ولا اخليج ترتاحين..
عليا: دكتور عادي ..جوف مافيني شي..خلاص ابا اطلع من هني..
د فهد: افا تبين اتهدينا ابسرعه.."متعمد"ولا مشتاقه لناس في راس الخيمه..
عليا:مب مشتاقه لـ حد بس ابا اطلع و ابني حياتي من الاول..
د فهد: و حياتج السابقه..
عليا: انا احس بعمري انولدت مره ثانيه..ابا انهي كل شي ف حياتي.. و اولهم.. "سكتت"..
د فهد: زوجج صح..
عليا"سكتت شويه" تدري انا صج انصدمت فيه..
د فهد: بس هو الي خلاج ترجعين و ترمسين شرات قبل..
عليا: لانه هو الي وصلني لها الحاله.. و هو الي "بدمع عيونها" ............
د فهد: جوفي علياا .. انا ما اروم اطلعج من المستشفى.. الا اذا وعدتيني..تنسين كل الي صار لج في حياتج.. انا ما ابا امنعج من زوجج بس هالقرار لج وحدج.. بس عطي نفسج مهله و فكري زين..
عليا: يلستي في المستشفى فتره كافيه..دكتور و انا اوعدك اني ما بضايج بعمري بس انت خليني اطلع من هني..
جمال: خلاص خلاص ول فلفل احمر..المهم انا ابصراحه..
عهود: هييييي
جمال:- انتي تدرين لو سلطان عرف اني رمستج بودر البلاد و بيي باول طياره..
عهود: يحليله سلطان.. المهم شو موضوعك..
جمال: ما قلتلج بعد ترا..هاك اليوم ..
عهود"مضايجه منه" اووووووه جمــــــــال انا ابروحي مصدعه..
جمال: خلاص خلاص..ول عليج..يا بوي السالفه و كل ما فيها..انا خاطب وحده... وجافتني البارحه اقردن وحده في المنار و احينه زعلانه شو اسوي..؟؟
عهود"ساكته شويه.. جان تنفجر ضحك" ههههههههههههههااااااا هههههههههه هههههههههه
عهود: قسم بالله انت انســـــان..
جمال: شو يالس انكت عليج انا..J
عهود: حد قالك اني د كتوره فوزيه اتحل المشاكل..؟؟
جمال: لا و الله محد قال لي بس ارجوج ساعديني كافي انج رفضتيني هاك اليوم..
عهود: الحمدلله يوم رفضتك..عيل ما تستحي لويهك خاطب ..و باجر بتعرس ساير اتقردن بالمنار عيب عليك ياخي..
جمال:- اوووو انا احينه خبرتج السالفه عشان اتساعديني.. مب اتزيديني كافي الي سمعته من هدوووووه..
عهود: منو هدووووه..
جمال:- خطيبتـي.
عهود: انزين كيف تباني اساعدك...تباني ارمسها يعني..و اتفشلني و ترجع اتغازل..اسـفه..اذا صج بتوعدني وعد رياييل انك ما بتكررها انا برمسها ..ها شو قلت..
جمال: لاحـول ابتلشنا هاي طلعت اخس عن هدوووه..
عهود: لا تقعد تتحرطم شرات الخدم..شو قلت..
جمال: بفكر و برد لج خبر..
عهود"تبتسم" عيل انت ليش متصل.. يعني بعدك تبا اتغازل..؟؟صح..؟
جمال: ياخي شي يركض بدمي..
عهود: عيل السموحه ما اقدر اساعدك و تستاهل الي اتسويه فيك هدى..
جمال: خلاص خلاص اوعدج ..
عهود: وعد الحر شووووو
جمال: شو يالسين في الصف حنا..
عهود"اتعيد الجمله":- وعد الحر شو قلنـــــــاا.
جمال"يصرخ شرات اليهال" دين يا ابلــــــــــــــــــــه..
عهود:تبعد الموبايل عن اذونها":- حسبي الله ع ابليسك انطرت الطبله..
جمال"يضحك" ههههههههههههههههاا يلاا بعطيج رقمها و رمسيها ...
بها اللحظه دش ناصر..
عهود: اوكى طرشي الرقم بالمسج و برمسها عقب اوكى الغاليه مع السلامه.."وصكرت التلفون"
استغربت عهود من وجود ناصر داخل حجرتها..من زمان ما دشها..ولا سولف مع عهود احينه شو يبا منها..
ناصر: اترمسين منو..؟؟
عهود: ربيعتي..
ناصر"يلس ع الشبريه" شو اخبارج عهود......؟؟
عهود "مستغربه" طيبه.. خير..؟؟
ناصر: اكيد انتي اتعرفين كيف كانت علاقتي بـ سعاد..
عهود: اعرف..
ناصر: خلاص سعاد راحت بنصيبها..؟
عهود: تزوجت !!!
ناصر: هيييي... و انا ندمان بلي سويته بـ عليا ..اباج اتفهميها انها مجرد نزوه..
عهود: ان شا الله كلنا نغلط و نعترف بغلطنا.. بس احينه ما اقدر بها الفتره لان حالتها يمكن ما تسمح..
ناصر: عيل متى....؟؟
عهود"حست عمرها مصلحه اجتماعيه" ان شا الله بعد ما تظهر من المستشفى..
ناصر"يمسك ايدها" الله يخليج احس اني صج مالها الدنيا طعم من غير عليااااا
عهود"مستانسه لان ناصر رجع شرات قبل" من عيـوني اخوي..اكيد احب لك الخير ولاختي عليا..و ان شا الله بسوي المستحيل عشان ارضيكم..
ناصر: تسلمين الغاليه و سامحيني ..اذا غلطت عليج فيوم..ترا كل ها عشان مصلحتج..
عهود:مسموح و لو انت اخوي العود..
ناصر"يبوسها فوق راسها" اعتمد عليج..
عهود"تبتسم" ما عليك..يصير خير..
**
.. قدرت عهود انها تصلح بين هدى و جمال.. بس كان صعب عليها انهها اتغير راي عليااا..
بعد ما طلعت عليا من المستشفى راحت بيتهم.. و شلت اغراضها...ركبو عهود و امها سياره ناصر.. رايحات يزورون عليااااا في بيت اهلهاا..
و قبل لا تنزل عهود من السياره..
ناصر:- عهود لا تنسين الي اتفقنا عليه..
عهود: فالك طيبJ
ام ناصر: شو مسوين حرب..
عهود"تضحك" بعدين بخبرج..
و نزلوا من السياره..
كان البيت فاضي ما فيه الا عليا و امها.. ابوها و اخوها و حرمته شيخه مسافرين الخارج..
استقبلتهم ام عليا.. و يلسوا في الصاله.. يتريووووون علياا..ناصر يحس...بضعف في داخله.. بس ما ببيـن ها الشيء..
طلعت لهم علياا..سلمت عليهم..حضنتها عهمتهاالي هي "ام ناصر" و عهود يلست تحضنها.. و اتبوسها..
و يوم وصلت عند ناصر..
""اعتذر لج و ادري ما راح تعذرين..ادري في قلبج تسببت بجروح..
بس و الله لو ظروفي تعرفين ..كان روحج عن فؤادي ما تروح..""
مدايده يسلم عليها.. و كان يطالعها ..يبا يعرف ردت فعلها.. مدت ايدها عليا.. و اجدم عشان يبوسها فوق راسها.. بس عليا راحت بعيد عنه..حس ناصر بالاحراج من الموقف...بس ام عليا غطت ع الموقف..
ام عليا: استريحـوا ..تو ما نور البيت..
ام ناصر: امنور بوجودج الغاليه.و بوجود عليا ربي يخليها..
عليا"اتحس بنظرات ناصر عليها" و بوجودج عموووووه..
يوم حس ناصر انه ماله مكان هني.. و عليا امطنشتنه..اعتذر .. و طلع.. و قالهم بيرجع بعد ..شويه..
عليا"قبل لا يطلع ناصر" لحـظه ........ناصر..؟؟
ناصر"مستانس" لبيـــــه يا الغلالا..
عليا"باراده قويه" عندك فرصه لها الاسبوع اذا ما وصلتني ورقة طلاقي ..برفع لك قضيه بالمحكمه..
ام عليا" واقفه" شفيج عليـااااا
ام ناصر: صلي ع النبي يمه..
ناصر حس بالاحراج..تم يطالعهم و طلع من البيت...ركب سيارته امحرج..قعد يرمس عمره.. و يصرخ.."يعني الواحد ما يغلط خلاص حرام اتسامحينه.."
وشغل السياره و اتحرك يدور له مكان ينسيه كل همه..بعد ما فاجئته علياااا بقرارها..
عهود"محرجه" انت و بعديـــــــن وياك احترم نفسك..
عليا مستغربه ليش عهود جي انجلبت فجاه..
سلطان:هههههههههههههههه فديتها يوم اتحرج..
عهود: و الله اصكر التلفون ابويهك.. و اذا اتصلت مره ثانيه ع هالرقم بخبر عليك الشرطه..
سلطان"ميت ضحك" هههههههههههههههههههههههههههههههههههه
طلعتي من قوم هييل الي يشتكون بالشرطه..
عهود استفزتها ضحكت سلطان..ففرت التلفون لـ عليا..
و طلعت برع الحجره تيلس مع امها و ام عليا..
عليا: الـووو
سلطان: عليـــــــــا خالي وينج انتي..شو صار لج..
عليا"و تتيمع الدموع بعيونها" سلطـان ليش رحت و خليتني ابروحي..
سلطان"مضايج" الله يعوضج غيره وايد ناس شرات حالج يلا الحمدلله ع سلامتج..شحالج احينـه...و اشحالها اختي..صج اياااام مرت ما عرفت ارقد احاتيكم..
عليا"تمسح دموعها" متى بترجع..
سلطان: جريب و الله جريب جم اسبوع و بكون عندج..
عليا"تترجاه" سلطان اخوي و ابوي مسافرين وشكلهم امطولين برع الدار..انا انا وايد "تصيييييح" محتاجتنك..
سلطان: علياا شو مستوي !!Lشو السالفه..ناصر شو سوا بج..؟؟
عليا: "ترمس و اتصيح" ناصر كان يخوني ويا وحده و متفق معاها ع الزواج.. انا ابتطلق منه بس هو مب راضي..شو اسوي..
سلطان"محرج" شووووووو النذل عشان جي ما كان ايرد علي..
عليااا"اتكمل كلامها" بهدلنـي..بسببه طاح ولـدي..و ما رمت ارمس شهور من الصدمه... كنت في مستشفى الامراض النفسيه في دبي..
عليا: عهود مستحيل بتقولك بداري ع اخوها..
سلطان: ما عليه انا براويه يوم بيي النذل..
عليا"تصيح": طلقنـي منه الله يخليك...
سلطان"يحاول يهديها" اسمعي خالي..يمكن الله راد اطيحين هالولد عشان ما يكون شي يربطج بـ ناصر..قولي الحمدلله..و لا تيلسين اتصيحين جي..عورتي قلبي..و ان شا الله يوم بيي انا بتصرف..يلا اسكتي عاد حبي..
عليا"تمسح دموعها" مشكور سلطان انا ادري انت الي بتساعدنـي..
عليا:- هذي عهود توها دشت الحجره؟
سلطان:- عطيني ابا ارمسهـا..
عليا"اتمد ايدها" يبـاج..
عهود"متاففه" نعـم..
سلطان"يصرخ عليها" ما عليه دوااااااااج عندي
عهود: شو عندك انت ...؟؟يالس اتصارخ..
سلطان: ليش ما قلتي ان عليا جي كان حالها..ها ..انا ارويج و اراوي اخوج النذل..
صكرت عهود التلفون ابويهه..
عليا:اسفه عهود..
عهود"تيلس" ما عليج ها خالج مينوووووووون يالس يلومني انا اشلي..يلالا قومي نيلس مع امج..و امايه..
عليا: ليش عصبتي من سلطان من ساعه و طلعتي برع الحجره..
عهود: عليا تراني تطلقت من سند..
عليا"مصدومه" ليش ..؟؟
عهود"تبتسم" غبااااااااء ..قلتله اني احب مايد الشحي..
عليا: هبله انتي..
عهود: ها نصيبي..
ناصر يالس بالقهوه يشيش ويا الربـع.. كان يسمع سوالفهم بس هو كان بوادي يفكر بطريجه كيف يراضي عليا..
رن موبايلها.. جاف رقم من الخارج.. اتوقع يكون سلطان..حول التلفون لـ صامت..مب فايج يرد عليه..اكيد عليا خبرته السالفه وحى لها..
تم سلطان يتصل به حوالي ثلاث مرات..اخرتها.. وصله مسج....
" و الله ثم و الله يا نصور اذا رجعت بعد ثلاث اسابيع و انت مب امطلق عليا حسابنا بيكون عسير..و الله اني ما بندم ع أي شي بسويه و ان شا الله اتم طول حياتي في السجن..."
ناصر محرج ويمسح المسج سير لااه..شويه اتصلت به عهود عشان ايي ياخذهم البيت..
**
و في السياره.
ناصر: شو كلمتيها..
عهود: مصره ع الطلاق..
ناصر"يهز راسه" جان اقنعتيها..
عهود: و الله حاولت ابصراحه عليا اتغيرت و صارت عنيده..
ام ناصر: البنيه يوم انها ما تباك خلها اتروح ابنصيبها..
عهود: و انا بعد اقول جي..لو رجعتلك بتكون حالتها النفسيه تعبانه..
ناصر:"يتنهد" اخاف اطلق و اندم انا اباها ...
عهود: ما ادري جوف شو بتقرر..
ام ناصر: الله يهديها جي طلاق من غير سبب..
عهود و ناصر يطالعون بعض..
**
ناصر يجلب ع الفراش مضايج.. و مب عارف شو يتصرف..احينه سلطان دش بالسالفه.. و بعدين ابوها و عمها.. رن موبايله..
ناصر"يرد من غير ما يجوف الرقم" الـوووو
سعاد: وحشتنـي..
ناصر"مصدوم" سعـاد..!!
سعاد: اكتشفت اني ما اروم اهدك...انا رجعت البلاد..
ناصر"يتطنز" وولد خالتج..
سعاد: يولي انا اباك انت..
ناصر يفكر دام سعاد ردت له.. و عليا ما تباه.و ما وراها الا المشاكل .اتولي.
سعاد: وينــــــك...نصوري..
ناصر: اشتقتلج..حبي لو طلقت بتزوجيني..
سعاد: هي اكيــــــد..
ناصر:يعني انتي احينه مب مخطوبه..
سعاد: لا انا قلت اهلي ما ابا ولد خالتي اباك انت..
ناصر"مستانس" فديــــــــتج صج انج وفيـه مب شرات عليا ناكره للجميـل..
سعاد"تضحك" لو سمحت لا تطري حريم اغار..
ناصر يضحك.. و حس ان حياته ويا سعاد بترد شرات قبل ..سعاد بتغرقه حب و شوق و غرام مب شرات عليا ما وراها الا الحنه و الرنـه ..و المشاكـل..
**
كانت عليا يالسه في الصاله تقرا مجلة زهرة الخليج..دشت عليها امها..
ام عليا: يمه خذي هاي الورقه ناصر يابها..ما رضى يدخل و سلم عليج وايد..
عليا: الله يسلمه.."فتحت الورقه صكرتها.. و غمضت عيونها" الحمدلله ك ربي هم و انزاااااااااح..
ام عليا: شو بلاج..؟؟
عليا"تتنهد": تطلقت يمه..خلاص طلقني ناصر..
ام عليا"اتصيح" ليش يمه ليش سويتي جي..
حضنت عليـاا امها...
عليا: لو قلتلج صدقينـي ابروحج بتستانسين من طلاقي ..
قامت عليا و اتصلت..بـ سلطان.
سلطان"ع طول يرد" هلا خالي شحالج..؟؟J
عليا: ابخير..سلطان تطلقت..
سلطان"سكت شويه" ابصراحه انتي صج مرتاحه..
عليا: من حقك تسالني هالسؤال بس لو جفت حالتي قبل..ما بتسال بلعكس بتبارك لي..
سلطان: خليييه يولي السبال بعدني النار تاكل قلبي ..
عليا: خلاص سلطان..خله ابطريجه و نحن بطريجنـا..
سلطان: كيف كل واحد ابطريج ها الي سواه مب شويه..
عليا: عشاني سلطان كافي مشاكل.
سلطان: الي تبينه..بس اخاف ما يطيع يزوجني عهود..
عليا"تضحك" هههههههه تبا عهود هاااااااا
سلطان: احبهـا ..بعدج ما دريتي..
عليا: يوم بترجع بخطبها لك ع طول و ناصر ماله حق يرفض او يوافق الشور شور ععهوووووود..
سلطان: الله كريم ..
**
كانت عهود تمشي في ممر المبني في جامعه الاتحاد.. اتفاجات يوم جافت سعاد.. مجابلتنها..يعني ردت من السفر..هاااااااا عشان جي ناصر ..ابسرعه غير رايه و طلق عليا..
وقفت عهود يوم جافت سعاد اتكلمها من بعيد..
سعاد: لا اطالعيني جي بتفتكين مني ييت اسحب اوراقي
عهود: جي حد قالج هاي جامعة ابوي..
سعاد:- لاااا محد قال بس الظاهر انتي ما تبين اجوفينـي خلاص ما اطيقين شي اسمه سعـاد.
عهود"اتهز كتفها" ما عاد يهمنـي شي..
سعاد: بعدج ويا الشاعر..
عهود" و هي سايره" ما يخصــــــــج..
سعاد: لازم تتحمليني باجر بصير حرمة اخوج..
وقفت عهود ابمكانها.. و رجعت اجابل سعاد..
عهود"تبتسم" نجوم السما اقرب لج حبيبتي..
وراحت عنها..
عصبت سعاد من استفزاز عهود لها..فكرت اتخبر عليها ناصر عشان يأدبها و تحترم نفسها مره ثانيه يوم بترمس معهااااااا
**
حست عليا ابضييييج كانت تذكر كيف كانت حياتها مع ناصر..كيف تهتم فيه..بس هو الي ما بغاها..معقوله اتكون ندمانه لانها طلبت الطلاق..
فتحت شنطتها.. و طلعت بطاقة الدكتور فهد..اتصلت له بدون تردد..
د فهد:- السلام عليكم.....
علياااااا:- عليكم السلام..
د فهد: منو معاي....؟؟
عليا: دكتور انا انا ..."سكتت شويه" انا عليــــــــاا
د فهد"جنه يحاول يتذكر منو عليا": عليااااااا ..هلا علياا توج ذكرتينـا..
عليا: دكتور انا ع بالي نسيتني..
د فهد: انا ما انسى مرضاي..شو اخبارج..
عليا:احس ابفراغ مدري ليش..؟
د فهد: شو الي صار يخليج اتحسين بها الشيء..
عليا: البارحه وصلتني ورقه طلاقي..
د فهد: و بعدين..
عليا: اخاف اكون متندمه انا ما اعرف ابصراحه شو موقفي..
د فهد: بعدج تحبينه..صح..؟عشان اتحبينه طلبتي الطلاق لانج ما تتحملين اتجوفينه وحده غيرج اتشاركه..
عليا:"شويه بتصيح" احس محد لي فـ الدنيا اهلي مسافرين.. بس امايـه ..المفروض ناصر ما يتخلى عني..
د فهد: و انا وين سـرت ..تبين اتزعليني منج..صدقيني الريال ما يحب يذل عمره .. و ناصر يحس انه مذلول من صوبج..بسالج سؤال..
عليا:اتفضل..
د فهد:- لو بغى يردج ..بتوافقين..
عليا"من غير تفكير" لا مستحيــــــــل..
د فهد"سكت شويه" عيل ليش كل هالمشاعر الي اتحسين فيها..
عليا"اتحس بصداع" انا مدري انا تعبـانه دكتور..
د فهد: هدي انزين تبين اصكر عنج عشان ترتاحيـن..
عليا: لا انا احس ابراحه و انت تسمعني انت الوحيد الي فاهمني..
و يلست اتسولف مع د فهد من غير ما يحسون بالوقت..
**
عهود لابسه عبايتها..تتريا الدريول..
ام ناصر: خبرتي اخوج..
عهود: كافي انتي تدرين وين بروح..
ام ناصر: بعصب عليج..
عهود"معانده" هو طلق عليا بس نحن ما طلقناها صح امايه..
ام ناصر: يمه خبري اخوج قبل بسوي لنا سالفه ..
عهود"مصره ع موقفها": ليش اخبره..انا طالعه وين عليا مب وحده غريبه.. بعدين هو ما يخصه..فينـي انا مب ياهل..
ام ناصر: و الله انا قلتج و انتي كيفج..و بعدين اذا سالني شو اقوله..
عهود: قوليـه انا في بيت عليا.. و بس..
قامت عهود من مكانها يوم سمعت هرن السياره.. ركبت السياره و راحت..بيت عليا..
عليا يالسه في الصاله تتريا عهود.. رن موبايلها..
عليا: هلا دكتـور..
د فهد: شو اتفقنــــــــــاا..
عليا: متعوده دكتور..
د فهد: بعد دكتـوووووور ..
عليا"تضحك" ولا تزعل فهد..
د فهد: هي جـي اباج...حلاتج يوم تنطقين اسمي..
عليا"مستحيه" اسمه الي يحلي صوتي..
فهد: لاااااااااا
عليا: احينه عهود بتيي..
فهد:يعني جم يبا لي وقت لي ما اوصل..
عليا: من هني لي دبي قول ساعه و نص..
فهد: خلاص بعد ساعه بطلع من البيت..
عليا: خلاص ..نتلاقي في المطار..اسمع صوت الهرن..
فهد: اتحملي ع عمرج..
عليا: انشا الله..
ام عليا: يلاا عليـاا عهود برع..
عليا" اتصكر التلفون" يلاا يايـــــــــــه..
ركبوا ام عليا و عليا السياره.. مع عهود.. رايحين المطار يستقبلون سلطان..
عهود: احس بعمري رزه..
ام عليا: ليش يمه كلنا اهل..
عليا"تغمز بعيونها" صدقيني بستانس سلطان..
عهود: شو قصدج اخاف يكفخني تراه امحرج مني..
عليا: ما ايروووووم قلبه ما يطاوعه..
عهود"مرتبكه فاهمه قصد عليا": اونج..
**
ناصر: فديتج سعاد من زمان ما يلسنا هاليلسه الحلوه..
سعاد: متى بتخطبنـــــــي..؟؟
ناصر: انتي اشري..لو تبين الحينه..
سعاد: تضحك"هههههههه بعد اسبوع...شو رايك..
ناصر: بعيييييييييد..
سعاد: لا مب بعيد امناسبني..اخاف ياخذونك مني..
ناصر: انا الي اخاف انج اضيعين مني ما صدقت رديتي..
سعاد: نفس الشعور حبيبي..
و نزلوا في مطعم يتغدووووون..
.
.
๑ معانـي๑
.
.
يسعد لي مساج يا الغاليه..!
تسلم يمناج ع البارت..!
ونبى عيديتنا تكون الجزء الأخير..:Good:
.
.
مبروك على عليا الطلاق تستاهل..!
والله وطلعتي مب هينه ياغناتي قلت لج الدكتور فهد بيكون له دور..:dontwanna
.
.
وسعـاد..استغفر الله يعلها يا ربي بطهف يشلها..!
وهذا ناصر من أول القصه أصلا وهو خديــه..!
.
.
عدل عدل..سلطان بيرجع من السفــر..!
اللحينه عرب بينقهرون...:mf_type:
.
.
أنتظر الجزء الأخير..!
وأبدعتـي..!
.
.
